close

განათლება

ანათლება

სკოლებში საქართველოს ისტორიის სწავლება ძლიერდება

7CD35A0C-1719-4FBF-A783-40F35A6E0FEA

განათლების სამინისტროს ცნობით, მინისტრ მიხეილ ჩხენკელის გადაწყვეტილებით, სკოლებში საქართველოს ისტორიის სწავლება ძლიერდება.

როგორც უწყების განცხადებაში აღნიშნული, ამ მიმართულებით მუშაობა 2021 წლიდან დაიწყო, შეიქმნა სპეციალურად დაკომპლექტებული ისტორიკოსთა ჯგუფი.

„ქართველ ისტორიკოსთა ერთობლივი მუშაობის შედეგად, მიღებულ იქნა ისტორიის განახლებული სტანდარტი, რომლის თანახმად, ეროვნულ სასწავლო გეგმაში „საქართველოს ისტორია“ და „ისტორია“ ცალ-ცალკე საგნად გაიწერა. საგნის „საქართველოს ისტორია“ სწავლებისას აქცენტი გაკეთდება ქართული ისტორიოგრაფიისთვის აქტუალური პრობლემების კვლევაზე და მათ სიღრმისეულ გააზრებაზე. „ისტორიის“ საგნის სწავლება კი მთავარ მიზნად ისახავს მსოფლიო ისტორიული მოვლენების/პროცესების შესწავლასა და მათთან საქართველოს ისტორიის საკითხების დაკავშირებას.

სხვა საგნების მსგავსად, ისტორიის სტანდარტიც სრულად ეფუძნება მესამე თაობის ეროვნული სასწავლო გეგმის ერთიან კონცეფციას. აქცენტი კეთდება ისეთ მიდგომებზე, როგორებიცაა: კონსტრუქტივიზმის პრინციპები, ცნებების პედაგოგიკა და დიფერენცირებული სწავლება.

გრიფირების პროცესი უკვე დაწყებულია და გრიფირებისთვის წარმოდგენილია 5 სხვადასხვა გამომცემლობის სახელმძღვანელო – საგანში „საქართველოს ისტორია.“ შესაბამისი სპეციალისტებით დაკომპლექტებული რეცენზენტების ჯგუფის მიერ მიმდინარეობს სახელმძღვანელოების შეფასების პროცესი, რომელიც ივლისის ბოლომდე დასრულდება… 2022-23 სასწავლო წლიდან X კლასის მოსწავლეებს „საქართველოს ისტორიის“ ახალი სახელმძღვანელო ექნებათ.“ – ნათქვამია განცხადებაში.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ანათლებააქართველო

21 წლის ქართველმა ქიმიკოსმა კალიფორნიაში, სან დიეგოს სახელმწიფო უნივერსიტეტის სადოქტორო პროგრამაზე სრული დაფინანსება მოიპოვა

0696644D-A11A-4B0D-BC70-6DA0E70A09C2

21 წლის ქართველმა ქიმიკოსმა სან დიეგოს სახელმწიფო უნივერსიტეტის სადოქტორო პროგრამაზე კალიფორნიაში სრული დაფინანსება მოიპოვა. ლევან გოჯიაშვილი SDUS-ს წლევანდელი კურსდამთავრებული და არაერთი ოლიმპიადისა და კონკურსის გამარჯვებულია. მისი ჩართულობით საქართველოს ეროვნულმა ნაკრებმა მრავალი მედალი მოუტანა ქიმიკოსთა ნაკრებს.

„STEM-ის მიმართ ჩემი ინტერესი მნიშვნელოვნად გააძლიერა ქიმიის მასწავლებელმა სკოლაში, რომელმაც მოახერხა საგნის მიმართ საკუთარი სიყვარულისა და ერთგულების იმგვარად გადმოცემა მოსწავლეებისათვის, რომ ნათლად დაგვენახა ქიმიის, როგორც მეცნიერების უსაზღვრო შესაძლებლობები. მეცხრე კლასიდან ამ საგნის შესწავლა ინტენსიურად და საფუძვლიანად დავიწყე,” – ამბობს ლევანი.

ლევან გოჯიაშვილმა პირველი მნიშვნელოვანი გამოცდილება ამ სფეროში, სკოლის პერიოდში შეიძინა.

„სკოლის დამთავრების შემდეგ ჩავაბარე სან დიეგოს სახელმწიფო უნივერსიტეტში – საქართველო, სადაც იყო წარმოდგენილი ერთადერთი ამერიკული ქიმიის საბაკალავრო პროგრამა საქართველოში, რომელიც საშუალებას მაძლევდა, უმაღლესი საფეხურის განათლების ხარისხის მისაღებად მებრძოლა და გავმხდარიყავი კონკურენტუნარიანი მთელი მსოფლიოს მასშტაბით“,- ამბობს ლევანი,

ახალგაზრდა მეცნიერის სამომავლო მიზნებია მიიღოს დოქტორის ხარისხი ქიმიაში და შემდეგ გააგრძელოს მუშაობა ინდუსტრიაში, აწარმოოს იაფი და ნაკლებად ტოქსიკური კატალიზატორები სხვადასხვა სამრეწველო პროცესებისათვის, რაც მნიშვნელოვნად შეამცირებს ქიმიური ნარჩენების მავნე ზემოქმედებას გარემოზე.

წყარო : პრაიმტაიმი 

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ანათლება

ნიკა ცქიტიშვილი ნიუ-იორკის უნივერსიტეტის ასტროფიზიკის ფაკულტეტზე სრული დაფინანსებით ჩაირიცხა

971993CE-B9CC-4AAE-8B40-1B9A4ED0C048

კომაროვის სკოლის კურსდამთავრებული, ნიკა ცქიტიშვილი ნიუ-იორკის უნივერსიტეტის აბუ-დაბის კამპუსში(NYUAD) ასტროფიზიკის ფაკულტეტზე სრული 330 000 $-იანი დაფინანსებით ჩაირიცხა.
ნიუ-იორკის უნივერსიტეტი(NYU) გამორჩეულია საერთაშორისო განათლების მაღალი ხარისხით. მას აქვს სამი ძირითადი და მცირე გაცვლითი კამპუსები ყველა კონტინენტზე. NYU-ს ძირითადი კამპუსები მდებარეობს ნიუ-იორკში, აბუ-დაბსა და შანხაიში. უნივერსიტეტი სტუდენტებს საშუალებას აძლევს ორი სემესტრი უნივერსიტეტის სხვა კამპუსებში გაატარონ.
ნიკა არის საქართველოს ასტრონომიის კლუბის (GAC) ერთ-ერთი ადმინისტრატორი. იგი 2018 წლის ბაქსვუდის სამეცნიერო ბანაკის 5 საუკეთესო მოსწავლეს შორის მოხვდა და ლაბორატორია CERN-ში გაემგზავრა. ასევე ნიკა იყო 2018-2019 წლებში ასტრონომიისა და ასტროფიზიკის საერთაშორისო ოლიმპიადაზე (IOAA) საქართველოს ნაკრების წევრი.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ანათლებააქართველო

კომაროვის სკოლის მე-12 კლასის მოსწავლემ აშშ-ს უნივერსიტეტში 200 000 დოლარიანი დაფინანსება მოიპოვა

22574E8F-8334-4CE9-A49C-8D96557A3E05

კომაროვის სკოლის მე-12 კლასის მოსწავლემ აშშ-ს უნივერსიტეტში 200 000 დოლარიანი დაფინანსება მოიპოვა. საუბარია ირაკლი მატარაძეზე.

კომაროვის სკოლის ინფორმაციით, ირაკლი ვინგეითის უნივერსიტეტში (Wingate University ) ჩაირიცხა სრული 200 000$-იანი დაფინანსებით და სწავლას მოლეკულური ბიოლოგიისა და ბიოქიმიის მიმართულებით გააგრძელებს. ასევე, ირაკლი მიიღეს 100%-იანი დაფინანსებით ჩრდილო კაროლინას წამყვან უნივერსიტეტში, ჩაპელ ჰილში(University of North Carolina at Chapel Hill). ირაკლიმ SAT გამოცდაზე მათემატიკის მოდულში მაქსიმალური ქულა დააფიქსირა 800/800.

ირაკლი არის: პროექტ “სახალისო მათემატიკის” მასწავლებელი. მოხალისეობრივად ასწავლის მათემატიკას ქართველ და უცხოელ მოსწავლეებს. მანვე IELTS გამოცდაში 8.0/9.0 ქულა დააფიქსირა.

თავისუფალ დროს ირაკლი საბუნებისმეტყველო საგნებს უთმობს, კერძოდ, მოსწონს ბიოლოგიური ინჟინერიისა და გენური მოდიფიკაციების შესწავლა. დაინტერესებულია სხვადასხვა ქვეყნის კულტურათა შეცნობით. განსაკუთრებით ენების შესწავლით: რუსული, სომხური, ინგლისური, იაპონური და გერმანული.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ანათლებააქართველო

ქუთაისელმა მოსწავლემ ჰარვარდის უნივერსიტეტის 95%-იანი დაფინანსება მოიპოვა

765475472

ქუთაისის ნიკო ნიკოლაძის სახელობის სკოლა-ლიცეუმის მოსწავლე ანასტასია ლელაძე, 95%-იანი დაფინანსებით, ჰარვარდის უნივერსიტეტში ჩაირიცხა. ინფორმაციას ამის შესახებ შავი ზღვის საერთაშორისო უნივერსიტეტი ავრცელებს.

ანასტასია ლელაძის თქმით, ჰარვარდამდე გზა ადვილი არ იყო, მაგრამ შედეგმა რამდენიმეწლიანი თავდაუზოგავი შრომა გაამართლა.

„მე-9 კლასში ვიყავი, როცა დამრიგებელმა და მათემატიკის მასწავლებელმა, მურათ ულუირმაქმა, ამერიკის წამყვან უნივერსიტეტებში სწავლის გასაგრძელებლად SAT-ის გამოცდისთვის მეცადინეობის დაწყება შემომთავაზა. იმ დღიდან ინტენსიურად ვმუშაობდი, აქტივობებს ვგეგმავდი და ვახორციელებდი. ბოლომდე ვიხარჯებოდი, რათა დასახული მიზნისთვის მიმეღწია. იყო სირთულეებიც, მაგრამ არ შემშინებია. მთავარი მოტივატორი მურათ მასწავლებელი იყო, რომელიც სულ მამხნევებდა და საკუთარი თავის რწმენას მიმყარებდა“, – ამბობს ანასტასია ლელაძე.

შავი ზღვის საერთაშორისო უნივერსიტეტის ინფორმაციით, 17 წლის ახალგაზრდა ამერიკის შეერთებული შტატებში აგვისტოში გაემგზავრება და ბაკალავრიატის საფეხურზე პოლიტიკური მეცნიერებების ფაკულტეტზე ისწავლის, რომლის დასრულების შემდეგ, რამდენიმეწლიან პრაქტიკას მიიღებს.

 

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ანათლებასტორიაულტურა

10 ნაკლებად ცნობილი ფაქტი უნივერსიტეტის ისტორიიდან

Tsu3

თსუ-ს სტუდენტებმა უნივერსიტეტის შესახებ ფილმი გადაიღეს. მასში მოთხრობილია ფართო საზოგადოებისთვის უცნობი რამდენიმე ფაქტის შესახებ. „უცნობი ისტორიების“ დამდგმელი რეჟისორი და პროექტის ხელმძღვანელი თამარ ბელქანიაა.

1. როდესაც დღევანდელი თბილისის სახელმწიფო უნივერსიტეტის დაარსება გადაწყდა, თავდაპირველად ვერ შეთანხმდნენ, უნივერსიტეტი ჰუმანიტარული განხრის ყოფილიყო თუ ტექნიკურის. საბოლოოდ ჰუმანიტარული პროფილი აირჩიეს, რადგან ტექნიკური რომ აერჩიათ, ის ამიერკავკასიის მასშტაბის სასწავლებელი იქნებოდა და მოუწევდათ სწავლების ენად რუსული დაემტკიცებინათ.

2. უნივერსიტეტის შენობის ასაგებად შესაწირი არა მხოლოდ ქართველებმა, სომხებმა და აზერბაიჯანელებმაც გაიღეს. ფული გამოგზავნეს საინგილოდან და ლაზიკიდანაც… ზურმუხტის თვლები და 4 ათასი მანეთი შემოსწირა მარიამ ჯამბაკურ-ორბელიანმა, ხოლო კოტე აბხაზმა – 500 მანეთი.

სიმონ კლდიაშვილი
სიმონ კლდიაშვილი

3. შენობის აგება პირველ ქართველ არქიტექტორს, სიმონ კლდიაშვილს, შეუკვეთეს. ამას სიმბოლური მნიშვნელობა ჰქონდა, რადგან მანამდე მხოლოდ ეთნიკურად არაქართველი არქიტექტორები იყვნენ საქართველოში და ამის გამო ზოგი იმასაც კი ფიქრობდა, რომ ქართველები ამ პროექტს თავს ვერ გაართმევდნენ.

 

4. მშენებლობისას საძირკველში ერთი ბოთლი კახური ღვინო და იმდროინდელი პრესა ჩაატანეს.

5. წიგნები უნივერსიტეტში დროგებით მოჰქონდათ და გადმოტვირთვისას ერთმანეთს ხელიდან ხელში გადასცემდნენ.

მედეა ღამბაშიძე
მედეა ღამბაშიძე

6.უნივერსიტეტის პირველი სტუდენტი ქალი იყო, მედეა ღამბაშიძე.

7. უნივერსიტეტი თავიდან კერძო სასწავლებლად დაარსდა.

8. უნივერსიტეტის სტუდენტები ხშირად მიდიოდნენ ომში მოხალისეებად. 1921 წელს ივანე ჯავახიშვილმა თავადაც მოუწოდა სტუდენტებს ქვეყანა დაეცვათ.

ივანე ჯავახიშვილი
ივანე ჯავახიშვილი

​9. ბოლშევიკური არმია თბილისში რომ შემოვიდა, ივანე ჯავახიშვილი სახლში იმყოფებოდა. უთხრეს, უნივერსიტეტის გასაღებს ითხოვენო. თავად მივუტანო, თქვა ჯავახიშვილმა და უნივერსიტეტში წავიდა. იქ მისულმა კარი გააღო, გასაღებით შიგნიდან ჩაკეტა და განაცხადა, ახლა ვისაც უნდა და როგორც უნდა, ისე შემოვიდესო.

ლავრენტი ბერია
ლავრენტი ბერია

10. ლავრენტი ბერიამ ივანე ჯავახიშვილი დაიბარა და სთხოვა, მისი ცოლი, რომელსაც სკოლის ატესტატი არ ჰქონდა, უნივერსიტეტში მიეღო. ატესტატის გარეშე ვერ გამოვაო, უთხრა მეცნიერმა. „ბრძანება რომ იყოსო?“, – ჰკითხა ლავრენტი ბერიამ. „უნივერსიტეტში ბრძანებებს მე ვწერო“, – უპასუხა ჯავახიშვილმა.

ფოტოების ნაწილი ამოღებულია ფილმიდან „უცნობი ისტორიები“.

წყარო : radiotavisupleba.ge

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ანათლებავლევები

აშშ-ის სკოლებში ახალი სტრატეგია „ტესტი-დარჩენისთვის“ ამოქმედდება

2345tfg

აშშ-ის დაავადების კონტროლისა და პრევენციის ცენტრმა ახალი სტრატეგია – „ტესტი-დარჩენისთვის“ – წარადგინა, რომელიც არავაქცინირებულ ბავშვებს საკლასო ოთახებში სწავლის გაგრძელების საშუალებას აძლევს მაშინაც კი, თუ მათ ინფიცირებულთან კონტაქტი ჰქონდათ.

„თუკი ეს ბავშვები გარკვეულ კრიტერიუმებს შეასრულებენ და კორონავირუსზე ჩატარებული ტესტების პასუხი უარყოფითი იქნება, მათ, სახლში კარანტინში ყოფნის ნაცვლად, სკოლაში დარჩენისა და სწავლის საკლასო ოთახებში გაგრძელების საშუალება ექნებათ,“- განაცხადა დაავადებათა კონტროლისა და პრევენციის ცენტრის დირექტორმა როშელ ვალენსკიმ.

მისი განმარტებით, სკოლებმა თავიანთ მოსწავლეებს ტესტი კვირაში ორჯერ უნდა ჩაუტარონ.
ახალი მითითებები აშშ-ში კორონავირუსის „ომიკრონ“ ვარიანტის გავრცელების ფონზე გაიცა. აღსანიშნავია, რომ კორონავირუსი აშშ-ის მინიმუმ 39 შტატია დადასტურებული. „ველით, რომ უახლოეს კვირებში ის აშშ-ში დომინანტური შტამი გახდება,“ – აღნიშნა ვალენსკიმ. კორონავირუსის „ომიკრონ“ შტამი, რომელიც პირველად სამხრეთ აფრიკაში დაფიქსირდა, ჯანდაცვის მსოფლიო ორგანიზაციამ „შემაშფოთებელ ვარიანტად“ შეაფასა. მეცნიერები ჯერ კიდევ იკვლევენ, იწვევს თუ არა „ომიკრონი“ დაავადების უფრო მძიმე სიმპტომებს, ვიდრე სხვა შტამები და იცავენ თუ არა ვაქცინები  დაინფიცირებულებს ვირუსის მძიმე ფორმის განვითარებისგან.

წყარო : reuters.com

მასალა მოამზადა : თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ანათლებააქართველო

🚀🎓 ანა ონოფრიშვილი მასაჩუსეტსის ტექნოლოგიის ინსტიტუტში სრული დაფინანსებით ჩაირიცხა

23545g

კომაროვის სკოლის კურსდამთავრებული ანა ონოფრიშვილი მასაჩუსეტსის (აშშ) ტექნოლოგიის ინსტიტუტში, მათემატიკის ფაკულტეტზე სრული დაფინანსებით ჩაირიცხა. ინფორმაციას კომაროვის სკოლა ავრცელებს.

ანა დაჯილდოებულია კომაროვის სკოლის 2021 წლის საუკეთესო კურსდამთავრებულის სიგელით.  გარდა ამისა, საქართველოს პარლამენტის 100 წლის იუბილეზე ანას მიენიჭა სახელმწიფო ჯილდო – მედალი.

ცნობისთვის, Massachusetts Institute of Technology (MIT) მსოფლიოს წამყვანი კვლევითი ინსტიტუტია მეცნიერებასა და ტექნოლოგიის დარგში. მრავალი წელია მსოფლიო უნივესიტეტების რეიტინგში პრესტიჟულ ადგილს იკავებს, რაც განპირობებულია სასწავლო პროგრამების ინოვაციურობითა და თანამედროვე ტექნოლოგიური რესურსით.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ანათლება

კომაროვის სკოლის მოსწავლე 250 000 $-იანი გრანტით პრინსტონის უნივერსიტეტში ჩაირიცხა

2345678uygv

კომაროვის სკოლა-პანსიონი სოციალურ ქსელში თავისი მოსწავლის, ლაშა-გიორგი შამუგიას შესახებ სასიხარულო ინფორმაციას ავრცელებს:

„წარმოგიდგენთ კომაროვის სკოლის მე-12 კლასის მოსწავლეს – ლაშა-გიორგი შამუგიას!

ლაშა-გიორგი შამუგია 250.000$-ის დაფინანსებით პრინსტონის უნივერსიტეტში-Princeton University (აშშ) ჩაირიცხა!

პრინსტონის უნივერსიტეტი Ivy League-ის, ამერიკისა და მსოფლიოს ერთ-ერთი ყველაზე კონკურენტული და პრესტიჟული უნივერსიტეტია.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ანათლება

ინდოელმა ქალმა, რომელიც მცირე ასაკში გაათხოვეს და განათლება ვერ მიიღო, წერა-კითხვა 104 წლისამ ისწავლა

7ED24477-EAD0-4BEC-A7FC-F7770E89ED40

სამხრეთ ინდოეთში მცხოვრებმა ქალმა, რომელიც მშობლებმა 16 წლის ასაკში გაათხოვეს, გადაწყვიტა, ოცნება აესრულებინა და წერა-კითხვა ესწავლა, – ქალის შესახებ BBC-მ სიუჟეტი მოამზადა.

როგორც 104 წლის ქალი ჰყვება, ყოველთვის, როცა ანბანს ხედავდა, სურდა, ასოების ცნობა შეძლებოდა, თუმცა, მცირე ასაკში დაოჯახების გამო, განათლების მიღება ვეღარ მოახერხა და ათობით წელი ოჯახზე ზრუნვას შეალია.

„მინდოდა, მასწავლებელი გამოვსულიყავი, მაგრამ ეს ვერ მოხდებოდა, რადგან არასდროს მივლია სკოლაში“, – ამბობს ის.

ცოტა ხნის წინ, ქალმა გადაწყვიტა, წერა-კითხვა ესწავლა, დაიწყო მასწავლებელთან მომზადება და შვილიშვილების წიგნების კითხვა.

მან წერა-კითხვის ტესტი შთამბეჭდავი შედეგით ჩააბარა – 100-დან 89 ქულა მიიღო.

ქალი ამბობს, რომ კიდევ დიდხანს სურს იცოცხლოს და საკუთარი შთამომავლების წარმატება იხილოს.

სრულად ნახვა
1 2 3 27
Page 1 of 27