close

განათლება

ანათლებააქართველო

🚀🎓 ანა ონოფრიშვილი მასაჩუსეტსის ტექნოლოგიის ინსტიტუტში სრული დაფინანსებით ჩაირიცხა

23545g

კომაროვის სკოლის კურსდამთავრებული ანა ონოფრიშვილი მასაჩუსეტსის (აშშ) ტექნოლოგიის ინსტიტუტში, მათემატიკის ფაკულტეტზე სრული დაფინანსებით ჩაირიცხა. ინფორმაციას კომაროვის სკოლა ავრცელებს.

ანა დაჯილდოებულია კომაროვის სკოლის 2021 წლის საუკეთესო კურსდამთავრებულის სიგელით.  გარდა ამისა, საქართველოს პარლამენტის 100 წლის იუბილეზე ანას მიენიჭა სახელმწიფო ჯილდო – მედალი.

ცნობისთვის, Massachusetts Institute of Technology (MIT) მსოფლიოს წამყვანი კვლევითი ინსტიტუტია მეცნიერებასა და ტექნოლოგიის დარგში. მრავალი წელია მსოფლიო უნივესიტეტების რეიტინგში პრესტიჟულ ადგილს იკავებს, რაც განპირობებულია სასწავლო პროგრამების ინოვაციურობითა და თანამედროვე ტექნოლოგიური რესურსით.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ანათლება

კომაროვის სკოლის მოსწავლე 250 000 $-იანი გრანტით პრინსტონის უნივერსიტეტში ჩაირიცხა

2345678uygv

კომაროვის სკოლა-პანსიონი სოციალურ ქსელში თავისი მოსწავლის, ლაშა-გიორგი შამუგიას შესახებ სასიხარულო ინფორმაციას ავრცელებს:

„წარმოგიდგენთ კომაროვის სკოლის მე-12 კლასის მოსწავლეს – ლაშა-გიორგი შამუგიას!

ლაშა-გიორგი შამუგია 250.000$-ის დაფინანსებით პრინსტონის უნივერსიტეტში-Princeton University (აშშ) ჩაირიცხა!

პრინსტონის უნივერსიტეტი Ivy League-ის, ამერიკისა და მსოფლიოს ერთ-ერთი ყველაზე კონკურენტული და პრესტიჟული უნივერსიტეტია.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ანათლება

ინდოელმა ქალმა, რომელიც მცირე ასაკში გაათხოვეს და განათლება ვერ მიიღო, წერა-კითხვა 104 წლისამ ისწავლა

7ED24477-EAD0-4BEC-A7FC-F7770E89ED40

სამხრეთ ინდოეთში მცხოვრებმა ქალმა, რომელიც მშობლებმა 16 წლის ასაკში გაათხოვეს, გადაწყვიტა, ოცნება აესრულებინა და წერა-კითხვა ესწავლა, – ქალის შესახებ BBC-მ სიუჟეტი მოამზადა.

როგორც 104 წლის ქალი ჰყვება, ყოველთვის, როცა ანბანს ხედავდა, სურდა, ასოების ცნობა შეძლებოდა, თუმცა, მცირე ასაკში დაოჯახების გამო, განათლების მიღება ვეღარ მოახერხა და ათობით წელი ოჯახზე ზრუნვას შეალია.

„მინდოდა, მასწავლებელი გამოვსულიყავი, მაგრამ ეს ვერ მოხდებოდა, რადგან არასდროს მივლია სკოლაში“, – ამბობს ის.

ცოტა ხნის წინ, ქალმა გადაწყვიტა, წერა-კითხვა ესწავლა, დაიწყო მასწავლებელთან მომზადება და შვილიშვილების წიგნების კითხვა.

მან წერა-კითხვის ტესტი შთამბეჭდავი შედეგით ჩააბარა – 100-დან 89 ქულა მიიღო.

ქალი ამბობს, რომ კიდევ დიდხანს სურს იცოცხლოს და საკუთარი შთამომავლების წარმატება იხილოს.

სრულად ნახვა
ანათლებააქართველო

საქართველოს ისტორიაში პირველად: ირანში, ქართული ენის აკადემიურ დონეზე სწავლებას თსუ-ს წარმომადგენლები იწყებენ

1F0D7028-C066-4408-8F7F-017035928FBC

საქართველოს ისტორიაში პირველად, ირანის ისლამურ რესპუბლიკაში ქართული ენის აკადემიურ დონეზე სწავლებას ივანე ჯავახიშვილის სახელობის თბილისის სახელმწიფო უნივერსიტეტის წარმომადგენლები იწყებენ. იშვიათი ენების საშემოდგომო სკოლას მასპინძლობს ირანის ისლამური რესპუბლიკის ერთ-ერთი წამყვანი უმაღლესი სასწავლებელი ჰუმანიტარული და სოციალური მეცნიერებების დარგში – თეირანის ალამე თაბათაბაის უნივერსიტეტი, კერძოდ, მისი ენისა და ლიტერატურის ინტერდისციპლინური კვლევების ცენტრი.

ქართული ენის ონლაინ საშემოდგომო სკოლა ირანელი მსმენელებისთვის 28 ოქტომბერს გაიხსნა და მიმდინარე წლის დეკემბრის ბოლომდე გასტანს. სკოლაში ქართული ენის სწავლების მსურველი 60 მსმენელი დარეგისტრირდა. ქართული ენის კურსს თსუ კურსდამთავრებული და თანამშრომელი, ახალგაზრდა ირანისტი, დოქტორი ეკატერინე გოგალაძე უძღვება.

ქართული ენის აკადემიურ სწავლებას სპარსულენოვანი აუდიტორიისთვის ირანში პრეცედენტი არ ჰქონია. ამდენად, მნიშვნელოვანია, რომ ალამე თაბათაბაის უნივერსიტეტმა მოისურვა „იშვიათი ენების საზაფხულო და საშემოდგომო სკოლების“ ფორმატში ქართული ენის ჩართვა. ეს ფორმატი მხოლოდ ალამე თაბათაბაის უნივერსიტეტს აქვს ირანში და მასში მონაწილეობა, მით უფრო, ონლაინ რეჟიმში, წინასწარი რეგისტრაციის პირობით, შეზღუდული არ არის.

ქართველი ირანისტები საერთაშორისო ფორუმებზე თუ ირანის აკადემიურ წრეებთან პირადი შეხვედრებისას ყოველთვის აღნიშნავდნენ ქართული ენის ცოდნის მნიშვნელობას ამ ქვეყნის ჰუმანიტარული მეცნიერებისათვის; მიუთითებდნენ იმ მდიდარ მასალაზე, რომელიც დაცულია საქართველოს კვლევით და საარქივო ცენტრებში ან, სავარაუდოდ, ელის მკვლევრებს ირანის არქივებში; ხაზს უსვამდნენ იმ ღვაწლს, რომელიც ქართველ ირანისტებს მიუძღვით ირანული ენების, სპარსული ლიტერატურის, ირანის ისტორიისა და კულტურის შესწავლის საქმეში. იმისათვის, რომ ეს პროცესი ორმხრივი გახდეს, ირანელებს ქართული ენის შესწავლა დასჭირდებათ. ალამე თაბათაბაის უნივერსიტეტის ინიციატივა – ქართული ენის ონლაინ სწავლების კურსი, შესაძლოა, ირანელი მეცნიერების ფართო წრის დაინტერესების დასაბამი გახდება.

ალამე თაბათაბაის უნივერსიტეტის ბაზაზე, რეგიონული კვლევების სტუდენტური სამეცნიერო საზოგადოების ეგიდით 2021 წლის 31 აგვისტოს გაიმართა „ქართული მოთხრობების“ სპარსული თარგმანის ონლაინ პრეზენტაცია მთარგმნელების, ალამე თაბათაბაის უნივერსიტეტის მკვლევრების ზაჰრა ფაზუქიზადესა და მანდანა თიშეიარის, თსუ ირანისტიკის კათედრის ხელმძღვანელის, ასოც. პროფ. თეა შურღაიასა და საქართველოს შესახებ რამდენიმე წიგნის ავტორის, პროფ. ბაჰრამ ამირაჰმადიანის მონაწილეობით. თარგმანი შესრულდა ინგლისური ენიდან. პრეზენტაციაზე აღინიშნა ირანში ქართული ლიტერატურის მიმართ არსებული ინტერესის თაობაზე და გამოითქვა იმედი, რომ უახლოეს ხანებში შესაძლებელი გახდება ქართული მწერლობის ნიმუშების სპარსულ ენაზე უშუალოდ დედნიდან თარგმნა.

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
ანათლება

2021 წლის მასწავლებლის ეროვნული ჯილდოს მფლობელი ხათუნა რაზმაძე გახდა

D2F52B19-EA2B-41A4-B656-8BDFB87CBE2E

2021 წლის მასწავლებლის ეროვნული ჯილდოს გამარჯვებული გამოვლინდა. ჯილდოს მფლობელი ხათუნა რაზმაძე გახდა, რომელიც წმ. გიორგის სახელობის საერთაშორისო სკოლის მათემატიკის მასწავლებელია. მას ფულადი პრიზის სახით კამპანიის გენერალურმა სპონსორმა, გუდავაძე-პატარკაციშვილის ფონდმა 10 000 ლარი გადასცა.

მასწავლებლის ეროვნული ჯილდო განათლების კოალიციის, მასწავლებელთა პროფესიული განვითარების ეროვნულ ცენტრსა და განათლების, მეცნიერების, კულტურისა და სპორტის სამინისტროს შორის გაფორმებული მემორანდუმის საფუძველზე, 2017 წლის 13 მაისს დაწესდა. აღნიშნული ინიციატივა საქართველოში უკვე მეხუთედ ხორციელდება და ის მასწავლებელთა პოპულარიზაციისკენ მიმართული გლობალური კამპანიის – The Global Teacher Prize ნაწილია.

კონკურსის გენერალური სპონსორია „გუდავაძე-პატარკაციშვილის“ ფონდი, მხარდამჭერები არიან: ილიას სახელმწიფო უნივერსიტეტი, კონსულტაციის და ტრენინგის ცენტრი (ctc), ლიბერთი ბანკი, ტელეკომპანია იმედი, საზოგადოებრივი მაუწყებელი და მარკეტინგული კომპანია 4MEDIA.

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
ანათლებააქართველო

ჰარვარდში ქართველოლოგიის პროგრამა ამოქმედდება

1234567098765

მომავალი წლიდან პრემიერ-მინისტრის ინიციატივით, ჰარვარდის უნივერსიტეტის დევისის ცენტრში ქართველოლოგიის პროგრამა ამოქმედდება. პირველ ლექციას 2022 წლის თებერვალში ირაკლი ღარიბაშვილი წაიკითხავს.

საქართველოს განათლებისა და მეცნიერების მინისტრმა, მიხეილ ჩხენკელმა ჰარვარდის უნივერსიტეტში ქართველოლოგიის პროგრამის საინაუგურაციო ღონისძიებაზე აღნიშნა, რომ ფაქტი ისტორიულია და ეს ამერიკის ისტორიაშიც პირველად ხდება.

„დღეს ჩვენ ჭეშმარიტად ისტორიულ მოვლენას დავესწარით. საქართველოს პრემიერ-მინისტრის, ირაკლი ღარიბაშვილის ინიციატივით, ჰარვარდის უნივერსიტეტის დევისის ცენტრი ქართველოლოგიის პროგრამის განხორციელებას დაიწყებს. ეს უაღრესად მნიშვნელოვანია ჩვენი ქვეყნისთვის. ფაქტის ისტორიულობა ასევე მდგომარეობს იმაში, რომ ეს ამერიკის ისტორიაშიც პირველად ხდება. პროგრამის ფარგლებში სტუდენტებს საშუალება ექნებათ, რომ სიღრმისეულად გაეცნონ საქართველოს ისტორიას, კულტურას, ლიტერატურას, პოლიტიკას. მინდა, ასევე ხაზი გავუსვა სამეცნიერო-კვლევით საქმიანობას, რომელიც ამ პროგრამის ეგიდით წარიმართება. პროგრამა ფუნქციონირებას 2022 წლის თებერვალში დაიწყებს და პირველი ლექციით გაიხსნება, რომელსაც საქართველოს პრემიერ-მინისტრი ირაკლი ღარიბაშვილი წაიკითხავს“, – განაცხადა მიხეილ ჩხენკელმა.

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
ანათლება

11 წლის ბავშვი, რომელმაც ფიზიკის ბაკალავრის ხარისხი უკვე მიიღო და მალე მაგისტრატურის სტუდენტი გახდება

65767867832648713

ბელგიაში ანტვერპენის უნივერსიტეტში, 11 წლის ლორან სიმონსმა ფიზიკის ბაკალავრის ხარისხის მიიღო, – ამის შესახებ ინფორმაციას სასწავლო დაწესებულების ადმინისტრაცია ადასტურებს. 

სიმონსი “ვუნდერკინდია“, რომელმაც საშუალო სკოლა 8 წლის ასაკში დაამთავრა.

ფიზიკის ბაკალავრის კურსის დასრულება მან სულ რაღაც ერთ წელიწადში შეძლო. ზოგადად, პროგრამა სამწლიანია.

მომდევნო სასწავლო წელს სიმონსი ოფიციალურად დაიწყებს მაგისტრატურაში სწავლას.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ანათლებასტორიააქართველო

მედეა ღამბაშიძე – პირველი ქართველი სტუდენტი

4658768575765

მედეა ღამბაშიძე იყო პირველი, ვინც 1918 წელს დაარსებულ სახელმწიფო უნივერსიტეტში ჩაირიცხა. მან 19 წლის ასაკში პირველმა შეიტანა განცხადება თსუ-ში და პირველი სტუდენტური ბარათიც მისცეს. მედეა სიბრძნისმეტყველების ფაკულტეტზე სწავლობდა.

მედეას მშობლები სახელმწიფო უნივერსიტეტში ლექციებს უსასყიდლოდ კითხულობდნენ. მამა –  ვახტანგ ღამბაშიძე, ჰიგიენის კათედრას ხელმძღვანელობდა. დედა – ვანდა ღამბაშიძე, ივანე ჯავახიშვილის მოწვევით ინგლისურ ენას ასწავლიდა სტუდენტებს.

მედეა ღამბაშიძეს პირად მოგონებებში აღწერილი აქვს უნივერსიტეტის გახსნის დღე, სადაც ამ მოვლენის მნიშვნელობაზე საუბრობს.

„პირველ საათზე, დიდი ზეიმით გაიხსნა ქართული უნივერსიტეტი. აუარებელ საზოგადოებას ვეღარ იტევდა ქართული უნივერსიტეტის შენობის კედლები. პარაკლისის შემდეგ, უნივერსიტეტი გახსნა ქუთაისის მკვიდრმა და შემდგომ  საქართველოს დემოკრატიული რესპუბლიკის საგარეო საქმეთა მინისტრმა აკაკი ჩხენკელმა: „ეს დღე დაუვიწყარ დღედ დარჩება ქართველი ერისათვის… ამ უნივერსიტეტმა უნდა აღანთოს ქართველ ერში გონებრივი განახლებისა და აღორძინების ლამპარი. მან უნდა გადმონერგოს ჩვენში ევროპის გონების საგანძური. არასოდეს არ ყოფილა ასე საჭირო და ძვირფასი ჩვენთვის სამეცნიერო ტაძარი, როგორც დღეს – ამ ძველის დანგრევისა და ახალის წარმოშობის ჟამს – როდესაც ქართველმა ერმა უნდა მოიპოვოს არა მხოლოდ პოლიტიკური თავისუფლება, არამედ უნდა განახლდეს მისი სულიც და ფართოდ გაშალოს ფრთები მისი შემოქმედების გენიამ…“

“ჩავეწერე სიბრძნისმეტყველების ფაკულტეტზე. მახსოვს, მინდოდა ყველა ლექციის მოსმენა, აკაკი შანიძის ლექციით დავიწყე. მისივე რჩევით დავიწყე სომხური ენის სწავლა. 3 გაკვეთილის შემდეგ გადავედი არაბულზე. გ.ახვლედიანთან დავიწყე სანსკრიტის სწავლა. ძალიან მომწონდა ლურსმული წერა. მახსოვს კიდევ შალვა ნუცუბიძის სიცოცხლით სავსე ლექციები ფილოსოფიაზე და დიტო უზნაძის ნაზი, საინტერესო ლექციები ფსიქოლოგიაზე. ვისმენდი აგრეთვე ბატონ ივანე ჯავახიშვილის ლექციებს საქართველოს ისტორიის შესახებ”. – წერდა მედეა ღამბაშიძე დღიურში.

სამწუხაროდ, საბჭოთა ოკუპაციის გამო, მედეა ღამბაშიძეს უნივერსიტეტის დამთავრება არ დასცალდა. სამი წლის შემდეგ მთელი ოჯახით ემიგრაციაში მოუწია წასვლა. თავდაპირველად ოჯახი კონსტანტინოპოლში წავიდა, სადაც მედეამ და მისმა მშობლებმა  წითელ ჯვარში დაიწყეს მუშაობა. შემდეგ  ქართველი ინტელიგენციის სხვა წევრებთან და პირველი მთავრობის წარმომადგენლებთან ერთად პარიზში გაექცნენ საბჭოთა რეპრესიებს. როგორც მათი მოგონებებიდან ჩანს, ოჯახს პარიზში ძალიან უჭირდა და სამშობლოში დაბრუნებაზე ყოველდღე ოცნებობდა, თუმცა ეს ოცნება ვერასდროს აიხდინეს.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ანათლებამიგრანტისოფლიოაბუნებისმეტყველო მეცნიერებებიაქართველოიზიკა

მერაბ მალიშავა – კორეაში მოღვაწე ფიზიკოსი თბილისიდან

ფიზიკოსი კორეა

მერაბ მალიშავა თბილისის ივანე ჯავახიშვილის სახელობის სახელმწიფო უნივერსიტეტის კურსდამთავრებულია, რომელიც ამჟამად მაგისტრატურას კორეაში აგრძელებს. ახალგაზრდა ფიზიკოსმა ჯერ კიდევ მე-3 კურსზე შეძლო სამეცნიერო სტატია გამოექვეყნებინა პრესტიჟულ საერთაშორისო ჟურნალში და ამჟამადაც არ კარგავს მუშაობის ტემპს. საკუთარი საქმიანობისა და სტუდენტური გამოცდილების შესახებ მერაბი თავად გვიამბობს.

-მერაბ, შენი სამეცნიერო სტატია ,,Physical Review Letters-შo” გამოაქვეყნეს, გვიამბე, რას ეხებოდა ნაშრომი და როგორი გამოხმაურება მოყვა მას?
-კომაროვის სკოლის დასრულების შემდეგ, სასწავლებლად ივ.ჯავახიშვილის სახეობის ზუსტ და საბუნებისმეტყველო მეცნიერებათა ფაკულტეტზე მოვეწყვე და ჯერ კიდევ პირველ კურსზე, პროფესორმა რამაზ ხომერიკმა შემომთავაზა, რომ გვემუშავა ამოცანაზე, რომელიც ეხებოდა გარკვეული სახის ტალღების გავრცელებას არასწრფივი ოსცილატორების ჯაჭვში. ეს იყო საინტერესო პროექტი, სადაც ჩვენ ვიხილავდით ტალღების გაძლიერების მექანიზმს, გამოგვყავდა თეორია, რომელსაც რიცხობრივადაც ვამოწმებდით. ეს იყო ჩემთვის პირველი მეცნიერული გამოცდილება და, საბოლოოდ, მე-3 კურსის მიწურულს ჩვენ გავაგზავნეთ სტატია „Physical Review Letters-ში“, სადაც ჩვენი სტატია მიიღეს. მოგვიანებით, ნაშრომი ზურაბ ჟვანიას ფონდის მიერ დაწესებულ პრემიაზე გავაგზავნე და საპრიზო ადგილიც დავიკავე, სტატიას კი, ამ წლების განმავლობაში რამდენიმე ციტირება მოუგროვდა.
-ამჟამად კორეაში სწავლობ, რატომ მაინცდამაინც კორეა?
-უნივერსიტეტის დამთავრებისას ერთი წლით იტალიაში გავემგზავრე, ქალაქ ტრიესტში, აბდუს სალამის სახელობის თეორიული ფიზიკის საერთაშორისო ცენტრში (ICTP) და მონაწილეობა მივიღე Postgraduate Diploma Programme-ში. იქ გავეცანი ერთ-ერთ დიდ ქართველ მეცნიერს – ბატონ ალექსანდრე ნერსესიანს და შემდგომ, მისი ხელმძღვანელობითვე დავიცავი ნაშრომი.
შემდეგი ნაბიჯი უკვე კორეის კომპლექსური სისტემების ფიზიკის საერთაშორისო ცენტრი (PCS IBS) გახდა, სიმართლე გითხრათ, სამუშაო ადგილის არჩევისას გეოფრაფიულ ადგილმდებარეობას უფრო ნაკლებ ყურადღებას ვანიჭებ, ვიდრე იმ შესაძლებლობებს, რასაც სთავაზობს ესა თუ ის ადგილი ადამიანს. მაგალითისთვის, შემოთავაზება მქონდა ბარსელონაშიც, მაგრამ ნამდვილად არ ვნანობ, რომ კორეა ავირჩიე.
საქმე ისაა, რომ იტალიაში სწავლისას შევეხე სამეცნიერო ცხოვრების იმ ასპექტს, რომელიც ეხება კონფერენციებს, თანამშრომლობას, „დიდი ადამიანების“ მოსმენას და მათთან კონტაქტის დამყარების შესაძლებლობას. ICTP წარმოადგენს ისეთ ადგილს, სადაც მუდმივად არის მეცნიერების ნაკადი, ამიტომ მქონდა შესაძლებლობა, დავსწრებოდი ბევრ საინტერესო ლექციას, მენახვა – ვინ რას აკეთებს და, ასე ვთქვათ, „პულსი მეგრძნო“. რაღაცნაირად მივედი იმ აზრამდე, რომ შესაძლებლობა – რომ „პულსს გრძნობდე“ ძალიან მნიშვნელოვანია მეცნიერებაში. იმ ადგილს, რაც მე კორეაში ავირჩიე, აქვს ბევრი თვისება, რაც ICTP-ს. და სწორედ ეს თვისებები გახდა ჩემთვის გადამწყვეტი.
-ამჟამად რა საკითხზე მუშაობ?
-ამჟამად აქ ვმუშაობ საინტერესო პროექტზე რომელიც ეხება, ეგრეთ წოდებულ ანდერსონის ლოკალიზაციას. მოკლედ რომ ავხსნათ, წარმოიდგინეთ, რომ გაქვთ ნაწილაკი ისეთ დისკრეტულ სისტემაში (ანუ როცა სივრცეში ნაწილაკის პოვნა შეიძლება არა ნებისმიერ ადგილას, არამედ გარკვეულ „კვანძებზე“, კონდენსირებული გარემოს ფიზიკაში მუდმივად ასეთ სისტემებს შეისწავლიან), სადაც პოტენციალი ყოველ კვანძზე შემთხვევითადაა არჩეული. თურმე, ასეთ სისტემაში ნაწილაკი ვერ ვრცელდება და გარკვეულ ადგილას „ლოკალიზებული“ რჩება. ზუსტად ეს მოვლენაა ანდერსონის ლოკალიზაცია. ჩვენ კი ვიხილავთ არა ერთ, არამედ ორ ნაწილაკს ასეთ სისტემაში და შევისწავლით რა და როგორ შეიცვლება ამ დროს.
-მერაბ, როგორია შენი სამომავლო გეგმები და როდის აპირებ საქართველოში დაბრუნებას?
-კორეაში 3 წელზე მეტი დროის გატარება მომიწევს, ამიტომ – შორეულ გეგმებს არ და ვერ ვაწყობ. ჯერჯერობით, კონცენტრირებული ვარ იმაზე, რისი გაკეთებ აქ და ახლა შემიძლია. ასე რომ, სამწუხაროდ, მომავალზე არაფრის თქმა არ შემიძლია, უფრო მეტი რამ რომ მეთქვა, ძალიან სწორად მოიქცეოდით თუ არ დამიჯერებდით.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ანათლებააქართველო

საქართველო ყველაზე ცუდი განათლების სისტემის მქონე ქვეყნებს შორის მოწინავეა

203589813_157500616413079_3905325545294973757_n

შეგვიძლია ვთქვათ, რომ ძალიან ცოტა რამ არის უფრო მნიშვნელოვანი, ვიდრე განათლება. მსოფლიოს განვითარებულ ქვეყნებს აქვთ შესაბამისად კარგი განათლების სისტემები და აქვთ შესაძლებლობა მაღალი ხარისხის განათლება მიიღონ.

არსებობენ ორგანიზაციები, რომლებიც იყენებენ სხვადასხვა მონაცემებს იმის დასადგენად, თუ რომელ ერებს აქვთ განათლების საუკეთესო სისტემები. ერთ-ერთი ასეთი სია შექმნა ეკონომიკური თანამშრომლობისა და განვითარების ორგანიზაციამ(OECD). მან შეისწავლა 25-დან 65 წლამდე ასაკის პირთა რაოდენობა, რომლებმაც დაასრულეს პროფესიული პროგრამა ანდა მიიღეს ორ ან ოთხ წლიანი დიპლომი.

აღნიშნული სიიდან გამომდინარე, კანადა ყველაზე განათლებული ერია, სადაც მოზარდთა 56%-ზე მეტმა საშუალო სკოლის შემდეგ გააგრძელა სწავლა. მეორე ადგილს იკავებს იაპონია 50%-ით და მესამეზე არს ისრაელი, სადაც მოზარდთა 49.9%-მა დაასრულა უმაღლესი საგანმანათლებლო პროგრამა.

საინტერესოა საქართველოს ადგილი ამ სიაში. საქართველო შედის ყველაზე ცუდი განათლების სისტემის მქონე სახელმწიფოთა სიაში და მასთან ერთად განიხილებიან: ბირმა, ცენტრალური აფრიკის რესპუბლიკა, დომინიკელთა რესპუბლიკა, ეკვატორული გვინეა, ლიბერია, ლიბია და ა.შ.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
1 2 3 26
Page 1 of 26