close

ასტრონომია - კოსმოსი

ასტრონომია - კოსმოსიგამოგონება - ინოვაციაეს საინტერესოამანქანათმშენებლობამსოფლიოტექნოლოგიები

ჩინეთი აღდგენის უნარის მქონე თანამგზავრების გამოშვებას 2019 წლისთვის აპირებს 

1.31K views on

ჩინეთი აცხადებს, რომ აღდგენადი თანამგზავრების შეთავაზებას კომერციული მომხმარებლისთვის 2019-2020 წლებში შეძლებს.

ჩინეთის კოსმოსური ტექნოლოგიის აკადემიის პრეზიდენტის – ჟანგ ჰონტაის განცხადებით, ქვეყანამ 1975 წლიდან დღემდე კოსმოსიდან 20-მდე თანამგზავრის წარმატებით დაბრუნება შეძლო და ჩინეთის ტექნოლოგია ძალიან საიმედოა თანამგზავრებისა და კოსმოსური ხომალდების ბაზარზე.

,,ჩვენ ვგეგმავთ ამ ტექნოლოგიის განახლებას კომერციული მომხმარებლების საჭიროებების დაკმაყოფილების მიზნით”, – განაცხადა მან.

თანამგზავრები მეცნიერებს საშუალებას აძლევს, უპილოტო მისიების საშუალებით კოსმოსში ექსპერიმემენტები გააგზავნონ და შედეგები აღადგინონ. ადრე ჩინეთმა აღნიშნული თანამგზავრებით კოსმოსში თესლი გააგზავნა და მისგან ახალი ტიპის მცენარეები შექმნა, რომლებიც ნულოვანი გრავიტაციისა კოსმოსური რადიაციის ქვეშ იმყოფებოდნენ.

ჩინეთის პრეზიდენტმა სი ძინპინიმ ეროვნული უსაფრთხოების გასაძლიერებლად  კოსმოსური პროგრამის განვითარება ქვეყნის პრიორიტად გამოაცხადა.

წყარო: Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ასტრონომია - კოსმოსიმსოფლიოპოლიტიკასამხედრო

დონალდ ტრამპი „კოსმიური სამხედრო ძალის“ შექმნას აანონსებს

1.67K views on

აშშ-ის პრეზიდენტმა, დონალდ ტრამპმა, სან დიეგოში, აშშ-ს საზღვაო ქვეითებთან შეხვედრის დროს, სიტყვით გამოსვლილსას განაცხადა, რომ მას სურს „კოსმიური სამხედრო ძალის“ შექმნა, რადგან კოსმოსიც, თავის მხრიც, საბრძოლო არეალია, ისევე, როგორც ხმელეთი, წყალი და საჰაერო სივრცე. ექსტრატერიტორიული სამხედრო ნაწილის შექმნის იდეის შესახებ ტრამპი ამბობს: „ იმის გათვალისწინებით, რომ ჩვენ ძალიან ბევრ რესურსს ვხარჯავთ კოსმოსში, შეიძლება მართლაც იყოს საჭირო ახალი ძალა, რომელსაც ჩვენ „კოსმიურ სამხედრო ძალას“ დავარქმევთ, თავიდან არ ვიყავი ამ იდეისადმი სერიოზულად განწყობილი, მაგრამ ახლა ვფიქრობ, რომ მისი განხორციელება საკმაოდ რეალურია.“   

კოსმოსის ეროვნულ უსაფრთხოებასთან დაკავშირება, შესაძლოა, გარკვეულ კავშირში იყოს გასულ წელს ხელმოწერილ დირექტივასთან, რომლის მიხედვითაც, უნდა მომხდარიყო, ფაქტობრივად, მომაკვდავი აშშ-ის კოსმოსში მოქმედებისა და მასთან დაკავშირებული პოლიტიკის გადახედვა.

ამ აქტივობების ერთ-ერთი მიზეზი სამხედროცაა. ვიცე პრეზიდენტმა – მაიკ პენსმა, ინიციატივის გავრცელებისას ახსენა აშშ-ის „უსაფრთხოება, იდენტობა და კეთილდღეობა“ და თან დაურთო, რომ რუსეთი და ჩინეთი ისეთ ტექნოლოგიებს ავითარებენ, რომლებმაც შესაძლოა ზიანი მიაყენოს ამერიკულ სატელიტებს კოსმოსში.

პლანეტა მარსის ათვისება პრეზიდენტ ტრამპის კიდევ ერთი მიზანია. ზემოთ აღნიშნული დირექტივის ხელმოწერისას, მან ისაუბრა ფონდის მსგავსი სტრუქტურის შექმნაზე, რომელმაც უნდა უზრუნველყოს „მარსზე მისიის განხორციელება და შემდეგ, შესაძლოა სხვა სამყაროების აღმოჩენაც.“

სან დიეგოში საჯარო გამოსვლისას, დონალდ ტრამპს არ დაავიწყდა ოპონენტი, ჰილარი კლინტონი და განაცხადა: „ძალიან მალე ჩვენ მარსზე ვიქნებით, თქვენ რომ ჰილარი კლინტონი აგერჩიათ პრეზიდენტად, ეს არ მოხდებოდა“.

წყარო: The Independent

მასალა მოამზადა: ცირა შვანგირაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ასტრონომია - კოსმოსიბიზნესიფიზიკა

სტივენ ჰოკინგი გარდაიცვალა:  „გახსოვდეთ, მუდამ მაღლა იყურეთ, უცქირეთ ვარსკვლავებს და არა დაბლა, თქვენს ფეხებს.“

2.13K views on

ცნობილი ბრიტანელი ფიზიკოსი სტივენ ჰოკინგი 76 წლის ასაკში გარდაიცვალა. ინფორმაცია მეცნიერის ოჯახმა უკვე დაადასტურა.

სტივენ ჰოკინგი დაიბადა ოქსფორდში 1942 წლის 8 იანვარს. 60-იანი წლებში, სტივენს გვერდითი ამიოტროფიული სკლეროზის სიმპტომები აღმოაჩნდა, რამაც დამბლამდე მიიყვანა. ხოლო ტრაქეის ამოკვეთის შემდეგ, მან მეტყველების უნარიც დაკარგა. უწინასწარმეტყველებდნენ, რომ 30 წლის ასაკამდე იცოცხლებდა. მიუხედავად ფიზიკური შეზღუდვისა, ის უამრავი სამეცნიერო ნაშრომის ავტორია.

ჰოკინგის სამეცნიერო მოღვაწეობა ძირითადად მიმართული იყო დიდი აფეთქების ფიზიკური საფუძვლების ახსნასა და შავი ხვრელების შიგნით სივრცისა და დროის მნიშვნელოვანი დეფორმაციის გამოკვლევისკენ.

როჯერ პენროუზთან ერთად მან დაასკვნა, რომ აინშტაინის ფარდობითობის ზოგადი თეორიის მიხედვით დრო და სივრცე შეიქმნა დიდი აფეთქების დროს. ამ შედეგებმა მოითხოვა ფარდობითობის თეორიისა და კვანტური მექანიკის სინთეზი.

ჰოკინგი იმედოვნებდა, რომ ფიზიკის ამ ორი დიდი თეორიის გაერთიანებით შესაძლებელი იქნება განხორციელდეს XX საუკუნის ფიზიკოსთა მისწრაფება შეიქმნას ბუნების ძალთა დიდი გაერთიანების თეორია.

სტივენ ჰოკინგის ცნობილი სამეცნიერო შრომებია „დროისა და სივრცის მსხვილმასშტაბური სტრუქტურა“, „ფარდობითობის ზოგადი ავტორის თეორია: აინშტაინის 100 წლისთავისადმი მიძღვნილი მიმოხილვა“, „გრავიტაციის 300 წელი”; ასევე წიგნები „დროის მოკლე ისტორია“, „შავი ხვრელები, ახალგაზრდა სამყარო“.

2013 წელს სტივენ ჰოკინგმა გამოსცა ავტობიოგრაფია ,,ჩემი მოკლე ისტორია”.

სტივენ ჰოკინგი „შავი ხვრელების“ წარმოშობას იკვლევდა და „დიდი აფეთქების“ შედეგად სამყაროს შექმნის თეორიის ავტორი იყო.

წყარო: https://www.sciencealert.com

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ანალიტიკაასტრონომია - კოსმოსიეს საინტერესოაკვლევები

რამდენი წლისაა დედამიწა რეალურად? – მეცნიერების თვალსაზრისი

3.8K views on

როგორ შეიძლება სამყარო იყოს 95 მილიარდი სინათლის წლის, როდესაც ის მხოლოდ, დაახლოებით, 14.3 მილიარდი წელია არსებობს?! დიდი აფეთქების შემდეგ, ყველაზე გავრცელებული შეფასების მიხედვით, სამყაროს ასაკი 13.75 მილიარდი წელს შეადგენს,  0.11 მილიარდი წლის მეტ-ნაკლებობით.

თუ სამყარო სტატიკურია, შეგვიძლია თეორიულად დავინახოთ 13.75 მილიარდი სინათლის წელი ყველა მიმართულებით, რადგან ფოტონები გადაადგილდება სინათლესთან ერთად (დაახლოებით 300 000 კილომეტრი წამში, ვაკუუმში) მას შემდეგ, რაც სამყარო შეიქმნა. შეფასებისას ირკვევა, რომ სამყაროს სიგანე 28.5 მილირდი წელს შეადგენს.

მაგრამ სამყარო არ არის სტატიკური.

„დიდი აფეთქების შემდეგ სამყარო, სივრცე და დრო გაფართოვდა,“ – ამბობს ასტრონომი და ასტროფიზიკის პროფესორი, პოლ ფრენსისი ავსტრალიის ეროვნული უნივერსიტეტის მაუნთ სტრომლოს ობსერვატორიიდან.

„ჩვენ ვიცით, რომ სივრცე ფართოვდება და იზრდება ექსტრაპოლაციით, როდესაც შეგვიძლია დავინახვოთ რაღაც, რაც უკვე ვნახეთ აქამდე იმავე ადგილას. ეს პროცესი  სამყაროს ასაკს მატებს.“

„უბედურება ის არის, რომ სამყარო არ ფართოვდება ყოველთვის ერთი განაკეთით, ამიტომ ექსტრაპოლაციით გამოწვეული დამოკიდებულებები შესაძლოა არ იყოს ზუსტი,“ – ამბობს ფრენსისი.

ფრენსისის მიხედვით, სამყარო ამ ეტაპისთვის ფართოვდება 70 კმ წამში  და მეგაპარსეკში ( 1 პარსექი არის 3.26 სინათლის წელი ან 31 ტრილიონი კილომეტრი).

რამდენი ხანი იყო ყველაფერი ერთად სივრცის ერთ კონკრეტულ ადგილას, როდესაც დიდი აფეთქება მოხდა?

„დიდი აფეთქებიდან 360 000 წლის შემდეგ სამყარო და ყველაფერი მასში გაფართოვდა 1100-ჯერ,“ – ამბობს ის.

„ეს ერთად მოძრავი ობიექტები, რომელბიც რთული ფინანსური პროცესებივით მოქმედებენ, მკვეთრად ზრდის სამყაროს ზომას, და ახლო მომავალში მისი დიამეტრი 93 მილიარდი სინათლის წელი იქნება.“

კოსმოსური დაისი

გაფართოების გასაზომათ მეცნიერები ეძებენ კოსმოსური ტალღების ზღაპრულ ნიშნებს გაბნეულს კოსმოსურ მიკროტალღოვან რადიაციაში – დიდი აფეთქების შემდეგ არსებულ მწუხრში.

ეს ტალღები მოიძებნება 300 მილიონი სინათლის წლის ფართობზე.

„სატელიტებს, როგორიცაა W-map და Planck, შეუძლიათ გაზომონ ეს ტალღები მაღალი სიზუსტით,“ – ამბობს ფრენსისი.

„ჩვენ ასევე ვხედავთ მათ დღეს, მაგრამ ისინი თავდაპირველად იყო ძალიან პატარა და ახლა გაბნეულია გალაქტიკებში.“

„თუ თქვენ დააკვირდებით გალაქტიკის გარკევულ ნაწილს, მაინც შენიშნავთ ტალღების განაწილებას, რომლებიც ერთნაირი მასშტაბისაა.“

„ასე რომ, ჩვენ შეგვიძლია გავზომოთ მისი ახლანდელი მასშტაბი და ასევე მისი მასშტაბი, სანამ სამყარო ახალგაზრდა იყო და ეს მოგვცემს ინფრომაციას იმის შესახებ, თუ რამდენად გაიზრდება მომავალში სამყარო.“

„როდესაც გავაერთიანებთ მიმდებარე გალაქტიკების გაზომვებს, ეს საშუალებას მოგვცემს, გავზომოთ ზუსტად, თუ რამდენად გაფართოვდება სამყარო დროთა განმავლობაში და ეს კი მოგვცემს ზუსტ ინფრომაციას სამყაროს ასაკის შესახებ.“

„ეს იგივეა, რომ ვთქვათ, თუ თქვენგან 100 კილომეტრით შორს მყოფი ობიექტი მოძრაობს თქვენკენ 100 კილომეტრი სიჩქარით ნახევარ საათში, რამდენ ხანში იქნება ის თქვენთან,“ – ამბობს ფრენსისი.

 

წყარო: abc.net

ახალგაზრდა ანალიტკოსთა და მეცნიერთა დარბაზი “დოქტრინა”

სრულად ნახვა
ასტრონომია - კოსმოსიდედამიწაეს საინტერესოა

გამოჩნდებიან თუ არა უცხოპლანეტელები დედამიწაზე?

1.7K views on

მსოფლიოს ერთ–ერთი პატივსაცემი, აღიარებული თეორიტიკოსის– მიჩიო კაკუს ვარაუდით, ადამიანებს ამ საუკუნის ბოლოს კონტაქტი ექნებათ უცხოპლანეტელებთან, მათ ცივილიზაციასთან.

კაკუს ვარაუდით, 2100 წელს ისინი გამოჩნდებიან და რადიოს სახით დაამყარებენ ადამიანებთან კონტაქტს.

სამყარო ყოველდღიურად ვითარდება, ბევრია საუბარი იმაზე, რომ პარალელური სამყაროც შეიძლება არსებობდეს, რომ გალაქტიკაში ჩვენ მარტონი არ ვართ.

წყარო: Sciencealert.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ასტრონომია - კოსმოსიკვლევები

მთვარეზე აღმოჩენილ წყალს უმაღლესი ხარისხი აქვს

1.61K views on

მეცნიერებმა მთვარის ზედაპირქვეშ დამალული დიდი ოდენობით წყალი აღმოაჩინეს, რომელსაც უმაღლესი ხარისხი აქვს – ამ დასკვნამდე  კოლორადოს კოსმოსის მეცნიერებათა ინსტიტუტის მკვლევრები მივიდნენ.   წყალი მთელი მთვარის მასშტაბით არის გავრცელებული  და პოტენციურად შესაძლებელია  მისი გამოყენება სასმელად და რაკეტების საწვავად, თუკი მას წყალბადად და ჟანგბადად დავშლით.

არცთუ ისე დიდი ხნის წინ,  მეცნიერები ფიქრობდნენ, რომ წყალი მთვარეზე ძირითადად პოლუსების ირგვლივ იყო. მიუხედავად იმისა, რომ წარმოდგენა შეიცვალა, კიდევ საკამათოა მთვარეზე არსებული წყლის მდებარეობისა და ქცევის საკითხი.

ახალგაზრდა ანალიტიკოსთა და მეცნიერთა დარბაზი ,,დოქტრინა“

 

 

 

სრულად ნახვა
ასტრონომია - კოსმოსიდედამიწაეს საინტერესოაკვლევებიმსოფლიო

მეცნიერები: ,,დედამიწაზე მარსის მსგავსი გარემო არსებობს და იქ სიცოცხლეა“

1.57K views on

პირველად მეცნიერების ისტორიაში, მკვლევარებმა მსოფლიოს ყველაზე მშრალი უდაბნო გამოიკვლიეს და დაადგინეს, რომ მის ნიადაგში შესაძლებელია სიცოცხლის არსებობა და, რაც მთავარია, იგივე შეიძლება ითქვას მარსის ნიადაგზეც.

მკვლევართა გუნდმა ვაშინგტონის სახელმწიფო უნივერსიტეტის პლანეტარული მეცნიერის დირკ შულც-მაქუჩის ხელმძღვანელობით, სამხრეთ ამერიკაში მდებარე ატაკამას უდაბნო შეისწავლეს, სადაც  ათწლეულობის განმავლობაში ერთხელ წვიმს.

მეცნიერები დიდი ხანია იკვლევენ, ამ ჰიპერარდიულ გარემოში, რომელიც ძალიან ჰგავს მარსის ზედაპირს,  მიკრობები მუდმივად ცხოვრობენ, თუ მარტივად იხოცებიან.

კვლებაში, რომელიც Proceedings of the National Academy of Sciences-ში გამოქვეყნდა, შულც-მაკუჩი და მისი გუნდი აცხადებს, რომ ისეთ ჰიპერარიდულ გარემოშიც კი, როგორიც ატაკამაშია, მიკროორგანიზმების სიცოცხლისთვის საჭირო პირობები არსებობს.

მეცნიერებმა დაადგინეს, რომ სპეციალიზებულ ბაქტერიებს ნიადაგში ცხოვრება შეუძლიათ, ისინი ათწლეულების მანძილზე ,,თვლემენ” და წვიმის დროს აქტიურდებიან და რეპროდუქცირდებიან.

,,ჩვენი კვლევა ამტკიცებს, რომ თუკი სიცოცხლის არსებობა დედამიწის ყველაზე მშრალ გარემო პირობებშიც შესაძლებელია, დიდი შანსია იმისა, რომ იგივე ხდებოდეს წითელ პლანეტაზეც.“

როდესაც შულც-მაკუჩი და მისი გუნდი 2015 წელს პირველად ჩავიდნენ ატაკამას უდაბნოში, წვიმდა. მეცნიერებმა კოკისპირული წვიმის შემდეგ ატაკამას ნიადაგში ბიოლოგიური აქტიურობა გამოავლინეს.

მათ გამოიყენეს სტერილური კოვზი და სხვა დელიკატური ხელსასწყოები, რათა ნიადაგის სხვადასხვა სიღრმიდან სინჯები აეღოთ და შემდეგ ჩაატარეს გენომური ანალიზი, რათა დაედგინათ მიკრობების სახეობები, რომლებიც ნიადაგში ხელახლა წარმოიშვნენ. მეცნიერებმა მიკრობული სიცოცხლის რამდენიმე ადგილობრივი სახეობა აღმოაჩინეს, რომლებიც მკაცრ პირობებში ცხოვრებას შეგუებული იყვნენ.

მეცნიერები უდაბნოში 2016 და 2017 წლებშიც ჩავიდნენ და ნახეს, რომ ის მიკროორგანიზმები, რომლებიც წვიმის დროს ცოცხალები იყვნენ, მშრალ გარემო პირობებში თანდათან იცვლებოდნენ და “მთვლემარე” მდგომარეობაში გადადიოდნენ.

,,დარწმუნებულები ვართ, რომ ეს მიკრობები მარსის მსგავს გარემო პირობებშიც ასეულობით და ათასეულობით წლის განმავლობაში ,,თვლემენ’, ხოლო წვიმის დროს სიცოცხლეს უბრუნდებიან,” – აცხადებენ კვლევის ავტორები.

წყარო: https://www.sciencedaily.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ასტრონომია - კოსმოსი

სამი ასტრონავტი კოსმოსური სადგურიდან უსაფრხოდ დაბრუნდა

1.13K views on

კაფსულა, რომელსაც ორი ამერიკელი ასტრონავტი და ერთი რუსი კოსმონავტი საერთაშორისო კოსმოსური სადგურიდან გადმოჰყავდა, ყაზახეთში უსაფრთხოდ დაეშვა.

ხუთ-ნახევართვიანი მისიის დასრულების შემდეგ, ასტრონავტების უსაფრთხო დაბრუნების კადრები ,,ნასას’ ტელევიზიამ გადმოცა.

კოსმოსურმა ხომალდმა ,,სოიუზმა” ამერიკელი ჯო აკაბა და მარკ ვანდე ჰეი, ასევე – რუსი ალექსანდრე მისურკინი ქალაქ ჟეზკაზგანში უსაფრთხოდ ჩამოიყვანა.

 კოსმოსში აწყობილი საერთაშორისო ორბიტული სადგური, რომელსაც მრავალმიზნობრივი კოსმოსური ლაბორატორიის სახით იყენებენ. სადგური დედამიწის დაბალ ორბიტაზე მოძრაობს და მისი დანახვა დედამიწიდან შეუიარაღებელი თვალით შეიძლება: მისი სიმაღლე მერყეობს 319,6 კმ-დან 346,9 კმ-მდე დედამიწის ზედაპირიდან. მისი მოძრაობის საშუალო სიჩქარეა 27.744 კმ/სთ და 15,7 ორბიტას ასრულებს დღეში.

 

წყარო: Reuters

მასალა მოამზადა: თამარ ტაბატაძე

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ასტრონომია - კოსმოსიკვლევები

ახალი თანამგზავრის მეშვეობით მარსის ქიმიურ შემადგენლობას შეისწავლიან

1.4K views on

ახალი თანამგზავრი – Trace Gas Orbiter-ი, რომელიც ევროპის კოსმოსურმა სააგენტომ შექმნა, მარსის ქიმიურ შემადგენლობას შეისწავლის.

პლანეტის გეოლოგიური შესწავლა აპრილიდან არის დაგეგმილი.  ზონდირების მეთოდით,  Trace Gas Orbiter -ი პლანეტიდან ისეთ სინჯებს აიღებს, რომლითაც მისი ქიმიური შემადგენლობის უკეთ გაგება იქნება შესაძლებელი.

 

წყარო:  Daily Mail

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

 

სრულად ნახვა
ასტრონომია - კოსმოსიეს საინტერესოაკვლევებიმსოფლიო

მეცნიერებმა ისრაელში ,,მარსზე” იმოგზაურეს

1.3K views on

მეცნიერთა ექვსკაციანმა გუნდმა ისრაელში, ნეგევის უდაბნოში, მარსის საცხოვრებელი პირობების სიმულაცია მოაწყო და ოთხდღიანი ექსპერიმენტი ჩაატარა. ამის შესახებ ისრაელის მეცნიერებისა და ტექნოლოგიის სამინისტრო იუწყება.

მონაწილეები იკვლევდნენ მარსის მომავალი მისიის სხვადასხვა ასპექტს, მათ შორის, თანამგზავრულ კომუნიკაციებს, იზოლაციის ფსიქოლოგიურ გავლენას, რადიაციულ გაზომვებსა და ნიადაგში სიცოცხლის ნიშნის ძებნას.

იერუსალიმის ებრაული უნივერსიტეტის ბირთვული ფიზიკის პროფესორი – გაი რონი აცხადებს, რომ პროექტი არა მხოლოდ მარსზე მომავალი მისიის ახალი მიდგომების მოძიებას ისახავს მიზნად, არამედ საზოგადოებრივი ინტერესის გაზრდასაც.

მისია D-Mars პირველია, რომელიც ისრაელში ქვეყნის კოსმოსურ სააგენტოსთან თანამშრომლობით განხორციელდა. ის ერთ-ერთია იმ მარსის სიმულაციის პროექტებს შორის, რომელიც მთელი მსოფლიოს მასშტაბით ხორციელდება.

წყარო: www.reuters.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

 

სრულად ნახვა
1 … 39 40 41 42 43 … 54
Page 41 of 54