close

ტექნოლოგიები

გამოგონება - ინოვაციამედიცინა

მეცნიერებმა ელექტრონული კანის დასამუხტად გრაფენი გამოიყენეს

მეცნიერებმა ექსპერიმენტული სახის ელექტრონული კანის მზის ენერგიის გამოყენებით დამუხტვის გზა გამონახეს. ეს კი შეხების შეგრძნების მქონე პროთეზებისა და რობოტების შექმნისკენ კიდევ ერთი წინ გადადგმული ნაბიჯია.

მთელი მსოფლიოს მეცნიერები მუშაობენ ხელოვნური კანის  მოქნილი ვერსიების შექმნაზე, რომელსაც სხვადასხვა სახის სენსორული რეცეპტორის სიმულაციის საშუალებით შეგრძნების უნარი აქვს.

ასეთი სისტემის დამუხტვა მნიშვნელოვანი გამოწვევაა, თუმდა გლაზგოს უნივერსიტეტის ინჟინერიის სკოლის მეცნიერებმა ელექტროენერგიის გამოსამუშავებლად გრაფენის (ულტრათხელი ნახშირბადი) გამოყენების ხერხი განავითარეს.

გრაფენი, რომელიც მხოლოდ ერთი ატომის სისქისაა, ძლიერი, უაღრესად მოქნილი, ელექტრონულად გამტარი და გამჭვირვალე, რაც მას მზის ენერგიის შეგროვების გზით ელექტროენერგიის გამოსამუშავებელ იდეალურ საშუალებად აქცევს.

თუკი მენციერები შეძლებენ, რომ სმარტპროთეზის ხელებს, რომლებსაც ადამიანის კიდურების ბევრი მექანიკური თვისების აღდგენა შეუძლიათ, კანის შეხების მსგავსი გრძნობის უნარიც მიანიჭონ, ისინი ამპუტირებული კიდურების მქონე ადამიანებისთვის კიდევ უფრო სასარგებლო გახდებიან.

შეხების მიმართ მგრძნობიარე ელექტრონული კანის  გამოყენება რობოტებშიცაა შესაძლებელი, რაც მანქანებს ადამიანებთან ურთიერთობის დროს პოტენციური საფრთხეების აღმოჩენაში დაეხმარება.

მეცნიერების შემდგომ მიზანს იმავე ტექნოლოგიის გამოყენებით პროთეზირებული ხელის მამოძრავებელი ძრავის დამუხტვა წარმოადგენს. „ამან კი შესაძლოა ენერგოდამოუკიდებელი პროთეზირებული კიდურის შექმნის შესაძლებლობა მოგვცეს,“– აცხადებენ მეცნიერები.

 

წყარო: Reuters

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,დოქტრინა”

 

სრულად ნახვა
მანქანათმშენებლობა

5 მარტივი ხრიკი, რომელიც საწვავის ხარჯს შეგიმცირებთ

 

საწვავის ფასი ყოველთვის აქტუალური თემაა. ის ხშირად იზრდება, იშვიათად კლებულობს და ბევრ ავტომფლობელს ჯიბეს უცარიელებს. ბუნებრივია, ყველას სურს ხარჯის შემცირება. გამოცდილი მძღოლები ამას მეტ-ნკლებად ახერხებენ, გამოუცდელებს კი უჭირთ.

არსებობს რამდენიმე მეთოდი, რომელიც თქვენი ავტომობილის აპეტიტს ოდნავ მაინც მოთოკავს. მათ სწორედ გამოცდილი მძღოლები გვიზიარებენ:

  1. ავტომობილი მუდამ გამართული უნდა იყოს

როდესაც ავტომობილის აგრეგატი და ყველა კვანძი გამართულად მუშაობს, ავტომობილი მაქსიმალურად ნაკლებ საწვავს მოიხმარს. ამასთან, მისი მექანიზმების კონტროლი მუდმივად საჭიროა.

  1. მართეთ რბილად

მკვეთრი აჩქარება და მკვეთრი შენელება მაგისტრალზე ხარჯს 30 პროცენტით გაზრდის, ქალაქში კი – 40 პროცენტით!

  1. ნაკლებად ისარგებლეთ კონდიციონერით

სიცხეში ძრავა უფრო ეკონომიურად მუშაობს – ოპტიმალურ ტემპერატურამდე გახურებისთვის ნაკლები დრო სჭირდება. თანაც, თბილი ჰაერი ნაკლებ აეროდინამიკურ წინააღმდეგობას იწვევს. მაგრამ თუ კონდიციონერს ჩართავთ, საწვავის ხარჯი შესაძლოა 25 პროცენტითაც კი გაიზარდოს.

  1. გადართეთ დროულად

თუ თქვენს ავტომობილს მექანიკური გადაცემათა კოლოფი აქვს, ნუ დაგეზარებათ გადართვა და შეეცადეთ, რომ ტახომეტრის ისარი იშვიათად გადასცდეს 2000 ბრუნს.

  1. ძრავის გახურებას ზედმეტი დრო არ დაუთმოთ

მანქანა თამამად შეგიძლიათ დაძრათ ძრავის ამუშავებიდან 1 წუთში, მაგრამ ნუ ამუშავებთ მაღალ ბრუნებზე, სანამ ოპტიმალური ტემპერატურა არ გამოვლინდება.

 

წყარო: autonews.com-ze

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტირნა”

 

 

 

სრულად ნახვა
გამოგონება - ინოვაციასაქართველო

ხელსაწყო, რომელიც მეწყრის პროგნოზირებას შეძლებს, სენაკელმა ახალგაზრდებმა გამოიგონეს

27 თებერვალს გამოვლინდა ათასწლეულის ინოვაციის კონკურსის (Millennium Innovations Award – MIA) გამარჯვებული გუნდი – ,,Smart Kids-ი”, რომლის წევრები არიან: ალექსი ტყებუჩავა, ნათია შამათავა, დეა ჩიტაია, ლიკა კოკაია და გვანცა ჩიქოვანი. ახალგაზრდები წმ. ალექსი შუშანიას სახელობის სენაკის მართლმადიდებლური სკოლა-გიმნაზიის მოსწავლეები არიან. კონკურსის მიზანია საბუნებისმეტყველო მეცნიერებებისა და ტექნოლოგიების სფეროში ახალგაზრდების წახალისება, რაც, უპირველეს ყოვლისა, ხელს შეუწყობს აღნიშნული სფეროების განვითარებას ქვეყანაში. გუნდი აპრილში აშშ-ის ნასას კოსმოსურ ცენტრში გაემგზავრება. პროექტს ახორციელებს ,,ათასწლეულის გამოწვევის ფონდი – საქართველო”, განათლებისა და მეცნიერების სამინისტროს, აშშ-ის საელჩოსა და კომპანია ,,ჯეოსელის” მხარდაჭერით. ,,დოქტრინა” გაესაუბრა ჯგუფის წევრებსა და მათს მენტორ უტა კილასონიას. მათ დეტალურად ისაუბრეს გამოგონებაზე, რომელიც გააკონტროლებს მეწყერსაშიშ ზონებს, რათა თავიდან ავირიდოთ ადამიანთა მსხვერპლი და მინიმუმამდე დავიყვანოთ მოსალოდნელი ეკონომიკური ზარალი.

,,ჩვენი პროექტის, ,,გეოლოგიური საფრთხეების”, მიზანია, წინასწარ განვსაზღვროთ მეწყერის მოახლოების საშიშროება. ეს ხელსაწყო არის შეტყობინების სისტემა. გამოყენებული გვაქვს ჰოლის სენსორი, რომელიც გვიჩვენებს მაგნიტური ველის ინტენსივობის ცვლილებას. ჩვენს პროექტს ბევრი უპირატესობა აქვს: იაფია, ერგება ყველანაირ რელიეფს, გამოირჩევა სიზუსტით, საიმედოობით, ყველაზე მნიშვნელოვანი კი ისაა, რომ მისი დამზადება, წარმოება და დანერგვა შესაძლებელია საქართველოში. გრუნტის ზედაპირზე, მცირე ზომის თხრილში, თავსდება მაგნიტები, მათ ზემოთ რამდენიმე მილიმეტრის დაშორებით – ჰოლის სენსორები, რომელიც დაკავშირებულია მიკრო პროცესორთან და GSMსისტემის საშუალებით ინფორმაციას გადასცემს ცენტრალურ სერვერს. პლანშეტებში ჩატვირთულია აპლიკაცია, რომელიც საშუალებას გვაძლევს დავარეგულიროთ ზღვარი. როდესაც მიწაში რხევები გადააჭარბებს ჩვენს დაყენებულ ზღვარს, ხელსაწყო ავტომატურად აგზავნის შეტყობინებებს დარეგისტრირებულ მოსახლეობასთან მობილურ ტელეფონებზე. აღსანიშნავია, რომ სენსორულ აპარატს ანალოგი არ აქვს მსოფლიოს მასშტაბით. ეს იდეა გაგვიჩნდა 2016 წლის ფაქტიდან გამომდინარე, აგვისტოში მოვარდნილმა წყალდიდობამ და ღვარცოფმა დიდი ზარალი მიაყენა სენაკს, კერძოდ, ჩაინგრა ჩვენი სკოლა-გიმნაზიის მისასვლელი საავტომობილო გზა და ხიდი,” – აღნიშნეს ახალგაზრდებმა.

,,შევისწავლეთ დღეს არსებული ხელსაწყოები, რომელთათვისაც მილიონობით ლარია საჭირო. ჩვენი მოწყობილობა, ვფიქრობთ, ხარჯეფექტიანია სახელმწიფოსთვის, ჯდება დაახლოებით 10 000 ლარი, თანაც არის უფრო ზუსტი, ვიდრე არსებული. ჩვენი იდეების გაანალიზებაში, მოდელირებასა და კონსტრუირებაში დაგვეხმარა დავით სონღულაშვილის ვირტუალური ლაბორატორია და საგანმანათლებლო სისტემაზე დაფუძნებული STEM (Science, Technology, Engineering, Mathematics) კურსები, რომელიც ერთი წლის წინ გავიარეთ,” – აღნიშნა გუნდის მენტორმა, უტა კილასონიამ.

იგეგმება მოწყობილობის დამონტაჟება ნოქალაქევის არექეოლოგიური მუზეუმ-ნაკრძალის ტერიტორიაზე.

აღსანიშნავია, რომ სენაკელი ახალგაზრდების შექმნილ სენსორულ მოწყობილობას  უკვე დიდი გამოხმაურება და დადებითი შეფასებები მოჰყვა მეცნიერთა საზოგადოებისგან. წინ კი ჰიუსტონია, NASA, სადაც მოსწავლეები კოსმოსური ცენტრის უნივერსიტეტის საგანმანათლებლო პროგრამას გაივლიან.

 

მასალა მოამზადა: ნინი მშვენიერიძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

 

 

სრულად ნახვა
გამოგონება - ინოვაციამანქანათმშენებლობა

უფანჯრო თვითმფრინავებში მგზავრებს ცის პანორამული ხედის ნახვის შესაძლებლობა ექნებათ

ბრიტანულმა სამეცნიერო-კვლევითმა ცენტრმა (Centre for Process Innovation) განაცხადა, რომ  უფანჯრო თვითმფრინავების შექმნაზე მუშაობს.

მგზავრების უმეტესობას სურს თვითმფრინავში ფანჯრის მხარეს დაჯდეს. ცენტრის მიზანია, თვითმფრინავების OLED (ორგანული, შუქის გამომსხივებელი დიოდი) ეკრანებით აღჭურვა, რაც ყველა მგზავრს ვირტუალური ფანჯრით უზრუნველყოფს.

OLEDეკრანებს თვითმფრინავებზე დაამაგრებენ და სპეციალური ტექნოლოგიის საშუალებით მგზავრებს გარეხედის ხილვის საშუალება ექნებათ.

სამეცნიერო-კვლევითი ცენტრი სიახლის დანერგვას 10-15 წელიწადში გეგმავს.

OLED-ის (ორგანული, შუქის გამომსხივებელი დიოდი) ტექნოლოგიას შეუძლია გადმოსცეს მკაფიო ნათება და ამავდროულად მოიხმაროს ნაკლები ენერგია. ასეთი თვისებების გამო შესაძლებელი გახდა ინფორმაციის ნათებით გამოსახვა ანუ მონიტორზე ინფორმაციის გამონათება. აქედან გამომდინარე, ეს OLEDტექნოლოგიები ინერგება და გამოიყენება მობილურ ტელეფონების, ფოტოაპარატების, ვიდეოკამერების, სანავიგაციო და სხვა მისთან აპარატთა ეკრანების დასამზადებლად.

რამდენიმე დაწკაპუნებით მგზავრი შეძლებს ატვირთოს ინფორმაცია მიმდინარე ფრენის შესახებ, მაგალითად, „რამდენ ხანში ვიქნებით?“ – ეს კითხვა ხომ მხოლოდ ბავშვებს არ აწუხებთ. სენსორული ეკრანის გამოყენებით სტიუარდის გამოძახებაცაა შესაძლებელი.

თუმცა ეს ინფორმაცია სულაც არაა სასიამოვნო მათთვის, ვისაც სიმაღლის შიში აქვთ, მითუმეტეს, თუ ეკრანებს თვითმფრინავის იატაკზე დაამონტაჟებენ.

 

წყარო: http://www.travelthewholeworld.org/

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

სრულად ნახვა
მანქანათმშენებლობა

,,პორშე” ელექტრომანქანის გამოშვებას გეგმავს

გერმანული მანქანათმწარმოებელი კომპანია – ,,პორშე” – გეგმავს სწრაფი ელექტრომანქანის გამოშვებას სულ მალე. მანქანას ჰქვია “Mission E” და მას 15 წუთი ეყოფა, რომ სრულად დაიტენოს და განავითაროს ისეთი სისწრაფე, რომლითაც პორშეს 911 მოდელსაც კი აჯობებს.  600 ცხენისძალიანი მანქანა დაახლოებით 500 კილომეტრს გაივლის დატენვის გარეშე.

,,პორშე”, რომელიც ეკუთვნის VW ჯგუფს, მანქანას შტუტგარდის ახლოს ააწყობს. გამოგონება და იდეის სრულყოფილად განხორციელება დაახლოებით 1 მილიარდ ევრო დაჯდება. 1000-ზე მეტი ახალი სამუშაო დაიწყება. ,,პორშემ” განაცხადა, რომ ამ მანქანის შექმნა ემსახურება ბუნების დაცვასა და ტექნოლოგიის ახალ ეტაპზე გადასვლას.

,,VW–ს” სურს, რომ თავისი კომპანია განვითარდეს და გაუთანაბრდეს ამერიკულ კომპანია ,,Tesla–ს”, როგორც ცნობილია ,,Tesla” ყველაზე განვითარებული კომპანიაა ელექტრომანქანების გამოშვება გაყიდვის საკითხში, ელექტრომანქანებს ძალიან დიდი პოტენციალი აქვს მთელ მსოფლიოში, რადგან ისინი ბევრად ეკონომიურია, ვიდრე სხვა მანქანები და ასევე – ნაკლებად აბინძურებს გარემოს.

 

წყარო:Inc.com

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

სრულად ნახვა
მანქანათმშენებლობა

,,Baidu” ნახევრად თვითმმართავ ავტომობილს გამოუშვებს

 

ჩინეთის ინტერნეტსაძიებო სისტემის კომპანია – ,,Baidu” –  გეგმავს, რომ ნახევრად თვითმმართავი მანქანა გამოუშვას. სამი ,,BMW–ს” მარკის გადაკეთებული მანქანა  30 კილომეტრზე საცდელად ჩინეთის დედაქალაქ ბეიჯინგში გაუშვეს. პირველი ცდა წარმატებით დასრულდა.

მანქანას უნდა შეესრულებინა სხვადასხვა სახის მანევრი, რითაც გამომგონებლები დარწმუნდებოდნენ მის  ვარგისიანობაში. მანქანას უნდა განესაზღვრა, თუ როგორი სისწრაფით დადიოდნენ სხვა მანქანები და, საჭიროების შემთხვევაში, გადაესწრო მათთვის. ახალ ნახევრად თვითმმართავ მანქანას შეუძლია განავითაროს 100კმ/სთ სიჩქარე.

,,Baidu–მ” განახორციელა საჭირო პროგრამული უზრუნველყოფა და მანქანას ჩაუმაგრა ტვინი, რომელიც იყენებს საკუთარ რუკას ადგილმდებარეობის განსაზღვრისთვის და ასევე, დამოუკიდებლად იღებს გადაწყვეტილებებს.

კომპანიას სურს, რომ მსგავსი მოწყობილობები გამოიყენონ სახალხო ტრანსპორტისთვის, რომელიც გადაიყვანს მგზავრებს ერთი ადგილიდან მეორეში.

,,Baidu” უერთდება Google–ს, Apple–სა and Tesla–ს თვითმმართავი მანქანების გამოშვებაში და მომავალში აუცილებლად გამოიყენებენ მათ სხვადასხვა მიზნისთვის.

 

წყარო: http://hbr.com/

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

 

 

სრულად ნახვა
გამოგონება - ინოვაციასაქართველო

ქართველი სტუდენტების გამოგონება – ხის ბეჭედი, რომელიც ცხოვრებას უფრო მარტივსა და უსაფრთხოს გახდის

 რამდენიმე სტუდენტისგან შექმნილი გუნდი ერთი იდეის გარშემო გაერთიანდა და ხის ჭკვიანი ბეჭედი შექმნა, რომელიც გაამარტივებს ადამიანების ცხოვრებას და უფრო უსაფრთხოს გახდის მას.

ნინო გვაზავა: „იდეა გაჩნდა ჩვენი უნივერსიტეტის საშვების სისტების დაყენების შემდეგ, გვინდოდა, რამე ისეთი მოგვეფიქრებინა, რაც ბარათის მოძებნის ნაცვლად, გაგვატარებდა უნივერსიტეტის შესასვლელში. ასე შეიქმნა პირველი ბეჭედი, რომელსაც, თავდაპირველად, მხოლოდ უნივერსიტეტის საშვის ფუნქცია ჰქონდა“.

სტარტაპი ინტერესის გამო ადნობდა სხვადასხვა ბარათს და მათში არსებული RFID თაგს 3D პრინტერით ამობეჭდილ 3ბეჭედში ათავსებდა, შემდეგ ამ ბეჭდით ახორციელებდნენ სხვადასხვა გადახდას მაღაზებში. საზოგადეობის დიდი ინტერესისა და აღფრთოვანების გამო მათ დაიწყეს პროექტზე სერიოზულად მუშაობა.

რა მასალისგან მზადდება ბეჭედი ?

,,კნიკი” ჭკვიანი სამკაულია, რომელიც ეკოლოგიურად სუფთა ხის მასალისაგან მზადდება და მომხმარებელს შესაძლებლობა ეძლევა თავად შეარჩიოს საკუთარი ბეჭდის დიზაინი, დაიტანოს ნებისმიერი წარწერა და აირჩიოს სასურველი ფერების განაწილება. გარდა ამისა, ერთადერთი სამკაულია, რომელიც ანაცვლებს მომხმარებლის საფულესა და, ამავდროულად, ზრუნავს მომხმარებლის სიცოცხლის გადარჩენაზე.

 

რა ფუნქციების მატარებელია მოწყობილობა?

#CNICK (კნიკი) არის ხის პირველი ჭკვიანი ბეჭედი, რომელიც მომხმარებელს შესაძლებლობას აძლევს, ხელის ერთი მოძრაობით შევიდეს სამსახურში, სპორტდარბაზში, კინოში, გასართობ ცენტრებში, რადგან მას ყველა საშვი, ბილეთი თუ აბონემენტი საკუთარ ბეჭედში ექნება გაერთიანებული. ,,კნიკი” ამავდროულად, ინახავს პირველად სამედიცინო ინფორმაციას (სისხლის ჯგუფის, გადატანილი დაავადებების, ალერგიულობას…), ეს განსაკუთრებით მნიშვნელოვანი გახლავთ, რადგან ამ ფუნციის საშუალებით, ,,კნიკს” მომხმარებლის სიცოცხლის გადარჩენაც კი შეუძლია.

ნინო გვაზავა: “#სტარტაპსაქართველოს კონკურსში გამარჯვების შემდეგ, საქართველოს ინოვაციებისა და ტექნოლოგიების სააგენტომ იდეის განხორციელებისთვის ხელშემწყობი პირობები შეგვიქმნა. უპირველეს ყოვლისა, გადმოგვცა დაფინანსება და დაგვაკავშირა ამერიკელ ექსპერტებთან, რომლებიც   კონკურსის შემდგომი 3 თვის განმავლობაში მეთვალყურეობას გაუწიეს ჩვენს პროექტს. ამ პერიოდის განმავლობაში ჩვენი პროექტი იღებდა ბიზნესის განხორციელებისა და სწრაფი ზრდისთვის ხელშემწყობ სხვადასხვა რჩევებს, Silicon Valley-ს ვენჩორული კაპიტალისტების გამოცდილებასა და მითითებებს. ტექნოპარკის  ფაბლაბში გავიარეთ სხვადასხვა კონსულტაციები და გამოვიყენეთ იქ არსებული ლაზერული მჭრელი,  ეს ძალიან კარგი შესაძლებლობაა ჩვენთვის, განვავითაროთ ჩვენი პროდუქტი ადგილობრივ ბაზარზე და შემდგომ ეტაპზე მოვახდინოთ მისი საერთაშორისო რეალიზაცია.”

სტარტაპმა ,,Cnick-ი” – მონაწილეობა მიიღო 2016 წლის Seed Forum-ში, რომელიც 14 დეკემბერს ნორვეგიის საგარეო საქმეთა სამინისტროს მხარდაჭერით აიჰაბ თბილისში ჩატარდა. პროექტის ფარგლებში კნიკის დამფუძნებლებს საშუალება ექნებათ მაისის თვეში ოსლოში, ნორვეგიაში გაიარონ ტრენინგები და წარდგნენ საკუთარი იდეით ინვესტორების წინაშე, რათა მოიპოვონ დამატებითი დაფინანსება პროდუქტის დასახვეწად და შეიძინონ ახალი კონტაქტები.ამჟამად, კნიკს არ აქვს გადახდის ფუნქცია, რადგან ბეჭდის მასობრივი წარმოებისთვის საჭიროა სხვადასხვა სერთიფიცირების პროცესების გავლა Visa-სა და Mastercard-თან, რაც გარკვეული დროს მოითხოვს. სტარტაპი ამაზე აქტიურად მუშაობს და უახლოეს პერიოდში ბეჭედს გადახდის ფუნციაც დაემატება.

 

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
მანქანათმშენებლობა

ყველაზე იაფი მანქანა ინდოეთში დამზადდა

ერთ–ერთი ყველაზე დიდი პრობლემა მანქანის ყიდვისას არის ის, რომ უმრავლესობას უწევს ისესხოს დიდი რაოდენობით ფული ბანკიდან, რისი დაფარვაც შემდგომი მრავალი წლის განმავლობაში უწევს. ძირითადად ახალი მანქანები 10 000 დოლარი ღირს, რისი გადახდაც ყველას არ შეუძლია.

ინდოეთში ერთ–ერთმა ქარხანამ – ,,Tata Motors–მა”- გამოუშვა ყველაზე იაფი მანქანა მთელ მსოფლიოში, ის 2,500 დოლარი ღირს. ,,Tata–ს” დირექტორმა ყველაფერი აწონ-დაწონა და ასეთი ფასი ინდოეთის მოსახლეობისთვის საკმაოდ მისაღები აღმოჩნდა, რადგან მათი ქვეყანაში უმრავლესობას შეუძლია, რომ ნელ–ნელა დაფაროს ეს თანხა და არანაირი პრობლემა არ შეექმნას.

ინდოეთში 1.2 მილიონი მანქანა კეთდება ყოველ წელს. იაფი მანქანის გამოშვების იდეა ყველას არ მოეწონა, რადგან ექსპერტებმა თქვეს, რომ უფრო მეტი ადამიანი შეიძენდა ამ მანქანებს და შეიქმნებოდა საცობები და კიდევ უფრო დაბინძურდებოდა გარემო, ეს იდეა წესით წლების წინ უნდა განხორციელებულიყო, ინდურმა კომპანიამ ბევრი იფიქრა ამ პრობლემის გადაჭრის გზებზე და საბოლოოდ ისეთი მანქანების გამოშვება გადაწყვიტა, რომლებიც ძალიან შეამცირებდნენ გარემოს დაბინძურების რისკს და ზომაშიც იქნებოდა პატარა, რაც ნაკლებად შექმნიდა საცობების საშიშროებას.

 

წყარო: http://inc.com/

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
გამოგონება - ინოვაციასაქართველო

ახალგაზრდა გამომგონებელი, რომელმაც ნასაში იმოგზაურა, საზოგადოებას ინოვაციურ ეტლს სთავაზობს

 კარლო ხუციშვილი წლის საუკეთესო ინოვატორი გამომგონებელია. მან ახლახან საზოგადოებას წარუდგინა ახალი გამოგონება, რომელზეც მეგობარ ნინო აბელაშვილთან ერთად მუშაობდა. ,,ნონსტოპი” არის ინოვაციური ეტლი, რომელიც შეზღუდული შესაძლებლობების მქონე პირებს შეუმსუბუქებს და გაუუმჯობესებს ცხოვრებას. იმისათვის, რომ სხვადასხვა დეტალი გაეთვალისწინებინათ, ახალგაზრდა გამომგონებლები შეხვდნენ შშმ პირებს, გაეცნენ ყველა ნიუანსს, რაც აწუხებთ ეტლით მოსარგებლეებს.

,,ეტლზე მაგრდება წამყვანი კონსტრუქცია, რომელშიც ჩამონტაჟებულია: ძრავი, სპეციალური სქემა, აკუმულატორი, სხვადასხვა სენსორი, ეს კი უფრო სწრაფსა და გარემოზე მორგებულს ხდის. როგორც წესი, ელექტროეტლები 38 კილოგრამს იწონის, ჩვენი ეტლი სულ 10 კილოგრამია, წამყვანი კონსტრუქცია – 12, მოგეხსენებათ, ურთულესია ტრანსპორტირება, ჩვენი გამოგონება კი სრულიად აგვარებს ამ პრობლემას. წამყვანი კონსტრუქცია და ეტლიც იკეცება, რაც ამარტივებს გადაადგილებას. ეტლს შეუძლია განავითაროს 50-დან 70 კმ/სთ სიჩქარე, ელემენტის ხანგრძლივობა კი 4 საათია,” – აღნიშნა კარლო ხუციშვილმა.

მუშაობის პროცესში გაჩნდა კიდევ ბევრი იდეა, მაგალითად, შეიქმნა ხელთათმანი ისეთი ადამიანებისთვის, რომლებსაც აქვთ ხელის მტევნის პრობლემები და ვერ ახერხებენ ეტლის მართვას. ხელთათმანის საშუალებით მომხმარებელი შეძლებს მტევნის გაშლასა და მოკეცვას და, რაც ყველაზე მნიშვნელოვანია, ეტლის დამოუკიდებლად მართვას, ეტლი მოძრაობს იმ მიმართულებით, საითაც ხელი გადაიხრება.  ეტლი, აგრეთვე, მორგებულია უსინათლო და სმენადაქვეითებულ ადამიანებზე, დამონტაჟებულია სპეციალური სენსორები, რომელთა საშუალებითაც ეტლით მოსარგებლე იგებს დაბრკოლების შესახებ.

გამომგონებლის თქმით: ,,ხშირია შემთხვევა, როდესაც ადამიანს ეტლი უბრუნდება ან რაიმეს ეჯახება, ეს კი უმეტესად სხეულის დაზიანებებით სრულდება, აღარაფერს ვამბობ ფსიქოლოგიურ დაძაბულობასა და უდიდეს სტრესზე. ჩვენ ეს პრობლემაც გადავჭერით. ინოვაციური დიზაინით შევქმენით ჩაფხუტი, მასში ჩამონტაჟებულია სენსორი, რომელიც აღიქვამს დაჯახებას, გადახრას, გადატრიალებას. ამ დროს ინფორმაცია მიეწოდება მთავარ სქემას, სქემა კი ხსნის კოლბას, რომელშიც ჰაერია ჩატუმბული, ჰაერის დიდი ნაკადი გამოიტყორცნება გარეთ და გაიშლება ჩაფხუტი, ამ მეთოდით დავიცავთ ეტლით მოსარგებლეს დაზიანებისგან. აგრეთვე, ბევრი ბავშვის ოცნებაა, რომ დამოუკიდებლად გავიდეს გარეთ, ნახოს მეგობრები, ისეირნოს. ამისთვის შევქმენით პროგრამა, მისი საშუალებით მშობელი შეძლებს სახლიდან აკონტროლოს შვილი და მართოს ეტლი საჭიროების შემთხვევაში.”

აღსანიშნავია, რომ კარლო ხუციშვილმა მეგობარ ირაკლი კაპანაძესთან ერთად გაიმარჯვა ათასწლეულის ინოვაციის კონკურსში (Millennium Innovations Award – MIA). მათ მონაწილეობა მიიღეს ამერიკის შეერთებული შტატების კონრადის ფონდის ინოვაციების სამიტში ნასას კოსმოსურ ცენტრში. ახალგაზრდა გამომგონებლებმა წარმოადგინეს პროექტი ,,მულტიკლიმატიზატორი”. მათი შექმნილი მოწყობილობით შესაძლებელია რამდენიმე დღით ადრე ლოკალური ამინდის პროგნოზირება, ტენიანობისა და ტემპერატურის ზუსტი გაზომვა. ხელსაწყო ეხმარება ფერმერებს, რომ წინასწარ გაიგონ მოსალოდნელი სეტყვისა თუ წვიმის შესახებ.

კიდევ ერთი გამოგონება, რომელმაც დიდი წარმატება მოუტანა ახალგაზრდა გამომგონებელს, Life Saver-ია. მასზე დასთან, ანა ხუციშვილთან ერთად მუშაობდა. ეს არის უპილოტო გამნაღმველი სისტემა, რომელიც აიპადით იმართება. შესაბამისი კოორდინატების მითითების შემდეგ, მოწყობილობა გაფრინდება და მონიშნავს იმ ადგილებს, სადაც ნაღმია განლაგებული. სპეციალური სისტემით შესაძლებელია ნაღმის გაუნებელყოფა. ეს გამოგონება უამრავი ადამიანის სიცოცხლეს გადაარჩენს.

,,გულდასაწყვეტია, რომ სახელმწიფო დიდ ყურადღებას არ აქცევს მათ, ვისაც ტექნოლოგიური ნიჭი აქვთ და შეუძლიათ, რომ ქვეყნის სახელი მსოფლიოს მასშტაბით ღირსეულად წარმოადგინონ. მე, მაგალითად, მაქვს გამოგონებები, თუმცა ვერ ვახერხებ დაპატენტებას, რადგან დიდი თანხაა საჭირო, პირადი ხარჯებით ვცდილობ იდეების განხორციელებას, დღეს ყველაფერი პიარის დონეზე კეთდება. მე მოტივირებული ვარ და რამდენჯერმე გავიმარჯვე სხვადასხვა კონკურსში, სწორედ ამას ვურჩევდი ახალგაზრდებს, იბრძოლონ მიზნისთვის, რადგან შეუძლებელი მართლაც არაფერია. უმთავრესია პიროვნული ზრდა და თვითგანვითარება, მე ავიხდინე ოცნება და გავემგზავრე ნასაში,” – აღნიშნა კარლო ხუციშვილმა.

 

მასალა მოამზადა: ნინი მშვენიერიძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

 

 

სრულად ნახვა
კომუნიკაცია

ამერიკელების უმრავლესობა ინტერნეტპაემნის საიტებს იყენებს

როგორც გაირკვა, ამერიკელი ახალგაზრდების 15% იყენებს ინტერნეტპაემნის ვებსაიტს, რაც ეხმარებათ და უადვილებთ მათთვის პრიორიტეტული ხასიათებისა თუ გარეგნობის მქონე ადამიანებთან კონტაქტის დამყარებას. გამოკითხვა დამყარებული იყო 2000 ამერიკელი ახალგაზრდის ინტერვიუებზე.

ვებსაიტებს ძირითადად 18–დან 24 წლამდე ახალლგაზრდები იყენებენ. ბოლო ორი წელია ამ ადამიანთა რიცხვი გაორმაგდა, ახალგაზრდები, რომლებიც იყენებენ მსგავს ვებსაიტებს, პოზიტიურად არიან განწყობილნი და ფიქრობენ, რომ ძალიან კარგი საკომუნიკაციო საშუალებაა, მაგრამ არიან ადამიანებიც, რომლებიც უარყოფენ მსგავს ურთიერთობებს და რეალურ პაემანს ამჯობინებენ, ზოგიერთი ქალბატონი ფიქრობს, რომ საშიშია მსგავსი სახის საიტების გამოყენება, რადგან ბოლო წლებში ვრცელდება ინტიმური სურათები და ვიდეოები და ისინი ფიქრობენ, რომ არაფრით არიან დაცულნი, რომ მათ მსგავსი რამ არ დაემართებათ.

დამტკიცებულია მეცნიერულად, რომ რეალური ურთიერთობები ბევრად უფრო გულწრფელი და სათუთია, ადამიანი შეგიძლია შეისწავლო თავიდან ბოლომდე დანახვისას, მაგრამ ინტერნეტის საშუალებით შეუძლებელია ადამიანის სრულყოფილად გაცნობა.

 

წყარო: http://inc.com/

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

სრულად ნახვა
1 74 75 76 77 78 84
Page 76 of 84