close

მსოფლიო

მსოფლიო

აღმოსავლეთ ჩინეთის ზღვაში ნავთობით დატვირთული ტანკერი იწვის. დაკარგულია ეკიპაჟის 31 წევრი

1.92K views on

აღმოსავლეთ ჩინეთის ზღვას ეკოლოგიური კატასტროფა ემუქრება.

მიზეზი პანამის დროშის ქვეშ მცურავი ნავთობით დატვირთული ტანკერის სატვირთო გემთან შეჯახებაა, რის გამოც ორი დღეა ზღვაში ნავთობი იღვრება.

ჩინელი მაღალჩინოსნები სახელმწიფო მედიასთან საუბარში აცხადებენ, რომ   Sanchi-ი აფეთქებისა და ჩაძირვის საფრთხის წინაშეა.

მაშველებს, რომლებიც ტანკერთან მიახლოებას ცდილობდნენ, ტოქსიკური ღრუბლების გამო უკან დაბრუნება მოუხდათ.

ბორტზე 30 ირანელი და ორი ბანგლადეშელი ეკიპაჟის წევრი იმყოფებოდა. ერთ-ერთის ცხედარი უკვე ნაპოვნია.

ინციდენტი შაბათს მოხდა. შეჯახების მიზეზი ჯერ-ჯერობით უცნობია.

რატომ არის Sanchi-ის ნავთობი სახიფათო?

ტანკერს 136,000 ტონა კონდენსატი გადაჰქონდა, რომელიც ნედლი ნავთობის ულტრა მსუბუქი ვერსიაა. ეს ერთი მილიონი ბარელის ტოლია და მისი ფასი დაახლოებით 60 მილიონი აშშ დოლარია.

კონდესატი ძალიან განსხვავდება შავი ნედლეულისგან, რომლის ზღვებსა და ოკეანეებში ჩაღვრის შემთხვევა ხშირია. ის უკიდურესად ტოქსიკურია, დაბალი სიმკვრივით და გაცილებით მეტად ფეთქებადია, ვიდრე ჩვეულებრივი ნედლი ნავთობი.

კონდენსატისგან ქმნიან ისეთ პროდუქტებს, როგორიცაა ბენზინი, დიზელი და გასათბობი საწვავი.

რატომ არის კონდესატი ასეთი სახიფათო?

კონდესატისგან ზღვის ზედაპირის გაწმენდა შეუძლებელია, განსხვავებით მძიმე ნედლი ნავთობისგან.

,,ეს არის დაყოვნებული მოქმედების ბომბი… რომლის გამოც, შესაძლოა, ტერიტორიიდან რამდენიმე ასეული კილომეტრის რადიუსში თევზჭერა აიკრძალოს, ” – განაცხადა საუზემპტონის კლინიკური ჰეპატოლოგიური უნივერსიტეტის წარმომადგენელმა საიმონ ბოქსალმა.

წყარო: BBC

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ანალიტიკამსოფლიოპოლიტიკა

ირანი აშშ-ს გაეროში უჩივის – რა გახდა მასობრივი პროტესტის მიზეზი?

1.42K views on

ირანში საპროტესტო მსვლელობები გასულ კვირას დაიწყო. ირანის პრეზიდენტის, ჰასან რუჰანის ოპონენტები, თავდაპირველად, მძიმე ეკონომოკური პირობების გამო შეიკრიბნენ, საპროტესტო ტალღა გაიზარდა და მმართველი ძალის რეჟიმის საწინააღმდეგო სახე მიიღო. მიჩნეულია, რომ ეს არის ირანის ყველაზე მასშტაბური საპროტესტო მსვლელობა 2009 წლის შემდეგ. დაიღუპა დაახლოებით 21 ადამიანი, მხოლოდ თეირანში 450-მდე ადამიანს თავისუფლება აღუკვეთეს, თუმცა სახელმწიფოს მხრიდან ოფიციალური ინფორმაცია ჯერ არ ვრცელდება.

მოსახლეობის უკმაყოფილების მიზეზი ინფლაციის მაღალი მაჩვენებელი, საკვების გაზრდილი ღირებულება, ეკონომიკური სტაგნაცია და კორუფციის მაღალი დონე გახლდათ. მაღალია უმუშევრობის დონე, განსაკუთრებით კი ახალგაზრდებში, მათი 40 % დაუსაქმებელია. მოსახლეობის გარკვეული ნაწილი უკმაყოფილოა ირანის საგარეო პოლიტიკითაც, კერძოდ, სახელმწიფოს ჩართულობით ახლო აღმოსვალეთის კონფლიქტებში. (სირია, ერაყი), რაც კიდევ უფრო ამწვავებს სიტუაციას.

მდგომარეობის გართულება გამოიწვია ირანის ხელისუფლების ქმედებებმაც. საპროტესტო ტალღის გაძლიერებასთან ერთად, ხელისუფლებამ შეზღუდა ინფორმაციის მიწოდება და გავრცელება მიუხედავად იმისა, რომ საერთაშორისო საზოგადოება  სოციალიური მედიისა და სიტყვის თავისუფლების  უზრუნველყოფას მოითხოვს.

აშშ-ის როლი

აღსანიშნავია, რომ აშშ-ის რეაქცია ირანში განვითარებულ მვლენებზე მოულოდნელი აღმოჩნდა. პრეზიდენტი დონალ ტრამპი სოციალური ქსელის საშუალებით გამოეხმაურა მიმდინარე პროცესებს და აჯანყებულთა მხარდსაჭერა და „შესაფერის დროს“ დახმარებაც განუცხადა „ბრუტალური და კორუფციული რეჟიმის წინააღმდეგ“ . მან აღნიშნა: „ხალხს არ აქვს საკვები, არის ინფლაციის მაღალი დონე, არ იცავენ ადამიანის უფლებებს, აშშ თვალყურს გადევნებთ“. აღნიშნული, მოგვიანებით დადასტურდა მაიკლ პენსის ოფიცალურ გამოსვლაში. სპასუხოდ, ირანის სგაარეო საქმეთა მინისტრმა განაცხადა, რომ აშშ-ის პრეზიდენტი უხეშად ერევა სუვერენული ქვეყნის შიდაპოლიტიკაში და გაეროშიც გააჟღერა თავისი პოზიცია.  ამასთან, გაეროში ირანის წარმომადგენელმა საერთაშორისო ორგანიზაციას წერილი გაუგზავნა, სადაც აღნიშნულია, რომ აშშ-ის მთავრობამ სოციალურ ქსელებში გავრცელებული შეტყობინებებით ირანელი ხალხი წაახალისა ჩართულიყვნენ არეულობაში, რაც საერთაშორისო სამართლის დარღვევაა.

საერთაშორისო რეაქცია

არსებულმა გარემოებებმა მიიქცია რუსეთის ფედერაციის ყურადღებაც. რუსეთის საგარეო საქმეთა მინისტრის მოადგილემ, სერგეი რიაბკოვმა აშშ-ის ხელისუფლება გააფრთხილა, რომ თავი აარიდოს ირანის შიდასაქმეებში ჩარევას, რადგან ეს არღვევს საერთაშორისო სამართლის პრინციპებს.

ევროკავშირმა კი ირანს ადამიანის უფლებების დაცვისკენ და სიტყვის, გამოხატვის თავისუფლების უზრუნველყოფისკენ მოუწოდა. ევროკავშირის წარმომადგენლები მუდმივად იმყოფებიან ირანის ხელისფლებასთან კავშირში და მონიტორინგს ახორციელებენ.

ამასთან, დიდი ბრიტანეთის საგარეო ურთიერთობების მდივანმა, მორის ჯონსონმა, ოფიციალურა დგანაცხადა, რომ დიდი ბრიტანეთი ძალიან ყურადღებით აკვირდება ირანში განვითარბეულ მოვლენებს: „ჩვენ გვწამს, რომ ის საკითხები, რომლებიც საპროტესტო გამოსლვების დროის წამოიჭრა ლეგიტიმური და სამართლიანია. ირანის ხელისუფლების წარმომადგენლებისგან კი მოველით შესაბამის ქმედებებს, რათა დაძაბულობა მშვიდობიანი გზით განიმუხტოს“– აღნიშნა მან.

გაეროს გენერალურმა მდივანმა, ანტონიო გუტერასმა, თეირანს შესაბამისი ზომების მიღებისაკენ მოუწოდა და აღნიშნა, რომ საჭიროა პატივი ეცეს მშვიდობიანი მოსახლეობის აზრის გამოხატვის თავისუფლებას.

ექსპერტებს პროგნოზის გაკეთება უჭირთ, თუმცა უმეტესობა თანხმდება, რომ ირანში განვითარებულ მოვლენებს დიდი ზეგავლენა აქვს რეგიონზე და ზოგადად საერთაშორისო საზოგადოებაზე. სწორედ ეს არის ერთ-ერთი მთავარი მიზეზი იმისა, რომ აშშ, რუსეთი და დიდი ბრიტანეთი აქტიურად ცდილობენ თავიანთი პოზიციის დაფიქსირებას.

წყარო: The Guardian, BBC news

მასალა მოამზადა: ცირა შვანგირაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ანალიტიკაასტრონომია - კოსმოსიეკოლოგიაეს საინტერესოამსოფლიო

2017 წლის მნიშვნელოვანი სამეცნიერო მოვლენები

362 views on

2017 წელი, სამეცნიერო თვალსაზრისით, მნიშვნელოვან წლად შეიძლება მივიჩნიოთ.

გამოცემა BBC-ი სტატიას აქვეყნებს, სადაც რამდენიმე საინტერესო მოვლენაზეა ყურადღება გამახვილებული:

ვარსკვლავების შეჯახება:

2017 წელს მეცნიერებმა აინშტაინის გრავიტაციული ტალღები ახალი წყაროდან – ორი მკვდარი ვარსკვლავის, ანუ ნეიტრონის ვარსკვლავების შეჯახებისგან აღმოაჩინეს. ამ ტალღების პირველი პირდაპირი აღმოჩენის შესახებ მეცნიერებმა 2016 წელს განაცხადეს, როდესაც Advanced LIGO ლაბორატორიებმა აღნიშნეს, რომ კოსმოსი ორი შორეული შავი ხვრელის შერწყმისგან წარმოიქმნა. მეცნიერების განცხადებით, დრო სივრცის რხევების აღმოჩენით თანამედროვე ასტრონომიაში ახალი ერა დაიწყო.

მთელი მსოფლიოს მასშტაბით ტელესკოპებმა გადაიღეს ნეიტრონის ვარსკვლავის შერწყმის დეტალები. აფეთქება მოხდა გალაქტიკაში, რომელიც დაახლოებით, ათასობით მილიარდი, მილიარდი კილომეტრის დაშორებით ე.წ. Constellation Hydra-ში მოხდა. ამ კატაკლიზმური მოვლენების შესახებ ზოგიერთი ფაქტი შემაძრწუნებელია. მაგალითად, ნეიტრონის ვარსკვლავები იმდენად მკვრივია, რომ ერთი ჩაის კოვზი ერთ მილიარდ ტონას აიწონის. გუნდმა შეძლო იმის დადასტურება, რომ ეს შეჯახებები სამყაროში არსებული ოქროსა და პლატინის წარმოქმნას განაპირობებს.

კასინის მისიის დასასრული

კასინის კოსმოსური ხომალდი 2004 წელს სატურნ სისტემაში ჩავიდა. ის 13 წლის მანძილზე ფუნქციონირებდა შეცვალა ჩვენი გაგება პლანეტისა და მისი მთვარეების შესახებ. მან აღმოაჩინა გეიზერები, მეთანის ტბები და ზღვები სატურნის უდიდეს მთავრე ტიტანზე და დააფიქსირა, თ როგორ შემოუარა პლანეტას გიგანტურმა შტორმმა.

საწვავის მარაგის ამოწურვის გამო ნასამ მისი განადგურების გადაწყვეტილება მიიღო სატურნის ატმოსფეროში შესვლის გზით. ორბიტიდან გადასვლა ნასამ განზრახ დაგეგმა და ეს აუცილებელი გახდა იმიტომ, რომ გამოერიცხა კასინის შეჯახების რისკი სატურნის რომელიმე მთვარესთან, რადგან ამ შემთხვევაში, შესაძლოა მომხდარიყო მათი დაბინძურება დედამიწისეული მიკრობებით. 2017 წლის 15 სექტემბერს, ხომალდი სატურნის ატმოსფეროში შევიდა, სადაც ის კომეტასავით დაიწვა.

ამერიკის უარი პარიზის შეთანხმებას

პირველ ივნისს აშშ-ს პრეზიდენტმა დონალდ ტრამპმა თეთრი სახლის ,,ვარდების ბაღში” პრესკონფერენცია გამართა, სადაც განაცხადა, რომ ამერიკა პარიზში ხელმოწერილ კლიმატის შეთანხმებას ემიჯნებოდა.

,,იმის გამო, რომ შევასრულო ჩემი ვალდებულება და დავიცვა ამერიკა და მისი მოქალაქეები, ამერიკა ემიჯნება პარიზის კლიმატის ხელშეკრულებას…თუმცა, დავიწყოთ მოლაპარაკებები, შევუერთდეთ პარიზის, ან სრულიად ახალ შეთანხმებას ისეთი პირობებით, რომელიც სამართლიანი იქნება ამერიკის შეერთებულ შტატებისთვის, ” – განაცხადა ტრამპმა.

მრავალრიცხოვანი დედამიწები

3,500 პლანეტებისგან, რომლებიც ამჟამად ჩვენი მზის სისტემის მიღმა მდებარეობს, ზოგი საკმაოდ უცნაურია. არსებობს J1407b, შორეული სამყარო რგოლებით, რომლებიც 200-ჯერ უფრო დიდია ვიდრე ის რგოლები, რომლებიც პლანეტა სატურნს აკრავს გარს.

მაგრამ წელს, ასტრონომებმა აღმოაჩინეს პლანეტარული სისტემა შვიდი დედამიწის ზომის პლანეტით. უფრო მეტიც, ეს სამყაროები, როგორც ჩანს, ჩაკეტილი არიან უცნაურ ,,რეზონანსში”, რადგან ისინი მათი მასპინძელი ვარსკვლავის ორბიტაზე მოძრაობენ. აღსანიშნავია, რომ ამ პლანეტებისგან სამი საცხოვრებლად ვარგის ზონაში მდებარეობს, სადაც წყალს ზედაპირზე თხევად მდგომარეობაში შენარჩუნება შეუძლია. სადაც წყალია, იქ სიცოცხლის შანსიც არსებობს.

ახლო ნათესავი

ივლისში მკვლევარებმა გამოავლინეს ხუთი უძველესი ადამიანის ნამარხი, რომლებიც ჩრდილოეთ აფრიკაში არიან აღმოჩენილები. მათი საშუალებით დადგინდა, რომ ჩვენი სახეობა – Homo sapiens –  წარმოიშვა 100,000 წლით ადრე, ვიდრე აქმდე იყო აღიარებული. მეცნიერებმა ასევე დაადგინეს, რომ თანამედროვე ადამიანის “აკვანი” აღმოსავლეთ აფრიკაში არ ყოფილა და რომ ჩვენი წინაპარი მთელს კონტინენტზე ვითარდებოდა.

წლის კიდევ უფრო დიდი მოვლენა გახლდათ მეცნიერების აღმოჩენა იმის შესახებ, რომ 2015 წელს აღმოჩენილი 15  ჩონჩხის ნაშთები, რომელიც ჰომო ნალედის სახეობის ადამიანებს ეკუთვნოდა, 200, 000- 300,000 წლის იყო, ეს კი იმას ნიშნავს, რომ ჰომო ნალედი არა თანამედროვე ადამიანის შორეული წინაპარი იყო, არამედ ჩვენივე სახეობის – ჰომო საპიენსის  ადრეული წარმომადგენლები გახდნენ.

გიგანტური აისბერგი

2017 წლის ივლისში ანტარქტიდის Larsen C-ის ყინულის შელფს ერთ-ერთი ყველაზე დიდი აისბერგი მოსწყდა.

მკვლევართა შეფასებით, გიგანტური აისბერგის ფართობი 6,000 კვ კმ- ია – დაახლოებით, უელსის ზომის მეოთხედი.

მეცნიერები მიიჩნევენ, რომ Larsen C-ს ყინულის ხანის დასასრულიდან, დაახლოებით 11,700 წლის წინა პერიოდიდან, ასეთი მცირე მოცულობა არასდროს ჰქონია. არაერთი კვლევის ჩატარებაა საჭირო იმის გასარკვევად, თუ როგორ რეაგირებს შელფი კლიმატის ცვლილებებზე.

 

წყარო: http://www.bbc.com

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
არქეოლოგიაეს საინტერესოაკვლევებიმსოფლიო

გადაარჩენენ თუ არა მსოფლიოს უძველეს მუმიებს?

2.07K views on

ჩრდილოეთ ჩილეში აღმოჩენილი მუმიები, რომლებიც, სულ ცოტა, 7000 წლით თარიღდებიან, შავი ლორწოთი იფარებიან და მეცნიერები პროცესის შეჩერებას ვერ ახერხებენ.

ადგილობრივმა ხელისუფლებამ, „იუნესკოს“ მიმართა, მუმიები მსოფლიო მემკვიდრეობის ძეგლად გამოაცხადოს. ისინი იმედოვნებენ, რომ საერთაშორისო საზოგადოების გაზრდილი ყურადღება მათ გამოსავლის მოძებნაში დაეხმარებათ.

მეცნიერები ფიქრობენ, რომ ლორწო მუმიფიცირებულ კანში გაჩენილი ბაქტერიაა.

დაახლოებით 300 ადამიანის მუმია ჩილეში 90-იან წლებში აღმოაჩინეს. ისინი დაახლოებით ჩვ. წ. აღ.-მდე 5050 წლით თარიღდებიან და მსოფლიოში დღემდე აღმოჩენილ მუმიებს შორის უძველესები არიან. 

მუმიები დამზადებულია ადამიანებისგან, რომლებიც მონადირე-შემგროვებელთა ჯგუფს მიეკუთვნებოდნენ და რომლებიც ჩინჩოროს ხალხის სახელით არიან ცნობილი. განსხვავებით ეგვიპტელებისგან, რომლებიც მხოლოდ ფარაონების მუმიფიცირებას ახდენდნენ, ჩინჩოროები ინახავდნენ ყველას მუმიას, განურჩევლად ასაკისა, რაც მიუთითებს იმაზე, რომ ისინი ეგალიტარულ საზოგადოებას წარმოადგენდნენ.

მუმიების საიდუმლო იმაში მდგომარეობს, რომ ისინი ატაკამას უდაბნოში მშრალი ქვიშის ქვეშ იყვნენ შენახული ათასობით წლის განმავლობაში.

2015 წლიდან მუმიებმა დაშლა დაიწყეს. ბიოლოგები აცხადებენ, რომ მიზეზი მათთვის ამ დრომდე უცნობია.

მეცნიერები ძალისხმევას არ იშურებენ, რომ გადაარჩინონ იმ ადამიანის ნეშთები, რომლებიც ანტიკურ ეგვიპტელებამდე 2 ათასწლეულით ადრე ცხოვრობდნენ.

წყარო: http://www.sciencealert.com/

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
კვლევებიმედიცინამსოფლიოფსიქოლოგია

,,კეტამინს” სუიციდური ფიქრების გაქარწყლება შეუძლია

2.26K views on

ახალი კვლევის თანახმად, ,,კეტამინი” ბევრად უფრო ეფექტურია სუიციდური ფიქრების გაქარწყლებისთვის, ვიდრე ტრადიციული სედატიური საშუალებები.

ამ დასკვნა შეიძლება გახსნას გზები მძიმე დეპრესიით დაავადებულთა ახალი საშუალებებით მკურნალობისთვის.

წინა კვლევებმა აჩვენა, რომ საანესთეზიო პრეპარატი შეიძლება ეფექტური ანტიდეპრესანტი იყოს, მაგრამ ეს კვლევა ფოკუსირებული იყო თვითმკვლელობაზე ფიქრზე და პოზიტიური ეფექტი პირველი 24 საათის განმავლობაში გამოვლინდა.

ნიუ-იორკის კოლუმბიის უნივერსიტეტის სამედიცინო ცენტრის გუნდის განმარტებით, მიუხედავად იმისა, რომ ჯერ ადრეა, ,,კეტამინს” სუიციდური ტენდენციების სამკურნალო სრულყოფილი და უნივერსალური საშუალება ვუწოდოთ, ის პერსპექტიულ ალტერნატივას წარმოადგენს იმ ადამიანებისთვის, რომლებსაც  თანამედროვე მედიკამენტებისგან შედეგი არ აქვთ.

,,ეს კვლევა გვიჩვენებს, რომ ,,კეტამინი” შესაძლოა დეპრესიით დაავადებულ პაციენტებში სუიციდზე ფიქრი შეამციროს,” – აცხადებენ მეცნიერები.

,,კეტამინი” — საანესთეზიო კლასის პრეპარატია, რომელიც გამოიყენება, როგორც ანესთეზიის საშუალება მედიცინასა და ვეტერინარიაში. უფრო ხშირად გამოიყენება ტკივილგამაყუჩებლად და ბრონქოსპაზმის სამკურნალოდ.

ცოტა ხნის წინ ექიმებმა დაიწყეს შესწავლა, თუ როგორ შეიძლებოდა პრეპარატის დეპრესიის სამკურნალოდ გამოყენება მისი დაბალი დოზით მიღებით. გასულ წელს ჩატარებულმა კვლევამ აჩვენა, რომ ,,კეტამინმა” პაციენტთა სამ-მეოთხედში განწყობილების გაუმჯობესება გამოიწვია.

ახალი კვლევის ფარგლებში, ,,კეტამინის” დაბალი დოზა გამოიყენეს 80 მოხალისეში, რომლებიც თვითმკვლელობისკენ იყვნენ მიდრეკილები. 24 საათის შემდეგ ,,კეტამინმა” ამ ფიქრების კონტროლის თვალსაზრისით მნიშვნელოვნად ეფექტური გახდა. აღსანიშნავია, რომ ექვსი კვირის შემდეგ ,,კეტამინის” დადებითი ეფექტი კიდევ უფრო გაძლიერდა.

არის თუ არა ჩატარებული კვლევა საკმარისი იმისათვის, რომ ექიმებმა ყველას, ვინც თვითმკვლელობაზე ფიქრობს, ,,კეტამინი” დაუნიშნოს? რა თქმა უნდა, არა.  კვლევაში აღწერილი გვერდითი მოვლენები,  არტერიული წნევის მომატება სისხლში და გარიყულობის გრძნობა, ყურადღებით უნდა იქნას გამოკვლეული.

კვლევა ,,American Journal of Psychiatry”-შია გამოქვეყნებული.

წყარო: sciencealert.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ეს საინტერესოამსოფლიოსაქართველო

ვიკიპედიის კონკურსში მესტიის ფოტო 15 საუკეთესო ნამუშევარს შორის მოხვდა

3.02K views on

„ვიკის უყვარს ძეგლები“ (Wiki Loves Monuments) ყოველწლიური საერთაშორისო ფოტოკონკურსია. მას ორგანიზებას უწევენ ვიკიპედიის საზოგადოების წევრები ადგილობრივი ვიკიპედიელების დახმარებით. ამის შესახებ 1tv წერს.

მონაწილეები იღებენ ადგილობრივი მონუმენტებისა და კულტურული მემკვიდრეობის ძეგლების ფოტოებს და ვიკისაწყობში (Wikimedia Commons) ტვირთავენ. კონკურსის მიზანია ხაზი გაუსვას ამა თუ იმ ქვეყნის კულტურულ მემკვიდრეობას და შეიქმნას ფოტოები, რომელთა გამოყენება ვიკიპედიაში და მის გარეთაც, ნებისმიერი ადამიანისთვის, თავისუფალი ლიცენზიით იქნება შესაძლებელი.

ვიკიპედიის ქართული განყოფილების ორგანიზებით, ბოლო ორი წელია, კონკურსში საქართველოც მონაწილეობს.

თითოეული მონაწილე ქვეყნიდან გადაგზავნილ საუკეთესო 489 ფოტოს შორის, საერთაშორისო ჟიურიმ 15 რჩეული გამოავლინა. მათ შორისაა მესტიის ფოტოც, რომელიც უკრაინელმა ფოტოგრაფმა დმიტრო ბალხოვიტინმა გადაიღო. სვანური კოშკებისთვის გადაღებულმა სურათმა მე-13 ადგილი დაიკავა.

 

 

წყარო:  imedinews

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
მსოფლიოპოლიტიკატექნოლოგიები

აშშ ჩრდილოეთ კორეას გლობალურ კიბერთავდასხმაში ადანაშაულებს

1.44K views on

აშშ-ის ადმინისტრაცია აცხადებს, რომ ჩრდილოეთ კორეა ,,პირდაპირ პასუხისმგებელია მალვე პროგრამა (ინგლ. Malware) WannaCry- ის თავდასხმაზე, რომელმაც წლის დასაწყისში დააზარალა საავადმყოფოები, ბიზნესი და ბანკები მთელ მსოფლიოში.

გავრცელებული ინფორმაციის თანახმად, თავდასხმის შედეგად 150-მდე ქვეყანაში 150 000-ზე მეტი კომპიუტერი დაზიანდა, რამაც მილიარდობით დოლარის ზარალი გამოიწვია.

ბრალდება აშშ-ის პრეზიდენტის თანაშემწემ თომას ბასერტმა გაზეთ ,,Wall Street Journal” – ში გააჟღერა.

ეს არის პირველი შემთხვევა, როცა აშშ-მ ქვეყანა ვორმისთვის (Worm) ოფიციალურად დაადანაშაულა.

ბასერტი, რომელიც უსაფრთხოების საკითხებში პრეზიდენტის მრჩეველი გახლავთ, აცხადებს, რომ ბრალდება ,,მტკიცებულებას ეფუძნება”.  

ის გაზეთში გამოქვეყნებულ სტატიაში კონკრეტულ მტკიცებულებაზე არ საუბრობს, თუმცა აცხადებს, რომ დასკვნები ემთხვევა სხვა ქვეყნების ხელისუფლებებისა და კერძო კომპანიების დასკვნებს.

დიდი ბრიტანეთის ხელისუფლებამ ნოემბერში განაცხადა, რომ თავდასხმა ჩრდილოეთ კორეამ განახორციელა.

მაისში, კიბერ-თავდასხმის შედეგად Windows კომპიუტერების შინაარსები დაიბლოკა და მომხმარებლებს მოსთხოვეს, მონაცემების აღსადგენად გამოსსასყიდი გადაეხადათ. ევროპოლმა აღნიშნულ თავდასხმას ,,უპრეცედენტო” უწოდა.

,,იმ ფონზე, როცა ვაგრძელებთ მუშაობას იმისათვის, რომ ინტერნეტი უფრო უსაფრთხო გახდეს, პასუხისმგებლობა დაეკისრება ყველას, ვინც ზიანს მოგვაყენებს ან საფრთხეს შეგვიქმნის მიუხედავად იმისა, მარტო იმოქმედებენ ისინი, თუ კრიმინალური ორგანიზაციების ან მტრული სახელმწიფოების სახელით ,” – განაცხადა თომას ბასერტმა.

წყარო: BBC

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიმსოფლიო

ამერიკელი, იაპონელი და რუსი ასტრონავტები საერთაშორისო კოსმოსურ სადგურზე ჩავიდნენ

207 views on

ამერიკელი, იაპონელი და რუსი ასტრონავტების ტრიო სამშაბათს საერთაშორისო კოსმოსურ სადგურზე ჩავიდა.

ამ ფაქტის ამსახველი კადრები NASA- ს სატელევიზიო ეთერში გავიდა.

კოსმოსური ხომალდით „სოიუზი“, რომელზეც იაპონიის Aerospace Exploration Agency- ის ფრენის ინჟინერი ნორიშიგე კანაი, NASA- ს ინჟინერი სკოტ თინგლი და რუსეთის Roscosmos-ის წამრომადგენელი ანტონ შკაფლეროვი იმყოფებოდნენ, დედამიწის ზემოთ დაახლოებით 400 კილომეტრში გრინვიჩის დროით 8:39 საათზე შევიდა დოკში.

ასტრონავტებმა დანიშნულ ადგილს ორდღიანი მგზავრობის შემდეგ მიაღწიეს. კოსმოსური ხომალდი ყაზახეთში მდებარე ბაიკონურის კოსმოდრომიდან გაეშვა.

შკაფლოროვი, კანაი და თინგლი იმ სამ ასტრონავტს შეუერთდნენ, რომლებიც საერთაშორისო კოსმოსურ სადგურზე სექტემბრიდან იმყოფებიან.

საერთაშორისო კოსმოსური სადგური (სკს) წარმოადგენს დასახლებად ხელოვნურ თანამგზავრს, რომელიც დედამიწის გარშემო მოძრაობს. სიგრძე 73 მეტრს შეადგენს, სიგანე – 108.5 მეტრს, სიმაღლე – 20 მეტრს, წონა კი დაახლოებით 450 000 კგ-ს. საშუალო სიჩქარეა 27 744 კმ/სთ, დედამიწის გარშემო ორბიტის პერიოდი კი – 92 წუთი და 37 წამი. საერთაშორისო კოსმოსური სადგურის პირველი ნაწილი – მოდული „ზარია” გაუშვეს 1998 წლის 20 ნოემბერს. ის წარმოადგენდა მამოძრავებელ ძალას, ორიენტაციის მაკონტროლებელს, საკომუნიკაციო სისტემასა და ელექტროენერგიის წყაროს, თუმცა არ ჰქონდა ხანგრძლივ პერიოდში სიცოცხლისთვის მხარდამჭერი პირობები. 2 კვირაში გაუშვეს მოდელი „Unity”. სკს 2 წლის განმავლობაში დაუკომპლექტებელი რჩებოდა. 2000 წლის 12 ივლისს ორბიტზე გავიდა მოდული „ზვეზდა”. დამონტაჟდა მზის პანელები და საკომუნიკაციო ანტენები. დაემატა საძილე ოთახები, ტუალეტი, ჟანგბადის გენერატორები, სავარჯიშო მოწყობილობები, ხმისა და სატელევიზიო კომუნიკაციის სისტემები. ამან შესაძლებელი გახადა მუდმივი დასახლება.

სადგურს პირველი ეკიპაჟი 2000 წლის პირველ ნოემბერს ეწვია.

სადგურში მოქმედებს, როგორც მიკროგრავიტაციისა და კოსმოსური გარემოს კვლევის ლაბორატორია და ტარდება ექსპერიმენტები ბიოლოგიის, ფიზიკის, ასტრონომიის, მეტეოროლოგიისა და სხვა სფეროებში. გამოიცდება ისეთი სისტემები და აღჭურვილობები, რომლებიც საჭიროა მთვარესა და მარსზე გამგზავრებისთვის.

 

წყარო: Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

სრულად ნახვა
ასტრონომია - კოსმოსიმსოფლიო

ამერიკელი, იაპონელი და რუსი ასტრონავტები საერთაშორისო კოსმოსურ სადგურზე ჩავიდნენ

1.24K views on

ამერიკელი, იაპონელი და რუსი ასტრონავტების ტრიო სამშაბათს საერთაშორისო კოსმოსურ სადგურზე ჩავიდა.

ამ ფაქტის ამსახველი კადრები NASA- ს სატელევიზიო ეთერში გავიდა.

კოსმოსური ხომალდით „სოიუზი“, რომელზეც იაპონიის Aerospace Exploration Agency- ის ფრენის ინჟინერი ნორიშიგე კანაი, NASA- ს ინჟინერი სკოტ თინგლი და რუსეთის Roscosmos-ის წამრომადგენელი ანტონ შკაფლეროვი იმყოფებოდნენ, დედამიწის ზემოთ დაახლოებით 400 კილომეტრში გრინვიჩის დროით 8:39 საათზე შევიდა დოკში.

ასტრონავტებმა დანიშნულ ადგილს ორდღიანი მგზავრობის შემდეგ მიაღწიეს. კოსმოსური ხომალდი ყაზახეთში მდებარე ბაიკონურის კოსმოდრომიდან გაეშვა.

შკაფლოროვი, კანაი და თინგლი იმ სამ ასტრონავტს შეუერთდნენ, რომლებიც საერთაშორისო კოსმოსურ სადგურზე სექტემბრიდან იმყოფებიან.

საერთაშორისო კოსმოსური სადგური (სკს) წარმოადგენს დასახლებად ხელოვნურ თანამგზავრს, რომელიც დედამიწის გარშემო მოძრაობს. სიგრძე 73 მეტრს შეადგენს, სიგანე – 108.5 მეტრს, სიმაღლე – 20 მეტრს, წონა კი დაახლოებით 450 000 კგ-ს. საშუალო სიჩქარეა 27 744 კმ/სთ, დედამიწის გარშემო ორბიტის პერიოდი კი – 92 წუთი და 37 წამი. საერთაშორისო კოსმოსური სადგურის პირველი ნაწილი – მოდული „ზარია” გაუშვეს 1998 წლის 20 ნოემბერს. ის წარმოადგენდა მამოძრავებელ ძალას, ორიენტაციის მაკონტროლებელს, საკომუნიკაციო სისტემასა და ელექტროენერგიის წყაროს, თუმცა არ ჰქონდა ხანგრძლივ პერიოდში სიცოცხლისთვის მხარდამჭერი პირობები. 2 კვირაში გაუშვეს მოდელი „Unity”. სკს 2 წლის განმავლობაში დაუკომპლექტებელი რჩებოდა. 2000 წლის 12 ივლისს ორბიტზე გავიდა მოდული „ზვეზდა”. დამონტაჟდა მზის პანელები და საკომუნიკაციო ანტენები. დაემატა საძილე ოთახები, ტუალეტი, ჟანგბადის გენერატორები, სავარჯიშო მოწყობილობები, ხმისა და სატელევიზიო კომუნიკაციის სისტემები. ამან შესაძლებელი გახადა მუდმივი დასახლება.

სადგურს პირველი ეკიპაჟი 2000 წლის პირველ ნოემბერს ეწვია.

სადგურში მოქმედებს, როგორც მიკროგრავიტაციისა და კოსმოსური გარემოს კვლევის ლაბორატორია და ტარდება ექსპერიმენტები ბიოლოგიის, ფიზიკის, ასტრონომიის, მეტეოროლოგიისა და სხვა სფეროებში. გამოიცდება ისეთი სისტემები და აღჭურვილობები, რომლებიც საჭიროა მთვარესა და მარსზე გამგზავრებისთვის.

წყარო: Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ეს საინტერესოაკვლევებიმსოფლიო

რა გამოიკვლია ,,მფრინავ თეფშებზე” კომპანიამ, რომელიც პენტაგონმა 22 მილიონი დოლარით დააფინანსა?

1.36K views on

2008 წლიდან 2011 წლამდე პენტაგონმა საიდუმლოდ დააფინანსა პროგრამა, რომლის მიზანი ამოუცნობი მფრინავი ობიექტებისგან (UFOs) გამოწვეული საფრთხეების გამოკვლევა და გამოძიება იყო.

The New York Times-ის ინფორმაციით, თანხის ოდენობა, რომლითაც The Advanced Aerospace Threat Identification Program-ი დააფინანსეს 22 მილიონი აშშ დოლარს შეადგენდა. პროგრამა თავდაცვის დაზვერვის სააგენტოს ფარგლებში სენატორ ჰარი რეიდის მოთხოვნის საფუძველზე შეიქმნა.

მიუხედავად იმისა, რომ ხელისუფლებამ 2012 წელს პროგრამის დაფინანსება შეწყვიტა, მან არსებობა სამხედრო დაზვერვის თანამშრომლის ლუის ელიზონდოს ხელმძღვანელობით განაგრძო.

ელიზანდო თანამდებობიდან „პენტაგონის მიერ მისი საქმიანობის მიმართ გამოჩენილი არასაკმარისი ყურადღებისა და დაფინანსების“ გამო გადადგა.

პროგრამის დაწყების პირველ წლებში პენტაგონმა რობერტ ბიგელოუს კუთვნილ აეროკოსმოსურ კომპანიას 22 მილიონი აშშ დოლარიდან უმეტესი ნაწილი გადაურიცხა. კომპანია მილიარდერ ბიზნესმენს, რობერტ ბიგელოუს, ეკითვნოდა. ის ,,აბსოლუტურად დარწმუნებულია” იმაში, რომ უცხოპლანეტელები არსებობენ.

ბიგელოუ რეიდის ახლო მეგობარი იყო და სენატორი თავიდანვე დააინტერესა უცხო პლანეტელებითა და  ამოუცნობი მფრინავი ობიექტებით. მან რეიდის საარჩევნო კამპანიები ორჯერ, 2004 და 2010 წლებში დააფინანსა.

ეს აშშ-ის ხელისუფლების მიერ ამოუცნობი მფრინავი ობიექტებისა და სხვა იდუმალი კოსმოსური ფენომენის  გამოძიების პირველი შემთხვევა არაა.

ამოუცნობი მფრინავი ობიექტების თემა საკამათო 1947 წლიდან გახდა, როდესაც ე.წ. როსვეველის ინციდენტი მოხდა, სადაც დისკის ფორმის საფრენი ობიექტი როსველში, ნიუ მეხიკოში, მდებარე რანჩოს დაეჯახა.

აშშ-ის სამხედრო ხელისუფლებამ განაცხადა, რომ ეს იყო სტანდარტული ჰაეროსტატი, მაგრამ ენთუზიასტები აცხადებენ, რომ ხელისუფლებამ სიმართლე დამალა.

მათ, ვინც ეჭვქვეშ აყენებენ როსველის ინციდენტის მთავრობის ვერსიას, კრიტიკოსები შეთქმულების თეორეტიკოსებს უწოდებენ, თუმცა რეიდის მსგავსი აეროკოსმოსის მკვლევარები აცხადებენ, რომ ხელისუფლებას ლეგიტიმური გამართლება აქვს იმისთვის, რომ ამოუცნობი ფენომენის ასახსნელად ფული და სხვა რესურსი გამოიყენოს.

წყარო: http://www.sciencealert.com/

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
1 … 66 67 68 69 70 … 89
Page 68 of 89