მედიცინა

მეცნიერებმა წებოს მსგავსი ნივთიერება შექმნეს, რომელიც  დაზიანებულ კანს ნაწიბურების გარეშე ახორცებს.

ახალი ნივთიერება შეხორცების ძალას ორკარედიანი ნიჟარებისგან „სესხულობს.“  როცა კანზე ღრმა დაზიანებაა, ის თავის თავს კოლაგენის საშუალებით ავსებს. ეს აღმდგენი პროტეინი ნორმალური კანის მთავარი ინგრედიანტია, თუმცა როცა ის ჭრილობას ფარავს, კოლაგენის ბოჭკო ნაწიბურს წარმოქმნის.

ექიმები ყველაფერს აკეთებენ იმისთვის, რომ რაც შეიძლება პატარა ნაწიბური წარმოიქმნას, თუმცა მისი სრულიად აცილება ჯერჯერობით ვერ მოახერხეს.

ერთი ვარიანტი, რომელიც ჭრილობის შეხორცებას უწყობს ხელს, სუპერწებოში შემავალ ქიმიურ ნივთიერებებზე დაფუძნებული წებოვანი ნივთიერების შექმნაა. თუმცა ქიმიური წარმოშობის წებომ შესაძლოა კანის გაღიზიანება, ან გამოშრობა გამოიწვიოს.

არსებობს ასევე ნივთიერება, რომელსაც დეპრინინი ეწოდება და რომელიც კოლაგენის  ნეატურ სტრუქტურაში ორგანიზებას უწყობს ხელს, მაგრამ ის საკმაოდ ძვირადღირებულია და სამწუხაროდ, საკმაოდ რთულია სამედიცინო მიზნებისთვის მისი საკმარისი რაოდენობით წარმოება.

კორეელი მკვლევარების გუნდი დაინტერესდა ორკარედი ნიჟარაზე დაფუძნებული წებოს წარმოებით, ვინაიდან ამ არსებას ოკეანის ქვებზე მიწებების საოცარი უნარი აქვს. ქირურგიულ წებოს კი სველ გარემოში მოქმედების უნარი უნდა ჰქონოდა.

სამხრეთ კორეის მეცნიერებისა და ტექნოლოგიის უნივერსიტეტის მეცნიერებმა ორკარედი ნიჟარის წებოვანი კოლაგენისა და პეფტიდის კომბინაციით ნაიარევის საწინააღმდეგო წებო შექმნეს

ინსპირირებული მექანიზმები, რომლებიც დეპიინს იყენებენ კოლაგენის კანში, მეცნიერებმა სამხრეთ კორეის მეცნიერებისა და ტექნოლოგიის მეცნიერებათა დოქტორმა პოგანგის უნივერსიტეტმა გამოუშვა ახალი ნაცრისფერი წებოს მუსელის წებოვანი პროტეინი, რომელიც აერთიანებს პეპტიდს, რომელიც აყალიბებს კოლაგენს.

მკვლევარებმა აღმოაჩინეს მათი ახალი წებოს შესახებ ვირთხებში, რომლებიც გავრცელდა ღრმა, 8 მმ-იანი სიგრძის (0.3 ინჩი) ჭრილობებით და დაფარავს მათ პლასტმასისთვის, რათა შეინარჩუნონ სამკურნალო გარემო ტენიანი. შედარებისთვის, ვირთხების კონტროლის ჯგუფი მხოლოდ პლასტმასის საფარით მხოლოდ ახალი წებულის გარეშე მოიპოვა.

წყარო:  https://www.sciencealert.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

მეცნიერები სიმელოტისა და გაჭაღარავების საწინააღდეგო მალამოს შექმნაზე მუშაობენ.

უჯრედები, რომლებიც თმას ქმნის და მას ნაცრისფერ შეფერილობას აძლევს, მკვლევარებმა შემთხვევით მაშინ აღმოაჩინეს, როცა ისინი ზოგიერთი სიმსივნის წარმოშობას იკვლევდნენ.

ექსპერტები ვარაუდობენ, რომ მალე შესაძლოა სამეცნიერო სფეროში გარღვევა მოხდეს –  სიმელოტისა და გაჭაღარავების სამკურნალო საშუალება აღმოაჩინონ და დაადგინონ, რატომ ვბერდებით.

„იმედი გვაქვს, ეს ცოდნა დაგვეხმარება, რომ მომავალში სიმელოტესთან და გაჭაღარავებასთან დაკავშირებული კოსმეტიკური პრობლემა სპეციალური ნაერთის საშუალებით, ან თმის ფოლეკულებისთვის საჭირო გენის მიწოდებით გამოვასწოროთ,“ –  განაცხადა ტეხასის UT სამხრეთ დასავლეთ სამედიცინო ცენტრის დერმატოლოგიის პროფესორმა დოქტორმა  -ლუ ლემ.

კვლევამ, რომელიც სამეცნიერო ჟურნალ ,,Genes & Development-ში” გამოქვეყნდა, აღმოაჩინა, რომ პროტეინი KROX20, რომელიც უფრო ხშირად ასოცირდება ნერვულ განვითარებასთან, იმ კანის უჯრედებში აღმოჩნდა, რომლებიც თმის ღერები ხდებიან.

თმის ეს წინამორბედი ანუ პროგენტორი უჯრედები შემდეგ პროტეინს წარმოქმნიან რომელსაც  ღეროვანი უჯრედების ფაქტორი (SCF) ეწოდება, რაც აუცილებელია თმის პიგმენტაციისთვის.

როდესაც მეცნიერებმა თაგვების თმის პროგენიტ უჯრედებს SCF გენი მოაცილეს, მათ თმა გაუთეთრდათ. ხოლო როცა  KROX20 -ის წარმომქმნელი უჯრედები წაშალეს, თაგვები გამელოტდნენ.

პროფესორმა ლემ ეს აღმოაჩინა მაშინ გააკეთა, როცა იშვიათ გენეტიკურ დაავადება Neurofibromatosis Type 1-ის სწავლობდა, რომელიც ნერვებზე სიმსივნის ზრდას იწვევს.

წყარო: Dailymail

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

,,მუსიკა ფლობს მაგიურ ძალას, წამიერად ახდენს გაფანტული გონების კონცენტრაციას და ამშვიდებს აფორიაქებულ სულს“ – უილიამ კონგრივი.

მუსიკით თერაპიას ბევრი ძველი ხალხი აღიარებდა. ამ მეთოდით მკურნალობა დღესაცაა შენარჩუნებული ბევრ პირველველყოფილ ხალხთან.

ავსტრალიის აბორიგენებში მკურნალის სამედიცინო ინსტრუმენტთა შორის მუსიკალურ საკრავებსაც შეხვდებოდით. ექიმს სალამურის მთელი ნაკრები ჰქონდა. თითოეულ მათგანს, მისი აზრით, ამა თუ იმ ავადმყოფობის დამარცხება შეეძლო.

ბევრი მუსიკით მკურნალობის ფუძემდებლად პითაგორას მიიჩნევს, რომელიც ავადმყოფებს ქნარზე (ლირაზე) შესრულებული მუსიკით მკურნალობდა.

არაერთი კვლევა ადასტურებს, რომ მელოდიით გამოწვეული სასიამოვნო ემოციები აძლიერებს თავის ტვინის ქერქის აქტიურობას, აუმჯობებესებს ნივთიერებათა ცვლას, ასტიმულირებს სუნთქვას და სისხლის მიმოქცევას.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

ქვეყანა “პოსტანტიბიოტიკის” ეპოქის ზღვარზეა, რომელშიც ინფექციებს მხოლოდ სუფთა ჰაერით და მზით განკურნავენ, ამის შესახებ ინგლისის მთავარმა სამედიცინო ოფიცერმა განაცხადა.

დეიმ სალი დევისის განცხადებით, ის განსაკუთრებით შეშფოთებულია გონორეის არასტაბილური შტამების გავრცელების გამო, რომლებიც  ქვეყნის ზოგიერთ ტერიტორიაზე თანდათან იზრდება.

იგი ასევე შეშფოთებულია ტუბერკულოზის რეზისტენტული ფორმების წარმოქმნის გამო, რომლებსაც ანტიბიოტიკებზე რეაგირება არ აქვთ.

მისი თქმით, თუ მედიკამენტების მიმართ რეზისტენტული ბაქტერიების გავრცელება გრძელდება, ეს 2050 წლისთვის 10 მილიონზე მეტი ადამიანის სიცოცხლეს შეიწირავს. რეზისტენტული დაავადებები ანტიბიოტიკების გამოყენების დაწყებიდან რამდენიმე ათწლეულში გაჩნდა.

შარშან ყოფილმა კანცლერმა ჯორჯ ოზბორნმა განაცხადა, რომ რეზისტენტული დაავადებები კაცობრიობას უფრო დიდ საფრთხეს უქმნის, ვიდრე კიბო.

„თუკი ვერ მოვიგებთ ბრძოლას მედიკამენტების მიმართ რეზისტენტული ინფექციების წინააღმდეგ, მოგვიწევს სუფთა ჰაერზე, მზის სხივებსა და ჰიგიენისკენ დაბრუნება. თუ ი საბოლოო ჯამში შტამები ყველა ანტიბიოტიკას მიმართ რეზისტენტულად იქცევიან, მოგვიწევს მკურნალობის მოძველებული მეთოდებისკენ დაბრუნება – ეს კი ძალიან ცუდად ჟღერს. მაგალითად, შესაძლოა მედიკოებს ბაქტერიების ჩამოსარეცხად ვერცხლისწყლისა და იოდის გამოყენება მოუხდეთ, ან დაავადების მოკვლის იმედით ავადმყოფი 43 გრადუსამდე გაცხელებულ ყუთში ჩასვან,“ –  განაცხადა დეიმ სალი დევისმა ლონდონში გამართულ ჯანდაცვის კონფერენციაზე. “1932 წელს ტუბერკულოზით დაავადებულ ბავშვებს სუფთა ჰაერითა და მზით მკურნალობდნენ – ეს იყო საუკეთესო საშუალება მაშინ. თუმცა, ჩვენი შვილიშვილებისთვის ეს მეთოდი ეფექტური არ იქნება, ამიტომ რაღაც უნდა მოვიმოქმედოთ,“ –  დასძინა მან.

რეზისტენტული ბაქტერიების ზრდა ნაწილობრივ ანტიბიოტიკების ძალიან ხშირად გამოყენებამ განაპირობა. ექიმებს მოუწოდეს, რომ ანტიბიოტიკების გამოყენება შეამცირონ. ამის შედეგად, შარშან ანტიბიოტიკების გამოწერა 7 პროცენტით შემცირდა.

2015/16 წლებში ანტიბიოტიკების 34.3 მილიონი რეცეპტი გაიცა, 2014/15 წლებში კი – 37 მილიონი.

წყარო: Dailymail

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”