close

მანქანათმშენებლობა

გამოგონება - ინოვაციაისტორიამანქანათმშენებლობასაქართველოტრანსპორტი

ალექსანდრე ქართველიშვილი – მსოფლიოში აღიარებული ავიაკონსტრუქტორი, რომელმაც ამერიკულ საჰაერო ტექნიკას დაუდო სათავე

“ჩვენ მოვაღწიეთ იმ ეტაპამდე, როცა მეცნირებითა და კვლევებით გამყარებული წარმოსახვა ყველაზე ღირებული სიმდიდრეა”  – ალექსანდრე ქართველიშვილი, 1960 წ.

 აშშ ავიამშენებლობის ერთ–ერთი პიონერი, ამერიკული საავიაციო ისტორიის თვალსაჩინო და მოწინავე ავიაკონსტრუქტორი ალექსანდრე ქართველიშვილი, რომელსაც მსოფლიო ალექსანდრე ქართველის სახელით იცნობს, ცნობილი იურისტის – მიხეილ ქართველიშვილის ოჯახში, 1896 წელს დაიბადა და ჯერ გიმნაზიის, შემდეგ კი, იუნკერთა სასწავლებლის დასრულების შემდეგ, ის პირველ მსოფლიო ომში გაიწვიეს არტილერისად, რამაც ახალგაზრდას ინტერესი ავიაციისადმი გააღრმავა.

დამოუკიდებელი საქართველოს მთავრობამ ალექსანდრე 1919 წელს  სასწავლებლად საფრანგეთს მიავლინა. ვაჟიშვილს თან დედაც გაჰყვა, მამა და და კი თბილისში დარჩნენ. განშორება სამუდამო გამოდგა, რადგან საბჭოთა ოკუპაციის გამო, ქართველიშვილი საქართველოში ვეღარ დაბრუნდა და 1922 წელს,  პარიზის ავიაციის უმაღლესი საინჟინრო ფაკულტეტის დასრულებისთანავე,  ლეგენდალური ფრანგი ავიატორის – ლუი ბლერიოს კომპანიაში გამომცდელად და ასევე თვითმფრინავების “Bernard”-ისა და “Ferbois”-ის შექმნაზე დაიწყო მუშაობა.

სამწუხაროდ, ერთ–ერთი ფრენის დროს მომხდარი ავარიისას მან სერიოზული ტრამვა მიიღო და ამის გამო სამუდამოდ ჩამოშორდა მფრინავის პროფესიას.

1927 წელს ალექსანდრეს მონაწილეობით შექმნილმა თვითმფრინავმა –  “Bernar-Ferbua V-2” დაამყარა სიჩქარის მსოფლიო რეკორდი. ქართველი თავისუფალ დროს ფრანგ ინჟინრებთან ერთად მუშაობდა 50 მგზავრზე გაანგარიშებულ ტრანსატლანტიკური გიგანტური თვითმფრინავის პროექტზე პარიზი–ნიუ–იორკის რეისებისთვის, თუმცა ამისთვის დიდი თანხები იყო საჭირო და უაამრავი რჩევის გათვალისწინებით ქართველიშვილი ამერიკაში ჩავიდა, სადაც ნიჭის განსავითარებლად მეტი რესურსი ეგულებოდა.

1927 წელს ამერიკელმა მილიონერმა და ავიაციის მეცენატმა ჩარლზ ლევინმა ქართველიშვილი სამუშაოდ ნიუ–იორკში მიიწვია და მათ ერთობლვად ააწყვეს ხომალდი, რომელსაც “Uncle Sam”-ი უწოდეს.

თუმცა ემიგრაცია ქართველიშვილისთვის მარტივი არ აღმოჩნდა, ლევინის კომპანიის გაკოტრების შემდეგ ქართველი გამომგონებელი შემოსავლის წყაროს გარეშე დარჩა და ლუკმა-პურის საშოვნელად ჭურჭლისა თუ მანქანებს მრეცხავადაც ხშირად უწევდა მუშაობა.

თუმცა, მოგვიანებით, 1931 წელს იგი შეხვდა თბილისელ ალექსანდრე სევერსკის, ცნობილი კორპორაცია “Seversky Aircraft Corporation”-ის პრეზიდენტსა და მთავარ ინჟინერს, რომლის კორპორაციაში შექმნილი მოდელებიც ქართველიშვილის გამანადგურებლების წინამორბედებად იქცა. 1939 წელს კომპანიას შეეცვალა სახელი და ეწოდა “Republic Aviacorporation”, რომლის ვიცე-პრეზიდენტად და მთავარ ინჟინრად დაინიშნა ალ. ქართველიშვილი. ამ დროისთვის იგი უკვე მსოფლიოში აღიარებული ავიაკონსტრუქტორი იყო.

თბილისური დუეტი მეორე მსოფლიო ომის დროს, ამერიკული საჰაერო ძალების წარმატების მთავარი სულისჩამდგმელი გახდა. მათი ერთობლივი შრომის შედეგია ყველაზე წარმატებული Republic P-47 “Thunderbolt” (“მეხთამფრქვევი”), რომელიც მეორე მსოფლიო ომის წლებში შეერთებული შტატების საჰაერო ძალების ერთ–ერთ მთავარ თვითმფრინავს წარმოადგენდა და დიდი როლი შეასრულა გერმანიაზე გამარჯვებაში. პრეზიდენტ რუზველტის მოთხოვნების სრულიად დაკმაყოფილება სწორედ ქართველმა ავიატორმა შეძლო.

ავიამშენებლობისა და აერონავტიკის დარგში დიდი დამსახურებისათვის ქართველ ინჟინერს მიღებული ჰქონდა აშშ მეცნიერების ეროვნული მედალი. იგი არჩეული იყო მრავალი საერთაშორისო საავიაციო საზოგადოებისა და ასევე აშშ–ის საინჟინრო აკადემიის საპატიო წევრად.

ალექსანდე ქართველიშვილი  1974 წელს, ნიუ-იორკში გარდაიცვალა. მას მემკვიდრე არ დარჩენია. აღსანიშნავია, რომ  მისი დისშვილი ცნობილი მხატვარი დიმიტრი ერისთავი გახლავთ.

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
გამოგონება - ინოვაციამანქანათმშენებლობამანქანათმშენებლობარობოტექნიკარობოტექნიკატექნოლოგიებიტრანსპორტი

5 რამ ტექნოლოგიის შესახებ, რაც აუცილებლად უნდა იცოდეთ

21-ე საუკუნეში ყოველდღიურად ძალიან ბევრ სიახლეს შეხვდებით ტექნოლოგიის სფეროში, რაც მსოფლიოში მომხდარ მოვლენებზე დიდ გავლენას ახდენს.
,,ბიზნეს ინსაიდერმა” შემოგვთავაზა 5 ყველაზე მნიშვნელოვანი რამ, რაც აუცილებლად უნდა ვიცოდეთ ტექნოლოგიის განვითარების შესახებ:

1. ავტომობილები მძღოლების გარეშე;
2. ხელოვნური ინტელექტის მქონე რობოტები;
3. მფრინავი ტაქსები;
4.  ჭკვიანი, მოსახერხებელი სახლის ატრიბუტები, რომლებიც თქვენი სურილისამებრ მოქმედებენ;
5. სახის იდენტიფიკაციის მქონე სმარტფონები.

წყარო: Businessinsider.com

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
მანქანათმშენებლობა

Volvo-ს ახალი ელექტრო ავტომობილი მოძრაობას შეწყვეტს, თუ აღმოაჩენს, რომ მძღოლს ყურადღება გაფანტული აქვს, ან ნასვამია

შვედურმა ავტო მწარმოებელმა კომპანია Volvo-მ გამოაცხადა, რომ  9 ნოემბერს წარმოადგენს ელექტრო ავტომობილს, Ex90-ს, რომელიც აღჭურვილი იქნება LiDAR და CAR სენსორებით, რათა დაადგინონ, თუ როდის არის მძღოლი დაბნეული, ნასვამი, ან  – ეძინება.
მძღოლის ყურადღებიდან გამომდინარე, EX90 შეძლებს ზომების მიღებას საჭიროების შემთხვევაში. თუ მძღოლი დაბნეულია და ყურადღება გაფანტული აქვს, კამერები რეაგირებას მოახდენს და ავტომობილი გასცემს გაფრთხილებას იმ მიზნით, რომ მძღოლმა გზას ყურადღება მიაქციოს, თუ მძღოლი რეაგირებას არ მოახდენს, მანქანა დაიწყებს შენელებას, საბოლოოდ კი სულ გაჩერდება და  ავარიული ციმციმა ჩაირთვება.
“ჩვენი კვლევა აჩვენებს, რომ მხოლოდ იმაზე დაკვირვებით, თუ სად იყურება მძღოლი, რამდენ ხანს და როგორ ხუჭავს თვალებს ბევრი რამის თქმა შეგვიძლია. კვლევის შედეგებზე დაფუძნებული გამოთვლებით, სენსორული სისტემა საშუალებას იძლევა ავტომობილმა „დადგინოს“ , არის თუ არა მძღოლის უნარი დაქვეითებული, ძილიანობის, კონცენტრაციის პრობლემის, გაფანტულობის და სხვა მიზეზის გამო“, – აღნიშნა Volvo-ს უსაფრთხოების ექსპერტმა, ემა ტივესტენმა.
კომპანიის განცხადებაში განმარტებულია, რომ თვალის სხვადასხვა მდგომარეობა მძღოლის სხვადასხვა მდგომარეობაზე მიანიშნებს, მაგალითად თუ მძღოლი გზას ძალიან ცოტა ხანს უყურებს შესაძლოს ის ავტომობილის მართვისას მოკლე ტექსტურ შეტყობინებას წერდეს, თუ ის პირიქით, ხანგრძლივად მიჩერებია გზას, შესაძლოა იმის ნიშანი იყოს, რომ გაფანტულია და მართვის დროს ყურადღება სხვა რამეზე აქვს გადატანილი.
Volvo-ს ავტომობილების ეს ახალი სისტემა „მძღოლების გაგების სისტემის“ სახელითაა ცნობილი.

წყარო : futurism.com

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
მანქანათმშენებლობასამხედროტექნოლოგიებიტრანსპორტი

კიდევ ერთი ახალი გამოგონება – მეხუთე თაობის სამხედრო თვითმფრინავი

ფრანგულმა ავიასამშენებლო კომპანიამ Dassault Aviation პირველი ევროპული მეხუთე თაობის სამხედრო თვითმფრინავის გამოსახულება გამოაქვეყნა, რომელმაც 4++ თობის თვითმფრინავები უნდა შეცვალოს – ისეთები, როგორებიცაა „Eurofighter Typhoon“ და „Dassault Rafale“.

ვიდეორგოლი, რომელსაც სააგენტო Asian Defence News თავის ოფიციალურ Youtube არხზე აქვეყნებს, წარმაოჩენს თვითმფრინავის ზოგად კონცეფციას და მხასიათებლებს.

მოდელის აეროდინამიკა მეექვსე თაობის ამეირკული  F/A-XX თვითმფრინავების აეროდინამიკის მსგავსია, მცირე განსხვავებებით.

როგორც ჩანს, თვითმფრინავი პილოტირებადი იქნება. მეტიც, მასში 2 პილოტი მოთავსდება.რასაკვირველია, არ არის გამორიცხული, რომ Dassault Aviation-მა მეხუთე თაობის სამხედრო თვითმფრინავის რამდენიმე ვერსია დაამზადოს, მათ შორის – უპილოტო საფრენი აპარატებიც.

 

წყარო : Inc.com

მასალა მოამზადა : ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
გამოგონება - ინოვაციამანქანათმშენებლობამანქანათმშენებლობა

გერმანიაში მფრინავი ტაქსის მოდელი შექმნეს

გერმანულმა კომპანია Lilium მფრინავი ტაქსის eVTOL-ის 7-ადგილიანი მოდელი წარადგინა. ამ მოდელის წარმოებაში ჩაშვება 2024 წლიდან იგეგმება. ამის შესახებ techcult წერს.

მფრინავი ტაქსის მოდელზე კომპანიამ მუშაობა 2018 წელს დაიწყო, ორი წლის შემდეგ კი EASA-ს სერტიფიკატი მიიღო.

eVTOL-ის სიჩქარე საათში 280 კილომეტრი იქნება. მფრინავი ტაქსი 3 000 მეტრის სიმაღლეზე გადაადგილდება.

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
მანქანათმშენებლობამანქანათმშენებლობამსოფლიოსაქართველო

საქართველოში წარმოებული თვითმფრინავის კომპოზიტური ნაწილების პირველი პროდუქცია „Boeing“-მა შეისყიდა

საქართველოში წარმოებული პირველი პროდუქცია მსოფილიო ავიაგიგანტ „Boeing “-სთვის დამზადდა.

„საპარტნიორო ფონდისა“ და ისრაელის კომპანია „Elbit Cyclone“-ის ერთობლივი პროექტის, თვითმფრინავების კომპოზიტური ნაწილების ქარხანამ ( ATC ) პროდუქციის შესყიდვასთან დაკავშირებით პირველი დოკუმენტი უკვე გააფორმა.

დოკუმენტს ხელი კომპანია „ელბიტ საიკლონის“ დირექტორმა დევიდ ვიდანმა და ATC – ის დირექტორმა არი ვეისბორტმა მოაწერეს.

საწარმომ სატესტო რეჟიმში მუშაობა დაასრულა და სარეალიზაციოდ პირველი პროდუქციის გამოშვება უკვე დაიწყო. ამ დროისთვის ქარხანაში 120-ზე მეტი ადამიანი მუშაობს, რომლებმაც კვალიფიკაციის ასამაღლებლად გადამზადება ისრაელის კომპანია „ელბიტ საიკლონის“ სპეციალისტებთან გაიარეს. სწავლება ეტაპობრივად გრძელდება. ქარხნის სრულად დატვირთვის შემდეგ საწარმო სულ 300-მდე ადამიანს დაასაქმებს.

ამ დროისთვის ქარხანაში (ATC) სერტიფიცირების პროცესი დასრულებულია. ამიერკავკასიაში პირველი თვითმფრინავების კომპოზიტური ნაწლების ქარხანა ISO-ს სერთიფიკატსა და მსოფლიო ავიაციის უმსხვილესი ავიაკომპანია „Boeing“-ის შესაბამისობის სერთიფიკატს ფლობს“, -ნათქვამია საპარტნიორო ფონდის მიერ გავრცელებულ ინფორმაციაში.

საპარტნიორო ფონდის საინვესტიციო დეპარტამენტის დირექტორის და პროექტის მენეჯერის ნინო ჩოლოყაშვილის თქმით, სამოქალაქო თვითმფრინავების კომპოზიტური ნაწილების მწარმოებელი ქარხანა ქვეყანაში ინვესტიციების მოზიდვისთვის საუკეთესო მაგალითია.

თვითმფრინავების ნაწილების მწარმოებელი ქარხნის მშენებლობას საფუძველი „საპარტნიორო ფონდმა“ ისრაელის კომპანია Elbit Cyclone-თან ერთად ჩაუყარა. პროექტის საინვესტიციო ღირებულება 93 მილიონი დოლარია. საუბარია საწარმოზე, რომელიც საქართველოში კომპოზიტური მასალებისგან სამოქალაქო თვითმფრინავების მაღალი სტანდარტის შესაბამის ნაწილებს, მათ შორის, თვითმფრინავის კარებებს, აეროდინამიკურ ზედაპირებს, საკონტროლო პანელებს და სხვა ნაწილებს ამზადებს. აღნიშნულ პროდუქციას საწარმო არამხოლოდ Boeing-ს, არამედ თვითმფრინავების მწარმოებელ ისეთ ცნობილ კომპანიებს მიაწვდის, როგორებიცაა: Airbus, Bombardier და სხვა.

www.fund.ge

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
მანქანათმშენებლობასაქართველო

საქართველოში პირველ სახანძრო-სამაშველო მანქანას ააწყობენ

საქართველოში პირველი ქართული სახანძრო მანქანას უკვე აწყობენ და ის საქართველოს რეგიონებში 2019 წლიდან გამოჩნდება. ამის შესახებ ინფორმაციას “რადიო თავისუფლება” ავრცელებს.
პროექტს საგანგებო სიტუაციების მართვის სამსახურის სამეცნიერო-ტექნიკური ცენტრი „დელტა“ და ავსტრიული კომპანია „როზენბაუერი” ახორციელებს.
საქართველოში აწყობილი სახანძრო-სამაშველო მანქანა ტესტირებას ავსტრიაში, „როზენბაუერის“ ბაზაზე გაივლის, რის შემდეგაც „დელტა“ ავტომანქანების სერიულ წარმოებას დაიწყებს.
როგორც სამეცნიერო ტექნიკური ცენტრ „დელტას” გენერალური დირექტორი, უჩა ძოძუაშვილი ამბობს, საქართველოში აწყობილი სახანძრო-სამაშველო მანქანა საერთაშორისო სტანდარტებს სრულიად დააკმაყოფილებს.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
მანქანათმშენებლობასაქართველო

მალე საქართველოში ელექტრო ავტომობილების წარმოება დაიწყება

საქართველოს პრემიერ-მინისტრმა, მამუკა ბახტაძემ „მწვანე პოლიტიკის“ სამოქმედო გეგმის იმპლემენტაციის პირველი ეტაპის პრეზენტაციაზე – „მწვანე პოლიტიკა – ეკოტრანსპორტი, განაცხადა რომ ამჟამად ქვეყანაში ელექტრომობილების ქარხნის მშენებლობის შესახებ მოლაპარაკებები მიმდინარეობს.
მისი განმარტებით, საქმე ორ უმსხვილეს კომპანიას ეხება, თუმცა ისინი არ დაუკონკრეტებია.
“დღეს ჩვენ განვაცხადებთ ახალი ინიციატივის შესახებ, რომლითაც დარწმუნებული ვარ, იამაყებენ მომავალი თაობები. საქართველოს მთავრობამ შეიმუშავა გეგმა, რომლის მიხედვითაც, შემდეგი ათი წლის განმავლობაში, საქართველოში მოქმედი ავტოპარკის 90% ჩანაცვლდება ელექტრომობილებით და შესაბამისად, საქართველო იქნება პირველი ქვეყანა, რომელიც ასეთ მოკლე ვადაში ჩაანაცვლებს თავის ავტოპარკს ელექტრომობილებით. ეს არის ძალიან ამბიციური გეგმა, მაგრამ ამავე დროს, ეს გეგმა ძალიან დიდ უპირატესობას მოუტანს საქართველოს“-განაცხადა მან.

ბახტაძის თქმით, საქართველოში ნომერ პირველი საიმორტო პროდუქტი საწვავია, ელექტრომობილებზე გადართვას კი, ამ შემთხვევაში, დამატებითი მაკროეკონომიკური ეფექტი ექნება ქვეყნისთვის.
პრემიერი ელექტრომობილების ღირებულებასაც შეეხო, „ ჩვენ ძალიან მნიშვნელოვან ფისკალურ სტიმულს მივცემთ ისეთ სალიზინგო სქემების ამუშავებას საქართველოში, რომლის მიხედვითაც მომხმარებელი შეიძენს ელექტროავტომობილს და ფაქტობრივად, იმ ხარჯის ეკონომიით, რასაც ის მიიღებს საწვავიდან დანაზოგი სახსრების მეშვეობით, ხუთწლიან ვადაში გამოისყიდის ავტომობილს, ფაქტობრივად, დამატებითი ხარჯების გარეშე“ – აღნიშნა მან.
აღსანიშნავია, რომ ელექტროავტომობილების რენესანსი თანამედროვე მსოფლიოში 2008 წელს დაიწყო, როცა საწვავის გაზრდილმა ფასმა და გარემოს დაბინძურების შემაშფოთებელმა სტატისტიკამ მწარმოებლები ეკომეგობრული პროდუქტის შექმნაზე დააფიქრა.
ელექტროავტომობილების მწარმოებელი ქვეყნების სათავეში, ავტომობილების საერთაშორისო ორგანიზაციის 2017 წლის სტატისტიკით, რა თქმა უნდა, ჩინეთი ლიდერობს. რაც შეეხება ქვეყნებს, რომლებშიც მსგავსი ტრანსპორტის კულტურა უკვე ნორმად იქცა, ამ შემთხვევაში აღსანიშნავი ნორვეგიის გასული თვის რეკორდია, როცა თითქმის 11000 ახალი ელექტროავტომობილი დარეგისტრირდა, რაც უკვე აისახა გარემო პირობებზეც,
„ელექტროავტომობილებზე მსგავსმა მოთხოვნამ ჰაერში ნახშირორჟანგის რაოდენობა დაახლოებით 55გ/კმ-ით შეამცირა, რაც თითოულ კილომეტრზე ავტომობილის მიერ გამოყოფილი მავნე კარბონის დიოქსიდის საშუალო რაოდენობაა“ – განაცხადა ქვეყნის საგზაო დეპარტმენტის ხელმძღვანელმა.

მასალა მოამზადა : თამარ დევდარიანმა

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
მანქანათმშენებლობამანქანათმშენებლობამსოფლიო

Volvo 360c – ავტონომიური მანქანა საძინებლით, ოფისითა და გასართობი სივრცით

შვედურმა ავტომწარმოებელმა კომპანია “ვოლვომ” ავტონომიური ავტომობილის ახალი 360C კონცეფცია წარმოადგინა. ეს გახლავთ 100 პროცენტით ავტონომიური მანქანა პლუს მობილური რელაქსაცია, რომელიც ითვალისწინებს მგზავრობისას ნაკლებ ჯდომას, მეტ კომფორტს და სოციალურ სივრცეს.

შვედური ავტომწარმოებელი კომპანიის მიზანია 360c -ის საშუალებით “უსარგებლო და მოსაწყენი მგზავრობა სასარგებლო და სასიამოვნო წუთებად ან საათებად აქციოს.” მეტიც, “ვოლვოს” სურს ახალი ტიპის ავტონომიურმა ავტომობილმა მოკლე მანძილზე ფრენების დროს თვითმფრინავი ჩაანაცვლოს.

კომპანიის კორპორაციული სტრატეგიის ხელმძღვანელის მარტინ ლევენსტანის განცხადებით 360c არის იმის დემოსნტრირება, თუ როგორ შეცვლის ავტონომიური ავტომობილები ზოგადად ავტოსამყაროს რომელსაც ჩვენ აქამდე ვიცნობდით.

360C კონცეფცია ითვალისწინებს ავტომობილში დასაძინებელი გარემოს, მობილური ოფისის, მისაღები ოთახისა და გასაართობი სივრცის შექმნას.

ავტონომიური მანქანის შექმნის იდეა, რასაკვირველია, ახალი არაა და ამაზე არაერთი ავტომწარმოებელი კომპანია მუშაობს, თუმცა ამბიცია, ავტომობილმა მოკლე მანძილზე ფრენები ჩაანაცვლოს, განსხვავებულად და უფრო მეტად ფუტურისტულია.

წყარო:   www.topgear.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტინა”

სრულად ნახვა
გამოგონება - ინოვაციაეს საინტერესოამანქანათმშენებლობატექნოლოგიებიტრანსპორტი

როგორი იქნება მფრინავი ტაქსები?

Rolls Royce-მა“ წარადგინა მფრინავი ტაქსის პროექტი.  როგორც კომპანიამ განაცხადა, მფრინავ ტაქსიში 5 ადამიანის მოთავსებაა შესაძლებელი. იგი გამორჩეული იქნება სისწრაფითა და გარედიზაინით, შესაძლოა, საქმე მსოფლიოს ყველაზე სასურველ ტრანსპორტთანაც კი გვქონდეს საქმე.

Rolls Royceეს არის ბრიტანული ავიაძრავების მწარმოებელი კომპანია, მას არანაირი შეხება არ აქვთ მანქანათმწარმოებელ კომპანიებთან.

მოსალოდნელია, რომ 2019 წელს უკვე ვიხილოთ ახალი პროდუქტი, რაც კიდევ ერთხელ ამტკიცებს იმ რეალობას, რომ სამყარო შეუჩერებლად მიიწევს წინ. რაც წარმოუდგენლად მიგვაჩნდა – ახლა უკვე რეალობად იქცა.

წყარო: Engadget.com

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
1 2 3 5
Page 1 of 5