close

მსოფლიო

ანალიტიკამსოფლიოპოლიტიკატექნოლოგიები

უკრაინაზე ჰაკერული თავდასხმა განხორციელდა

1.53K views on

  უკრაინის ხელისუფლების ინსტიტუტებსა და ინფრასტრუქტურაზე ჰაკერული შეტევა განხორციელდა. ეროვნული ბანკი, ყველაზე დიდი აეროპორტი და სხვა სერვისცენტრები, შეტევის შედეგად, სრულიად პარალიზებულია. გავრცელებული ინფორმაციით, კომპიუტერის ეკრანზე ჩნდებოდა ტექსტი ინსტრუქციით, რომ ინფორმაციისა და დოკუმენტების აღსადგენად საჭირო იყო 300$-ის გადახდა.

პრემიერ-მინისტრის მოადგილის, როჟენკო პავლოს განცხადებით, უკრაინის ხელისუფლების სხვა წევრებიც ვერ ახერხებდნენ თავიანთ კომპუტერებსა და პერსონალურ მონაცემებთან წვდომას.

ანალიტიკოსების შეფასებით, ვირუსი სახელად „Petrwrap-ი“ ან „Petya“ ძალიან წააგავს ე.წ WannaCry-ის ვირუსს, რომელმაც წინა თვეში 230 000 კომპიუტერი დააზიანა 150 ქვეყანაში.

ეროვნული ბანკის განცხადებით, უკრაინაში მოქმედი ბანკების უმეტესობას ჰქონდა პრობლემები კლიენტების მომსახურებასა და საბანკო ოპერაციებთან დაკავშირებით.

ბორისპილის აეროპორტში გაითიშა კომპიუტერები და საინფორმაციო დაფები.

ამასთან, ჩერნობილის რადიაციულ ზონაში, პასუხიმგებელი პირები იძულებულნი გახდნენ რადიაციის მექანიკურ კონტროლზე გადასულიყვნენ.

საფოსტო სერვისი,  სატელევიზიო არხები და სატრანსპორტო სისტემაც ვერ ფუნქციონირებდა ჰაკერული შეტევის შედეგად. მოსახლეობა ვერ ახერხებდა მეტროთი გადაადგილებას და მგზავრობის საფასურის საბანკო ბარათებით გადახდას.მწყობრიდან გამოვიდა ბანკომატების უმეტესობაც.

რუსეთის ხელისუფლების კომპანიის, „როზნეფტის“ წარმომადგენლის განცხადებით, ჰაკერულმა შეტევამ მასაც მიაყენა ზიანი: „ამ შეტევას შეეძლო სერიოზული საფრთხე შეექმნა. თუმცა, მალევე გადავერთეთ სარეზერვო კონტროლის სისტემაზე. შესაბამისად, ნავთობის პროდუქციისა და მომზადების სამუშაოები არ შეწყვეტილა.“

ჰაკერული შეტევისთვის უკრაინა ბრალს რუსეთის ფედერაციას სდებს. თუკი გავითვალისწინებთ, რომ 2015 წლის დეკემბერშიც განხორციელდა მსგავსი თავდასხმა, როდესაც დასავლეთ უკრაინის მოსახლეობის უმეტესობას ელექტროენერგიის მიწოდება შეუწყდა.

საფრანგეთის ეროვნული კიბერუსაფრთხოების სააგენტოს ხელმძღვანელის განცხადებით,მოქმედება საჭიროა გლობალური მასშტაბით: „ნათელია, რომ ჩვენ ვუახლოვდებით ომის მდგომარეობას- ომის, რომელიც იქნება უფრო რთული, ვიდრე აქამდე გამოგვიცდია“.

 

 

წყარო: The Indipendent

მასალა მოამზადა: ცირა შვანგირაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
დედამიწაკვლევებიმედიცინამსოფლიო

მეცნიერები: მსოფლიოს მოსახლეობის დაახლოებით სამ მეოთხედს სიცხისგან დაღუპვა ემუქრება  

2.23K views on

მეცნიერები გვაფრთხილებენ: იმ შემთხვევაში, თუ სათბური გაზების ატმოსფეროში გამოყოფა გაგრძელდება, მომავალი 80 წლის მანძილზე მსოფლიოს მოსახლეობის დაახლოებით სამ მეოთხედს პაპანაქება სიცხისგან დაღუპვა ემუქრება.

სამეცნიერო ნაშრომების მიმოხილვამ აჩვენა, რომ მსოფლიოში 1,900-ზე მეტი ადგილია, სადაც 1980 წლიდან ადამიანები სიცხისგან იღუპებიან. მაგალითად 2010 წელს მოსკოვში სიცხისგან 10,800-ზე მეტი ადამიანი დაიღუპა,  დაახლოებით 4,900 ადამიანის სიცოცხლე შეეწირა მაღალ ტემპერატურას პარიზში 2003 წელს, სიცხის შედეგად 740 ადამიანი გარდაიცვალა ჩიკაგოში 1995 წელს.

მეცნიერების შეფასებით, თუკი ნახშირბადის გამონაბოლქვის დონე მოიმატებს,  ეს მონაცემები საუკუნის ბოლოსთვის  დაახლოებით 74 პროცენტით გაიზრდება.

მათივე მტკიცებით, კლიმატი იმდენად სწრაფად იცვლება  იცვლება, რომ ნაკლებად სავარაუდოა, ადამიანებმა მომატებულ ტემპერატურასთან გამკლავება შეძლონ. დათბობის სწრაფი ტემპი – ერთ-ერთი კვლევის თანახმად, ადამიანის აქტივობა კლიმატის ცვლილებას 170-ჯერ უფრო სწრაფად იწვევს, ვიდრე ბუნებრივი ძალები – უკვე მრავალ მცენარისა და ცხოველის სახეობის უქმნის პრობლემას.

ჟურნალ ,,Nature Climate Change-ში” გამოქვეყნებული კვლევის თანახმად, გლობალური დათბობა ადამიანის სიცოცხლეს საფრთხეს უქმნის.

ადამიანებს შეუძლიათ 37C (98.6 F)-ზე მაღალ ტემპერატურას გაუძლონ, თუ ისინი სითბოს დაკარგვას შეძლებენ, ძირითადად, ოფლიანობით. მაგრამ მაღალი ტენიანობის დროს, როდესაც ჰაერი წყლის ორთქლით გაჯერებული ხდება, ეს პროცესი ხდება ,,არაეფექტური”, ვინაიდან ოფლი ორთქლდება კანიდან.

ტენიანობის პირობებში სიკვდილი შესაძლოა 37C- ზე ნაკლებმა ტემპერატურამაც გამოიწვიოს, რადგან სხეული მნიშვნელოვან სითბოს წარმოქმნის – დასვენებისას დაახლოებით 100 ვატს.

მეცნიერების დასკვნით, სასიკვდილო კლიმატური პირობების ზემოქმედების შედეგები კიდევ უფრო გამწვავდება ასაკიან მოსახლეობაში. სიცხის ეფექტს ამწვავებს მზარდი ურბანიზაციაც.

 

წყარო: http://www.independent.co.uk

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

სრულად ნახვა
ბიზნესიისტორიამსოფლიოპოლიტიკა

ბიზნესელიტისა და სახელმწიფოს ცნობილი დაპირისპირებები

1.75K views on

 

ამერიკელები, ერთი მხრივ, არ იყვნენ დიდი კორპორაციბის წინააღმდეგნი, მაგრამ, მეორე მხრივ, ისინი პოლიტიკურ დონეზე ყოველთვის უნდობლობით იყვნენ განწყობილნი ეკონომიკური ძალაუფლების ერთ ხელში კონცენტრირების მიმართ.

კერძოდ, ,,Standard Oil-ისა” და სხვა მსხვილი კორპორაციების მხრიდან მცირე ზომის კომპანიების შთანთქმების და ბაზრის მონოპოლიზირების მცდელობების შედეგად გაჩნდა შერმან–კლეიტონის ანტიმონოპოლიური კანონი. გაერთიანებების ტალღა სახელმწიფომ შეაჩერა. ფრანკლინ რუზველტის „ახალი კურსის“ დაწყებას წარმოების სტრუქტურაში ის ცვლილებები მოჰყვა, რომლებიც დიდი ხნის განმავლობაში, რეიგანის ოთხმოციანებამდე იყო გაბატონებული, როდესაც მასიური შთანთქმების ახალი ტალღა წამოვიდა. აღსანიშნავია, რომ ისეთ ქვეყნებში, როგორიცაა – საფრანგეთი, იტალია და ტაივანი, სადაც სუსტი იყო საშუალო ზომის ორგანიზაციები, სახელმწიფოს ჩარევა მსხვილი კორპორაციების ხელშეწყობისკენ იყო მიმართული, აშშ–ში კი, პირიქით – ჩარევის ძირითადი მიზანი ასეთი გაერთიანებების შეკავება იყო. ამერიკული კომპანიების სტიქიური ტენდენცია იყო არა დაშლა და დანაწევრება, არამედ ზომების გაზრდა იმ დონემდე, რომლის დროსაც ბაზრის მონოპოლიზაცია ან მასშტაბის ეფექტი სერიოზულ პრობლემას არ წარმოადგენდა.

 

წყარო: Harvard business review

მასალა მოამზადა:  ლაშა ჯინჭარაძემ

ახალგაზრად ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ანალიტიკამსოფლიოპოლიტიკა

რამდენი დაუჯდება დიდ ბრიტანეთს ეროკავშირის დატოვება?

1.56K views on

თუკი ბრიტანეთი ევროკავშირის წევრი ქვეყნების რიგებს დატოვებს, ეს მნიშვნელოვან ზიანს მიაყენებს ევროკავშირს, მათ შორის, ფინანსური თვალსაზრისითაც. ამიტომ, ვევროკავშირს სურს მიაღწიოს მომგებიან შეთანხმებას ბრიტანეთთან, რათა დარწმუნდეს, რომ იგი შეასრულებს ყველა იმ ფინანსურ ვალდებულებას, რაც წევრობის განმავლობაში ჰქონდა აღებული.

რამდენი სურს ევროკავშირს?

ზუსტი პასუხის გაცემა ამ ეტაპზე შეუძლებელია. საბოლოოდ საკითხი მოლაპარაკებების დასრულების შემდეგ გადაწყდება. რამდენიმე დღის წინ პროფესორმა ლეინ ბეგმა, „გაერთიანებული სამეფო შეცვლილ ევროპაში“ ინიციატივის ფარგლებში, გამოაქვეყნა ანგარიში, სადაც, წინასწარი შეფასებით, სავარაუდო თანხა, რაც ბრიტანეთმა უნდა გადაიხადოს ევროკავშირის დატოვებისთვის, არის 100 მილიარდი ევრო, რომელიც მოიცავს:

  • 86, 4 მილიარდი ევრო იმისთვის, რომ წევრობის განმავლობაში აღებული ვალდებულებები შესრულდეს. მათ შორის, 20 მილიარდი ევრო, რომ დაიფაროს ევროკავშირის 2019-2020 წლის ბიუჯეტი, რომელზეც ბრიტანეთი, თავის დროზე, დათანხმდა;
  • 11,5 მილიარდი ევრო იმ შემთხვევისთვის, თუკი ორგანიზაციები ან სახელმწიფოები (მაგალითად, ირლანდია ან უკრაინა) ვერ შეძლებენ ევროკავშირისგან აღებული ვალის გადახდას;
  • 1,7 მილიარდი ევრო განვითარების პროგრამისთვის აფრიკაში, კარიბისა და წყნარი ოკეანის რეგიონში;

აღსანიშნავია, რომ ევროკავშირი არ მოითხოვს მთლიან თანხას ერთდროულად და მზადაა, რომ ბრიტანეთთან ერთად გადახდის ალტერნატიული გეგმები შეიმუშავოს. სწორედ ამაზე მიმდინარეობს მოლაპარაკებები ამჟამად.

ბრიტანეთის რეაქცია

პრემიერ მინისტრის, ტერეზა მეის განცხადებით, ის იზიარებს და ეთანხმება მოსაზრებას, რომ ბრიტანეთს ევროკავშირის წინაშე ვალდებულებები აქვს აღებული. თუმცა, არსებობს გარკვეული ფინანსური საკითხები, რომლებიც მოლაპარაკებებს საჭიროებს.  ზოგიერთი პოლიტიკოსი არ ერიდება უფრო მწვავე რეაქციების გამოხატვას. ერთ-ერთ შეხვედრაზე  ბრიტანეთის წარმომადგენელმა, დეივის დეივისმა, ევროკომისიის პრეზიდენტსა და მთავარ მომლაპარაკებელ, მაიკლ ბარნერთან, პირდაპირ განაცხადა, რომ ევროკავშირ-ბრიტანეთს შორის დადებულ ხელშეკრულებაში არაფერი იყო ისეთი, რომელიც ბრიტანეთს 1 პენის გადახდასაც კი ავალდებულებდა კავშირიდან გასვლის შემთხვევაში. ეს პოზიცია გაიზიარა ლორდთა პალატის ზოგიერთმა წარმომადგენელმაც. თუმცა, თუკი ბრიტანეთს სურს, რომ წვდომა ჰქონდეს ევროკავშირის ბაზარსა და სხვა წევრი ქვეყნების ეკონომიკებთან, ფინანსების საკითხზე შეთანხმების მიღწევას გადამწყვეტი მნიშვნელობა ექნება.

რა არის ბრექსიტის ლეგალური საფუძველი?

50-ე მუხლი წარმოადგენს გეგმას და მოქმედების ლეგალურ საფუძველს იმ შემთხვევისთვის, თუკი ევროკავშირის რომელიმე წევრ ქეყანას მისი დატოვება მოუნდება. იგი შეიქმნა, როგორც ლისაბონის ხელშეკრულების ნაწილი – ხელშეკრულება, რომელსაც ხელი ყველა წევრმა ქვეყანამ მოაწერა და ძალაში 2009 წელს შევიდა. ლისაბონის ხელშეკრულებამდე არ არსებობდა რეალური მექანიზმი კავშირის დატოვების რეგულირებასთან მიმართებით.

50-ე მუხლის მიხედვით, ევროკავშირის ნებისმიერმა ქვეყანამ, თუკი ის აპირებს დატოვოს ერვროკავშირი, უნდა გააფრთხილოს ევროპული საბჭო და დაიწყოს მოლაპარაკებები ევროკავშირთან, შეთანხმების მისაღწევად მხარეებს 2 წელი ეძლევათ. რაც შეეხება დიდ ბრიტანეთს, ამ გეგმის მიხედვით, იგი ევროკავშირს 2019 წლის 29 მარტს დატოვებს. ვადა შესაძლოა გადაიწიოს, თუკი ევროკავშირის ყველა წევრი ქვეყანა შეთანხმდება განახლებულ თარიღზე.

 

მასალა მოამზადა: ცირა შვანგირაძემ

წყაროები: BBC, The Guardian

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
კომუნიკაციამსოფლიოტექნოლოგიები

,,Google-ი” ტერორიზმისა და ძალადობრივი ექსტრემიზმის წინააღმდეგ ზომებს ამკაცრებს

1.79K views on

ამერიკული კორპორაცია ,,Google Inc-ი” ,,YouTube-ის “ვიდეოგაზიარების პლატფორმაზე ტერორისტული ან ძალადობრივი ექსტრემისტული შინაარსის გამოსავლენად და აღმოსაფხვრელად ზომებს ამკაცრებს.

კომპანიის ინფორმაციით, ,,Google-ს” უფრო მკაცრი დამოკიდებულება ექნება რელიგიური შინაარსის მქონე ვიდეოებზე, თუნდაც ისინი აშკარად არ არღვევდნენ კომპანიის პოლიტიკას.

Google-ი ასევე აპირებს, მეტი საინჟინრო რესურსი გამოიყენოს და გაზარდოს თავისი ტექნოლოგიის გამოყენება ექსტრემისტული ვიდეოების დასადგენად. კომპანია შინაარსის კლასიფიკატორებს გადაამზადებს, რათა ასეთი შინაარსის ვიდეოები სწრაფად დაადგინონ და ამოშალონ.

„მიუხედავად იმისა, რომ წლებია ვმუშაობთ იმ შინაარსის დასადგენად და ამოსაშლელად, რომელიც ჩვენ პოლიტიკას არღვევს, რეალობა არის ის, რომ კიდევ მეტის გაკეთებაა საჭირო,“ – განაცხადა კომპანიის გენერალურმა კონსულმა – კენტ უოლკერმა.

Google-ი გააფართოებს თანამშრომლობას კონტრტერორისტულ ჯგუფებთან, რათა გამოავლინონ შინაარსი, რომელიც შეიძლება გამოყენებულ იქნეს ექსტრემისტების რადიკალიზაციასა და რეკრუტირებისთვის.

კომპანია ასევე დაუკავშირდება პოტენციურ ისლამურ სახელმწიფო რეკრუტებს მიზნობრივი ონლაინ რეკლამის საშუალებით და გადართავს მათ ანტიტერორისტულ ვიდეორგოლებზე, რათა გაწევრიანების შესახებ აზრი შეაცვლევინოს.

სოციალური მედია საშუალებებს სულ უფრო აქტიურად გამოიყენებს ტერორისტული ორგანიზაციები. ამ გზით წარმოებს ინფორმაციის გაცვლა და კომუნიკაცია, იდეოლოგიის გავრცელება, დაქირავების პროცესი და ტრენინგები.

ყველაზე აქტიურად სოციალური მედიის საშუალებებს გამოიყენებს ისლამისტურ – ჯიჰადისტური ტერორისტული ორგანიზაციები. მაგალითად, ალ -ქაიდას მიერ ხშირად გამოიყენება ,,Facebook-ის”, ,,Twitter-ისა” და ,,YouTube-ის” არხები „ისლამის მებრძოლთა“ დაქირავებისთვის და ფუნდამენტური ისლამის იდეოლოგიის გავრცელებისთვის. ის აგრეთვე, ცდილობს სულ უფრო მეტი მომხრე შეიძინოს, განსაკუთრებით, დასავლეთში. გარდა ამისა, სოციალური ქსელები აქტიურად გამოიყენება ტერორისტულ ორგანიზაციებს შორის ინფორმაციისა და რჩევების გასაცვლელად.

სოციალური მედია საშუალებებით, და ზოგადად ინტერნეტით ტერორისტული ორგანიზაციები ავრცელებენ ექსტრემისტულ მასალებსა და იდეებს, რაც მათ საშუალებას აძლევს მოახდინონ რეკრუიტმენტი დაფუძნებული იდეოლოგიურ მოტივზე, ყოველგვარი შუამავლის გარეშე.

 

წყარო:   http://www.reuters.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
მსოფლიოპოლიტიკასამხედრო

რუსეთი არქტიკის რეგიონში ახალ სამხედრო ბაზას აშენებს

2.4K views on

 რუსეთის ახალი სამხედრო ბაზის, „არქტიკული ტრეფოილის“, მშენებლობა თითქმის დასრულებულია. იგი არქტიკის რეგიონში, ფრანც იოსების მიწაზე, იზოლირებულ არქიპელაგზეა განლაგებული. რუსეთისათვის არქტიკის რეგიონი წარმოადგენს რესურსებით მდიდარ, სტრატეგიულად მნიშვნელოვან ტერიტორიას.

სამხედრო ბაზის ფართობი 14 000 კვ. მეტრია და წარმოადგენს აქტიკაზე არსებულ, რუსეთის მეორე სამხედრო ბაზას, რომლის ოფიციალური და უპირველესი დანიშნულება საჰაერო თავდაცვის უზრუნველყოფაა.

აღსანიშნავია ისიც, რომ რუსეთი აქტიურად ცდილობს ამ რეგიონში თავდაცვისუნარიანობის  გაუმჯობესებას და 4 სხვა სამხედრო ბაზის მშენებლობითაცაა დაკავებული. (Rogachevo, Cape Schmidt, Wrangel, Sredniy)

გააქტიურების მთავარი მიზეზი არქტიკული ზღვაში ყინულის დნობაში უნდა ვეძიოთ, რაც უფრო მარტივს ხდის ტრანსპორტირებასა და გადაადგილებას. რუსეთის ფედერაციის ხელისუფლება ამ ფაქტს პოტენციურ საფრთხედ აღიქვამს, რადგან რესურსებით მდიდარი არქტიკის რეგიონი ხელმისაწვდომი გახდება სხვა საერთაშორისო აქტორებისთვისაც.

სამხედრო ექსპერტის, ვიქტორ ლიტვოკინის მოსაზრებით, პუტინი ცდილობს რამდენიმე სტრატეგიული მიზნის განხორციელებას არქტიკის რეგიონში:

  • გააკონტროლოს ჩრდილოეთის ზღვის წყლები;
  • დაიცვას რუსეთის ბუნებრივი აირისა და ნავთობის რესურსები არქტიკის რეგიონში;
  • დაიცვას რუსეთი საგარეო საფრთხისაგან: საბრძოლო ხმალდებისა და სარაკეტო თავდასხმებისაგან;

თავად პუტინის განცხადებით, „სწორედ ამ რეგიონთანაა დაკავშირებული რუსეთის ეკონომიკისთვის უმნიშვნელოვანესი ბუნებრივი რესურსები“, რომელთა საერთო ღირებულება 40 ტრილიონ $-ს აღწევს.

აშშ-ის გეოლოგიური ინსტიტუტის კვლევის მიხედვით, არქტიკის რეგიონში დაახლოებით 90 მილიარდი ბარელი ნავთობი და 1699 ტრილიონი კუბური მეტრი ბუნებრივი აირია.

უნდა აღინიშნოს ისიც, რომ არქტიკის ტერიტორიის მფლობელ სახელმწიფოებს – რუსეთს, კანადას, აშშ-ს, დანიასა და ნორვეგიას შორის კონკურენცია სუფევს და ჯერ კიდევ ვერ წყდება იქ არსებული ბუნებრივი რესურსების ექსპლუატაციის საკითხი.

სამხედრო ბაზის მშენებლობამ, რა თქმა უნდა, უკმაყოფილება გამოიწვია აშშ-ში. ვლადიმერ პუტინის განცხადებით, გამორიცხულია სამხედრო დაპირისპირება: „ ჩვენ არ ვაპირებთ აშშ-სთან ომის წამოწყებას ან მისთვის კონკურენციის გაწევას, თუმცა, საჭიროა რუსეთმა დაიცვას საკუთარი ეროვნული ინტერესები“.

აღნიშნულ სამხედრო ბაზას შეუძლია გამოიმუშაოს საჭირო ელექტროენერგია, აქვს ბიბლიოთეკა, სამედიცინო ცენტრი, ეკლესია, სავარჯიშო და კინო დარბაზი, ორანჟერეა და გიმნაზია. იქ 18-თვიანი ვადით 150-მდე სამხედრო იმსახურებს.

 

წყაროები:  BBC NEWS,CNN,REUTERS

მასალა მოამზადა:  ცირა შვანგირაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
განათლებაეს საინტერესოამსოფლიო

ქალი, რომელმაც დოქტორის ხარისხი 90 წლის ასაკში დაიცვა

2.15K views on

90 წლის ასაკში კოლიტ ბაურლერმა ფრანკოს (Université de Franche-Comté) უნივერსიტეტის გეოგრაფიის  დოქტორანტურის  ხარისხი დაიცვა.

დისტერტაცია ემიგრაციას ეხება –   მან თავდაპირველად  30 წლის წინ საფრანგეთში მყოფი ემიგრანტების მდგომარეობა შეისწავლა, ძირითადად, ალჟირელების, იტალიელებისა და პორტუგალიელების და პარალელები დღევანდელ ევროპულ მიგრანტულ კრიზისზე გაავლო.

ამდენწლიანი მუშაობის შემდეგ კი –  უმაღლესი საგანმანათლებლო ხარისხი დაიმსახურა. დისერტაცია 400-გვერდიანია და 90 წლის ქალბატონმა ის საკუთარი ხელით დაწერა.  როგორც უნივერსიტეტის ვიცეპრეზიდენტი იხსენებს, ქალბატონი კოლიტი ორი საათის განმავლობაში უხსნიდა აკადემიურ საბჭოს თავისი მუშაობისა და კვლევის მნიშვნელობას. გასაუბრების დამთავრების შემდეგ 90 წლის ქალბატონი ძალიან კმაყოფილი გამოვიდა და აღნიშნა, რომ თავს ძალიან ენერგიულად გრძნობდა.

ახლა ქალბატონი კოლიტი დამსახურებულ დასვენებას გეგმავს.

 

მასალა მოამზადა:  ნატალია ჯალაღონიამ

წყარო: www. nytimes.com

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ეკოლოგიამსოფლიოპოლიტიკარელიგია და მეცნიერება

ვატიკანი: ,,ტრამპი ამერიკას წარსულში აბრუნებს”

1.75K views on

„გამანადგურებელი“ გადაწყვეტილებით პარიზის კლიმატის ხელშეკრულებიდან გამიჯვნისა და  ქვანახშირის მრეწველობის ხელშეწყობის შესახებ აშშ-ის პრეზიდენტი – დონალდ ტრამპი აშშ-ს ენერგეტიკულ წარმოებას ,,უკან, წარსულში” აბრუნებს, – ამის შესახებ განცხადება ვატიკანის ოფიციალურმა პირმა გააკეთა.

ვატიკანის მეცნიერებათა აკადემიის ხელმძღვანელი – ეპისკოპოსი მარსელო სანჩეს სორონდო აცხადებს, რომ პაპ ფრენსისს აშფოთებს გარემოსადმი მიყენებული ნებისმიერი ზიანი, რომელიც „ბუმერანგივით უკან გვიბრუნდება….განსაკუთრებით კი – ღარიბ ადამიანებს.“

ტრამპმა 1-ლ ივნისს განაცხადა, რომ შეერთებული შტატები 195 სახელმწიფოს მიერ ხელმოწერილ პარიზის კლიმატის შეთანხმებას ემიჯნება და სურს, შექმნას სამუშაო ადგილები აშშ-ის წიაღისეულის საწვავის ინდუსტრიაში.

პრეზიდენტ ტრამპის განმარტებით, პაქტში მონაწილეობა აშშ-ს ეკონომიკას ძირს გამოუთხრის, შეამცირებს სამუშაო ადგილებს, შეასუსტებს ეროვნულ სუვერენიტეტს და მის ქვეყანას მუდმივად არახელსაყრელ მდგომარეობაში ჩააყენებს.

,,ეს წარსულში დაბრუნდებას ნიშნავს”, – განაცხადა სანჩეს სორანდომ სააგენტო „როიტერსთან“ სატელეფონო საუბარში. მისი თქმით, მომავალი სამუშაო ადგილები  განახლებად ენერგიებშია, მათ შორის, ქარის ან მზის ენერგიის.

პაპმა ფრენსისმა ტრამპს მოუწოდა, მშვიდობისმყოფელი ყოფილიყო და მას გარემოს შესახებ 2015 წლის ენციკლიკის ხელმოწერილი ასლი გადასცა. სანჩეს სორანდო აცხადებს, რომ მან არ იცის, წაიკითხა თუ არა ტრამპმა დოკუმენტი.

სორანდომ გააკრიტიკა „აშშ-ში მეცნიერების სწავლების დაბალი დონე“ ბევრ ისეთ ევროპულ ქვეყანასთან შედარებით, როგორიცაა გერმანია. “გერმანელები მეცნიერების თვალსაზრისით უფრო განათლებულები არიან და მეცნიერებაის უფრო მეტად სჯერათ”, – განაცხადა მან.

ვატიკანი ბოლო წლებში კლიმატის ცვლილების მეცნიერების მიმართ დიდ ყურადღებას იჩენს. სანჩეს სორონდო ორშაბათს ოსლოში  დაგეგმილ სულიერ ლიდერთა შეხვედრას დაესწრება, რომელზედაც ამაზონისა და კონგოს ტროპიკული ტყეების დაცვის საკითხებზე იმსჯელებენ.

 

წყარო: http://www.reuters.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

 

სრულად ნახვა
მსოფლიოტექნოლოგიები

რუსეთმა კიბერიარაღი შექმნა, რომელსაც ელექტროსისტემების განადგურება შეუძლია

1.61K views on

აშშ-ის მკვლევარები აცხადებენ, რომ რუსეთის ხელისუფლების მოკავშირე ჰაკერებმა შეიმუშავეს კიბერიარაღი, რომელსაც აქვს პოტენციალი, გაანადგუროს ელექტროსისტემები, რომელზეც ამერიკელების ყოველდღიური ცხოვრებაა დამოკიდებული.

როგორც ცნობილია, მავნეპროგრამა CrashOverride-ს ჯერჯერობით მხოლოდ ერთი ენერეგოსისტემა აქვს განადგურებული – უკრაინაში, დეკემბერში. ამ ინციდენტის დროს ჰაკერებმა კიევში წარმოებული ელექტროენერგიის ერთიმეხუთედი დახურეს.

Dragos- ის (კიბერფირმა, რომელმაცშეისწავლა მავნე პროგრამა) საფრთხის დაზვერვის დირექტორმა – სერგეი კალტაგირონმა ორშაბათს განაცხადა, რომ მოდიფიკაციების საშუალებით CrashOverride -ი შესაძლოა აშშ-ის ელექტროგადამცემი და სადისტრიბუციო სისტემების წინააღმდეგ გამოიყენონ.

მკვლევარები აცხადებენ, რომ რუსეთის მთავრობის ჰაკერებმა უკვე გამოიჩინეს ინტერესი აშშ-ის ენერგეტიკული და სხვა კომუნალური სისტემების მიმართ. ,,ეს გახლავთ კულმინაცია ათწლეულის განმავლობაში გაჩენილი თეორიისა და თავდასხმის სცენარებისა. ეს არის თამაშის ჩეინჯერი,” – განაცხადა კალტაგირონმა.

აშშ-ის მთავრობა იძიებს რუსეთის ხელისუფლების ფართომასშტაბიან, ამბიციურ მცდელობას, ხელი შეეშალა  შარშან გამართული საპრეზიდენტო არჩევნებისთვის და ზეგავლენა მოეხდინა მის შედეგებზე.

აშშ-ის ოფიციალური პირები აცხადებენ, რომ ეს კამპანია სხვადასხვა მეთოდს იყენებდა, მათ შორის, ასობით პოლიტიკურ და სხვა ორგანიზაციაზე ჰაკერული თავდასხმების განხორციელებას.

Dragos- მა დაასახელა ჯგუფი, რომელმაც მავნე პროგრამა შექმნა და დარწმუნებით განაცხადა, რომ Electrum-ი იმავე კომპიუტერულ სისტემას იყენებდა, რასაც ჰაკერები, რომლებიც თავს დაესხნენ უკრაინულ ელექტრობადეს 2015 წელს. ზოგიერთი ამერიკელი მკვლევარი აცხადებს, რომ თავდასხმა, რომლის შედეგადაც  225,000 მომხმარებელი ელექტროენერგიის მიწოდების გარეშე დარჩა, რუსეთის მთავრობის ჰაკერების მიერ იყო განხორციელებული.

„იმავე რუსულმა ჯგუფმა, რომლის სამიზნეც 2014 წელს აშშ-ის ინდუსტრიული კონტროლის სისტემები იყო, უკრაინაში 2015 წელს გათიშა ელექტროენერგია,“ – განაცხადა კიბერ დაზვერვის ფირმის -iSight Partners-ის დაზვერვის ანალიზის დირექტორმა – ჯონ ჰალთქუისთმა. მისი ინფორმაციით, ჰაკერების ეს ჯგუფი Sandworm-ი იყო. „დარწმუნებული ვართ Sandworm-ი დაკავშირებული არის რუსეთის ხელისუფლებასთან – თუმცა დანამდვილებით არ ვიცით, ისინი კონტაქტორები არიან თუ მთავრობის ოფიციალური პირები. მიგვაჩნია, რომ ისინი უსაფრთხოების სამსახურებთან არიან დაკავშირებული,“ – განაცხადა ჰალთქუისთმა.

Sandworm-ი და Electrum-ი შესაძლოა ორი განსხვავებული ჯგუფი იყოს, რომლებიც ერთი ორგნიზაციის ფარგლებში მოქმედებენ. „სასამართლო მტკიცებულებები გვიჩვენებს, რომ ისინი დაკავშირებული არიან ერთმანეთთან, განაცხადა რობერტ ლიიმ, Dragos-ის აღმასრულებელმა დირექტორმა.

მისივე ინფორმაციით, თეორიულად შესაძლებელია, რომ CrashOverride-ი გარდაიქმნას ისეთ პროგრამად, რომელიც სხვა სახის სამრეწველო კონტროლის სისტემებზეც, როგორიცაა, წყალი და გაზი, განახორციელებს შეტევას.

 

წყარო: http://www.sciencealert.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

სრულად ნახვა
ასტრონომია - კოსმოსიმსოფლიო

ჩინეთმა მთვარეზე ადამიანის გასაგზავნად „წინასწარი“ სამზადისი დაიწყო  

1.33K views on

ჩინეთმა მთვარეზე ადამიანის გასაგზავნად „წინასწარი“ სამზადისი დაიწყო. 

ჩინეთი 2003 წელს მესამე ქვეყანა გახდა, რომელმაც ყოფილ საბჭოთა კავშირისა და შეერთებულ შტატების შემდეგ, რომელმაც კოსმოსში ადამიანი გაუშვა.

ჩინეთმა 2013 წლის ბოლოს ,,Chang’e-3-ითა” და ,,Jade Rabbit როვერით” მთვარის „რბილი დასხდომა“ განახორციელა.

ქვეყანა ასევე გეგმავს, 2018 წელს მთვარის ბნელი მხარე გამოიკვლიოს.

ჩინეთის კოსმოსური სააგენტოს გენერალური დირექტორის მოადგილის თქმით, მთვარეზე ადამიანის გაგზავნას დიდი დრო არ დასჭირდება.

შარშან ქვეყნის მთავრობამ განაცხადა, რომ ჩინეთი 2036 წლისთვის მთვარეზე ასტრონავტებს გააგზავნის.

ჩინეთის კოსმოსური პროგრამის განვითარება პრეზიდენტმა სი ძინ-პინიმ ქვეყნის პრიორიტეტად გამოაცხადა.

ჩინეთი ირწმუნება, რომ მისი კოსმოსური პროგრამა მშვიდობიანია, თუმცა აშშ-ის თავდაცვის დეპარტამენტი აცხადებს, რომ ჩინეთის კოსმოსში გააქტიურება მიზნად ისახავს მოწინააღმდეგეებს კრიზისის დროს ხელი შეუშალოს კოსმოსის აქტივების გამოყენებაში. აღსანიშნავია, რომ ჩინეთის კოსმოსური პროგრამის ბიუჯეტი აშშ-ის ბიუჯეტზე ათჯერ ნაკლებია. ჩინეთის სახელმწიფო მედიასაშუალებების ინფორმაციით, ქვეყანა კოსმოსურ პროგრამაზე ყოველწლიურად 2 მილიარდ აშშ დოლარს ხარჯავს. შეგახსენებთ, რომ ჩინეთი 2020 წლისთვის მარსზე ზონდის გაგზავნას გეგმავს.

 

წყარო: http://www.reuters.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
1 … 81 82 83 84 85 … 89
Page 83 of 89