close

ისტორია

ისტორიაკულტურასაქართველო

სოფელ ხურჩაში საოკუპაციო მუზეუმი – ,,არავის ჩვენი მიწა” გაიხსნა

1.93K views on

სოფელ ხურჩაში საოკუპაციო მუზეუმი – ,,არავის ჩვენი მიწა” გაიხსნა.

მუზეუმს, სადაც აფხაზეთის ომის და ამ პერიოდში სოფლის ცხოვრების ამსახველი მასალები ინახება, ხურჩის სასოფლო ბიბლიოთეკაში ორი ოთახი დაეთმო.

მუზეუმი საქართველოს პრეზიდენტის ადმინისტრაციის პროექტის ფარგლებში, მათივე ფინანსური მხარდაჭერით გაკეთდა.

მუზეუმის ოფიციალურ გახსნას პრეზიდენტის ადმინისტრაციის უფროსი გიორგი აბაშიშვილი და ადგილობრივი ხელისუფლების წარმომადგენლები დაესწრნენ.

მუზეუმს ცალკე ხელმძღვანელი პირი არ ეყოლება. მასალები, რომელთა უმრავლესობაც სურათებია, ასახავს სოფელში 90-იან წლებსა და 2008 წელს მომხდარ ამბებს. ამ ფოტოების ნაწილი მუზეუმს მოსახლეობამ მიაწოდა, დანარჩენი კი – ინტერნეტის საშუალებით მოიძიეს.

ახალგაზრდა ანალიტიკოსთა და მეცნიერთა დარბაზი ,,დოქტრინა”
სრულად ნახვა
არქიტექტურა/დიზაინიისტორიაკულტურასაქართველო

ბებრისციხის ჩრდილო-დასავლეთ კოშკის სარეაბილიტაციო სამუშაოები მიმდინარეობს

1.35K views on

საქართველოს კულტურული მემკვიდრეობის დაცვის ეროვნულმა სააგენტომ ქ.მცხეთაში ბებრისციხის ჩრდილო-დასავლეთ კოშკის სარეაბილიტაციო სამუშაოები დაიწყო. შესრულებული სამუშაოების შუალედური ანგარიშის მიხედვით მოწყობილია არაინვენტარული ხის ხარაჩო. კოშკის შიდატერიტორია მოშანდაკდა მდინარის ბალასტით; კოშკის შიდატერიტორიაზე მოეწყო მიწატკეპნილი იატაკისთვის; არსებული რკინა-ბეტონის კონსტრუქციაში მოეწყო ანკერები; კედლების შიდა-და გარესაპირე წყობა გადაეწყო კირის დუღაბზე შერჩეული რიყის ქვებით; გარე-და შიდაწყობებს შორის მოეწყო რკინა-ბეტონის შემავსებლები; კედლის საკონსერვაციო შრე მოეწყო კირის დუღაბით 14“1.9=26.6მ2. სარეაბილიტაციო სამუშაოები მომავალშიცაა დაგეგმილი. შემსრულებელი: შპს ,,სამშენებლო სარესტავრაციო კომპანია“.

ბებრისციხე მდებარეობს ქალაქ მცხეთის ჩრდილო ნაწილში. მდინარე არაგვის, მარჯვენა სანაპიროს კლდისთავზე. მას უძველეს დროს ერქვა ბელტა.ქართულ წერილობით წყაროებში ბებრისციხეს პირველად ახსენებს ლაშა-გიორგის დროინდელი მემატიანე, რომლის თანახმადაც, საქართველოს მეფე დემეტრე I (1125-1156 წწ.) გარდაიცვალა ბელტისციხეში, შემდეგ იგი წაასვენეს და გელათში, მისგანვე კურთხეულ ტაძარში დაკრძალეს. ბებრისციხის მშენებლობას XVIII ს. ისტორიკოსი ვახუშტი ბატონიშვილი არდამ ქართლის ერისთავს მიაწერს, რომლის ზეობა ქართლის სამეფოს ჩამოყალიბების პერიოდს უნდა ემთხვეოდეს. ბებრისციხე-ბელტისციხე მცხეთა ქალაქის ჩრდილოეთიდან ჩამკეტი მცველის როლს ასრულებდა. იმ ადგილას, სადაც იგი დგას, ხეობა მეტად ვიწროა, ამიტომ ციხე მშვენივრად რაზავდა ქალაქს ამ მხრიდან. 2006-2008 წლებში ციხეზე ჩატარებული არქეოლოგიური გათხრების დროს აღმოჩენილმა მრავალრიცხოვანმა და სხვადასხვა პერიოდის მასალამ ცხადყო, რომ IV ს-დან მოყოლებული ვიდრე XVIII ს ჩათვლით ბებრისციხე მოქმედი ციხე-სიმაგრე იყო.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
არქიტექტურა/დიზაინიისტორიაკულტურასაქართველო

აწყურის ციხეს სარეაბილიტაციო სამუშაოები უტარდება

1.47K views on

აწყურის ციხის სარეაბილიტაციო სამუშაოები მიმდინარეობს. მე-10-მე-11 საუკუნის ძეგლის რეაბილიტაციის პროექტი ციხის სრულად აღდგენას ითვალისწინებს.

პროექტის პირველ ეტაპზე ციხის კედლების გამაგრებითი სამუშაოები ჩატარდა, რადგან ქვათაცვენა მიმდებარე ტერიტორიაზე დასახლებულთათვის წლების განმავლობაში სერიოზულ პრობლემას წარმოადგენდა.

პროექტი, რომლის მიხედვითაც კომპლექსის რეაბილიტაცია მიმდინარეობს, 2015 წელს შემუშავდა. ძეგლის ავთენტური სურათის შესაქმნელად, პროექტის ავტორებმა სხვადასხვა პერიოდში გადაღებული ფოტომასალებით იხელმძღვანელეს, სამშენებლო მასალად კი – ამავე რეგიონში მოპოვებული რიყის ქვები გამოიყენეს. პროექტის პირველ ეტპზე გამაგრდა ციხის გალავანი და ახლა სამხრეთ ნაწილის ქონგურებიანი კედელის აღდგენითი სამუშაოები მიმდინარეობს.

ამ ეტაპზე, ავთენტური მასალით უკვე შევსებულია სამხრეთ აღმოსავლეთი ნაწილის დაახლოებით 25 მეტრის სიგრძის კედელი და ციტადელის მხარე.

თავდაცვითი კომპლექსი, როგორც ისტორიული წყაროებით დასტურდება, X- XI საუკუნიდან XIX საუკუნემდე ფუნქციონირებდა. შესაბამისად, შეინიშნება სხვადასხვა დროის მრავალი სამშენებლო ფენა. მიუდგომელ კლდოვან კონცხზე აგებული აწყურის ციხე იცავდა და აკონტროლებდა მტკვრის ხეობას და სამხრეთ საქართველოსთან დამაკავშირებელ გზას.

პროექტის ბოლო მესამე ეტაპი, ასევე, გვირაბისა და ციტადელის სარესტავრაციო სამუშაოებს ითვალისწინებს. სწორედ გვირაბით გახდება შესაძლებელი ციხეზე მოხვედრა.

რეაბილიტაციისთვის ოთხი მილიონი ლარი დაიხარჯება. სამუშაოების დასრულება ისტორიული აწყურის ციხეზე 2022 წელს არის დაგეგმილი.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოაისტორიაკულტურასაქართველო

დღეს აკაკი წერეთლის დაბადების დღეა – საინტერესო ფაქტები მისი ცხოვრებიდან

3.96K views on

აკაკი წერეთელი 1840 წლის 21 ივნისს სოფელ სხვიტორში დაიბადა.  აკაკის მამა – როსტომ წერეთელი კარგი მოჭადრაკე,  გონებამახვილი და ენამოსწრებული მოსაუბრე ყოფილა, რასაც პოეტი თავის მოგონებებში ასე აღწერს:

„მამაჩემი… ძლიერი გონების კაცი იყო, მოსწრებული და ენა მჭევრი, თუმცა კი ხშირად ენამწარეც. დედაჩემი იტყოდა ხოლმე: „ამ ჩემ შვილებს მამამისის ენა გამოჰყვათ დახურდავებულიო“. ჩვენ ხუთნი და-ძმანი ვიყავით, ღვთის მადლით, არც ერთს არ გვქონია სუსტი ენა და აქედან შეგვიძლია ვიგულისხმოთ, თუ რა უნდა ყოფილიყო მამაჩემის დაუხურდავებელი ენა? სწორედ სასიამოვნო და საყვარელი სანახავი იყო მამაჩემი, როდესაც გუნებაზე იყო. იმას რომ სწავლა მიეღო და ცხოვრებაში განვითარება ჰქონოდა, შესანიშნავი რამე იქმნებოდა“.

აკაკის დედა – ეკატერინე, იმერეთის მეფის სოლომონ პირველისა  და  გურიის უკანასკნელი მთავრის, მამია გურიელის შთამომავალი იყო.

ოჯახში ხუთი შვილი იყო: ანა, დავითი, იასონი, აკაკი და მავრა.

ტრადიციის მიხედვით, პატარა აკაკი აღსაზრდელად ძიძას იქვე მდებარე სოფელ სავანეში მიაბარეს, სადაც ის უღარიბეს გლეხის ბავშვებთან ერთად გაიზარდა. როგორც თავად წერს მოგონებებში, ამან მასზე დიდი გავლენა მოახდინა: „არ შემიძლია არ გამოვტყდე, რომ, თუ კი რამ დარჩა ჩემში კარგი და კეთილი, უფრო იმის წყალობით, რომ მე სოფელში ვიყავი გაბარებული და გლეხის შვილებთან ერთად ვიზრდებოდი“ –  წერს აკაკი.

როგორც ცნობილია, პოეტს 8-10 წლის ბავშვს უკვე რამდენჯერმე ჰქონდა გადაკითხული „ვეფხისტყაოსანი“.

რაც შეეხება მის სიყვარულის ისტორას, როგორც ცნობილია, მისი მეუღლე ნატალია ბაზილევსკაია იყო. საინტერესოა, რას წერს ამაზე აკაკი:

„ნურავინ ნუ დაიჩემებს: მომავალში ამას ვიზამ, თუ იმასო! მე გადაწყვეტილი მქონდა გუნებაში, რომ ცოლი არ შემერთო და მერე ისიც უცხოელი, მაგრამ შემთხვევას ყველაფერი შესძლებია!“ 

პოეტმა ქალი რუსეთში ყოფნისას გაიცნო, მასზე დაქორწინდა. მათზე საკმაოდ ბევრი ჭორი დადიოდა, რაც აკაკის საკმაოდ სწყინდა.

აუცილებლად უნდა აღინიშნოს წერეთლის როლი ქართული სატირული ჟურნალისტიკის განვითარებაში – მისი რედაქტორობით გამოვიდა პირველი ქართული სატირული ჟურნალი ,,ხუმარა”, რომელიც საკმაოდ სარკასტული იყო და ამის გამო პოეტს რამდენიმე დღე ციხეში ყოფნაც კი მოუწია.

აკაკი ქართულ ენას ძალიან აფასებდა. აი, რას წერს ის თავის ერთ-ერთ წერილში:

„ძვირად, რომელიმე ხალხი გვეგულება, რომ ქართველებსავით მდიდარი ლექსიკონი ჰქონდეს… არა, ჩვენი ენა მდიდარი არის. ძვირად დარჩენილა ენა, რომელსაც არ შემოეწიროს ჩვენთვის რამდენიმე სიტყვა.”

პოეტი 1915 წლის 8 თებერვალს 75 წლის ასაკში ავადმყოფობის შედეგად გარდაიცვალა.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
არქიტექტურა/დიზაინიისტორიაკულტურასაქართველო

ქართველ ექსპერტთა ჯგუფი ოშკის სარეაბილიტაციო პროცესის მოსამზადებელ ეტაპს გაეცნო

1.32K views on

თურქეთის რესპუბლიკის ერზრუმის პროვინციაში (ისტორიულ ტაო–კლარჯეთში), ოშკის ტაძრის გუმბათის გამაგრებით სამუშაოების მიმდინარეობის პროცესზე დასაკვირვებლად ქართველ სპეციალისტთა ჯგუფის პირველი ვიზიტი დასრულდა.

არქიტექტორ–რესტავრატორის, არქეოლოგის, ხელოვნებათმცოდნისა დაკონსტრუქტორისაგან დაკომპლექტებული ჯგუფი მე-10 საუკუნის კულტურული მემკვიდრეობის ტაძარზე სარეაბილიტაციო პროცესის მოსამზადებელ  ეტაპს გაეცნო.

ოშკის რეაბილიტაციის პროექტის მოსამზადებელი ეტაპი, რომელსაც ქართველი სპეციალისტების აქტიური ჩართულობით  თურქეთის მხარე სრულად უზრუნველყოფს,  ტაძრის კონსტრუქციული ნაწილის სრულფასოვან შესწავლას და სათანადო რეკომენდაციების საფუძველზე საპროექტო დოკუმენტაციის მომზადებას გულისხმობს. წინა სარეაბილიტაციო  ეტაპი ტაძრის გუმბათის ყელის კონსტრუქციულ გამაგრებასაც მოიცავს, რასაც თურქი არქიტექტორ-რესტავრატორები ქართველი კოლეგების მიერ გადაცემული პროექტის მიხედვით მომზადებული ძალოვანი ხარაჩოს მეშვეობით განახორციელებენ. აღნიშნული სამუშაოების ფარგლებში ეს  ქართველ ექსპერტთა პირველი ვიზიტი იყო, შემდგომ ეტაპზეც ისინი აქტიურად ჩაერთვებიან და პროცესს დააკვირდებიან.

თურქი სპეციალისტები უზრუნველყოფენ ტაძრის მთლიანი ქსოვილის ზემგრძნობიარე დეტექტორებით აღჭურვას, რომელთაგან მიღებულ ციფრულ მონაცემებზე დაყრდნობით განისაზღვრება  ოშკის ყველა კონსტრუქციული ბზარის რეგრესული დინამიკა, დადგინდება  მათი წარმოქმნის რეალური მიზეზები და პროგრესირების ხარისხი. ტაძრის  ქსოვილის ყველა მნიშვნელოვან სეგმენტზე ელექტრონული აპარატურის განთავსება სწორედ  ძალოვანი ხარაჩოს მეშვეობით განხორციელდება. მოპოვებულ მონაცემებს კი სტამბულში, სპეციალურად ოშკის ტაძრის სარეაბილიტაციოდ შეკრებილი სწავლულ ექსპერტთა ჯგუფი შეისწავლის, რომელთა მეთოდოლოგიური რეკომენდაციების საფუძველზეც მომზადდება ოშკის სრულმასშტაბიანი სარეაბილიტაციო გეგმა და საპროექტო დოკუმენტაციაც.  სტამბულში მომუშავე ჯგუფის შეამდგენლობაში საქართველოდან წარგზავნილი არქიტექტორ-რესტავრატორიც ჩაერთვება.

მოსამზადებელი ეტაპის ფარგლებში, ოშკის ტაძრის ტერიტორიაზე ჩატარდება გეოლოგიური კვლევებიც. სარეაბილიტაციო პროცესის მსგავსად, კულტურული მემკვიდრეობის ძეგლზე დაგეგმილი არქეოლოგიური კვლევის პროცესიც ქართველი არქეოლოგების აქტიური ზედამხედველობის ქვეშ წარიმართება. ამჟამად  არქეოლოგების მონიტორინგის ქვეშ ოშკზე  უკვე მიმდინარეობს XX საუკუნის დასაწყისში დაფიქსირებული იატაკის გაწმენდითი სამუშაოები,  რომელიც  ექვთიმე თაყაიშვილისეულ  ნაშრომებშია  დაფიქსირებული.

თურქეთში წარგზავნილი სამეცნიერო ჯგუფის წევრების დასკვნის მიხედვით, ოშკის ტაძარზე მიმდინარე მასშტაბური პროცესი კვალიფიციურად ვითარდება.

თურქული მხარის მიწვევით ერზრუმის პროვინციაში მყოფ სპეციალისტების ჯგუფს თან ახლდა  თურქეთში საქართველოს  საგანგებო და სრულუფლებიანი ელჩი ირაკლი კოპლატაძე და საელჩოს მრჩეველი დიანა მალაზონია, რომელთა აქტიური თანამონაწილეობითაც განხორცილდა ქართველი სპეციალისტების ოშკის სარეაბილიტაციო პროცესში დროული ჩართვაც.

ოშკის გუმბათზე გამაგრებითი სამუშაოები საქართველოსა და თურქეთის მთავრობებს შორის 2017 წლის 23 მაისს ხელმოწერილი იმ დოკუმენტის საფუძველზე ხორციელდება, რომელიც 2 ქვეყანას შორის კულტურული მემკვიდრეობის დაცვის სფეროში თანამშრომლობის ფართო სპექტრს მოიცავს.

ოშკის წმინდა იოანე ნათლისმცემლის სახელობის ტაძარი მე-10 საუკუნეშია აშენებული.იგი ორნამენტების სიუხვით და ქვაზე კვეთილი გამოსახულებებით გამოირჩევა.ოშკისამონასტრო კომპლექსს წარმოადგენდა. ტაძრის გვერდით დღემდე შემორჩენილია ასევე სასულიერო აკადემიის ნანგრევები და სამლოცველო.

 

 

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
არქიტექტურა/დიზაინიისტორიაკულტურასაქართველოტურიზმი

თუშეთში 10 ციხე-სოფლის კვლევა და რეაბილიტაცია იგეგმება

1.63K views on

გიორგი კვირიკაშვილის განცხადებით, თუშეთში 10 ციხე-სოფლის კვლევა და შემდგომში რეაბილიტაცია იგეგმება. პირველ ეტაპზე, ინვენტარიზაცია ჩატარდება, რომლისთვისაც 400 ათასი ლარია გათვალისწინებული.
,,მოგეხსენებათ, თუ რამხელა სიმდიდრეს წარმოადგენს საქართველოსთვის თუშეთი. კონკრეტულად, თავისი ულამაზესი ისტორიული, ეთნოგრაფიული მემკვიდრეობით, თავისი ლანდშაფტით, თვითმყოფადობით. სამწუხაროდ, დღეისთვის უძველესი ნაგებობების ნაწილი არის დაზიანებული ან განადგურების პირას. საბჭოთა კავშირის დაშლის შემდგომ – არ ჩატარებულა არანაირი კვლევა ამ კულტურული მემკვიდრეობის. ჩვენ აუცილებლად უნდა დავგეგმოთ ამ ძეგლების აღწერა და ინვენტარიზაცია, შემდგომში კი – სრული რეაბილიტაცია.
ვიწყებთ 10 ციხე-სოფლის საინვენტარიზაციო კვლევით სამუშაობს. ეს არის ძველი დიკლო, ძველი გირები, ჭონთიო, ხეღო, აგეურთა, წარო, კვავლო, ფარსმა, დაქიურთა და ინდურთა. ეს არის უძველესი ქართული სოფლები. ჩვენ ამისთვის, პირველ ეტაპზე, გამოვყოფთ 400 ათას ლარს, რომ მოხდეს აღწერა. ძალიან კარგია, რომ სამუშაოებში იქნებიან ჩართული ახალგაზრდები, სტუდენტები და ზაფხული უკვე კარს მოგვადგა. ამ პერიოდში განხორციელდება ეს სამუშაოები, შემდგომში კი, უკვე ამ აღწერის საფუძველზე და რა თქმა უნდა პროფესიონალური მიდგომების საფუძველზე, მოხდება ამ უძველესი ძეგლების რეაბილიტაცია“, – განაცხადა გიორგი კვირიკაშვილმა.

 

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ისტორიამსოფლიორელიგია და მეცნიერება

ჟანა დარკის კოცონზე დაწვიდან 587 წელი გავიდა – ორლეანელი ქალწულის ისტორია

2.61K views on

587 წლის წინ – 1431 წლის 30 მაისს, რუანში კოცონზე დაწვეს 19 წლის ქალწული, რომელსაც ხალხი ღვთისმშობელს ადარებდა.

ჟანა დარკი ასწლიანი ომის დროინდელი ფრანგი სახალხო გმირია, რომელიც საფრანგეთის ჯარს ჩაუდგა სათავეში და ინგლისელი დამპყრობლებისაგან გაათავისუფლა ქალაქი ორლეანი (1429 წელს.)  ორლეანელი ქალწული სათავეში ჩაუდგა 10-ათასიან საფრანგეთის არმიას, რომელმაც ინგლისელებს  მწარე მარცხი აგემა და უკან დახევა აიძულა. დარკის დამსახურებით,  7 თვის მანძილზე ინგლისელებისგან ალყაში მოქცეული ქალაქი ოთხ დღეში გაათავისუფლა. ინგლისელებს ერთადერთი ქალაქი უწევდა წინააღმდეგობას – ორლეანი.

თუმცა, მის შემდგომ წარმატებებს  თვით ფრანგთა მეფემ  -კარლოს მეშვიდემ და სამღვდელოებამ შეუშალა ხელი.

როგორც ცნობილია, დარკი ხილვებზე საუბრობდა, სწორედ ეს გამოიყენეს ინგლისელებმა და  ორლეანელი ქალწულის წარმატებას დემონურ ძალებს მიაწერეს. რაც, პრინციპში, კათოლოკურ ეკლესიასაც აწყობდა, რადგანაც, მათ არ მოსწონდათ ხალხის დამოკიდებულება ჟანასადმი და მისი შედარება ღვთისმშობელთან.  ორლეანთან გამარჯვებიდან ერთი წელიც კი არ იყო გასული -1430 წლის 23 მაისს ერთ-ერთი უბრალო შეტაკებისას ჟანა ტყვედ ჩავარდა. იგი ტყვედ აიყვანეს არა ინგლისელებმა, არამედ ბურგუნდებმა (გერმანელ ტომთა შთამომავლები, რომლებიც ცხოვრობდნენ საფრანგეთის სამხრეთ-აღმოსავლეთში), რომლებმაც ჟანა დარკი გაყიდეს ინგლისელებზე.

ვერაგული ღალატით, დარკი მტერს ტყვედ ჩაუვარდა, ხოლო მის გამოსყიდვაზე მეფემ და ეპისკოპოსმა უარი თქვეს.

საბოლოოდ, ინკვიზიციამ ქალწულ გმირს – როგორც ჯადოქარს, კოცონზე დაწვა მიუსაჯა.

საინტერესოა, რომ 1450 წელს კარლოს მეშვიდის ბრძანებით პროცესი გადაისინჯა და ქალწული გაამართლეს.

1920 წელს იგი კათოლიკურმა ეკლესიამ ჟანა დარკი გმირად აღიარა.

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ისტორიაკულტურამსოფლიოსაქართველო

გაერომ შოთა რუსთაველის 850 წლის იუბილეს აღსანიშავად საფოსტო მარკა გამოსცა

8.72K views on

გაეროს საქართველოს პირველი დემოკრატიული რესპუბლიკის 100 წლისთავისადმი მიძღვნილ საზეიმო ღონისძიებაზე გაეროს საფოსტო ადმინისტრაციის მიერ გამოცემული  შოთა რუსთაველის საიუბილეო მარკის პრეზენტაცია გაიმართა. საფოსტო მარკები შოთა რუსთაველის დაბადების 850-ე წლის იუბილეს მიეძღვნა.

გაეროში დამკვიდრებული პრაქტიკით, საზეიმო თარიღები აღინიშნება სპეციალური საფოსტო მარკის გამოცემით, რომლის თემატიკა ეფუძნება ქვეყნების ეროვნულ-კულტურულ მახასიათებლებს.

ეს პირველი შემთხვევაა, როდესაც გაერო გამოსცემს სპეციალურ საფოსტო მარკას საქართველოს თემატიკაზე, რაც საქართველოსა და მისი მრავალსაუკუნოვანი ისტორიის, ასევე რუსთაველის გენიის და მსოფლიო ცივილიზაციის საგანძურში საქართველოს მიერ შეტანილი წვლილის კიდევ ერთი დიდი აღიარებაა.

აღნიშნული მარკების თემატიკის და დიზაინის შესამუშავებლად ინტენსიური კონსულტაციები მიმდინარეობდა გაეროსთან საქართველოს მუდმივ წარმომადგენელობასა და ეკონომიკის სამინისტროს   შორის. მის შემუშავებაში ასევე აქტიურად მონაწილეობდნენ საქართველოს საგარეო საქმეთა სამინისტროს, საქართველოს კულტურის და სპორტის სამინისტროს და საქართველოს ეროვნული მუზეუმის წარმომადგენლები.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოაისტორიასაქართველო

ზუგდიდის ბოტანიკურ ბაღში მდებარე ქვის კულტურულ ძეგლად აღიარებას ითხოვენ

1.71K views on

ზუგდიდში მცხოვრებმა მკვლევარმა ციცო შენგელაიამ ზუგდიდის ბოტანიკურ ბაღში მდებარე ქვის ფილის ისტორიაზე ნაშრომის პრეზენტაცია გამართა.

მკვლევარის ვერსიით, ქვა, რომელიც მე-17 საუკუნიდან ისტორიულ-სამართლებრივი მნიშვნელობის ძეგლს, ე.წ ქვა ტახტს  წარმოადგენდა, იდგა დადიანების სასახლის ეზოში, ცაცხვის ხის ქვეშ და აქ ხორციელდებოდა მართლმსაჯულება.

მისივე თქმით, ისტორიული ქვა კულტურულ ძეგლად უნდა გამოცხადდეს და დადიანების სასახლის ეზოში დაბრუნდეს.

„20 წელია, რაც კვლევას ვაწარმოებ ისტორიულ წყაროებზე დაყრდნობით, საველე მუშაობით. ვფიქრობ, რომ ქვა, რომელიც ახლა ბოტანიკურ ბაღში მდებარეობს, უნდა დაუბრუნდეს თავის ადგილს, ცაცხვის ხეს სასახლის ეზოში“, – განაცხადა ციცო შენგელაიამ.

ისტორიკოსის ვერსიას ქვის მდებარეობის შესახებ პრეზენტაციაზე მოწვეულ სტუმრებს შორის დისკუსია მოჰყვა. ნაწილის აზრით, კვლევას სჭირდება მეტი ისტორიული წყაროს წარმოდგენა, ნაწილი კი ფიქრობს, რომ ქვის ისტორია მეტ ყურადღებას იმსახურებს და მისი პირვანდელ ადგილას დაბრუნება ფართო მსჯელობის საგანი უნდა გახდეს.

მათ შორის არის ზუგდიდის საკრებულოს დეპუტატი სანდრო სორდია. მისი თქმით, ქვის ისტორიის გაცნობით ტურისტებს ექნებათ საშუალება გაიგონ, თუ როგორი ევოლუცია განიცადა ქართულმა მართლმსაჯულებამ.

ბოტანიკური ბაღის დირექტორმა – ზვიად ქარჩავამ განაცხადა, რომ ის წინააღმდეგია ბაღის ტერიტორიიდან ქვის გატანის, რადგან მისი აზრით, „სწორედ ბოტანიკური ბაღი უნდა დაიტვირთოს ტურისტებისთვის სანახაობრივად“.

კვლევის პრეზენტაციას, რომელიც ზუგდიდის დემოკრატიული ჩართულობის ოფისში გაიმართა, არასამთავრობო ორგანიზაციების წარმომადგენლები, ისტორიკოსები, მოქალაქეები და ჟურნალისტები ესწრებოდნენ.

მკვლევარის ვერსიით, ქვა, რომელიც მე-17 საუკუნიდან ისტორიულ-სამართლებრივი მნიშვნელობის ძეგლს, ე.წ „ქვა ტახტს“ წარმოადგენდა, იდგა დადიანების სასახლის ეზოში, ცაცხვის ხის ქვეშ და აქ ხორციელდებოდა მართლმსაჯულება.

მისივე თქმით, უნდა მოხდეს ისტორიული ქვის კულტურულ ძეგლად გამოცხადება და დადიანების სასახლის ეზოში დაბრუნება.

ისტორიკოსის ვერსიას ქვის მდებარეობის შესახებ პრეზენტაციაზე მოწვეულ სტუმრებს შორის დისკუსია მოჰყვა.

ბოტანიკური ბაღის დირექტორმა ზვიად ქარჩავამ განაცხადა, რომ ის წინააღმდეგია ბაღის ტერიტორიიდან ქვის გატანის, რადგან მისი აზრით, „სწორედ ბოტანიკური ბაღი უნდა დაიტვირთოს ტურისტებისთვის სანახაობრივად“.

კვლევის პრეზენტაციას, რომელიც ზუგდიდის დემოკრატიული ჩართულობის ოფისში გაიმართა, არასამთავრობო ორგანიზაციების წარმომადგენლები, ისტორიკოსები, მოქალაქეები და ჟურნალისტები ესწრებოდნენ.

წყარო:  LIVEPRESS

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ისტორიაკულტურასაქართველო

დავით გარეჯი „ევროპა ნოსტრას“ საფრთხეში მყოფი ძეგლების ფინალურ ნუსხაში მოხვდა

1.62K views on

დავით გარეჯი „ევროპა ნოსტრას“ საფრთხეში მყოფი ძეგლების ფინალურ ნუსხაში მოხვდა. აღნიშნულთან მიმართებით, ხელოვნების საერთაშორისო ცენტრში დღეს ბრიფინგი გაიმართა, რომელიც დავით გარეჯის კომპლექის „ევროპა ნოსტრას“ „განსაკუთრებული საფრთხის ქვეშ მყოფი 7 ძეგლის პროგრამის“ საბოლოო 7 ფინალისტ შორის მოხვედრას ეძღვნებოდა.

აღნიშნული ფაქტის მნიშვნელობის შესახებ ბრიფინგზე ხელოვნების საერთაშორისო ცენტრის ხელმძღვანელმა და ამ ძეგლის ნომინატორმა მაკა დვალიშვილმა, კულტურისა და სპორტის მინისტრის მოადგილემ ლევან ხარატიშვილმა, მეუფე დავითმა, კულტურული მემკვიდრეობის დაცვის ეროვნული სააგენტოს გენერალურმა დირექტორმა ნიკოლოზ ანთიძემ ისაუბრეს.

მაკა დვალიშვილის განცხადებით, დავით გარეჯის „ევროპა ნოსტრას“ 7 ძეგლთა ნუსხაში მოხვედრა ნიშნავს მისი, როგორც ევროპულ, ასევე მსოფლიო დონეზე აღიარებას, როგორც ისტორიული, კულტურული, ასევე სახელოვნებო კუთხით. მისივე თქმით, ეს პირველ რიგში ნიშნავს, რომ ამ ტერიტორიის დაცვა და ზედამხედველობა ევროპულმა კულტურულმა მემკვიდრეობამ უნდა განახორციელოს.

„ამ მიზნით დაგეგმილია რამდენიმე ეტაპის სამუშაოების განხორციელება. პირველ ეტაპზე, საქართველოში მსოფლიო დონის კულტურული მემკვიდრეობის ექსპერტთა მისია ჩამოვა. ისინი შეისწავლიან ადგილზე მდგომარეობას და მისი განვითარების გეგმას შეიმუშავებენ. შემდეგ, ამაზე დაყრდნობით მოხდება დამატებით სახსრების მოძიება“, – განაცხადა მაკა დვალიშვილმა.

თავის მხრივ, კულტურისა და სპორტის მინისტრის მოადგილემ – ლევან ხარატიშვილმა აღნიშნა, რომ ეს პროექტი არა მარტო დავით გარეჯის სამონასტრო კომპლექსის, არამედ მისი ლანდშაფტის დაცვასაც ითვალისწინებს.

„ჩვენ აპრილის თვეში ველოდებით „ევროპა ნოსტრას“ ექსპერტების ჩამოსვლას საქართველოში, რათა ძეგლის არსებული მდგომარეობა შეფასდეს. ექსპერტების მხრიდან განისაზღვრება სამოქმედო გეგმა და რეკომენდაციები. ამის შემდეგ კი ,,ევროპა ნოსტრას” მხრიდან მოხდება თანხების მოძიება, როგორც ადგილობრივი ფონდებისა და კერძო პირების მეშვეობით, ასევე საერთაშორისო

დონეზე. კერძოდ, ამ პროცესში ჩართული იქნება ევროპის საინვესტიციო ბანკი და ევროპის განვითარების ბანკი“, – განაცხადა ხარატიშვილმა.

 

წყარო: http://www.culture.gov.ge

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
1 … 26 27 28 29 30 … 33
Page 28 of 33