მიმდინარე კვირას სან–ხოსეში გამართულ ,,Facebook-ის” ყოველწლიურ კონფერენციაზე მარკ ცუკერბერგმა საზოგადოებას მომავალი 10 წლის გეგმა გააცნო.
,,Business insider-ის” ცნობით, გეგმაზე მუშაობა კომპანიაში უკვე აქტიურად მიმდინარეობს.
კონფერენციაზე მარკ ცუკერბერგმა უფრო დეტალურად განიხილა და გააორმაგა განვითარების 10-წლიანი გეგმის მიზნები, რომლის შესახებაც პირველად 2016 წელს ისაუბრა. პრეზენტაცია ძირითადად ასახავდა სოციალური ქსელის განვითარების სამ ეტაპს:
- ტექნოლოგიურ განვითარებას.
2.პროდუქტის შექმნას, რომელიც დაეფუძნება ამ ტექნოლოგიებს.
- ამ ყველაფრისთვის სისტემური სახის მიცემას, სადაც დეველოპერებს და სხვადასხვა კომპანიას შესაძლებლობა ექნებათ გამოიყენონ ზემოხსენებული ტექნოლოგიები თავიანთი ბიზნესის შექმნისთვის.
გეგმას საფუძვლად დაედო მოლოდინი, რომ 2026 წლისთვის მსოფლიოს მთელ მოსახლეობას ექნება წვდომა ინტერნეტთან, რაშიც მათ ,,ფეისბუკის” კიდევ ერთი ინტერნეტმომარაგების გლობალური პროექტი დაეხმარება.თუმცა, ყველაზე მნიშვნელოვანი ცვლილება, რომლის დანერგვასაც ,,ფეისბუკი” აპირებს, არის ვირტუალური რეალობის სათვალე. მსგავსი გაჯეტი შექმნილია იმისთვის, რომ დროთა განმავლობაში დაიკავოს სმარტფონის, ტაბლეტის, ტელევიზორისა ან სხვა ნებისმიერი იმ მოწყობილობის ადგილი, რომელსაც მონიტორი აქვს.
ცუკერბერგის თქმით, ხელოვნური ინტელექტი იმდენად განვითარდება, რომ მომავალში, კომპიუტერებს ისევე მარტივად გავესაუბრებით, როგორც ახლა ჩვენს მეგობრებთან ვამყარებთ კომუნიკაციას.
გარდა ამისა, ვირტუალური სათვალის ტარებისას ყველას ექნება შესაძლებლობა დაბეჭდოს ტვინით ანუ რასაც გაიფიქრებს, ავტომატურად ტექსტად აქციოს. აღსანიშნავია ისიც, რომ მისი მეშვეობით, სოციალური ქსელების მომხმარებლებს შეეძლებათ ვირტუალურად ,,დრო გაატარონ” სხვა ადამიანებთან, რაც ამ ქსელების მოდელს საერთოდ ცვლის. მიუხედავად იმისა, რომ მსგავსი შესაძლებლობა ამაღელვებლად ჟღერს, ის, თავის მხრივ, საკმაო საფრთხის ქვეშ აყენებს კლიენტის პირად მონაცემებს. ვინაიდან ,,ფეისბუკს” საშუალება ექნება გააკონტროლოს ყველაფერი, რასაც ის ისმენს, აკეთებს ან, თუნდაც, ფიქრობს.
როგორც ,,ფეისბუკის” დაქვემდებარებაში მყოფი კომპანია “,,culus -ის” მთავარი მეცნიერი – მაიკლ აბრაში – ამბობს, არათუ 10, არამედ 5 წელი დარჩა მანამდე, სანამ სათვალე მასობრივი მოხმარების პროდუქტად იქცევა.
წყარო: Business insider
მასალა მოამზადა: ლაშა ჯინჭარაძემ
ახალგაზრდა ანალიტიკოსთა და მეცნიერთა დარბაზი – ,,დოქტრინა”
0
