close

ტურიზმი

აქართველოურიზმი

Forbes მკითხველს კახეთში მოგზაურობას ურჩევს – “თუ ღვინის მოყვარული ხართ და საქართველო თქვენს სამოგზაურო სიაში ჯერ კიდევ არ  არის, გეტყვით რომ დაგიშავებიათ”

36E713CB-E52F-449F-A1E4-24F71E08E7C7

გავლენიანი საერთაშორისო გამოცემა Forbes საქართველოს ტურისტული მიმართულების შესახებ სტატიას ავრცელებს. გამოცემის ჟურნალისტი ბრეანა ვილსონი კახეთის ტურისტულ პოტენციალს აღწერს.  Forbes-ის ჟურნალისტმა საქართველოში ტურიზმის ეროვნული ადმინისტრაციის ორგანიზებით იმოგზაურა.
„თუ ღვინის მოყვარული ხართ და საქართველო თქვენს სამოგზაურო სიაში ჯერ კიდევ არ  არის, გეტყვით რომ დაგიშავებიათ, მაგრამ საბედნიეროდ გვიანი არ არის აზრი შეიცვალოთ, რადგან ქართული ღვინო არის, იქნება და ყოველთვის მოგემეცემათ დაგემოვნების შესაძლებლობა.  მხოლოდ 2021 წელს  საქართველომ 62 ქვეყანაში 107 მილიონი ბოთლი ღვინის ექსპორტირება შეძლო. ქართული ვაზის დაახლოებით 70% კახეთზე მოდის. ამ რეგიონში ყურძნის დაახლოებით 200 ჯიშია. მათ შორისაა: რქაწითელი, საფერავი, მწვანე, ხიხვი, ქისი. საქართველოს მეღვინეობის 8 ათასწლოვანი ისტორია აქვს. მაგრამ მხოლოდ ღვინო არ იზიდავს ხალხს კახეთში. რეგიონი გამოირჩევა უნიკალური ბუნებით, უძველესი ციხე-სიმაგეეებით, კოშკებით, ალპური ტბებითა და  დამალული ჩანჩქერებით. კახეთში მსოფლიო კლასის სასტუმროებს იპოვით, აქ არ უნდა გამოტოვოთ კლასიკური მუსიკის ფესტივალი. ადგილობრივები ყველგან ძალიან მეგობრულები არიან. შეგიძლიათ რამდენიმე დღე გაატაროთ მდიდარ, ულამაზეს ადგილებში“,-წერს გამოცემის ჟურნალისტი.
Forbes-ის სტატიაში აღწერილია სიღნაღი, წინანდალი თელავი, სტატიის ავტორი მკითხველს ურჩევს თუ სად შეიძლება დარჩენა და ღვინის დაგემოვნება. სტატიაში აღწერილია საოჯახო მარნები და ადგილობრივი კერძები.
გამოცემა Forbes-ს სხვადასხვა მედია პლატფორმაზე – ვებ-გვედრზე, სოციალურ ქსელებსა და ბეჭდურ მედიაში  ყოველთვიურად 150 მილიონი მკითხველი ჰყავს.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
აქართველოურიზმი

,,საქართველოში ყველა ბედნიერი უნდა იყოს – საამისოდ ყველაფერი გაქვთ!“ – პარიზელი მოგზაური საქართველოს შესახებ

ორიანე შიშა

27 წლის ორიანე შიშა დამწყები მოგზაურია, რომელმაც 5 თვის განმავლობაში 25-მდე ქვეყნის მონახულება შეძლო, ამ 5 თვიდან კი, თავისდაგაოსაცრად, საქართველოში თითქმის თვე-ნახევარი გაატარა – ქვეყანაში, სადაც ჩამოსვლასაც თავიდან სულ არ გეგმავდა.

 ფრანგ მოგზაურს საქართველო-სომხეთის საზღვარზე შემთხვევით შევხვდი, იმდენად მიიპყრო ჩემი ყურადღება თავისი დადებითი განწყობით,  გამოველაპარაკე, ბოლოს კი – მისი კონტაქტი ჩავინიშნე და თბილისში ინტერვიუ დავუთქვი, სიამოვნებით დამთანხმდა.

-ორიანე, როგორ გადაწყვიტე 27 წლის ასაკში გამხდარიყავი მოგზაური – თან, სრულიად მარტოს მოგენახულებინა უამრავი ქვეყანა?

-ჩემი მშობლები ძალიან განათლებლები არიან. დედა გერმანულის მასწავლებელია, მამა – ყოფილი მათემატიკოს მასწავლებელია, ამჟამად – ინფორმატიკის. მათი სურვილი იყო – მესწავლა ბევრი და ვყოფილიყავი საუკეთესო. მეც სულ ვცდილობდი ჩემს 26-ე დაბადების დღემდე, რომ მესწავლა და მეკათებინა ის, რაც მათ სურდათ, რათა ჩემით ეამაყათ.

ვსწავლობდი ბიზნესს, არ მომწონდა. შევწყვიტე. შემდეგ  ისტორიას. მე არ ვარ თეორეტიკოსი და ესეც შევწყვიტე. შემდეგ ცხობა შევისწავლე და შეფმზარეულიც ვიყავი – ტორტებს ვაცხობდი – ეს კი მართლაც მსიამოვნებდა. ბევრმა მითხრა, ქართველი კაცებისთვის შესანიშნავი ცოლი იქნებოდიო.

ბავშვობაში ჩემი ოცნება იყო, მემოგზაურა, დამეთვალიერებინა ყველაფერი, შეხვედროდი ყველა ადამიანს, გამესინჯა ყველა კერძი. იმდენად ვცდილობდი, ჩემი მშობლებს სურვილები ამესრულებინა, ჩემი თავი დავკარგე. ბოლო პერიოდში ხშირად ვიყავი სევდიანად. არასდროს მქონია იმის საშუალება, მეკეთებინა ის, რაც მინდოდა. მყავდა შეყვარებული, ვსწავლობდი, ვმუშაობდი – ყოველთვის ხდებოდა რაღაც, თითქოს, ყველაფერიც კარგად იყო. მაგრამ 5 თვის წინ დავშორდი შეყვარებულს, სწავლა დავასრულე, სამსახურს შევეშვი და ვთქვი -,,დროა!“

ცხოვრება მოკლეა და უნდა გამოიყენო შესაძლებლობები. ყველა გარემოება მეუბნებოდა იმას, რომ მე პარიზს არ ვეკუთვნოდი და უნდა წავსულიყავი. ხოდა, ჩავალაგე ბარგი და წამოვედი.

როგორ გადაწყვიტე საქართველოში ჩამოსვლა?

თავიდანვე მინდოდა მსოფლიო ტური, გადავწყვიტე, ჩემს გზაზე ბევრი ქვეყანა დამეთვალიერებინა, მაგრამ გეგმში საქართველო საერთოდ არ მქონდა.

პირველად პარიზიდან ბუდაპეშტში გადავფრინდი, სადაც მეგობართან ერთად  ცხელი წყლების სპაში წავედი და მან მითხრა – მსოფლიოში საუკეთესო ცხელ წყლები, სადაც ვყოფილვარ, საქართველოშიაო.

 …და სადაც არ უნდა ჩასულიყავი, რომელ ქვეყანაშიც არ უნდა ვყოფილიყავი, ამ გზაზე ერთი ადამიანი მაინც მხვდებოდა, რომელიც მეუბნებოდა, რომ საქართველოში აუცილებლად უნდა ჩავსულიყავი.

ეს ერთადერთი ქვეყანა იყო, რომელში ვიზიტის რჩევებსაც სულ ვიღებდი.

და გადავწყვიტე.

პირველ ოქტომბერისკენ ჩამოვედი, ვიმოგზაურე, შემდეგ 10 დღით გადავედი სომხეთში და დავბრუნდი ისევ უკან, აქედან კი – აზერბაიჯანში უნდა გადავიდე. (აზერბაიჯანში რამდენიმე დღე დაჰყო, ახლა ირანშია. ავტორის კომენტარი)

იდეაში, დაბრუნების შემდეგ, აქ ორიოდე დღე უნდა გამეტარებინა, მაგრამ მთელი კვირა შემოვრჩი. საქართველო მართლა ის ქვეყანაა, საიდანაც არ მინდა წასვლა.

-როგორია შენი თვალით დანახული საქართველო?

-ყველაფერი გაქვთ – შეგიძლიათ, გაერთოთ, ისერინოთ, ევროპაში საუკეთესო კლუბში – ,,ბასიანში“ წახვიდეთ. საოცარი ხალხი გყავთ – ძალიან გონებაგახსნილი.

თუ არ გიყვარს დიდი ქალაქები, შეგიძლია, უბრალოდ გახვიდე და რამდენიმე კილომეტრში სხვა სამყაროში აღმოჩნდე,

საოცარი ბუნება გაქვთ – მთები, ზღვა  – ყველაფერი. ამიტომაა საქართველო ასეთი გასაოცარი – ასეთი რამ სხვაგან არსად მინახავს. შეუძლებელია,  ასეთი რამ სხვა ქვეყანაში ნახო.

აქ ყველა უნდა იყოს ბედნიერი – საამისოდ ყველაფერი გაქვთ! ყველა ტურისტი კმაყოფილი უნდა წავიდეს – თუ გინდა გართობა, თბილისში ამისთვის უამრავი ადგილია, თუ გინდა ნახო ველური ბუნება – უნდა წახვიდე უშგულში. აღფრთოვანებული დავრჩი ქართული სოფლების ყოველდღიური ცხოვრების წესით.

შეიძლება დღეს საქართველო არ არის ეკონომიკურად ძლიერი ქვეყანა, მაგრამ ცხადად ჩანს, ვითარდება ტურიზმი და რამდენიმე წელიწადში ეს ტურისტებისთვის ერთ-ერთი ყველაზე მიმზიდველი ქვეყანა გახდება.

-არ იყო მარტო მოგზაურობის გადაწყვეტილების მიღება რთული? რეალურად, სრულიად მარტომ რომ იმოგზაურო, ეს გარკვეულ რისკებთანაც შეიძლება იყოს დაკავშირებული.

-გულწრფელად რომ ვთქვა, თავიდან ძალიან მეშინოდა. ახლა კი – ძალიან ბედნიერი და მადლობელი ვარ. ჩემი მთელი სხეული იღიმის. ჩემი სხეული მეუბნება –  აკეთებ იმას, რაც გინდა.

ზოგადად, ცუდი ხალხი ყოველთვის იქნება სადღაც, მაგრამ არ უნდა განაზოგადო. მიუხედავად იმისა, რომ ახლაც მეშინია ხოლმე, ეს მაინც ვერ შემაჩერებს.

სხვათა შორის, სულ ვატარებ ჯაყვას. არასდროს არ გამომიყენებია და ვიყენებ, მაგრამ ყოველი შემთხვევისთვის, ეს აუცილებელია.

ისიც უნდა ვთქვათ, რომ, რეალურად, მოგზაურობა ფუფუნებაა – როგორ ახერხებ, ამდენი ქვეყანა მცირე დანახარჯით მოინახულო?

-ბევრი ფული არ მაქვს. თვითმფრინავით მხოლოდ ერთხელ ვიმგზავრე პარიზიდან ბუდაპეშტამდე. ამ ქალაქებს შორის ყველაფერი მქონდა იქამდე ნანახი და ამიტომ გადავწყვიტე ასე. ახლა ვმოგზაურობ, რაც მართლა არაა ძვირი.  გზაზე ვხვდები ხალხს, რომლებიც ძალიან გულუხვები არიან, ამიტომ ვმოგზაურობ, რომ დავრწმუნდე,  რამდენად საოცარია ადამიანი. მედიით რასაც ვიგებთ, სულ ცუდი რაღაც ხდება – ხან ვიღაცას კლავენ, აუპატიურებენ, ძარცვავენ – თითქოს მსოფლიოში კარგი არაფერია. ჩემი მშობლები მეუბნებოდნენ – შენ ხარ გოგო და მარტო თუ იქნები, მოკვდები, რადგან ეს უსაფრთხო არაა. მაგრამ ხალხი, ვისაც ვხვდები, საპირისპიროს მიმტკიცებს –  ყველა ძალიან კარგია, გულუხვი.

სანამ მოგზაურობას დავგეგმავდი, 2 წელი თავაუღებლად ვიშრომე, ვიმუშავე, ფული დავაგროვე.  დღეში 12 საათს ვმუშაობდი რესტორანში, იქვე ვჭამდი და ვზოგავდი ფულს. თითქმის ყოველ წამს მოგზაურობაზე ვფიქრობდი.

ახლა, როცა ამ პროცესში ვარ, ვცდილობ, გონივრულად გამოვიყენო ეს თანხა – ვრჩები ჰოსტელებში, ასევე, ვიყენებ ქოუჩსერფინგს, რაც გულისხმობს იმას, რომ ისე ვრჩები ჩემთვის უცნობ ადამიანებთან, რომ ფულს არ ვიხდი. ასე ბევრ საოცარ ადამიანს ხვდები.

-ბოლო გაჩერება?

-არ ვიცი, რომელი იქნება ამჯერად ბოლო ქვეყანა.  ზოგად 30-40 ქვეყანა მაქვს ნანახი. არ მინდა დავგეგმო ჩემი მოგზაურობა. მთავარი მიზანია, ხალხი ვნახო.

რა მოხდა საქართველოში? – არ ვაპირებდი საერთოდ ჩამოსვლას და თითქმის თვე-ნახევარი შემოვრჩი,

უბრალოდ, მინდა, ხალხს გავყვე, მოვუსმინო. თუ კარგი ქვეყანა გაქვთ, უნდა მითხრათ და აუცილებლად წამოვალ!

ახლა მონღოლეთში მელოდება სამსახური და უნდა წავიდე. მომდევნო 2 თვე უნდა მოვუარო ცხენებს რანჩოზე. ასევე, ბაღს.

-შენი რჩევები საქართველოს, ქართველებს…

-რთულია, რაიმე შენიშვნის თქმა, იმდენად მომწონს ყველაფერი. შესაძლოა, გზების მოწესრიგებაზეა მეტი აქცენტი გასაკეთებელი. აგრეთე, რაც მართლა მომხვდა თვალში – თითქმის არცერთ კულტურულ ძეგლს არ აქვს აღწერილობა – ტურისტებს თქვენ მაქსიმალური ინფორმაცია უნდა მიაწოდოთ. საჭიროა მეტი მიმართულება, ნიშანი, აღწერა.

ეს ერთი მხრივ მისტიკურიცაა – განცდა გიჩნდება, თითქოს დაფარულ საგანძურთან გაქვს საქმე.

საბოლოოდ, კიდევ ერთხელ მინდა გავიმეორო – ეს ძალიან საოცარი ქვეყანაა, აქ თითქმის არაფერია შესაცვლელი.

-მართალია, დაგეგმვა არ გიყვარს, თუმცა, შემდეგ, როდესაც დაბრუნდები პარიზში, გაქვს თუ არა გარკვეული მიზნები?

-სანამ დავტოვებდი პარიზს, დავიწყე წიგნის წერა, რომელიც კომიქსის მსგავსია – თან ვხატავ, თან ვწერ. სადაც დავდივარ, ყველაფერს ვინიშნავ – ბუნებაზე, საჭმელზე, ხალხზე და რომ დავბრუნდები, დავასრულებ ამ წიგნს.

შემდეგ წავალ სოფელში, საფრანგეთში, გავაკეთებ ,,Aibnb-ს”, ბაღში დავრგავ ბოსტნეულს, მეყოლება ძროხა, მექნება რესტორანი, სადაც ვიზიტორებს ნატურალურ პროდუქტს შევთავაზებ – ესაა ჩემი გეგმაც და მიზანიც.

 

ახალგაზრდა ანალიტიკოსთა და მეცნიერთა დარბაზი ,,დოქტრინა“

 

სრულად ნახვა
აქართველოურიზმი

ისრაელმა საქართველო წითელი ქვეყნების სიაში შეიყვანა

AB24E0F6-CB13-497A-BFF1-BF985E5BEA80

ისრაელმა საქართველო თურქეთთან, ბრიტანეთთან და კვიპროსთან ერთად იმ ქვეყნების ჩამონათვალში შეიყვანა, საიდანაც დაბრუნებულ მოქალაქეებს ერთკვირიანი თვითიზოლაციის გავლა მოუწევთ. ამის შესახებ ინფორმაციას ადგილობრივი მედია ynet.co.il-ი ავრცელებს.

გამოცემა წერს, რომ ისრაელის მთავრობამ წითელი ქვეყნების ჩამონათვალს მას შემდეგ გადახედა, რაც დელტა შტამით ინფიცირების შემთხვევები მნიშვნელოვნად გაიზარდა ევროპის მასშტაბით, ამასთან მომავლი კვირის პარასკევიდან ისრაელი საჰაერო მიმოსვლას შეაჩერებს ესპანეთთან და ყირგიზეთთან.

ამჟამად ისრაელს ფრენები უკვე შეჩერებული აქვს არგენტინასთან, ბრაზილიასთან, სამხრეთ აფრიკასთან, ინდოეთთან, მექსიკასთან, რუსეთთან, ბელორუსიასთან და უზბეკეთთან.

აღსანიშნავია, რომ დღეის მდგომარეობით, შემდეგი ქვეყნებიდან დაბრუნებულ ყველა მოგზაურს მოუწევს სრული იზოლაციის გავლა და PCR ტესტის უარყოფითი პასუხის წარდგენა: არაბთა გაერთიანებული საემიროები, სეიშელის კუნძულები, ეკვადორი, ეთიოპია, ბოლივია, გვატემალა, ჰონდურასი, ზიმბაბვე, ზამბია, ნამიბია, პარაგვაი, ჩილე, კოლუმბია, კოსტა – რიკა.

ამასთან მომავალი პარასკევიდან, აღნიშნულ სიას შემდეგი ქვეყნები დაემატება: გაერთიანებული სამეფო, კვიპროსი, თურქეთი, საქართველო, უგანდა, მიანმა, ფიჯი, პანამა, კამბოჯა, კენია და ლიბია.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ურიზმი

ისრაელი კოვიდ-შემთხვევების ზრდის გამო, აცრილ ტურისტებს 1 აგვისტომდე არ მიიღებს

BD67A786-1A29-446F-BA7E-7B0BDAABD6A3

აცრილი უცხოელი ტურისტები ისრაელში შესვლას 1 აგვისტომდე ვერ შეძლებენ. შესაბამისი გადაწყვეტილება The Jerusalem Post-ის ინფორმაციით, ქვეყნის მთავრობამ მიიღო. გადაწყვეტილების მიზეზი კოვიდ-შემთხვევების ზრდა გახდა.

გარდა ამისა, მთავრობა აცხადებს, რომ დახურულ სივრცეებში პირბადის ტარების რეგულაცია კვლავ აღდგება, თუ დღიური საშუალო კოვიდ-შემთხვევების რიცხვი კვირაში 100-ს ასცდება.

„ჩვენი მიზანია რომ დავიცვათ ისრაელის მოქალაქეები „დელტას“ შტამისგან, რომელიც მსოფლიოში ვრცელდება. ამავე დროს, ჩვენ გვსურს რაც შეიძლება შევამციროთ ქვეყანაში ყოველდღიური ცხოვრების რიტმის დარღვევა. ამიტომაც, გადავწყვიტეთ რომ რაც შეიძლება ადრე ვიმოქმედოთ, ანუ ახლა გადავდგათ პასუხისმგებლიანი და სწრაფი ნაბიჯები, რათა შემდეგ უფრო ძვირი არ დაგვიჯდეს“, – განაცხადა ქვეყნის პრემიერმა ნაფტალი ბენეტიმ.

აღსანიშნავია, რომ ისრაელი აცრილი ტურისტების მიღებას 1 ივლისიდან გეგმავდა. თუმცა, ბოლო დღეების განმავლობაში ქვეყანაში „დელტა“ შტამი დაფიქსირდა, რამაც კოვიდ-შემთხვევების რაოდენობის ზრდა გამოიწვია.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
მიგრანტისოფლიოაქართველოურიზმი

ქართველი გოგონას ნეპალური ცხოვრება და ჰიმალაის მთებთან ნაპოვნი  სულიერი სიმშვიდე

ნეპალი ქართელი

გოგოჩი, იგივე დოდოჩი გოგია ქართველი მოგზაურია, რომელმაც რუტინულ ცხოვრებას ჰიმალაის მთებთან ახლოს მედიტაცია და ნეპალური კულტურის ზიარება არჩია და დღეს საკუთარ თავს ამ ჯადოსნური გარემოს სრულფასოვან წევრად აღიქვამს. გოგოჩი აქამდეც რამდენჯერმე იყო ნეპალში  და გარემოს, რომელშიც ამჟამად ის ცხოვრობს ზღაპრულს უწოდებს, მისი ცხოვრების საუკეთესო მოგონებებიც სწორედ ამ ადგილს უკავშირდება და უჩვეულო თავგადასავლების შესახებ ის თავად გვიამბობს.

-გოგოჩი, რამდენიმე წლის წინ გადაწვიტე რომ მიგეტოვებინა აქაური ცხოვრება, სამსახური თუ ახლობელი ადამიანები და ნეპალში წასულიყავი, რამ გადაგაწყვეტინა, რომ შენი ცხოვრება ასე რადიკალურად შეგეცვალა?

-ნეპალით მას შემდეგ დავინტერესდი, რაც ჩემი ახლო მეგობარი ქართველების 45-კაციან ჯგუფს გაჰყვა 2-კვირიან ტურში, ტურიდან დაბრუნდა თუ არა, მაშინვე მითხრა, ეს შენი ქვეყანაა, ერთ დღეს აუცილებლად უნდა მოხვდეო. მაშინ კინოსკოლაში ვმუშაობდი – ახლაც არის ეროვნული კინოცენტრის პროექტი, რომელიც კინოს მასწავლებლობას გულისხმობს საქართველოს სხვადასხვა რეგიონის სკოლებში; ყოველი წლის ზაფხულს არდადეგები ეწყობოდა და პროექტის მონაწილეებიც ვისვენებდით, სწორედ მაშინ ვიფიქრე, ზაფხულს გამოვიყენებ, სამოგზაუროდ წავალ და თუ ძალიან მომეწონა – დიდხანს დავრჩები, ან სულაც სხვა აზიურ ქვეყანაში გადავალ სამოგზაუროდ-მეთქი.

ჩემი მოგზაურობა უვადო და დაუგეგმავ წამოწყებას ჰგავდა, მაგრამ ერთი რამე საგულდაგულოდ დაჯავშნილი და კარგად მოფიქრებული იყო – ვიპასანა, ეს არის მედიტაციური პრაქტიკა, რომელსაც სპეციალურად გამოყოფილ მშვიდ და წყნარ ადგილას სწავლობ 10 დღის განმავლობაში, ამის გაკეთება ძალიან რთულია და გარკვეულ ფიზიკურ და მორალურ მზაობას საჭიროებს, რადგან 10 საათი წელგამართული და ფეხმორთხმული უნდა იჯდე ერთსა და იმავე პოზაში. როცა პირველად შევიტყვე ვიპასანას შესახებ, დავიზაფრე, მაგრამ ფიზიკურად მხნე ვარ და ჩემი მორალური კონსტიტუციისთვის ეგეთი პრაქტიკა ნამდვილად ზედგამოჭრილია. როცა უკვე  ნეპალის ბილეთი ხელში მეჭირა, ალალბედზე დავგუგლე ვიპასანა ნეპალში და ერთ ცენტრში დავრეგისტრირდი, სურათებიდან ლამაზი, ტბიანი ადგილი ჩანდა და  ვიფიქრე, მარტო ამ ადგილისთვის ღირდა მანდ მოხვედრა. მოკლედ, სამოგზაურო გეგმა მქონდა – ვიპასანა უნდა გამეკეთებინა. მართლაც ჯადოსნური ადგილი აღმოჩნდა, ტყის, ტბის, მაჩაპუჩრესა და ოთხივე ანაპურნას ვრცელი ხედებით დამშვენებული. იქ კურსიც გავიარე, მედიტაციაც ვისწავლე და მას შემდეგ, კიდევ სამჯერ მივუბრუნდი ამ ადგილის მაგიას.

-საინტერესოა, როგორ დაახასიათებდი ნეპალურ კულტურას, რა გიზიდავს მასში ასე ძალიან?

თუ კულტურებს მასკულინურად და ფემინურად დავყოფთ, მაშინ ნეპალური კულტურა ფემინურია, თვინიერ ქალს ჰგავს. ქალებიც და კაცებიც ერთნაირად სანდომიანები და გაღიმებულები არიან, თანაც ყოველთვის გულწრფელები. იშვიათად, რომ გაბრაზებაზე შეიწუხონ თავი, მაგრამ თუ ასე მოხდა და ნამდვილად გაბრაზდნენ, ველურ ნადირს ემსგავსებიან, შევსწრებივარ  და ნამდვილად საშიში სანახაობაა. კაცებს რბილი და დამყოლი ხასიათი აქვთ. კულტურის ფემინურობა მათ გარეგნულ მხარეზეც აისახება. ტრადიციულად ატარებენ საყურეებს, ბეჭდებს, გრძელი თმას და ხშირად ქუჩებშიც ხელჩაკიდებულები დადიან. ეგეც კულტურის ნაწილია, რადგან ასე გამოხატავენ ახლო მეგობრულ ურთიერთობას, მხოლოდ მეგობრულს და არაფერს სხვას.

ნეპალი საქართველოსავით მდიდარია ჰიდრორესურსით, მაგრამ, სამწუხაროდ, იმის გამო, რომ კორუფცია ყვავის, მოსახლეობა სასმელ წყალს ყიდულობს ან შორი წყაროებიდან ეზიდება. აქაურ ახალგაზრდებს, რომლებიც შეძლებისდაგვარად მოგზაურობენ და სხვა კულტურებსა თუ ქვეყნებს ეცნობიან, აქვთ პრეტენზიები და პროტესტი მთავრობის მიმართ, რადგან აქ მოსახლეობის მხოლოდ ერთი პროცენტია ძალიან მდიდარი, დანარჩენი კი შიმშილით ან სიცივით კვდება, მაგალითად, წელს აქ სიცივის გამო 40 ადამიანი გარდაიცვალა.

 მიუხედავად ამ ყველაფრისა, ამ ქვეყანაში მოხვედრისას შეუძლებელია არ შენიშნო და არ გადმოგედოს ამ ღარიბი ხალხის, სიმშვიდე, აუღელვებლობა, სიცილი, მოთმინებისა და გამძლეობის საოცარი უნარი. ფემინურიო კი ვამბობ, მაგრამ მიუხედავად ხასიათის სირბილისა, ეს არის შერპების, თავზეხელაღებული მძღოლების, მებრძოლი გურკების და კლდის ჯადოსნურ თაფლზე მონადირე ხალხის სამშობლო.

-გოგოჩი, როგორც ვიცი, ნეპალში ცხოვრება ფინანსური თვალსაზრისით არც ისე ძვირი ჯდება, მაგრამ ჩვეულებრივი ტურისტული მარშრუტისგან ნამდვილად განსხვავებული ცხოვრების წესით ცხოვრობთ, მოგივყევი, რა აქტივობებით ხართ იქ ჩასული ტურისტები დაკავებული?

-ვიტყოდი, რომ მეც ავიჩემე და ამ ქვეყანამაც რაღაცნაირად ამიჩემა. აქ თავს სახლში ვგრძნობ და მედიტაციის გარდა სხვა აქტივობებიც მაქვს-ხოლმე, მაგალითად, ფერმაში მუშაობა, მცენარეების მოვლა, ადგილობრივებისთვის დახმარება და ეს ყველაფერი მოხალისეობის სახელით. მიყვარს აქ ყოფნა და მუშაობა, თუმცა ზოგჯერ დღეები ისე გადის, რომ არც არაფერს აკეთებ, უბრალოდ ადამიანებს ეკონტაქტები – ადგილობრივებს, ჩამოსულებს და ეს საკმარისია, რომ დღე შედგეს.  ჩემი ახლობლები ეჭვიანობენ, რომ აქაურობა ასე მიყვარს და აინტერესებთ – რა არის აქ ასეთი, ალბათ ერთ დღესაც წამოვლენ დასათვალიერებლად და მეც სიამოვნებით გავუწევ გიდობას. მით უმეტეს, რომ უკვე მაქვს ეგ პრაქტიკაც. უკვე იმდენი რამე ვიცი აქაურობაზე, რომ პერიოდულად გიდობასაც ვითავსებ.

ე.წ. ქაუჩსერფინგი აქ კარგად მუშაობს და მეც მისი საშუალებით ვიპოვე ჩემი მასპინძელი, რომელიც ახლა ჩემი კარგი მეგობარია. მახსოვს, მასპინძლობის მეორე დღესვე ამიყვანა კატმანდუს განაპირა მთიან მხარეში და ადგილობრივი შამანების, ანუ მკურნალების ფესტივალზე მოვხვდი. მაშინვე შინაურად ვიგრძენი თავი. მას შემდეგ, როცა კი აქ ვარ, არ მტოვებს ის შეგრძნება, რომ შინაური ვარ.

-დაბოლოს, როგორია  შენი სამომავლო გეგმები?

-მე გაზაფხულამდე აქ დავრჩები, ახალ სოფლებს აღმოვაჩენ და ახალ ტრეკებზე გავალ,  დავტკბები აქაური სიმშვიდით, გავუძლებ ნეპალურ ყოფას, დავეხმარები გზის გაგნებაში აქ მოხვედრილ ტურისტებს, მოგზაურებს და მოხეტიალეებს, და უფრო ნათელი, ცოდნით, სიმშვიდით და სიყვარულით სავსე შევუდგები გზებს სხვა ქვეყნებისაკენ. ასეთია ჩემი გეგმა და სურვილი, დანარჩენს კი, როგორც იტყვიან, ცხოვრება მოიტანს.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
კოლოგიაექნოლოგიებიურიზმი

დანიაში ხელოვნური კუნძულის, ლინეტეჰოლმის აშენება იგეგმება

8536865832643858

დანიის პარლამენტმა მხარი დაუჭირა  გიგანტური ხელოვნური კუძულის, ლინეტეჰოლმის, მშენებლობას.

პროექტი ითვალისწინებს კაშხლის სისტემას მთელს პერიმეტრზე, რისი მიზანიც კოპენჰაგენის ნავსადგურის წყლებს ზღვის დონიდან აწევისგან  დაცვაა. კუნძულზე 35 000-მდე ადამიანი დასახლდება. კუნძული ხმელეთს ხიდებით, გვირაბებით და მეტროს ხაზით დაუკავშირდება. პარლამენტის მხრიდან მხარდაჭერა შესაძლებლობას იძლევა პროექტის განხორციელება მიმდინარე წლის ბოლოდან დაიწყოს.

გარემოს დამცველები პროექტს ეწინააღმდეგებიან. მათ სარჩელი მართლმსაჯულების ევროპულ სასამართლოში შეიტანეს.

პრობლემებს შორის ისინი ასახელებენ მასალების ტრანსპორტირებას საავტომობილო გზით. გარემოსდამცველების შეფასებით, მშენებლობის დაწყებისთანავე სხვადასხვა მასალის მისაწოდებლად კოპენჰაგენის გავლით დღეში სატვირთო ავტომობილების 350-მდე რეისი იქნება საჭირო, რაც გარემოს ზიანს მიაყენებს.

თუკი ყველაფერი გეგმის მიხედვით წავა, კუნძულის მშენებლობის პროექტი 2070 წლისთვის დასრულდება.

წყარო : BBC

მასალა მოამზადა : თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
კოლოგიააქართველოურიზმი

ანტისანიტარიის გამო, მყინვარწვერი ევროპის ზოგმა ტურისტულმა კომპანიამ ტურებიდან ამოიღო – სამთო-გამყოლთა ასოციაცია

205C6E89-2D7D-42BD-A8BF-DF5436758B1F

“მყინვარწვერზე დანაგვიანების პრობლემის მთავარი მიზეზი ტურისტები არიან ანუ ძირითადად ჩრდილოელი მეზობლები, ნაკლებ-გადამხდელუნარიანები, რომლებიც ღამეს ათევენ კარავში და არ ზრუნავენ გარემოზე,” – ამის შესახებ გადაცემა “საქმიან დილაში” ნიკა ერქომაიშვილმა, სამთო-გამყოლთა ასოციაციის დირექტორმა ისაუბრა და აღნიშნა, რომ სტუმრები, რომლებიც საქართველოში ჩამოდიან მყინვარწვერის დალაშქვრის მიზნით, ხელმეორედ ჩამოსვლაზე უარს ამბობენ სწორედ იმ ნარჩენების გამო, რომლებიც ადგილზე ხვდებათ.

“მდგომარეობა მართლა სავალალოა, აქ ტურისტებთან ერთად პრობლემაა ადგილობრივების თვითშეგნებაც და პარალელურად არც სახელმწიფო ერევა ნარჩენების მართვის პროცესში, ამიტომაც კონტროლის მექანიზმი არ არსებობს. ცხადია ტურისტებში არ ვგულისხმობ შეგნებულ სტუმრებს ევროპიდან, ამერიკიდან, რომლებიც პირიქით ზრუნავენ და გვეხმარებიან დასუფთავებაში, აქ იგულისხმება ჩრდილოელი მეზობლები რომლებიც გარდა იმისა, რომ ნაგავს ყრიან, ბიზნესს აწარმოებენ მყივნარწვერზე და დაყავთ კლიენტები ტურზე, ისე რომ გიდობის გამოცდილებაც არ აქვთ,” – აღნიშნა ერქომაიშვილმა.

მისი თქმით, სწორედ ამ ნარჩენებისა და ანტისანიტარიის გამო, ზოგიერთმა ტურისტულმა კომპანიამ ევროპაში მყინვარწვერი ტურებიდან და პროგრამიდან საერთოდ ამოიღო.

“პრობლემის გადასაჭრელად არ გვჭირდება ველოსიპედის გამოგონება, ბევრი საერთაშორისო პრაქტიკა არსებობს, იგივე ალპებში, ასევე ევერესტზე, სადაც ექსპედიციაზე მიმავალი გუნდი, მთაზე ასვლამდე ტოვებს დაახლოებით 4 ათასი დოლარის დეპოზიტს. მას ნარჩენების დეპოზიტი ჰქვია და ყველა ადამიანს ევალება უკანა გზაზე 8-დან 10 კილომდე ნაგვის ჩამოტანა, წინააღმდეგ შემთხვევაში, თანხა უკან არ უბრუნდებათ და ხმარდება ადგილის დასუფთავებას, იგივე მექანიზმი შეგვიძლია შევიმუშაოთ და გარკვეული ქმედითი ნაბიჯების გადადგმა დავიწყოთ ქვეყნის ერთ-ერთ ყველაზე მოთხოვნად და ნახვად ტურისტულ მიმართულებაზე,” – განაცხადა ნიკო ერქომაიშვილმა

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
აქართველოურიზმი

მაისში საქართველოში 17 ინფლუენსერი ქვეყნის „გასაპიარებლად“ ჩამოვა

C7B9676E-ABD7-4B48-B97A-913F948A0FED

ტურიზმის ეროვნული ადმინისტრაციის ინიციატივით, მაისში საქართველოში ცნობილი ამერიკელი და ევროპელი ბლოგერები და ინფლუენსერები ჩამოვლენ. პრეს-ტურის მიზანია აშშ-დან და ევროპიდან საქართველოში ტურისტული ნაკადების მოზიდვა და საქართველოს ტურისტული მიმართულების გაცნობა მათთვის. ორგანიზატორების თქმით, ინფლუენსები, რომლებიც საქართველოში ჩამოვლნენ, პრაქტიულად მთელ ინგლისურენოვან სამყაროს მოიცავენ და მათი მოთხრობილი შთაბეჭდილები პოსტ-კოვიდურ პერიოდში შეიძლება უფრო ეფექტური იყოს, ვიდრე პირდაპირი რეკლამა.

„დღეს ყველაზე ეფექტური გზა ტურიზმის და ქვეყნის პოპულარიზაციის მიზნით არის ინფლუენსერების მიერ მოყოლილი ამბები სოციალურ ქსელში პოსტებისა და ფოტოების მეშვეობით. ისინი უდიდეს აუდიტორიას უზიარებენ ამ კონტენტს და შემდეგ სხვასაც უჩნდება მოგზაურობის სურვილი ქვეყანაში. ეს არის ჩვენი მიზანიც.

ამიტომაც, ციფრულ არხებში დადებული პოსტით, შესაძლებელია გაცილებით მეტი ადამიანის დაინტერესება, ვიდრე უბრალოდ სატელევიზიო ან ბეჭდური რეკლამის განთავსებით“ – განაცხადა Caucasus Travel-ის დამფუძნებელმა, საბა კიკნაძემ, გადაცემა „საქმიან დილაში“.

მისივე თქმით, მაისის ბოლოს, დაახლოებით 17 ინფლუენსერი ჩამოვა საქართველოში, რომელთა გამომწერების რაოდენობა 100-500 ათასი და მეტია და ისინი მთელს ქვეყანას დაათვალიერებენ და შემდეგ გააცნობენ საკუთარ აუდიტორიას.

„იმედია მაისის ბოლომდე მოიხსნება გარკვეული რეგულაციები, იქნება ეს კომენდანტის საათი თუ კვების ობიექტებზე დაწესებული შეზღუდვები, წინააღმდეგ შემთხვევაში კი, მათ მოუწევთ არსებულ რეგულაციებთან შეგუება და 9 საათისთვის სასტუმროში დაბინავება.

რაც შეეხება იმას, თუ რას ვახვედრებთ ქვეყანაში სტუმრებს, ეს არის ჩვენი ბუნება, ხალხი, კულტურა, ძეგლები, საკვები, ღვინო, მუსიკა და ყველაფერი ის, რითაც ვიწონებთ თავს და რაც შეუძლებელია რომ არ მოეწონოთ“, – აღნიშნა საბა კიკნაძემ.

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
აქართველოურიზმი

Guardian-მა საქართველო 2021 წლის საუკეთესო სამოგზაურო მიმართულებებს შორის დაასახელა

image

Guardian-მა გამოაქვეყნა სტატია, სადაც მკითხველს 12 რჩევას აძლევს თუ რა მიმართულებით უნდა იმოგზაურონ 2021 წელს. სტატიაში შევხვდებით მოგზაურებისა და ჟურნალისტების მიერ აღწერილ 12 ლოკაციას, რომელთა შორის დასახელდა საქართველოც, კერძოდ ყაზბეგი. მოგზაურები დიდი იმედითა და ოპტიმიზმით ელოდებიან 2021 წელს და სჯერათ, რომ ვაქცინაცია COVID-19-ის წინააღმდეგ იმუშავებს და მალევე შეძლებენ შეუფერხებლად მოგზაურობას.

12 საუკეთესო სამოგზაურო მიმართულებაში მოხვდა ყირგიზეთი მათი ტრადიციებით და გემრიელი ადგილობრივი საკვებით, შოტლანდიის დასავლეთ სანაპირო, ბრიტანეთის კუნძულები, იორკში იორკშირის მუზეუმი. ასევე ჩრდილოეთ იორკშირი, იმ შემთხვევისთვის თუ მყუდრო ოთახებს, ბუხარში ცეცხლს და ზღვის ხედს ეძებთ. გლაზგო ბულვარებით, ქვაფენილებითა და აზიური ქუჩის საკვებით. სტატიაში ასევე აღწერილია კოტსვოლდის გზა, ფარერის კუნძულები, უკრაინა, მავრიტანია, აზერბაიჯანი და ბოლოს საქართველო.

მოგზაური და ჟურნალისტი ფრენკა ჰამელსი ყაზბეგის შესახებ წერს: ,,მე მინდა ისევ ვიმოგზაურო ყაზბეგში, დავიღალო იმ საოცარი ლაშქრობებით,  სადაც სულიერი არ შემხვდება. მეორე დღე მინდა გავატარო აივანზე წიგნით ხელში, რომელსაც მცირე ყურადღებას მივაქცევ, რადგან მთები სუნთქვას შემიკრავს. აივანს კი მხოლოდ საუცხოო ქართული საკვების საჭმელად დავტოვებ იგივე ხედით…”

 

წყარო: The Guardian

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
სოფლიოურიზმი

CNN – 2021 წელს სამოგზაუროდ შესაძლოა COVID-19–ის ვაქცინის პასპორტი დაგჭირდეთ

1440x810_cmsv2_84ec92c2-7e4c-525e-a302-c30d055c3180-5177842

სამოგზაუროდ წასასვლელად, შესაძლოა, კორონავირუსის ვაქცინაციის დამადასტურებელი პასპორტი დაგვჭირდეს – ამის შესახებ ინფორმაციას CNN ავრცელებს.

როგორც CNN წერს, რამდენიმე კომპანიამ და ტექნოლოგიურმა ჯგუფმა, უკვე დაიწყო სმარტფონებისთვის ისეთი აპლიკაციების შემუშვება, რომელიც ადამიანებს საშუალებას მისცემს ატვირთონ თავიანთი სამედიცინო ისტორია, კორონავირუსის ტესტის და ვაქცინის გაკეთების შესახებ დეტალებით, რაც შემდგომ შესაძლოა საზღვრების გადალახვისას, სტადიონზე, კონცერტზე ან ოფისში შესასვლელად დასჭირდეთ.

გარდა ამისა, საერთო ნდობის ქსელმა [Common Trust Network] და მსოფლიო ეკონომიკურმა ფორუმმა უკვე შეთანხმება დადეს ავია–კომპანიებთან, მათ შორის ლუფტჰანზასთან, რომ მგზავრებმა, გამგზავრების წინ, ჯანმრთელობის ისტორია წარმოადგინონ.

“საზღვრის გადაკვეთისას კორონავირუსზე ტესტირება ყოველ ჯერზე შეიძლება, მაგრამ ვაქცინაცია არა” – ასე ხსნის  საერთო ნდობის ქსელის წარმომადგენელი ტომას კრამპტონი, ვაქცინის გაკეთების დამადასტურებელი დოკუმენტის გამგზავრებისას წარმოდგენის აუცილებლობას.

თავის მხრივ, სტენფორდის ინფექციური დაავადებების სპეციალისტი, ჯული პარსონეტი, ამბობს, რომ მხოლოდ ვაქცინაციის დამადასტურებელი დოკუმენტის წარმოდგენა საკმარისი არ არის, რადგან ვაქცინის გაკეთების მიუხედავად, შესაძლოა ადამიანი ვირუსის მატარებელი იყოს.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
1 2 3 7
Page 1 of 7