close

მსოფლიო

ეს საინტერესოამსოფლიოტრანსპორტი

ყველაზე გრძელი ფრენები მსოფლიოში

1.32K views on

წლების წინ ვერავინ წამოიდგენდა, რომ ნებისმიერ ადამიანს შეეძლებოდა გადაადგილებულიყო დედამიწის ნებისმიერი ერთი წერტილიდან მეორეში, ტექნოლოგია იმდენად წინ მიიწევს, რომ დრო მცირდება, რომელიც საჭირო იყო გადაადგილებისთვის.

გასულ წელს ყატარის ავაიახაზებმა მსოფლიოში ერთ–ერთი ყველაზე გრძელი ფრენა განახორციელა ანუ ყატარიდან ახალი ზელანდიის მიმართულებით, ,,ბიზნეს ინსაიდერის” ცნობით იგი პირველ ადგილს იკავებს.

მუდმივად მიმდინარეობს ფრენები სან ფრანცისკოდან სინგაპურამდე,  სადაც ასევე საკმაოდ დიდი მანძილის დაფარვა არის საჭირო.

,,ბიზნეს ინსაიდერმა” გამოაქვეყნა 5 ყველაზე გრძელ ფრენათა სია, რომელსაც ახლა წარმოგიდგენთ:

  1. ახალი ზელანდიიდან ყატარამდე, ყატარის ავიახაზები (9,026 მილი)
  2. ავსტრალიიდან ლონდონამდე (9,009 მილი)
  3. ახალი ზელანდიიდან არაბეთის გაერთიანებულ საამიროებამდე (8,820 მილი)
  4. ლოს ანჯელესიდან სინგაპურამდე (8,759 მილი)
  5. ჰიუსტონიდან სიდნეიმდე (8,593 მილი)

წყარო: Businessinsider.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიმსოფლიო

იტალია და საფრანგეთი კოსმოსურ სექტორში თანამშრომლობას გეგმავენ

1.56K views on

,,იტალიამ უნდა დაიწყოს ფიქრი საფრანგეთთან კოსმოსურ ინდუსტრიაში თანამშრომლობაზე”,- ამის შესახებ იტალიის მრეწველობის მინისტრმა – კარლო კალენდამ განაცხადა.

,,ჩვენ ახლა უნდა ვიფიქროთ კოსმოსურ სექტორში, ეს ყურადღებით უნდა განვახორციელოთ, ვინაიდან ეს გახლავთ ინდუსტრია სენსიტიური კომპანიებით, მაგრამ მაგრამ ჩვენ უნდა დავდგეთ გამოწვევის წინაშე,“ – განაცხადა კალენდამ.

სექტემბერში იტალიურმა გემთმშენებელმა – Fincantieri-მა ფრანგულ მეტოქე STX- ზე ეფექტური კონტროლი დააწესა ერთობლივი საკუთრების ხელშეკრულების საშუალებით.

ამ ნაბიჯით საფუძველი დაედო ფრანგული France’s Naval-ის და იტალიური Fincantieri-ის გაერთიანებას და ფრანკო-იტალიურ საზღვაო საარბიტრაჟო ჯგუფის შექმნას.

 

 

წყარო: Reuters

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
არქეოლოგიაეს საინტერესოამსოფლიო

ადამიანმა აფრიკა გაცილებით ადრე დატოვა, ვიდრე მეცნიერები ფიქრობდნენ

1.89K views on

ისრაელში ერთ-ერთ მღვიმეში ადამიანის ყბის ნაწილი იპოვნეს, მეცნიერები აცხადებენ, რომ ის ,,ჰომო საპიენსის” წარმომადგენლის უძველესი ნათშია, რომელიც მეცნიერებს დღემდე აფრიკის გარეთ აღმოუჩენიათ.

მკვლევარების თქმით, ნამარხი 177,000-დან 194,000 წლისაა. აღმოჩენილი ნაშთი ახალგაზრდის ზედა ყბის მარცხენა ნაწილია, თუმცა მისი სქესის დადგენა ჯერ-ჯერობით ვერ ხერხდება.

ყბის ნაწილი ქარმელის მთაზე მისლაიას მღვიმეში აღმოაჩინეს, რომელიც ჰაიფადან სამხრეთით დაახლოებით 12 კმ-ში მდებარეობს. დიდ ჩამონგრეულ მღვიმეში, სადაც ადამიანები ცხოვრობდნენ, ასევე აღმოჩენილ იქნა დანა და სხვა ქვის იარაღები, რომლებიც იმ დროისთვის დახვეწილად ითვლება, რამდენიმე ცეცხლის კერა და დამწვარი ცხოველის ძვლები.

მანამდე აღმოჩენილი ნამარხების თანახმად, ,,ჰომო საპიენსი” აფრიკაში დაახლოებით 300,000 წლის წინ გამოჩნდა. ძირითად ქვაკუთხედს წარმოადგენს კითხვა : როდის დატოვა ჩვენმა წინაპარმა აფრიკა და როდის დასახლდა ის მსოფლიოს სხვადასხვა ადგილებში.

აქამდე აღმოჩენილი უძველესი “ჰომო საპიენსი”, რომლებიც ორ სხვა გამოქვაბულში აღმოაჩინეს (ერთ-ერთი მათგანი ასევე ქარმელის მთაზე მდებარეობს), დაახლოებით 90,000 – 120,000 წლისაა.

,,ახალი აღმოჩენების თანახმად, ადამიანები აფრიკიდან ჩრდილოეთის გზით, ნილოსის ველისა და აღმოსავლეთ ხმელთაშუაზღვის სანაპიროს გავლით გაემგზავრნენ და არა სამხრეთის გზით ბაბ ალ-მანდების სიახლოვეს, რომელიც საუდის არაბეთის სამხრეთ სანაპიროს წარმოადგენს, ინდოეთის ქვეკონტინენტისა და აღმოსავლეთ აზიის გავლით,”-  განაცხადა თელ-ავივის უნივერსიტეტის პალეონტოტროპოლოგმა ისრაელ ჰერშკოვიციმ, რომელმაც კვლევა ჩაატარა.

მეცნიერები აცხადებენ, რომ აღმოჩენა ძალიან მნიშვნელოვანია, ვინაიდან წარმოადგენს იმის პირდაპირ მტკიცებულებას, რომ ადამიანმა აფრიკა გაცილებით ადრე დატოვა, ვიდრე აქამდე ვარაუდობდნენ.

მისლაიაში მცხოვრები ადამიანები, სავარაუდოდ, მომთაბარეები იყვნენ და მტაცებელი სახეობების მოძრაობის ან სეზონის მიხედვით გადაადგილდებოდნენ. მეცნიერები აცხადებენ, რომ ისინი ნადირობდნენ მსხვილფეხა რქოსანი ჯიშების წარმომადგენლებზე, მათ შორის ველურ პირუტყვზე, ირმებსა და ქურციკებზე. ,,ისინი ასევე ფართოდ იყენებდნენ მცენარეული მასალებს, მათ შორის საწოლისთვისაც, “– აცხადებენ მეცნიერები.

 

წყარო: Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
გეოგრაფიადედამიწაეს საინტერესოაკვლევებიმსოფლიო

მარჯნის რიფს პლასტმასისგან განადგურება ემუქრება

2K views on

მეცნიერები აცხადებენ, რომ მარჯნის რიფის მომავალს ერთ-ერთ უდიდეს საფრთხეს პლასტმასი უქმნის.

აზია-წყნარი ოკეანის რეგიონში ჩატარებული დათვალიერების შედეგად, მარჯნის რიფის მესამედზე პლასტმასის 11 მილიარდი ერთეული აღმოაჩინეს. ეს რიცხვი 2025 წლისთვის, სავარაუდოდ, 15 მილიარდამდე გაიზრდება.

ამასთანავე, პლასტმასი მარჯნის რიფზე დაავადების გავრცელების რისკს 20-ჯერ ზრდის. მეცნიერები აცხადებენ, რომ პლასტმასი აავადებს მარჯნის რიფის  უხერხემლო ცხოველებს. თითების ფორმის მარჯანი კი პლასტმასის ნარჩენებში ადვილად იხლართება.

მარჯნის რიფები არაერთი საფრთხის წინაშეა. მარჯანი უჩვეულოდ თბილი წყლის გამო უფერულდება, მარჯნის პოლიპები ქსოვილებისგან წყალმცენარეებს კარგავენ, რის გამოც ისინი უფერულდებიან. ისინი შესაძლოა აღდგნენ, თუკი ტემპერატურის ცვლილება გონივრულ ვადაში შეიცვლება, თუმცა ამ პროცესს შესაძლოა უამრავი წელი დასჭირდეს.

რაც შეეხება დაავადებებს, ორგანიზმები მარჯანს თავს ესხმიან და შესაძლოა მისი დაღუპვაც გამოიწვიონ. წინა კვლევამ დაადგინა, რომ პლასტმასის ნარჩენებმა შეიძლება მარჯანზე უარყოფითად იმოქმედოს სინათლისა და ჟანგბადის დაბლოკვით და შედეგად პათოგენები გაამრავლოს. 

კვლევის ფარგლებში, რომელიც სამეცნიერო ჟურნალ Science-ში გამოქვეყნდა, მეცნიერებმა 2011-2014 წლებში აზია-წყნარი ოკეანის რეგიონის 4 ქვეყანაში 150 რიფი გამოიკვლიეს.

კვლევის შედეგად დადგინდა, რომ აზია-წყნარი ოკეანის რეგიონში 2025 წლისთვის 15.7 მილიარდი ერთეული პლასტმასი იქნება. ოკეანეში ყოველწლიურაად დაახლოებით  4.8-12.7  მილიონი ტონა პლასტმასის ნარჩენი ხვდება.

 

წყარო: BBC

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ეს საინტერესოამსოფლიო

დიდ ბრიტანეთში მარტოობის მინისტრი დაინიშნა

1.55K views on

დიდ ბრიტანეთში მარტოობის მინისტრის თანამდებობა გაჩნდა. სამინისტროს პარლამენტის სპორტისა და სამოქალაქო საზოგადოების საკითხების კომიტეტის თავმჯდომარის მოადგილე – ტრეისი კრაუჩი უხელმძღვანელებს.

ქვეყნის პრემიერ-მინისტრის – ტერეზა მეის განცხადებით, ძალიან ბევრი ადამიანისთვის მარტოობა თანამედროვე ცხოვრების სევდიან რეალობას წარმოადგენს. ტერეზა მეი ამბობს, რომ ამ პრობლემასთან ბრძოლა სურთ, რათა დაეხმარონ იმ ხანდაზმულ ადამიანებს, ვინც ახლობლები დაკარგა.

მისი თქმით, ეს პოსტი მარტოობასთან ბრძოლის კომისიის რეკომედნაციით შეიქმნა.

„წითელი ჯვრის“ მონაცემებით, დიდ ბრიტანეთში 9 მილიონი ადამიანი იტანჯება მარტოობით. „წითელ ჯვარში“ ამ მდგომარეობას „ფარულ ეპიდემიას“ უწოდებენ.

მასალა მოამზადა:  ციცი კიკვაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
მსოფლიოსამართალიტექნოლოგიები

ამერიკელი კანონმდებლები ,,AT&T-ს” ,,Huawei-სთან” კავშირის გაწყვეტისკენ მოუწოდებენ

1.49K views on

ამერიკის შეერთებული შტატების კანონმდებლები ,,ეროვნული უსაფრთხოების ინტერესებიდან გამომდინარე” მოუწოდებენ AT & T Inc-ს, ქვეყნის მეორე უმსხვილეს სატელეკომუნიკაციო კომპანიას, ჩინეთის ტელეფონების მწარმოებელ Huawei Technologies- სთან კომერციული კავშირები გაწყვიტოს.

ამის შესახებ სააგენტო ,,როიტერსი” კონგრესმენების ორ ასისტენტზე დაყრდნობით იუწყება, რომლებმაც ანონიმურად დარჩენა ითხოვეს.

სააგენტოს ინფორმაციით, კანონმდებლები ასევე ეწინააღმდეგებიან ჩინური სატელეკომუნიკაციო ოპერატორის, China Mobile Ltd-ის გეგმას აშშ-ს ბაზარზე შესვლასთან დაკავშირებით.

საკითხთან დაკავშირებით ოფიციალური კომენტარის გაკეთებისგან თავს იკავებენ როგორც აშშ-ს კონგრესის წევრები, ასევე AT & T Inc- ის, Huawei Technologies-ისა და China Mobile-ის წარმომადგენლები.

ეროვნული უსაფრთხოების ექსპერტები შიშობენ, რომ ,,Huawei-ის” აპარატის ნებისმიერი მონაცემები, მაგალითად, ტელეფონის მომხმარებლის ადგილმდებარეობა, ხელმისაწვდომი იქნება ჩინეთის მთავრობის დაზვერვის სამსახურისთვის.

2012 წელს, აშშ-ში ჩატარდა გამოძიება იმის დასადგენად, წარმოადგენდნენ თუ არა Huawei-სა და ZTE Corp -ის აღჭურვილობები ჯაშუშობის საშუალებას და უქმნიდნენ თუ არა აშშ-ს ინფრასტრუქტურას საფრთხეს.

,,უსადენო კომუნიკაციის შემდეგი ტალღას უზარმაზარი გავლენა აქვს ეკონომიკასა და ეროვნულ უსაფრთხოებაზე. ჩინეთის მონაწილეობა სტანდარტების შექმნასა და მოწყობილობების გაყიდვის პროცესში ეროვნულ უსაფრთხოებასთან დაკავშირებულ უამრავ საკითხს აყენებს, რომლებიც მოითხოვს მკაცრ და სწრაფ ყურადღებას”, – განაცხადა კონგრესის მიერ ჩამოყალიბებულმა აშშ-ჩინეთის ეკონომიკური და უსაფრთხოების მიმოხილვის კომისიის წევრმა მაიკლ უესელმა.

ამერიკელ კანინმდებლებს არ სურთ China Mobile -თვის აშშ-ში ბიზნესის კეთების ლიცენზიის მინიჭება .  China Mobile-ზე ლიცენზიაზე აპლიკაცია  2011 წელს წარადგინა და  ფედერალური კომუნიკაციების კომისიისგან პასუხი ჯერაც არ მიუღია.

 

წყარო: www.reuters.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ეკონომიკაკვლევებიმსოფლიო

კრიზისები, რომლებიც არ გახმაურებულა: 70 მილიონი ადამიანი დახმარების მოლოდინშია

1.48K views on

ჟენევაში მოქმედი, 1945 წელს დაარსებული საერთაშორისო ჰუმანიტარული ორგანიზაცია CARE-ს განცხადებით, 70 მილიონამდე ადამიანი ჰუმანიტარულ კრიზისში იმყოფება. კრიზისებმა ვერ დაიმსახურა საკმარისი ყურადღება სხვადასხვა ქვეყნის მედიის მხრიდან, შესაბამისად, ნაკლებად, ჰუმანიტარული მისიები ნაკლებად დააფინანსეს საერთაშორისო დონორებმა და ჰუმანიტარულმა ორგანიზაციებმა.

ჩრდილოეთი კორეა, ერითრია და ბურუნდი „2017 წლის ყველაზე ნაკლებად ცნობილი ჰუმანიტარული კრიზისების“ სიის სათავეშია.  დანარჩენი ქვეყნებია: სუდანი, კონგოს დემოკრატიული რესპუბლიკა, მალი, ვიეტნამი, ჩადის ტბის აუზის რეგიონი, ცენტრალური აფრიკის რესპუბლიკა, პერუ.

როგორც აღინინიშნა, კვლევა საერთაშორისო ჰუმანიტარული ორგანიზაცია CARE-ს ორგანიზებულია. ორგანიზაციის გენერალური მდივნის, ლაურა ლის განცხადებით, „ზოგიერთი კრიზისული შემთხვევა თითქმის შეუმჩნეველი დარჩა საერთაშორისო საზოგადოებას. ჩვენს ანგარიშში ჩანს, რომ 70 მილიონი ადამიანი 10 ყველაზე ნაკლებად ცნობილ ჰუმანიტარულ კრიზისში, სიჩუმეში იტანჯებოდა“ .  დღეს მსოფლიოში დაახლოებით 220 მილიონი ადამიანია ჰუმანიტარული დახმარების მოლოდინში, ზემოთ აღნიშნული რაოდენობა კი მის 1/3-ს შეადგენს. მიუხედავად დიდი რაოდენობისა, ამ 10-მა ქვეყანამ ჯამში მთლიანი დაფინანსების 2%-ზე ნაკლები მიიღო.

როგორც ირკვევა, ყველაზე დიდ დახმარებას ჩრდილოეთი კორეის მოსახლეობა საჭიროებს: 18 მილიონი ადამიანი, რომლებიც ვერ იღებენ სიცოცხლისთვის საჭირო საკვებს, დამოკიდებულნი არიან ხელისუფლებაზე, რომ იარსებონ. გაეროს სტატისტიკურ მონაცემებზე დაყრდნობით, ჩრდილოეთ კორეაში ყოველი მეორე ადამიანი შიმშილის ზღვარზეა. გარდა ამისა, გლობალური დათბობის გამო, ხშირია წყალდიდობები და სხვა ბუნებრივი კატასტროფები.  მაშინ, როცა ჩრდილოეთ კორეა თითქმის ყოველდღე ფიგურირებს სხვადასხვა მედია საშუალებებში მისი ბირთვული იარაღისა თუ საგარეო პოლიტიკის კამო, ნაკლები ყურადღება ექცევა იმას, თუ რა ჰუმანიტარული სიტუაციაა იქ და როგორ შეიძლება პრობლემის მოგვარების დაწყება. CARE-ს არ  აქვს ჩრდილოეთ კორეაში ოპერირების უფლება, თუმცა, გაეროს მსოფლიო საკვების პროგრამა და წითელი ჯვრის საერთაშორისო კომიტეტი მსგავსი ლიცენზიით სარგებლობენ.

აღსანიშნავია, რომ 10 კრიზისიდან, 3 აფრიკაშია:

მაგალითად, კონგოს დემოკრატიულ რესპუბლიკაში არსებული კონფლიქტის შედეგად, 2017 წელს, ადამიანთა რიცხვი, რომლებიც ჰუმანიტარულ დახმარებას საჭიროებენ, გაორმაგდა და 8 მილიონს გაუტოლდა.

„ჩვენ, ყველამ ძალიან კარგად ვიცით, რომ  მედიაში გავრცელებულ მხოლოდ ერთ ფოტოს შეუძლია გამოიწვიოს ეფექტიანი და დროული ქმედება საერთაშორისო საზოგადოებისა და ორგანიზაციების მხრიდან. თუმცა, ამ ქვეყნების მოსახლეობა ძალიან შორს არიან „ჩვენი სამყაროს“ კამერების, მიკროფონებისა და ოპერატორებისაგან.“

ორგანიზაცია იყენებდა მედიამონიტორინგის ჯგუფ Meltwater-ის სერვისს. გაანალიზდა მსოფლიო ახალი ამბების მონაცემები (ინგლისურ, გერმანულ და ფრანგულ ენებზე).

2017 წლის განმავლობაში მომხდარ 39 ადამიანის მიერ გამოწვეულ თუ ბუნებრივ კატასტროფაში, რომელმაც 1 მილიონზე მეტი ადმაიანი დააზარალა, ზემოთ ჩამოთვლილი ქვეყნებზე ყველაზე ნაკლებად წერდნენ სხვადასხვა სიანფორმაციო საშუალებებში.

მედიის მიერ კონკრეტული პრობლემის გაშუქება განსაკუთრებით მნიშვნელოვანია, რადგან კვლევებით დადასტურებული პირდაპირპროპორციული კავშირი არსებობს ინფორმაციის გავრცელებასა და დონორების მიერ გამოყოფილ ჰუმანიტარული დახმარებისთვის საჭირო თანხას შორის.

 წყარო: care.org, nbc news

მასალა მოამზადა: ცირა შვანგირაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიოლოგიაკვლევებიმედიცინამსოფლიო

მეცნიერებმა მაიმუნების კლონირება განახორციელეს

2.34K views on

მას შემდეგ რაც 1996 წელს პირველი კლონირებული ცხვარი დოლი გაჩნდა, მეცნიერებმა იგივე ტექნოლოგიის გამოყენებით ოცამდე სხვა სახეობის ცხოველის კლონირება განახორციელეს, მათ შორის: კატების, ძაღლების, ვირთხების და მსხვილფეხა საქონლის.

ჩინელმა მეცნიერებმა, მეცნიერებათა აკადემიის ნეირომეცნიერების ინსტიტუტიდან, აღმოაჩინეს, რომ აღნიშნული ტექნოლოგიის გამოყენება პრომატების კლონირებისთვისაცაა შესაძლებელი. მათი მცდელობა ორი მდედრი კლონირებული პრიმატის დაბადებით დასრულდა.

დოლის კლონირებისთვის გამოყენებული ტექნიკა- სომატიკური უჯრედის ნუკლიარული გადაცემა, ითვალისწინებს დონორის კვერცხუჯრედის ბირთვის სხვა ცხოველის უჯრედის ბირთვით ჩანაცლებას. მეცნიერები კვერცხუჯრედის შესაქმნელად ელექტროდენს იყენებენ, რის შედეგადაც ის განაყოფიერდება, შემდეგ კი ემბრიონად გადაქცევას იწყებს და მზადაა იმისათვის, რომ სუროგატი დედის ორგანიზმში გადაიტანონ. ორსულობის შედეგად დაბადებული იმ ცხოველის გენეტიკური ასლია, რომლისგანაც ბირთვის დონაცია მოხდა.

ეს პროცესი მარცხით სრულდებოდა პრიმატებში. ამ დაბრკოლების დასაძლევად აღნიშნულმა მეცნიერთა გუნდმა  ტექნოლოგიაში ორი ახალი ელემენტი ჩართო – ტრიქოსტატინის A და მაცნე RNA.

მეცნიერებმა თავიანთი ტექნოლოგია ზრდასრულ და ემბრიონალურ მაკაკაებზე გამოსცადეს. ზრდასრული პრომატის უჯრედების გამოყენებისას ორი ცოცხალი ცხოველი ვერ მიიღეს, ერთ-ერთის სხეული არასწორად განვითარდა და დაბადებიდან მცირე დროის განმავლობაში იცოცხლა. ამიტომ მკვლევარებმა გადაწყვიტეს, ნაყოფი მაკაკების უჯრედები გამოეყენებინათ. 79 ემბრიონი 21 სუროგატს გადაუნერგეს, 6 მათგანი დაორსულდა და 2 ნაყოფი ჯანმრთელი დაიბადა.

მართალია, ეს რიცხვები არცთუ ისე შთამბეჭდავია, მაგრამ ეს მნიშვნელოვანი პროგრესია და მომავალი კვლევებისთვის უდიდესი მნიშვნელობა აქვს.

წყარო: https://futurism.com/

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
არქეოლოგიაკვლევებიმსოფლიო

მეცნიერებმა 9,000 წლის წინ მცხოვრები ტინეიჯერის სახე აღადგინეს

1.63K views on

მეცნიერებმა 9,000 წლის წინ მცხოვრები ტინეიჯერის სახის რეკონსტრუქცია განახორციელეს. მათი მიზანი იმის დადგენა იყო, თუ როგორები იყვნენ ადამიანები მეზოლითის პერიოდში ანუ დაახლოებით ჩვ.წ.აღ.მდე 7,000 წლის წინ.

ძვლებსა და კბილებზე ჩატარებულ ანალიზზე დაყრდნობით, მეცნიერები ფიქრობენ, რომ გოგონა დაახლოებით 15-18 წლისაა. მას მოღუშული სახე და გამოშვერილი ყბა აქვს. ასეთი ფორმის ყბა, სავარაუდოდ, ცხოველის კანის ღეჭვის შედეგად განუვითარდა. ეს მოქმედება იმ ეპოქის ადამიანებისთვის დამახასიათებელი იყო. ისინი კანს ღეჭავდნენ, რათა ის  რათა ის რბილ ტყავად ექციათ.

კითხვაზე, თუ რატომ გამოიყურებოდა იგი გაბრაზებული, ორთოდონტიის პროფესორი მანოლის პაპაგრიკარქისი, რომელმაც სახის სილიკონის რეკონსტრუქცია შექმნა, ხუმრობით პასუხობს: ,,შეუძლებელია, იმ ეპოქაში, რომელშიც ის ცხოვრობდა, გაბრაზებული ყოფილიყო”.

გოგონას სავარაუდოდ ანემია ჰქონდა. მკვლევარები ვარაუდობენ, რომ ის სურავანდით იყო დაავადებული. გოგონას სხეულზე მენჯბარძაყის სახსრის პრობლემის ნიშანიცაა, რაც მას გადაადგილებაში უშლიდა ხელს. სავარაუდოდ, სორედ ეს გახდა მისი გარდაცვალების მიზეზიც.

გოგონა 1993 წელს თეოპეტრა მღვიმეშე აღმოაჩინეს და მას Avgi დაარქვეს (ბერძნული სიტყვა, რაც განთიადს ნიშნავს), ვინაიდან ის სწორედ ცივილიზაციის განთიადის პერიოდში ცხოვრობდა.

გოგონა ათენში, აკროპოლისის მუზეუმში იმყოფება.

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ბიზნესიეს საინტერესოამსოფლიო

ყველაზე ძვირი ქალაქები 2018 წელს

1.69K views on

მსოფლოის სხვადასხვა ქვეყანასა და ქალაქში სხვადასხვანაირი დამოკიდებულება და ცხოვრების სტილი აქვთ, ღარიბ ქვეყნებში უმეტესწილად საზოგადოება მცირედითაც კმაყოფილდება, მათ არ აქვთ ის მოთხოვნები, რაც მდიდარ ქვეყნებში.

ადამიანები მშობლიურ ქალაქს ყოველთვის წინ აყენებენ, ისინი არ აღიარებენ ხოლმე სხვა ქალაქის უპირატესობებს და ყოველთვის საკუთარის წარმატებაზე სურთ საუბარი. ,,ბიზნეს ინსაიდერმა” გამოაქვეყნა სტატია, სადათ მათ გვაჩვენეს მსოფლიოს მსაშტაბით საცხოვრებლად ყველაზე ძვირადღირებული ქალაქების სია:

  1. ჰონგ კონგი, ჩინეთი
  2. სიდნეი, ავსტრალია
  3. ვანკუვერი, კანადა
  4. სანტა კრუზი, აშშ–კალიფორნია
  5. სან ხოსე, აშშ–კალიფორნია

წყარო: Businessinsider.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
1 … 64 65 66 67 68 … 89
Page 66 of 89