close

ასტრონომია - კოსმოსი

ასტრონომია - კოსმოსიმანქანათმშენებლობამსოფლიოტექნოლოგიები

რაკეტა, როგორც საქალაქთაშორისო ტრანსპორტი

455 views on

სილიკონის ველის მილიარდერმა – ელონ მასკმა პარასკევს გამოაქვეყნა ამბიციური გეგმები მარსზე განსახორციელებელი პილოტირებული მისიის შესახებ.

SpaceX- ი თავის პირველ მოგზაურობას წითელ პლანეტაზე 2022 წელს აპირებს. თუმცა მისიის დროს მხოლოდ ტვირთს გადაიტანენ, რასაც ორი წლის შემდეგ მარსზე ადამიანის გაგზავნა მოჰყვება.

აღსანიშნავია, რომ „ნასას” პირველი პილოტირებული მისია მარსზე ამ დროიდან დაახლოებით ათ წელიწადში იგეგმება.

SpaceX- ის აღმასრულებელმა დირექტორმა და წამყვანმა დიზაინერმა – მასკმა განაცხადა, რომ კომპანიამ მარსზე გასაგზავნი რაკეტის ზომა შეამცირა.

მასკმა გაახმოვანა იდეა მარსზე გასაგზავნი რაკეტის დედამიწის ერთი ადგილიდან მეორეზე გადასაადგილებლად გამოყენების შესახებ.  ავსტრალიის ქალაქ ადელაიდაში გამართულ კონფერენციაზე მასკმა ვიდეო წარმოადგინა, სადაც ნაჩვენებია, თუ როგორ ეშვება რაკეტა ნიუ-იორკიდან, შემდეგ კი მსოფლიოს სხვადასხვა ადგილას ჯდება. აღსანიშნავია, რომ ის სამყაროს ორ მოპირდაპირე მხარეში მდებარე ქალაქებს შორის მოგზაურობას ერთ საათზე ნაკლებ დროს ანდომებდა.

SpaceX-ი არის ერთ-ერთი იმ რამდენიმე საწარმოს შორის, რომლებიც აცხადებენ, რომ კოსმოსში მარსზე მიმავალი მარშრუტის გახსნა სურთ. მარსი დედამიწიდან 225 მილიონი კილომეტრითაა დაშორებული და მასზე პირველი ადამიანის გაგზავნა საკმაოდ ამბიციური მიზანია.

SpaceX-ი, რომელიც მარსის კოლონიზაციის მიზნით დაარსდა, არის ერთ-ერთი კერძო და სახელმწიფო დაფინანსების მქონე საწარმო, რომლის მიზანია წითელ პლანეტაზე ხალხისა და ტვირთის განთავსება.

Amazon.com- ის დამფუძნებელი – ჯეფ ბეზოსის კოსოსური საწარმო Blue Origin-ი მარსზე გასაგზავნად მძიმე მანქანა New Armstrong-ს ქმნის.

რუსეთი და ჩინეთი ემზადებიან მთვარეზე პილოტირებული მისიის განსახორციელელად. რუსეთი მთვარის ორბიტაზე „ღრმა კოსმოსური კარიბჭის“ კოსმოსური სადგურის მშენებლობის მიზნით „ნასა“-სთან თანამშრომლობაზე დასთანხმდა. აღნიშნული კოსმოსური სადგური მომავალში გამშვებ პუნქტად იქცევა ღრმა კოსმოსის მისიების, მათ შორის მარსის მისიისათვის.

 

წყარო: Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიტექნოლოგიები

რაკეტა, როგორც საქალაქთაშორისო ტრანსპორტი

1.2K views on

სილიკონის ველის მილიარდერმა – ელონ მასკმა პარასკევს გამოაქვეყნა ამბიციური გეგმები მარსზე განსახორციელებელი პილოტირებული მისიის შესახებ.

SpaceX- ი თავის პირველ მოგზაურობას წითელ პლანეტაზე 2022 წელს აპირებს. თუმცა მისიის დროს მხოლოდ ტვირთს გადაიტანენ, რასაც ორი წლის შემდეგ მარსზე ადამიანის გაგზავნა მოჰყვება.

აღსანიშნავია, რომ „ნასას” პირველი პილოტირებული მისია მარსზე ამ დროიდან დაახლოებით ათ წელიწადში იგეგმება.

SpaceX- ის აღმასრულებელმა დირექტორმა და წამყვანმა დიზაინერმა – მასკმა განაცხადა, რომ კომპანიამ მარსზე გასაგზავნი რაკეტის ზომა შეამცირა.

მასკმა გაახმოვანა იდეა მარსზე გასაგზავნი რაკეტის დედამიწის ერთი ადგილიდან მეორეზე გადასაადგილებლად გამოყენების შესახებ.  ავსტრალიის ქალაქ ადელაიდაში გამართულ კონფერენციაზე მასკმა ვიდეო წარმოადგინა, სადაც ნაჩვენებია, თუ როგორ ეშვება რაკეტა ნიუ-იორკიდან, შემდეგ კი მსოფლიოს სხვადასხვა ადგილას ჯდება. აღსანიშნავია, რომ ის სამყაროს ორ მოპირდაპირე მხარეში მდებარე ქალაქებს შორის მოგზაურობას ერთ საათზე ნაკლებ დროს ანდომებდა.

SpaceX-ი არის ერთ-ერთი იმ რამდენიმე საწარმოს შორის, რომლებიც აცხადებენ, რომ კოსმოსში მარსზე მიმავალი მარშრუტის გახსნა სურთ. მარსი დედამიწიდან 225 მილიონი კილომეტრითაა დაშორებული და მასზე პირველი ადამიანის გაგზავნა საკმაოდ ამბიციური მიზანია.

SpaceX-ი, რომელიც მარსის კოლონიზაციის მიზნით დაარსდა, არის ერთ-ერთი კერძო და სახელმწიფო დაფინანსების მქონე საწარმო, რომლის მიზანია წითელ პლანეტაზე ხალხისა და ტვირთის განთავსება.

Amazon.com- ის დამფუძნებელი – ჯეფ ბეზოსის კოსოსური საწარმო Blue Origin-ი მარსზე გასაგზავნად მძიმე მანქანა New Armstrong-ს ქმნის.

რუსეთი და ჩინეთი ემზადებიან მთვარეზე პილოტირებული მისიის განსახორციელელად. რუსეთი მთვარის ორბიტაზე „ღრმა კოსმოსური კარიბჭის“ კოსმოსური სადგურის მშენებლობის მიზნით „ნასა“-სთან თანამშრომლობაზე დასთანხმდა. აღნიშნული კოსმოსური სადგური მომავალში გამშვებ პუნქტად იქცევა ღრმა კოსმოსის მისიების, მათ შორის მარსის მისიისათვის.

 

წყარო: Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიკვლევებიტექნოლოგიები

ელონ მასკი მარსის კოლონიზაციის დაწყებას უახლოეს ხუთ წელიწადში გეგმავს

2K views on

ელონ მასკი მარსის კოლონიზაციის დაწყებას უახლოეს ხუთ წელიწადში გეგმავს. 

ორშაბათს, მასკმა Twitter-ზე დაწერა, რომ ავსტრალიის ქალაქ ადელაიდაში, საერთაშორისო ასტრონომიულ კონგრესზე, „მნიშვნელოვნად გაუმჯობესებულ“ გეგმას წარმოადგენდა. დიდი ალბათობით, ცვლილებები უნდა შეხებოდა ორნაწილიან, 40-სართულიანი შენობის სიმაღლის ხომალდს, რომელსაც საპლანეტათშორისო სატრანსპორტო სისტემა ეწოდება და რომელმაც, წითელ პლანეტაზე თავდაპირველად 100-200 ადამიანი უნდა წაიყვანოს.

როდესაც საპრეზენტაციო ეკრანზე დაეწერა „2022“, მასკმა იგრძნო, რომ საჭირო იყო განმარტება: „ეს არ გახლავთ ბეჭდვისას დაშვებული შეცდომა… ეს მისწრაფებაა“. 

2022 წლისთვის, SpaceX მარსზე სულ მცირე ორი სატვირთო ხომალდის დასმას გეგმავს, რომელთა მიზანი „წყლის რესურსების შეფასება და რისკების იდენტიფიცირება“ იქნება; გარდა ამისა, ხომალდებმა პლანეტაზე უნდა განათავსონ ენერგიის მიმღები, საბურღი და სიცოცხლისათვის აუცილებელი სხვა ინფრასტრუქტურა.

წყლის რესურსები აუცილებელია ხომალდების რეაქტიული აჩაქარებისა და უკან, დედამიწაზე დაბრუნებისათვის.

2024 წლისთვის, მასკს უკვე ოთხი ხომალდის სურს, რომელთაგან ორი, 100-100 ადამიანს წაიყვანს, ორი კი ტვირთებს წაიღებს. გზაში ისინი სამ თვეს გაატარებენ.

ეს მისია თან წაიღებს რაკეტების გაშვების დეპოს აშენებისათვის საჭირო ტექნიკას — მზის პანელებსა და საბურღ აღჭურვილობას წყლისა და CO2-ის გადასამუშავებლად.

ამის შემდეგ, ერთი ხომალდით დაწყებული ბაზა ზრდას დაიწყებს:

 მასკის თქმით, ამ ეტაპს უკვე მოჰყვება მარსის ტერაფორმირება და „სიცოცხლისთვის ხელსაყრელ ადგილად ქცევა“, დაახლოებით ასეთად:

სისტემა მასკმა პირველად შარშან წარადგინა მექსიკის ქალაქ გვადალახარაში, საერთაშორისო ასტრონომიულ კონგრესზე; კოლონიზაციის დეტალური გეგმა კი ივნისში დაიბეჭდა ერთ-ერთ სამეცნიერო ჟურნალში.

თუმცა, წლევანდელ ღონისძიებაზე, მასკის გეგმები თითქმის დაჩრდილა რამდენიმე საათით ადრე კომპანია Lockheed Martin-ის მიერ წარმოდგენილმა მარსის საბაზო ბანაკის გეგმამ:

 ეს კომპანია მარსზე ადამიანების გაგზავნას უახლოეს ათ წელიწადში გეგმავს და აქტიურად თანამშრომლობს NASA-სთან ღრმა კოსმოსის კარიბჭისა და მარსის მავალის პროგრამებში.

Lockheed-ის 50-წუთიანი პრეზენტაციის მსვლელობისას, მასკმა გააუქმა საკუთარი პრეზენტაციის შემდეგ დაგეგმილი პრესკონფერენცია.

მაგრამ როგორც აღმოჩნდა, მასკის ამჟამინდელი გეგმა მარსზე 2022 წელს დაჯდომას ითავლისწინებს; როგორც მან ჟურნალისტებს განუცხადა, მოგვარებულია ხარჯების პრობლემაც.

ადამიანები წითელ პლანეტაზე BFR მოდულით გაემგზავრებიან. მისი ბოლო დაგეგმარება კი ასეთია:

 

მისიის ხარჯების 100 000$-მდე შემცირება დიდწილადაა დამოკიდებული იმაზე, თუ რამდენად სრულყოფს SpaceX-ი „ავტომატური შეხვედრისა და შეპირაპირების“ სისტემას. ხომალდი BFR დედამიწის ქვედა ორბიტამდე მისაღწევად 150 ტონა საწვავს დაწვავს, კიდევ საჭირო 150 ტონას კი კოსმოსში „მარსამდე მისასვლელ გზაში შეივსებს“.

„თუკი ტანკერს ხელახლა გამოყენების ფუნქცია ექნება, საჭირო იქნება მხოლოდ ძრავების შევსების ხარჯი“, — აღნიშნა მასკმა და იქვე დაამატა, რომ ეს მეთოდი „აბსოლუტურად ფუნდამენტურია“ ხარჯების შესამცირებლად.

მასკის განცხადებით, მომავალ წელს, ჩვენ ვიხილავთ რაკეტა Dragon 2-ის ავტომატური შეპირაპირების შესაძლებლობებს, როდესაც ის საერთაშორისო კოსმოსურ სადგურს ადამიანების ნულოვანი ჩართულობის გარეშე შეუერთდება.

„დააჭერ მხოლოდ გამშვებ ღილაკს და ყველაფერ დანარჩენს ის თავისით გააკეთებს“, — აღნიშნა მასკმა.

BFR-სათვის საჭირო თანხებს SpaceX-ი თანამგზავრების გაშვებისა და საერთაშორისო კოსმოსური სადგურის მომსახურებიდან მიღებული შემოსავლებით შეაგროვებს. აღსანიშნავია, რომ მასკს ასევე აქვს გეგმა, რომ BFR საერთაშორისო კოსმოსურ სადგურსაც მოემსახუროს:

 ადვილად შენიშნავთ თუ რამდენად დიდებულია BFR, როდესაც SpaceX-ის ხომალდების განვითარების პროცესს შეხედავთ:

კაბინის სივრცეში წნევა ჰერმეტიზაციის დონე მეტი იქნება ვიდრე ეს Airbus A380-შია, რაც 40 კაბინისა და საერთო სივრცის განთავსების საშუალებას იძლევა.

თითოეულ კაბინაში შესაძლებელი იქნება 5-6 ადამიანის განთავსება, მაგრამ იდეალური ვარიანტი სამი კაცია, საბოლოო ჯამში 100 ადამიანი თითო ფრენაზე.

კოსმოსურ ხომალდს ასევე ექნება მზის შტორმისგან დამცავი თავშესაფარი, საწყობი, სამზარეულო და გასართობი ზონა.

და რაც ყველაზე მთავარია, ორი დამშვები ძრავი, რომელტა გამოყენებაც საჭირო გახდება კრახის შემთხვევაში.

მომზადებულია Business Insider-ის მიხედვით. 

წყარო:  http://1tv.ge/

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსისაქართველო

საქართველოში ,,ვოიაჯერისა” და ,,ჩაკრულოს” კოსმოსში გაშვების საიუბილეო ღონისძიებები გაიმართება

278 views on

 28 სექტემბერს, 19:00 საათზე, საქართველოს კულტურისა და ძეგლთა დაცვის სამინისტროს მხარდაჭერით, თბილისის ოპერისა და ბალეტის სახელმწიფო თეატრში გაიმართება ,,ვოიაჯერისა” და ,,ჩაკრულოს” კოსმოსში გაშვების საიუბილეო ღონისძიებები, რომელსაც საქართველოს კულტურისა და ძეგლთა დაცვის მინისტრი მიხეილ გიორგაძე დაესწრება. 

 საიუბილეო ღონისძიებების ფარგლებში, 28 სექტემბერს, 12:00 საათზე, დაგეგმილია მარსის პროგრამის ამჟამინდელი მთავარი ინჟინერის,  რობ მენინგის უფასო ინტერაქციული ლექცია, 19:00 საათზე კი მხატვრულ-დოკუმენტური ფილმის – „სიმღერა“ პრემიერა და ანსამბლ „ერისიონის“ კონცერტი. კონცერტის ბოლოს, დაგეგმილია Voyager-ის პროგრამის ყოფილი მენეჯერის, ახლა უკვე ლეგენდად ქცეული, 80 წლის ჯონ კასანისა და 78 წლის როსტომ საგინაშვილის (მისი ხმა კოსმოსშია გაგზავნილი)  სცენაზე შეხვედრა.

1977 წელს, ლეგენდარული მეცნიერის კარლ საგანის ინიციატივით, NASA-მ კოსმოსში გაგზავნა ე.წ. „ოქროს ჩანაწერი“, რომელზეც 27 მუსიკალურ ნაწარმოებს შორის იყო ქართული „ჩაკრულო“ („ერისიონის“ ჩანაწერი). ამ, მართლაც ისტორიული ფაქტის შესახებ, რეჟისორმა რამაზ ბლუაშვილმა მოამზადა მხატვრულ-დოკუმენტური ფილმი „სიმღერა“, რომლის გადაღებებიც NASA-ში მიმდინარეობდა. მასში მონაწილეობენ ის ადამიანები, რომლებმაც  „ჩაკრულო“ შეარჩიეს კოსმოსში გასაშვებად.

ამერიკის საელჩოსა და  საქართველოს მთავრობის მხარდაჭერით, ასევე,  ფონდ „ნოვას“ ორგანიზებით, 25-28 სექტემბერს „ჩაკრულოს კვირეული“ტარდება, რომელიც უცხოური მედიის აქტიური ჩართულობის გამო, ერთ-ერთ უმნიშვნელოვანეს საერთაშორისო მასშტაბის ღონისძიებად იქცევა. კვირეულის ფარგლებში,  NASA-დან სტუმრობენ მაღალი დონის სტუმრები, მათ შორის, მარსის პროგრამის ამჟამინდელი მთავარი ინჟინერი – რობ მენინგი, რომელიც უფასო ინტერაქტიურ ლექციას გამართავს მარსის კვლევების შესახებ ქართული სამეცნიერო საზოგადოების, ინტელიგენციისა და სტუდენტი ახალგაზრდობის გამორჩეული ინტერესის გათვალისწინებით. მასთან ერთად თბილისს ეწვევა Voyager-ის პროგრამის ყოფილი მენეჯერი და ახლა უკვე ლეგენდად ქცეული ჯონ კასანი, რომლის იდეაც იყო კოსმოსურ ხოლმადზე კაცობრიობის მესიჯის განთავსება.

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსისაქართველო

საქართველოში ,,ვოიაჯერისა” და ,,ჩაკრულოს” კოსმოსში გაშვების საიუბილეო ღონისძიებები გაიმართება

1.36K views on

 28 სექტემბერს, 19:00 საათზე, საქართველოს კულტურისა და ძეგლთა დაცვის სამინისტროს მხარდაჭერით, თბილისის ოპერისა და ბალეტის სახელმწიფო თეატრში გაიმართება ,,ვოიაჯერისა” და ,,ჩაკრულოს” კოსმოსში გაშვების საიუბილეო ღონისძიებები, რომელსაც საქართველოს კულტურისა და ძეგლთა დაცვის მინისტრი მიხეილ გიორგაძე დაესწრება. 

 საიუბილეო ღონისძიებების ფარგლებში, 28 სექტემბერს, 12:00 საათზე, დაგეგმილია მარსის პროგრამის ამჟამინდელი მთავარი ინჟინერის,  რობ მენინგის უფასო ინტერაქციული ლექცია, 19:00 საათზე კი მხატვრულ-დოკუმენტური ფილმის – „სიმღერა“ პრემიერა და ანსამბლ „ერისიონის“ კონცერტი. კონცერტის ბოლოს, დაგეგმილია Voyager-ის პროგრამის ყოფილი მენეჯერის, ახლა უკვე ლეგენდად ქცეული, 80 წლის ჯონ კასანისა და 78 წლის როსტომ საგინაშვილის (მისი ხმა კოსმოსშია გაგზავნილი)  სცენაზე შეხვედრა.

1977 წელს, ლეგენდარული მეცნიერის კარლ საგანის ინიციატივით, NASA-მ კოსმოსში გაგზავნა ე.წ. „ოქროს ჩანაწერი“, რომელზეც 27 მუსიკალურ ნაწარმოებს შორის იყო ქართული „ჩაკრულო“ („ერისიონის“ ჩანაწერი). ამ, მართლაც ისტორიული ფაქტის შესახებ, რეჟისორმა რამაზ ბლუაშვილმა მოამზადა მხატვრულ-დოკუმენტური ფილმი „სიმღერა“, რომლის გადაღებებიც NASA-ში მიმდინარეობდა. მასში მონაწილეობენ ის ადამიანები, რომლებმაც  „ჩაკრულო“ შეარჩიეს კოსმოსში გასაშვებად.

ამერიკის საელჩოსა და  საქართველოს მთავრობის მხარდაჭერით, ასევე,  ფონდ „ნოვას“ ორგანიზებით, 25-28 სექტემბერს „ჩაკრულოს კვირეული“ტარდება, რომელიც უცხოური მედიის აქტიური ჩართულობის გამო, ერთ-ერთ უმნიშვნელოვანეს საერთაშორისო მასშტაბის ღონისძიებად იქცევა. კვირეულის ფარგლებში,  NASA-დან სტუმრობენ მაღალი დონის სტუმრები, მათ შორის, მარსის პროგრამის ამჟამინდელი მთავარი ინჟინერი – რობ მენინგი, რომელიც უფასო ინტერაქტიურ ლექციას გამართავს მარსის კვლევების შესახებ ქართული სამეცნიერო საზოგადოების, ინტელიგენციისა და სტუდენტი ახალგაზრდობის გამორჩეული ინტერესის გათვალისწინებით. მასთან ერთად თბილისს ეწვევა Voyager-ის პროგრამის ყოფილი მენეჯერი და ახლა უკვე ლეგენდად ქცეული ჯონ კასანი, რომლის იდეაც იყო კოსმოსურ ხოლმადზე კაცობრიობის მესიჯის განთავსება.

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიკვლევები

მარსზე მოგზაურობა ბევრად უფრო საშიშია, ვიდრე ფიქრობდნენ

3.24K views on

 ,,ნასა“ მარსზე ასტრონავტების გაგზავნას 15-20 წელიწადში აპირებს. ჩინეთი აცხადებს, რომ წითელ პლანეტაზე ადამიანების გაგზავნას 2020-2030 წლებისთვის გეგმავს. „მარსზე“ ფეხის დადგმაზე თვალი რუსეთსაც უჭირავს.

SpaceX-ის დამაარსებელმა – ელონ მასკმა შარშან ილონ მარსის კოლონიზაციის პროგრამა წარადგინა. 2018 წლისთვის, როდესაც მარსი დედამიწას 57,6 მილიონ კილომეტრზე მოუახლოვდება, მასკის კომპანია იქ უპილოტო ზონდის გაგზავნას აპირებს. მგზავრების გაგზავნას კი მარსზე კომპანია 2022 წლისთვის გეგმავს.

 მაგრამ თუ თაგვებში რადიაციული ზემოქმედების კვლევას ადამიანებთანაც აქვს საერთო, მარსი შესაძლოა ბევრად უფრო საშიში იყოს, ვიდრე მოსალოდნელია.

ჟურნალ Nature-ში გამოქვეყნებულ კვლევაში აღნიშნულია, რომ ძირეული პრობლემაა კოსმოსური სხივები.

 

კოსმოსური სხივების საფრთხე

კოსმოსური სხივები მაღალ ენერგეტიკული ატომური და სუბატომიური ნაწილაკებია, რომლებიც წარმოიქმნებიან ფეთქებადი არსკვლავებისგან, შავი ხვრელებისგან და სივრცის სხვა ძლიერი წყაროებისგან.

ამ სხივებმა შეიძლება გამოიწვიოს დნმ-ის დაზიანება, გაზარდოს კიბოს რისკი, გამოიწვიოს  კატარაქტები,  ნერვული სისტემის დაზიანება და სისხლის მიმოქცევის და სხვა ჯანრთელობის პრობლემები ასტრონავებში.

მკვლევარებმა იციან, რომ ასტრონავტები ბევრად უფრო მაღალი რადიაციულ დასხივებას განიცდიან, ვიდრე ადამიანები, რომლებიც დედამიწაზე იმყოფებიან, ვინაიდან პლანეტის ატმოსფერო დიდი რაოდენობით მავნე ენერგიას შეიწოვს.

დედამიწის მაგნიტური ველი კოსმოსის რადიაციას მიმართულებას უცვლის, რაც საერთაშორისო კოსმოსურ სადგურზე მყოფ ასტრონავტებს იცავს.

მეცნიერები აცხადებენ, რომ გზა მარსისკენ არის „გახსნილი სეზონი კოსმოსური სხივებისთვის“.

ჯანდაცვის მეცნიერი ამ პრობლემის შესწავლა თაგვებზე სცადეს.

რატომაა ღრმა კოსმოსში მოგზაურობა უფრო საშიში, ვიდრე მოსალოდნელი იყო?

როდესაც უჯრედი კოსმოსურ დასხივებას განიცდის, ის არა მხოლოდ თავად განიცდის ცვლილებას, არამედ ახლო მდებარე უჯრედების კიბოდ მუტირებაც ხდება.

წინა კვლევებში ეს დომინოს ეფექტი აღმოჩენილი არ იყო.

მიუხედავად ამ შემაშფოთებელი დასკვნისა, მეცნიერები  მიიჩნევენ, რომ მარსზე მისია დაწყებამდე არ უნდა შეჩერდეს. ამიტომ ისინი არსებული პრობლემისგან გამოსავალ გზებს ეძებენ.

 

წყარო: http://www.sciencealert.com/

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიბიზნესიეს საინტერესოა

კლოუნი, რომელიც კოსმოსში გაემგზავრა

2.1K views on

  გი ლალიბერტემ, სახელგანთქმული კანადური ცირკის – Cirque du Soleil-ის დამფუძნებელმა, გადაწყვიტა 35 მილიონი დოლარი გადაეხადა და ჩვენი პლანეტა დაეტოვებინა, ეს წლების წინ მოხდა, ოჩოფეხების ვირტუოზი და ცეცხლის მყლაპველი რაკეტის აფრენის წინ ახლობლებსა და მეგობრებს ჰაეროვან კოცნას უგზავნიდა. ცნობილია, რომ ორბიტაზე გასვლის შემდეგ კოსმიურმა ტურისტმა მშვენივრად იმოგზაურა.

ეს არის ფაქტი, რომელიც მოტივაციას აძლევს ადამიანებს, რადგან არ აქვს მნიშვნელობა ადამიანის რანგს და შესაძლებლობებს, ყველას შესწევს იმის ძალა, რომ ბევრი ცდისა და ძალისხმევით მიაღწიონ მიზანს, რომელიც მათ აქვთ.

 

წყარო: Harvard business review

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიდედამიწა

18 სექტემბერს მთვარის იშვიათი დაბნელება იქნება

2.29K views on

18 სექტემბერს მთვარე  სამი პლანეტისა და ჩვენი ცის ყველაზე ნათელი ვარსკვლავის წინ გაივლის, ეს კი განსაკუთრებულ დაბნელებას გამოიწვევს.

დაბნელება – ეს გახლავთ მოვლენა, როდესაც ერთი ციური სხეული მეორეს ბლოკავს. რაც შეეხება მთვარის დაბნელებას, ის ძალიან იშვიათი სანახაობაა.

მთვარე გაივლის ვენერას, პირველი სიდიდის ვარსკვლავს- Regulus-ს, შემდეგ მარსსა და ბოლოს – მერკურს. ვინაიდან მთვარე ჩვენი პლანეტის გარშემო მოძრაობს, ის ცაში სხვა ობიექტების წინ რეგულარულად მოძრაობს, თუმცა მსგავსი ერთ ხაზზე განთავსება, რაც ამაღამაა მოსალოდნელი, ძალიან იშვიათია. სამი პლანეტის მთვარის დაბნელება (მერკური, ვენერა და ნეპტუნი) ბოლოს 2008 წლის 5 მარტს იყო და 2036 წლამდე აღარ იქნება,

რაც შეეხება Regulus-ს, ეს გახლავთ ოთხიდან ერთ-ერთი პირველი სიდიდის ვარსკვლავი, რომელსაც მთვარე აბნელებს, დანარჩენი სამი ვარსკვლავია: Aldebaran-ი, Spica და Antares-ი.

სამწუხაროდ, იმ შემთხვევეაში, თუ სწორ ლოკაციაზე არ იმყოფებით და ბინოკლით ან ტელესკოპით არ ხართ აღჭურვილი, შესაძლოა, 18 სექტემბრის მოვლენა ვერც დააფიქსიროთ.

 ვენერას დაბნელება სათანადოდ გამოჩნდება ავსტრალიაში, ახალ ზელანდიასა და ინდონეზიაში, თუნდაც ის დილით მოხდეს დღისით.

თუ არ იმყოფებით იქ, სადაც მოვლენის ხილვას შეძლებთ, არ ინერვიულოთ, ყოველთვის არის სხვა დრო! არსებობს საიტი International Occultation Timing Association, სადაც შეგიძლიათ თქვენი ლოკაციიდან  ხილული მთვარის დაბნელების პროგნოზი იხილოთ.

 

წყარო: http://www.sciencealert.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიგამოგონება - ინოვაციასაქართველოტექნოლოგიები

ქართველი ახალგაზრდის წვლილი მომავლის აერონავტიკაში – ინტერვიუ გიორგი მჭედლიშვილთან

7.06K views on

გიორგი მჭედლიშვილი 22 წლის ქართველი ახალგაზრდაა, რომლის საერთაშორისო წარმატებამაც ბოლო დროს დიდი ყურადღება დაიმსახურა, მისი გუნდის მიერ შექმნილი მომავლის თვითმფრინავის – ,,გრიფონის” პრეზენტაცია  26 სექტემბერს, NASA-ს სათაო ოფისში გაიმართება, გთავაზობთ ინტერვიუს ახალგაზრდა ფიზიკოსთან:

-გიორგი, უპირველეს ყოვლისა, მოგვიყევი, რა წარმოადგენს „გრიფონის“  არსს და როგორ იქმნებოდა პროექტი?

– “გრიფონი” არის მომავალი კომერციული თვითმფრინავის მოდელი, რომელიც ჩემს თანაგუნდელებთან ერთად შევქმენი. გასულ სექტემბერს, ჩემი მეგობრისგან, ილონ გორდონისგან შევიტყვე NASA-ს გამოწვევის შესახებ და თავიდანვე სერიოზულად მოვეკიდეთ საქმეს, რადგან გვჯეროდა რომ შეიძლებოდა ჩვენი წვლილი შეგვეტანა მომავლის აერონავტიკის განვითარებაში. ,,გრიფონზე” თორმეტკაციანი ჯგუფი ვმუშაობდით, რომელიც შედგებოდა სამი გუნდისგან: ძრავის, აეროდინამიკისა და აეროდიზაინისაგან. უშუალოდ მე ვმუშაობდი ძრავაში, წვისა და გაგრილების სისტემების ოპტიმიზაციაზე. სწორედ, წვის გაუმჯობესების შედეგად, მავნე ნივთიერებების გამოშვება 80%-ზე მეტით შევამცირეთ და, შესაბამისად, დავაკმაყოფილეთ NASA-ს უმთავრესი მოთხოვნა. ამავდროულად, წვის სისტემის გაუმჯობესებამ შესაძლებლობა მოგვცა 50-60% შეგვემცირებინა საწვავის მოხმარებაც.

 

–NASA–ს სათაო ოფისში პროექტის პრეზენტაცია უპირობოდ უზარმაზარი წარმატებაა, მაგრამ, შენი აზრით, როგორ განვითარდება მოვლენები და რამდენად არის პროექტის რეალურად განხორციელების შანსი?

-ამ გამოწვევის მთავარი მიზანი იყო, რომ შეგვექმნა კომერციული თვითმფრინავი, რომლის იმპლემენტაცია  სავსებით რეალური იქნებოდა 2025-2035 წლებში. რა თქმა უნდა, ეს პროექტი მოიცავს ძალიან სერიოზულ ფინანსურ გათვლას. ჩვენი თვითმფრინავის წარმოების ფასიც კონკურენტუნარიანი უნდა ყოფილიყო ბაზარზე არსებულ ფასებთან მიმართებაში. ჩვენ ამ კუთხითაც ეფექტურად ვიმუშავეთ, ასე რომ, ჩემი აზრით, სავსებით შესაძლებელია მოხდეს ამ დიზაინის სრული ან გარკვეული სისტემის (ძრავის ან აეროდინამიკის) იმპლემენტაცია მომავლის კომერციულ თვითმფრინავებში.

-გიორგი, როგორც ვიცი, სწავლის პარალელურად საკუთარ საქმესაც უძღვები და ,,SAC Group-ის“ დამაარსებელი ხარ, რას წარმოადგენს თქვენი კომპანია და რას უნდა ველოდოთ მისგან უახლოეს მომავალში?

-„SAC Group-ი“ დავაარსეთ ამ წლის ზაფხულში და ის დღეს წარმოადგენს ერთ-ერთ პირველ, ყველაზე მაღალი დონის საკონსულტაციო და საინვესტიციო სერვისების ფირმას აგრობიზნესისა და ბიოტექნოლოგიების მიმართულებით საქართველოში და ჩვენს რეგიონში. ვართ ოფიციალური პარტნიორები ამერიკული საერთაშორისო აგრობიზნესის ფირმის, ,,GIC Group-ის”, რომელსაც ძალიან ბევრი წარმატებული პროექტის განხორციელებაში მიუღია მონაწილეობა მსოფლიოს მასშტაბით, მათ შორის, ამჟამად ჩინეთის მთავრობასთან თანამშრომლობით. ჩვენი მიზანია რეგიონში ახალი სტანდარტების დამყარება და საქართველოსთვის სასიცოცხლოდ აუცილებელი ინდუსტრიის განვითარება. ამავდროულად, რაც ასევე მნიშვნელოვანია, გვაქვს მჭიდრო და მეგობრული ურთიერთობა GIC Group-ის დამაარსებელთან, ბატონ რიჩარდ გილმორთან, რომელიც საქართველოს დიდ მხარდამჭერს წარმოადგენს. რიჩარდ გილმორი, სხვადასხვა ეგიდით, გახლდათ ძალიან წარმატებული მრჩეველი ამერიკის მთავრობაში. ამასთანავე, ასწავლიდა ჰარვარდში, ჯორჯთაუნსა და სხვა წამყვან უნივერსიტეტში. ასე რომ, „SAC Group-ის“ ხელშეწყობით, ბევრ მნიშვნელოვან პროექტს უნდა ელოდოთ.

 

–და ბოლოს, უახლოესი სამომავლო გეგმები ალბათ კვლავ „გრიფონს“ უკავშირდება, მაგრამ, საინტერესოა, როგორ წარმოგიდგენია შენი თავი წლების შემდეგ, აპირებ თუ არა საქართველოში დაბრუნებას?

-ახლა ძალიან რთულია სამომავლო გეგმებზე დაზუსტებით საუბარი, თუმცა ჩემი მომავალი მჭიდროდ უკავშირდება, როგორც ამერიკის შეერთებულ შტატებს, ისე ჩემს საქართველოს, რომელსაც აუცილებლად დავაყენებთ ფეხზე!

 

მასალა მოამზადა:  თამარ დევდარიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიეს საინტერესოა

რა არის სინათლის წელიწადი და როგრ გამოთვლება?

2.94K views on

ალბათ ხშირად გსმენიათ ტერმინი სინათლის წელიწადი და გაინტერესებთ, თუ რა არის და როგორ გამოითვლება.

ეს არის მანძილი, რომელსაც სინათლე ერთი წლის განმავლობაში გადის და, დაახლოებით, 1013 კილომეტრს უდრის.

ოფიციალური განმარტებით, სინათლის წელიწადი უდრის მანძილს, რომელსაც სინათლე გადის ვაკუუმში, გრავიტაციული ველების ზემოქმედების გარეშე, ერთი იულიუსისეულ წელში.

 

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 … 44 45 46 47 48 … 54
Page 46 of 54