ბიზნესი

ღრუბლოვანი კომპიუტერული კომპანია Salesforce სილიკონის ველის სხვა ტექნიკურ გიგანტებს უერთდება (Facebook და Microsoft), რომლებსაც თანამშრომლების მუშაობის განგრიგში მნიშვნელოვანი ცვლილებები შეაქვთ. კომპანია აცხადებს – “9-დან 5-მდე სამუშაო დღე მოკვდა”. როგორც ჩანს, Salesforce თანამშრომლებს საშუალებას აძლევს, თავად შეადგინონ ყოველდღიური განრიგი.

“ახალი წლის დასაწყისთან ერთად, უნდა განვაგრძოთ წინსვლა, სისწრაფე, კრეატიულობა და სუფთა გონებით აზროვნება – ეს გულისხმობს იმას, თუ როგორ დავხვეწთ ჩვენს კულტურას. შთამბეჭდავი სამუშაო სივრცე აღარ შემოიფარგლება ჩვენი ოფისების სამუშაო მაგიდით. 9-დან 5-მდე სამუშაო დღე მოკვდა, თანამშრომლების გამოცდილება უფრო მეტია, ვიდრე პინგ-პონგის მაგიდები და ხემსი” – წერს ბრენტ ჰაიდერი, Salesforce-ის ხალხის მთავარი ხელმძღვანელი.

კომპანია თანამშრომლებს სამუშაო გრაფიკის სამ კატეგორიას სთავაზობს – მოქნილი, სრულად დისტანციური და ფიზიკური, ოფისის სივრცეში მუშაობა. კომპანია ვარაუდობს, რომ ადამიანთა უმეტესობა მოქნილ განრიგს აირჩევს, რაც კვირაში ერთიდან სამ დღემდე ოფისში მუშაობას გულისხმობს. ასევე, ის განკუთვნილია გუნდური მუშაობის, შეხვედრებისა და პრეზენტაციებისთვის. “ჩვენი თანამშრომლები ამ სტრატეგიის არქიტექტორები არიან და მოქნილობა მნიშვნელოვანი იქნება წინსვლისთვის” – ამბობს ბრენტ ჰაიდერი.

აღარ აქვს აზრი იმის მოლოდინს, რომ თანამშრომლები რვასაათიან ცვლაში იმუშავებენ და წარმატებით შეასრულებენ სამუშაოს.

რა თქმა უნდა, კომპანიაში არიან ისეთი ადამიანებიც, რომელთა პოზიციაც მათი ოთხიდან ხუთ დღემდე ოფისში ყოფნას მოითხოვს, თუმცა ჰაიდერის თქმით ეს Salesforce-ის თანამშრომლების ძალიან მცირე ნაწილს ეხება.

ახალგაზრდა ანალიტიკოსთა და მეცნიერთა დარბაზი ,,დოქტრინა”

ბიტკოინის კაპატილაზია $900 მილიარდს მიუახლოვდა და Facebook-სა და “ტესლას” გადაუსწრო. შედეგად კი, მსოფლიოში ყველაზე ღირებულ აქტივად იქცა. კრიპტოვალუტის ფასმა დღეს, სამშაბათ დილას, ყველა დროის ყველაზე მაღალ დონეს მიაღწია და მისი არსებობის ისტორიაში პირველად გადააჭარბა $47 000-ს.

გარდა ბიტკოინისა, ღირებულების თვალსაზრისით, სხვა კრიპტოვალუტებმაც განიცადა მნიშვნელოვანი ცვლილება,  მათ შორისაა Dogecoin, Ethereum და Litecoin. ყველა კრიპტოვალუტის კომბინირებული საბაზრო კაპიტალი ახლა 1.4 ტრილიონი დოლარია.

აღსანიშნია, რომ ბიტკოინის ფასი სწორედ “ტესლას” განცხადების შემდეგ გაიზარდა, რომლის თანახმადაც კომპანიამ $1.5 მილიარდის ბიტკოინი იყიდა და მის ავტომობილების შეძენა ბიტკოინის მეშვეობითაც იქნება შესაძლებელი. როგორც ჩანს, სულ რაღაც ერთ ღამეში 44 000 დოლარამდე გაიზარდა, რაც ბაზრის არასტაბილურობას უსვამს ხაზს.

ახალგაზრდა ანალიტიკოსთა და მეცნიერთა დარბაზი ,,დოქტრინა”

დღეს საკმაოდ ბევრი კომპანიის ლოგოს დასახელება შეგვიძლია, რომელიც თითქმის ყველასთვის ცნობილია, მათ შორის არის Apple-ის ლოგოც. თუმცა ხსენებული კომპანიის ლოგო თავდაპირველად ისეთი სახის არ ყოფილა, როგორიც დღეს ყველამ ვიცით.

კომპანია Apple სტივ ჯობსისა და სტივ ვოზნიაკის მიერ შეიქმნა და ჩამოყალიბდა 1976 წელს. როგორც აღმოჩნდა, Apple-ის ლოგომ  1976 წლიდან დღემდე რამდენიმე ცვლილება განიცა. პირველი ლოგოს დიზაინი ეკუთვნის რონალდ ვეინს, რომელზეც გამოსახული იყო გამოჩენილი ინგლისელი მეცნიერი ისააკ ნიუტონი, რომელიც ხის ქვეშ ზის და რომელსაც ეს-ესაა ვაშლი დაეცემა თავზე.

პირველი ლოგოს ავტორი, რონალდ ვეინი ალბათ ყველაზე წარმატებული ადამიანი იყო, ასევე თანადამფუძნებელი Apple-ის და ამავდროულად, ყველაზე წარუმატებელი ადამიანიც, რადგან მან სულ რაღაც 800 დოლარად გაყიდა Apple-ის აქციების 10%, ეს რომ არ გაეკეთებინა ერთ-ერთი მდიდარი ადამიანი იქნებოდა დღეს.

მართალია, თავდაპირველი ლოგო ორიგინალური და საინტერესო იყო, თუმცა არა შესაფერისი მასობრივი გაყიდვებისთვის, შესაბამისად, აუცილებელი გახდა ლოგოს შემდგომი ცვლილება, რომლის დიზაინერიც რობ იანოვი გახდა და  Apple-ის კომპიუტერებზე სულ მალე გამოჩნდა მარტივი, ადვილად ცნობადი ლოგოტიპი, ფერადი ვაშლის გამოსახულება, თითქმის ისეთი, როგორსაც დღეს ვიცნობთ.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”