close

მსოფლიო

ბიოლოგიაკვლევებიმედიცინამსოფლიო

მეცნიერები ,,იბუპროფენს” მამაკაცთა უნაყოფობასთან აკავშირებენ

1.85K views on

,,იბუპროფენის” ხანგრძლივმა გამოყენებამ შესაძლოა  სათესლე ჯირკვლების მიერ ტესტოსტერონის წარმოების პროცესის შეფერხება გამოიწვიოს.

აღნიშნულ დასკვნას მეცნიერები ახლახან ჩატარებულ კვლევაზე დაყრდნობით აკეთებენ. კვლევის თანახმად, აღნიშნული ტკივილგამამაყუჩებელი მედიკამენტის ხანგრძლივმა გამოყენებამ შესაძლოა ჰიპოგნადიზმი გამოიწვიოს. ეს გახლავთ მდგომარეობა, რომელიც დაკავშირებულია რეპროდუქციულ და ფიზიკურ დარღვევებთან.

მეცნიერთა დასკვნები ეფუძნება 18-დან 35 წლამდე ასაკის 31 მამრობით მონაწილეზე ჩატარებულ ექვსკვირიან კლინიკურ ექსპერიმენტს. 

„კვლევის შედეგების თანახმად, ,,იბუპოფენის” ხანგრძლივი გამოყენება (რამდენიმე კვირის განმავლობაში) ტესტიკულარული უჯრედების მიერ ტესტოსტერონის წარმოებას აფერხებს,“ – აცხადებენ კვლევის ავტორები ჟურნალ Proceedings of the National Academy of Sciences-თან საუბარში.

თუმცა ისინი აღნიშნავენ, რომ კვლევის შედეგები ჯერ კიდევ საბოლოოდ დამტკიცებულია არაა და მათი დასკვნა არ ნიშნავს, რომ  პაციენტებმა იბუპროფენის გამოყენება უნდა შეწყვიტონ.

„უბრალოდ, ყველამ, ვინც აღნიშნულ მედიკამენტს სამ დღეზე ხანგრძლივად ღებულობს, კონსულტაციისთვის ექიმს უნდა მიმართოს,“ – აცხადებენ მეცნიერები.

კვლევაში მონაწილეობა კოპენჰაგენის უნივერსიტეტის მეცნიერებმა მიიღეს.

წყარო: http://www.independent.co.uk

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ასტრონომია - კოსმოსიმსოფლიო

 „ნასა“ ამერიკელ ასტრონავტ ქალს საერთაშორისო კოსმოსურ სადგურზე აღარ აგზავნის  

2.16K views on

ამერიკელი ასტრონავტი – ჟანეტ ეპფი საერთაშორისო კოსმოსურ სადგურზე (ISS) აღარ გაემგზავრება.

„ნასა“ აფრიკელი წარმომავლობის ამერიკელი ქალის მისიიდან მოხსნის მიზეზებზე არ საუბრობს.

ჟანეტ ეპფი კოსმოსურ სადგურზე რუსული კოსმოსური ხომალდი „სოიუზით” ივნისში უნდა გამგზავრებულიყო, თუმცა, ის სხვა კოსმონავტით ჩაანაცვლეს.

„ნასა” აცხადებს, რომ ჟანეტ ეპფი მომავალ მისიებში განიხილება.

ჟანეტ ეპფი დაიბადა სირაკუზაზე. მან  კოსმოსურ ინჟინერიაში 2000 წელს დოქტორის ხარისხი მოიპოვა. ის ორი წლის განმავლობაში ლაბორატორიაში მუშაობდა, შემდეგ კი – თანამშრომლობა დაიწყო ცენტრალურ სადაზვერვო სააგენტოსთან და შვიდი წლის მანძილზე  ტექნიკურ დაზვერვის ოფიცრად მსახურობდა. ამის შემდეგ ეპფი „ნასას“ 2009 წლის ასტრონავტ კლასის წევრად აირჩიეს.

წყარო: BBC

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
კვლევებიმედიცინამსოფლიო

,,Pfizer-ი” წყვეტს მუშაობას ალცჰეიმერისა და პარკინსონის დაავადებების სამკურნალო მედიკამენტზე

1.55K views on

მსოფლიოს მესამე უმსხვილესი ფარმაცევტული კომპანია ,,Pfizer-ი” აცხადებს, რომ ასრულებს ალცჰეიმერის და პარკინსონის დაავადებების სამკურნალო ახალი მედიკამენტის აღმოჩენის მიზნით წარმოებულ კვლევას.
,,უკანასკნელი ყოვლისმომცველი მიმოხილვის შედეგად, ჩვენ მივიღეთ გადაწყვეტილება, რომ დავამთავროთ ჩვენი ნეიროსამეცნიერო აღმოჩენა და ადრეული განვითარების მცდელობები და გადავანაწილოთ [ხარჯვა] იმ სფეროებში, სადაც ძლიერი სამეცნიერო მმართველობა გვაქვს. ეს საშუალებას მოგვცემს, პაციენტებზე უდიდესი ზეგავლენა მოვახდინოთ “, – ნათქვამია კომპანიის მიერ გავრცელებულ განცხადებაში.
აღნიშნული გადაწყვეტილბა სამუშაო ადგილების შემცირებას გამოიწვევს, თუმცა Pfizer-ი აგრძელებს იშვიათი ნევროლოგიური დაავადებების კვლევას და აპირებს დააარსოს ნეიროსამეცნიერო ფონდი.
„რასაკვირველია, 15-წლიანი უშედეგო კვლევა დემენციის საწინააღდეგო მედიკამენტის შესაქმნელად, დიდი დარტმა იქნება ამ დაავადების მატარებელი ადამიანებისთვის, რომელთა რიცხვი დაახლოებით 46,8 მილიონია,“ – აცხადებს დიდი ბრიტანეთის ალცჰეიმერის საზოგადოების წარომადგენელი ჯეიმს პიკეტი.
,,ალცჰეიმერის დაავადების საწინააღმდეგო არსებული მედიკამენტები დამტკიცებულია, რადგან, როგორც იტყვიან, სულ არაფერს სჯობს,“- აცხადებს ნეირომეცნიერი ჯოზეფ ჯებელი. მისი განმარტებით, ეს მედიკამენტები კურნავს სიმპტომებს და არა ძირითად ბიოლოგიას.
„ტვინისა და ცენტრალური ნერვული სისტემის კვლევაზე უარის თქმა ისეთი დიდი ფარმაცევტული კომპანიისგან, როგორიც ,,Pfizer-ია”, ნამდვილად საგანგაშოა”. ვინაიდან ამ გადაწყვეტილებას მოჰყვა სხვა კომპანიების მიერ წარმოებული კლინიკური კვლევების მარცხი, რაც ძვირად დაუჯდებათ იმ კომპანიებს, რომლებსაც აღნიშნულ კვლევებში ინვესტიციები აქვთ ჩადებული“ – აცხადებს პარკინსონის ფონდის სამეცნიერო ოფიცერი ჯეიმს ბექი.

 

წყარო: http://www.sciencealert.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
კვლევებიმედიცინამსოფლიო

უნივერსალურ გრიპის ვაქცინაზე კლინიკურ ცდებს ატარებენ

1.3K views on

ბრიტანული კომპანია Vaccitech-ი მსოფლიოს უნივერსალურ გრიპის ვაქცინაზე კლინიკურ ცდებს ატარებს.

ამგვარი ვაქცინის შექმნა არის მიზანი, რომლის განხორციელება მასიურ სარგებელს მოუტანს გლობალურ საზოგადოებრივ ჯანდაცვას და ყოველწლიური ინექციების საჭიროებას აღმოფხვრის.

საკითხი აქტუალურია, ვინაიდან სწორედ ახლა ჩვენს პლანეტაზე მწვავე გრიპის სეზონია.

მიზეზი, რის გამოც ყოვეწლიური აცრა გვჭირდება, ვირუსის მუტაციური ხასიათია, შტამების გარკვეული ნაწილი კი გარემოში მუდმივად არსებობს.

გლობალური კოორდინაცია საშუალებას აძლევს ეპიდემიოლოგებს შექმნან ვაქცინა ყველაზე გავრცელებული შტამების წინააღმდეგ.

ამ მეთოდს წარმატების განსხვავებული დონეები აქვს და დამოკიდებულია იმაზე, თუ როგორ იცვლება ვირუსი ვაქცინის შექმნის პერიოდში, რასაც, შესაძლოა რამდენინე თვე დასჭირდეს.

ბუნებრივია, უფრო მარტივია, გაიკეთო ერთი „უნივერსალური“ ვაქცინა, რომელიც  შტამების უმეტესობისგან დიდი ხნით დაგიცავს და როგორც ჩანს ოქსფორდის უნივერსიტეტის კერძო სპინოფი Vaccitech-ი ამ მიზანს სულ უფრო უახლოვდება.

კომპანიამ უკვე დაიწყო 2-წლიანი ფაზა 2-ის კლინიკური ცდა უნივერსალურ გრიპის ვაქცინაზე.

Vaccitech-ის დაპატენტებული ვაქცინა – MVA-NP+M1 უსაფრთხოებაზე 145 ადამიანზე დატესტეს. შემდეგი ნაბიჯი იმის გარკვევაა, ნამდვილად იცავს თუ არა ის ადამიანებს გრიპისგან.

რატომ არის ასე რთული უნივერსალური გრიპის ვაქცინის შექმნა? თუ გრიპის ვირუსს მიკროსკოპით დავაკვირდებით, ვნახავთ, რომ ის შეიცავს ორ სახის ცილებს – ჰემოგლუტინინს და ნეიმარმინიდსს – ისინი ვირუსს ახლავს თან და იწვევს ინფექციას.

ეს ორი სწრაფად ცვალებადი ცილაა, რომლებიც მეცნიერებს თავსატეხს უჩენს.

მკვლევარები ვარაუდობენ, რომ MVA-NP + M1 -მა ჩვეულებრივი გრიპის ვაქცინებისგან განსხვავებულად უნდა იმოქმედოს. ის გამიზნულია იმ  T- უჯრედების გასაძლიერებლად, რომლებიც გრიპს უკვე იცნობენ და ამისათვის ვირუსის შიდა მასალას იყენებს.

ამჟამად ვაქცინის ეფექტურობას 862 ადამიანზე ცდიან, მათი ასაკი 65 წლიდან იწყება. მეცნიერები ვარაუდობ ენ, რომ ცდა 2019 წლის ოქტომბრისთვის დასრულდება.

ექსპერტების განმარტებით, თუკი ყველაფერი კარგად წარიმართება, MVA-NP+M1-ი ბაზარზე 5-7 წელში გამოჩნდება.

წყარო: http://www.sciencealert.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
მსოფლიოპოლიტიკასაქართველო

„The Guardian-ის“ ცნობით, ბორის აკუნინი და ქეთი მელუა ყველაზე ცნობილი ქართველები არიან

1.54K views on

გამოცემა „The Guardian-ი“ ამჯერად პოსტსაბჭოური ქვეყნების ძირითადი მახასიათებლების შესახებ უამბობს მკითხველს.  სტატიაში, დანარჩენ 14 ქვეყანასთან ერთად, რა თქმა უნდა, საქართველოსა და მასში მიმდინარე პოლიტიკურ თუ კულტურულ მოვლენებზეც არის ყურადღება გამახვილებული.

წყარო 2012 წლის მონაცემებზე დაყრდობით იუწყება, რომ საქართველოს თითოეული მოქალაქის ყოველწლიური შემოსავალი საშუალოდ 1965$-ია, ხოლო ყველაზე ცნობილ ქართველებს შორის დასახელებულია – ბორის აკუნინი და  ქეთი მელუა. შეგახსენებთ, რომ ბორის აკუნინი, იგივე გრიგორ ჩხარტიშვილი – რუსეთში მოღვაწე ცნობილი მწერალი, მთარგმნელი და იაპონისტი, ხოლო ქეთი მელუა ბრიტანეთში მოღვაწე ქართელი მომღერალი გახლავთ.

წყარო საქართველოში მიმდინარე თითქმის ყველა მნიშნელოვან მოვლენას შეეხო,  აღნიშნულია, რომ საქართველოს საკმაოდ მღელვარე პოსტსაბჭოური გამოცდილება აქვს და, რბილად რომ ვთქვათ, ეს განპირობებულია აფხაზეთსა თუ ე.წ. სამხრეთ ოსეთში არსებული სეპარატისტული დაპირისპირებებითა და სამოქალაქო ომით, რომელმაც თბილისი, ფაქტობრივად, ნანგრევებად აქცია – „კორუფციამ და არასწორმა მართვამ ქვეყანა პოლიტიკურ და ეკონომიკურ არასტაბილურობამდე მიიყვანა, სანამ 2003 წელს, ყოფილი იუსტიციის მინისტრის  – მიხეილ სააკაშვილის ინიციატივით, მოხდა ვარდების რევოლუცია, 2004 წელს კი სააკაშვილი პრეზიდენტად აირჩიეს და მან ქვეყნის საგარეო პოლიტიკის უპირველეს მიზნად  ევროკავშირსა და ნატოში გაწევრიანება დაისახა”.

ბოლოდროინდელ მოვლენებს შორის  სტატია რუსეთთან არსებულ დაძაბულ ურთიერთობას უსვამს ხაზს, აღნიშნულია, რომ ,,2006 წელს რუსეთმა აკრძალა საქართველოდან ღვინისა და მინერალური წყლების იმპორტი, ორმხრივმა დაძაბულობამ კი 2008 წლის ზაფხულში პიკს მიაღწია და ხუთღიანი ომი გამოიწვია, რის შედეგადაც საქართველომ დაკარგა კუთვნილი ტერიტორია ე.წ. სამხრეთ ოსეთში”.  ხოლო შიდაპოლიტიკურ მდგომარეობას რაც შეეხება, ნათქვამია, რომ 2013 წლის საკონსტიტუცია ცვლილებებმა შეამცირა საპრეზიდენტო უფლებამოსილება და მეტი ავტორიტეტი პარლამენტს მიანიჭა. ამასთანავე, უკრაინისგან განსხვავებით, საქართველომ გააგრძელა მოლაპარაკებები ევროკავშირთან ასოცირების ხელშეკრულებასთან დაკავშირებით, რამაც გაამყარა ჩვენი ქვეყნის სამომავლო პერსპექტივები სრულუფლებიანი წევრობისაკენ.

მასალა მოამზადა:  თამარ დევდარიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
მსოფლიოსაქართველო

ბორის აკუნინი და ქეთი მელუა „The Guardian-ის“ ცნობით ყველაზე ცნობილი ქართველები არიან

1.28K views on

გამოცემა „The Guardian-ი“ ამჯერად პოსტსაბჭოური ქვეყნების ძირითადი მახასიათებლების შესახებ უამბობს მკითხველს.  სტატიაში, დანარჩენ 14 ქვეყანასთან ერთად, რა თქმა უნდა, საქართველოსა და მასში მიმდინარე პოლიტიკურ თუ კულტურულ მოვლენებზეც არის ყურადღება გამახვილებული.

 წყარო 2012 წლის მონაცემებზე დაყრდობით იუწყება, რომ საქართველოს თითოეული მოქალაქის ყოველწლიური შემოსავალი საშუალოდ 1965$-ია, ხოლო ყველაზე ცნობილ ქართველებს შორის დასახელებულია – ბორის აკუნინი და  ქეთი მელუა. შეგახსენებთ, რომ ბორის აკუნინი, იგივე გრიგორ ჩხარტიშვილი – რუსეთში მოღვაწე ცნობილი მწერალი, მთარგმნელი და იაპონისტი, ხოლო ქეთი მელუა ბრიტანეთში მოღვაწე ქართელი მომღერალი გახლავთ.

წყარო საქართველოში მიმდინარე თითქმის ყველა მნიშნელოვან მოვლენას შეეხო,  აღნიშნულია, რომ საქართველოს საკმაოდ მღელვარე პოსტსაბჭოური გამოცდილება აქვს და, რბილად რომ ვთქვათ, ეს განპირობებულია აფხაზეთსა თუ ე.წ. სამხრეთ ოსეთში არსებული სეპარატისტული დაპირისპირებებითა და სამოქალაქო ომით, რომელმაც თბილისი, ფაქტობრივად, ნანგრევებად აქცია – „კორუფციამ და არასწორმა მართვამ ქვეყანა პოლიტიკურ და ეკონომიკურ არასტაბილურობამდე მიიყვანა, სანამ 2003 წელს, ყოფილი იუსტიციის მინისტრის  – მიხეილ სააკაშვილის ინიციატივით, მოხდა ვარდების რევოლუცია, 2004 წელს კი სააკაშვილი პრეზიდენტად აირჩიეს და მან ქვეყნის საგარეო პოლიტიკის უპირველეს მიზნად  ევროკავშირსა და ნატოში გაწევრიანება დაისახა”.

ბოლოდროინდელ მოვლენებს შორის  სტატია რუსეთთან არსებულ დაძაბულ ურთიერთობას უსვამს ხაზს, აღნიშნულია, რომ ,,2006 წელს რუსეთმა აკრძალა საქართველოდან ღვინისა და მინერალური წყლების იმპორტი, ორმხრივმა დაძაბულობამ კი 2008 წლის ზაფხულში პიკს მიაღწია და ხუთღიანი ომი გამოიწვია, რის შედეგადაც საქართველომ დაკარგა კუთვნილი ტერიტორია ე.წ. სამხრეთ ოსეთში”.  ხოლო შიდაპოლიტიკურ მდგომარეობას რაც შეეხება, ნათქვამია, რომ 2013 წლის საკონსტიტუცია ცვლილებებმა შეამცირა საპრეზიდენტო უფლებამოსილება და მეტი ავტორიტეტი პარლამენტს მიანიჭა. ამასთანავე, უკრაინისგან განსხვავებით, საქართველომ გააგრძელა მოლაპარაკებები ევროკავშირთან ასოცირების ხელშეკრულებასთან დაკავშირებით, რამაც გაამყარა ჩვენი ქვეყნის სამომავლო პერსპექტივები სრულუფლებიანი წევრობისაკენ.

მასალა მოამზადა:  თამარ დევდარიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიზნესიეს საინტერესოამსოფლიორელიგია და მეცნიერებაფრაზები

სამი გაკვეთილი „მსოფლიოს უბედნიერეს ადამიანად აღიარებული“ ტიბეტელი ბერისგან 

2.8K views on

მეთიუ რიკარდი არის 71 წლის ტიბეტელი ბუდისტი ბერი, რომელიც საფრანგეთიდან ჰიმალაიში 20 წლის ასაკში გადავიდა და 30 წლის ასაკში ბერი გახდა.

მეთიუ რიკარდის შესახებ პირველად მედიამ 1997 წელს შეიტყო, როდესაც მან მამამისთან ერთად წიგნი გამოსცა. იმ დროიდან მან ორჯერ მიიღო მონაწილეობა TEDსაუბრებში (ტექნიკა, გასართობი, დიზაინი) და არაერთი ბესტსელერის ავტორი გახდა.

მეთიუ რიკარდს აქვს საქველმოქმედო ორგანიზაცია, რომელიც ახორციელებს ჯანდაცვასა და განათლებასთან დაკავშირებულ პროექტებს ინდოეთში, ნეპალსა და ტიბეტში.

მედიამ რიკარდს „მსოფლიოში ყველაზე ბედნიერი ცოცხალი ადამიანი“ უწოდებს, მას შემდეგ, რაც 2000 University of Wisconsin -ის კვლევის ფარგლებში დაადგინეს, რომ მისი ტვინის გამა ტალღები უძლიერესი იყო.

აღსანიშნავია, რომ მეთიუ რიკარდი დალაი ლამას მრჩეველი და მისი ფრანგული ენის თარჯიმანია.

გამოცემა ,,Business Insider-ი” მეთიუ რიკარდს წარმატების საიდუმლოს შესახებ ესაუბრა.

არსებობს ორი ტიპის წარმატება

ახალგაზრდა ასაკშიც კი რიკარდი მიიჩნევდა, რომ გარეგნული წარმატების ყველა ინდიკატორს – გავლენას, პატივისცემას და სიმდიდრეს – ყოველთვის ბედნიერება არ ახლავს. როდესაც მან თავი ბუდიზმს მიუძღვნა,  გააცნობიერა, რომ ბედნიერება არის უნარი, გზა სამყაროს აღსაქმელად, რომელსაც ავტომატურად არ ახლავს გარეგნული წარმატების მაჩვენებლები.

რიკარდი აცხადებს, რომ ურჩევნია იმ ტიპის წარმატება, რასაც უწოდებენ ,,პირად აყვავებას”, რომელიც ,,ავსებს ჩემს ღრმა ასპირაციას.” „ღრმა ასპირაციასში” ის გულისხმობს წარმატებას, რომელიც განპირობებულია სხვებთან პოზიტიური დამოკიდებულებით მიღწეული თვითრეალიზებით. „ასე რომ – გარდაქმენი საკუთარი თავი და ემსახურე სხვებს,“ – აცხადებს მეთიუ რიჩარდი.

ზოგჯერ ყველაზე რაციონალური არჩევანია, ენდო საკუთარ ინტუიციას

ახალგაზრდობაში რიკარდი სწავლობდა მოლეკულურ გენეტიკას პრესტიჟულ პასტერის ინსტიტუტში. მას გაუჩნდა მზარდი ინტერესი ბუდიზმის მიმართ და გაემგზავრა დარჯელინგში, რათა სულიერი ოსტატებისგან ესწავლა. ამასობაში რიკარდმა დოქტორის ხარისხი მიიღო და დადგა გადაწყვეტილების მიღების დრო,  თუ როგორ გაეგრძელებინა ცხოვრება, მან არჩევანი იოლად გააკეთა.

„გადაწყვეტილების მიღება რთული არ იყო. ეს ჰგავს ხეზე არსებულ მწიფე ხილს, რომლის მოსაწყვეტად ტოტის ჩამოწევაც კი არ გჭირდება. თავისთავად წყდება და გივარდება ხელებში,“ – აცხადებს რიკარდი. მისი განმარტებით, იმ დროიდან ცხოვრებაში ყველა მნიშვნელოვანი გადაწყვეტილების მისაღებად მსგავს გზას ირჩევს.

აუცილებელია მიიღოს ის, რასაც ვერ შეცვლი

რიკარდმა ასაკოვან მამასთან ერთად დაწერა წიგნი ,,ბერი და ფილოსოფოსი“, მაგრამ როდესაც პოპულარული გახდა, გადაწყვიტა, რომ დალაი ლამას მაგალითი გამოეყენებინა და პოპულარობა ბედნიერებისა და თვითრეალიზების გაკვეთილების გასავრცელებლად გამოეყენებინა.

მას შემდეგ, რაც Independent-მა გამოაქვეყნა მედიტაციის კვლევის შედეგები, რომელშიც რიკარდიც მონაწილეობდა, ბუდისტი ბერი მსოფლიოში ყველაზე ბედნიერ ადამიანად აღიარეს.

ამ დროს ის ერთ-ერთ მასწავლებელთან იმყოფებოდა, რომელმაც უთხრა :,,წადი და ეს კეთილი მიზნისთვის გამოიყენე, ადამიანებისთვის, ასწავლე მათ, იყვნენ ბედნიერები“.

წყარო: http://www.businessinsider.com

მასალა მომაზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
მსოფლიოპოლიტიკარელიგია და მეცნიერება

ჩინეთის ხელისუფლება ქრისტიანულ ეკლესიებს ანადგურებს

5.05K views on

დეკემბრის განმავლობაში ჩინეთის ჩრდილოეთ ნაწილში 2 ქრისტიანული ეკლესია დაანგრიეს. ეს ფაქტი შეშფოთებას იწვევს სხვადასხვა რელიგიური აღმსარებლობის ადამიანებში, რადგან ჩინეთის ხელისუფლება რელიგიის შესახებ ახალი, სავარაუდოდ უფრო მკაცრი კანონების მიღებისათვის ემზადება.

ჩინეთში რელიგიისა და აღმსარებლობის თავისუფლებას ოფიციალურად კანონი იცავს. თუმცა, რეალობაში, ხელისუფლების წარმომადგენლები ხელოვნურად ცდილობენ რელიგიური საკითხების გაკონტროლებას. ყველა კონფესია და ეკლესიის წარმომადგენელი უნდა დაემორჩილოს ხელისუფლების მიერ წარდგენილ წესებს, დარეგისტრირდეს და იყოს სანქცირებული.

სახელმწიფოს მხრიდან მსგავსი მკაცრი პოლიტიკის გამო, ჩინეთში მომრავლდა განსხვავებული ტიპის „ეკლესიები“, რომლებიც სხვა კონფესიებისგან დამოუკიდებელ ერთეულებს წარმოადგენენ და არაოფიციალურად ფუნქციონირებენ. საპასუხოდ, ხელისუფლების ძალოვანი სტრუქტურების სამსახურები აპატიმრებენ მსგავსი ეკლეისების წარმომადგენლებს და ანადგურებენ თავად ეკლესიის შენობებსაც.

ჩინეთის ხელისუფლებამ 2013 წლიდან უფრო მკაცრი პოლიტიკის გატარება დაიწყო. ხელისუფლებამ აკრძალა დიდი ზომის კათედრალების აშენება და მათზე ჯვრის განთავსება. 2015 წლისთვის 1200-ზე მეტი ჯვარი ჩამოხსნეს გუმბათებიდან.

აშშ-ის სახელმწიფო დეპარტამენტის ყოველწლიურ ანგარიშში რელიგიის თავისუფლების შესახებ, აღნიშნულია, რომ, ჩინეთის მთავრობა ფიზიკურად უსწორდებოდა, აწამებდა, თავისუფლებას უღკვეთავდა როგორც დარეგისტრირებულ, ასევე არაოფიციალურად მოქმედ რელიგიური ჯგუფის წევრებს.

უნდა აღინიშნოს, რომ მსგავსი ოპრესიული ქმედებები ჩინეთის მოქალაქეებისთვის ახალი არ არის. ჯერ კიდევ 2009 წელს დაურეგისტრირებლად რელიგიური რიტუალების ჩატარების გამო დააკავეს 400-მდე ადამიანი, რასაც პროტესტის მცირე ტალღაც მოჰყვა. თუმცა, უშედეგოდ.

ჩინეთის ხელისუფლება ოფიციალურ განცხადებას აღნიშნულ საკითხთან დაკავშირებით არ აქვეყნებს.

წყარო: The Independent, coexpress.uk

მასალა მოამზადა: ცირა შვანგირაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
მსოფლიოპოლიტიკასამხედრო

ისრაელმა სირიაზე საჰაერო თავდასხმა განახორციელა

1.57K views on

ისრაელის საჰაერო ძალები სირიის ტერიტორიაზე შეიჭრნენ და საჰაერო  თავდასხმა განახორციელეს. სირიის უსაფრთხოების სამსახურმა შემთხვევა აღწერა, როგორც „ისრაელის პირდაპირი აგრესია“, რომელიც მნიშვნელოვან საფრთხეს უქმნის რეგიონულ სტაბილურობას. „თავდასხმის შედეგებზე სრულიად პასუხისმგებელი ისრაელი იქნება“- აღნიშნულია განცხადებაში.

ისრაელის ოპოზიციურ პოლიტიკურ ძალებთან დაკავშირებული მედიასაშუალებების მიერ გავრცელებული ინფორმაციის მიხედვით, ისრაელის საჰაერო თავდასხმა უშუალოდ სირიის სამხედრო ბაზაზე განხორციელდა. მაშინ, როცა, დასავლური ქვეყნების დაარსებული ადამინის უფლებათა მონიტორინგის ცენტრის განცხადებით, აღნიშნული სამხედრო ბაზა ეკუთვნოდა როგორც სირიის სამხედროებს, ასევე ჰეზბოლას.

ისრაელის საჰაერო თავდასხმამ გამოიწვია რამდენიმე აფეთქება და შესაბამისად, დიდძალი მატერიალური ზარალი. თავდასხმის ზუსტი სამიზნე ოფიციალურად ჯერ კიდევ არ სახელდება.

წყარო:  independent.co.uk

მასალა მოამზადა:   ცირა შვანგირაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
გამოგონება - ინოვაციაეს საინტერესოაკვლევებიმედიცინამსოფლიო

მეცნიერებმა რეალური შეგრძნების მქონე ბიონიკური ხელი შექმნეს

1.73K views on

იტალიელმა, შვეიცარიელმა და გერმანელმა მეცნიერებმა ბიონიკური ხელი შექმნეს, რომელსაც შეხების შეგრძნება აქვს.

ალმერინა მასკარელომ, რომელმაც ხელი დაახლოებით 25 წლის წინ უბედური შემთხვევის შედეგად დაკარგა, ბიონიკური ხელით სარგებლობის შემდეგ განაცხადა, რომ ისეთი შეგრძნება აქვს, თითქოს ხელი დაუბრუნეს.

2014 წელს მეცნიერთა იგივე გუნდმა მსოფლიოში პირველად რეალური შეგრძნების მქონე ბიონიკური ხელი შექმნა, თუმცა ძალიან დიდი სენსორისა და კომპიუტერული აღჭურვილობის გამო ხელოვნური ხელის ლაბორატორიიდან გატანა შეულებელი იყო.

ამჯერად კი, ტექნოლოგია საკმარისად მცირე ზომისაა იმისთვის, რომ ბიონიკური ხელი პორტატული იყოს.

მეცნიერთა გუნდი, რომელმაც ხელოვნური ხელი შექმნა, შედგება ინჟინრებისგან, ნეირომეცნიერებისგან, ქირურგებისგან, ელექტრიკოსებისა და რობოტების სპეციალისტებისგან.

როგორ მუშაობს ხელი?

ხელის პროთეზს აქვს სენსორები, რომლებიც არკვევენ საგანი რბილია თუ მაგარი. ეს მესიჯები დაკავშირებულია კომპიუტერთან, რომელიც ამ სიგნალებს ტვინისათვის გასაგებ ენაზე თარგმნის.

ინფორმაცია ალმერინას ტვინს პატარა ელექტროდებით გადაეცემა, რომლებიც ზედამკლავში მდებარე ნერვებშია განთავსებული.

ალმერინას ტესტები ჩაუტარეს, რომლის დროსაც ის თვალახვეული სხვადასხვა საგანს იღებდა ხელში და პასუხობდა, ისინი რბილი საგნები იყვნენ, თუ მაგარი.

„გრძნობა სპონტანურია, თითქოს ნამდვილი ხელია. შეგიძლია, ისეთი რაღაცეები გააკეთო, რასაც მანამდე ვერ აკეთებდი: დამოუკიდებლად ჩაიცვა ტანსაცმელი და ფეხსაცმელი და ა.შ.,“ – განაცხადა ალმერინამ.

Hospital Agostino Gemelli-ის უნივერსიტეტის ნევროლოგი პროფესორი პაოლო როსინი აცხადებს, რომ როგორც კი მეცნიერები ტვინით რობოტული პროთეზის კონტროლს შეძლებენ, შესაძლებელი გახდება ისეთი ხელის შექმნა, რომელიც „უფრო რთული მოქმედებების შესრულებას შეძლებს, ვიდრე ხუთთითიანი ხელია“.

ალმერინამ ბიონიკური ხელის შენახვა 6 თვის მანძილზე შეძლო, თუმცა ამის შემდეგ ის მოხსნეს, ვინაიდან პროთეზი კერ კიდევ პროტოტიპია.

მეცნიერთა გუნდი იმედოვნებს, რომ მალე ტექნოლოგიის მინიატურიზაციასა და კომერციალიზაციას შეძლებენ.

წყარო: BBC

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 … 65 66 67 68 69 … 89
Page 67 of 89