close

პოლიტიკა

ოლიტიკა

საფრანგეთის ყოფილ პრეზიდენტს სამწლიანი თავისუფლების აღკვეთა მიუსაჯეს

TELEMMGLPICT000211594254_trans_NvBQzQNjv4BqpVlberWd9EgFPZtcLiMQfyf2A9a6I9YchsjMeADBa08

საფრანგეთის ექსპრეზიდენტს ნიკოლა სარკოზის სასამართლომ მიუსაჯა 3 წლით თავისუფლების აღკვეთა კორუფციის და გავლენის გადაჭარბების ბრალდებით. კერძოდ, პარიზის სასამართლოს გადაწყვეტილებით ყოფილ პრეზიდენტს ელის ერთწლიანი პატიმრობა და ორი წლით პირობითი სასჯელი.

66 წლის ნიკოლა სარკოზი საფრანგეთის პირველი ყოფილი პრეზიდენტია, რომელსაც თავისუფლების აღკვეთა მიესაჯა. მისი ადვოკატის თქმით, აუცილებლად გაასაჩივრებენ, რადგან თავად სარკოზი ბრალს უარყოფს.

სარკოზს და მის ყოფილ ადვოკატს, ტიერი ერზოგს ბრალად ედებათ ყოფილი მოსამართლის, ჟილბერ აზიბერის მოქრთამვის მცდელობა, 2007 წლის საპრეზიდენტო არჩევნების კამპანიის დაფინანსების საქმის გამოძიების შესახებ. ამ საკითხთან დაკავშირებით ის ადვოკატს სხვა სახელზე რეგისტრირებული ტელეფონით ესაუბრებოდა, სწორედ ეს სატელეფონო საუბარი აქვს  პროკურატურას. პროკურორები ასევე იძიებენ ლიბიის ყოფილი დე-ფაქტო ლიდერის, მუამარ კადაფის მიერ 2007 წელს სარკოზის საარჩევნო კამპანიის დაფინანსების საკითხსაც.

რაც შეეხება მცირე ინფორმაციას ნიკოლა სარკოზის შესახებ, იგი საფრანგეთის პრეზიდენტი იყო 2007 წლიდან, 5 წლის ვადით. სწორედ მის სახელს უკავშირდება მკვეთრად ანტიმიგრაციული პოლიტიკა. 2017 წელს კვლავ სცადა ბედი პოლიტიკაში, მაგრამ უშედეგოდ.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
სოფლიოოლიტიკა

ბაიდენმა სირიაზე საჰაერო იერიში მიიტანა

syriabomb-1614310906

25 თებერვალს ჯო ბაიდენმა პირველი სამხედრო მოქმედება განახორციელა, საჰაერო იერიშის სამიზნე სირიაში ირანის მიერ მხარდაჭერილი ორი ისლამისტური დაჯგუფების კონტროლირებადი ტერიტორია აღმოჩნდა. პენტაგონის განცხადებით, აღნიშნული ქმედება იყო პასუხი 15 იანვარს ახლო აღმოსავლეთში ამერიკულ და კოალიციურ ძალებზე განხორციელებული სარაკეტო თავდასხმისა, რომლის შედეგად დაიჭრა რამდენიმე ამერიკელი ჯარისკაცი და დაიღუპა ერთი, ფილიპინების მოქალაქე.

სირიაში საჰაერო იერიშის განხორციელება თავდაცვის მინისტრის ლოიდ ოსტინის რჩევა იყო, მაგრამ საბოლოო გადაწყვეტილება ჯო ბაიდენს ეკუთვნოდა. პენტაგონის თქმით, ამ “პროპორციული სამხედრო პასუხით” ერთმნიშვნელოვანი შეტყობინება გაიგზავნა, რომ პრეზიდენტი ბაიდენი იმოქმედებს ამერიკული და კოალიციური ძალების ინტერესების დასაცავად.

პენტაგონის სპიკერის, ჯონ კირბის თქმით: “იერიშმა გაანადგურა სასაზღვრო-საკონტროლო პუნქტთან მყოფი რამდენიმე ობიექტი, რომელთაც ირანის მხარდაჭერის ქვეშ მყოფი ზოგიერთი სამხედრო დაჯგუფება იყენებდა, ქათა’იბ ჰეზბოლასა და ქათა’იბ საიდ ალ-შუჰადას ჩათვლით…ამავდროულად, ჩვენი ქმედება მიმართული იყო საერთო სიტუაციის დეესკალაციისკენ, როგორც აღმოსავლეთ სირიაში, ისე ერაყში.”

საჰაერო იერიშის შედეგად დაღუპული ადამიანების ზუსტი რაოდენობა ამ დროისათვის უცნობია, თუმცა დიდ ბრიტანეთში დაფუძნებული მონიტორინგის ჯგუფის ინფორმაციით, აშშ-ს თავდასხმის შედეგად შესაძლოა 22 ადამიანი იყოს დაღუპული.

წყარო: BBC

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
სოფლიოოლიტიკა

რას მოჰყვა აქციები სომხეთში? – სომხეთის პრემიერ-მინისტრი ნიკოლ ფაშინიანი არმიას გადატრიალების მცდელობაში ადანაშაულებს

_117290222_mediaitem117290219

სომხეთში, დედაქალაქის მთავარ მოედანზე აქციებს მართავენ, როგორც ხელისუფლების, ასევე ოპოზიციის წარმომადგენლები. ოპოზიციის მოთხოვნაა მთავრობისა და პრემიერ-მინისტრის ნიკოლ ფაშინიანის გადადგომა.

უნდა ითქვას, რომ ფაშინიანი საპროტესტო აქციებს აწყდება აზერბაიჯანთან დადებული შეთანხმების შემდეგ, რომელიც ეხებოდა სისხლიანი ყარაბაღის 2020 წლის სექტემბერ-ნოემბრის კონფლიქტს, სადაც შუამავლის როლს რუსეთი ასრულებდა. ახლა კი სომხეთის მოსახლეობის პროტესტი მოჰყვა ფაშინიანის მიერ გენერალური შტაბის პირველი მოადგილის, ტირან ხაჩარიანის გათავისუფლებას. 25 თებერვალს გამოქვეყნდა განცხადება შეიარაღებული ძალების გენერალური შტაბის  მიერ, რასაც ხელს ათობით სამხედრო მეთაური აწერს, ისინი მწვავედ აკრიტიკებენ პრემიერ-მინისტრის გადაწყვეტილებას და ამბობენ, რომ მთავრობას აღარ შეუძლია გონივრული გადაწყვეტილებების მიღება.

მოცემულ განცხადებას ფაშინიანმა სამხედრო გადატრიალების მცდელობა უწოდა და მომხრეებს აქციებისკენ მოუწოდა, ამის საპასუხოდ კი სომხეთის ქუჩებში ოპოზიციონერებიც გამოვიდნენ, რომელთაც სამხედროები მხარს უჭერენ, ისინი მოითხოვენ მთავრობისა და პრემიერ-მინისტრის გადადგომას, რათა თავიდან აიცილონ სამოქალაქო ომი.

მიუხედავად იმისა, რომ პრემიერ მინისტრმა მიიწვია ოპოზიცია მოლაპარაკებების დასაწყებად  და შესთავაზა პოლიტიკური ცვლილება არჩევნების გზით, ოპოზიციის აქციები მთავარ მოედანზე არ წყდება. ერთ-ერთმა მთავარმა ოპოზიციურმა ლიდერმა, ვაზგენ მანუკიანმა აქციის მონაწილეებს მოუწოდა პარლამენტის ბლოკირება და მიმდებარე ტერიტორიაზე კარვების განთავსება.

“ჯარი არ არის პოლიტიკური ინსტიტუტი და მცდელობები, ჩარიო ის პოლიტიკაში, მიუღებელია”,-უთხრა ფაშინიანმა მხარდამჭერებს.

სომხეთის პრეზიდენტი სერჟ სარქსიანი, რომელსაც ქვეყანაში უფრო ფორმალური როლი აქვს, ორივე მხარეს მოუწოდებს სიტუაციის დეესკალაციისკენ. რაც შეეხება საერთაშორისო გამოხმაურებას, რუსეთი და ამერიკის შეერთებული შტატები შეშფოთებას გამოხატავენ და მოუწოდებენ მხარეეებს სიმშვიდისკენ. თურქეთის საგარეო საქმეთა მინისტრის განცხადებით, თურქეთი გმობს სომხეთში სამხედრო გადატრიალების მცდელობას.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ოლიტიკა

მიანმარში სიტუაცია უფრო და უფრო იძაბება

_116966723_hi065717667

მიანმარში სამხედრო გადატრიალების შემდეგ სიტუაცია უფრო და უფრო იძაბება. სამხედროები აფრთხილებენ მომიტინგეებს, რომ თუ ისინი ხელს შეუშლიან შეიარაღებული ძალების მოქმედებას 20 წლამდე თავისუფლების აღკვეთა ელით. ასევე ჯარიმები და გრძელვადიანი სასჯელი ელით იმ პირებს, რომლებიც შემჩნეულ იქნებიან გადატრიალების ლიდერების მიმართ სიძულვილის შემცველი განცხადებების გაჟღერებაში, ხოლო მათ, ვინც შეეცდება საზოგადოებაში არეულობის შეტანას სამიდან შვიდ წლამდე თავისუფლების აღკვეთა ემუქრებათ.

ასობით ათასი ადამიანი ისევ აგრძელებს საპროტესტო აქციებს. მიანმარის დედაქალაქ ნაიფიიდოში სტუდენტები გამოვიდნენ სამხედრო გადატრიალების წინააღმდეგ და ათობით მათგანი დააკავეს. სამხედრო ძალები ღამით, კომენდანტის საათის დროს, არბევენ სახლებს და ადამიანებს უკანონოდ აკავებენ.

შაბათს სამხედროებმა შეცვალეს კანონები, რომლებიც ეხებოდა ბრალდებულის 24 საათზე მეტხანს დაკავებას და ასევე კერძო საკუთრების ჩხრეკას.

საპროტესტო აქციების ტალღა არ ცხრება და ისინი ისევ მოითხოვენ პოლიტიკური ლიდერების პატიმრობიდან გათავისუფლებას, მათ შორის აუნ სან სუ ციის გათავისუფლებასაც და მიანმარის დემოკრატიის აღდგენას.

ევროკავშირის, ამერიკის შეერთებული შტატებისა და დიდი ბრიტანეთის ერთობლივ განცხადებაში ნათქვამია: ”ჩვენ უსაფრთხოების ძალებს მოვუწოდებთ თავი შეიკავონ დემონსტრანტების მიმართ ძალადობისგან, რომლებიც აპროტესტებენ ლეგიტიმური მთავრობის დამხობას.”

მასალა მოამზადა: ნინი ხეცურიანმა   

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ოლიტიკააქართველო

საქართველოს მოქალაქეები გერმანიაში დროებით ლეგალურად დასაქმებას შეძლებენ

shutterstock_1545878729

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ეკატერინე ტიკარაძე გერმანიის ფედერაციული რესპუბლიკის საგანგებო და სრულუფლებიან ელჩს, ჰუბერტ ქნირშს შეხვდა. მხარეებმა გერმანიაში დროებით ლეგალურად დასაქმებაზე ისაუბრეს.

გერმანიის შრომის ბაზარზე, საქართველოს მოქალაქეებს დროებითი ლეგალური დასაქმება 3 თვით შეეძლებათ. სეზონური სამუშაოები გერმანიაში 1-ლი აპრილიდან დაიწყება. რეგისტრაციის გავლა კი 15 თებერვლიდანაა შესაძლებელი და მთელი წლის განმავლობაში გაგრძელდება. დასაქმება სოფლის მეურნეობის სექტორში სეზონურ სამუშაოებზეა შესაძლებელი. სამუშაოს მაძიებელი პირველად რეგისტრაციას სპეციალურ სარეგისტრაციო პორტალზე http://workabroad.moh.gov.ge/ გადის.

სეზონურ სამუშაოებზე დასაქმების მსურველი უნდა აკმაყოფილებდეს შემდეგ მოთხოვნებს:

  • მოქალაქეობა: საქართველო;
  • ასაკი: 18 წლიდან 60 წლამდე;
  • გერმანიაში გამგზავრებამდე 3 თვით ადრე პერიოდში არ უმოგზაურია შენგენის სივრცეში;
  • ფიზიკური ჯანმრთელობა;
  • მოსავლის აღების სამუშაო გამოცდილება და მოტივაცია;
  • ნებისმიერი ისეთი მიზეზის (დარღვევის) არარსებობა, რაც ქვეყანაში ხელახლა შესვლის შეზღუდვას იწვევს;
  • გერმანული ან ინგლისური ენის ელემენტარულ საკომუნიკაციო დონეზე ცოდნა (ჯგუფურად დასაქმების შემთხვევაში, აუცილებელია, მინიმუმ ერთ წევრს უნდა შეეძლოს გერმანულ ან ინგლისურ ენაზე კომუნიკაცია). ენის ცოდნის მოთხოვნას განსაზღვრავს დამსაქმებელი.

სეზონურ სამუშაოებზე დასაქმება სხვადასხვა სეზონური მოსავლის აღებას გულისხმობს. დასაქმების ხანგრძლივობაა 1-დან 3 თვემდე. სამუშაო დრო: 5-6 დღე კვირაში; 8-10 საათი დღეში. მინიმალური ხელფასი – 9,50 ევრო საათში (დარიცხული), რომელსაც გამოაკლდება გადასახადები, კვებისა და საცხოვრებლის ხარჯები.

რეგისტრაციის შემდეგ, სსიპ დასაქმების ხელშეწყობის სახელმწიფო სააგენტოს თანამშრომლები, კონკრეტული ვაკანსიის შესახებ ინფორმაციის მიღების შემთხვევაში, უკავშირდებიან დასაქმების მსურველებს. სერვისცენტრში მისვლისას მსურველს თან უნდა ჰქონდეს პირადობის ელექტრონული მოწმობა და/ან საქართველოს მოქალაქის ბიომეტრიული პასპორტი.

კონკრეტულ ვაკანსიაზე დასაქმების მსურველთა შესახებ მონაცემები მიეწოდება გერმანელ დამსაქმებელს. დასაქმებაზე საბოლოო გადაწყვეტილებას იღებს გერმანელი დამსაქმებელი. გადაწყვეტილება ეცნობება თითოეულ მსურველს. გერმანელი დამსაქმებლის მხრიდან დადებითი გადაწყვეტილების შემთხვევაში, დამსაქმებელი მუშაობის დაწყების მსურველს უგზავნის შრომით ხელშეკრულებას, რომელიც მხარეებს შორის გაფორმდება გერმანიაში გამგზავრებამდე.

შეგახსენებთ, რომ საქართველოს, სსიპ დასაქმების ხელშეწყობის სააგენტოსა და გერმანიის ფედერალური დასაქმების სააგენტოს – (BA) შორის 2020 წლის 17 იანვარს, დაიდო შეთანხმება „გერმანიის ფედერაციულ რესპუბლიკაში სეზონურ სამუშაოზე ქართული სამუშაო ძალის დასაქმების შესახებ“, რითაც შეიქმნა სამართლებრივი საფუძველი გერმანიაში საქართველოს მოქალაქეების ლეგალური დასაქმებისთვის. შეთანხმების საფუძველზე შესაძლებელია გერმანიის შრომის ბაზარზე, საქართველოს მოქალაქეების დროებითი ლეგალური დასაქმება შრომითი და სოციალური უფლებების დაცვით. სამუშაოს მაძიებლისთვის დასაქმებასთან დაკავშირებული მომსახურება სრულიად უფასოა.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ვლევებიედიცინაოლიტიკა

ისრაელში შექმნილი COVID-19-ის სამკურნალო მედიკამენტი 95%-ით ეფექტურია

Screen-Shot-2021-02-08-at-7.52.32-PM-758×472

თელ ავივში იჩილოვის საავადმყოფო ირწმუნება, რომ მათ შექმნეს კოვიდსაწინააღმდეგო წამალი, რომელიც ვირუსს კურნავს. პრეპარატის წინასწარი კვლევის შედეგებმა 96% ეფექტურობა აჩვენა.

პრეპარატი, სახელწოდებით EXO-CD24 ბოლო რამდენიმე წლის განმავლობაში კიბოს სამკურნალოდ მუშავდებოდა. პროფესორმა ნადირ არბერმა განაცხადა, რომ საავადმყოფომ შეისწავლა მედიკამენტის ეფექტურობა Covid-19-ით ინფიცირებულ მძიმე და საშუალო დონეზე მყოფ პაციენტებზე. 30 პაციენტიდან, რომლებმაც აღნიშნული პრეპარატი მიიღეს, 29-ის მდგომარეობა 2 დღეში გაუმჯობესდა, ერთ პაციენტს კი უფრო დიდი ხანი დასჭირდა გამოსაჯანმრთელებლად. 

კვლევის დადებითი შედეგების გათვალისწინებით, საავადმყოფომ ისრაელის ჯანდაცვის სამინისტროს მიმართა და სასამართლო პროცესის გახანგრძლივება სთხოვა.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ოლიტიკაამხედრო

რა მოჰყვა სამხედრო გადატრიალებას მიანმარში?

rk_myanmar-protest_070221_0

პირველ თებერვალს მიანმარში სამხედრო გადატრიალება მოხდა და ძალაუფლება მთავარსარდალმა, მინ აუნ ჰლაინმა ჩაიგდო ხელში.

სამხედრო მმართველობა მიანმარისთვის ნამდვილად არ არის უცხო, რადგან 1962 წლიდან მიანმარს სამხედროები მართავდნენ 2011 წლამდე, რაც საყოველთაო არჩევნებით დასრულდა და სახელმწიფომ დემოკრატიული რეფორმების გატარება დაიწყო. მიუხედავად ამისა, სამხედრო ძალები ისევ დიდ ძალაუფლებას ფლობდნენ და 10 წლის შემდეგ, 2021 წლის თებერვლის დასაწყისში, ისევ სამხედრო გადატრიალებით ძალაუფლება სამხედროებს გადაეცათ. გადატრიალებას წინ უძღოდა დაპირისპირება სამხედრო ძალებსა და ხელისუფლებას შორის, რადგან სამხედროები ნოემბრის არჩევნებს გაყალბებულად თვლიდნენ.

სამხედრო გადატრიალების შედეგად დააკავეს ათობით პოლიტიკური ლიდერი, მათ შორის ერთ-ერთია ბოლო არჩევნებში გამარჯვებული პარტიის ლიდერი, აუნ სან სუ ჩი. შედეგად მიანმარში უდიდესმა საპროტესტო ტალღამ იფეთქა. ათობით ათასი ადამიანი გაიფიცა, ისინი პოლიტიკური ლიდერების გათავისუფლებას და დემოკრატიის აღდგენას ითხოვენ.

სამხედროებმა გააკონტროლეს სახელმწიფო მედია. მას შემდეგ, რაც მოსახლეობამ სოციალურ ქსელებში საპროტესტო აქციების შესახებ დაწერა დაიწყო, ხელისუფლებამ ინტერნეტი გათიშა დროებით და სოციალური ქსელები დაბლოკა ,,სტაბილურობის შენარჩუნების” მიზნით.

რაც შეეხება ძალადობრივ ქმედებებს, დაფიქსირებულია რამდენიმე დაზიანების შემთხვევა, გარდა ამისა, სამხედროებმა წყლის ჭავლი გამოიყენეს საპროტესტო აქციის მონაწილეების დასაშლელად.

წყარო: BBC

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ს საინტერესოაულტურაოლიტიკა

ანჯელინა ჯოლი ჩერჩილის ერთადერთი ნახატის გაყიდვას აპირებს

Angelina-Jolie-is-Selling-Churchills-Koutoubia-Mosque-Painting

რამდენიმე დღის წინ ანჯელინა ჯოლიმ დააანონსა, რომ ბრიტანეთის ყოფილი პრემიერ მინისტრის, უინსტონ ჩერჩილის ერთადერთი ნახატის გაყიდვას აპირებს, სახელად “Tower of the Koutoubia Mosque”, რომლის ღირებულება დაახლოებით 2.5 მილიონი ფუნტი სტერლინგი იქნება.

ჩერჩილის ერთადერთ ნამუშევარს საინტერესო ისტორია აქვს. ის მეორე მსოფლიო ომის დროს არის შექმნილი, 1943 წელს, როდესაც ჩერჩილი და მაშინდელი ამერიკის შეერთებული შტატების პრეზიდენტი ფრანკლინ დელანო რუზ­ველ­ტი მაროკოში, კასაბლანკას კონფერენციაზე იყვნენ, სადაც უნდა განეხილათ ნაცისტური გერმანიის დამარცხების სტრატეგიის შემდეგი ნაბიჯები. “Tower of the Koutoubia Mosque” ჩერჩილმა აშშ-ს პრეზიდენტს ფრანკლინ რუზველტს გადასცა, რაშიც უდაოდ შეგვიძლია დავინახოთ ხაზგასმა ორ მსოფლიო ლიდერს შორის მეგობრული დამოკიდებულების, რაც ნამუშევარს სხვა მნიშვნელობასაც ანიჭებს.

ანტიკვარული ნივთების გამყიდველი ამბობს, რომ ნახატი პრეზიდენტ რუზველტის ვაჟს გადაეცა, რომელმაც კინემატოგრაფს მიყიდა 60-იან წლებში, სადაც 50 წლის განმავლობაში ინახებოდა, შემდეგ კი ბილ რაუს კოლექციას შეუეთდა. საბოლოოდ, 2011 წელს მსახიობმა ბრედ პიტმა ბრიტანელი პოლიტიკოსის ერთადერთი ნამუშევარი  შეიძინა კოლექციონერი ბილ რაუსგან, საიდანაც ჯოლის პირად  კოლექციაში აღმოჩნდა.

“Tower of the Koutoubia Mosque”-ის გაყიდვა პირველ მარტს არის დაანონსებული.

წყარო: CNN

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ოლიტიკა

ამერიკის შეერთებული შტატების 6 იანვრის მოვლენები

_116374458_489317a2-b5a3-44ca-bf1f-0576d05b9d96

ამერიკის შეერთებული შტატების პრეზიდენტის, დონალდ ტრამპის მომხრეები საკანონმდებლო ორგანოს შენობაში, კაპიტოლიუმში შეიჭრნენ, სადაც უნდა დაემტკიცებინათ ჯო ბაიდენის გამარჯვება, რის გამოც კონგრესის სხდომა დროებით შეწყდა.

კაპიტოლიუმში შეჭრა დონალდ ტრამპის მომხრეებმა პრეზიდენტის მიმართვის შემდეგ გადაწყვიტეს, სადაც ტრამპმა თქვა, რომ ჯო ბაიდენს გამარჯვებას არ დაუთმობდა. კაპიტოლიუმის შენობაში ესკალაციისა და სამართალდამცავებთან შეტაკების შედეგად გარდაცვლილია 4 ადამიანი, არიან დაშავებულებიც, ხოლო დაკავებულია 52.

აშშ-ს არჩეულმა პრეზიდენტმა, ჯო ბაიდენმა დონალდ ტამპს მოუწოდა მხარდამჭერებისთვის მიემართა ტელევიზიის საშუალებით, რათა შეეწყვიტათ კაპიტოლიუმის შტურმი. ტრამპმა კი Twitter-ის  საშუალებით მიმართა მომხრეებს შემდეგი სიტყვებით: ,,ახლა საჭიროა, რომ წახვიდეთ სახლში. ჩვენ მშვიდობა გვჭირდება. ჩვენ წესრიგი და კანონიერება გვჭირდება”.

დაახლოებით ოთხი საათის შემდეგ მოხერხდა კონგრესის სხდომის განახლება და ოფიციალურად დაადასტურეს ჯო ბაიდენის გამარჯვება. განახლებული სხდომა აშშ-ს ვიცე-პრეზიდენტმა მაიკ პენსმა გახსნა და დაგმო ძალადობრივი ქმედებები.

6 იანვარს აშშ-ში მომხდარ ფაქტს გამოეხმაურნენ აშშ-ს ყოფილი პრეზიდენტები, ბარაკ ობამა და ჯორჯ ბუში, მათ დაგმეს ესკალაცია. საბოლოოდ მოხერხდა შეთანხმების მიღწევა და ჩაინიშნა თარიღი, 20 იანვარი, როდესაც გაიმართება ჯო ბაიდენის ინაუგურაცია და მშვიდობიანი გზით გადააბარებს დონალდ ტრამპი სახელმწიფოს მმართველობას.

აშშ-ს დედაქალაქში მოქმედებდა კომენდანტის საათი, საღამოს ექვსი საათიდან დილის ექვს საათამდე. 6 იანვარს მომხდარი არეულობის გამო კი საგანგებო მდგომარეობა 15 დღით გახანგრძლივდა, სანამ აშშ-ს არჩეული პრეზიდენტის, ჯო ბიადენის ინაუგურაცია დასრულდება.

ისტორიაში პირველად Twitter-მა გაყინა დონალდ ტრამპის ანგარიში, სადაც პრეზიდენტი მიმართვებს აქვეყნებდა, მას ასევე დაუბლოკეს Facebook-ის და Instagram-ის ანგარიშებიც 12 საათით.

აშშ-ში 6 იანვარს განვითარებული პოლიტიკური მოვლენები ნამდვილად შემაძრწუნებელია მთელი მსოფლიოსთვის, ეს აუცილებლად აისახება ქვეყნის დემოკრატიაზე და შავ ლაქად ჩაიწერება ისტორიაში.

წყარო: BBC NEWS

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ოლიტიკა

მისი მოწამვლა რომ გვდომოდა, ამას ალბათ ბოლომდე მივიყვანდით-ამბობს პუტინი ნავალნიზე

_116129481_mediaitem116129479

თუ რუსეთის სპეცსამსახურებს ნავალნის მოკვლა ენდომებოდათ, ,,ისინი ალბათ საქმეს დაასრულებდნენ”,- ასე პასუხობს ვლადიმერ პუტინი ჟურნალისტურ გამოძიებას ოპოზიციონერის, ალექსეი ნავალნის მოწამვლის საქმესთთან დაკავშირებით.

მოგეხსენებათ, ვლადიმერ პუტინის მთავარი ოპოზიციონერი 20 აგვისტოს ტომსკი-მოსკოვის თვითმფრინავში შეუძლოდ გახდა, რის გამოც იძულებულები გახდნენ თვითმფრინავი ომსკში დაესვათ. ნავალნის ოჯახის წევრები ითხოვდნენ პაციენტის საზღვარგარეთ გადაყვანას, მაგრამ ექიმების აზრით მგზავრობა მეტად სარისკო იქნებოდა. მიუხედავად ექიმების რჩევისა, 22 აგვისტოს ნავალნი გადაიყვანეს გერმანიაში, სადაც რამდენიმე დღეში დაადგინეს, რომ ის მოწამლეს.

რუსეთის ხელისუფლება ამბობს, რომ ომსკში ჩატარებულ ანალიზში მოწამვლის კვალი არ ჩანდა და უარყოფენ რუსეთის ამ საქმეში მონაწილეობას.

შემდგომში ჩატარებულმა ჟურნალისტურმა გამოძიებამ რუსეთის უშიშროების როლი გამოკვეთა, ხოლო რუსეთის პრეზიდენტი, ვლადიმერ პუტინი მოწამვლის ფაქტს ,,ხრიკს” უწოდებს, რომელიც მიმართულია რუსი ლიდერების წინააღმდეგ. პუტინი ასევე აღნიშნავს, რომ ნავალნს ზურგს ამერიკის შეერთებული შტატებისა და სადაზვერვო სამსახურის მხარდაჭერა უმაგრებს.

ალექსეი ნავალნი ერთ თვეზე მეტი ხნის განმავლობაში მკურნალობდა გერმანიაში, გამოჯანმრთელების შემდეგ კი პუტინს ადანაშაულებს ღრმად კორუმპირებული ადმინისტრაციის მართვაში.

 

წყარო: BBC NEWS

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
1 2 3 14
Page 1 of 14