close

ეკოლოგია

ეკოლოგიასაქართველო

მდინარე რიცეულაში 10 000 ცალი ნაკადულის კალმახის ლიფსიტა გაუშვეს

1.81K views on

გარემოს დაცვისა და სოფლის მეურნეობის სამინისტროს, ველური ბუნების სააგენტომ “საქართველოს წითელი ნუსხის” სახეობის ნაკადულის კალმახის 10 000 ცალი ლიფსიტა მდინარე რიცეულასა და ხედეთურის სათავეში გუშვა.

ნაკადულის კალმახის დაცვის, მიზნით გარემოსდაცვითი ზედამხედველობის დეპარტამენტმა ფოტო და ვიდეო ხაფანგები დაამონტაჟა.

ველური ბუნების სააგენტოსა და საქართველოს საერთაშორისო ენერგეტიკული კორპორაციის ერთობლივი პროექტი მიზნად ისახავს, მდინარე რიცეულას ხეობაში ნაკადულის კალმახის აღდგენას.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ეკოლოგიაეს საინტერესოამსოფლიო

BBC: არქტიკა არა მხოლოდ დნება, არამედ ცეცხლშია

911 views on

არქტიკა არა მხოლოდ დნება, არამედ ცეცხლშია და ეს გლობალური დათბობის მასშტაბებს ზრდის, – ამის შესახებ სტატიას BBC ავრცელებს. 

მასალის მიხედვით, მყინვარები დნება, ტყეები მცირდება და ჩრდილოეთისკენ ინაცვლებს, პოლარული დათვები ბუნებრივ ადგილსამყოფელზე საკვების დეფიციტის გამო უკვე ქალაქებში დაეხეტებიან და მთლიანად, რეგიონში ტემპერატურა ისე სწრაფად იწევს მაღლა, რომ მკაფიო გავლენას ახდენს ყინულსა და თოვლზე, შესაბამისად – ოკეანეზე. 

„არქტიკა ახლა უკვე მხოლოდ ყინულს კი არ კარგავს, პირდაპირ იწვება“, – ნათქვამია სტატიაში და მაგალითად ციმბირის, ალასკას და გრენლანდიის ტყის ხანძრებიამოყვანილი. 

ხანძრები ეკოსისტემაში ბუნებრივი მოვლენაა და უფრო მეტიც, ხანდახან საჭიროც კი, რადგან ბიომრავალფეროვნების განვითარების ციკლს უწყობენ ხელს. მაგრამ არა არქტიკაში და არა – ამ მასშტაბით. 

„ნახშიროჟანგის მომატების წინაშე ვდგავართ“, – აცხადებენ სპეციალისტები და აღნიშნავენ, რომ არქტიკის დნობა გლობალური დათბობის შეჩერების აუცილებლობას კიდევ უფრო აშკარას ხდის.

მეცნიერების თქმით, კლიმიტის ცვლილებასთან ბრძოლის ყველაზე ეფექტური საშუალება ახალი ტყეების გაშენებაა.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
დედამიწაეკოლოგიაეს საინტერესოაკვლევებიმსოფლიო

რა რისკის ქვეშ მოექცევა 800 მილიონამდე ადამიანი მყინვარების დნობის გამო

1.06K views on

მეცნიერები აცხადებენ, რომ კლიმატის ცვლილებების გამო აზიის უზარმაზარ მყინვარებს შემცირება,  ასობით მილიონი ადამიანს კი უწყლოდ დარჩენა ემუქრებათ.

როდესაც წვიმა არ მოდის, ჰიმალაის გარშემო მაღალმთიან რეგიონებში მდებარე მყინვარები მაშველის როლს ასრულებენ. ისინი ყოველ ზაფხულს 36 კუბურ კილომეტრ წყალს წარმოქმნიან.

ყინულის დანაკარგი ბოლო ათწლეულების განმავლობაში სულ უფრო და უფრო მატულობს. განსაკუთრებით თვალსაჩინო კი 2000-2016 წლებში გახდა, ამ პერიოდში მყინვარი 1.6-ჯერ  სწრაფად შემცირდა, ვიდრე 1951 წლიდან 2007 წლამდე.

ბრიტანეთის ანტარქტიდული კვლევის მეცნიერი დოქტორ ჰამიშ პრიჩარდი აცხადებს, რომ დნობის პროცესი კიდევ უფრო დაჩქარდება, რაც მოსავლისა და შინაური ცხოველის შემცირებას გამოიწვევს.  „ ეს ბუნებრივია, ხალხთა შორის კონფლიქტსაც გამოიწვევს. მოსალოდნელია მიგრაციები, ხოლო ვინც ამას ვერ მოახერხებს, მათ შესაძლოა საკუთარ მეზობლებთან საკვების გამო დაპირისპირება მოუწიოთ.“  

განსაკუთრებით დაზარალდება ინდის ველი, რომელიც ადამიანური ცივილიზაციებით ათასობით წლებია დასახლებულია და დღეს 237 მილიონი ადამიანის საკვებ წყაროს წარმოადგენს.

 ყინულის დნობის ტემპის დაჩქარება წყლის რესურსების შემცირებასაც გამოიწვევს, რომელზეც ჰიდრო ეკონომიკებია დაფუძნებული.

მაღალმთიანი აზიის რეგიონის მოსახლეობა წყლის რესურსების ნაკლებობის მიმართ განსაკუთრებით დაუცველია. აღსანიშნავია, რომ გასულ საუკუნეში გვალვამ  6 მილიონი სიცოცხლე შეიწირა.

დოქტორ პრიჩარდი აცხადებს, რომ ყინულის დნობამ რეგიონში შესაძლოა დესტაბილიზაცია გამოიწვიოს და 800 ადამიანის სიცოცხლე რისკის ქვეშ დააყენოს.

აზიის მაღალმთიანი რეგიონი, რომელიც ცნობილია, როგორც მესამე პოლუსი, მოიცავს ჰიმალაის, კარაკორამს, პამირს, ჰინდუ კუშს, ტიანშანს, კუნლუნს და ალაის მთებს.

ტერიტორიაზე 95,000 მყინვარი მდებარეობს და პაკისტანის, ავღანეთის, ტაჯიკეთის, თურქმენეთის, უზბეკეთისა და ყირგიზეთის ყოველწლიური მუნიციპალური და ინდუსტრიული საჭიროებების უმეტესობას აკმაყოფილებს.

სრულად ნახვა
დედამიწაეკოლოგიაეს საინტერესოასაქართველო

აზოტის დიოქსიდი, მყარი ნაწილაკები და მტვერი – თბილისში ჰაერის ხარისხი გაუარესდა

1.19K views on

2019 წლის პირველი კვარტლის მონაცემებით, ჰაერის დამაბინძურებელ ნაწილაკთა რაოდენობა თბილისში გაიზარდა.
როგორც „ალიანსი უსაფრთხო გზებისთვის“ გამგეობის თავმჯდომარე ეკა ლალიაშვილმა ჰაერის ხარისხის კვლევის პრეზენტაციაზე ჟურნალისტებს განუცხადა, კვლევა ეფუძნება წერეთლის გამზირზე დაფიქსირებული ისეთი წამყვანი დამაბინძურებლების მონაცემების ანალიზს როგორიცაა აზოტის დიოქსიდი – NO2, მიკრონაწილაკები PM2.5 და PM10.
“2019 წლის პირველი კვარტლის მონაცემებმა ჰაერის ხარისხთან მიმართებით დაგვანახა, რომ გაზრდილია იმ წამყვან დამაბინძურებელთა ოდენობა, რომლებიც ჯანმრთელობისთვის მეტად საშიშია. ამას წარმოადგენს განსაკუთრებით აზოტის დიოქსიდი, არის შეწონილი მყარი ნაწილაკები და მტვერი. წერეთლის გამზირი აღებულია ერთ-ერთ მაგალითად. ბუნებრივია, ამის განზოგადება შეიძლება მთელ ქალაქზე ვერ მოხდეს, მაგრამ ძალიან დიდი ეჭვის საფუძველი არსებობს, რომ სხვა დატვირთულ ქუჩებზეც იყოს იგივე ან უარესი ვითარებაა”, – განაცხადა ეკა ლალიაშვილმა.
მისივე თქმით, იმის გამო, რომ ტრანსპორტის ნაკადის იზრდება, იზრდება აზოტის დიოქსიდის ოდენობაც.
“კვლევამ გვიჩვენა, რომ ავტომობილების რაოდენობის ზრდა პირდაპირ კავშირშია აზოტის დიოქსიდის ზრდასთან. როდესაც 8 საათიდან იწყება ტრანსპორტის ნაკადის ზრდა, ამის პარალელურად იწყება აზოტის დიოქსიდის მატებაც“- აღნიშნა ეკა ლალიაშვილმა.
ამასთან, ეკა ლალიაშვილმა ისაუბრა დიზელის ძრავზე მომუშავე ტრანსპორტზეც და აღნიშნა, რომ ქვეყანაში ეს ერთ-ერთ გამოწვევად რჩება.
“დღეს განსაკუთრებული გამოწვევაა დიზელის ტრანსპორტი. ევრო 4-ის სტანდარტია ქვეყანაში, თუმცა ასევე არის საფუძვლიანი ეჭვი, რომ შესაძლებელია და ხელმისაწვდომია უფრო იაფიანი და უხარისხო საწვავი, თუმცა ამაზე კონკრეტულად კვლევა არ ჩაგვიტარებია.
ასევე მნიშვნელოვანი გამოწვევაა მოძველებული ავტოპარკი, რომელის წილიც  90%-ს აღწევს. ამისთვის ძალიან მნიშვნელოვანია, სახელმწიფომ დაიწყოს ისეთი სტრატეგიის ამოქმედება, რომელიც ავტოპარკის განახლებას შეუწყობს ხელს“, – განაცხადა ეკა ლალიაშვილმა.

სრულად ნახვა
ეკოლოგია

გრელანდიამ ერთ დღეში ყინულის მასის 40 პროცენტი დაკარგა

1.58K views on

გრელანდიამ ერთ დღეში, მიმდინარე წლის 13 ივნისს, ყინულის მასის 40 პროცენტი დაკარგა, რაც დაახლოებით 2 მილიარდი ტონის ტოლფასია.

გრელანდიისთვის ამ რაოდენობის ყინულის შუა ივნისში დნობა უჩვეულოა, ვინაიდან კუნძულის „დნობის სეზონის“ პიკად, რომელიც ივნისიდან აგვისტომდე გრძელდება, ივლისი ითვლება.

თუმცა ჯორჯიის უნივერსიტეტის მეცნიერი თომას მოუთი აცხადებს, რომ ყინულის დნობის ეს შემთხვევა უპრეცედენტო არაა და ამ მხრივ რეკორდულად შეიძლება ჩაითვალოს 2012 წელი, როდესაც დნობა ყინულის თითქმის მთელმა საფარმა განიცადა.

რა იწვევს უეცარ დნობას?

მოუთის განმარტებით, თითქმის მთელი გაზაფხულის განმავლობაში აღმოსავლეთ გრელანდიაში დამბლოკი შვერილი მდებარეობდა, რამაც დნობის პიკი გამოიწვია.

მაღალი წნევის შვერილი სითბოს ზრდის და ხელს უშლის ნალექის წარმოქმნას. ბოლო ერთი-ორი კვირის განმავლობაში ეს მაღალი წნევის შვერილი  უფრო გაძლიერდა, ვინაიდან კიდევ ერთი მაღალი წნევა შემოიჭრა აღმოსავლეთ შეეთებული შტატებიდან და ივნისის დასაწყისში სამხრეთ-აღმოსავლეთში ხანგრძლივი ცხელი და  მშრალი პერიოდი გამოიწვია.

„2007 წლიდან დიდი დნობის სეზონების მთელი სერიის მომსწრე გავხდით. 1990-იან წლებამდე მსგავსი არაფერი გვინახავს,“ აცხადებს თომას მოუთი.

მეცნიერები ვარაუდობენ, რომ თუკი მსგავსი პროცესები გაგრძელდება, ამას აუცილებლად გლობალური შედეგები მოყვება, რაც განსაკუთრებულად  ზღვის დონის მატებაზე აისახება.

სრულად ნახვა
დედამიწაეკოლოგია

ქუვეითსა და საუდის არაბეთში დედამიწაზე ყველაზე მაღალი ტემპერატურა დაფიქსირდა

1.86K views on

ქუვეითში რამდენიმე დღის წინ მსოფლიოში ყველაზე მაღალი ტემპერატურა : ჩრდილში 52.2, პირდაპირი მზის ქვეშ კი – 63 გრადუსი ცელსიუსი დაფიქსირდა, ამის შესახებ ადგილობრივი გაზეთი Al Qabas-ი იუწყება.

საუდის არაბეთში, ალ მაჯმააჰში კი ტემპერატურამ 55 გრადუსს ცელსიუსს მიაღწია.

არაბეთის ამინდის საინფორმაციო ვებსაიტის ინფორმაციით,  ძლიერისიცხედაფიქსირდაყატარში, ბაჰრეინსადაარაბთა გაერთიანებულ საემიროებში. სიცხეს თან ახლდა ჰაერისტენიანობისმაღალიმაჩვენებელი.

მეტეოროლოგისტები ქუვეითში წელს არამდგრად ზაფხულს პროგნოზირებენ. მათი ინფორმაციით, ივლისში მზის ქვეშ ტემპერატურამ შესაძლოა 68 გრადუს ცელსიუს მიაღწიოს.

სრულად ნახვა
გეოგრაფიადედამიწაეკოლოგიასაქართველო

პონტოს მუხის გადასარჩენად გურიაში ახალი დაცული ტერიტორია შეიქმნა

2.97K views on

საქართველოში კიდევ ერთი დაცული ტერიტორია – პონტოს მუხის აღკვეთილი შეიქმნა.

აღკვეთილი გურიაში, ჩოხატაურის მუნიციპალიტეტში მდებარეობს დამისი ფართობი 443 ჰექტარია. ეს არის ერთადერთი ადგილი საქართველოს ტერიტორიაზე, სადაც პონტოს მუხის კორომები შედარებით დიდ ფართობზეა გავრცელებული. აღკვეთილის შექმნისმიზანია, გადაშენების საფრთხის წინაშე მყოფი, საქართველოს „წითელი ნუსხაში“ შეტანილი მცენარის, უნიკალური ტყისა და მისი ეკოსისტემის დაცვა და შენარჩუნება.

შესაბამისი კანონპროექტის ავტორები არიან საქართველოს გარემოს დაცვისა და სოფლის მეურნეობის სამინისტრო, დაცული ტერიტორიების სააგენტო და WWF კავკასიის პროგრამული ოფისი.

სრულად ნახვა
დედამიწაეკოლოგიასაქართველო

საქართველოში ყველაზე სუფთა რეგიონად კახეთი დასახელდა

1.9K views on
გარემოს დაცვისა და სოფლის მეურნეობის სამინისტროს მხარდაჭერით, 2018 წელს გამოცხადებული კონკურსის „სუფთა რეგიონი“ გამარჯვებულად და ყველაზე სუფთა რეგიონად კახეთი დასახელდა.
კონკურსი ჩატარდა „საქართველოს მწვანეთა მოძრაობა/დედამიწის მეგობრები – საქართველოს“ ორგანიზებით, პროექტის „დავასუფთაოთ საქართველო (ფაზა III)“ ფარგლებში.
გარემოს დაცვისა და სოფლის მეურნეობის სამინისტროში აცხადებენ, რომ კონკურსის მიზანი იყო ქვეყნის მასშტაბით გამოვლენილიყო ყველაზე სუფთა რეგიონი, სუფთა მუნიციპალიტეტი, სუფთა ქალაქი/დაბა, სუფთა სოფელი/თემი, სუფთა ქუჩა, ლამაზი ეზო და ლამაზი აივანი.
უწყების ინფორმაციით, პროექტის ფარგლებში დაწესებულმა კონკურსმა ქვეყნის მასშტაბით შეამცირა სტიქიური ნაგავსაყრელების რიცხვი, გაზარდა საზოგადოების ცნობიერება და პრიორიტეტული გახადა ნარჩენების მართვა.
ორგანიზაციის „საქართველოს მწვანეთა მოძრაობა/დედამიწის მეგობრები – საქართველო“ თავმჯდომარის, ნინო ჩხობაძის განცხადებით, პროექტის ფარგლებში 2012-2013 წლებში აღრიცხული 1357 სტიქიური ნაგავსაყრელიდან დღევანდელი მონაცემებით ირიცხება 333.
„კონკურსის ნომინაციებში გამარჯვებულები შემოსული ფოტო/ვიდეო მასალების საფუძველზე გამოავლინა სპეციალურად კონკურსისთვის შექმნილმა კომისიამ, რომლის შემადგენლობაშიც შედიოდნენ ჟურნალისტები, გარემოს დაცვისა და სოფლის მეურნეობის სამინისტროსა და საზოგადოებრივი ორგანიზაციების წარმომადგენლები. კონკურსის მიმდინარეობაში აქტიურად ჩაერთვნენ რეგიონების წარმომადგენლებიც. 2018 წლის „სუფთა რეგიონის“ კონკურსის გამარჯვებულები არიან: ნომინაცია „სუფთა რეგიონი“ – კახეთის რეგიონი, ხოლო ნომინაციაში “იურიდიული პირის ეზო”- თელავში ღვინის კომპანია GWS დასახელდა’’,- განაცხადა ნინო ჩხობაძემ.
პროექტი ხორციელდება შვედეთის მთავრობის ფინანსური უზრუნველყოფით, გარემოს დაცვისა და სოფლის მეურნეობის სამინისტროს მხარდაჭერით, მყარი ნარჩენების მართვის კომპანიასთან და საქართველოს პარლამენტის გარემოს დაცვისა და ბუნებრივი რესურსების კომიტეტთან, ასევე საქართველოს რეგიონული განვითარებისა და ინფრასტრუქტურის სამინისტროსთან თანამშრომლობით.
სრულად ნახვა
ეკოლოგიასაქართველოტურიზმი

წელს პირველად ბათუმის სანაპიროზე კანალიზაცია გაუფილტრავად ზღვაში აღარ ჩაედინება

2.31K views on

აჭარის სანაპიროსთან ზღვის წყლის ტემპერატურა უკვე +20 გრადუსია. აჭარის გარემოს დაცვის სამმართველოში აცხადებენ, რომ ზღვის წყლის ხარისხობრივი მაჩვენებელი ნორმის ფარგლებშია, ბათუმის საკანალიზაციო ქსელის რეაბილიტაციის პარალელურად კი, ეს მაჩვენებელი კიდევ უფრო გაუმჯობესდება. ზაფხულის საზღვაო ტურისტული სეზონი ბათუმში ოფიციალურად 15 ივნისს გაიხსნება.

ბათუმის საკანალიზაციო ქსელი, დღეის მდგომარეობით, ძირითადად ჩართულია ახალ სისტემაში, რომელიც ადლიის გამწმენდ ნაგებობას უერთდება, აქედან კი ზღვის სიღრმეში გაფილტრულ წყალს უშვებენ. თუმცა, არის ამორტიზებული ძველი ქსელიც და ქალაქს შემოერთებული ტერიტორიები – საკანალიზაციო ქსელის გარეშე.

ახალი საკანალიზაციო ქსელი მოწყობილია და დაერთებულია ადლიის გამწმენდ ნაგებობაზე გონიო-კვარიათის ზღვისპირა ზოლშიც.

ზღვა-პორტი-ჭაობის დასახლება-გრიბოედოვის ქუჩას შორის მოქცეული ბათუმის ტერიტორია [მათ შორის ძველი ბათუმი მთლიანად] უკვე დაერთებულია ახალ საკანალიზაციო ქსელზე. შესაბამისად, შეგვიძლია ვთქვათ, რომ ამ ტერიტორიიდან, ანუ ქალაქის ცენტრალური ნაწილიდან, დაბინძურებული წყალი ზღვაში ვეღარ ხვდება.

რაც შეეხება მწვანე კონცხს, მახინჯაურსა და სხვა, ქალაქს შემოერთებულ ტერიტორიებს, ბათუმის მერიაში გვითხრეს, რომ ამჟამად მიმდინარეობს ტექნიკურ-ეკონომიკური კვლევა.

„გერმანიის რეკონსტრუქციის ბანკთან [KFW] წინასწარი მოლაპარაკებით, ბანკი დამატებით 60 მილიონ ევრომდე გამოყოფს, რომელიც მოხმარდება ძირითადად შემოერთებულ ტერიტორიებს – მახინჯაური, მწვანე კონცხი, ხელვაჩაური, ადლია, კახაბერი, აეროპორტის დასახლება, მეჯინისწყალი. ამ დასახლებებში მთლიანად მოეწყობა საკანალიზაციო ქსელი. ამავე პროექტის ფარგლებში იგეგმება ასევე ადლიის გამწმენდი ნაგებობის გაფართოება,“ – განაცხადა „ბათუმელებთან“ ჯაბა ტუღუშმა, ბათუმის მერის მრჩეველმა მუნიციპალური ინფრასტრუქტურის რეაბილიტაციის პროექტის საკითხებში.

მისივე თქმით, მერიას 2019 წლის ბოლოს უკვე ეყოლება კონსულტანტი, რომელიც დაიწყებს შემოერთებულ ტერიტორიებზე წყალარინების ქსელის დაპროექტებას ტექნიკურ-ეკონომიკური კვლევის საფუძველზე. ეს კვლევა კი ოქტომბრისთვის უნდა დასრულდეს.

ბათუმის მერიის ინფორმაციით, მთლიანად დასრულებულია ახალი საკანალიზაციო ქსელისა და სატუმბი სადგურების მოწყობა თამარის, ბარცხანისა და ბონი-გოროდოკის დასახლებებში. ახალ ქსელზე დაერთებები თითქმის დასრულებულია ბონი-გოროდოკში, მალე დასრულდება თამარის დასახლებაში, შემდეგ კი ბარცხანაში.

ე.წ. ჭაობის დასახლებაშიც დაერთებები დაწყებულია, თუმცა, მერიაში ამბობენ, რომ პრიორიტეტი არის ის ადგილები, სადაც წელს ქუჩების კეთილმოწყობაა დაგეგმილი. ჭაობსა და ბარცხანაში დაერთებები 2019 წლის ბოლოს უნდა დასრულდეს.

ბათუმის ხედები, 2019 წლის მაისი

წყალარინების ახალ ქსელზე დაერთებებს ბათუმის მერიის შპს „ბათუმის წყალი“ ახორციელებს.

რაც შეეხება ქალაქის ტერიტორიას გრიბოედოვის ქუჩიდან მდინარე მეჯინისწყლამდე [ხიმშიაშვილის, ჯავახიშვილის, ასლან აბაშიძის, ინასარიძის, აღმაშენებლის, ლეონიძის ქუჩები და მიმდებარე ტერიტორიები, ასევე ანგისის დასახლება] აქ, ამ ეტაპზე, მუშაობს ძველი საკანალიზაციო ქსელი, თუმცა ის ამორტიზებულია.

ჯაბა ტუღუშის თქმით, უკვე დაწყებულია მუშაობა ინასარიძის ქუჩაზე ახალი სატუმბი სადგურის ასაშენებლად. მალე დაიწყება ახალ ქსელზე დაერთებები ჯავახიშვილის, გრიბოედოვის [ქუჩის მარჯვენა მხარე], კომახიძის [ქუჩის ბოლო], ხიმშიაშვილის და სხვა ქუჩებზე. გრიბოედოვიდან მდინარე მეჯინისწყლამდე ტერიტორია ახალ ქსელში მთლიანად ჩაერთვება 2020 წლის ბოლოს.

ბათუმის მერიის ინფორმაციით, ჩაქვში წყალარინების ცალკე სისტემაა მოსაწყობი თავისი ცალკე გამწმენდი ნაგებობით, რომელიც ბათუმის ცენტრალურ სისტემაზე [ადლიის გამწმენდ ნაგებობაზე] ვერ დაერთდება. თუმცა, ამ ეტაპზე არც შესაბამისი პროექტია მზად და შესაბამისად არც ფინანსები. „ამ კუთხით მიმდინარეობს მუშაობა, ასევე მოლაპარაკებები დონორებთან. თუმცა ჩაქვში მობილური [მცირე] წყალარინების გამწმენდი ნაგებობა და სისტემა მოწყობილია და მუშაობს მდინარე ჩაქვისწყლის მარჯვენა მხარეს. იქ, სადაც მჭიდრო დასახლება და მრავალბინიანი სახლებია,“ – აცხადებენ ბათუმის მერიაში.

ბათუმის ხედი შარტავას ქუჩიდან გონიოს მიმართულებით

აჭარის სანაპიროს გასწვრივ ზღვის წყლის ხარისხის მაჩვენებელი, ნორმის ფარგლებშია. ჩატარებული კვლევების ოფიციალური მონაცემებით, წყლის დაბინძურება ბაქტერიებითა თუ პათოგენებით არ ფიქსირდება.

სრულად ნახვა
ეკოლოგია

დიდი ბარიერული რიფის „შვილი“ მარჯნების რაოდენობა 90 პროცენტით შემცირდა

1.03K views on

ტემპერატურის მატების გამო დიდი ბარიერული რიფისგან წარმოშობილი მარჯნის „შვილების“ რაოდენობა დაახლოებით 90 პროცენტით შემცირდა, – ამის შესახებ ავსტრალიის ჯეიმს კუკის სახელობის უნივერსიტეტის მეცნიერების მიერ ჩატარებულ კვლევაშია აღნიშნული.
მეცნიერები აცხადებენ, რომ ეს ფაქტი მოსალოდნელი იყო, ვინაიდან 2016-2017 წლებიდან კლიმატის ცვლილებების გამო ბოლო პერიოდში მარჯნის კვდომისა და გაუფერულების რეკორდული მაჩვენებელი დაფიქსირდა.

“მკვდარი მარჯანი „შვილს“ ვერ შობს,“ აცხადებენ მეცნიერები.

მიუხედავად იმისა რომ ვიზუალურად კლდოვან მასას გავს, მარჯანი ცხოველია, რომელიც ლიფსიტებს წარმოშობს. ეს ლიფსიტები ჯერ ოკეანის ზედაპირზე ტივტივებენ, შემდეგ კი რიფზე ფუძნდებიან და ზრდასრულ ასაკს აღწევენ.

აღსანიშნავია, მარჯნის იმ სახეობებს, რომლებიც მშობლიურ რიფთან ახლოს იმყოფებიან, გადარჩენის მეტი შანსი აქვთ, ვიდრე იმათ, ოკეანეში არიან გაფანტული.

ისტორიულად, როცა რიფის რომელიმე მონაკვეთი ზიანდებოდა, ის ნაყოფიერდებოდა მეზობელი მარჯნებისგან მოსული ლიფსიტებით, თუმცა მეცნიერები შეშფოთებულები არიან იმ ფაქტით, რომ ეს უნარი იკარგება.

დიდმა ბარიერულმა რიფმა 1998 წლიდან დღემდე 4 მასიური გაუფერულება განიცადა. იმის გამო, რომ გლობალური ტემპერატურა ზრდას განაგრძობს, მეცნიერები ვარაუდობენ, რომ დრო ასეთ მოვლენებს შორის კიდევ უფრო შემცირდება და მეხუთე ან მეექვსე გაუფერულებას მომავალი ათწლეულის მანძილზეც უნდა ველოდოთ.
უფრო მეტიც, ექსპერტები შიშობენ, რომ თუ სათბურის გაზების ემისიები გაგრძელდება, რიფის დღეები დათვლილია. მათი გამოთვლების თანახმად, თუ გლობალური ტემპერატურა 2 გრადუსით მოიმატებს, პლანეტის რიფების 99 პროცენტი საერთოდ გაქრება.
https://www.independent.co.uk

სრულად ნახვა
1 … 16 17 18 19 20 … 29
Page 18 of 29