close

ფოტო

ედამიწას საინტერესოასტორიაულტურასოფლიოოტო

როგორი იქნებოდა მსოფლიოს შვიდი საოცრება დღეს

1557163902_5cd07aab0bc71

გიზას დიდი პირამიდა ძველი მსოფლიოს შვიდი საოცრებიდან ერადერთია, რომელიც დღეს კვლავ ამაყად დგას, ამასთანავე, ის შვიდ საოცრებას შორის ყველაზე ძველია.

დანარჩენი ექვსი საოცრება დღეს ნანგრევებადაა ქცეული, თუმცა ქვემოთ მოცემულ სურათებში ნახავთ, როგორი სანახავი იქნებოდნენ ისინი, საუკუნეებისთვის ხეოფსის პირამიდის მსგავსად რომ გაეძლოთ.

კომპანია Budget Direct-მა შეკრიბა მეცნიერების გუნდი, რომლებმაც მსოფლიოს შვიდი საოცრების შესახებ ზუსტი მონაცემები მოიპოვეს, მათ შორის, მათი ზუსტი ადგილმდებარეობა, მშენებლობისას გამოყენებული მასალა, ზომები და ა.შ.

მოპოვებული ინფორმაციის საფუძველზე არქიტექტორებმა და დიზაინერებმა მათი ადგილმდებარეობების თანამედროვე ფოტოებში ეს ნაგებობები ოსტატურად ჩაამონტაჟეს.

მსოფლიოს შვიდ საოცრებაში შედის ხმელთაშუა ზღვის გარშემო არსებულ მიწებზე ადამიანის მიერ შექმნილი შვიდი შთამბეჭდავი ნაგებობა.

შვიდი საოცრების სიის ყველაზე ძველი ვერსია ძვ. წ. მეორე საუკუნეში ანტიპატე სიდონელმა შექმნა:

  • ხეოფსის პირამიდა
  • ბაბილონის დაკიდული ბაღები
  • არტემიდას ტაძარი ეფესოში
  • ზევსის ქანდაკება ოლიმპიაში
  • ჰალიკარნასის მავზოლეუმი
  • როდოსის კოლოსი
  • ალექსანდრიის შუქურა

როდოსის კოლოსი

როდოსის კოლოსი სპილენძის 32-მეტრიანი ქანდაკება იყო, რომელიც 15 მეტრის სიმაღლის ორ ფუნდამენტზე იდგა. ლეგენდის თანახმად, ქანდაკება ნავსადგურში ისე იყო მოთავსებული, რომ მის ფეხებს შორის გემებს გაძრომა შეეძლოთ, თუმცა ახლა ისტორიკოსების უმეტესობა თანხმდება, რომ ეს შუა საუკუნეებში გავრცელებული მითია. ქანდაკება ძვ. წ. 227 წელს კუნძულ როდოსზე მომდარმა მიწისძვრამ დაანგრია.

როგორი იქნებოდა მსოფლიოს შვიდი საოცრება დღეს

ბაბილონის დაკიდული ბაღები

ბაბილონის დაკიდული ბაღები შვიდ საოცრებას შორის ერთ-ერთი ყველაზე მისტიკურია, რადგან არავინ იცის, თუ ზუსტად სად მდებარეობდა ის. ბაბილონურ ტექსტებში ის მოხსენიებული არ არის და არც არქეოლოგიური მტკიცებულებები გვაქვს. ამის გამო ადამიანების ნაწილს მიაჩნია, რომ ბაბილონის დაკიდული ბაღები უძველესი მოგზაურების ფანტაზიის ნაყოფია. თუმცა, ზოგს მიაჩნია, რომ ის დღევანდელი ერაყის ტერიტორიაზე უნდა ყოფილიყო აგებული.

როგორი იქნებოდა მსოფლიოს შვიდი საოცრება დღეს
ფოტო: Budget Direct

ხეოფსის პირამიდა

უკვე 4 500 წელზე მეტია, რაც ხეოფსის პირამიდა მსოფლიოს ერთ-ერთი ყველაზე საუცხოო სანახაობაა. მისი მშენებლობა ძველი წელთაღირცხვით 2560 წელს დასრულდა, 3 800 წლის განმავლობაში კი ადამიანის მიერ შექმნილი ყველაზე მაღალი სტრუქტურა იყო.

როგორი იქნებოდა მსოფლიოს შვიდი საოცრება დღეს

ალექსანდრიის შუქურა

ალექსანდრიის შუქურა ძველი წელთაღრიცხვით მესამე საუკუნეში აშენდა, მისი ნანგრევები კი ეგვიპტეში 1904 წელს აღმოაჩინეს. მისი სიმაღლის შესახებ სხვადასხვა ვარაუდი არსებობს, ერთ-ერთის თანახმად, მისი სიმაღლე 135 მეტრს აღწევდა, რაც ნიშნავს იმას, რომ ის საუკუნეების განმავლობაში ადამიანის მიერ შექმნილი ერთ-ერთი ყველაზე მაღალი სტრუქტურა იყო.

როგორი იქნებოდა მსოფლიოს შვიდი საოცრება დღეს
ფოტო: Budget Direct

ჰალიკარნასის მავზოლეუმი

ჰალიკარნასში არსებული მავზოლეუმი მეფე მავსოლეს საფლავი იყო, რომელიც სპარსეთის პირველი იმპერიის პროვინციის მმართველი იყო. სწორედ მისი სახელწოდებიდან მოდის სიტყვა მავზოლეუმი. სტილით ნაგებობა ბერძნული, აღმოსავლური და ეგვიპტური არქიტექტურის ნაზავი იყო, ის 12-15 საუკუნეებში მომხდარმა ძლიერმა მიწისძვრებმა გაანადგურა.

როგორი იქნებოდა მსოფლიოს შვიდი საოცრება დღეს
ფოტო: Budget Direct

ზევსის ქანდაკება ოლიმპიაში

არის თუ არა რაიმე უფრო დიდებული, ვიდრე ზევსის, ოქროთი და სპილოს ძვლით შემკული 13-მეტრიანი ქანდაკება? ეს კოლოსალური ძეგლი ძველმა ბერძენმა მოქანდაკემ და არქიტექტორმა ფიდიასმა ჩვენს წელთაღრიცხვამდე მე-5 საუკუნეში ააგო. სამწუხაროდ, ქანდაკება და ზევსის ტაძარი ჩვენი წელთაღირცხვით 426 წელს ხანძარმა თიქმის სრულად გაანადგურა.

როგორი იქნებოდა მსოფლიოს შვიდი საოცრება დღეს

არტემიდას ტაძარი ეფესოში

ეფესოში არტემიდეს ტაძარი შვიდი საუკუნის განმავლობაში სამჯერ განადგურდა და ორჯერ თავიდან აშენდა. ის პირველად ჰეროსტრატემ გადაწვა, რომელსაც სურდა, რომ მისი სახელი საყოველთაოდ ცნობილი გამხდარიყო. აღდგენის შემდეგ ტაძარი ქალაქზე შეტევისას გუთებმა დაანგრიეს, მაგრამ ტაძრის აღდგენა მაინც მოხერხდა. საბოლოოდ ის ქრისტიანებმა გაანადგურეს, რომლებმაც ტაძრიდან მხოლოდ საძირკველი და ერთი ცალი სვეტი დატოვეს, რომელიც დღესაც დგას.

როგორი იქნებოდა მსოფლიოს შვიდი საოცრება დღეს

წყარო: iflscience

on.ge

სრულად ნახვა
სოფლიოოტო

გაქრობის პირას მყოფ ტომების ფოტოები

Ganges, Haridwar, India

ბრიტანელი ფოტოგრაფი ჯიმი ნელსონი მსოფლიოს გარშემო გაქრობის პირას მყოფ ტომებს ასახავს.
ნელსონი ტომების კულტურის შესწავლას და შემონახვას ცდილობს. ის გეგმავს 1500 ფოტოსაგან ფილმი შექმნას, რომელიც, როგორც თავად ამბობს მნახველს საშუალებას მისცემს დედამიწის გარშემო სხვადასხვა კულტურის აკვანში იმოგზაუროს.
სოფელი კორჩო . ომოს ხეობა . ეთიოპია

გაქრობის პირას მყოფ ტომების ფოტოები

ტბა არგენტინო. პარაგონია. არგენტინა

გაქრობის პირას მყოფ ტომების ფოტოები

ლეკელაიპას ტომი პონოვის სოფლიდან. პაპუა ახალი გვინეა

გაქრობის პირას მყოფ ტომების ფოტოები

პარო,ბუტანი

გაქრობის პირას მყოფ ტომების ფოტოები

ალტაი, მონღოლეთი

გაქრობის პირას მყოფ ტომების ფოტოები

პული. ამბუას ჩანჩქერი. პაპუა ახალი გვინეა

გაქრობის პირას მყოფ ტომების ფოტოები

სოფელი ანგი.ნეპალი

გაქრობის პირას მყოფ ტომების ფოტოები

განგი. ჰარიდვარი. ინდოეთი

გაქრობის პირას მყოფ ტომების ფოტოები

იან შუო . ჩინეთი

გაქრობის პირას მყოფ ტომების ფოტოები

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
სტრონომია - კოსმოსის საინტერესოაიზიკაოტო

ასტროფიზიკოსებმა შავი ხვრელის პირველ ფოტო წარადგინეს

pjimage-1

ასტროფიზიკოსებმა, ისტორიაში პირველად, შავი ხვრელის ფოტო წარადიგინეს. პრესკონფერენცია ერთდროულად მიმდინარეობდა ვაშინგტონში, ბრიუსელში, სანტიაგოში, შანხაიში, ტაიბეისა და ტოკიოში.

სრულად ნახვა
ს საინტერესოაატეგორიის გარეშეულტურასოფლიოაქართველოოტო

7 წლის გეგა სოფრომაძის ნამუშევარი მსოფლიოს მასშტაბით 650 000 ნახატს შორის შეირჩა

42985471_685300901851727_3301109862250840064_o_1-600×400
ქუთაისელი გეგა სოფრომაძე აგვისტოში იაპონიაში გლობალურ კონკურსში მონაწილეობისთვის მიემგზავრება. ვან გეგა ფინალურ ეტაპზე საკუთარ ნამუშევარს წარადგენს. ის მსოფლიოს მასშტაბით, 650 000 ნახატს შორის შეირჩა. პირველი შემთხვევაა, როდესაც “ტოიოტას” კონკურსის ფინალში ქართველი მხატვარი მოხვდა.
ასა­კის მი­უ­ხე­და­ვად უკვე მო­ირ­გო დიდი მხატ­ვრე­ბის სა­ხე­ლე­ბი. მე­გობ­რე­ბი “პი­კა­სოს” ეძა­ხი­ან, ოჯახ­ში კი “ვან გეგა” შე­არ­ქვეს. 7 წლის გეგა სოფ­რო­მა­ძე დე­დას­თან, უმ­ცროს დას­თან და ბე­ბია-ბა­ბუ­ას­თან ერ­თად ქუ­თა­ის­ში, პა­ტა­რა ბი­ნა­ში ცხოვ­რობს. ფარ­თის სიმ­ცი­რის გამო, ხში­რად ვერ ხა­ტავს და ამი­ტომ სა­კუ­თა­რი ფან­ტა­ზია მხო­ლოდ კონ­ტუ­რის სა­ხით გა­და­აქვს ფურ­ცელ­ზე. მოგ­ვი­ა­ნე­ბით, რო­დე­საც შე­საძ­ლებ­ლო­ბა ეძ­ლე­ვა, აფე­რა­დებს და რო­გორც თა­ვად ამ­ბობს, ნა­ხატს აცო­ცხლებს. ახ­ლაც გა­ცო­ცხლე­ბის მო­ლო­დინ­ში ბევ­რი პერ­სო­ნა­ჟია.
7 წლის გეგა სოფრომაძის ნამუშევარი მსოფლიოს მასშტაბით 650 000 ნახატს შორის შეირჩა
გეგა თავის წარმატებას და მიღწევებს დედას უმადლის. ამბობს, რომ მისი დამსახურებით და სიყვარულით მიაღწია ყველაფერს.

გეგას დღემდე 300-ზე მეტი ნამუშევარი აქვს შესრულებული, ბევრი მათგანი გაჩუქებული აქვს. ამბობს, რომ უყვარს სხვების გაღიმება და გახარება.

7 წლის გეგა სოფრომაძის ნამუშევარი მსოფლიოს მასშტაბით 650 000 ნახატს შორის შეირჩა

პატარა მხატვარს უკვე ორი პერსონალური გამოფენა ჰქონდა. გახლავთ კონკურს „სიზმარას“ ჟიურის რჩეული. ასევე „ნესქვიკის“ გამარჯვებული.  მისი ერთ-ერთი ნახატი გახდა კომპანია „სნოს“ ფავორიტი, განთავსდა „სნოს“ ეტიკეტზე და მიიწვიეს საპატიო ვიზიტით „სნოს“ საწარმოში. შემდეგ ქართული ღვინის პალატამ შეიძინა გეგას ნამუშევარი „ღვინო და ადამიანი“ და დღეს მათ მუზეუმშია განთავსებული.

აღსანიშნავია ის ფაქტიც, რომ გეგა თვითნასწავლი მხატვარია.

სრულად ნახვა
ატეგორიის გარეშეოტო

საინგილო – ქართული საფლავები

44680902_1516223968521094_7840158852602396672_n

მართალი თქვით, ეს უცებ ხომ ფილმის კადრი გეგონათ? მეც ფილმი მეგონა დღეს საინგილოში – ჩემს გასხვისებულ სამშობლოში სასწაულები ვნახე, ნამდვილი სასწაულები, ემოციებს და შთაბეჭდილებებს დავალაგებ და ვეცდები მოგიყვეთ… ეს კი მკვდარი სასაფლაოა, კახის სამაროვნები 2 საუკუნის წინანდელია და არცერთ მათგანს მომკითხავი აღარავინ ყავს…

 

საინგილო - ქართული საფლავები

საინგილო - ქართული საფლავები

ავტორი : ნინო კვაჭანტირაძე
ახალგაზრდა ანალიტიკოსთა და მეცნიერთა დარბაზი ,,დოქტინა”

სრულად ნახვა
სტორიაელიგია და მეცნიერებაოტო

უსინათლო მუსლიმი და ჯუჯა ქრისტიანი – ცნობილი ფოტოს ნამდვილი ისტორია

უსინათლო მუსლიმი ჯუჯა ქრისტიანი

ეს ერთერთი ყველაზე უცნაური და დაუჯერებელი ისტორიული ფოტოა, რომელიც 1889 წელს სირიაშია გადაღებული.

მასზე ასახული არიან უსინათლო მუსლიმი – მუჰამედი და შეზღუდული შესაძლებლობის მქონე ჯუჯა, ქრისტიანი – სამირი. სამირი მუჰამედზეა დამოკიდებული, რადგან მხოლოდ მისი მეშვეობით შეუძლია ქალაქის ქუჩებში გადაადგილება.

თავად მუჰამედსაც სჭირდება სამირის დახმარება, რადგან სწორედ მისი თვალების მეშვეობით შეუძლია სიარული წინააღმდეგობის გარეშე. ორივე ობოლი იყო და თავიანთი ძალები გააერთიანეს, რომ სასტიკ სამყაროში გადარჩენილიყვნენ.

ლეგენდის თანახმად, როცა სამირი გარდაიცვალა, უსინათლო მუსლიმანი მუჰამედი ისეთი დათრგუნული იყო, ერთ კვირაში დარდით თავადაც გარდაიცვალა.

სამირსა და მუჰამედს შორის ურთიერთობა ბევრს შეახსენებს, თუ როგორი იყო სირია უახლოეს წარსულში – სახელმწიფო, რომელშიც ყველა ხალხისა და კონფესიისთვის მოიძებნებოდა ადგილი.

 

 

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ოტო

140 წლის კუს თავისი 5 დღის შვილი ,,ქუდად ახურავს”

კუ

ეს ფოტო 2011 წელს უნგრეთის პარკშია გადაღებული. ფოტოგრაფმა 140 წლის დედის თავზე 5 დღის შვილი კუ მოათავსა.

ბიოლოგების თქმით, სავსებით შესაძლებელია, რომ 140 წლის კუ დედა გახდეს, რამაც ბევრი ადამიანი გააოცა. საქმე ისაა, რომ ეს ქვეწარმავლები ძალიან დიდხანს ცოცხლობენ.

თეორიის მიხედვით, მათ სამუდამოდაც შეუძლიათ ცხოვრება, თუმცა ასეთი პრაქტიკა არ არსებობს. ნებისმიერი დაზიანება, დაავადება, მათ მაშინვე კლავს.

 

წყარო: hoaxes.org

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
აქართველოოტო

ქართველი ახალგაზრდის გზა მოყვარულიდან პროფესიონალ ფოტოგრაფობამდე

18197771_1456057114461268_1279472925_n

ბილი, იგივე დავით ბილიხოძე, 32 წლის ქართველი ფოტოგრაფია, რომელიც ბუნების თვალწარმტაცი და არაჩვეულებრივად შერჩეული ხედებით ნელ-ნელა უფრო და უფრო იმკვიდრებს თავს პროფესიულ სივრცეში. მან რამდენიმე საერთაშორისო კონკურსშიც მიიღო მონაწილეობა და მსოფლიოს გააცნო საკუთარი შემოქმედება.

დავით ბილიხოძეს საზოგადოება ბილის სახელით იცნობს, რაც როგორც თავად ამბობს ,,სრულფასოვანი“ ზედმეტსახელია, რადგან ბავშვობიდან მოყოლებული სწორედ ამგვარად მიმართავს მას ყველა. რაც უნდა გასაკვირი იყოს, ის პროფესიით ინფორმაციული ტექნოლოგიების სპეციალისტია და ფოტოგრაფია მისთვის მხოლოდ და მხოლოდ გატაცება იყო, სანამ 2 წლის წინ ხელთ შესაბამისი ფოტოაპარატი არ ჩაუვარდა, ,,ხშირად ვცდილობდი ჩემთვის საინტერესო კადრის აღბეჭდვას, თუმცა დროის უქონლობა და, შესაძლოა, მუზის არქონა მოქმედებდა იმაზე, რომ სერიოზული სახე მიმეცა გატაცებისთვის, რომელიც ახლა სრულად მოიცავს ჩემს ცხოვრებას.. ამ ეტაპზე, ვცდილობ, სულ აქტიური ვიყო, ხშირად ვმოგზაურობ, ამ ჩემს რიტმს კი, ჰაერივით სჭირდება აღბეჭდვა, აღქმა, გადმოცემა. რუტინული სამსახურების შემდგომ, სრული თავისუფლება მივანიჭე თავს და ფუფუნება იმისა, რომ ვაკეთო ის, რაც ბედნიერებას მგვრის და არ მბეზრდება,“ამბობს ბილი.

საქართველოში დღესდღეობით ბევრი პროფესიონალი ფოტოგრაფია და, შესაბამისად, რთულია, ამ სფეროში რაიმე ახლის თქმა, მაგრამ, როგორც თავად აღნიშნა, ბილის არ ჰქონია მიდრეკილება დიდი გამოხმაურების, პოპულარობისა თუ ხშირი კომერციული დაკვეთების, რადგან ეს იყო საქმე, რომლის კეთებაც მას უბრალოდ სიამოვნებდა. თუმცა, საბოლოოდ, ეს ყველაფერი თავისდაუნებურად გაჩნდა, რაც კიდევ უფრო მეტად განაპირობა იმან, რომ მისმა პროექტებმა საერთაშორისო აღიარებაც მოიპოვა და ახალგზარდა ფოტოგრაფს კიდევ უფრო უბიძგა საკუთარი თავის დახვეწისა და მეტი საინტერესო კადრის შექმნისაკენ.

ქართველი ახალგაზრდის გზა მოყვარულიდან პროფესიონალ ფოტოგრაფობამდე

 

ქართველი ახალგაზრდის გზა მოყვარულიდან პროფესიონალ ფოტოგრაფობამდე
მესტია

ქართველი ახალგაზრდის გზა მოყვარულიდან პროფესიონალ ფოტოგრაფობამდე
გოდერძის უღელტეხილი

მისი ერთ-ერთი ცნობილი პროექტი ,,Pepi’s View”, რომელშიც ბილის მეგობარი გოგონაა გამოსახული სხვადასხვა ბუნების ფონზე, ცნობილმა საიტმა ,,BoredPanda-მაც“ გამოაქვეყნა, იგივე პროექტი წარმოდგენილია ჰონკონგის ერთ-ერთი ცნობილი ფოტოჟურნალის პორტალზეც, ბილი პეპის შესახებაც გვესაუბრა – ,,პეპი, როგორც პირად ცხოვრებაში, ისე პროფესიულ საქმიანობაში, არის ჩემი გვერდშიმდგომი, თანაშემწე თუ მეგობარი… გვაქვს სერიები, რომლებშიც ის ასრულებს მთავარ როლს, მისი ფოტოგენურობიდან და მოყვარული მოდელის პრაქტიკიდან გამომდინარე, ხელს მიწყობს, რომ მივაღწიო სასურველ შედეგს“.

ქართველი ახალგაზრდის გზა მოყვარულიდან პროფესიონალ ფოტოგრაფობამდე
მწვანე კონცხი

ბუნებისადმი სიყვარულის გამო ბილი საქართველოში ხშირად მოგზაურობს და, შესაბამისად, მის სურათებშიც ბუნების პეიზაჟები უფრო ჭარბობს,  ,,მშვენიერი ქვეყანა გვაქვს და სურვილი მიჩნდება ხშირად გადავიღო, სივრცეები, სიმწვანე, დანაოჭებულ ღრუბლებში აჭრილი მთები არ მტოვებს გულგრილს, როგორ შეიძლება ფოტოაპარატი გქონდეს სიახლოვეს და ეს ყველაფერი არ გადაიღო?!“-აღნიშნავს ის და ფოტოგრაფისთვის უმთვარეს საჭიროებადაც სწორედ განწყობასა და შესაბამის გარემოს მიიჩნევს.

ქართველი ახალგაზრდის გზა მოყვარულიდან პროფესიონალ ფოტოგრაფობამდე
მზის პირველი სხივები უშბაზე

ამჟამად,  ბილი ძირითადად ინტერიერ/ექსტერიერის ფოტოგადაღებებზე მუშაობს და ცდილობს სხვადასხვა სამშენებლო კომპანიასთანაც ითანამშრომლოს როგორც ფოტოგრაფმა, ამასთანავე კომერციულ შეკვეთებზეც ანაწილებს თავისუფალ დროს, მაგრამ  პარალელურად სულ მუშაობს საკუთარ პროექტებსა და სერიებზე, რომლებიც თვეებია გრძელდება, მას უამრავი გეგმა და მიზანი აქვს ფოტოგრაფიის, მოგზაურობისა და მისი შემადგენელი ნაწილების გარშემო, რომელთა შესახებაც ინფორმაცია სულ მალე გახდება ცნობილი.

 

მასალა მოამზადა: თამარ დევდარიანმა

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ოტო

,,World Press Photo Contest 2017-ის” გამარჯვებული ფოტოები

ტბ

,,World Press Photo Contest 2017-ზე”, სადაც 125 ქვეყნის 5,034 ფოტოგრაფის მიერ გადაღებული 80,408 ფოტო იყო წარმოდგენილი, გამარჯვებული ფოტოები გამოვლინდა.

 

ამ ფოტოზე, რომელმაც მესამე პრიზი დაიმსახურა, ასახულია სამაშველო ოპერაციის დროს ორი მამაკაცის წყალში ბრძოლა.

ფოტოგრაფი :  მეთიუ უილკოკი (Mathieu Willcocks)

,,World Press Photo Contest 2017-ის" გამარჯვებული ფოტოები

 

ფოტომ, რომელზეც ასახულია ერაყის ისლამისტური სახელმწიფოს მმართველობაში არსებულ ქალაქ მოსულში მიმავალი სპეცდანიშნულების მანქანების გვერდით აფეთქებული დანაღმული მანქანა, მესამე პრიზი დაიმსახურა.

ფოტოგრაფი: ფილიპ დანა (Felipe Dana)

,,World Press Photo Contest 2017-ის" გამარჯვებული ფოტოები

 

 

მევლუთ ალტინტასი. ფოტო გადაღებულია რამდენიმე წამში, მას შემდეგ, რაც მან ანკარაში, საგამოფენო დარბაზში, თურქეთში რუსეთის ელჩი – ანდრეი კარლოვი, პისტოლეტით მოკლა. ფოტომ კონკურსში პირველი პრიზი მოიპოვა.

ფოტოგრაფი : ბურჰან ოზბილიცი (Burhan Ozbilici)

,,World Press Photo Contest 2017-ის" გამარჯვებული ფოტოები

 

 

სცენამ ფილიპინების ერთ-ერთი ყველაზე გადაჭედილი ციხიდან კონკურსის მესამე პრიზის დაიმსახურა.

ფოტოგრაფი: ნოელ სელისი (Noel Celis)

,,World Press Photo Contest 2017-ის" გამარჯვებული ფოტოები

 

 

ფილიპინების დედაქალაქ მანილაში  პოლიცია ამოწმებს ხეივანს, სადაც მსხვერპლი ორმა უცნობმა პირმა მოკლა. ფოტომ პირველი პრიზი მოიპოვა.

ფოტოგრაფი: დანიელ ბერეჰულაკი (Daniel Berehulak)

,,World Press Photo Contest 2017-ის" გამარჯვებული ფოტოები

 

 

ერაყის ქალაქ მოსულში მდებარე საველე ჰოსპიტალში ბიჭს ისლამისტების მიერ მოკლული მამის სხეული უჭირავს. ფოტომ მეორე პრიზი დაიმსახურა.

ფოტოგრაფი: სერგეი პონომარევი (Sergey Ponomarev)

,,World Press Photo Contest 2017-ის" გამარჯვებული ფოტოები

 

ფოტო, რომელიც უკრაინის სოფელ ლუჰანსკაიაშია გადაღებული და რომელზეც ასახულია, თუ როგორ გარბიან ადამიანები საჰაერო დარტყმის შედეგად ცეცხლმოკიდებული სახლიდან, პირველი პრიზის მფლობელი გახდა.

ფოტოგრაფი: ვალერი მელნიკოვი (Valery Melnikov)

,,World Press Photo Contest 2017-ის" გამარჯვებული ფოტოები

 

 

ქალები თამაშობენ ბილიარდს ისეთ ადგილას, სადაც მხოლოდ მამაკაცები დაიშვებიან. ფოტო გადაღებულია თეირანში და ის მეორე პრიზის მფლობელი გახდა.

ფოტოგრაფი: ჰუსეინ ფატემი.

,,World Press Photo Contest 2017-ის" გამარჯვებული ფოტოები

 

 

დემონსტრანტების ჯგუფი პოლიციის მიერ ალტონ სტერლინგის მკვლელობის ფაქტს აპროტესტებდა. სწორედ ამ აქციაზე გადაიღეს ,,ისტორიულად” წოდებული კადრი, რომელიც ფოტოგრაფ ჯონათან ბახტმანს ეკუთვნის. სამართალდამცავებმა და სპეცრაზმის თანამშრომლებმა დემონსტრანტებს დაშლისკენ მოუწოდეს. ნაწილმა უარი თქვა ტერიტორიის დატოვებაზე, სამართალდამცავებმა მათი გაყვანა დაიწყეს.

ფოტოზე ასახულია 28 წლის ლეშია ევანსი- მედდა და 6 წლის ბიჭის დედა, რომელსაც პოლიცია ხელბორკილს ადებს. „იმ დღეს მისი დანახვის შემდეგ ერთი სიტყვა გავიფიქრე – ,,ძლიერი”.  სიძლიერე და მამაცობა, რომელიც მან გამოიჩინა გულის სიღრმემდე შემძრა,“ – იხსენებს ფოტოგრაფი.  ფოტომ პირველი პრიზი დაიმსახურა.

,,World Press Photo Contest 2017-ის" გამარჯვებული ფოტოები

 

 

პატარა მოჭადრაკის რეაქცია თამაშის დროს. ფოტო გადაღებულია ჩეხეთში და ის მეორე პრიზის მფლობელი გახდა.

ფოტოგრაფი: მაიკლ ჰენკი (Michael Hanke)

,,World Press Photo Contest 2017-ის" გამარჯვებული ფოტოები

 

 

სადალაქო ძველ ჰავანაში. ფოტომ პირველი პრიზი მოიპოვა.

ფოტოგრაფი: ტომას მუნიტა (Tomás Munita)

,,World Press Photo Contest 2017-ის" გამარჯვებული ფოტოები

 

 

უნგრელი ქალის ფოტომ, რომელიც ჩინეთში მგზავრობისა წინდებით ფულს დაატარებს, მესამე პრიზი მოიპოვა.

ფოტოგრაფი: მეთიუ პალი (Matthieu Paley)

,,World Press Photo Contest 2017-ის" გამარჯვებული ფოტოები

 

 

ველური ლეოპარდი  Sanjay Gandhi-ის ეროვნულ პარკში სეირნობს, რომელიც მუმბაიში მდებარე დაცული ტერიტორიაა. ფოტო მეორე პრიზის მფლობელი გახდა.

ფოტოგრაფი: ნაიან ხანოლკარი (Nayan Khanolkar)

,,World Press Photo Contest 2017-ის" გამარჯვებული ფოტოები

 

 

თევზსაჭერში გახლართული ზღვის კუ. კანარის კუნძულებზე გადაღებულა ამ ფოტომ პირველი პრიზი დაიმსახურა.

ფოტოგრაფი: ფრანსის პერეზი (Francis Perez)

,,World Press Photo Contest 2017-ის" გამარჯვებული ფოტოები

 

 

 

მომვლელი არწევს პანდას. ფოტო, რომელიც გადაღებულია ჩინეთის ქალაქ სიჩუაში მდებარე გიგანტური პანდას მეცხოველეობისა და კვლევის ცენტრში, მეორე პრიზი დაიმსახურა.

ფოტოგრაფი: ემი ვიტალი (Ami Vitale),,World Press Photo Contest 2017-ის" გამარჯვებული ფოტოები

 

 

 

მეხიკოს ტყე. ძირს დაფენილი მონარქი პეპლები. ფოტომ მესამე პრიზი მიიღო.

ფოტოგრაფი: ჯეიმი როჯო (Jaime Rojo)

,,World Press Photo Contest 2017-ის" გამარჯვებული ფოტოები

 

 

წყარო: ttps://www.theguardian.com

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

 

 

 

სრულად ნახვა
აქართველოოტო

,,მწყემსების გზა” – რუსი ფოტოგრაფის თვალით დანახული თუშეთი

მწყებსი

   უკვე ყველასთვის ცნობილია, რომ თუშები ოდითგანვე გამოირჩეოდნენ მეცხვარეობის კულტურით და ყოველთვის წარმატებლი იყო თუშური ყველისა და მაღალი ხარისხის მატყლის ექსპორტი ევროპასა და რუსეთში.     დღევდანდელ დღესაც  სწორედ მეცხვარეობა წარმოადგენს მაღალმთიანი თუშეთის ეკონომიკის წამყვან დარგს და ადგილობრივი მეცხვარეები ყოველი წლის ზაფხულის თვეებს თუშეთის მაღალმთიან რაიონებში ატარებენ, თუმცა მათ ძირითად საცხოვრებელს შედარებით ბარის სოფლები – ზემო და ქვემო ალვანი წარმოადგენს. ადგილობრივი სილამაზე კი მრავალი უცხოელის შთაგონების წყარო გამხდარა, ერთ-ერთი ასეთია წარმოშობით რუსი ფოტოგრაფი, დიმიტრი გომბერგი.

დიმიტრის თქმით, ის საბჭოთა კავშირში დაიბადა და არცაა გასაკვირი, რომ კავკასია მისთვის ნამდვილი სამოთხეა. მისი დაინტერესება კონკრეტულად ჩვენი ქვეყნით მოხდა მას შემდეგ, რაც  ნიუ-იორკში შეხვდა რამდენიმე ქართველს. გომბერგს არც ამერიკელი მწერლის, ჯონ სტეინბეკის სიტყვები დავიწყნია საქართველოზე ,,თუკი ვინმე გადაწყვეტს საქართველო აღწეროს ერთი სიტყვით, ჭეშმარიტი პასუხი,  რა თქმა უნდა, სტუმართმოყვარეობა იქნება”  და საქართველოს ესტუმრა.

გომბერგმა ქართველ გიდთან ერთად საქართველოში იმოგზაურა და განსაკუთრებით თუშური კულტურით მოხიბლულა,  ,,ნამდვილი ბედნიერება იყო იქაური ბუნება, ქარი, ვარსკვლავები და ცხენები. ეს ყველაფერი უკვე ოცნებად მექცა,”-ასე შეაფასა მან თავისი მოგზაურობა.

თუში მეცხვარეების ცხოვრების წესი გაზიარებამ და ამ ყველაფრის ფოტოკამერით აღბეჭდვამ, გომბერგის თქმით, მას ორი რამ ასწავლა, პირველი –  ის, რომ ფოტოგრაფია ძალიან მარტივია, მთავარია ცნობისმოყვარეობა, ტექნიკური უნარები და იღბალი. მეორე კი, ის რომ ადამიანებს სურათების უფრო სჯერათ ვიდრე სიტყვების, ,,მე ჩემს სურათებში ვცდილობ, ვაჩვენო რეალობა და ჩემი ოცნებები. ვფიქრობ, ადამიანები გააცნობიერებენ, რომ ფოტოგრაფია მეტია, ვიდრე უბრალოდ რეალობის ამსახველი ობიექტური საბუთი. ვიმედოვნებ, ეს ფოტოები  დაგეხმარებათ ჩაწვდეთ  ჩემს ჩანაფიქრს”.

,,დოქტრინა” გთავაზობთ გომბერგის ფოტოარქივს – ,,მწყემსების გზა“:

,,მწყემსების გზა" - რუსი ფოტოგრაფის თვალით დანახული თუშეთი

 

,,მწყემსების გზა" - რუსი ფოტოგრაფის თვალით დანახული თუშეთი

,,მწყემსების გზა" - რუსი ფოტოგრაფის თვალით დანახული თუშეთი

 

,,მწყემსების გზა" - რუსი ფოტოგრაფის თვალით დანახული თუშეთი

 

,,მწყემსების გზა" - რუსი ფოტოგრაფის თვალით დანახული თუშეთი

,,მწყემსების გზა" - რუსი ფოტოგრაფის თვალით დანახული თუშეთი

 

 

წყარო: lensculture.com

 მასალა მოამზადა: თამარ დევდარიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
1 2
Page 1 of 2