close

ტექნოლოგიები

მსოფლიოსამართალიტექნოლოგიები

ჩინურმა პოლიციამ დრონის გამოყენება გადაწყვიტა

1.95K views on

უმეტესწილად, ტექნოლოგიის განვითარება დადებითად  მოქმედებს საზოგადოების განვითარებაზე.

მფრინავი დრონები თავიდან თითქოს არცთუ ისე პროდუქტიულ გამოგონებად მიიჩნეოდა, მისი დანიშნულება მხოლოდ ვიდეოების გადაღება იყო, მაგრამ, როგორც ცნობილი გახდა, ჩინეთის ხელისუფლებამ გადაწყვიტა, რომ პოლიციას საკმაოდ დიდ დახმარებას გაუწევდა მათი დამატება, რადგან ადამიანებს შესაძლოა რაიმე დეტალი გამორჩეთ და ვერ მიაქციონ სათანადო ყურადღება, ხოლო უახლეს ტექნოლოგიას, რომელსაც უმაღლესი ხარისხის კამერები და საფრენი აპარატურა აქვს –  ვერაფერი გამოეპარება.

იგი დაკავშირებული იქნება საპატრულო პოლიციასთან და კანონდარღვევისას შეატყობინებს მათ.

წყარო: Techcrunch.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
გამოგონება - ინოვაციამედიცინატექნოლოგიები

ყურსასმენები, რომლის საშუალებითაც კომუნიკაციის დამყარება საუბრის გარეშეა შესაძლებელი

1.57K views on

მასაჩუსეტსის ტექნოლოგიის ინსტიტუტის(MIT) მეცნიერებმა ახალი კომპიუტერული ინტერფეისი შექმნეს, რომელიც ადამიანებს საუბრის გარეშე კომუნიკაციის შესაძლებლობას აძლევს.

როდესაც რამე მოქმედების განხორციელებას აპირებთ, ტვინი კუნთებს ელექტრონულ სიგნალებს გადასცემს, რითაც ატყობინეს, რა უნდა გააკეთოს. ახალი პროთეზი – AlterEgo ელექტრომიგრაფიის გამოყენებით ამ ელექტრონულ სიგნალებს იჭერს და პროცესორისკენ აგზავნის, რომელიც მათ სიგნალებად თარგმნის. ეს სიგნალები რობოტ  პროთეზს ატყობინებს,, რისი გაკეთება სურდა მომხმარებელს.

როგორია AlterEgo-ს მუშაობის პრინციპი?

როდესაც რაიმე სიტყვას გავიფიქრებთ, ტვინი სახისა და ყელის კუნთებს უგზავნის სიგნალებს, რაც სიტყვის ხმამაღლა წარმოთქმის საშუალებას იძლევა. ამ პროცესს სუბვოკალიზაცია ეწოდება და მას უამრავი ადამიანი მიმართავს კითხვისას.

AlterEgo-ს ყურსასმენები შედგება ელექტროდული სენსორებისგან, რომელიც იმ ადამიანის სახესა და ყბაზეა განთავსებული, რომელსაც ყურსასმენი უკეთია. სხეულის ეს ნაწილები კი ის ადგილებია, სადაც სიგნალები უფრო ძლიერი და უტყუარია. AlterEgo-ს ასევე აქვს ყურსასმენები, რომელიც ყურების გარეთ მაგრდება. ის ბგერებს თავის ქალის ძვლისგან პირდაპირ გადაცემს და ყურებს მოსმენა არ სჭირდება.

სენსორები საშუალებას აძლევს მომხმარებელს, ჩუმად „ესაუბროს“ კომპიუტერს, კომპიუტერი კი პასუხს უგზავნის ყურსასმენების საშუალებით.  

მეცნიერები ფიქრობენ, რომ მოწყობილობის განვითარებით შეძლებენ კომუნიკაციის არა მხოლოდ ადამიანსა და კომპიუტერს, არამედ ადამიანსა და ადამიანს შორის დამყარებას.

მისი გამოყენება სასარგებლო იქნება ხმაურიან გარემოში. რაც ყველაზე მნიშნელოვანია, AlterEgo დიდ დახმარებას გაუწევს მეტყველების მხრივ უნარშეზღუდულ ადამიანებისაც.

წყარო: https://www.sciencealert.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიზნესიგამოგონება - ინოვაციასაქართველოტექნოლოგიები

ქართველი ელექტროინჟინერის სამეცნიერო მიღწევები

2.24K views on

 27 წლის გიორგი კურტანიძე  პროფესიით ელექტრონიკის ინჟინერია.  პოლიტექნიკური უნივერსიტეტი მიკროელექტრონიკის სპეციალობით დაამთავრა და საყვარელ საქმეს უკვე წლებია პროფესიონალურ დონეზე ემსახურება.

ბავშვობის ადრეული წლებიდანვე იყო დაინტერესებული ყველაფრით, რაშიც კი   ელექტროსადენი შედიოდა.

მართალია კომპიუტერები ფუფუნებად მიიჩნეოდა იმ დროს, თუმცა მონდომებულ გიორგის ამის გამოც არ დაუხევია უკან. საათობის კითხულობდა ბიბლიოთეკაში მისთვის საინტერესო თემატიკაზე წიგნებს, მართალია თავიდან არაფერი ესმოდა, თუმცა დროთა განმავლობაში ამ წიგნებიდან მიღებულმა ინფორმაციამ დიდი როლი შეასრულა მის კარიერულ ჩამოყალიბებასა  და ინტერესების განსაზღვრაში.

როგორც თვითონ ამბობს,  თვითნასწავლი ინჟინერია, ძალიან უყვარს ახალი გამოწვევები და საკმაოდ ჯიუტია, რაც იმაში გამოიხატება, რომ არასდროს ნებდება წინაღმდეგობებს და დასახულ მიზანს ყოველთვის აღწევს.

უკვე 13 წელია, რაც საყვარელ საქმეს აკეთებს, საკუთარ სიტყვას ამბობს ქართულ ელექტროინჟინერიაში, მუშაობს ერთ-ერთ  კომპანიაში საკუთარი სპეციალობით და თავისუფალ დროს სხვადასხვა ტიპის შეკვეთებსაც ასრულებს, რაც მისთვის არა მხოლოდ შემოსავლის წყარო, არამედ ძალიან კარგი განტვირთვაცაა.

საქმიანობაში არსებულ წინააღმდეგობებსა და საკუთარ მიღწევებზე, გიორგი doctrina-ს ესაუბრა:

 –გამომგონებლობით და მეცნიერული საქმიანობით  როდის დაინტერესდით  და რამ განაპირობა ეს დაინტერესება?

-სამწუხაროდ, ჩვენ ქვეყანაში სიტყვა გამოგონების მნიშვნელობა,  ვფიქრობ, არასწორად ესმით, რადგან ძალიან ბევრ ისეთ  მოწყობილობას მიანიჭეს გამოგონების სტატუსი, რაც უკვე არსებობს მსოფლიოში და ბევრი მათგანი თავისუფალ გაყიდვაშიცაა. არ ვიცი, რას მივაწერო ეს ტენდენცია, მაგრამ  ასეა.

პირადად მე,  ინჟინერიით უფრო ვარ დაინტერესებული, ანუ ვქმნი პროექტებს დაწყებული მოწყობილობის პრინციპიალური სქემიდან,  დამთავრებული პროგრამულ უზრუნველყოფამდე. ამ საქმისადმი  დაინტერესება გამიჩნდა ბავშვობიდანვე, მამა ინჟინერი მყავს და ალბათ ამანაც იმოქმედა.

 –რომელიმე თქვენთვის გამორჩეულ გამოგონებაზე ან პროექტზე გვიამბეთ.

-ჩემთვის ყველა პროექტი გამორჩეულია.  ე.წ ჭკვიანი სახლების თემა ძალიან აქტუალურია, მაქვს დიდი გამოცდილება ამ მიმართულებითაც და რამდენიმე პროექტიც.

ერთ-ერთი ჩემი პროექტი რომელიც, მივიჩნევ, რომ საკმაოდ დიდი პლატფორმაა, ესაა მოწყობილობა,  რომელთანაც კავშირი აქვს სხვადასხა ტიპის სენსორსა და  ქვემოწყობილობებს. ანუ ესაა უკაბელო  ქსელი, ინტეგრირებული სახანძრო სისტემით, დაცვის სისტემით, ვიდეოსამეთვალყურეო სისტემით, განათების მართვის სისტემით და ა.შ.

ასევე ხმოვანი ინფორმაციის დამუშავების მოწყობილობა, რომლის საშუალებითაც ვახდენთ მთლიანი სისტემის მართვას. სისტემასთან გვაქვს ასევე მობილური აპლიკაციით კავშირი, რომელიც  გვატყობინებს ნებისმიერი კვანძისა და სენსორის მდგომარეობის შესახებ, აპლიკაციის საშუალებით ვახდენთ სისტემის კონფიგურაციას.

 –რა სირთულე ახლავს ზოგადად პროექტებისა და გამოგონების შექმნის პროცესს  და რა არის ამ დროს ყველაზე მთავარი ?

-უპირველეს ყოვლისა,  აღვნიშნავ, რომ ეს სფერო საქართველოში საერთოდ არაა განვითარებული და ძალიან ცოტა ყურადღება ექცევა. სირთულე  გახლავთ პროტოტიპის ჩამოყალიბება და შექმნა. შორს რომ არ წავიდე, არაა ნორმალური ელექტრონიკის მაღაზია, სადაც შევძლებთ კომპონენტების შეძენას (თუ არ ჩავთვლით იმ მაღაზიებს,  სადაც პროექტისთვის  საჭირო კომპონენტების და მასალების 20%- საც ვერ შევიძენთ).

ასევე –  არ გვაქვს განვითარებული ელექტრონული დაფების წარმოება.

მთავარია  დიდი მონდომება. გამოგონების თუ ნებისმიერი პროექტის შექმნას ყოველთვის ახლავს სირთულეები.  მოგეხსენებათ, პრაქტიკულად ყოველთვის ისე არაა, როგორც თეორიაში. გაუკეთებელი საქმე არ არსებობს, მთავარია დიდი მონდომება და მუხლჩაუხრელი შრომა.  მხოლოდ ამ პრინციპით მიიღწევა დიდი შედეგი.

–ამჟამად რამე პროექტზე ხომ არ მუშაობთ და რას გეგმავთ  სამომავლოდ?

-ამჟამად ვმუშაობ რამდენიმე პროექტზე. ერთ-ერთი გახლავთ, გათბობის სისტემის ინტეგრაცია ზემოთ აღნიშნულ მოწყობილობასთან.

–სხვა ინტერესები ან ჰობი ხომ არ გაქვთ, გვიამბეთ  ამაზე.

-ძალიან მიტაცებს ავიაინჟინერია, სამწუხაროდ, დროის უქონლობის გამო ვერ ვიცლი, თუმცა მაქვს დიდი სურვილი მცირე ზომის თვითმფრინავის  შექმნის.

ასევე – ვცდილობ ჯანსაღი ცხოვრებით ვიცხოვრო, სპორტის სახეობიდან ე.წ ბოდიბილდინგითა და ცურვით ვარ დაინტერესებული სამოყვარულო დონეზე.

მასალა მოამზადა:  ანა ურუშაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ბიზნესიგამოგონება - ინოვაციასაქართველო

,,არტაქტივი” – ქართული სტარტაპი მსოფლიო ხელოვნების ინოვაციურ ბირჟას ქმნის

3.56K views on

 საქართველოში სულ მალე ინოვაციური ბლოკჩეინპლატფორმა – ,,ArtActive-ი” დაიწყებს ფუნქციონირებას, რომელიც ციფრულ ხელოვნებასა და ბლოკჩეინტექნოლოგიებს აერთიანებს და მომგებიან, ინოვაციურ ბაზას ქმნის ციფრული ხელოვნებით დაინტერესებულთათვის. სტარტაპის ავტორები, კიდევ ერთი ქართული კრიპტოვალუტის- „ArtCarat-ის“ შემქმნელებიც არიან, რომლის ღირებულებასა და ზოგადად პლატფორმის მნიშნელობაზე სტარტაპის მარკეტინგის დირექტორი – ვანო სტეფანიშვილი გვიამბობს.

-ვანო, აღგვიწერეთ, კონკრეტულად რა პრინციპით მუშაობს თქვენ მიერ შემუშავებულ ბლოკჩეინპლატფორმა?

-ჩვენს პლატფორმას აქვს ხელოვნების ნიმუშების „დაკრიპტვის“ ფუნქცია, სადაც მხატვარი შეძლებს ნამუშევრის რეგისტრირებას ბლოკჩეინში და მის გატანას გასაყიდად.  შეიქმნება ხელოვნების ნიმუშებით ვაჭრობის ობიექტები, გამოფენა-გაყიდვები, მარკეტები და აუქციონები, ყოველი ობიექტი კომფორტული ვაჭრობისათვის საჭირო უამრავ ფუნქციას შეიცავს, რაც ხელოვნების მოყვარულთა ნებისმიერ სეგმენტს კომფორტული ფინანსური კომუნიკაციის საშუალებას მისცემს.

გარდა ამისა, „ArtActive-ი“ ტექნიკურად დემოკრატიული პროექტია, ვინაიდან საფუძვლებში ბლოკჩეინის სპეციფიკა აქვს, შესაბამისად, ნებისმიერ მსურველს მიეცემა შესაძლებლობა თავისი სავაჭრო ობიექტი შექმნას, სადაც პროექტის ავტორებიც კი მოკლებულები ვიქნებით ნებისმიერ პრივილეგიას.

-რაც შეეხება კრიპტოვალუტა „ArtCarat-ს“,  როგორი იქნება მისი ღირებულება?

-„ArtCarat-ი“ არის არტბაზარზე  მოქმედი შიდაკრიპტოვალუტა, რომელსაც უნივერსალური ფუნქცია აქვს, ის ხელოვნების ნიმუშების დაკრიპტვაშიც გამოიყენება და მათ საბაზრო სტატუსს ასახავს. სხვა ვალუტებთან მიმართებაში მისი ღირებულების განსაზღვრა ჯერჯერობით არც ისე მარტივია, ვინაიდან შეუძლებელია სხვა კრიპტოვალუტების ზუსტი ხასიათის განსაზღვრა წინასწარ, თუმცა გამოთვლების საფუძველზე დავადგინეთ, რომ „ArtCarat-ის“ ღირებულების ზრდის პოტენციალი საკმაოდ დიდია და მას პირველ წელს საშუალოდ 3$-ის,  3 წელიწადში კი 100$-ის მიღწევის პოტენციალი თავისუფლად აქვს.

-რატომ გაგიჩნდათ სურვილი სწორედ ციფრული ხელოვნების კუთხით შეგექმნათ საკუთარი პროდუქტი?

-დღეს მსოფლიოში 50 მილიონზე მეტი ციფრული ხელოვანია, რომელიც ძირითადად კომერციული მიმართულებით ირჩენს თავს, მათი დიდი ნაწილი  არაკომერციულ ხელოვნებასაც ქმნის, თუ ფუნჯით დახატული ხელოვნების ნიმუშები ასობით ათას და მილიონობით დოლარს შეიძლება უტოლდებოდეს, რატომ არ შეიძლება კომპიუტერული ტექნოლოგიებით დახატული ხელოვნება იყიდებოდეს? ციფრულ ფაილს ერთი თავისებურება აქვს – კოპირებადია, სწორედ ამიტომ არ არსებობდა აქამდე ციფრული ვალუტები ან სხვა ისეთი ციფრული ფასეულობები, როგორიც ფინანსური აქტივია. ბლოკჩეინ ტექნოლოგიამ ყველაფერი შეცვალა, „არაკოპირებადობის“ (კრიპტოგრაფიის)  საფუძველზე შეიქმნა ციფრული ფინანსური აქტივების არსებობის შესაძლებლობა და სწორედ ამ პროგრესმა მოგვცა „Digital Art“ ბაზრის ჩამოყალიბების საშუალება, სადაც არსებული ნამუშევრები, კოპირებისგან დაცვის საფუძველზე გადაიქცევა საინვესტიციო, საკოლექციო ფასეულობად. შედეგად, იქმნება ხელოვნების ბაზრის ციფრული მოდელი, მისი არსებობა თანამედროვე რეალობაში ისეთივე აუცილებელია, როგორიც ტრადიციული ხელოვნების ბაზრის არსებობა, რომლის წლიური ბრუნვა 45 მილიარდ ამერიკულ დოლარს აღებატება.

-როდის ამუშავდება პლატფორმა და როგორია თქვენი სამომავლო გეგმები?

-უკვე შემუშავებულია მარკეტინგული სტრატეგიები და გლობალური მენეჯმენტის სტრუქტურული მოდელი, ამ ეტაპზე კი, პროექტის რეალიზებისთვის საჭირო ფინანსური სახსრების მოძიებაზე ვმუშაობთ, შემუშავებული გვაქვს საინვესტიციო პრაისიც მსხვილი, საშუალო და მცირე ინვესტორებისთვის, თუმცა ასევე მზად ვართ განვიხილოთ სხვა საპარტნიორო წინადადებებიც.

 სრული დატვირთვით ფუნქციონირების ვადებიც ინვესტიციების რაოდენობაზეა დამოკიდებული, ამ ეტაპზე, ქართველ და უცხოელ ინვესტორებთან მიმდინარეობს მოლაპარაკებები, პარალელურად კი, ვემზადებით პროექტის წარსადგენად, უპირველეს ყოვლისა, მეზობელ, შემდეგ კი მსოფლიოს დანარჩენ ქვეყნებში.

 

მასალა მოამზადა:  თამარ დევდარიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა“

 

სრულად ნახვა
კომუნიკაციამსოფლიოპოლიტიკატექნოლოგიები

მარკ ,,სორიბერგს” კონგრესის შემდეგ ევროპარლამენტში იბარებენ

1.96K views on

მარკ სორიბერგი – ასე უწოდეს 33 წლის ინტერნეტმაგნატს ორდღიანი სკანდალური დაკითხვის შემდეგ.

სოციალურ ქსელ „ფეისბუქის“ დამფუძნებელი ორი დღის განმავლობაში კონგრესმენების მწვავე შეკითხვებსა და კრიტიკას ისმენდა.

მას მოუხდა განემარტა, როგორ მოხვდა მილიონობით მომხმარებლის პირადი მონაცემები ცნობილი ბრიტანული კომპანიის, „კემბრიჯ ანალიტიკას“ ხელში და იყო თუ არა ეს ყველაფერი აშშ-ის ბოლო საპრეზიდენტო არჩევნებში რუსეთის შესაძლო ჩარევასთან კავშირში. ცუკერბერგმა საბოდიშო განცხადებები არაერთხელ გააკეთა და ხაზი გაუსვა, რომ პასუხისმგებლობას სრულად იღებს საკუთარ თავზე.

ცუკერბერგის გამოსვლის მთავარი თემები იყო რუსული ტროლები, სხვა ქვეყნების არჩევნებზე გავლენა და ,,ფეისბუკის“ უსაფრთხოება.

უხერხულ მდგომარეობაში მყოფი ცუკერბერგის ფოტოებისა და კადრების გავრცელების შემდეგ მასზე ბევრს ხუმრობდნენ. ზოგიერთმა ბატონი ,,სორიბერგი” ანდროიდ ,,Star Trek’s Date-ს“ შეადარა, რომელიც ადამიანურ ქცევებსა და ემოციებს ებრძვის.

დაკითხვამდე ცოტა ხნით ადრე კონგრესმა გამოაქვეყნა „ფეისბუკის“ დამფუძნებლის ჩვენების ტექსტი, რომელშიც ცუკერბერგი ბოდიშს იხდის და აღნიშნავს, რომ მომხმარებელთა მონაცემების გაჟონვის თავიდან ასაცილებლად უფრო მეტი უნდა გაეკეთებინა.

ბრიტანული კომპანიის „კემბრიჯ ანალიტიკას“ გარშემო სკანდალი მას შემდეგ აგორდა, რაც ცნობილი გახდა, რომ მისი მომსახურებით დონალდ ტრამპის საარჩევნო შტაბი სარგებლობდა. ამერიკული მედიის გამოძიებიდან კი ირკვევა, რომ ეს კომპანია მსოფლიოს გარშემო 200-ზე მეტ პლებისციტში ჩაერია. მათ შორის იყო არჩევნები კენიაში, ჩეხეთში, ნიგერიაში, ასევე ბრექსითის შესახებ რეფერენდუმი.

ბრალდების მიხედვით ,,ფეისბუკმა” ამ კომპანიას 87 მილიონი მომხმარებლის პირად მონაცემებთან წვდომის საშუალება მისცა.

ამ დრომდე კომპანიას სკანდალი მილიარდობით დოლარი დაუჯდა. ისევ აქტუალურია კამპანია #წაშალეფეისბუქი (#deletefacebook).

აღსანიშნავია, რომ მარკ ცუკერბერგის კონგრესში გამოსვლის შემდეგ კომპანიის აქციების ფასმა 5%-ით, დაახლოებით 3 მილიარდით მოიმატა.

როგორც ჩანს, 11-12 აპრილის დაკითხვით ყველაფერი არ მთავრდება. ევროპარლამენტი მარკ ცუკერბერგს მოუწოდებს, საპარლამენტო კომიტეტების წინაშე კომპანია „კემბრიჯ ანალიტიკის“ საქმესთან მიმართებით ახსნა-განმარტებები გააკეთოს. ინფორმაციას ამის შესახებ სააგენტო „ბლუმბერგი“ ავრცელებს. საპარლამენტო ჯგუფები სოციალური ქსელის „ფეისბუქის“ დამფუძნებელს სთხოვენ, სამი კომიტეტის წინაშე წარდგეს.

„ვფიქრობ, რომ მარკ ცუკერბერგი უნდა წარდგეს ევროპარლამენტის წინაშე. ეს ევროპელი მოქალაქეების მონაცემებს ეხება და ეს დიდი პოლიტიკური პრობლემაა“, – განაცხადა ჰოლანდიელმა დეპუტატმა სოფი ინტველტმა.

 

წყარო: Reuters

მასალა მოამზადა:  თამარ ტაბტაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
არქიტექტურა/დიზაინიგამოგონება - ინოვაციაეს საინტერესოამსოფლიოტექნოლოგიები

საფრანგეთში პირველი 3Dნაბეჭდი სახლი ააშენეს

1.5K views on

მკვლევარებმა საფრანგეთში მსოფლიოს პირველი 3Dნაბეჭდი სახლი წარმოადგინეს.  ნანტეს უნივერსიტეტის მეცნიერებმა განაცხადეს, რომ ეს იყო პირველი სახლი, რომელიც 3Dპრინტერის საშუალებით ადამიანთა საცხოვრებლად აშენდა.

რობოტი, რომელიც ცნობილია – როგორც BatiPrint3D, იყენებს სპეციალურ პოლიმერულ მასალას, რომელიც შენობის საიმედოობას საუკუნის მანძილზე ინარჩუნებს.

BatiPrint3D-ს სახლის კარკასის ასაშენებლად 18 დღე დასჭირდა.

,,ეს მომავალია? ეს არის გამოსავალი და კონსტრუქციული პრინციპი, რომელიც საინტერესოა იმიტომ, რომ ჩვენ ვქმნით სახლს პირდაპირ ადგილზე და რობოტის წყალობით, ჩვენ შეგვიძლია შევქმნათ რთული ფორმების მქონე კედლები“, – განაცხადა პროფესორმა ბენოიტ ფურეტმა, რომელიც პროექტზე მუშაობდა.

95 კვადრატული მეტრი, ხუთ-ოთახიანი სახლი ერთ-ერთ ადგილობრივ ოჯახს გადაეცემა.

Y- ფორმის სახლი აღჭურვილია მრავალი სენსორით, რომლებიც უზრუნველყოფენ ჰაერის ხარისხის, ტენიანობისა და ტემპერატურის მონიტორინგს, ასევე აღჭურვილობით, რომელიც შენობის თერმული თვისებების შესწავლას და ანალიზს უზრუნველყოფს.

მკვლევარები მიიჩნევენ, რომ ეს ტექნოლოგია საშუალებას მისცემს მესაკუთრეებს, დაზოგონ ენერგოხარჯები.

ნანტას ადგილობრივი ხელისუფლება 3D-ნაბეჭდი შენობის პროექტების გაგრძელებას აპირებს, რომლის ფარგლებში საზოგადოებრივ მისაღებსა და საცხოვრებელ ბინებს ააშენებენ.

წყარო: Reuters

მასალა მოამზადა:  თამარ ტაბტაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
საქართველოტრანსპორტიტურიზმი

დღეიდან რიყე-ნარიყალას საბაგირო მგზავრებს დროებით ვერ მოემსახურება

1.75K views on

თბილისის მერიის განცხადებით, 16 აპრილიდან 30 აპრილამდე საბაგიროზე ექსპლუატაციის, ინსტრუქციისა და ევროპული ნორმების შესაბამისი სამუშაოები ჩატარდება. 

„თბილისის სატრანსპორტო კომპანია გაცნობებთ, რომ 16 აპრილიდან 30 აპრილამდე რიყე – ნარიყალას საბაგირო გზა მგზავრებს ვერ მოემსახურება. ამ პერიოდის განმავლობაში ჩატარდება რეგლამეტით გათვალისწინებული, ექსპლუატაციის ინსტრუქციისა და ევროპული ნორმების შესაბამისი სამუშაოები, რომელიც ყოველი 22 500 ნამუშევარი საათის შემდეგ ხორციელდება.

სამუშაოებს თბილისის სატრანსპორტო კომპანიის შესაბამის ტექნიკურ ჯგუფთან ერთად, კომპანია ,,ლეიტნერის” სპეციალისტები აწარმოებენ. ამ პერიოდში კუს ტბის საბაგირო გზა ჩვეულ რეჟიმში იმუშავებს. თბილისის სატრანსპორტო კომპანია ბოდიშს გიხდით შექმნილი დისკომფორტისთვის”, – წერია განცხადებაში.

 

წყარო: https://www.indy100.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ბიზნესიეს საინტერესოაკომუნიკაციამსოფლიოტექნოლოგიები

 „Apple-მა“ წითელი „iPhone 8“ გამოუშვა

2.01K views on

კომპანია „Apple–მა“ წარადგინა „iPhone 8“ და „iPhone 8 plus“ წითელი შეფერლობით, ახალი პროდუქტი უკვე დიდი პოპულარობით სარგებლობს, მოგეხსენებათ – მსგავსი მოდელი ჯერ არ გამოუშვიათ. როგორც კომპანიაში ამბობენ, ეს მოდელი ძირითადად ქალბატონებზეა გათვლილი. როგორც ცნობილია – ფუნქციები არ აქვს განსხვავებული, იგივეა, რაც ჩვეულებრივი შავი, ან ნაცრისფერი მოდელები.

სავარაუდოდ, წითელი სმარტფონების გამოშვებამ განაპირობა 2018 წელს კომპანია ,,Apple–ის”  წარმატება კონკურენტ კომპანიებთან შედარებით, რადგან გაყიდვების მიხედვით მათ ყველა კომპანიას საგრძნობლად გადაუსწრეს.

მოწინავე ადგილებს „Apple–თან“ ერთდ „Samsung-ი“ და  „Huawei“ იკავებენ.

წყარო: Businessinsider.com

მასალა მოამზადა:  ლასა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
მანქანათმშენებლობამსოფლიოტექნოლოგიები

,,ტესლას” ნახევრად თვითმმართვადი მანქანა ავარიაში მოყვა

1.69K views on

ბოლო დროს თითქმის ყველა კომპანია ცდილობს გამოუშვას ნახევრად თვითმმართვადი მანქანები, რადგან 21–ე საუკუნის ერთ–ერთ მთავარ პროგრესულ სვლად მიიჩნევა. ამასთანავე – უკვე ხშირად გვხვდება ავტოსაგზაო შემთხევები, სადაც დამნაშავე თვითმმართვადი მანქანებია, ამის გამო კი – საზოგადოება დიდ პროტესტს გამოთქვამს, რადგან, მათი აზრით, საციცოცხლოდ მნიშვნელოვანია ეს პრობლემა, რობოტს და ხელოვნურ ინტელექტს არ უნდა ვანდოთ ჩვენი სიცოცხლე.

გასულ კვირას კიდევ ერთი ავტოსაგზაო შემთხვევა მოხდა კალვერ სიტიში, ,,ტესლას“ ნახევრად თვითმმართვადი მანქანა შეეჯახა სატვირთოს, მაგრამ ამ შემთხვევაში ბრალი მძღოლს მიუძღვის, რადგან იგი ალკოჰოლის მოქმედების ქვეშ იმყოფებოდა და ვერ შეძლო სათანადო რეაქციის გამოვლენა საჭირო დროს.

წყარო: Sciencealert.com

მასალა მოამზადა:  ლაშა ჯინჭარაძემ

ახლაგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
გამოგონება - ინოვაციასაქართველოტექნოლოგიები

ქართველი ახალგაზრდების აპლიკაცია მეგობრებთან სინქრონში ფილმის ყურების საშუალებას იძლევა

3.16K views on

30 მარტს ,,EUhack-ის” გუნდის ორგანიზებით კიდვე ერთი 48–საათიანი ჰაკათონი ჩატარდა, რომლის ფარგლებშიც პირველი ადგილი დაიკავა აპლიკაცია „Let’s watch-მა“. აპლიკაცია საშუალებას გვაძლევს ერთ ან რამდენიმე მეგობართან ერთად ვუყუროთ რაიმე ფილმსა თუ სერიალს სინქრონში, მისი ავტორები ივანე ჯავახიშვილის სახლობის სახელმწიფო უნივერსიტეტის სტუდენტები – აკაკი ხოჭოლავა, ჯონი კოსტავა, თორნიკე ცომაია და გიორგი ჭეიშვილი არიან. აპლიკაციის ინოვაციურ მხარეებსა და სამომავლო გეგმებზე აკაკი ხოჭოლავა გვიამბობს.

–აკაკი, თქვენი აპლიკაცია „Let’s watch-ი“ პროექტის გამარჯვებული გახდა, გვიამბეთ მისი მახასიათებლების შესახებ.

–“Let’s Watch-ი” არის აპლიკაცია, რომელიც 2 ან მეტ ადამიანს აძლევს დისტანციის მიუხედავად სინქრონში უყურონ სასურველ ფილმს, ვიდეოს ან მოუსმინონ მუსიკას  ვირტუალური კონტაქტის მაქსიმალური უზრუნველყოფით, ვგულისხმობ – საუბარსა და მიმოწერს ნახევრადგამჭვირვალე ჩატში, რათა არ დაირღვეს ფილმის ყურების პროცესი, მაყურებლებს შეუძლიათ მონიშნონ ეკრანზე კადრები, სხვადასხვა ფრად მიახატონ სასურველი გამოსახულებები და ამ ფორმით გაუზიარონ შთაბეჭდილება, რაღა თქმა უნდა, მიხატული გამოსახულება სულ რამდენიმე წამში გაქრება, რათა ამით დისკომფორტი არ შეიქმნას.

აპლიკაციას აქვს კიდევ ერთი საინტერესო თვისება, თუ თქვენ ფილმს უყურებთ ლეპტოპისა თუ პერსონალური კომპიუტერისგან მოშორებით და ამ დროს გსურთ რომ მეგობრებს/თანამაყურებლებს გაუზიაროთ რაიმე, ასეთ შემთხვევაში შეგიძლიათ ძირითად აპლიკაციას დაუკავშირდეთ სპეციალური Assistant-აპლიკაციით და ისაუბროთ, გაუგზავნოთ მესიჯები თანამაყურებლებს, გამოიყენოთ თქვენი მობილური როგორც paint-pad-ი და დახატოთ რაიმე რაც ასევე გამოჩნდება თანამაყურებლების ეკრანზეც. ამასთან – უნდა აღინიშნოს, რომ ენის ან ხარისხის შეცვლა და ხმის მომატება არის ინდივიდუალური, შესაბამისად, თუ თქვენ გსურთ უყუროთ რუსულად, სხვა მონაწილეს უნდა უყუროს ინგლისურად, ეს პრობლემას არ წარმოადგენს.

აღსანიშნავია, რომ როდესაც ერთ-ერთი მონაწილე თავად გადაახვევს ან დააპაუზებს ვიდეოს/ფილმს ან იგივე მოხდება რაიმე ტექნიკური პრობლემიდან გამომდინარე,  გამოსახულება სხვა მაყურებლებთანაც დაპაუზდება და როგორც კი ჩაიტვირთება ფილმი – პროცესი ყველასთან ავტომატურად გაგრძელდება.

-თუ აქვს თქვენს აპლიკაციას უცხოური ანალოგი და რამ გადაგაწყვეტინათ სწორედ ამ ტიპის პროდუქტზე მუშაობა?

-მსგავსი ტიპის ანალოგი არ არსებობს, უბრალოდ არსებობს პროგრამები რომლებითაც შეიძლება თქვენი კომპიუტერის გამოსახულების გაზიარება სხვა ადამიანებთან და ასეთი გზით ნახვა ფილმის ან ვიდეოსი, როგორიცაა “Skype”, ,,Team Viewer-ი”, მაგრამ მოგეხსენებათ ეკრანის გაზიარებისას იკარგება გამოსახულების ხარისხი, მაშინ როცა ,,Let’s Watch-ი” გაძლევთ საშუალებას უყუროთ ფილმებს სრული ხარისხით და ამასთან მიიღოთ მაქსიმალური კომფორტი თქვენი ემოციების გამოხატვისას.

-როდის შეეძლება დაინტერესებულ პირს თქვენი აპლიკაციით სარგებლობა?

–აპლიკაცია მცირე ხნით დახურული ტესტირების რეჟიმშია, მაგრამ უახლოეს მომავალში იგი გადავა ღია ტესტირების რეჟიმში, რის შედეგადაც ნებისმიერი მოხალისე შეძლებს ტესტირების პროცესში მონაწილეობის მიღებას და წვლილის შეტანას, საბოლოოდ კი როდესაც ღია ტესტირებაც დასრულდება – აპლიკაცია გაეშვება დასრულებული სახით.

-სამომავლოდ ხომ არ გეგმავთ აპლიკაციისთვის სხვა ფუნქციების დამატებასაც?

-რა თქმა უნდა, ვაპირებთ მოცემული აპლიკაციის განვითარებას, გეგმაში გვაქვს რომ აპლიკაციას გარდა გასართობისა – შევძინოთ საგანმანათლებლო ხასიათიც, რის შედეგადაც სტუდენტები და მოსწავლეები შეძლებენ საერთ დავალებების შესრულებას ონლაინრეჟიმში, ექნება ისეთი პრაქტიკული ფუნქციები როგორიცაა: ფორმულებისგან გრაფიკების აგება ავტომატურად და გაზიარება სხვებისთვის, კალკულაცია, ინტერფეისში ჩაშენებული ,,ინტერნეტძებნა” და ძებნის შედეგების ნახვება ჩვენება მონაწილეებისთვის. ეს უკანასკნელი მოსწავლეს საშუალებას მისცემს აღმოჩენილი რესურსი მარტივად გაუზიაროს სხვა მონაწილეებს.

 

მასალა მოამზადა:  თამარ დევდარიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
1 … 47 48 49 50 51 … 91
Page 49 of 91