close

პოლიტიკა

პოლიტიკა

იაპონიის საელჩომ თბილისს 100 ძირი საკურას ნერგი აჩუქა

თბილისის მერიამ და იაპონიის საელჩომ ბოტანიკურ ბაღში გამწვანების აქცია მოაწყვეს. ღონისძიების ფარგლებში დაირგო 100 ძირი საკურას ნერგი, რომელიც იაპონიის საელჩომ დედაქალაქს საჩუქრად გადასცა. აქცია გაგრძელდება და ბოტანიკურ ბაღს მალე სხვადასხვა ჯიშის მცენარეები შეემატება.

“იაპონიის საელჩოს ხელმძღვანელობით ჩვენ გადმოგვეცა 100 ძირი საკურას ნერგი. მინდა ვისარგებლო შემთხვევით, მადლობა გადავუხადო იაპონიის მთავრობას, იაპონიის საელჩოს და ბატონ ელჩს. ძალიან მნიშვნელოვანია ურთიერთობები, რომელიც არსებობს ჩვენს ქვეყნებს შორის და დარწმუნებული ვარ, რომ სამომავლოდ ჩვენ ძალიან  დიდი რესურსი გვაქვს იმისთვის, რომ ჩვენ ხალხს შორის, ჩვენ ქვეყნებს შორის კიდევ უფრო დავაახლოვოთ ურთიერთობები,”  – განაცხადა კახა კალაძემ.

ახალგაზრდა ანალიტიკოსთა და მეცნიერთა დარბაზი ,,დოქტრინა“ 

სრულად ნახვა
კომუნიკაციაპოლიტიკასაქართველოტრანსპორტი

შვეიცარიის მოქალაქეები საქართველოში პირადობის მოწმობით შემოვლენ

შვეიცარიის კონფედერაციის მოქალაქეები საქართველოში პირადობის დამადასტურებელი დოკუმენტითაც შემოვლენ. ეს ცვლილება მთავრობის 2015 წლის 5 ივნისის №255 დადგენილებაში შევიდა. დოკუმენტს ხელს პრემიერმინისტრი გიორგი გახარია აწერს.

ინფორმაციას 1tv,ge ავრცელებს.

„შვეიცარიის კონფედერაციის მოქალაქეებს საქართველოში შემოსვლა შეუძლიათ სამგზავრო დოკუმენტის, ასევე პირადობის დამადასტურებელი დოკუმენტის საფუძველზე, რომელშიც აღნიშნულია პირის სახელი, გვარი, დაბადების თარიღი და დატანილია ფოტოსურათი“, – წერია დადგენილებაში.

ეს იმ ქვეყნების ჩამონათვალს ეხება, რომლის მოქალაქეებსაც საქართველოში უვიზოდ შემოსვლა შეუძლიათ.

28 ნოემბრით დათარიღებული დადგენილება უკვე ძალაშია.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
პოლიტიკასაქართველო

ახალი სტრატეგია საერთაშორისო ასპარეზზე – გიორგი ოქრიაშვილი

გიორგი, აშშ-სთან  ურთიერთობაში ბოლო პერიოდის ერთ-ერთ მნიშვნელოვან მოვლენად ამერიკელი კონგრესმენების დაჯილდოება სახელდება. ანიშნული ღონისძიების ორგანიზატორი თქვენი კომპანია იყო. მოგვიყევით ამ პროექტზე, რა მოხდა ამერიკაში?

ამერიკელი კონგრესმენები, ასევე, რამდენიმე ამერიკელი მოღვაწე სხვადასხვა სფეროდან საქართველო-ამერიკის ურთიერთობის განვითარებაში შეტანილი განსაკუთრებული წვლილისთვის დავაჯილდოეთ. ჩვენი კომპანიისთვის – საგამომცემლო სახლი „სახე(ლ)ებისთვის“ ყოველწლიური დაჯილდოების ცერემონიალი უკვე 17-წლიანი ტრადიციაა: „სახე(ლ)ების“ სპეციალურ პრიზებს გადავცემთ ადამიანებს/კომპანიებს/ორგანიზაციებს თავიანთ სამოღვაწეო სფეროში შეტანილი განსაკუთრებული ღვაწლისთვის. ვაშინგტონში, კერძოდ, კონგრესში გამართული დაჯილდოება წელს „სახე(ლ)ების“ ახალი მედიაპროექტის წარდგენის ფარგლებში გაიმართა. ეს პროექტი გახლავთ ნიუ იორკ თაიმსის ლიცენზირებული გამოცემა Turning Points Georgia. მას  წლის მაპროგნოზირებელ გამოცემასაც უწოდებენ და გასულ წელს საქართველოს გარდა კიდევ 26 ქვეყანაში გამოიცა. გამოცემაში მსოფლიოში ცნობილი ლიდერების, ექსპერტების, „ნიუ იორკ თაიმსის“ ჟურნალისტების ესსეებია თავმოყრილი, ყოველი ლიცენზიანტი ქვეყანა  მას თავის ენაზე გამოსცემს და ადგილობრივ შინაარსსაც ამატებს. საქართველოში გამოცემული Turning Points -ის მთავარ თემად ქართულ-ამერიკული ურთიერთობები ავირჩიეთ, რამაც განსაზღვრა დაჯილდოების ფორმატიც. „სახე(ლ)ების“ პრიზზე სიტყვა მადლობა ქართულად არის ამოკვეთილი და ამ განსაკუთრებული მადლობის ადრესატები წელს გახდნენ კონგრესმენები, კონგრესში საქართველოს მეგობართა ჯგუფის თანათავმჯდომარეები ტედ პო და ჯერალდ კონოლი, სამხედრო ექსპერტი ლუკ კოფი, კონგრესის ბიბლიოთეკის მკვლევარი პოლ კრეგო, რადიო ამერიკის ხმის ქართული რედაქცია, ამერიკა-საქართველოს ბიზნეს-ასოციაცია. დაჯილდოებისას თითოეული მათგანის გამოსვლის ტექსტიდან ჩანდა, რომ  დიდი პატივით მიიღეს ეს ჯილდო და ძალიან აფასებენ მადლიერების გამოხატვის ამ ფორმას.

საკმაოდ რთულია ასეთ მასშტაბებზე გასვლა:  The New York Times -ის ლიცენზიანტები ხართ, ამერიკელ კონგრესმენებს აჯილდოებთ. ფაქტობრივად, ქვეყნის დიპლომატიური ცხოვრების წარმატების ნაწილი ხართ. როგორ მოახერხეთ ამ კონტაქტებზე და ამ შედეგებზე გასვლა?

საგამომცემლო სახლი „სახე(ლ)ები“, სადაც მე  ბოლო 15 წელია, ვმუშაობ და ჩემს მეორე სახლად მივიჩნევ, არ არის მხოლოდ ბიზნეს-კომპანია, ეს არის ორგანიზაცია, რომლის  კონცეფცია, სამოქმედო პრინციპი დაარსების დღიდან არის  ურთიერთობების გაღრმავება,  ამ ურთიერთობების მთავარი ინსტრუმენტის – კულტურის პოლიტიკის ხელშეწყობა, სოციალური პროექტების განხორციელება,  ქველმოქმედება… მოკლედ რომ ვთქვათ, სარგებლის მოტანა იმ სივრცისთვის, რომელ სივრცეშიც გვიხდება საქმიანობა. უხერხული იქნება ჩემგან  ხაზგასმა, მაგრამ მაინც ვიტყვი იმასაც, რომ ნომერ პირველი მედიაბრენდი მსოფლიოში The New York Times პარტნიორებს შემთხვევით არ ირჩევს. თითოეული ლიცენზიის უკან დგას სრულყოფილი მედიაგეგმა, თავისი ყველა შესაძლო  უკუგებით – ვგულისხმობ იმ სარგებელს, რაც ამ პროექტებისგან შეიძლება მიიღოს მომხმარებელმა  – კონკრეტულად და ქვეყანამ – ზოგადად. The New York Times  ამ შემთხვევაში უნდა განვიხილოთ საუკეთესო პლატფორმად საიმისოდ, რომ მისი საშუალებით საქართველოს ხმაც ისმოდეს ამ გლობალურ სამყაროში. დღეს „Turning Points “-ის გარდა ნიუ იორკ თაიმსის კიდევ ორ მედიაპროექტზე ვფლობთ ლიცენზიას, ესენია  დიდი იდეები (The Big Ideas) და  Cuba 60 (კუბის რევიოლუციის 60-წლისთავისადმი მიძღვნილი სპეციალური მედიაპროექტი). საუბარია ასევე ერთ-ერთი მასშტაბური, ტურიზმზე ორიენტირებული მედიაპროექტის  ფრანჩაიზინგზე. სასიამოვნოა, რომ საქართველოს საელჩომ ამერიკაში ძალიან სწორად და ზუსტად განსაზღვრა The New York Times -თან ჩვენი პარტნიორობის მნიშვნელობა და ამერიკაში „Turning Points“-ის წარმატებულად წარდგენასა და დაჯილდოების ცერემონიალის ორგანიზებაში  მნიშვნელოვანი მხარდაჭერა გაგვიწია. საერთოდ, არსებობის განმავლობაში, „სახე(ლ)ები“ მხოლოდ ბიზნესთან კოლაბორაციით ახორციელებს თავის პროექტებს, მაგრამ ეს ნამდვილად იყო ის შემთხვევა, როცა საელჩოს მხრიდან მასპინძლობამ და მხარდაჭერამ იგივე დიპლომატიურ წრეებში განსაკუთრებული მნიშვნელობა შესძინა წლევანდელ ღონისძიებას.

ჩვენი რუბრიკის მიზანია ჩვენი სტუმრების პიროვნული მახასიათებლების ხაზგასმა და წარმოჩენა. ამ კონკრეტულ წარმატებებზე საუბართან ერთად გვაინტერესებს გიორგი ოქრიაშვილზე გვესაუბროთ. თითქმის ყველა წარმატებული ქართველი გიცნობთ და ახლა უკვე არა მხოლოდ ქართველები. როგორ ახერხებთ, რა არის პირადად თქვენი პიროვნების ფაქტორი თქვენს წარმატებაში?

გამიმართლა, რომ ვაკეთებ საქმეს, რაც მაძლევს საქმიან სამყაროსთან, საინტერესო ადამიანებთან  ურთიერთობის საშუალებას. განათლებაც საერთაშორისო ურთიერთობების განხრით მაქვს მიღებული. სარედაქციო საქმიანობის გარდა, ჩემი უშუალო ფუნქციაა, კონკრეტული პროექტების ირგვლივ შემოვიკრიბო საქმიანი ადამიანები, კომპანიები, ორგანიზაციები, შევუქმნა მათ დამსახურებული განცდა იმისა, რომ ამ პროექტში მონაწილეობა ბევრი მიმართულებით არის სასარგებლო და საინტერესო. პირველ რიგში, თვითონ ამ საქმიანობის ფორმატი და კონცეფციაა საინტერესო, რაც წარმატების წინაპირობას ქმნის. რაც შეეხება პიროვნულ როლს – მე მიყვარს ჩემი საქმე. ამას ხშირად აღნიშნავენ პარტნიორები. ეტყობა, როცა შენი საქმე ძალიან გიყვარს და ორგანულია შენთვის, სხვები ამჩნევენ და აფასებენ ამას. ჩემი ერთგვარი სლოგანია: „ურთიერთობას იწყებს საქმე და აგრძელებ შენ“.  როცა ახალი პროექტი იწყება, პოტენციური პარტნიორისთვის  ხშირად გიწევს ავანსად დაპირებების მიცემა. ვცდილობ, ყველა დაპირება, რასაც დასაწყისში გავცემ, პროქეტის დასრულების შემდეგ გაათმაგებული დავუბრუნო უკან. ჯერჯერობით ამას ვახერხებ.

ახლა ზოგადადაც მოგვიყევით თქვენ შესახებ… ბავშვობა.. ოჯახი… ტა მეტი რომ გვითხრათ თქვენზე.

დავიბადე და გავიზარდე თბილისში, ვერაზე, მრავალშვილიან ოჯახში: სამი და-ძმა მყავს. მამა რესტავრატორია, დედა- ქიმიკოსი. მშობლების დამსახურებაა, რომ  ძალიან ადრეული ასაკიდან მოგვცეს დამოუკიდებლად აზროვნების და გადაწყვეტილებების მიღების საშუალება, რისთვისაც ძალიან მადლობელი ვარ მათი.  დღემდე ვთვლი, რომ ჩემი ყველაზე დიდი სიმდიდრე – ეს ჩემი ოჯახია. სადაც არ უნდა ვიყო – საქართველოში თუ უცხოეთში, ყოველთვის ვგრძნობ ოჯახისგან მხარდაჭერას.

როგორი იყო პირველი ნაბიჯები თქვენს სფეროში? რამ განაპირობა თქვენი პროფესიული არჩევანი? რგორ გაიარეთ ეს ეტაპები და დაბრკოლებებზეც რო გვესაუროთ. დაბრკოლებები, რა თქმა უნდა, იქნებოდა თქვენს კარიერაშიც. როგორ წყვეტთ ამ პრობლემას?

იმდენად ადრეულ ასაკში დავიწყე საქმიანობა, დღეს, პრაქტიკულად, ვერც ვიხსენებ, რომელი იყო ჩემი პირველი პროექტი. მაგალითად, სკოლის მოსწავლე ვიყავი, გამოვეცი წიგნი –  ნაშრომი მფრინავ ცხოველებზე. დღეს ამას ღიმილით ვიხსენებ – მეგობრები მეხუმრებიან, ასეთი უცნაური თემით მხოლოდ შენ შეიძლება, დაინტერესებულიყავიო,  თუმცა მაშინ ძალიან ბევრი ადამიანი, მათ შორის ბიზნესმენიც ჩავრთე ამ პროექტში. შემდეგი გატაცება იყო კონცერტების ორგანიზება. საერთოდ, ორგანიზება მიყვარს: იდეა რომ არსებობს და მერე ეს იდეა საქმედ იქცევა, სიამოვნებას მანიჭებს. რამდენიმე მუსიკოსის კონცერტი მაქვს ორგანიზებული იმ პერიოდში. ასევე – მხატვრებისთვის გამოფენები მოწყობილი. მერე რეკლამით და მარკეტინგით დავინტერესდი და რამდენიმე წელი ვიმუშავე ერთ-ერთ იმ დროისთვის კარგ ჟურნალში, სადაც მივიჩნევ, რომ კარგი გამოცდილება მივიღე, პრაქტიკულად, ერთდროულად, პრაქტიკულ საქმიანობაში შევისწავლე სარეკლამო ბაზარი, მისი თავისებურებები, გავიცანი ადამიანები, რომლებმაც ბევრი რამ მასწავლეს და გამოცდილება შემძინეს. დაბრკოლებები, შეიძლება ითქვას, რომ არ მქონია – ალბათ, იმიტომ, რომ მივიჩნევ: არ არსებობს გადაულახავი დაბრკოლება. ყველა კარი გაიღება, თუ კარგად დააკაკუნებ. მთავარია, კართან სწორად მიხვიდე. 

რამდენადა შევისწავლე თქვენი პიროვნება და საქმიანობა, თქვენ ივენთ მენეჯმენტის, PR და მარკეტინგის სფეროში ხართ ძლიერი, ასევე პროექტების მართვა. თუ შეიძლება გაგვიზიარეთ, რა არის მთავარი პრინციპები, რაც ამ სფეროში ჩართულ ადამიანს უნდა გააჩნდეს, რომ სასურველ შედეგზე გავიდე.

სწორედ ამაზე ვამბობდი წინა კითხვაში: ამ სფეროში ჩართული ადამიანისთვის მთავარია განცდა იმისა, რომ დაბრკოლება არ არსებობს. ნებისმიერი პროექტი  ადამიანივითაა: მას თავიდანვე უნდა შესძინო ის თვისებები, რომ თვითონ ილაპარაკოს თავის თავზე ისე, რომ შენ ნაკლები დრო და ენერგია დაგჭირდეს მერე მისი სამართავად. რაც შეეხება ივენთებს, მოგეხსენებათ, წარმატებული ივენთის შეფასების ერთ-ერთი ძირითადი კრიტერიუმი მასზე დასწრებადობის ხარისხია. ჩემი ხელწერა, თუ შეიძლება, ასე ითქვას, არის ის, რომ ჩემ მიერ ორგანიზებულ ივენთს ესწრება ყველა, ვისი დასწრებაც საჭიროდ და სასურველად მიმაჩნია. როგორ ვახერხებ ამას – ეს ჩავთვალოთ, რომ პატარა საიდუმლოა, რომელსაც მერე, როცა წიგნს გამოვცემ, მასში ავხსნი უფრო საინტერესოდ.

დაასახელე ის სამი თვისება, რომელიც წარმატების მიღწევაში დაგეხმარა.

პირველი და მთავარი თვისებაა პასუხისმგებლობა დანაპირების შესრულებაზე. როცა ადამიანს რამეს ვპირდები, სანამ შევასრულებ, ძალიან ვღელავ – ვცდილობ, დროში, ხარისხში, შინაარსში – ყველაფერში ზუსტად შევასრულო ჩემი დანაპირები. კიდევ ბევრი თვისებაა, მაგრამ ჩემთვის პირველ ადგილზე ეს დგას: ნათქვამის შესრულება. ალბათ ეს თვისება მამისგან გადმომეცა. ძალიან პრინციპული, პასუხისმგებლობიანი ადამიანია და შვილებსაც ასე გვზრდიდა. რასაკვირველია, სწორ ადგილზე და სწორ დროს მოხვედრაც ძალიან მნიშვნელოვანია და ვთვლი, რომ ამაშიც გამიმართლა.  

თუ შეიძლება გამოყოთ და გვესაუბროთ ყველაზე რთული პერიოდზე თქვენს კარიერაში, როგორ დაძლიეთ, რა გასწავლათ და რა მიიღეთ?

პრაქტიკულად, სირთულეები არ მქონია. ერთადერთი, როცა დადგა საკითხი, რომ ამერიკაში უნდა გადავსულიყავი სამუშაოდ, მაშინ გამიჭირდა გადაწყვეტილების მიღება: ეს არის შანსი, რომლის გამოყენებაზე უარის თქმა დანაშაულია საკუთარი თავის წინაშე, მაგრამ მაინც ვღელავდი. კიდევ კარგი, რომ სამუშაო კონტრაქტმა გამიადვილა საქმე: შემიძლია,  ორივე ქვეყანაში – ამერიკაშიც და საქართველოშიც იმდენხანს ვიყო, რამდენი ხანიც მომინდება და ორივე მხარეს ისე ვაკეთო ჩემი საქმე, რომ ჩემი ყოფნა იმ კონკრეტულ ადგილზე იმ დროს არ იყოს გადამწყვეტი. სხვა მხრივ, პროფესიულად სირთულედ არ მივიჩნევ, ზოგჯერ რაღაც ისე თუ ვერ გამოვა, როგორც ვგეგმავ; ზუსტად ვიცი, რომ მეორე ჯერზე ის კონკრეტული საკითხი ორჯერ უკეთესად გამომივა.

რას თვლით თქვენს ყველაზე დიდ მიღწევად ცხოვრებაში?

ვგრძნობ, რომ მენდობიან – ეს ჩემი ყველაზე დიდი მიღწევაა. მენდობიან ოჯახში,  კომპანიაში, მენდობიან საქმიანი პარტნიორები, მეგობრები… ყველამ იცის, რომ საჭირო დროს ყოველთვის შემიძლია საკუთარი საქმის გადადება და სხვისთვის მაქსიმუმის გაკეთება. ყველაზე დიდ მიღწევად და ბედის საჩუქრად მივიჩნევ პატრიარქთან ურთიერთობას. ნებისმიერ სიტუაციაში ვიცი, რომ მიმიღებს, დამლოცავს და გამაძლიერებს. ეს ისეთი წყალობაა ჩემთვის, უბრალოდ, არ ვიცი, მეტი რა უნდა მეთხოვა ღმერთისთვის.

რას მიიჩნევთ საქართველოში მარკეტინგისა და პიარის სფეროში არსებულ ყველაზე დიდ პრობლემად და გამოწვევად? რის გაუმჯობესებას ისურვებდით?  მისი განვითარების გზები.

თუნდაც ათი წლის წინანდელი სიტუაცია რომ შევადაროთ –  ჩვენი პიარ  სპეციალისტები (რომლებიც ძირითადად ჟურნალისტიკიდან მოვიდნენ) საოცრად მოკლე დროში იქცნენ პროფესიონალებად. ორივე სფეროში მოდის ახალი თაობა, რომელთაც აქვთ კარგი თეორიული განათლება, ფლობენ დიდი ინფორმაციას. მე ვისთანაც მქონია ურთიერთობა, ძალიან ცოტა მახსენდება ისეთი, ვისთანაც მეორედ არ ვისურვებდი ურთიერთობას.  გამოცდილებების გაზიარება ძალიან წაადგება ამ სფეროს სამომავლო განვითარებას. ყველა თეორია იქმნება კონკრეტულ გარემოში მიღებულ პრაქტიკაზე დაყრდნობით და  ალბათ, რამდენიმე წელიწადში ქართველ პიარ და მარეტინგის სპეციალისტებს ბევრი საინტერესო მასალა ექნებათ დაგროვილი ერთმანეთში გასაცვლელად და გასაზიარებლად.   

რა არის საჭირო იმისათვის, რომ ახალგაზრდა ადამიანი PR-სა და მარკეტინგის სფეროში მოხვდეს და წარმატებული კარიერა ჰქონდეს? რა რჩევას მისცემ ახალგაზრდებს, რომლებიც ახლა იწყებენ საქმიანობას?

უნდა ჰქონდეს სურვილი, მაგრამ სურვილთან ერთად – გააზრებული, რომ  ეს სფერო მრავალგზის მოსინჯვის სფეროა. ერთი მცდელობა არასოდეს არ იქნება საკმარისი. ამ პროფესიის ადამიანი წარუმატებლობამ უნდა გააძლიეროს და არა- ფარ-ხმალი დააყრევინოს. ესაა მთავარი სპეციფიკა. როგორც წესი, სხვა პროფესიებში წარმატება აძლევთ მოტივაციას. ამ სფეროში პირიქითაა და ამიტომ ანებებს ბევრი თავს. მოკლედ ვიტყვი: ვისაც პირველი და ორი წარუმატებლობა მოტივაციას დაუკარგავს, ეს პროფესია მისთვის არ არის.

როგორია თქვენი სამომავლო გეგმები, კიდევ რაიმე გრანდიოზულ პროექტზე ხომ არ მუშაობთ?

უახლოესი ერთი წელი მხოლოდ „ნიუ იორკ თაიმსის“ პროექტებზე ვიქნები ორიენტირებული.  სამი მედიაგამოცემა „ნიუ იორკ თაიმსის“ ბრენდის ქვეშ – უკვე არის გრანდიოზული. აქტიურად ვაგრძელებ ცნობილი ადამიანების ხელნაწერების შეგროვებას – ჩემს პირად კოლექციაში უკვე 500-მდე საინტერესო ტექსტია თავმოყრილი და ალბათ მალე ამ კოლექციის გამოფენასაც მოვაწყობ. ისეთი ექსპონატებია თავმოყრილი, ვფიქრობ, ყველაზე საინტერესო გამოფენა იქნება მათ შორის, რაც კი ოდესმე გამიკეთებია.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ეკონომიკაპოლიტიკასაქართველოტურიზმი

იციკ მოშე – წელს, ისრაელიდან 200 ათას ტურისტამდე ჩამოვა, ეს არის 200 მილიონი დოლარი საქართველოს ბიუჯეტში

წელს, ჩამოვა ალბათ 200 ათას ტურისტამდე ისრაელიდან. ეს არის 200 მილიონი დოლარი საქართველოს ბიუჯეტში, – ამის შესახებ ისრაელის სახლის თავმჯდომარემ ღონისძიებაზე „შემოქმედებითი პროექტების ბაზრობა 2019“ განაცხადა.

“ჩვენ ვმონაწილეობთ ევროსაბჭოს ამ გამოფენაში. ისრაელის სახლი წარმოადგენს თავის საქმიანობას. ვუერთდებით ეროვნულ ინტერესებს ტურიზმის სფეროში. პირველ ივლისს ვიქნებით ბარსელონაში, შევხვდებით ევროსაბჭოს წარმომადგენლებს, რომლებიც ევროპაში მუშაობენ, რომ განვავითაროთ და გავაძლიეროთ ებრაული მემკვიდრეობის კულტურული მარშრუტი საქართველოში. ასევე, სამი საერთაშორისო ფორუმი წლის ბოლომდე გადმოვიტანეთ საქართველოში და მომავალ წელს, ვაპირებთ, რომ ერთ-ერთი ბიზნეს-ფორუმი მივუძღვნათ ტურიზმის განვითარებას და ინდუსტრიას. ჩვენ გვჯერა, რომ ტურიზმის სფეროში არის უდიდესი თანამშრომლობა საქართველოს, ისრაელსა და მსოფლიო ებრაელობას შორის. ამ წელს ჩამოვა ალბათ 200 ათას ტურისტამდე ისრაელიდან. ეს არის 200 მილიონი დოლარი საქართველოს ბიუჯეტში და ჩვენ გვჯერა, რომ ამ სფეროში ორმხრივი მუშაობით ევროსაბჭოსთან ერთად, შევძლებთ ყოველწლიური ზრდა 50% შევინარჩუნოთ მომავალ წელსაც”,- განაცხადა იციკ მოშემ.

სრულად ნახვა
ეს საინტერესოაპოლიტიკასაქართველო

„აშშ კონგრესში საქართველოს მხარდამჭერთა ჯგუფი ძლიერდება“ – გიორგი მიქანაძე

საქართველო-ამერიკის დიპლომატიური თანამშრომლობის ფარგლებში ვაშინგტონში, ამერიკის შეერთებული შტატების კაპიტოლიუმში მიღება გაიმართა, სადაც საქართველო ამერიკის ურთიერთობაში შეტანილი განსაკუთრებული წვლილისთვის ამერიკელი კონგრესმენები დაჯილდოვდნენ. ღონისძიებაზე იმყოფებოდა ასევე ეკონომიკური პოლიტიკის მკვლევარი, ასისტენტ-პროფესორი გიორგი მიქანაძე, რომელმაც აღნიშნულ ღონისძიებასთან დაკავშირებით სოციალურ ქსელში პოსტი გამოაქვეყნა, რომელსაც საინტერესო გამოხმაურება მოჰყვა. დოქტრინა უცვლელად გთავაზობთ აღნიშნულ გაზიარებას და გზავნილებს.

=======

God bless both 🇬🇪🇺🇲 countries and all our friends around the world

Rayburn House Office Building
United States Capitol

ამერიკის კონგრესში საქართველოს ლობისტ სენატორთა და მხარდამჭერთა ჯგუფი ძლიერდება, რომელიც საქართველოსა და ქართველების მხარდაჭერაზე განსაკუთრებული ყურადღებით იმუშავებს. ძალიან გვაფასებს და გვაღიარებს განათლებული ამერიკული საზოგადოების ნაწილი. გვაფასებენ ღვინით, გვაფასებენ პურით, გვაფასებენ მიწით, კულტურით, ისტორიით და მზად არიან თავდადებული ერთგულებით დაგვეხმარონ მომავალში. დიახ, უნდათ იამაყონ ჩვენით და ამის ბევრი მზეზი გვაქვს, რომ ამაყობდნენ. ვისაც კი ამერიკელს შევხვდი საქმიან ურთიერთობაში, ყველას უნდა მოგვეფეროს, ჩაგვეხუტოს და სითბო გამოხატოს, ქართული სიტყვები თქვას, რაღაც ამბავი გაიხსენოს, რაც გაუგია საამაყო და რაღაც ახალი გაოგოს. ასე არიან მათ შორის დიპლომატიურად საქართველოსთან შემხებლობაში არ მყოფი, ნეიტრალური პირებიც. უკვე ბევრი ამერიკის ჩვეულებრივი მოქალაქეც გვაფასებს. გაუგიათ, იციან საქართველოზე და თანაგრძნობის ემოციებიც მოსდით და მეტის გაგებაც სურთ ჩვენს შესახებ. ამ მხრივ მუშაობა ძალიან ეფექტური და შედეგიანია.
მე პირადად მივესალმები ყველა მეგობარს, რომელიც დიპლომატიის მიღმა მეგობრობს ჩვენთან, თუნდაც იყოს ეს რუსეთი. მაგრამ, ამერიკას ნამდვილად ვამჩნევ ამ ინტერესს სიტყვითაც, საქმითაც და იმითაც, რომ საქართველოს გარეშე არც არაფერს კარგავს როგორც ქვეყანა და არც სხვა რამ ქვენა ინტერესები ამოძრავებს, როგორც ბევრი ტრაგირებს.
დიახ, მეგობრობა იმისაა, გავუგოთ, საერთო ვნახოთ, ურთიერთობები გავცვალოთ, ვისწავლოთ, რაღაც გავცეთ და რაღაც მივიღოთ. სწორედ აქ იკვრება თანაგრძნობის, სიყვარულის, მხარდაჭერის, თავდადების კვანძები და ვარქმევთ ამას მეგობრობას.
ნუ დაგვავიწყდება, ამერიკა არის ზე სახელმწიფო, რომელთანაც რუსეთიც, ჩინეთიც და ბევრი განვითარებული ქვეყანა ოცნებობს კეთილმეზობლური ურთიერთობების შენარჩუნებას და მეგობრობას. წარმოდგენა არ გვაქვს ამერიკის მასშტაბებზე. წიგნი და ფოტოები და სტატისტიკა ამას ვერ გადმოსცემს. ეს უნდა ნახო და თავად დარწმუნდე, ცოტა ხანი დააკვირდე, ან უბრალოდ აიღო და დაიჯერო, გაწვდეს კაცის ფანტაზია.
ვერც იმას ვხვდები, ამ ბუმბერაზი ზე-სახელმწიფოს სითბოსა და ყურადღებაზე რატო უნდა თქვას უარი მოწიფულმა, სახელმწიფოებრივად მოაზროვნე, საშუალო დონეზე განათლებულმა და მოაზროვნე საქართველოს მოქალაქემ?!
ნუ დაგვავიწყდება მსოფლიოს ყველა განვითარებული ქვეყნის სათავეებთან ამერიკა დგას. ვიცი, ჩვენს საზოგადოებაში ბევრი შფოთავს, ვწუხვარ უსაგნოა ეს შფოთვა. კულტურული წალეკვის თუ გეშინიათ გლობალიზაციის პირობებში, კულტურა გავაძლიეროთ, ზნეობა ავამაღლოთ, მორალი დავიჭიროთ, ადამიანები და მათი უფლებები დავიცვათ დისკრიმინაციული მიდგომების გარეშე არა მხოლოდ საკანონმდებლო, არამედ კულტურალურ დონეზე. ნუ იფიქრებთ, რომ გლობალიზაცია ვინმეს მოგონილი და თავს მოხვეულია. ეს გახლავთ ევოლუციის ნაწილი, რომელიც თავად, განვითარებულმა ადამიანებმა გადავწყვიტეთ საკუთარი არჩევანით – კეთილდღეობაზე, რაციონალიზმზე, ურთიერთობების მეტ შესაძლებლობაზე, მაღალ ეფექტურობაზე და ა.შ. ხოდა, ვერავინაც ვერ წაგვლეკავს ამ შემთხვევაში, არამედ თავად ვიქნებით პოლიტიკის შემქმნელები თუ შევიკვრებით და მივმართავთ კეთილგონიერებას.
ამერიკა ქრისტეს მორალზე და შემოქმედის იდეაზეა აგებული და ეს ენერგია არ მისცემს არავის უფლებას, რომ ადამიანს უღალატოს. ადამიანია შემოქმედის იდეა და არა თავად შემოქმედი ადამიანის იდეა. შესაბამისად, ადამიანზე ზრუნვაა ღმერთის მსახურების იდეა და არა თავად ჩვენს გამოგონილ ღმერთზე მსახურება ადამიანის დავიწყებით, რეალური ღმერთის გამოკლებით. ამიტომ, ნუ ვფეთიანობთ თითქო ამერიკის უღმერთოებაზე. აბსოლუტ ღმერთს ვერავინ ვერაფერს დააკლებს და ავნებს. ადამიანებზე ვიფიქროთ და ღმერთს მათზე ზრუნვა ვთხოვოთ. ნაცვლად იმისა თითქო, ღმერთზე ვიფიქროთ და ადამიანები შემოგვეღუპოს თავისი ღვთაებრივი ბუნებით, ამ ფიქრში.
სიბრძნე დავხვეწოთ და განვავითაროთ სახელმწიფო მართვაში, საერთაშორისო ასპარეზებსა და შიდა კონსოლიდაციის, კონცენტრირების მიმართულებით.
კიდევ ბევრი ასეთი და მსგავსი კარგი ამბები ჩვენს ქვეყანას.
ამერიკა ჩვენი დიდი მეგობარია და ეს საქმე უკვე შედგა !

განსაკუთრებული მადლობა საქართველოს საელჩოს აშშ-ში და საგამომცემლო სახლ “სახელები” გაწეული შრომისთვის

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
მანქანათმშენებლობამსოფლიოპოლიტიკასამხედროტრანსპორტი

სოცქსელებში ჩინური ავიამზიდის ფოტო ჩნდება – როგორია პეკინის საზღვაო ამბიციები?

სოციალურ მედიაში ცნობილი ჩინური გემთმშენებელი კომპანიის ახალი  ავიამზიდის ფოტომ გაჟონა. Type 002-ის ფოტომ, რომელიც პეკინის მესამე ავიამზიდი გახლავთ, დიდი შთაბეჭდილება მოახდინა და გააძლიერა ინტრიგა ჩინეთის საზღვაო ამბიციების შესახებ.

,,China Shipbuilding Industry Corporation-ის” ფოტოზე ასახულია Type 002, დიდი  გემბანით, რომელიც ასაფრენ–დასაფრენი ხაზითა და ელექტრომაგნიტური კატაპულტის სისტემებისგან შედგება. ყველა მათგანი ტექნოლოგიურ ნახტომს ამერიკის სუპერ ავიამზიდებისკენ.

Type 002-ი, დაახლოებით, 70,000 ტონა იქნება. მისი დასრულება 2021 წლისთვის იგეგმება. ახალი ავიამზიდი მის წინამორბედთან, Type 001A-თან შედარებით, უფრო განვითარებული იქნება. ექსპერტთა შეფასებით, თუკი Type 002 გეგმის მიხედვით იმუშავებს, ჩინეთის ფლოტი მსოფლიოში უძლიერეს ფლოტად გადაიქცევა.

ჩინეთს მსოფლიო კლასის ფლოტის ფლობის ამბიცია აქვს და ის მეოთხე გადამზიდის აგებასაც გეგმავს, რომელიც  ატომურძრავიანი იქნება და რომელსაც, სავარაუდოდ, US’ Nimitz-ის კლასის გადამზიდების სპეციფიკაცია ექნება.

თანამედროვე სუპერგადამზიდი ჩინეთს რუსეთის წინ დააყენებს, რომელსაც მხოლოდ მხლოდ ერთი ავიამზიდი აქვს. მსოფლიოში  ატომურძრავიანი ავიამზიდი მხოლოდ ორ ქვეყანას – აშშ-სა და საფრანგეთს აქვს. ფრანგებს მხოლოდ ერთი, აშშ-ს კი 10 სუპერავიამზიდი.

 

 

წყარო :https://www.sciencealert.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტინა”

სრულად ნახვა
გამოგონება - ინოვაციამსოფლიოპოლიტიკასამართალისამხედროტექნოლოგიები

,,იარაღის ჩამოტვირთვის ხანა ოფიციალურად იწყება” – 3Dბეჭდვა ბრუნდება

,,იარაღის 3Dბეჭდვის პროექტი ინტერნეტში ბრუნდება”, – ამის შესახებ გადაწყვეტილება აშშ-ის იუსტიციის დეპარტამენტმა მიიღო.

პირველი 3D პრინტერზე დაბეჭდილი ცეცხლსასროლი იარაღი 2013 წელს შეიქმნა. პროცესი ინტერნეტში გაავრცელეს და ის 100,000-ჯერ იქნა ჩამოტვირთული. აშშ-ს მთავრობამ ფაილების ხელმისაწვდომობის გაუქმების გადაწყვეტილება მიიღო, ვინაიდან მიიჩნიეს, რომ ირღვეოდა იარაღის საერთაშორისო გადაზიდვების შესახებ კანონი, რომელიც არეგულირებს, რომელი სამხედრო მასალის ექსპორტია დასაშვები.

ორგანიზაცია ,,Defense Distributed-მა”, რომელიც იარაღის ფლობის უფლების დაცვის მიზნით შეიქმნა, აშშ-ის თავდაცვის დეპარტამენტის ეს მკაცრი ზომა გაასაჩივრა და შედეგსაც მიაღწია. CAD (ავტომატიზირებული პროექტირება) ფაილები, რომელშიც ნაჩვენებია, როგორ ხდება იარაღის 3D ბეჭდვა, ინტერნეტში 1-ელ აგვისტოს დაბრუნდება, აღნიშნულია ,,Defense Distributed-მა” საკუთარ ვებგვერდზე. ,,იარაღის ჩამოტვირთვის ხანა ოფიციალურად იწყება”, – აცხადებენ ორგანიზაციაში.

3D პრინტერზე დაბეჭდილი პირველი პისტოლეტი – The Liberator კოდი უილსონმა შექმნა. ,,ლიბერატორი” მსოფლიოში პირველი პისტოლეტია, რომლის თითქმის ყველა დეტალი სამგანზომილებიან პრინტერზეა ამობეჭდილი სპეციალური პლასტიკის გამოყენებით და მას ერთი 9 მმ კალიბრის ტყვიის გასროლა შეუძლია. ამერიკელი გამომგონებლის პრინტერზე ამობეჭდილი პისტოლეტის ყველა დეტალი გამძლე პლასტიკისგან არის დამზადებული, რომელთა  აღმოჩენა მეტალოდეტექტორს არ შეუძლია, რაც ტერორისტს საშუალებას მისცემს, ის თვითმფრინავშიც შეიტანოს. ვაზნების ფარულად შეტანა თვითმფრინავში შედარებით ადვილია, თუკი ისინი სხვა მეტალის ნივთებშია შენიღბული.
კოდი უილსონმა პრინტერზე დაბეჭდილი თავისი “უჩინარი” ,,განმათავისუფლებელი” 6 მაისს წარუდგინა საზოგადოებას ინტერნეტში.

აშშ-ის არასამთავრობო ორგანიზაციებმა ამასთან დაკავშირებით შეშფოთება გამოთქვეს. მათი განმარტებით, მსგავსი ტექნოლოგიების ხელმისაწვდომობა ბაზარზე ცეცხლსასროლი იარაღის რაოდენობას უკონტროლოს გახდის და კრიმინოგენულ ვითარებასაც გააუარესებს.

წყარო: BBC

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
მსოფლიოპოლიტიკასამართალისაქართველო

გერმანიამ საქართველო უსაფრთხო ქვეყნად აღიარა

გერმანიის ფედერალური მთავრობის კაბინეტმა დაამტკიცა კანონი საქართველოსა და მაღრიბის ქვეყნების (ალჟირი, მაროკო და ტუნისი) უსაფრთხო წარმოშობის ქვეყნებად აღიარების შესახებ.
ახალი რეგულაციის მიზანია ამ ქვეყნებიდან თავშესაფრის განაცხადების განხილვის ვადების შემცირება, ვინაიდან ეს ის ქვეყნებია, რომელთა მოქალაქეებთან მიმართებაში თავშესაფრის მინიჭებასთან დაკავშირებული დადებითი გადაწყვეტილებების მაჩვენებლები ძალიან დაბალია. ამავე ცნობის თანახმად, საქართველოდან თავშესაფრის მაძიებელთა განაცხადების საერთო რაოდენობის მხოლოდ    0,6 % კმაყოფილდება.
დაკმაყოფილებული განაცხადების დაბალი მაჩვენებელი და გერმანიის მთავრობის საკანონმდებლო ინიციატივა საქართველოს უსაფრთხო ქვეყნად აღიარების შესახებ, ადასტურებს, რომ საქართველო ადამიანის უფლებების დაცვისა და დემოკრატიული სტანდარტებით, ისევე როგორც ზოგადი პოლიტიკური გარემოს გათვალისწინებით მიიჩნევა ქვეყანად, სადაც სახელმწიფოს  მხრიდან მოქალაქეების შევიწროვებას ადგილი არ აქვს და ადამიანები დაცული არიან ყველა სახის შესაძლო დევნისაგან.
გერმანიის მთავრობა მიიჩნევს, რომ საკანონმდებლო აქტი იქნება მკაფიო სიგნალი ამ ქვეყნებიდან შემოსული და ასევე წამოსვლის მსურველთათვის, რომელთაც საერთაშორისო დაცვის მიღების პერსპექტივა არ აქვთ, რომ მათ დიდი ალბათობით უკან გამგზავრება მოუწევთ წარმოშობის ქვეყანაში. ახალი რეგულაციის თანახმად, საგრძნობლად დაჩქარდება თავშესაფრის განაცხადების განხილვის ვადები, რაც გერმანიის ფედერალური მთავრობის გათვლით, არსებითად შეამცირებს განმცხადებელთა რაოდენობას ამ ქვეყნებიდან.
აღსანიშნავია, რომ საკანონმდებლო პროცედურის თანახმად, აღნიშნული კანონპროექტი საჭიროებს ბუნდესთაგის და ბუნდესრატის (ფედერალური მიწების საბჭოს) თანხმობას.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
კულტურამსოფლიოპოლიტიკასაქართველო

რეჟისორ გელა კანდელაკს ლიეტუვის წინაშე დამსახურებისთვის დააჯილდოებენ

კინორეჟისორს, სცენარისტსა და პროდიუსერს, ხელის ჩრდილების თეატრისა და საგანმანათლებლო ფილმების სტუდია „კვალი XXI-ს“ დამფუძნებელს გელა კანდელაკს ლიეტუვის პრეზიდენტი დალია გრიბაუსკაიტე ლიეტუვის წინაშე დამსახურებისთვის დააჯილდოებს. 

გელა კანდელაკს წლების წინ ლიეტუვაში წასვლას, იქ პედაგოგიურ მოღვაწეობასა და ჩრდილების თეატრის შემქნას სთავაზობდნენ. რეჟისორმა საქართველოში დარჩენა და ქართულ დასთან მუშაობა გააგრძელა.

ამის შემდეგ ლიტუველი მოსწავლეები საქართველოში ჩამოვიდნენ. ისინი გელა კანდელაკთან 2 წელი ეუფლებოდნენ ჩრდილების ხელოვნებასა და მსახიობის ოსტატობას.

2017 წლის 27 მაისს შეიქმნა „ბუდრუგანა-ლიეტუვა“. მათ პირველი სპექტაკლი თბილისში წარადგინეს. ლიეტუვაში დაბრუნების შემდეგ კი თავიანთ ქვეყანაში განაგრძეს სპექტაკლების ჩვენება.

გელა კანდელაკის დაჯილდოების ცერემონიალი ვილნიუსში პრეზიდენტის სასახლეში 6 ივლისს გაიმართება.

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიზნესიეკონომიკამსოფლიოპოლიტიკასაქართველო

საქართველოსა და ჰონგ-კონგს შორის თავისუფალი ვაჭრობის შეთანხმება გაფორმდა

 საქართველოსა და ჩინეთის სახალხო რესპუბლიკის სპეციალურ ადმინისტრაციულ რეგიონს – ჰონგ-კონგს შორის თავისუფალი ვაჭრობის შესახებ შეთანხმება გაფორმდა.

შეთანხმებას საქართველოს მთავრობის სახელით საქართველოს ეკონომიკისა და მდგრადი განვითარების მინისტრის მოადგილემ – გენადი არველაძემ, ხოლო ჰონგ-კონგის სახელით, კომერციისა და ეკონომიკური განვითარების მდივანმა, ედვარდ იუა თან-ვამ (Edward YAU TANG-WAH) მოაწერეს ხელი.

შეთანხმებას ხელი მოეწერა Belt and Road-ის სამიტის გახსნით ცერემონიალზე, სადაც ხაზი გაესვა იმ ფაქტს, რომ აღნიშნული შეთანხმება პირველია რეგიონში, რომელიც ჰონგ-კონგმა გააფორმა. სამიტს მსოფლიოს სხვადასხვა ქვეყნიდან 3 000-ზე მეტი სტუმარი ესწრება, მათ შორის, სამთავრობო-და ბიზნესსექტორის წარმომადგენლები.

შეთანხმების გაფორმებას საფუძვლად დაედო საქართველოსა და ჩინეთის სახალხო რესპუბლიკას შორის თავისუფალი ვაჭრობის შესახებ შეთანხმება, რომლის მოლაპარაკებების პროცესშიც ჰონგ კონგი დამკვირვებლის სტატუსით მონაწილეობდა.

შეთანხმების მიზანია საქართველოსა და ჩინეთის სახალხო რესპუბლიკის სპეციალურ ადმინისტრაციულ რეგიონს ჰონგ-კონგს შორის  საქონლის თავისუფალი გადაადგილების პირობების განსაზღვრა და მომსახურებით ვაჭრობის ხელშეწყობა. მხარეთა შორის ახალი თაობის შეთანხმება ასევე ფარავს ისეთ თემებს, როგორიცაა – საბაჟო და ვაჭრობის ხელშეწყობა, ინტელექტუალური საკუთრების უფლებები, ტექნიკური ბარიერები ვაჭრობაში, სანიტარიული და ფიტოსანიტარიული ზომები და სხვა. 

„მნიშვნელოვანია ის ფაქტი, რომ ჰონგ-კონგი ატარებს ღია ეკონომიკურ პოლიტიკას  და წარმოადგენს ერთ-ერთ უმსხვილეს საკვანძო სატრანზიტო-საფინანსო საერთაშორისო  ცენტრს. მისი ყოველწლიური სატრანზიტო ტვირთგამტარიანობა 500 მილიარდ აშშ დოლარს შეადგენს, ხოლო თავად 60 მილიარდამდე იმპორტს მოიხმარს.

ჰონგ-კონგი არის საქართველოსთვის როგორც არსებული, ასევე პოტენციური საექსპორტო პროდუქციის ისეთი მნიშვნელოვანი იმპორტიორი და ტრანზიტული ქვეყანა, როგორიცაა ყველი,  უალკოჰოლო სასმელები, სპირტიანი სასმელები, ღვინო, ხილ-ბოსტნეულის კონსერვები, თხილი, ხილი, თაფლი, ტექსტილის მზა ნაწარმი, ტყავის სამგზავრო ჩანთები, მეტალის ნაწარმი და სხვა“, – განაცხადა ეკონომიკისა და მდგრადი განვითარების მინისტრის მოადგილე – გენადი არველაძემ.

წარმოდგენილი შეთანხმების ძალაში შესვლა მიმდინარე წლის ბოლომდე იგეგმება. შესაბამისად, მისი ამოქმედება ხელს შეუწყობს სავაჭრო ბრუნვის ზრდას მხარეებს შორის და ქართველ მეწარმეებს მისცემს შესაძლებლობას დამატებითი ბიუროკრატიული ბარიერების გარეშე მიაწოდონ საკუთარი პროდუქტი და მომსახურება 7-მილიონიან მაღალმსყიდველობითუნარიან სამომხმარებლო ბაზარს.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 3 4 5 6 7 16
Page 5 of 16