close

მსოფლიო

დედამიწაეკოლოგიამსოფლიო

ანტარქტიდიდან ტრილიონტონიანი აისბერგი ჩამოიშალა

1.99K views on

მეცნიერებმა ოთხშაბათს განაცხადეს, რომ ანტარქტიდიდან ერთ–ერთი უდიდესი აისბერგი ჩამოიშალა, რამაც კონტინენტის ირგვლივ მოძრავ ხომალდებს საფრთხე შეუქმნა.

ერთი ტრილიონი ტონა აისბერგი, რომელიც დაახლოებით 5,800 კვადრატული კილომეტრია, ანტარქტიდაზე, Larsen C Ice Shelf–დან 10–12 ივლისის პერიოდში ჩამოიშალა.

ზამთრის პერიოდში მეცნიერები ევროპის კოსმოსური სააგენტოს თანამგზავრების გამოყენებით ყინულის შელფის მონიტორინგს ახორციელებდნენ.

,,აისბერგი ერთ-ერთი ყველაზე დიდია და მისი მომავალი პროგრესის პროგნოზირება ძნელია”, – აცხადებს ადრიან ლუკმანი, სუონსის უნივერსიტეტის პროფესორი და Project MIDAS –ის გამომძიებელი, რომელიც წლების მანძილზე ყინულის შელფის მონიტორინგს ახორციელებს.

ჩატეხილი ყინული რისკს უქმნის ხომალდებს. ნახევარკუნძული მნიშვნელოვანი სავაჭრო მარშრუტების გარეთ მდებარეობს, თუმცა სამხრეთ ამერიკიდან ჩამოსული გემების მთავარი დანიშნულების ადგილია.

2009 წელს, 150-ზე მეტი მგზავრისა და ეკიპაჟის ევაკუაცია მოხდა, როდესაც MTV Explorer-ი ანტარქტიდის ნახევარკუნძულიდან ყინულის მოცურების შემდეგ ჩაიძირა.

აისბერგი, რომელსაც სავარაუდოდ A68- ს უწოდებენ, გატეხვამდე ცურავდა, ასე რომ, ზღვის დონეზე გავლენა არ მოუხდენია, მაგრამ აისბერგისმაგვარი ყინული Larsen C 12% -ზე მეტით შემცირდა.

Larsen A და B ყინულის შელფები, რომლებიც ანტარქტიდის ნახევარკუნძულის ჩრდილოეთით მდებარეობდნენ, აც1995 და 2002 წლებში ჩამოიშალა.

ყინული ანტარქტიდის ნახევარკუნძულის ნაწილია, რომელიც უკანასკნელ წლებში სწრაფად თბება.

 

წყარო: http://www.reuters.com/

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”ფმსოფლიო

სრულად ნახვა
ასტრონომია - კოსმოსიმსოფლიო

კვლევა: რას შეიძლება გრძნობდეს ადამიანი სხვა პლანეტის კოსმოსურ სადგურზე ყოფნისას?

1.42K views on

 

უნივერსიტეტის სტუდენტები პეკინში ფოლადის კარის ბუნკერებში ჩაიკეტნენ, რათა გაერკვიათ, რას შეიძლება გრძნობდეს ადამიანი სხვა პლანეტის კოსმოსურ სადგურზე ყოფნისას.

სტუდენტების ინიციატივა იმ პროექტის ნაწილია, რომელიც დამოუკიდებელი ეკოსისტემის შექმნას ითვალისწინებს, რომელიც უზრუნველყოფს ყველაფრის წარმოქმნას, რაც ადამიანის გადასარჩენადაა საჭირო.

პეკინის უნივერსიტეტის აერონავტიკისა და ასტრონავტიკის უნივერსიტეტის ოთხი სტუდენტი კვირას ლონარ პალას 1-ში შევიდა და იქ 200 დღის განმავლობაში დარჩება.

სტუდენტების განცხადებით, ისინი მოხარული არიან, რომ ადამიანი გვინეის-ღორების ფუნქცია შეასრულონ, თუკი ეს მათ თავიანთ ოცნებასთან  – გახდნენ ასტრონავები – დააახლოვებს.

პეკინის უნივერსიტეტის აერონავტიკისა და ასტრონავტიკის უნივერსიტეტის პროფესორი ლუ ჰონგი აცხადებს, რომ კარგად გათვალეს ყველაფერი, რაც ადამიანის გადარჩენისთვისაა საჭირო.

„ჩვენ ისე გავთვალეთ, რომ ჟანგბადი (სადგურის მცენარეების მიერ წარმოებული) საკმარისია იმისთვის, რომ დააკმაყოფილოს ადამიანები, ცხოველები და ორგანიზმები, რომლებიც ნარჩენებს ანადგურებენ”, – განაცხადა მან.

„მაგრამ ფიზიკური მოთხოვნილებების დაკმაყოფილება ექსპერიმენტის მხოლოდ ერთი ნაწილია. ამდენი ხნის განმავლობაში მცირე სივრცეში დატუსაღების ფსიქიკური ზემოქმედების დიაგრამის შექმნა არანაკლებ მნიშვნელოვანია. ისინო შეიძლება დეპრესიულები გახდნენ, როცა ადამიანი ასეთ ხანგრძლივ დროს ასეთ გარემოში ატარებს, მას შესაძლოა გარკვეული ფსიქოლოგიური პრობლემები შეექმნას,”  – დასძინა ლუმ.

მეცნიერები დააკვირდებიან, როგორი რეაქცია ექნებათ სტუდენტებს ამ 200 დღის მანძილზე მზის სხივის გარეშე ცხოვრებაზე.

 

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
მედიცინამსოფლიოპოლიტიკა

უნდა ავცრათ თუ არა ბავშვები? საფრანგეთი ვაქცინაციის პოლიტიკას ამკაცრებს

1.84K views on

საფრანგეთის პრემიერ-მინისტრმა – ედუარდ ფილიპმა განაცხადა, რომ მთავრობა ჯანდაცვის ორგანოების მიერ საყოველთაოდ რეკომენდირებულ 11 ვაქცინას 2018 წლიდან სავალდებულოდ გამოაცხადებს.

ეს განცხადება ევროპაში წითელას მასშტაბურ გავრცელებას მოჰყვა. საფრანგეთში მიმდინარე წლის იანვარ-თებერვალში წითელას 79 შემთხვევა გამოვლინდა. ფილიპის შეფასებით, არსებული მდგომარეობა „მიუღებელია”.

წითელას შემთხვევების მატებას ვაქცინის მიმართ მოსახლეობის სკეპტიკურ დამოკიდებულებას უკავშირებენ.

საფრანგეთში ახლახან ჩატარებულმა კვლევამ აჩვენა, რომ 10 ადამიანიდან 3-ს ვაქცინების არ სჯერა.

ინფექციის შემთხვევების ზრდა გამოვლინდა იტალიაშიც. მიმდინარე წლის აპრილში გამოვლენილი შემთხვევების რიცხვი ორჯერ მეტია 2016 წლის იმავე პერიოდში აღრიცხულ მაჩვენებელზე.

იტალიასა და საფრანგეთში საზოგადოებრივი დამოკიდებულების შეცვლა განპირობებულია ევროპაში ბოლო დროს გააქტიურებული ვაქცინის საწინააღმდეგო მოძრაობით.

 სკეპტიციზმის დასაბამი გახდა ენდრიუ ვაკეფილდი, რომელმაც 1998 წელს გამოაქვეყნა კვლევა, რომელიც ამტკიცებს, რომ არსებობს კავშირი წითელა-წითურა, ყბაყურას ვაქცინასა და აუტიზმის განვითარებას შორის.

ჯანდაცვის მსოფლიო ორგანიზაციის (WHO) შეფასებით, ვაქცინაციის წყალობით 2010 -2015 წლებში 10 მილიონზე მეტ სიცოცხლე გადარჩა და შესაძლებელი გახდა ზოგიერთი ისეთი დაავადების აღმოფხვრა, როგორიცაა პოლიო. მიუხედავად ამისა, ზოგიერთი ქვეყანა, როგორც განვითარებადი, ისე განვითარებული, ეჭვქვეშ აყენებეს ვაქცინაციის ეფექტურობას.

ამის საპასუხოდ, ბევრმა ქვეყანამ ვაქცინების გამოყენება გაზარდა.

იტალიამ ბავშვებისათვის სავალდებულო გახადა 12 ვაქცინა. ავსტრალიამ ფინანსური წახალისების პოლიტიკა გატარა:  მშობლებს, რომლებიც თავიანთ 18-24 თვის ბავშვებს აცრიან, 129 აშშ დოლარით ახალისებენ. ხოლო თუკი მშობელი შვილს რეკომენდირებულ ვაქცინაციას 4-5 წლის ასაკშიც ჩაუტარებს, თანხას განმეორებით მიიღებს.

მსოფლიოში ვაქცინაციის უმკაცრესი პოლიტიკა აქვს სლოვენიას. მშობლები, რომლებიც თავიანთი შვილების სავალდებულო ვაქცინებს ვერ უზრუნველყოფენ, ჯარიმდებიან.

 

წყარო: https://futurism.com/

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

 

სრულად ნახვა
ბიზნესიმსოფლიო

ტონონჩაი სორნსრივჩაი – სარეკლამო ინდუსტრიის ,,ლომი”

1.41K views on

 მიუხედავად მის მიერ მიღებული მრავალი პრიზისა, ტონონჩაი სორნსრივჩაი პრაქტიკულად უცნობია ტაილანდის ფარგლებს გარეთ. მან კარიერა გრაფიკულ დიზაინში მოღვაწეობით დაიწყო, რაც, მისი თქმით, დაეხმარა იმის გაგებაში, თუ როგორ უნდა გადალახო გაუგებრობა სარეკლამო მესიჯების გადმოცემისას.

რამდენიმე წლის წინ იგი რეჟისორი გახდა და ცდილობს, მომხმარებელთა ქცევა გაიგოს, იპოვოს ის სარეკლამო საშუალებები, რომლებიც ყველასთვის მისაღები იქნება.

ტაილანდური სადაზღვევო კომპანიისთვის შექმნილმა სარეკლამო რგოლებმა კანის ლომების სხვადასხვა კატეგორიაში რამდენიმე ოქრო მოუტანა ტონონჩაი სორნსრივჩაის, ბოლოს კი ისევ კანში – ვერცხლი და ბრინჯაო მოიპოვა.

 

 

წყარო: Harvard business review

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ბიზნესიმსოფლიოტექნოლოგიები

,,Google-ი” ყველაზე მომგებიანი კომპანია გახდა

1.43K views on

 

„Google–ის“ მფლობელი კომპანია  ,,Alphabet-ი” გახდა და ამავე დროს ყველაზე მომგებიანი კომპანიის სახელიც მოიპოვა.

გასულ წლებში კომპანიის მოგებამ მისივე ფასის საგრძნობლად გაზრდა განაპირობა და 578 მილიარდი დოლარი შეადგინა, გადაუსწრო მანამდე ყველაზე მომგებიან კომპანიას „Apple–ს“, რომლის ღირებულებაც 565 მილიარდს შეადგენს.

მოცემულმა ინფორმაციამ დიდი წინსვლა განაპირობა ,,Alphabet–ისა” და 7 პროცენტით გაიზარდა მათი აქციების ღირებულება.

მაგრამ ,,Apple-მა” თავისი პოზიცია მაინც შეიმაგრა და ისევ ყველაზე ძვირადღირებულ ბრენდად რჩება, მათმა ახალმა პროდუქტმა  iPhone7–მა და iPhone7+ მა 15 პროცენტით მოუმატა ღირებულება კომპანიას და დიდი ნაბიჯი გადადგა ადგილის გამყარებისკენ.

 

წყარო: Inc.com

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
არქეოლოგიაკვლევებიმსოფლიოსოფლის მეურნეობა

არქეოლოგებმა 10,900 წლის კარტოფილი აღმოაჩინეს

1.83K views on

არქეოლოგებმა აშშ-ის შტატ იუტაში კარტოფილის გრანულები აღმოაჩინეს, რომელიც ექსპერტების განცხადებით, შესაძლოა 10,900 წლის იყოს.

უფრო სწორად, ეს არის მცენარე Solanum jamesii-ის სახამებლის გრანულები, რომლისგანაც პატარა ველური კარტოფილი წარმოიქმნება. მათ შესაძლოა დიდი დახმარება გაუწიონ მეცნიერებს გვალვისა და დაავადების  მიმართ უფრო მდგრადი კარტოფილის წარმოებაში.

მეცნიერები ფიქრობენ, რომ აღმოჩენილი კარტოფილი შინაური კარტოფილის პირველი ნიმუშია,  რომელიც ისტორიკოსებს უძველესი წინაპრების კვების რაციონსა და საკვების მომზადების მეთოდების შესახებ აწვდის ინფორმაციას.

Solanum jamesii-ის კარტოფილი განსხვავდება  Solanum tuberosum-ის კარტოფილისგან, რომელსაც თანამედროვე ადამიანი სასურსათო მაღაზიაში ყიდულობს და საკვებად მოიხმარს და რომელიც პირველად სამხრეთ ამერიკის ანდებში 7,000 წლის წინ მოაშინაურეს.

მიუხედავად იმისა, რომ იშვიათია, S. Jamesii-ს კარტოფილი ჯერ კიდევ მოჰყავთ და ჭამენ იუტაში.  ვერავინ აცნობიერებს, თუ რამხელა ისტორია აქვს ამ პიკანტური გემოს ბოსტნეულს.

ამ ტიპის კარტოფილს რამდენიმე ამერიკული ტომი მოიხმარდა, მათ შორის, აპაჩები, ნავაჯო და ჰოპი. მას უაღრესად მაღალი კვებითი ღირებულება გააჩნია და S. Tuberosum-ზე მეტ ცილას, თუთიას, კალციუმსა და რკინას შეიცავს.

აღსანიშნავია, რომ იუტაში კარტოფილის თესლი იზოლირებულ ადგილებშია აღმოჩენილი, რაც იმაზე მეტყველებს, რომ ბოლქვები ამ ტერიტორიაზე გარეშე პირებმა მოიტანეს.

მკვლევარებს სურთ იმაში დარწმუნება, რომ S. jamesii-ის მცენარეს თაობების განმავლობაში შეუძლია სიცოცხლე. ისინი კარტოფილის დნმ-ის მოპივებას ცდილობენ, რათა გვალვებისა და დაავადებების მიმართ რეზისტენტულ გენებს მიაგნონ, რაც ხელს შეუწყობს თანამედროვე კარტოფილის კულტურების დივერსიფიცირებას.

 

წყარო: http://www.sciencealert.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
მსოფლიორელიგია და მეცნიერება

კვლევა: ისლამი 2075 წლისთვის მსოფლიოს უდიდესი რელიგია გახდება

2.53K views on

,,Pew Research Center-ის” მიერ ჩატარებული კვლევის თანახმად, დაახლოებით ოც წელიწადში მუსლიმი ჩვილების რაოდენობა ქრისტიანებს გადააჭარბებს და 2075 წლისთვის ისლამი მსოფლიოს უდიდეს რელიგია გახდება.

რელიგიური კუთვნილების არმქონე ადამიანები მსოფლიოს მოსახლეობის პროპორციულად მცირდება, ვინაიდან მათი შობადობა მცირდება, ხოლო მუსლიმანებისა და ქრისტიანების რიცხვი მატულობს.

ანალიზში აღნიშნულია, რომ უახლოესი ათწლეულების მანძილზე რელიგიური კუთვნილებაში მნიშვნელოვანი დემოგრაფიული ცვლილებები განხორციელდება, ვინაიდან გლობალურ სამხრეთში მოსახლეობა სწრაფად იზრდება, ხოლო ევროპის ქრისტიანული მოსახლეობა – ბერდება და კვდება.

2010-2015 წლებში, მსოფლიოში დაბადებული ჩვილების 31 პროცენტი მუსლიმანი მშობლების შვილები იყვნენ, იმავე პერიოდში, მსოფლიოში დაბადებული ჩვილების 33 პროცენტი ქრისტიანი ოჯახებისგან იყო.

ეს მაჩვენებელი 2030 -2035 წლებში მცირედით შეიცვლება. მუსლიმანების ოჯახებში 225 მილიონი, ხოლო ქრისტიანების – 224 მილიონი ჩვილი დაიბადება. სხვაობა 6 მილიონამდე გაიზრდება 2055- 2060 წლებში (232 მუსლიმანი, 226 – ქრსიტიანი).

იმავდროულად, ევროპაში მცხოვრები ქრისტიანების გარდაცვალების მაჩვენებელი მნიშვნელოვნად ჭარბობს დაბადებისას. მაგალითად, გერმანიაში, 2010- 2015 წლებში ქრისტიანების გარდაცვალების რიცხვი 1.4 მილიონით მეტი იყო დაბადებისაზე.

მეცნიერები აცხადებენ, რომ 2055-2060 წლებში ჩვილების 9%-ს ის ქალები გააჩენენ, რომლებიც არცერთ რელიგიურ კუთვნილებას არ წარმოადგენენ, 70 პროცენტზე მეტს კი მუსლიმანები (36%), ან ქრისტიანები (35%).

2015 წელს მსოფლიოს 7.3 მილიარდი ადამიანისგან უმეტესობა – 31 პროცენტი – ქრისტიანულ რელიგიურ ჯგუფს მიეკუთვნებოდა, მეორე ადგილზე იყვნენ მუსლიმები – 24%, შემდეგ ათეისტები (16%), ინდუისტები (15%) და ბუდისტები (7%).  იუდეისტები  და სხვა რელიგიის მიმდევრები გლობალური მოსახლეობის მცირე ნაწილს წარმოადგენდნენ.

 

წყარო: https://www.theguardian.com

მასალა მაომზადა;  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,დოქტრინა”

სრულად ნახვა
მსოფლიორობოტექნიკატექნოლოგიები

ხელოვნური ინტელექტის გამოყენებით ადამიანის მსგავსი სექსთოჯინები შექმნეს

1.85K views on

ხელოვნური ინტელექტის (AI) გამოყენებით რევოლუციური ,,სექსტექი” შეიქმნა, რომელიც მომხმარებელს სექსუალურ სიამოვნებას ადამიანის მსგავსი შეხებით სთავაზობს.

სექსრობოტების მზარდი ბაზრის შესახებ ანგარიშში პასუხისმგებელი რობოტების ფონდი აცხადებს, რომ სწრაფად განვითარებადმა ტექნოლოგიებმა ბიძგი მისცა „სასიყვარულო ანდროიდ თოჯინების“ შექმნას, რომლებსაც 50 ავტომატური სქესობრივი პოზიციის შესრულება შეუძლიათ.

თოჯონების ფასი, რომლებსაც ადამიანის მსგავსი ფორმები და თმის ფერი აქვთ, დაახლოებით 5,000 – 15,000 აშშ დოლარი იქნება.

ნამდვილის მსგავსი რობოტების არსებობა და საჭიროება კომპლექსურ საკითხებს ბადებს, რომლებიც პოლიტიკოსებისა და საზოგადოების მიერ  განხილულ უნდა იქნეს.  „ასეთი მოწყობილობების გამოყენება უპრიანი იქნება სექსუალური თერაპიის კლინიკებში, სქესობრივი დამნაშავეებისთვის ან შეზღუდული შესაძლებლობის მქონე პირებისათვის,“ – ნათქვამია ანგარიშში.

ბრიტანეთის შეფილდის  უნივერსიტეტის ხელოვნური ინტელექტისა და რობოტების პროფესორი – ნოელ შარკი აცხადებს, რომ ძნელია პროგნოზირება, თუ რამდენად გაიზრდება სექსთოჯინების ბაზარი, ან როგორი იქნება საზოგადოებაზე მისი გავლენა წლების განმავლობაში. ,,გახდება ეს რობოტი თოჯინები ნიშა, თუ ისინი შეცვლიან საზოგადოებრივ ნორმებს და გავრცელდებიან?”, – დასძინა მან ბრიფინგზე.

ანგარიშში მიმოხილულია ზოგიერთი ყველაზე სადავო საკითხი: მაგალითად, შესაძლოა თუ არა, რომ სექსრობოტებმა სქესობრივი დანაშაული შეამციროს.

ამ კითხვაზე ,,უმნიშვნელო უთანხმოება” გამოვლინდა, ზოგიერთი ამტკიცებს, რომ რობოტთან სქესობრივი კავშირი შეამცირებს თავდასხმელების სურვილს, ზიანი მიაყენონ ადამიანებს. თუმცა სხვები აცხადებენ, რომ ადამიანებისთვის ბნელი ფანტაზიების განხორციელების შესაძლებლობის მიცემა საზიანო გავლენას მოახდენს საზოგადოებრივ ნორმებზე.

ერთი საკითხი, რაც უდავოა, ისაა, რომ არც თანამედროვე და არც უახლოესი მომავლის ხელოვნური ინტელექტის ტექნოლოგია არ იძლევა რობოტსა და ადამიანს შორის ორმხრივი გრძნობის გაჩენის შესაძლებლობას!

 

წყარო: http://www.reuters.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

სრულად ნახვა
არქიტექტურა/დიზაინიკვლევებიკულტურამსოფლიო

რატომაა 2,000 წლის რომაული ბეტონი თანამედროვეზე ბევრად უკეთესი?

2.91K views on

უძველესი რომის ერთ-ერთი  საიდუმლოებაა ბეტონის ნავსადგურის ნაგებობები, რომლებიც მიუხედავად იმისა, რომ 2,000 წელია ზღვის ტალღები ეცემა, კიდევ შენარჩუნებულია მაშინ, როცა თანამედროვე ქმნილებები მხოლოდ ათწლეულებს უძლებს.

მეცნიერებმა ამ ფენომენის მიღმა დაუჯერებელი ქიმია აღმოაჩინეს და დიდი ხნის დაკარგულ რეცეპტს მიუახლოვდნენ. როგორც აღმოჩნდა, რომაული ბეტონი დროთა განმავლობაში კიდევ უფრო მყარდება.

მკვლევარების გუნდმა, რომელსაც იუტას უნივერსიტეტის გეოლოგი მარი ჯექსონი ხელმძღვანელობს, რომაული ბეტონის კრისტალური სტრუქტურა შეისწავლეს.

თანამედროვე ბეტონი, როგორც წესი,  დამზადებულია პორტლანდ ცემენტის, სილიკის ქვიშის, კირქვის, თიხის, ცარცის და სხვა ინგრედიენტების ნარევის დუღილის ტემპერატურაზე გაცხელებით. ეს პასტა აერთიანებს ,,აგრეგატს” – ქანებსა და ქვიშას.

რაც შეეხება რომაულ ბეტონს. ის შექმნილია ვულკანური ნაცრის, კირისა და ზღვის წყლის შედეგად წარმოშობილი ქიმიური რეაქციისგან.

ვულკანურ ნაცართან შერეული კირდუღაბი იყო ვულკანური კლდე, როგორც აგრეგატი, რომელიც შემდეგ ისეთ მასალასთან შედიოდა რეაქციაში, რომელიც რომაულ ბეტონს ბევრად უფრო გამძლედ აქცევდა, ვიდრე წარმოგვიდგენია.

მკვლევარებმა ნიმუშები ელექტრონული მიკროსკოპის, რენტგენის მიკრობიფორაციისა და რამაული სპექტროსკოპიის გამოყენებით მიიღეს. ამ განვითარებული ტექნიკით მათ შეძლეს უძველეს ბეტონში ყველა მინერალური კომპონენტის იდენტიფიცირება.

მეცნიერები განსაკუთრებით ალუმინის შემცველი ტუბერმორიტით დაინტერესდნენ, მძიმე სილიკონზე დაფუძნებული მინერალი, რომლის მიღება საკმაოდ იშვიათი და რთულია ლაბორატორიაშია, უძველეს ბეტონში უხვადაა წარმოდგენილი.

როგორც ირკვევა, ალუმინის ტუბერმორიტი და ფსოლიფსიტი ზღვის წყალთან შეხების შედეგად იზრდება, ნელ-ნელა შლის ვულკანურ ნაცარს და ქმნის სივრცეს ამ რკინაბეტონური კრისტალებიდან ძლიერი სტრუქტურის ჩამოსაყალიბებლად.

ეს საკმაოდ უცნაურია და იმის საწინააღმდეგოა, რაც თანამედროვე ბეტონში ხდება. ის  იფიტება, ვინაიდან მარილწყალი ჩამორეცხავს რკინის არმატურასა და იმ ნაერთებს, რომლებიც მასალის ერთიანობას განაპირობებს.

სამწუხაროდ, რომაელების ბეტონის დამზადებიოს რეცეპტი დაიკარგა. ამ ბეტონის გამოყენება საუკეთესო იქნებოდა თანამედროვე ნაგებობებშიც, განსაკუთრებით სანაპირო ნაგებობებში. ასე რომ, ამ რეცეპტის აღდგენით მკვლევარების ზემოთხსენებული გუნდი დიდ სამსახურს გაუწევს საზღვაო ინჟინრებს.

 

წყარო: http://www.sciencealert.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა:

 

სრულად ნახვა
ასტრონომია - კოსმოსიკვლევებიმსოფლიო

ჩინეთის მიერ გაშვებულმა რაკეტამ მარცხი განიცადა

1.63K views on

ჩინეთის მიერ გაშვებულმა ახალმა მძიმე რაკეტამ – Long March-5 Y2-მა, რომელსაც, ხელისუფლების განცხადებით, ყველაზე მძიმე თანამგზავრი გადაჰქონდა, მარცხი განიცადა.

ამის შესახებ ჩინეთის ოფიციალური საინფორმაციო სააგენტო ,,Xinhua” იუწყება.

იმავე ტიპის რაკეტის მთვარეზე გაგზავნა და იქიდან გამოსაკვლევი ნიმუშების ჩამოტანა ჩინეთს მიმდინარე წელს ჰქონდა დაგეგმილი. თუმცა განცდილი მარცხი, სავარაუდოდ, დაგეგმილ გრაფიკზე ზეგავლენას იქონიებს.

„რაკეტის ფრენისას ანომალია მოხდა. ჩატარდება დამატებითი გამოძიება,“ – ნათქვამია ,,Xinhua-ს” მიერ გავრცელებულ ინფორმაციაში.

 ჩინეთი ბოლო პერიოდში კოსმოსში მნიშვნელოვნად გააქტიურდა. 2003 წელს ის გახდა მესამე ქვეყანა ყოფილი საბჭოთა კავშირისა და აშშ-ის შემდეგ, რომელმაც საკუთარი რაკეტით ადამიანი კოსმოსში გაუშვა. 2013 წლის ბოლოს, ჩინეთის როვერი Jade Rabbit მთვარე დაეშვა, თუმცა ტექნიკური სირთულეების წინაშე დადგა.

პრეზიდენტმა სი ძინპინიმ კოსმოსური პროგრამის განვითარება ქვეყნის პრიორიტეტად გამოაცხადა.  ჩინეთი ირწმუნება, რომ მისი კოსმოსური პროგრამა მშვიდობიანია, თუმცა აშშ-ის თავდაცვის დეპარტამენტი აცხადებს, რომ ჩინეთის კოსმოსში გააქტიურება მიზნად ისახავს მოწინააღმდეგეებს კრიზისის დროს ხელი შეუშალოს კოსმოსის აქტივების გამოყენებაში.

აღსანიშნავია, რომ ჩინეთის კოსმოსური პროგრამის ბიუჯეტი აშშ-სი ბიუჯეტზე ათჯერ ნაკლებია. ჩინეთის სახელმწიფო მედია საშუალებების ინფორმაციით, ქვეყანა კოსმოსურ პროგრამაზე ყოველწლიურად 2 მილიარდ აშშ დოლარს ხარჯავს.

ჩინეთი 2020 წლისთვის მარსზე ზონდის გაგზავნას გეგმავს. ქვეყნის მთვარის კვლევის პროგრამის ფარგლებში კი – 2036 წლისთვის მთვარეზე ასტრონავტს გააგზავნის.

 

წყარო: http://www.reuters.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დართა დარბაზი – ,,დოქტრინა”

სრულად ნახვა
1 … 79 80 81 82 83 … 89
Page 81 of 89