close

ასტრონომია - კოსმოსი

ასტრონომია - კოსმოსიეს საინტერესოაკვლევებიმსოფლიო

მეცნიერებმა პლანეტა იუპიტერის მთვარე ,,ევროპაზე” სიცოცხლისთვის საჭირო ნიშნები აღმოაჩინეს 

მეცნიერები აცხადებენ, რომ პლანეტა იუპიტერის მთვარე ,,ევროპა” დედამიწის მიღმა სიცოცხლის ძიებისთვის მთავარი კანდიდატია. ამის თქმის საფუძველს მეცნიერებს წყლის ის ჭავლები აძლევს, რომელიც ,,ევროპიდან” კოსმოსში გამოიტყორცნება.

მეცნიერებმა ,,ნასას” კოსმოსური ხომალდის – ,,გალელეოს” მიერ 1997 წელს მოპოვებული მონაცემები ხელახლა გადასინჯეს და აღმოაჩინეს, რომ ,,ევროპას” მაგნიტური ველი მისი მიწისქვეშა ოკეანის გაყინული სფარიდან მომავალი გეიზერისგანაა გამოწვეული.

,,გალილეო“ დედამიწის ზედაპირის ზემოთ 200 კილომეტრზე მოძრაობდა, როცა მან აღნიშნულ ჭავლზე გაიარა.

,,ვიცით, რომ ,,ევროპას” ცხოვრებისთვის საჭირო ბევრი ინგრედიენტი აქვს, იქ არის ენერგია, წყალი, გარკვეული რაოდენობით ნახშირჟანგი, მაგრამ უდიდესი კითხვა, რომელიც ,,ევროპასთან” მიმართ გვაქვს, არის ის, თუ პოტენციურად რამდენად დასახლებადი ადგილია,” – განაცხადა ჯონს ჰოპკინსის უნივერსიტეტის პლანეტარულმა მეცნიერმა ელიზაბეთ თერთლმა.

კიდევ ერთი მტკიცებულება, რომელიც ,,ევროპაზე” დედამიწის ოკეანეებზე ორჯერ მეტი მოცულობის ოკეანის არსებობას ამტკიცებს, ,,ნასას” ,,Hubble Space Telescope-ის“ 2012 წელს შეგროვებული ულტრაიისფერი მონაცემია.

,,ნასა” 2022 წელს ახალი მისიის ,,ევროპა კლიპერის” დაწყებას აპირებს, რომლის ფარგლებში წყლის ჭავლების ნიმუშების გამოკვლევა იგეგმება, რათა დაადგინონ, შეიცავს თუ არა ის ისეთ ნიშნებს, რაც ოკეანეში სიცოცხლის არსებობაზე იმეტყველებს.

წყაროReuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
ასტრონომია - კოსმოსიგამოგონება - ინოვაციამანქანათმშენებლობამსოფლიოტექნოლოგიები

,,NASA-ს” პირველი ვერტმფრენი, რომელიც სხვა პლანეტაზეც შეძლებს გადაადგილებას

,,NASA–მ“ გამოაცხადა, რომ 2020 წლის მისიისთის იგეგმება, გამოუშვან ახალი ვერტმფრენი.

ექსპერიმენტული მოდელი პატარა ზომის დრონია. იგი, შესაძლოა, გახდეს პირველი მფრინავი მოწყობილობა, რომელიც მარსის ატმოსფეროში იფრენს.  იმისათვის, რომ ახალი ტექნოლოგია წარმატებული გამოდგეს,  მეცნიერებს ბევრი გამოწვევის გადალახვა მოუწევთ.

მაგალითად: რთულია განსაზღვრო წითელი პლანეტის ატმოსფეროში შეძლებს თუ არა აქ შექმნილი დრონი გადაადგილებას. მეცნიერები ვარაუდობენ, რომ ვერტმფრენი, რაღაც დოზით, აუცილებლად  უნდა იყოს ფუნქციურად დამოუკიდებელი, რადგან, შესაძლოა, რაიმე გართულებების შედეგად, სიტუაცია უკონტროლო გახდეს.

 

წყაროSciencealert.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
ასტრონომია - კოსმოსიკვლევებიმსოფლიოტექნოლოგიები

განახლებულმა ,,Falcon 9-მ” სადებიუტო გაფრენა განახორციელა

კომპანია ,,SpaceX-ის განახლებულმა რაკეტა ,,Falcon 9-მ, რომელიც ,,ნასას” მომავალი მისიებისთვისაა დამზადებული, პარასკევს ფლორიდის კაპე კანავერალას აეროდრომიდან  სადებიუტო გაფრენა განახორციელა. 

რაკეტამ ორბიტაზე განსათავსებლად ბანგლადეშის თანამგზავრი გადაიტანა.

განახლებულ ,,Falcon 9-ს” გაცილებით ძლიერი და უსაფრთხო  ძრავი Block-5 აქვს, ვიდრე წინამორბედი Block-4 იყო.

ძრავი Block-5  განკუთვნილია მრავალჯერადი გამოყენებისთვის. კომპანია ,,SpaceX-ის” ინფორმაციით, განახლებული ძრავის, სულ ცოტა, 10-ჯერ გამოყენებაა შესაძლებელი, გაფრენასა და გადრენას შორის კი მხოლოდ მინიმალური რემონტია საჭირო, რაც ფრენის ხარჯს მნიშვნელოვნად ამცირებს.

გაძლიერებული რაკეტის მრავალჯერადი გამოყენება უმთავრეს პრინციპს წარმოადგენს  ,,SpaceX-ის” მფლობელ მილიარდერ მეწარმე ილონ მასკისთვის, რომლის მთავარი მიზანი კოსმოსში კომერციული ფრენების განხორციელება და ადამიანების მარსზე გაგზავნაა.

პარასკევის გაფრენა წელს ,,SpaceX-ისთვის“ მეცხრეა, რაც შარშან ანალოგიურ პერიოდთან შედარებით თითქმის ორჯერ მეტია.

რაკეტამ მისიის ფარგლებში დედამიწის ორბიტაზე ბანგლადეშის მთავრობის პირველი საკომუნიკაციო თანამგზავრი Bangabandhu-1-ი განათავსა, რაც კომპანია ,,SpaceX-ის“ ინფორმაციით, Falcon 9-მ აფრენიდან 33 წუთში განახორციელა.

Block-5 -ი ,,Falcon 9-ს“ საბოლოო ვერსიაა, სანამ კომპანია სუპერმძიმე რაკეტა Big Falcon Rocket-ს წარმოადგენს, რომელიც ადამიანების მარსზე გასაგზავნად იქნება განკუთვნილი. ,,SpaceX-ი“ და ,,Boeing Co“ ის ორი კომპანია გახლავთ, რომელიც ,,ნასამ” ასტრონავტების კოსმოსურ სადგურზე გადასაყვანად დაიქირავა.

წყარო: Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ასტრონომია - კოსმოსიეს საინტერესოაკვლევები

ასტრონომებმა პლუტონი პლანეტად გამოაცხადეს

უკვე დიდი ხანია მსჯელობენ პლუტონის შესახებ – საბოლოოდ, როგორც ჩანს, გადაწყდა, რომ ის პლანეტაა. ყოველ შემთხვევაში, ასტრობიოლოგ დევიდ გრინსპუნს და მკვლევარ ალან შტერნს ასე მიაჩნიათ. 

როგორც მეცნიერები განმარტავენ, პლანეტად მიიჩნევა ყველა ციური სხეული, გეოლოგიური და კლიმატური თავისებურებებით, მათ შორის პლანეტების მსხვილი ბუნებრივი თანამგზავრებიც კი, მაგალითად, ტიტანი (სატურნის თანამგზავრი). სხვათა შორის, ტიტანი მერკურიზე დიდია.

მეცნიერები საერთაშორისო ასტრონომიული კავშირის 2006 წლის გადაწყვეტილებას აკრიტიკებენ. მაშინ მკვლევრებმა სიტყვა ,,პლანეტის” მნიშვნელობაზე ისაუბრეს და ამ კატეგორიაში გაიყვანეს მხოლოდ ის ციური სხეულები, რომლებიც მზის გარშემო ბრუნავს და რომელთაც შეუძლიათ თავიანთი ორბიტის ირგვლივ დაასუფთავონ ტერიტორია.

აქამდე პლუტონს 5 ცალკეული ობიექტს შორის გამოყოფდნენ ცერერას, ჰომეას, მაკემაკესა და ერისს შორის. ისინი საკმარისად დიდებია იმისთვის, რომ თავიანთი გრავიტაციით მრგვალი (უფრო სწორად – მომრგვალო) ფორმა მიიღონ. სწორედ ამიტომ, მათ ჯუჯა პლანეტებად მოიხსენიებდნენ.

 

წყარო:   Washington Post

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიეს საინტერესოაკვლევები

მეცნიერებმა პოტენციურად დასახლებადი პლანეტა აღმოაჩინეს

გასული წლის თებერვალში ევროპელ ასტრონავტთა გუნდმა განაცხადა, რომ აღმოაჩინეს შვიდპლანეტიანი სისტემა, რომელიც ვარსკვლავ TRAPPIST-1-ის ახლომახლო მოძრაობს.

გარდა იმისა, რომ შვიდივე პლანეტა კლდოვანი იყო, სამი მათგანი TRAPPIST-1-ის სიცოცხლისთვის პოტენციურად ხელსაყრელ ზონაში მდებარეობს. იმ პერიოდიდან მეცნიერებმა არაერთი კვლევა ჩაატარეს იმის დასადგენად, არის თუ არა სიცოცხლე რომელიმე ამ პლანეტაზე.

კვლევები ორიენტირებული იყო იმაზე, აქვთ თუ არა ამ პლანეტებს ატმოსფერო, როგორია მათი შემადგენლობა და ინტერიერი.

ერთ-ერთი ბოლო კვლევა კოლუმბიის უნივერსიტეტის Cool Worlds Laboratory-ში ორმა მკვლევარმა ჩაატარა, რომლებმაც დაადგინეს, რომ TRAPPIST-1-ის ერთ-ერთ პლანეტას (TRAPPIST-1e) დიდი რკინის ბირთვი აქვს – ეს არის დასკვნა, რომელიც მეცნიერებს დაეხმარებათ იმის დადგენაში, არის თუ არა პლანეტაზე სიცოცხლისთვის ხელსაყრელი პირობები.

კვლევა სახელწოდებით – „TRAPPIST-1e-ს დიდი რკინის ბირთვი აქვს“, გაბრიელ ენგლემენ-სუისამ და დევიდ კიპინგმა ჩაატარეს. მათ კვლევისთვის მანამდე ჩატარებული კვლევების მონაცემები გამოიყენეს. TRAPPIST-1-ის მასისა და რადიუსის პარამეტრების საშუალებით, თითოეული პლანეტის მაქსიმალური და მინიმალური ბირთვის რადიუსის ფრაქცია (CRF) განსაზღვრეს.

CRF-ის განსაზღვრის მეთოდს კიპინგი შემდეგნაირად აღწერს: ,,თუ თქვენ იცით მასა და რადიუსი ძალიან ზუსტად, ისევე როგორც TRAPPIST-1-ის სისტემის შემთხვევაში, შეგიძლიათ ის თეორიულად განსაზღვრულ ინტერიერის სტრუქტურის მოდელებს შეადაროთ.

პრობლემა ისაა, რომ ეს მოდელები, ზოგადად, მოიცავს ოთხ ფენას – რკინის ბირთვს, სილიკატურ მანტიას, წყლის ფენასა და მსუბუქ არამდგრად გარსს (დედამიწას აქვს მხოლოდ ორი მათგანი აქვს, მისი ატმოსფერო მასა და რადიუსზე უმნიშვნელოა).

მეცნიერებმა დაადგინეს, რომ TRAPPIST-1e-ის შემთხვევაში, მისი ბირთვი პლანეტის რადიუსის, სულ მცირე, 50 პროცენტი და მაქსიმუმ 78 პროცენტი უნდა ყოფილიყო. 

ეს მონაცემები რომ დედამიწისას შევადაროთ, სადაც შიდამყარი ბირთვი რკინისა და ნიკელისაა და გარეთხევადი კი – დამდნარი რკინა-ნიკელის, ის პლანეტის რადიუსის 55 პროცენტს შეადგენს.

TRAPPIST-1e-ის CRF-ის ზედა და ქვედა ზღვარის დადგენით მეცნიერებმა დაადგინეს, რომ მას მასიური ბირთვი უნდა ჰქონდეს, რომელიც დედამიწის მსგავსია.

ეს დასკვნა იმაზე მეტყველებს, რომ TRAPPIST-1-ის ერთ-ერთი პლანეტა – e – დედამიწას ყველაზე მეტად ჰგავს და, სავარაუდოდ, მას დამცავი  მაგნიტოსფერო აქვს.

კიპინგის განმარტებით, ამ დასკვნას დიდი მნიშვნელობა აქვს საცხოვრებლად ხელსაყრელი ეგზოპლანეტების აღმოჩენის თვალსაზრისით და, ამ მხრივ, TRAPPIST-1e-ი სიის თავში უნდა მოვაქციოთ.

,,პლანეტა დედამიწაზე უფრო პატარაა. ის მდებარეობს საცხოვრებლად ხელსაყრელ ზონაში და ახლა ვიცით, რომ დედამიწის მსგავსად დიდი რკინის ბირთვი აქვს. ისევე, როგორც დედამიწას, პლანეტას არ აქვს არამდგრადი გარსი. უფრო მეტიც, TRAPPIST-1 Proxima-ზე უფრო მშვიდი ვარსკვლავი ჩანს და, ჩემი აზრით, სიცოცხლის არსებობის შანსი TRAPPIST-1e -ზე უფრო მეტადაა, ვიდრე Proxima b -ზე,” – განაცხადა კიპინგმა.

აღსანიშნავია, რომ კიპინგი და მისი გუნდი აპირებენ ჩაატარონ კვლევები Proxima b-ის შესახებ, რათა დაადგინონ, აქვს თუ არა მას ატმოსფერო და რა რა შეიძლება იყოს მისი CRF-ი.

მეცნიერები იმედოვნებენ, რომ მომავალი კვლევების საშუალებით, რომლებსაც მომავალი თაობის ტელესკოპით ჩაატარებენ, კიდევ უფრო მეტს აღმოაჩენემ ამ სისტემის შესახებ და გაარკვევენ, არსებობს თუ არა ამ სისტემაში პოტენციურად დასახლებადი პლანეტა.

წყარო: http://sciencealert.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ასტრონომია - კოსმოსიეს საინტერესოაკვლევები

,,ნასა” მარსის ბიძგების შესასწავლად ახალ მისიას იწყებს

,,ნასამ” ახალი კოსმოსური მისია – InSight-ი დაიწყო, რომლის მიზანი მარსის ინტერიერის გამოკვლევაა.

ლენდერი წითელი პლანეტის ზედაპირზე სეისმომეტრებს განათავსებს, რათა მარსზე არსებული ბიძგები გამოავლინოს და ამ გზით მისი გეოლოგია და შიდაწყობა გამოიკვლიოს.

InSight-ით კოსმოსში რაკეტა ,,ატლას 5″-ით გადაიტანეს, რომელიც კალიფორნიის ვანდენბერგის საჰაერო ძალების ბაზიდან შაბათს გაუშვეს.

მეცნიერები ვარაუდობენ, რომ  InSight-ი წელიწადში 3 მაგნიტუდზე ნაკლები სიმძლავრის ათეულობით ბიძგს გამოავლენს. სეისმომეტრები ფრანგმა და ბრიტანელმა მეცნიერებმა შექმნეს.

,,დედამიწაზე მიწისძვრა ძირითადად, ტექტონიკური პროცესებით არის გამოწვეული.  არ ვფიქრობთ, რომ ტექტონიკური პროცესები მარსზე აქტიურია, თუმცა ზუსტად არ ვიცით, ასე რომ, სეისმური ნიმუშის მოპოვება საჭირო ინფორმაციის მიღებაში დაგვეხმარება,”- აცხადებენ პროექტში ჩართული მეცნიერები.

მკვლევარებმა მიიჩნევენ, რომ მარსს ოდესღაც ჰქონდა თხევადი ბირთვი ჰქონდა, რასაც იქ წარმოქმნილი მაგნეტიზმი ამტკიცებს. InSight-ის რადიოაღჭურვილობის საშუალებით, მეცნიერებს სურთ დაადგინონ, არსებობს თუ არა ამ უძველესი სითხის კვალი წითელ პლანეტაზე.

,,თუ მოუხარშავ და მოხარშულ კვერცხს აიღებთ და გაარყევთ, ისინი სხვადასხვაგვარად იმოძრავებენ შიგნით სითხის სხვადასხვაგვარი გადანაწილების გამო. თუკი კოსმოსური ხომალდით სრულყოფილ გამოკვლევას ჩავატარებთ, დავადგენთ, როგორ ირხევა წითელი პლანეტა, რაც მარსის ბირთვის შესახებ ბევრ ინფორმაციას მოგვაწვდის,” – აცხადებენ მეცნიერები. 

მანამდე კი,  ,,InSight-ს“ წინ 6 თვის გზა აქვს 26 ნოემბრამდე, ანუ სანამ ,,ნასას” მარს ლენდერი წითელ პლანეტამდე მიაღწევს.

 

წყარო: BBC

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ანალიტიკაასტრონომია - კოსმოსიეს საინტერესოაკვლევებიტექნოლოგიები

,,მარს როვერის“ სითბური ფარი გამოცდისას დაიმსხვრა – შეიცვლება თუ არა წითელი პლანეტის მისიის თარიღი?

იმ კოსმოსური ხომალდის თერმული ფარი, რომლის გაგზავნას ,,ნასა” 2020 წელს მარსზე აპირებს, გამოცდისას ,,მოულოდნელად” დაიმსხვრა.

მიუხედავად ამ მარცხისა, აერონავტიკის და კოსმოსური სივრცის კვლევის ეროვნული საგენტო აცხადებს, რომ ,,სიტუაცია არ იმოქმედებს მისიის თარიღზე, რომელიც 2020 წლის 17 ივლისითაა განსაზღვრული.”  სააგენტო ახალი ფარის აგებას უახლოეს მომავალში გეგმავს.

მისია, რომლის ღირებულება 2 მილიარდი აშშ დოლარია, ,,ნასას” ,,მარს როვერის“  წითელ პლანეტაზე გაგზავნას ითვალისწინებს. მისი მიზანი პლანეტის ქანებისა და ნიადაგის სინჯების აღება და წარსულის მიკრობული ცხოვრების ნიშნების აღმოჩენაა. სააგენტო აცხადებს, რომ მისიამ უნდა მოამზადოს საფუძველი მარსზე ადამიანის გასაგზავნადაც.

მნიშვნელოვანია მისიის განხორციელების თარიღი. ცნობილია, რომ 2020 წლის ივლისსა და აგვისტოში დედამიწისა და მარსის მოსალოდნელი მდებარეობა წითელ პლანეტამდე მიღწევას მნიშვნელოვნად გააიოლებს.

,,ნასას“ თერმულმა ფარმა, რომელიც თერმული სისტემის ნაწილია და რომელმაც დაახლოებით 2,100°C ტემპერატურას უნდა გაუძლოს, ,,მარს როვერი“ პლანეტის ატმოსფეროში წარმოქმნილი ინტენსიური სითბოსგან უნდა დაიცვას.

 

წყარო:  Reuters ; https://www.nasa.gov

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ასტრონომია - კოსმოსიდედამიწამსოფლიო

ევროპამ დედამიწაზე დაკვირვების პროგრამის ფარგლებში ორბიტაზე მეშვიდე თანამგზავრი გაუშვა

ევროპა  დედამიწაზე დაკვირვების პროგრამის ფარგლებში ორბიტაზე Sentinel Earth-ის მეშვიდე თანამგაზვრი გაუშვა. თანამგზავრი რამდენიმე მილიარდიანი პროგრამის – ,,Copernicus-ის“ ნაწილია, მისი მიზანი ელ ნინიოს ფენომენისა და გლობალური დათბობის შესწავლაა.

თანამგზავრი Sentinel-3B-ი იმ თანამგზავრების სისტემის ნაწილია, რომელიც დედამიწის მონიტორინგს ახორციელებს. თანამგზავრი კოსმოსში რაკეტა Rockot-ით გადაიტანეს, რომელიც პლესეცკის კოსმოდრომიდან ოთხშაბათს გაუშვეს.

Sentinel-3B თავის ტყუპისცალს – Sentinel-3A-ს შეუერთდება, რომელიც ორბიტაზე 2016 წლიდანაა განთავსებული და ზღვის ზედაპირის ტემპერატურაზე მონაცემებს აგროვებს, რომელიც სინოპტიკოსებს ამინდის პროგნოზირებასა და ტემპერატურის ზრდის შედეგების განსაზღვრაში ეხმარება.  

ორივე თანამგზავრი დედამიწის ზემოთ 815 კილომეტრ სიმაღლეზე, პლანეტის მოპირდაპირე მხარეს იმოძრავებს.

პროექტ Copernicus-ს ევროპის კოსმოსური სააგენტო (ESA) ახორციელებს. მას დედამიწის დაკვირვების ყველაზე ამბიციურ პროგრამად აფასებენ. ევროკავშირმა და ევროპის კოსმოსურმა სააგენტომ პროექტი 9,8 მილიარდი აშშ დოლარით დააფინანსეს.  პროექტის დაწყება მას შემდეგ გახდა აუცილებელი, რაც ევროპამ 2012 წელს დედამიწის სადამკვირვებლო თანამგზავრთან  – Envisat-თან კონტაქტი დაკარგა.

წყაროhttps://www.reuters.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოტრინა

სრულად ნახვა
ასტრონომია - კოსმოსიდედამიწაეს საინტერესოაკვლევებიტექნოლოგიები

,,ნასა” სიცოცხლისთვის საჭირო პირობების მქონე პლანეტებს ეძებს

ნასამ ახალი მისია დაიწყო – მისი მიზანი ჩვენი მზის სისტემის მიღმა ისეთი პლანეტების აღმოჩენაა, რომელზეც სიცოცხლისთვის საჭირო პირობები არსებობს.

მისიის ფარგლებში ფლორიდადან ,,SpaceX–ის” რაკეტა Falcon 9 გაეშვა, რომელმაც კოსმოსში  ტრანზიტული  ეგზოპლანეტის საკვლევი თანამგზავრი ,,TESS-ი” გადაიტანა.

,,ნასას| უახლესი ასტროფიზიკის თანამგზავრი, რომელიც 337 მილიონი აშშ დოლარი დაჯდა, ასტრონომების ე.წ. ეგზოპლანეტების კატალოგს გააფართოვებს.

TESS-ს შექმნილია იმისათვის, რომ გააგრძელოს მისი წინამორბედის, Kepler-ის კოსმოსური ტელესკოპის სამუშაო, რომელმაც ბოლო 20 წლის განმავლობაში 3,700 ეგზოპლანეტა აღმოაჩინა.

TESS-ი დაახლოებით მაცივრის ზომისაა, იგი აღჭურვილია მზის პანელი ფრთებით და ოთხი სპეციალური კამერით. ახალ თანამგზავრს დედამიწასა და მთვარეს შორის მდებარე ორბიტამდე მისაღწევად დაახლოებით 60 დღე დასჭირდება.  

,,კეპლერის” მსგავსად, TESS-ი ტრანზიტფოტომეტრიის აღმოჩენის მეთოდს გამოიყენებს. ფოტომეტრიული მონაცემები მიიღება ეგზოპლანეტის თავის ვარსკვლავსა და დამკვირვებელს შორის გავლისას. ეს მონაცემები, როგორც წესი, გამოიყენება პლანეტის ზომის, ატმოსფეროს არსებობისა და მისი შემადგენლობის დასადგენად, მაგრამ მეცნიერებმა იპოვეს ამ მონაცემების მიხედვით პლანეტის მასის დადგენის გზაც.

 

წყარო:Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ასტრონომია - კოსმოსიეს საინტერესოაკვლევებიმსოფლიოფიზიკა

მეცნიერები: ,,დიდი აფეთქება 2 სამყაროს არსებობას დაასრულებს“

ჩვენი სამყაროს არსებობა შესაძლოა ისევე დამთავრდეს, როგორც დაიწყო: დიდი, მოულოდნელი აფეთქებით.

ამის შესახებ ჰარვარდის უნივერსიტეტის ფიზიკოსები ახლახან ჩატარებულ კვლევაზე დაყრდნობით იუწყებიან.  მათ აღმოაჩინეს, რომ ჰიგსის ბოზონის დესტაბილიზაციამ (ნაწილაკები, რომლებიც ნებას რთავს მრავალ იდენტურ ნაწილაკს იმყოფებოდეს ერთი და იმავე ადგილას ერთი და იმავე კვანტურ მდგომარეობაში) შეიძლება გამოიწვიოს ენერგიის აფეთქება, რომელიც მოიცავს ყველაფერს სამყაროში და ფიზიკისა და ქიმიის კანონებს გადაატრიალებს.

სამეცნიერო ჟურნალ ,,Physical Review D-ში, მეცნიერებმა გამოაქვეყნეს კვლევა, სადაც დაანგარიშებულია სამყაროს დასასრულის თარიღი.

მათი მტკიცებით, ეს შესაძლოა 10139 წელიწადში, ან 10 მილიონ ტრილიონ ტრილიონ ტრილიონ ტრილიონ ტრილიონ ტრილიონ ტრილიონ ტრილიონ ტრილიონ ტრილიონ წლის შემდეგ მოხდეს.

ჰარვარდის უნივერსიტეტის ფიზიკოსები 95 პროცენტით დარწმუნებულები არიან, რომ სამყარო დღეიდან სულ ცოტა  1058 წელს იარსებებს.

ჰიგსის ბოზონი 2012 წელს დიდი ადრონული კოლაიდერით აღმოაჩინეს. ნაწილაკის მასა(ან ენერგია) 126 გიგაელექტრონვოლტს შეადგენს. მეცნიერების ნაწილი აცხადებს, რომ ბოზონის მასა სამყაროს არასტაბილურობასა და შორეულ მომავალში მის უეჭველ დაშლაზე მეტყველებს. დაშლა ახალ დიდ აფეთქებასთან იქნება დაკავშირებული, რომელიც ახლანდელ სამყაროს გაანადგურებს.

მეცნიერების ვარაუდით, კოლაფსი შესაძლოა სამყაროს სიღრმეში შავი ხვრელის ირგვლივ სივრცე-დროის გამრუდებამ გამოიწვიოს. სივრცე-დროის გამრუდება ფიზიკის კანონებს თავდაყირა აყენებს და ნაწილაკების უცნაურ ურთიერთქმედებას იწვევს. მეცნიერები აცხადებენ, რომ შესაძლოა, კოლაფსი უკვე დაწყებულია და ჩვენ ამის შესახებ არ ვიცით და არც შეგვიძლია გავიგოთ იმის გამო, რომ ჰიგსის ბოზონის ნაწილაკი ძალიან შორს მდებარეობს და მეცნიერებს ანალიზის ჩატარების შესაძლებლობა არ აქვთ.

წყარო: Sciencealert.com

მასალა მოამზადა:  ლაშა ჯინჭარაძემ

ახლაგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
1 37 38 39 40 41 54
Page 39 of 54