close

ბიზნეს პერსონა

ბიზნეს პერსონა

Jack Ma-ს აღზევების და დაცემის ისტორია

თანამედროვე ჩინეთის ისტორიაში ერთ-ერთი ყველაზე გავლენიანი ბიზნესმაგნატის, ინვესტორისა და ქველმოქმედის, Jack Ma-ს დაღმასვლის ისტორიას რთულია გვერდი აუარო. საინტერესოა, თუ რამ გამოიწვია ჩინეთის უმდიდრესი ადამიანის პოლიტიკურ დევნილად ქცევა. ერთი საბედისწერო განცხადებით, მილიარდერი Jack Ma ჩინეთის მმართველი კომუნისტური პარტიისთვის არასასურველ ადამიანად გადაიქცა.
Jack Ma-ს ისტორია 1999 წელს დაიწყო კომპანია Alibaba-ს დაფუძნებით, რომელიც ჩინეთის ამაზონად იქცა სულ რამდენიმე წელიწადში. 2020 წლისთვის, Alibaba-ს საბაზრო კაპიტალიზაცია მნიშვნელოვნად გაიზარდა, ხოლო Jack Ma-ს ქონებამ 61 მილიარდ დოლარს მიაღწია და ჩინეთის უმდიდრესი ადამიანიც გახდა. გარდა ამისა, Jack Ma ფლობს Ant Group-ს, რომელიც ჩინეთის მარეგულირებელი ორგანოებისგან ისევე მკაცრად არ კონტროლირდება, როგორც ჩინეთის სხვა ბანკები. შეიძლება ითქვას, რომ Jack Ma ჩინეთის ორი ყველაზე მნიშვნელოვანი და მსხვილი კომპანიის დამფუძნებელია, თუმცა სწორედ მარეგულირებლების მიმართ გამოჩენილმა სითამამემ გამოიწვია დიდების მწვერვალიდან მისი კატასტროფული ვარდნა.
2020 წელს, შანხაიში გამართულ ეკონომიკურ სამიტზე Jack Ma-მ კომუნისტური პარტიის მაღალჩინოსნების, მარეგულირებელი ორგანოების ხელმძღვანელების, გავლენიანი და უმდიდრესი ადამიანების წინაშე 20 წუთიანი საბედისწერო სიტყვა წარმოთქვა. მან უკმაყოფილება გამოთქვა კომუნისტური პარტიის საქმიანობასთან დაკავშირებით, არაერთ პრობლემაზე გაამახვილა ყურადღება და ახსენა, რომ მარეგულირებლები მოძველებული ხერხებით მუშაობენ, რაც მნიშვნელოვნად ზღუდავს ინოვაციებსა და ბიზნესის განვითარებას. Jack Ma-ს კრიტიკა მთავრობის წარმომადგენლებმა უარყოფითად მიიღეს, თავად ჩინეთის პოლიტიკური ლიდერი, სი ძინპინიც განარისხა წარმოთქმულმა სიტყვამ. Jack Ma-ს გამოსვლიდან რამდენიმე საათში Ant Group-ისა და Alibaba-ს წინააღმდეგ გამოძიება დაიწყო, შეიქმნა ახალი ანტიმოპოლიური კანონპროექტი, მარეგულირებელმა ორგანომ კი ყველაზე მსხვილი საჯარო შეთავაზება დაბლოკა. მთავრობამ გარიგება ჩაშალა და Ant Group-ს საფონდო ბირჟაზე განთავსების უფლება არ მისცა. რამდენიმე თვეში კომპანია Alibaba ანტიმონოპოლიური კანონის დარღვევაში ამხილეს და 2.8 მილიარდი დოლარით დააჯარიმეს. 2021 წელს Jack Ma-მ ოფიციალურად დაკარგა ჩინეთისა და აზიის უმდიდრესი ადამიანის სტატუსი და 56-ე ადგილზე ჩამოქვეითდა. 2020 წლის შემდეგ საჯარო ინტერვიუში Jack Ma აღარ გამოჩენილი, რამდენიმე თვის განმავლობაში მისი ადგილმდებარეობაც კი უცნობი იყო. ამჟამად Jack Ma აღარ არის Ant Group-ის აღმასრულები დირექტორი და საბჭოს წევრი, გარდა ამისა იგი ჩამოშორდა კომპანია Alibaba-ს მენეჯმენტს.
საბედისწერო განცხადებისა და ჩინეთის მთავრობისთვის წითელი ხაზის გადაკვეთის შემდეგ, Jack Ma-ს რადარებს მიღმა უწევს დარჩენა. ჩინეთის მთავრობამ კი დასახულ მიზანს მიაღწია, ყველას დაანახა რომ ჩინეთის კომუნისტური პარტიის მაღლა არავინ დგას.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ბიზნეს პერსონაემიგრანტი

“ყველაზე წარმატებული ბიზნესმენი საკუთარ საქმეზე შეყვარებული ადამიანია” – ქართველი ხელოვანი ლოს ანჯელესში

ა ხდება მაშინ, როდესაც მივიღებთ გადაწყვეტილებას, საკუთარი საყვარელი საქმე სამშობლოს ფარგლებს გარეთ გვქონდეს, რა სირთულეები იჩენს ასეთ დროს თავს და რა არის ის ძირითადი დეტალები, რაც უნდა გავითვალისწინოთ – ეს არის საკითხები, რომელთა სწორად შესწავლაც, შეიძლება ითქვას, მწარმოებლის წარმატებას განსაზღვრავს. მარი დუა kelistones ბრენდზე მუშაობს. აღნიშნული ბიზნესი მან, თავდაპირველად, საქართველოში წამოიწყო. თუმცა, მოვლენები ისე განვითარდა, რომ ის ახლა ლოს ანჯელესი ქმნის კოლექციებს. საკუთარი გამოცდილების შესახებ ის “doctrina.ge”-ს თავად ესაუბრა.

დეტალურად, სად იმყოფებით და რას საქმიანობთ?

ამჟამად, ვიმყოფები კალიფორნიაში, ლოს ანჯელესში. ვმუშაობ kelistones ბრენდზე. ვამზადებ სხვადასხვა კოლექციას და უმეტესობას ვგზავნი საქართველოში, ასევე, ლოს ანჯელესში რამდენიმე მაღაზიაში მაქვს ჩემი ნივთები გამოფენილი. ხშირად მაქვს ურთიერთობა აქაურ არტისტებთან, არტიზანებთან და სამომავლოდაც ვგეგმავ მათთან კოლაბორაციას სხვადასხვა საინტერესო პროექტზე.

როგორც ემიგრანტი, რა ძირითად სირთულეებს წააწყდით, როდესაც პირველ ნაბიჯებს დგამდით?

როდესაც ლოს ანჯელესში ჩამოვედი, საკმაოდ გამიჭირდა აქაურობასთან შეჩვევა. ყველაფერი სხვანაირი იყო – საკვები, გარემო, ხალხი, ჰაერი, ჰავა. ერთი წელი დამჭირდა, რომ ამ ცვლილებებს შევჩვეოდი. დღემდე არის რაღაცები, რაც მაინც მეუცნაურება.

საინტერესოა, რატომ გადაწყვიტეთ,  საკუთარი ბიზნესი უცხო ქვეყანაშიც გქონოდათ?

საქმიანობა თავიდან საქართველოში დავიწყე. 18 წლის ვიყავი – როდესაც Kelistones – ს ბლოგი შევქმენი და დავიწყე ქვებზე წერა. მას შემდეგ ქვებსა და სამკაულზე მოთხოვნამ იმატა და ნელ-ნელა დავიწყე სამკაულის შექმნა. ისედაც ძალიან მიყვარდა ეს სფერო და რაღაცნაირად გამიმართლა. წლების შემდეგ, როცა შანსი მომეცა, მივიღე გადაწყვეტილება, რომ ბიზნესი უცხოეთშიც გამეფართოებინა.

რას ურჩევდით იმ ადამიანებს, რომლებსაც აქვთ სურვილი და მცდელობა, საქართველოს ფარგლებს გარეთ ჰქონდეთ საკუთარი ბიზნესი?

პირველ ყოვლისა, ვურჩევდი – აარჩიონ ისეთი საქმე, რომელიც უყვართ და მოსწონთ მასზე მუშაობა, თუ საქმისგან სიამოვნებას ვერ მივიღებთ, მხოლოდ მცდელობა შორს ვერ წაგვიყვანს. ყველაზე წარმატებული ბიზნესმენი საკუთარ საქმეზე შეყვარებული ადამიანია. ასევე, ხარისხსა და მომხმარებელთან ალალ ურთიერთობას ნებისმიერ ქვეყანაში აფასებენ.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ბიზნეს პერსონა

ილონ მასკი მზადაა მსოფლიოში შიმშილის დასაძლევად 6 მილიარდი დოლარი გაიღოს

გაეროს მსოფლიო სასურსათო პროგრამის აღმასრულებელმა დირექტორმა ტვიტერზე ილონ მასკს მსოფლიოში უმდიდრესი ადამიანის ტიტული მიულოცა. ამასთანავე მასკსა და ჯეფ ბეზოსს მოუწოდა 6.6 მილიარდი დოლარი გაიღონ შიმშილობის დასაძლევად.
დირექტორის თქმით, დაახლოებით 6.6 მილიარდი დოლარი საკმარისი იქნება 42 მილიონი ადამიანის გადასარჩენად. ილონ მასკმაც მალე უპასუხა შემოთავაზებას და განაცხადა, რომ მალე გაყიდის ტესლას აქციებს, თუ გაერო ხარჯთაღრიცხვას საჯაროდ აწარმოებს, რათა ადამიანებმა დაინახონ რაში დაიხარჯება 6 მილიონი.
ილონ მასკის ქონება ამჟამად 311 მილიარდ დოლარადაა შეფასებული. შიმშილის დასაძლევად მის მიერ გაღებული თანხა კი სრული ქონების თითქმის 2%-ია.

მასალა მოამზადა: ნინი ხეცურიანმა

 

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
ბიზნეს პერსონა

ილონ მასკის ქონებამ 300 მილიარდ დოლარს გადააჭარბა

Tesla-ს და SpaceX-ის დამფუძნებლის, ილონ მასკის ქონებამ 300 მილიარდ დოლარს გადააჭარბა. Forbes Real Time-ს რეიტინგის თანახმად, ამერიკელი ბიზნესმენი 1-ლი ნოემბერის მონაცემებით, 13.1 მილიარდით გამდიდრდა.

ილონ მასკის ქონების მთავარ ნაწილს Telsa-ში 21%-იანი წილი წარმოადგენს. გარდა ამისა, ის SpaceX-ში მინორიტარულ წილს ფლობს.

რეიტინგში მეორე ადგილს Amazon-ის დამაარსებელი, ჯეფ ბეზოსი იკავებს.

 

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
ბიზნეს პერსონაბიზნესიემიგრანტისაქართველო

უმდიდრესი ქართველის გზა ბნელი 90-იანებიდან ფინტექის მწვერვალებამდე

საქართველოში პოპულარობის მოპოვება არც ისე რთულია, რთულია აკეთო საქმე, რომელიც გიყვარს და სხვა არაფერი გაინტერესებდეს. არსებობს ადამიანი რომელმაც ეს ქვეყნის საზღვრებს გარეთ შეძლო. კაცი სპორტული ფეხსაცმელებითა და თავისუფალი სტილით საზოგადოების ყურადღების ცენტრში მალევე მოექცა, თურმე არსებობს ქართველი, რომელსაც ბიძინა ივანიშვილზე მეტი ფული აქვს. ყველაფერი კი გაცილებით დიდი ხნის წინ დაიყო – სამოქალაქო დაპირისპირება, უშუქობა, უწყლობა, ნაცრისფერი ქალაქი, სადაც მომავლის იმედი თითქმის არავის ჰქონდა. თუმცა, იმ დროს საქართველოში ცხოვრობდა ერთი ბიჭი, რომელიც ჰარვარდში სწავლაზე ოცნებობდა. სჯეროდა იმის, რომ კომპანიის რიგითი თანამშრომელი არ იქნებოდა და რაღაც ახალს შექმნიდა.

მიხეილ ლომთაძე სამხედრო მოსამსახურის ოჯახში გაიზარდა, ბავშვობა ფუფუნებაში არ გაუტარებია. ახსოვს როგორც ყოფდა დედა მისთვის და მისი დისთვის სნიკერსს ოთხ ნაწილად , შოკოლადი 2 დღე უნდა ჰყოფნოდათ. შეიძლება სახლში არ ჰქონოდათ საკვები, მაგრამ ყოველთვის იყო წიგნები. მამა ოცნებობდა შვილი ინჟინერი გამოსულიყო, თუმცა მიშამ სხვა გზა აირჩია. ისე, რომ მშობლებისთვის არაფერი უთქვამს, ტექნიკური უნივერსიტეტის ნაცვლად, ახალ გახსნილ ბიზნეს სკოლაში ჩააბარა.

„უნივერსიტეტში ისე ჩავაბარე, მამისთვის არაფერი მითქვას. მივედი ბიძასთან, ფული ვესესხე და 30%-იანი ფასდაკლებით 5 წლის სწავლის საფასური წინასწარ გადავიხადე. ეს იყო ჩემი ყველაზე კარგი ინვესტიცია. მხოლოდ ამის შემდეგ ვუთხარი მამას, რომ ბიზნესის მართვაზე ჩავაბარე. თავიდან განიცდიდა, მაგრამ ახლა ვფიქრობ, რომ აღარ განიცდის“.

მაშინ, როცა ქვეყანაში არაფერი ხდებოდა, Coca-Cola-სა და Pepsi-ის შორის მარკეტინგულ ომზე კითხულობდა. პარალელურად მუშაობდა საქართველოს ერთ-ერთ ბანკში, საკუთარ თავს კი ახალ თამასას უწესებდა. სამი წელი საკმარისი აღმოჩნდა იმისთვის, რომ ლექტორებთან ერთად აუდიტორული კომპანია დაეარსებინა, რამაც საშუალება მისცა ცოდნის არეალი კიდევ უფრო გაეფართოებინა. ყველაფერი ნულიდან დაიწყო, შესაბამისად, დასაკარგიც არაფერი ჰქონდა. ამბობს, რომ მთელი მისი ცხოვრება სწავლასთანაა დაკავშირებულია.

„არ მქონდა ფული, ამიტომ მეგობრებთან გართობის დრო არ მქონდა. შეზღუდვები ცხოვრებაში კარგია – მეგობრებთან არ ვერთობოდი, მუსიკას არ ვუსმენდი იმ დოზით, რა დოზითაც ჩემი კოლეგები. მქონდა მიზანი – ვსწავლობდი, თუ ვსწავლობდი უნდა ვყოფილიყავი ნომერ პირველი, თუ წავიდოდი ბიზნესში, უნდა ვყოფილიყავი ნომერ პირველი. მნიშვნელოვანია საქმეზე კონცენტრაცია და ის, რომ გარშემო ისეთი ადამიანები გყავდეთ, რომლებიც მხარს დაგიჭერენ და წინსვლისკენ გიბიძგებენ. სასწაულების არ მჯერა, მაგრამ ფაქტია – გამიმართლა იმ ადამიანებში, რომლებიც ჩემს გარშემო არიან“.

მისი ოცნება ჰარვარდში სწავლაზე, მეგობრებს ფანტაზიის ჟანრიდან ეგონათ. რა თქმა უნდა, ოცნების რეალიზაცია გადაწყვიტა. ჰარვარდში მოხვედრა ორჯერ სცადა. პირველი მცდელობა 22 წლის ასაკში წარუმატებელი აღმოჩნდა. კომისიის მიღებულმა გადაწყვეტილებამ გაანაწყენა, მიზეზი გარკვევას შეეცადა. ახლა იხსენებს, რომ ეს იყო ერთადერთი შემთხვევა, როდესაც საკუთარი შესაძლებლობები გადაჭარბებით შეაფასა. უნივერსიტეტში კომისიის წევრთან დაგეგმილი 15 წუთიანი შეხვედრა ერთ საათს გაგრძელდა, რის შემდეგაც საუკეთესო ბიზნეს სკოლაში სწავლა მეორედ გადაწყვიტა. მისია წარმატებით შეასრულა.

„კურსზე ყველაზე პატარა ვიყავი. ეს იყო არაჩვეულებრივი ორი წელი, რომელიც ორ ეტაპად იყოფა. პირველი, როდესაც ონკანიდან წყალს უშვებ, თუმცა არ შეგიძლია დალიო, წყალი კი მაინც მოდის. შეუძლებელია ამ ყველაფრის გადახარშვა, გძინავს სამი საათი, კითხულობ ქეისებს, ხვდები დიდი რაოდენობით ჭკვიან ადამიანებს. პირველი წელი არანორმალური სწავლის წელი იყო. სიმართლე გითხრათ, არც ერთი წიგნი არ წამიკითხავს. ჯგუფში 90 მდე სტუდენტი ვიყავით. ბიზნეს სკოლა აშენებულია იმ პრინციპზე, რომ ადამიანები ერთმანეთს ესაუბრებიან, გამოცილებას უზიარებენ, როდესაც ამ ყველაფერს განიხილავ ხვდები, რომ ერთმანეთისგან სწავლობ. როდესაც გავიაზრე, რომ პირველი წელი წარმატებით დავასრულე, მივხვდი რომ შემიძლია ცოტა დავისვენო და მეგობრებს უფრო მეტს ვესაუბრებოდი. შედეგად დღეს არ არსებობს გავლენიანი კომპანიები, სადაც ჩემი კურსელი არ მუშაობს“.

ბიზნესის კეთების თეორიული და პრაქტიკული გამოცილება უკვე ჰქონდა, ახლა ეძებდა კომპანიას, სადაც საინტერესო საქმეს წამოიწყებდა. როგორც ამბობს, ხელფასიც არ აინტერესებდა, ამიტომ მუშაობა რუსეთში, საინვესტიციო კომპანიაში გააგრძელა. უხელფასო თანმშრომელი ერთ წელში Baring Vostok-ის პარტნიორი გახდა. კომპანიაში ინვესტიცია რამდენიმე მიმართულებით გააკეთა. ერთ-ერთი იყო Kaspi. უნდა შეეკრიბა გუნდი, რომელიც საბანკო სექტორში რევოლუციას მოახდენდა და ნომერ პირველი საფინანსო ინსტიტუტი გახდებოდა. სწორედ აქედან იწყება მრავალწლიანი თავისუფალი ფრენა.

ახალი ფორმატის ადამიანმა უნიკალური ბიზნეს მოდელი შექმნა. მიხეილ ლომთაძემ 15 წლის განმავლობაში მოახერხა ის, რომ სტანდარტულად მოსაწყენი ბანკი უნივერსალურ ეკოსისტემად ექცია, რომლის სერვისითაც მილიონობით ადამიანი სარგებლობს. ჰქონდა რწმენა, რომ საუკეთესო კომპანიას აშენებდა, გამოუვიდა კიდეც. არ აქვს წესები და საზღვრები, შესაბამისად რასაც დღეს აკეთებს იცის რომ მომხმარებელს სჭირდება.

„ჩვენ თვითონ ვირჩევთ საკუთარ მისიას და ვწერთ ისტორიას, შეგვიძლია ვიყოთ ერთადერთები და უნიკალურები იმაში რასაც ვაკეთებთ. გვქონდა სურვილი შეგვექმნა საუკეთესო სერვისი და ადამიანების ცხოვრება გაგვეუმჯობესებინა. სწორედ ეს არის ჩვენი გუნდის მიზანი და არა ფულის შოვნა. ინოვაციური სერვისის შექმნა, მოსახერხებელი და ლამაზი დიზაინით ყველაზე კარგად გამოგვდის. არ ვიქცევით ისე, როგორც სხვები იქცევიან, გასცემენ სესხებს, იღებენ დეპოზიტები, არ მუშაობენ უქმეებზე. ჩვენ დიდი ხნის წინ გადავწყვიტეთ გვიყვარდეს მომხმარებელი და მოვექცეთ ისე, როგორც უახლოეს მეგობარს. ყველა თვითონ წყვეტს საით წავიდეს, ზევით თუ ქვევით, ჩვენ ეს არჩევანი დიდი ხნის წინ გავაკეთეთ“.

ბიზნესმენის ალღო ყოველთვის ამართლებს, ზუსტად იცის მომხმარებელს რა დროს რა პროდუქტი უნდა შესთავაზოს. არასდროს ისახავს გლობალურ დავალებებს, ცდილობს შექმნას პროდუქტები, რომელიც ადამიანებს ცხოვრების გამარტივებაში ეხმარება. მისთვის მნიშვნელოვანია განსაზღვროს, თუ რა სჭირდება მომხმარებელს და რა მოუტანს მათ ყველაზე დიდ სარგებელს. თვეში მხოლოდ 30 000 ზარს იმიტომ ახორციელებენ, რომ მომხმარებლის აზრი გაიგონ. კასპის მოტივაციის მთავარი ხაზი მომსახურების ხარისხზე გადის და არა გაყიდვების რაოდენობაზე. რაც ყველაზე მთავარია – არასდროს ივიწყებენ მადლობის გადახდას.

„თვითშეფასება თავისთავად კარგი მექანიზმია იმის გასარკვევად, თუ რამდენად კარგადაა მდგომარეობა კომპანიაში, თუმცა ძალიან მნიშვნელოვანია კომენტარები. შესაბამისად, ჩვენ ყველა შეფასებას ფიზიკურად ვაგროვებთ. ამის შემდეგ ვსხდებით და განვიხილავთ კონკრეტულ შემთხვევას, რატომ იყო მომხმარებელი უკმაყოფილო. უმნიშვნელოვანესია არა მხოლოდ შეფასების მიღება, არამედ მდგომარეობის გამოსწორება და დასკვნების გამოტანა. რომ შევხედოთ ბოლო 5 წელში რამდენად შეიცვალა კლიენტებთან ურთიერთობა, ვხედავ უდიდეს უკუკავშირს. ვცდილობთ, გავიგოთ რა სჭირდებათ და როგორ შეიძლება დავეხმაროთ . ეს არის ყველაზე დიდი ცვლილება, რომელიც ბოლო წლებში მოხდა. ჩვენ მივხვდით რას ნიშნავს მომხმარებელზე ზრუნვის იდეა“.

წითელი სნიკერები, სპორტული შარვალი და მაისური, ბანკირს ჰალსტუხის გარეშე თავისუფალი სტილი აქვს. ამბობს, რომ Kaspi-ში კოსტიუმით არავინ დადის. ყოველთვის ცდილობს არასდროს დაკმაყოფილდეს იმ მდგომარეობით, რომელშიც იმყოფება. მუდმივად ვითარდება, სწორედ ეს არის მისი წარმატების მთავარი ფორმულა.

„იმისთვის, რომ მუდმივად წინ იარო, სამი რამ არის საჭიროა. პირველი, ეს არის დაუკმაყოფილებლობის განცდა იმ საქმისგან, რომელსაც აკეთებთ. ძალიან მნიშვნელოვანია დაუკმაყოფილებლობის და უკმაყოფილების განცდა, ეს ორი სხვადასხვა რამეა. მეორე არის განათლება, სურვილი ყოველდღიურად სწავლობდე. მესამე არის ადამიანები ვისთან ერთადაც გააგრძელებთ სიარულს. ეს სამივე თქვენზეა დამოკიდებული, განსაკუთრებით ადამიანები, რომლებიც თქვენთ ერთად არიან. რატომ არიან ადამიანები მნიშვნელოვანი? იმიტომ, რომ მათგან სწავლობთ, ეს თქვენი განვითარების პირველი სტადიაა, შემდეგ ისინი სწავლობენ თქვენგან და ბოლოს ყველანი ერთად სწავლობთ“.

ადამიანი მომავლიდან ბედისგან საჩუქარს არასდროს ელოდება, იცის იმისთვის რომ საჭირო დროს საჭირო ადგილზე აღმოჩნდეს დიდი შრომა და ძალისხმევაა საჭიროა. არც არასდროს დაუშურებია. ყაზახეთის ციფრულ ტრანსფორმაციაში და საინვესტიციო მიმზიდველობაში უდიდესი წვლილ შეაქვს. მიუხედავად იმისა, რომ საქართველო ძალიან უყვარს სამშობლოში პროექტის განხორციელება არ სურს, როგორც ამბობს ამის მიზეზი, მცირე ბაზარია. სწავლობდა შტატებში, რამდენიმე წელი მუშაობდა რუსეთში, საქართველო და ყაზახეთი ის ქვეყნები, სადაც მიხეილ ლომთაძემ ცხოვრების ყველაზე დიდი დრო გაატარა. ამ დროის განმავლობაში კი იდენტობის გაცვლა არასდროს უფიქრია, დღემდე ქართული პასპორტი აქვს.

„საქართველო ჩემი სამშობლოა, იქ დავიბადე, ჩემი მშობლები იქ ცხოვრობენ. როგორ გითხრათ, მამაჩემი ყოფილი სამხედროა. ამ თვალსაზრისით ვფიქრობ, რომ მსოფლიო მოქალაქე ვარ. ზოგადად, პასპორტს და ვიზას გაუგებარ ბარიერად აღვიქვამ, რომელიც თანამედროვე მსოფლიოში არ უნდა არსებობდეს. ყოველდღიურად რაღაც ახალს ვქმნით, თუმცა ამ დრომდე გვაქვს პასპორტები და ამ დრომდე გვჭირდება ვიზა. მთლიანობაში საქართველო არის ქვეყანა, სადაც დავიბადე და ძალიან მიყვარს“.

რთულია იმის თქმა, რა მოხდებოდა იმ შემთხვევაში, ლომთაძე საქართველოში რომ დარჩენილიყო, შეძლებდა თუ არა იგივე წარმატების მიღწევას და მოუტანდა თუ არა ქვეყანას მილიარდობით დოლარის ინვესტიციას. ახლა დანამდვილებით მხოლოდ ერთი რამის თქმა შეიძლება, ბევრი წლის შემდეგ, როცა ძალიან დაიღლება და დასვენება მოუნდება, საქართველოში დაბრუნდება. ზუსტად იცის, რომ სიბერეს სამშობლოში გაატარებს.

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
ბიზნეს პერსონა

ქართველი მარკეტერი სალომე იმედაშვილი Amazon-ის მარკეტინგის უფროსი მენეჯერი გახდა

ქართველი მარკეტერი სალომე იმედაშვილი Amazon-ის უფროსი მარკეტინგის მენეჯერი გახდა. უფრო ზუსტად კი კომპანიის Delivery Service Partner-ის (DSP) პროგრამის მარკეტინგს ხელმძღვანელობს ევროპაში.

„2012 წელს დავამთავრე „კავკასიის ბიზნესის სკოლა (CSB)“, შემდეგ მაგისტრატურაზე სწავლა გავაგრძელე თსუ-ში. CSB -ში, საბაკალავრო პროგრამაზე სწავლის პარალელურად, მესამე კურსიდან, მუშაობა დავიწყე ბანკ „რესპუბლიკაში “, მალევე გადავედი ფარმაცევტულ ბიზნესში, ბოლოს კი ტექნოლოგიების სფეროში. როგორც „კავკასიის უნივერსიტეტის“ რეიტინგული სტუდენტი, 2010 წელს სამხრეთ კორეაში გავემგზავრე გაცვლითი პროგრამით“.

2014 წლიდან დიდ ბრიტანეთში ცხოვრობს და მუშაობს. ტექნოლოგიების მარკეტინგი და ელექტრონული კომერცია (e-commerce) მისი მთავარი მიმართულებაა.

„კომპანია Emarsys-ში, რომელიც 2020 წელს მსოფლიო ტექ გიგანტმა SAP-მა იყიდა, ბრიტანეთის რეგიონალური მარკეტინგის მენეჯერის პოზიციიდან მომხმარებლის მარკეტინგის გლობალური დირექტორის პოზიციამდე, ხუთ წელიწადში მივედი“.

სწორედ ამის შემდეგ შეუერთდა ის „ამაზონის“ გუნდს და დღეს Delivery Service Partner-ის (DSP) პროგრამის მარკეტინგს ხელმძღვანელობს ევროპაში.

„ჩემი როლი მოიცავს ამ პროგრამის ევროპაში დამკვიდრებასა და ახალი DSP პარტნიორების მოძიებას ევროპის რვა ბაზარზე. ტექნოლოგიების მარკეტინგში შეტანილი წვლილისთვის, 2020 წელს ბრიტანეთის მთავრობამ Global Talent-ის სტატუსი მომანიჭა და მარკეტინგის სფეროში გამორჩეულ ტალანტად მაღიარა. ამით საშუალება მომეცა, ხანგრძლივად ვიცხოვრო ბრიტანეთში და რაც მთავარია, ვიმუშაო ბრიტანულ ტექკომპანიებთან, რათა დავეხმარო მათ საერთაშორისო ბაზარზე გასვლასა და დამკვიდრებაში“.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიბიზნეს პერსონა

ჯეფ ბეზოსი – 5 წლის ასაკიდან ვოცნებობ კოსმოსში მოგზაურობაზე, 20 ივლისს ამ მოგზაურობას დავიწყებ

კომპანია „ამაზონის“ დამფუძნებელი, მილიარდერი ჯეფ ბეზოსი, ძმასთან, მარკთან ერთად, საკუთარი კომპანიის Blue Origin-ის მიერ შექმნილი რაკეტით კოსმოსში გაემგზავრება.

ბეზოსები მოგზაურობას დაწყებას მიმდინარე წლის 20 ივლისს გეგმავენ.

„5 წლის ასაკიდან ვოცნებობ კოსმოსში მოგზაურობაზე, 20 ივლისს ამ მოგზაურობას ჩემს ძმასთან ერთად დავიწყებ,“- წერს ჯეფ ბეზოსი  Instagram-ზე გამოქვეყნებულ პოსტში.

Blue Origin-ის კოსმოსურმა ხომალდმა 15 საცდელი ფრენა განახორციელა, თუმცა არცერთი გაფრენის დროს მის ბორტზე მგზავრები არ ყოფილან.

Blue Origin-ის რაკეტა-კაფსულა New Shepard-ი 6 მგზავრის დედამიწის ზემოთ დაახლოებით 100 კილომეტრზე გადასაყვანადაა განკუთვნილი. ეს სიმაღლე სრულიად საკმარისია იმისთვის, რომ ადამიანმა რამდენიმეწუთიანი უწონადობა განიცადოს და პლანეტის გამრუდება დაინახოს, სანამ კაფსულა დედამიწაზე დაბრუნდება.

Blue Origin-ს განმარტებით, კაფსულას აქვს ექვსი სადამკვირვებლო ფანჯარა და თითქმის სამჯერ უფრო მაღალია, ვიდრე „ბოინგ 747“-ის რეაქტიული თვითმფრინავი და ყველაზე დიდი საფრენი ობიექტია, რაც კი ოდესმე  კოსმოსში გამოუყენებიათ.

ბეზოსის სტარტაპი თავდაპირველად მგზავრებისთვის, მოგზაურობის სანაცვლოდ, 200 000 აშშ დოლარის გადასახადის დაკისრებას გეგმავდა, თუმცა, არ არის გამორიცხული, ამჟამად ეს გეგმა შეცვლილი იყოს.

სრულად ნახვა
ბიზნეს პერსონა

ილონ მასკმა გაამხილა, რომ ასპერგერის სინდრომი აქვს

SpaceX-ისა და Tesla-ს დამფუძნებელმა ილონ მასკმა გაამხილა, რომ მას ასპერგერის სინდრომი აქვს. ამის შესახებ BBC წერს.

გამოცემის ინფორმაციით, მასკმა თავისი დიაგნოზი გადაცემა Saturday Night Live-ის (SNL) ეთერში გააჟღერა. 49 წლის ბიზნესმენმა განაცხადა, რომ ის „პირველი ადამიანია ასპერგერის სინდრომით“, რომელიც პოპულარული იუმორისტული შოუს წამყვანი გახდა.

Wikipedia-ს თანახმადასპერგერის სინდრომი განვითარების დარღვევაა, რომელიც პირველად 1944 წელს ავსტრიელმა ფსიქიატრმა ჰანს ასპერგერმა აღწერა. აღნიშნული სინდრომის მქონე ბავშვებს ნორმალური ინტელექტისა და განვითარებული მეტყველების ფონზე ახასიათებთ სოციალური ურთიერთობების დეფიციტი,კომუნიკაციის სირთულე და უცნაური, ექსცენტრიული ქცევები.

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
ბიზნეს პერსონა

მიხეილ ლომთაძე – კიდევ ერთი ქართველი Forbes-ის მილიარდერთა სიაში

ბიძინა ივანიშვილის შემდეგ Forbes-ის მილიარდერთა სიაში მოხვდა კიდევ ერთი ქართველი მილიარდერი მიხეილ ლომთაძე –  $3.8 მილიარდის ქონებით და ის 812-ე ადგილს იკავებს.

Forbes-ი წერს, რომ ყაზახური კომპანია Kaspi-ს დამაარსებლები ვიაჩესლავ კიმი და მიხეილ ლომთაძე მილიარდერები კომპანიის აქციების ლონდონის საფონდო ბირჟაზე განთავსების შედეგად გახდნენ. მიხეილ ლომთაძის ქონება კომპანიის საჯარო განთავსების შემდეგ თავდაპირველად $3.8 მილიარდ დოლარად შეფასდა. თავად Kaspi-მ 2019 წელს შემოსავლის სახით $1.3 მილიარდი დოლარი მიიღო, იმავე წელს მისი წმინდა მოგება $515 მილიონი დოლარი იყო. 2020 წლის პირველ ნახევარში კი ჯგუფმა $740 მილიონის შემოსავალი და $286 მილიონის წმინდა მოგება გამოიმუშავა.

Kaspi საგადასახადო და ფინანსური ტექნოლოგიების ყველაზე დიდი კომპანიაა ყაზახეთში. მას ყოველთვიურად 7 მილიონზე მეტი მომხმარებელი ჰყავს.

Kaspi მომხმარებელს საშუალებას აძლევს ციფრულად გადაიხადონ გადასახადები, განახორციელონ სავაჭრო ტრანზაქციები და Paypal-ისა და Klarna-ს მსგავსად შეასრულონ “იყიდე ახლა – გადაიხადე შემდგომ“ ოპერაციები.

ცნობისთვის: მიხეილ ლომთაძე 1975 წელს ბათუმში დაიბადა. მან ბაკალავრის ხარისხი თბილისში, საქართველოს მენეჯმენტის ევროპულ სკოლაში მიიღო, შემდეგ კი სწავლა ჰარვარდის ბიზნესსკოლაში განაგრძო, სადაც მაგისტრის ხარისხიც მიიღო.

ის საქართველოსა და რუსეთში მოღვაწეობდა. 2008 წლიდან კი ყაზახურ „კასპი ბანკს“ ხელმძღვანელობს.

Forbes-ის მილიარდერთა სიაში ამჟამად სულ ორი ქართველი მილიარდერი ირიცხება, მათგან პირველის – ბიძინა ივანიშვილის ქონება $4.8 მილიარდ დოლარს შეადგენს და ის მსოფლიოს რიგით მე-600 უმდიდრესი ადამიანია. მიხეილ ლომთაძე კი $3.8 მილიარდით 813-ე ადგილს იკავებს.

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
ბიზნეს პერსონა

PDF ფორმატის შემქმნელი და Adobe-ს თანადამფუძნებელი, ჩარლზ გესჩკე გარდაიცვალა

81 წლის ასაკში გარდაიცვალა Adobe-ს თანადამფუძნებელი და PDF ფორმატის ერთ-ერთი შემქმნელი, ჩარლზ გესჩკე. ამ სამწუხარო ინფორმაციის შესახებ Adobe-მ გვაუწყა.

“ეს დიდი დანაკლისია როგორც Adobe-სათვის, ასევე მთელი ინდუსტრიისთვის, ის იყო სამაგალითო ადამიანი და უბრლოდ გმირი ათწლეულების განმავლობაში”, — ასეთი იმეილით მიმართა Adobe-ს აღმასრულებელმა დირექტორმა, შანტაუ ნარაიენმა თანამშრომლებს.

როგორც ერთ-ერთმა თანადამფუძნებელმა, ჩარლ გესჩკემ, ჯონ ვარნოკთან ერთად, შექმნა რევოლუციური პროგრამები, რომლებმაც სრულად შეცვალა ხელოვანი ადამიანების ცხოვრება და ზოგადად, საკომუნიკაციო გზები.

ჩარლზი მუდამ მიილტვოდა ინოვაციებისკენ, რამაც მას და კომპანიას საშუალება მისცა შეექმნათ ისეთი პროდუქტები, როგორიცაა Acrobat, Illustrator, Premiere Pro, Photoshop და თვით PDF ფორმატი.

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
1 2 3
Page 1 of 3