close

პოლიტიკა

სტრონომია - კოსმოსისოფლიოოლიტიკაამხედრო

დონალდ ტრამპი „კოსმიური სამხედრო ძალის“ შექმნას აანონსებს

trump-nasa

აშშ-ის პრეზიდენტმა, დონალდ ტრამპმა, სან დიეგოში, აშშ-ს საზღვაო ქვეითებთან შეხვედრის დროს, სიტყვით გამოსვლილსას განაცხადა, რომ მას სურს „კოსმიური სამხედრო ძალის“ შექმნა, რადგან კოსმოსიც, თავის მხრიც, საბრძოლო არეალია, ისევე, როგორც ხმელეთი, წყალი და საჰაერო სივრცე. ექსტრატერიტორიული სამხედრო ნაწილის შექმნის იდეის შესახებ ტრამპი ამბობს: „ იმის გათვალისწინებით, რომ ჩვენ ძალიან ბევრ რესურსს ვხარჯავთ კოსმოსში, შეიძლება მართლაც იყოს საჭირო ახალი ძალა, რომელსაც ჩვენ „კოსმიურ სამხედრო ძალას“ დავარქმევთ, თავიდან არ ვიყავი ამ იდეისადმი სერიოზულად განწყობილი, მაგრამ ახლა ვფიქრობ, რომ მისი განხორციელება საკმაოდ რეალურია.“   

კოსმოსის ეროვნულ უსაფრთხოებასთან დაკავშირება, შესაძლოა, გარკვეულ კავშირში იყოს გასულ წელს ხელმოწერილ დირექტივასთან, რომლის მიხედვითაც, უნდა მომხდარიყო, ფაქტობრივად, მომაკვდავი აშშ-ის კოსმოსში მოქმედებისა და მასთან დაკავშირებული პოლიტიკის გადახედვა.

ამ აქტივობების ერთ-ერთი მიზეზი სამხედროცაა. ვიცე პრეზიდენტმა – მაიკ პენსმა, ინიციატივის გავრცელებისას ახსენა აშშ-ის „უსაფრთხოება, იდენტობა და კეთილდღეობა“ და თან დაურთო, რომ რუსეთი და ჩინეთი ისეთ ტექნოლოგიებს ავითარებენ, რომლებმაც შესაძლოა ზიანი მიაყენოს ამერიკულ სატელიტებს კოსმოსში.

პლანეტა მარსის ათვისება პრეზიდენტ ტრამპის კიდევ ერთი მიზანია. ზემოთ აღნიშნული დირექტივის ხელმოწერისას, მან ისაუბრა ფონდის მსგავსი სტრუქტურის შექმნაზე, რომელმაც უნდა უზრუნველყოს „მარსზე მისიის განხორციელება და შემდეგ, შესაძლოა სხვა სამყაროების აღმოჩენაც.“

სან დიეგოში საჯარო გამოსვლისას, დონალდ ტრამპს არ დაავიწყდა ოპონენტი, ჰილარი კლინტონი და განაცხადა: „ძალიან მალე ჩვენ მარსზე ვიქნებით, თქვენ რომ ჰილარი კლინტონი აგერჩიათ პრეზიდენტად, ეს არ მოხდებოდა“.

წყარო: The Independent

მასალა მოამზადა: ცირა შვანგირაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ნალიტიკავლევებისოფლიოოლიტიკა

რას ნიშნავს ევროკავშირისთვის იტალიის არჩევნების შედეგები

Italyflag1

„ბრექსიტის“ შესახებ რეფერენდუმის შემდეგ, საფრანგეთში ემანუელ მაკრონისა და გერმანიაში ანგელა მერკელის გამარჯვებამ უფრო მეტი ადამიანი დაარწმუნა იმაში, რომ ევროსკეპტიციზმის პოპულისტურმა ტალღამ ევროკავშირის ქვეყნებში გადაიარა. თუმცა, იტალიაში გამართული არჩევნები საპირისპიროს მეტყველებს.

თითქმის ყველა საარჩევნო უბნის ხმების დათვლის შემდეგ ირკვევა, რომ „5 ვარსკვლავის მოძრაობა“, რომელიც პოპულისტური მისწრაფებებით გამოირჩევა ლიდერობს და ხმების უმეტესობა, 33% ეკუთვნის. დემოკრატიულმა პარტიამ მხოლოდ 18 %-ის აღება მოახერხა, რაც დიდ დანაკარგს ნიშნავს, რადგან წინა არჩევნებში მათ ხმების 40 %-ით მოიპოვეს ლიდერობა.

ანტიიმიგრაციული, მემარჯვენე პარტიის ლიდერმა, მატეო სალვინმა, პარტიის ყოფილი კოალიციის ლიდერი, სილვიო ბერლუსკონი, 4%-ით დაამარცხა, რამაც, გაოცებასთან ერთად, დიდი არეულობა გამოიწვია არა მხოლოდ იტალიის მოქალაქეებში, არამედ პოლიტიკურ წრეშიც.

იტალიის არჩევნების შედეგებს დიდი მნიშვნელობა აქვს ევროკავშირისთვისაც. პოპულისტური პარტიის გამარჯვება შედეგია, არა უბრალოდ თავად ამ პარტიების გამარჯვებისთვის მუშაობისა, არამედ წინა ხელისუფლების ევროკავშირისადმი უარყოფითი დამოკიდებულებისაც.

მმართველი პარტიის ლიდერი – ბერლუსკონი და დემოკრატიული პარტიის ლიდერი – რენზი, თითქმის ყველაფერს, რაც გეგმის მიხედვით არ სრულდებოდა, ან რაზეც მოსახლეობა უკმაყოფილებას გამოხატავდა, ევროკავშირს აბრალებდნენ, რამაც, თავისთავად, გზა გაუკვალა პოპულისტური იდეოლოგიის პარტიებს და ხალხშიც უფრო მეტი პოპულარობა მოუპოვა.

ზოგიერთი მკვლევარი მიიჩნევს, რომ პოპულისტების ამ წარმატებას ანგარიშგასაწევი საფუძველი არ აქვს, თუმცა, საპირისპირო შეხედულებით, ეს სიმართლეს არ შეეფერება. იტალიის ეკონომიკა 2011-2012 წლებში კრიზისში იყო, მთავარი ფოკუსი მიმართული იყო სიტუაციის გამოსწორებისა და საბერძნეთის მსგავს სიტუაციაში მოხვედრისაგან თავის არიდებაზე. ეს მიზანი მიიღწა, თუმცა  ვერ მოხერხდა მოქალაქეების სურვილების დაკმაყოფილება – მდგრადი განვთარება და ეკონომიკური ზრდა; ასე, რომ აზრთა შეუთავსებლობა, საბოლოო ჯამში, პოლიტიკურ დაპირისპირებაში გადაიზარდა.

თავად ევროკავშირის პოლიტიკურ ცენტრში, ბრუსელში, მიაჩნიათ, რომ მსგავსი შედეგი გამოიწვია იტალიელი ამომრჩევლის გაურკვევლობამ იმაში, თუ რა არის იტალიის ნამდვილი პრობლემა, რომელიც პირველ რიგში საჭიროებს ქმედებსასა და მოგვარებას: „ ეს ევროპული ტრენდი გახდა. როგორც „ბრექსიტის“ შემთხვევაში, ხალხი სხვა ქვეყნებშიც საუბრობს მიგრაციის საკითხებზე, როგორც სოციალური და ეკონომიკური დაძაბულობის მიზეზზე. სინამდვვილეში კი ეს ეკონომიკური კრიზისითაა გამოწვეული, მსგავსი სიტუაციაა იტალიაშიც“- აღნიშნა სესილია კიენგმა.

წყაროები: Reuters, Euronews

მასალა მოამზადა: ცირა შვანგირაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
კოლოგიავლევებისოფლიოოლიტიკა

საფრანგეთში ერთჯერადი პლასტმასის ნივთების გამოყენება აიკრძალა

პლასტიკატი საფრანგეთი

საფრანგეთის ხელისუფლებამ ახალი კანონი მიიღო, რომლის მიხედვითაც, პლასტმასისგან დამზადებული ყველა სახის ყოველდღიური მოხმარების ნივთები, მათ შორის, ჭურჭელი – მთელი ქვეყნის მასშტაბით აიკრძალება.

კანონი ძალაში 2020 წლიდან შევა. ინიციატივა საფრანგეთის ხელისუფლების  პროგრამის – „ენერგოტრანზიციია მწვანე ზრდისთვის“ ნაწილია, რომელიც მიზნად ისახავს, რომ საფრანგეთის უფრო ეფექტიანად და აქტიურად ჩაერთოს კლიმატის ცვლილების წინააღმდეგ ბრძოლის აქტივობებში.

სამოქალაქო სექტორის დიდი ნაწილი მხარს უჭერს ხელისუფლების ინიციატივას, თუმცა მეორე ნაწილის განცხადებით, აღნიშნული კანონპროექტი არღვევს ევროკავშირის კანონს საქონლის თავისუფალი გადაადგილების შესახებ.

ორგანიზაცია „Pack2Go Europe-ის“ განცხადებით, რომელიც ევროპის შემფუთველ ორგანიზაციებს აერთიანებს, ისინი ყველა ღონეს იხმარენ, რომ შეაჩერონ კანონის ამოქმედება –  არა მხოლოდ საფრანგეთში, არამედ ევროპის კონტინენტზეც.

„ჩვენ ევროპულ საბჭოს ვთხოვთ, რომ მიიღონ შესაბამისი სამართლებრივი ზომები საფრანგეთის წინააღმდეგ, რომელიც არღვევს ევროკავშირის კანონმდებლობას, თუკი ისინი ამას არ გააკეთებენ, ჩვენ არ დავნებდებით.“- განაცხადა „Pack2go Europe-ის“ გენერალურმა მდივანმა. მისივე განცხადებით, მეცნიერულად არ არის დამტკიცებული, იქნება თუ არა აღნიშნული კანონპროექტი საკმარისად ეფექტიანი გარემოს დაცვისა და კლიმატის ცვლილების შემცირების მხრივ. პრობლემა შესაძლოა წარმოიშვას თავად მოქალაქეებში, რომლებმაც შესაძლოა ვერ გააცნობიერონ რას ნიშნავს ბიოლოგიური ნარჩენებისგან მიღებული პროდუქტი და დატოვონ ყოველდღიური მოხმარების, თუ სხვა ნივთები ბუნებაში, რადგან შეცდომით ეგონებათ, რომ ამით ბუნებას ზიანი არ მიადგება.

 

წყარო: The world economic forum

მასალა მოამზადა: ცირა შვანგრაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

 

 

სრულად ნახვა
ს საინტერესოასოფლიოოლიტიკაამართალი

ჰოლანდიაში პატიმართა ნაკლებობის გამო ციხეებს ლტოლვილთა თავშესაფრად გამოიყენებენ

ჰოლანდია

ჰოლანდიის ხელისუფლებამ დაცარიელებული ციხეების გამოყენების ახალი იდეა მოიფიქრა. ისინი ლტოლვილთა თავშესაფრად გადაკეთდება.

2006 წელს ჰოლანდიაში პატიმართა რაოდენობა 20 463 ადამიანი იყო, 2016 წელს კი – მხოლოდ 10 102, რაც ყოველ 100 000 ადამიანზე 59 მსჯავრდებულია. შედარებისთვის, აშშ-ში, რომელსაც პატიმართა რაოდენობის ყველაზე მაღალი მაჩვენებელი აქვს, ყოველ 100 000 ადამიანზე 666 მსჯავდებულია, რაც 2,1 მილიონ ადამიანს შეადგენს ქვეყნის მასშტაბით.

ჰოლანდიაში კრიმინალის დაბალი დონე დაკავშირებულია ლიბერალურ ნარკოპოლიტიკასთან, ყურადღება გამახვილებულია დამნაშავის რეაბილიტაციის პროცესებზე და ძალიან აქტიურად გამოიყენება ე.წ ელექტრონული მონიტორინგის სისტემა.

ამ ყველაფერმა კი გამოიწვია პატიმართა შემცირება ციხეებში და, შესაბამისად, ციხეების დახურვა. დაცარიელებული შენობები კი, ხელისუფლების გადაწყვეტილებით, მოდერნიზდება და წლის ბოლოს, საცხოვრებელ სივრცედ გადაკეთდება სირიელი ლტოლვილებისთვის. მაგალითად, 2016 წელს, ამსტერდამში გაუქმებული ერთ-ერთი ციხე, რომელსაც, ამჟამად ორგანიზაცია ,,Lola Lik-ი“ იკავებს, ორგანიზაციაში ცალკე სივრცეა გამოყოფილი ენის კურსებისა და კრეატიული საქმიანობისთვის. ამ სივრცეს აქტიურად იყენებენ თავად ლტოლვილებიც, უზიარებენ საკუთარ გამოცდილებას და უნარ-ჩვევებს, რაც  მათ ინკლუზიასა და ჰოლანდიის საზოგადოებასთან ინტეგრაციას უწყობს ხელს.

წყარო: World Economic Forum

მასალაა მოამზადა: ცირა შვანგირაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა

 

სრულად ნახვა
სოფლიოოლიტიკა

კანადა ,,მესამე სამყაროს” ქვეყნებთან იარაღით ვაჭრობს

კანადა იარაღი

,,The Guardian-ზე გამოქვეყნებულ სტატიაში ნათქვამია, რომ კანადამ ფილიპინებს 185 მილიონი დოლარის ღირებულების საბრძოლო თვითმფრინავები მიჰყიდა, მიუხედავად იმისა, რომ თავად კანადის ხელისუფლება ფილიპინებს ადამიანის უფლებების დარღვევის გამო აკრიტიკებდა, რამაც ორ ქვეყანას შორის ურთიერთობის დაძაბვაც გამოიწვია. თუმცა, როგორც ჩანს, კანადის პრემიერ-მინისტრ ჯასტინ ტრუდოსა და ფილიპინების პრეზიდენტის – როდრიგო დიუტერტისათვის, ამ ფაქტს ხელი არ შეუშლია, რომ სამხედრო ბიზნესი კიდევ უფრო გაეფართოვებინათ.

აღსანიშნავია, რომ კანადა მსოფლიოში მე-15 ადგილზეა იარაღის ექსპორტის მხრივ სტოკჰოლმის საერთაშორისო მშვიდობის კვლევის ინსტიტუტის მონაცემების მიხედვით. კვლევაში ასევე ხაზგასმულია, რომ დღევანდელი ხელისუფლების პირობებში, კანადისთვის რთულია ფოკუსირება მოახდინოს პროგრესულ და ჰუმანურ იდეებზე, კომერციული ინტერესები კი ნაკლებპრიორიტეტული გახადოს.

თავად კანადის ხელისუფლების ოფიციალური განცხადებით, მათ იმედი აქვთ, რომ სამხედრო თვითმფრინავებს ფილიპინები გამოიყენებს ბუნებრივი კატასტროფების დროს საჭიროებისამებრ, ძებნა-ძიების და გადარჩენის სამუშაოებისთვის. თუმცა, სხვა ვერსია აქვს ფილიპინების უსაფრთხოების სამსახურს, მათი განცხადების მიხედვით, აღნიშნული თვითმფრინავები ქვეყნის შიდაუსაფრთხოების დასაცავად შეიძინეს.

უნდა აღინიშნოს, რომ კანადისთვის ეს იარაღებით ვაჭრობის პირველი შემთხვევა არ არის. 2 წლის წინ, კრიტიკის მიუხედავად, კანადის ხელისუფლებამ მაინც მიჰყიდა საუდის არაბეთს 12 მილიარდი აშშ $ ღირებულების მსუბუქი ჯავშანტექნიკა, რამაც კანადა ახლო აღმოსავლეთის ერთ-ერთ ყველაზე დიდ იარაღებითს ექსპორტიორად აქცია.

კანადის მოსახლეობის უმეტესობა უკმაყოფილოა ხელისუფლების კომერციული გეგმებით. ექსპერტთა შეფასებით, ჯასტინ ტრუდოს გაუჭირდება პოლიტიკური კეთილგანწყობის კვლავ მოპოვება.

წყარო: The Guardian

მასალა მოამზადა:  ცირა შვანგირაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ედიცინასოფლიოოლიტიკაამართალიაქართველო

გერმანიის პოლიციელთა ასოციაცია მარიხუანას დეკრიმინალიზაციას მოითხოვს

მარიხუანა გერმანია

გერმანიის პოლიციელთა ასოციაცია, რომლის რიგებში 15 000-მდე გერმანიის პოლიციელია, მოითხოვს, რომ მარიხუანას მოხმარება „სრულიად დეკრიმინალიზდეს“ მთელი ქვეყნის მასშტაბით.

გერმანიის პოლიციელთა ასოციაციის ხელმძღვანელი, ანდრე შულცი აცხადებს, რომ მისი აზრით, არსებული კანონმდებლობა მარიხუანას მოხმარების შესახებ დიდი ხანი არ იქნება ძალაში, რადგან არ წარმოადგენს ეფექტურ იარაღს არსებული მდგომაროების სამართავად: „კაცობრიობის ისტორიაში არ არსებულა საზოგადოება, რომლის რომელიმე წევრიც არ იყენებდა ნარკოტიკებს, ამიტომაც, ეს არის ისეთი მოვლენა, რომელიც უნდა მივიღოთ ბუნებრივად“. მისივე განმარტებით, ნარკოტიკებისადმი მკაცრი და ხისტი დამოკიდებულება ადამიანების სტიგმატიზაციას ახდენს, რასაც გავლენა აქვს ნარკოტიკებთან დაკავშირებული კრიმინალური შემთხვევების რაოდენობაზე. საპირისპიროდ, საჭიროა, ნარკოტიკის მომხმარებელზე ფოკუსირება და მათი დახმარება, ბავშვებისა და ახალგაზრდების დაცვა. ანდრე შულცის განცხადებით, „ნარკოტიკებთან დაკავშირებულ კრიმინალურ შემთხვევათა 70% ეხება უშუალოდ ნარკოტიკის მომხმარებელს და არა ნარკოდილერს, ამიტომაც – ეს მნიშვნელოვან პრობლემას წარმოადგენს”.

გასული წლის მარტიდან, გერმანიის ხელისუფლებამ ნება დართო ზოგიერთ პაციენტს, რომ სამედიცინო მარიხუანა მიეღო, თუმცა, რეკრეაციული მიზნით მისი გამოყენება კვლავ არალეგალური რჩება. გერმანიის პოლიციელთა ასოციაციის ხელმძღვანელი მიიჩნევს, რომ იმაზე ეფექტიანი ნარკოპოლიტიკის დანერგვა შეიძლება, ვიდრე უბრალოს ოპრესია და მისი აკრძალვაა.

საინტერესოა ის ფაქტი, რომ თავად გერმანიის მოსახლეობა მარიხუანას დეკრიმინალიზაციას მსგავსი ენთუზიაზმით არ უდგება. კვლევითმა ინსტიტუტმა „Forsa” ჩაატარა კვლევა 1000 ადამიანზე, რომელთაგან 63% მარიხუანას ლეგალიზაციის წინააღმდეგი, 34 პროცენტი კი მომხრე იყო.

კანონპროექტის სრული ვერსია ჯერ არ არსებობს, თუმცა, ბატონი შულცის განცხადებით, მარიხუანას ლეგალიზაცია არ ნიშნავს სრულ თავისუფლებას. შეზღუდვები იქნება დაწესებული, მაგალითად, საჭის მართვის დროს და მარიხუანას ზემოქმედების ქვეშ მყოფ ადამიანს, შესაძლოა, მართვის მოწმობაც ჩამოართვან.

 

წყარო: Telegraph. co. uk

 მასალა მოამზადა: ცირა შვანგირაძემ

 

 

სრულად ნახვა
სტრონომია - კოსმოსიომუნიკაციასოფლიოოლიტიკა

SpaceX-მა კოსმოსში ,,ნატოს” თანამგზავრი გაუშვა

ნატო რაკეტა კოსმოსი

ფლორიდადან ოთხშაბათს კომპანია SpaceX-ის რაკეტა Falcon 9 გაუშვეს, რომელსაც ლუქსემბურგში დამზადებული საკომუნიკაციო თანამგზავრი გადაჰქონდა. თანამგზავრი კომპანია ლუქსემბურში დაფუძნებულმა კერძო კომპანიამ ,,ნატოსთვის” დაამზადა, რომელიც კოსმოსში დაკვირვების შესაძლებლობას აფართოვებს, რათა ალიანსის წევრებზე კიბერ თავდასხმის შეჩერების შესაზლებლობა ჰქონდეს.

ხელოვნური თანამგზავრი GovSat-1, რომელიც სატელეკომუნიკაციო კომპანია SES-მა ააგო, სერიოზულ კიბერთავდაცვით საშუალებას წარმოადგენს.

აფრენიდან 34-წუთში თანამგზავრი ორბიტაზე წარმატებით გაუშვეს.  საბოლოო ჯამში, ის 36,000 კმ სიმაღლეზე განთავსდება, სადაც 15 წლის განმავლობაში დედამიწის ირგვლივ იმოძრავებს.

ლუქსემბურგის თავდაცვის მინისტრის – ეტიენ შნაიდერის განცხადებით, 279 მილიონი აშშ დოლარის ღირებულების თანამგზავრი დაახლოებით 4,5 ტონას იწონის და ის აორმაგებს ქვეყნის კონტრიბუციას ,,ნატოს” მიმართ. 

,,ნატოს” ოფიციალურმა პირმა რამდენიმე თვის წინ მედიასთან საუბრისას უსაფრთხოებასთან დაკავშირებულ საკითხებზე ისაუბრა და განაცხადა, რომ ალიანსი  თავდაცვით ტექნოლოგიებზე 3 მილიარდი დოლარის დახარჯვას გეგმავდა, რომლის მესამედი თანამგზავრულ ტექნოლოგიებს მოხმარდებოდა.

 

წყარო: Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

.

სრულად ნახვა
სოფლიოოლიტიკა

ბრიტანელმა მინისტრმა ხდომაზე დაგვიანების გამო პოსტისდან გადაყენება მოითხოვა

დაგვიანება ბრიტანეთი

ეს რეალობაა – ბრიტანელმა მინისტრმა ხდომაზე დაგვიანების გამო პოსტისდან გადაყენება მოითხოვა. საქმე ისაა, რომ მაიკლ ბეიტსმა, რომელიც პარლამენტის ლორდთა პალატის წევრი და საერთაშორისო განვითარების მინისტრია, სხდომაზე დაიგვიანა. მან განაცხადა, რომ შერცხვენილია, რადგან ადგილზე არ იყო მაშინ, როდესაც კითხვაზე პასუხი უნდა გაეცა.  შესაბამისად, პრემიერ-მინისტრს პოსტიდან დაუყოვნებლივი გათავისუფლება სთხოვა.

რეალურად, მეიტსმა ლორდთა პალატის სხდომაზე რამდენიმე წუთით დაიგვიანა, ამ დროს კი –  ვერ შეძლო ლეიბორისტული პარტიის წევრის, ბარონესა რუთ ლესტერის კითხვაზე გაეცა პასუხი.

ტერეზა მეიმ მინისტრის მოთხოვნა არ დააკმაყოფილა. ვნახოთ, როგორ განვითარდება მოვლენები.

 

წყარო: BBC

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ნალიტიკას საინტერესოასოფლიოოლიტიკა

5 მითი ჩინეთის სიძლიერის შესახებ

china, ჩინეთი მითები სიძლიერეზე

ჩინეთმა დიდი ტრანფორმაცია განიცადა იზოლირებული, განვითარებადი ქვეყნიდან ეკონომიკურ გიგანტსა და შესაძლოა მსოფლიოს ერთ-ერთ ყველაზე ძლიერ სახელმწიფომდე.  თუკი ქვეყნის ბიუჯეტი 1989 წელს  20 მილიარდი აშშ დოლარო იყო, დღეს ის 220 მილიარდამდე გაიზარდა.

ჩინეთის განვითარების მაღალმა ტემპმა, რა თქმა უნდა, გამოიწვია, ხშირად, არასწორი და გაზვიადებული ინფორმაციის გავრცელება საერთაშორისო საზოგადოებას შორის. განსაკუთრებით მკვეთრია ჩინეთის, როგორც აშშ-ის მოწინააღმდეგის სურათი. მსგავსი მითები ხშირად ფარავს ჩინეთში არსებულ ისეთ მდგომარეობას, როგორიცაა, მაგალითად, კორუფციის მაღალი მაჩვენებელი, ნელი ეკონომიკური ზრდა და მოსახლეობის დაბერების სწრაფი ტემპი.

მითი #1 ჩინეთი გლობალური სამხედრო სუპერძალაა

ჩინეთის სამხედრო ბიუჯეტი თითქმის 214 მილიარდი აშშ $-ია. ეს მაჩვენებელი აზიისა და ოკეანეთის ქვეყნების საერთო სამხედრო ხარჯების 48 პროცენტის შეადგენს. მართალია, ჩინეთის სამხედრო შესაძლებლობები გაიზარდა, თუმცა მას ნაკლებად აქვს გლობალური სახე.  ჩინეთი მხოლოდ რეგიონალურ დონეზე ცდილობს სამხედრო შესაძლებლობების გაძლიერებას: სამხრეთ ჩინეთის ზღვაზე, მაგალითად. ჩინეთს შეუძლია წინააღმდეგობა გაუწიოს აშშ-ს რეგიონულ კონფლიქტში, თუმცა ბევრად ჩამორჩება მას სიძლიერით – თუკი კონფლიქტი აზიის ფარგლებს გასცდება.

მითი #2 აშშ-ს ჩინეთის ვალი აქვს 1 ტრილიონი  დოლარი, რაც მას ამერიკაზე ძლიერს ხდის

სახელმწიფო ვალი სხვადასხვა ქვეყანას სხვადასხვა მიზეზის გამო აქვს. მხოლოდ ევროპულ ობლიგაციებში ჩინეთს 800 მილიარდი აშშ $ აქვს. ეს ფაქტი მას მეტად პრესტიჟულს ხდის, თუმცა არ ეხმარება დიპლომატიურ საქმიანობაში.  თუკი ჩინეთი აშშ-ს დაემუქრება ინვესტიციების შემცირებით, მას მოუწევს ალტერნატიული ინვესტიციების მოძიება ან ნაკლები ექსპორტის გატანა აშშ-ში, რაც ნაკლებმომგებიანი იქნება მისთვის, შესაბამისად, მოვლენების მსგავსი განვითარება თითქმის არ განიხილება.

მითი #3 ჩინეთის კომუნისტური პარტია აკონტროლებს ინტერნეტზე წვდომას

ტექნოლოგიებში დიდი ინვესტირების მიუხედავად, ჩინეთის კომუნისტურ პარტიას მაინც უჭირს კიბერსივრცის გაკონტროლება. მიუხედავად იმისა, რომ ინტერნეტთა დაკავშირებული რეგულაციები და შეზღუდვები ჩინეთში უფრო მკაცრია, ვიდრე სხვა ავტორიტარულ ქვეყნებში, სხვადასხვა სოციალური ქსელით მოსარგებლე ადამიანთა რაოდენობა დღითიდღე იზრდება. სოციალურ მედიაში სწრაფადვე ვრცელდება ინფორმაცია კორუფციის, საჯარო სკანდალის ან საპროტესტო აქციის შესახებ. იმ დროისთვის, როცა სახელმწიფო კონტროლის აღებას ცდილობს, ინფორმაციას უკვე მიყენებული აქვს მმართველი ძალისთვის პოლიტიკური ზიანი.

მითი #4  ჩინეთი არაფერს აკეთებს კლიმატის ცვლილების შესაჩერებლად და გამონაბოლქვის შესამცირებლად

ჩინეთს ნამდვილად აქვს გარემოსდაცვითი პრობლემები. სწრაფი ეკონომიკური ზრდა და დიდი პოპულაცია მას ენერგიის ერთ-ერთ უდიდეს მომხმარებლად ხდის. როგორც აღმოჩნდა, ჩინეთის ხელისუფლებისათვის განსაკუთრებულ სირთულეს წარმოადგენს ეკონომიკურ ზრდასა და გარემოსდაცვით, სოციალურ კეთილდღეობას შორის ბალანსის პოვნა. თუმცა, ჩინეთის ხელისუფლების სამოქმედო გეგმის მიხედვით, ნახშირორჟანგის გამოყოფა 2005-2030 წლებშო 60-65 %-ით უნდა შემცირდეს. უფრო მეტი ყურადღება ექცევა მწვანე ენერგიას: მზის პანელების, ჰიდროელექტრო და ქარის ენერგიის გამოყენებას. განახლებადი ენერგიის ხვედრითი წილი საერთო ენერგიის მოხმარებაში თითქმის 20 % გახლდათ.

მითი #5 ჩინეთს კვლავ სწრაფი ეკონომიკური ზრდა აქვს

ჩინეთის ეკონომიკური ზრდის მაჩვენებელი კლებადობით ხასიათდება. მისი მოსახლეობა ბერდება. 60 წელს და უფრო ზემოთ ასაკის ადამიანების პროცენტული მაჩვენებელი, ნავარაუდევია, რომ 2020 წლისთვის მთელი მოსახლეობის 20%-ს მიაღწევს, რაც გამოიწვევს შრომისუნარიანი მოსახლეობის შემცირებას და ჯანდაცვის სფეროში ფასების ზრდას, მრავალ სხვა პრობლემებს შორის.

ექსპერტთა მოსაზრებით, ინვესტიციაზე დამოკიდებული და სახელმწიფოს მიერ კონტროლირებადი ეკონომიკური მოდელი მალე უნდა ჩანაცვლდეს უფრო ეფექტიანი, მოხმარებასა და ბაზარზე ორიენტირებული მოდელით.

 

წყარო: The National Interest, The Washington Post

მასალა მოამზადა: ცირა შვანგირაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
სოფლიოოლიტიკააქართველო

„The Guardian-ის“ ცნობით, ბორის აკუნინი და ქეთი მელუა ყველაზე ცნობილი ქართველები არიან

ბორის აკ

გამოცემა „The Guardian-ი“ ამჯერად პოსტსაბჭოური ქვეყნების ძირითადი მახასიათებლების შესახებ უამბობს მკითხველს.  სტატიაში, დანარჩენ 14 ქვეყანასთან ერთად, რა თქმა უნდა, საქართველოსა და მასში მიმდინარე პოლიტიკურ თუ კულტურულ მოვლენებზეც არის ყურადღება გამახვილებული.

წყარო 2012 წლის მონაცემებზე დაყრდობით იუწყება, რომ საქართველოს თითოეული მოქალაქის ყოველწლიური შემოსავალი საშუალოდ 1965$-ია, ხოლო ყველაზე ცნობილ ქართველებს შორის დასახელებულია – ბორის აკუნინი და  ქეთი მელუა. შეგახსენებთ, რომ ბორის აკუნინი, იგივე გრიგორ ჩხარტიშვილი – რუსეთში მოღვაწე ცნობილი მწერალი, მთარგმნელი და იაპონისტი, ხოლო ქეთი მელუა ბრიტანეთში მოღვაწე ქართელი მომღერალი გახლავთ.

წყარო საქართველოში მიმდინარე თითქმის ყველა მნიშნელოვან მოვლენას შეეხო,  აღნიშნულია, რომ საქართველოს საკმაოდ მღელვარე პოსტსაბჭოური გამოცდილება აქვს და, რბილად რომ ვთქვათ, ეს განპირობებულია აფხაზეთსა თუ ე.წ. სამხრეთ ოსეთში არსებული სეპარატისტული დაპირისპირებებითა და სამოქალაქო ომით, რომელმაც თბილისი, ფაქტობრივად, ნანგრევებად აქცია – „კორუფციამ და არასწორმა მართვამ ქვეყანა პოლიტიკურ და ეკონომიკურ არასტაბილურობამდე მიიყვანა, სანამ 2003 წელს, ყოფილი იუსტიციის მინისტრის  – მიხეილ სააკაშვილის ინიციატივით, მოხდა ვარდების რევოლუცია, 2004 წელს კი სააკაშვილი პრეზიდენტად აირჩიეს და მან ქვეყნის საგარეო პოლიტიკის უპირველეს მიზნად  ევროკავშირსა და ნატოში გაწევრიანება დაისახა”.

ბოლოდროინდელ მოვლენებს შორის  სტატია რუსეთთან არსებულ დაძაბულ ურთიერთობას უსვამს ხაზს, აღნიშნულია, რომ ,,2006 წელს რუსეთმა აკრძალა საქართველოდან ღვინისა და მინერალური წყლების იმპორტი, ორმხრივმა დაძაბულობამ კი 2008 წლის ზაფხულში პიკს მიაღწია და ხუთღიანი ომი გამოიწვია, რის შედეგადაც საქართველომ დაკარგა კუთვნილი ტერიტორია ე.წ. სამხრეთ ოსეთში”.  ხოლო შიდაპოლიტიკურ მდგომარეობას რაც შეეხება, ნათქვამია, რომ 2013 წლის საკონსტიტუცია ცვლილებებმა შეამცირა საპრეზიდენტო უფლებამოსილება და მეტი ავტორიტეტი პარლამენტს მიანიჭა. ამასთანავე, უკრაინისგან განსხვავებით, საქართველომ გააგრძელა მოლაპარაკებები ევროკავშირთან ასოცირების ხელშეკრულებასთან დაკავშირებით, რამაც გაამყარა ჩვენი ქვეყნის სამომავლო პერსპექტივები სრულუფლებიანი წევრობისაკენ.

მასალა მოამზადა:  თამარ დევდარიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 2 3 4 5 12
Page 3 of 12