close

გამოგონება - ინოვაცია

არქიტექტურა/დიზაინიგამოგონება - ინოვაციასაქართველო

Spectrum-ი – გუნდი, რომლის მიზანია, გაალამაზოს ,,ბეტონის უდაბნოები”  გრიფიტის საშუალებით

 Spectrum-ი – ასე ჰქვია გუნდს, რომელმაც კონკურსის, Social Impact Award-ის, ფარგლებში წარმოადგინა პროექტი, რათა ახალგაზრდა ხელოვანებს მიეცეთ განვითარებისა და დასაქმების შესაძლებლობა, ხოლო ქალაქი – ,,გაფერადდეს”.

გუნდში ოთხი წევრია: ლიზა ქართველიშვილი, ბუბა დავლიანიძე, კრისტი ნაჭყებია და თორნიკე პეტრიაშვილი. პროფესიის მიუხედავად, ოთხივეს დიდი ინტერესი და სიყვარული აკავშირებს ხელოვნებასთან, შესაბამისად, სწორედ ეს გახდა ერთ-ერთი მიზეზი მათი პროექტის წარმატებისა და განვითარების.

,,თბილისსა თუ სხვა ქალაქებში ვხვდებით ბეტონის უდაბნოებივით გარეუბნებს, რომელთაც არანაირი ესთეტიკური ღირებულება არ აქვთ. სახელმწიფოს კი არ გააჩნია რესურსები ამ პრობლების მოსაგვარებლად. გასათვალისწინებელია, რომ ქალაქის ცუდი ვიზუალი მოქმედებს ყველა ადამიანზე, ამასთანავე, ქმნის ბიზნესისთვის არამიმზიდველ გარემოს. ამის გამო კონცენტრირება გვხვდება ძირითადად ქალაქის ცენტრზე, გარეუბნები კი არ ვითარდება. ჩვენ ვცდილობთ, ეს პრობლემები დავუკავშიროთ და ერთმანეთის საშუალებით გამოვასწოროთ. კერძოდ, ვიპოვოთ მხატვრები, რომელთაც მოვამარაგებთ საღებავი რესურსებით, ვიშუამდგომლოთ მერიასთან მათი ნამუშევრების ლეგალიზაციასთან მიმართებით, ყველანაირად მივცეთ საშუალება საკუთარი თავის რეალიზებისთვის ანაზღაურების სანაცვლოდ. მეორე მხრივ კი, ვიშუამდგომლოთ საცხოვრებელი კორპუსების მოსახლეობასთან, რათა გავითვალისწინოთ მათი აზრი იმისთვის, რომ ოპტიმალურად დავარეგულიროთ ორივე მხარის მოთხოვნები საერთო კეთილდღეობის მისაღწევად” – აღნიშნავს გუნდის წევრი – თორნიკე პეტრიაშვილი.

გუნდმა ერთობლივი მუშაობითა და ძალისხმევით მიაღწია დასახულ მიზანს და მოხვდა შვიდ ფინალისტს შორის. მიუხედავად იმისა, რომ მუშაობის პროცესში არაერთი პრობლემა წარმოიშვა, მათ მოახერხეს მოლაპარაკება სხვადასხვა უწყებასთან კონკურსის ორგანიზატორების – ქეთევან ებანოიძისა და ელენე ჟვანიას – დახმარებით.

,,ჩემი სპეციალობიდან გამომდინარე, ყოველთვის დაინტერესებული ვიყავი სტარტაპროექტებით. ზამთრის არდადეგებისას ინტერნეტში შემთხვევით წავაწყდი Impact Hub-ის workshop-ების სერიას სოციალურ ბიზნესებზე, რამაც დამაინტერესა, რადგან მანამდე დეტალურ ინფორმაციას ვფლობდი მათზე. ვინაიდან უნივერსიტეტისგან ვისვენებდი და დროც მქონდა, გადავწყვიტე, გამომეყენებინა ეს შანსი და სრულიად უფასოდ გამევლო ვორქშოფის სამდღიანი სერია, რამაც ნამდვილად გაამართლა. ბიზნესიდეა სწორედ აქ დამებადა Brainstorming-ის დროს. გამიმართლა, რომ ამავე Workshop-ზე სრულებით შემთხვევით აღმოვაჩინე ჩემი მეგობარი -თორნიკე პეტრიაშვილი – რომელსაც მაშინვე გავანდე იდეა და გადავწყვიტეთ ერთად გვემუშავა მის დახვეწასა და ამუშავებაზე. Workshop-ზე მიღებული რჩევებით და ცოდნით შექმენით ბიზნესმოდელი, მაგრამ მივხვდით, რომ 2 ადამიანის სურვილი და მონდომება ვერ ეყოფოდა პროექტს, ამიტომაც, გადავწყვიტეთ, დაგვემატებინა 2 ახალი წევრი – ცოტნე დავლიანიძე და ქრისტი ნაჭყებია”- აღნიშნავს გუნდის ერთ-ერთი წევრი – ლიზა ქართველიშვილი.

გუნდი ახლო მომავალში რამდენიმე პროექტის განხორციელებას გეგმავს, რომელსაც სოციალური სახე ექნება. გუნდის წევრების მიზანია, რაც შეიძლება მეტ გრაფიტისტს დაუკავშირდნენ, მოიპოვონ დაფინანსება და საზოგადოების ინტერესი.

გუნდის მხარდასაჭერად შეგიძლიათ გადახვიდეთ შემდეგ ბმულზე: http://socialimpactaward.ge/

 

მასალა მოამზადა:  ნინი მშვენიერიძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

სრულად ნახვა
გამოგონება - ინოვაციაგანათლებამედიცინასაქართველოტექნოლოგიები

Ikids-ი – პირველი ვებგვერდი საქართველოში ატიპიური განვითარების მქონე ბავშვებისთვის

სტუდენტების გუნდმა შექმნა ვებგვერდი ,,Ikids-ი”, რომელიც ატიპიური განვითარების მქონე ბავშვებს დაეხმარება სოციალიზაციასა და განვითარებაში. გუნდში სამი წევრია: სანდრო ალავერდაშვილი, საბა ჩხარტიშვილი და ნინო თინაშვილი. გვერდზე გამოქვეყნდება სხვადასხვა უნარის განმავითარებელი სავარჯიშოები, სარგებელს მიიღებენ არა მარტო ბავშვები, არამედ მათი მშობლები, პედაგოგები, ფსიქოლოგები, ოკუპაციური თერაპევტები, სპეციალური პედაგოგები და ა.შ. IkidS-ი საშუალებას მისცემს მათ, რომ ინტერესით ჩაერთონ სხვადასხვა აქტივობაში, განივითარონ და შეისწავლონ ესა თუ ის აუცილებელი უნარ-ჩვევა, იქნება ეს თვითმამსახურება, შემეცნება, კომუნიკაცია/მეტყველება თუ ქცევა. ვებგვერდზე განთავსდება აუდიო-ვიდეო სავარჯიშოები, რომლის შექმნაზეც იმუშავებენ გამოცდილი სპეც-პედაგოგები და ფსიქოლოგები.

ატიპიურ განვითარებაში იგულისხმება ბავშვის განვითარების ის თავისებურებები, რაც ტიპიური განვითარებისგან განასხვავებს, მაგალითად, არ შეესაბამება ასაკობრივი განვითარების სტანდარტებს. ეს შესაძლოა იყოს ამა თუ იმ ასაკისათვის დამახასიათებელი თვითმომსახურების, შემეცნებითი თუ სოციალური (მეტყველება/კომუნიკაცია) უნარების დაგვიანებით ან თავისებურად ჩამოყალიბება, ქცევითი დარღვევები და სხვ. ატიპიური განვითარება დამახასიათებელია დაუნის სინდრომის, აუტიზმის, ცერებრალური დამბლის, ჰიპერაქტივობის სინდრომის, ასევე სხვადასხვა ხარისხის გონებრივი ჩამორჩენისა თუ მეტყველების დარღვევების მქონე ადამიანებისთვის.

,,დღევანდელ ეპოქაში აქტიურად გამოიყენება თანამედროვე ტექნოლოგიები (კომპიუტერი, სმარტფონი), რაც ხელმისაწვდომი, სასურველი და სახალისოა ბავშვებისათვის. შეიძლება ითქვას, რომ ადრეული ასაკის ბავშვებიც კი სარგებლობენ ამ ტექნიკით, თუმცა, როგორც წესი, მათთვის მიმზიდველი და განმავითარებელი ვებგვერდები არაქართულენოვანია, რაც ერთგვარად იწვევს მეტყველების განვითარების შეფერხებას. ამას ადასტურებენ ნეიროფსიქოლოგები. აგრეთვე, შესაძლოა, არც იყოს მათი განვითარებისთვის შესაბამისი და გასაგები… ამ საკითხმა დამაფიქრა, თუმცა მჭირდებოდა სტიმული იმისათვის, რომ იდეა, რომელიც მქონდა, მოქმედებაში მომეყვანა. პირველად როცა გავიგე „social impact award”-ის პროექტის შესახებ, გადავწყვიტე, მიმეღო მონაწილება კონკურსში და გარკვეული წვლილი შემეტანა ამ საკმაოდ აქტუალური სოციალური პრობლემის ერთგვარად გადაჭრაში” – აღნიშნავს გუნდის ერთ-ერთი წევრი – სანდრო ალავერდაშვილი.

2012 წლის მონაცემებით, საქართველოში დაბადებული ყოველი 68 ბავშვიდან ერთს აქვს აუტისტური სპექტრი. საკმაოდ საყურადღებოა სხვადასხვა ატიპიური განვითარების ბავშვების რაოდენობა და მდგომარეობაც. ბავშვებს სწორედ ადრეული ასაკიდან ესაჭიროებათ სპეციალისტების დახმარება, მშობლების განათლება და ა.შ. რაც საქართველოს მოსახლეობისთვის ადვილი ხელმისაწვდომი არ არის.

 ,,სახელმწიფოს დაფინანსება სპეციალურ სერვისებზეც არასაკმარისია. ატიპიური განვითარების მქონე ბავშვებს კი სჭირდებათ სპეციალური პროგრამები, რომელიც მარტივად, მათთვის გასაგებად მიაწოდებს იმ სავარჯიშოებსა თუ აქტივობებს, რაც, როგორც აღვნიშნე, დაეხმარება მათ განვითარებასა და სოციუმში ინტეგრაციაში. ჩვენ ვგეგმავთ, პოპულარიზაცია გავუწიოთ და მივაწოდოთ მაქსიმალური ინფორმაცია ბენეფიციარების მშობლებს, პედაგოგებს, სპეციალისტებს  ვებგვერდის შესახებ, თუ როგორ უნდა მოიხმარონ და რატომ არის ჩვენი Ikids-ი ამ პრობლემის გადაჭრის ერთ-ერთი ოპტიმალური ვარიანტი” – აღნიშნავს სანდრო ალავერდაშვილი.

გუნდი სამომავლოდ არაერთ აქტივობას გეგმავს, კერძოდ, საქველმოქმედო ღონისძიებების ორგანიზებას, დაფინანსების მოპოვებას, არასამთავრობო ორგანიზაციებთან თანამშრომლობას, გვერდის განახლებას, განვითარებასა და ა.შ.

გუნდის მხარდასაჭერის სურვილის შემთხვევაში,  გადადით შემდეგ ბმულზე: http://socialimpactaward.ge/

 

მასალა მოამზადა:  ნინი მშვენიერიძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
გამოგონება - ინოვაციაკვლევებიქიმია

მინის ნაწილაკებისგან შექმნილი კბილის პასტა კარიესს ეფექტურად ებრძვის

მეცნიერებმა კარიესის საწინააღმდეგო მინის პატარა ნაწილაკებისგან დამზადებული კბილის პასტა შექმნეს.

BioMin C, კბილების ზედაპირზე ეწებება და გამოყოფს მინერალებს, რომელიც მინანქრიდან შაქრიანი საკვებითა და მჟავე სასმელებით გამოწვეული ნადებს აშორებს.

 მიკროსკოპული ნაწილაკები, რომლებიც ადამიანის თმის ღერის დაახლოებით მეასედი ზომისაა, იმ მასალის მსგავსია, რომლისგანაც ფანჯრებს ამზადებენ. ის შეიცავს ქლორიდს, კალციუმსა და ფოსფატს – მინერალები, რომლებიც კბილების მინანქარის შესაქმნელადაა საჭირო.

ქლორიდი ცვლის ფტორს, რომელსაც, ჩვეულებრივ, კბილების რემინერალიზირებისთვის კბილის პასტებში გამოიყენებენ. მიუხედავად იმისა, რომ ის ეფექტურია კბილების დაშლის თავიდან ასაცილებლად, ფტორის გადაჭარბებულ რაოდენობას შეუძლია კბილები ააჭრელოს (რასაც ქლორიდი არ აკეთებს).

კბილების BioMin C- ით გაწმენდისას, მინის ნაწილაკები კბილებზე იმ შემთხვევაშიც კი რჩება, როცა პასტას წყლით ჩამოიბანთ.

როგორც ნაწილაკები იშლებიან, ისინი კბილებზე კალიუმსა და ფოსფატს გამოყოფენ, რის შემდეგაც ისინი მინანქრის კრისტალებად გადაიქცევიან. კბილის პასტაში შემავალი ქლორიდი აღნიშნულ პროცესს აჩქარებს.

ეს კრისტალები უფრო დიდდება ცილის კოლაგენის დახმარებით, რაც კბილების სტრუქტურას აყალიბებს და კარიესისგან განადგურებულ ადგილებს აღადგენს.

ლაბორატორიული კვლევების დროს, BioMin C-ს ადამიანების კბილებზე 7 დღის განმავლობაში, დღეში 2-ჯერ იყენებდნენ და შემდეგ კბილებს რენტგენს უღებდნენ.

შედეგებმა აჩვენა, რომ კბილის პასტა ორჯერ უფრო ეფექტურია კბილების დაცვის კუთხით, ვიდრე ნერწყვი (ნერწყვი იგივეს ბაქტერიების ჩამორეცხვით აკეთებს, ისიც ასევე შეიცავს მინერალებს).

ლონდონის Queen Mary University-ის მეცნიერები, რომლებმაც შიმუშავეს კბილის პასტა, აცხადებენ, რომ  BioMin C ასევე ამცირებს კბილების მგრძნობელობას.

BioMin C-ის ფასი დაახლოებით 7 დოლარი იქნება.

 

წყარო: http://www.dailymail.co.uk

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

სრულად ნახვა
გამოგონება - ინოვაციაგანათლებაკომუნიკაციასაქართველოტექნოლოგიები

ხელთათმანი, რომელიც ჟესტების ენას თარგმნის, ქართველმა ახალგაზრდებმა შექმნეს

 ქართველმა ახალგზარდებმა შექმნეს ინოვაციური ხელთათმანი, რომელიც სმენისა და მეტყველების შეზღუდვის მქონე პირებს დაეხმარება საზოგადოებასთან კომუნიკაციასა და ინტეგრაციაში. ეს არის პროგრამა, რომელსაც ეცოდინება ჟესტების ენა, შესაბამისად, გადათარგმნის ხელთათმანით გაკეთებულ ჟესტს, სპიკერი კი გაახმოვანებს წინადადებას.

გუნდში სამი წევრია: გიორგი ბესტავაშვილი, ბექა ბაბუნაშვილი და გიორგი ცხოვრებაძე.

„ჩვენ მეზობლად არის ერთადერთი სკოლა სმენადაქვეითებული ბავშვებისათვის. გავლისას ხშირად გვხვდებოდა თვალში, რომ ბავშვები მხოლოდ ერთმანეთს ესაუბრებოდნენ და საზოგადოებასთან კონტაქტი, ფაქტობრივად, არ ჰქონდათ, რადგან ჟესტების ენა დღეს ძალიან ცოტა ადამიანმა თუ იცის. აქედან გაჩნდა იდეა, გვინდოდა, გამოგვეგონებინა ისეთი მოწყობილობა, რომელიც დაეხმარებოდა მათ, დაეწყოთ ურთიერთობა ნებისმიერ ადამიანთან და გადავწყვიტეთ, ჟესტების ენის მთარგმნელი ხელთათმანები შეგვექმნა. ვფიქრობთ, ეს მნიშვნელოვნად გაამარტივებს მათს ცხოვრებას. ხელთათმანი სენსორების საშუალებით აღიქვამს მომხმარებლის ხელის მოძრაობებს, თარგმნის და შემდეგ კი სპიკერი ახმოვანებს. ეს ყველაფერი პარალელურად ხდება და არანაირი დისკომფორტი არ იგრძნობა საუბრისას. ხელთათმანი ძალიან მოსახერხებელი და ყველა სიტუაციაში გამოსადეგია. რა თქმა უნდა, დროთა განმავლობაში უფრო დავხვეწთ და მაქსიმალურად კომფორტულსა და მოსახერხებელს გავხდით “ – აღნიშნავს ბექა ბაბუნაშვილი.

გიორგი ბესტავაშვილი და ბექა ბაბუნაშვილი

სმენის უქონლობა ხშირად შეიძლება იქცეს ინტელექტუალური განვითარების წინაღობად. გარესამყაროსგან მოწყვეტილი ადამიანები ვერ ახერხებენ სოციალიზაციას, იმისათვის, რომ სმენადაქვეითებულმა  სრულფასოვან ადამიანად იგრძნოს თავი, აუცილებელია, გარშემომყოფები დაეუფლონ ჟესტების ენას, ეს კი საკმაოდ რთულია. Sign&Sound-ი საზოგადოებისთვის სარგებლის მომტანი გამოგონებაა. სპეციალური ხელთათმანის განვითარების, დახვეწისა და დამკვიდრების შემდეგ, აღნიშნულ პრობლემა მოგვარდება და შეზღუდული შესაძლებლობების მქონე პირებს შეეძლებათ კომუნიკაცია საზოგადოებასთან.

გიორგი ცხოვრებაძე

„ჩვენ უკვე სამი თვეა შეუჩერებლად ვმუშაობთ და საკმაოდ რთული იყო პირველი თვე, რადგან საქართველოში  სმენადაქვეითებულ ადამიანებს არ ექცევათ საკმარისი ყურადღება. მათ არ აქვთ ინტერნეტთან წვდომა, სოციალური ქსელები, დიდმა ნაწილმა არ იცის წერა-კითხვა, შესაბამისად, მათთვის საზოგადოებაში ინტეგრაცია რთულია. როგორც უკვე ბექამ აღნიშნა, ერთადერთი საშუალება მათთან კომუნიკაციისთვის არის ჟესტების ენა. მომავალში კი, იმედია, ჩვენი იდეა სრულად გამოასწორებს ამ მდგომარეობას“ – აღნიშნავს გიორგი ბესტავაშვილი.

გუნდის წევრებს ჯერჯერობით მხოლოდ პროტოტიპი აქვთ შექმნილი. სამომავლოდ ხელთათმანის საწარმოებლად დაფინანსების მოპოვებას გეგმავენ.

გუნდის მხარდასაჭერად შეგიძლიათ გადახვიდეთ შემდეგ ბმულზე: http://socialimpactaward.ge/

 

მასალა მოამზადა: ნინი მშვენიერიძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
გამოგონება - ინოვაციაეკოლოგიასაქართველო

„ააწყვე და გააცოცხლე“ – ინოვაციური ფანქარი, რომელიც შეგიძლიათ „დათესოთ“

 სტარტაპი „ააწყვე და გააცოცხლე“ ქართველი ახალგაზრდების ინოვაციური გამოგონებაა, რომლის ავტორები თბილისის სახელმწიფო უნივერსიტეტის ეკონომიკისა და ბიზნესის ფაკულტეტის მაგისტრანტები – თამარ წითელაშვილი და ანანო ხიზანიშვილი არიან. მათ ხის ფანქარს დაუმაგრეს კაფსულა, რომელშიც მოთავსებულია ყვავილის თესლი. სტარტაპის განსაკუთრებულობა კი სწორედ იმაშია, რომ ფანქრის გამოყენების შემდეგ ადამიანს შეუძლია ფანქარი „დათესოს“ კაფსულის მხრიდან და ქოთანში გაახაროს ყვავილი.

„სიმართლე გითხრათ, ჩვენი სტარტაპის იდეა უნივერსიტეტის ბუფეტში დაიბადა. ვფიქრობ, რომ იგი ინოვაციურია საქართველოს ბაზარზე და ნამდვილად არის საზოგადოებისთვის სარგებლის მომტანი, როგორც ბუნების დაცვის კუთხით, ისე საგანმანათლებლო მიმართულებით. ჩვენი პროდუქტია უბრალო ხის ფანქარი, რომლის თავზეც დავამაგრეთ წყალში ხსნადი კაფსულა, კაფსულაში კი მოვათავსეთ მარტივად გასახარებელი მცენარის თესლი. ფანქრის გამოყენების შემდეგ მოზარდებს შეუძლიათ პირდაპირი მნიშვნელობით ფანქრის „დათესვა“, ამისათვის კი საჭიროა ფანქარი მოვათავსოთ მიწაში კაფსულის მხრიდან, დაველოდოთ მცენარის აღმოცენებას და მოვუაროთ, ისე, როგორც ნებისმიერ სხვა მცენარეს მოვუვლიდით. ჩვენი იდეის საშუალებით გვინდა, რომ ციფრული ტექნოლოგიების თაობას, რომელიც თავისი თავისუფალი დროის უმეტეს ნაწილს კომპიუტერთან ატარებს, ვასწავლოთ მცენარეებთან ურთიერთობა, რადგანაც, ვფიქრობთ, რომ თუ კი ადამიანს ბავშვობიდანვე ვასწავლით ბუნების სიყვარულსა და მოვლას, ისინი უფრო მეტი პასუხისმგებლობითა და თვითშეგნებით მოეპყრობიან თავიანთ საცხოვრებელ გარემოს“ – აღნიშნავს თამარ წითელაშვილი.

გუნდმა რესურსების სრულად ასათვისებლად ორიგინალურ ხერხს მიმართა. ფანქრის გამოყენების შემდეგ დარჩენილი ნაგვის (იგულისხმება შეფუთვა) შესამცირებლად მათ შეფუთვაზე, რომელშიც ფანქრებია მოთავსებული, დაიტანეს იმ მცენარის ფაზლი (ყუთის წინა მხარეს) და აღწერილობა (ყუთის უკანა მხარეს), რომელიც კაფსულაშია მოთავსებული. შესაბამისად, ბავშვებსა და სხვა დაინტერესებულ პირებს შეუძლიათ, რომ ააწყონ და აკინძონ წიგნი თავიანთი დათესილი მცენარეების შესახებ.

„თაკო საკმაოდ აქტიური სტუდენტია და მისი დახმარებით გავიგე Social Impact Award-ის შესახებ, რომელიც ერთ-ერთი ყველაზე მასშტაბური სტუდენტური პროექტია. იგი 18 ქვეყანაში საკმაოდ წარმატებით ხორციელდება, თუმცა საქართველო ამ ფერხულში მხოლოდ წელს ჩაერთო Impact Hub Tbilisi-სა და ევროპის ფონდის ერთობლივი ძალისხმევით. პროექტის ფარგლებში მონაწილეებს უნდა წარგვედგინა სოციალური საწარმოს იდეები, რომლებიც საქართველოს ბაზრისთვის ინოვაციური და, რაც ყველაზე მნიშვნელოვანია, საზოგადოებისთვის სარგებლის მომტანი იქნებოდა, თუმცა კრიტერიუმებში აუცილებლად მოიაზრება, თუ რამდენად რეალისტურია იდეა განსახორციელებლად, სწორედ ამიტომ გადავწყვიტეთ, რომ ჩვენი იდეა ყოფილიყო უბრალო, მარტივი და, ამასთანავე, როგორც მოკლევადიან, ისე გრძელვადიან პერიოდში, დიდი სარგებლის მომტანი” – აღნიშნავს ანანო ხიზანიშვილი.

„პროექტის მიზანია, ახალგაზრდებს მისცეს შესაძლებლობა, რომ ერთგვარად „დატესტონ“ თავიანთი სოციალური მეწარმეობის იდეები. ალბათ დამეთანხმებით, რომ ნებისმიერი იდეა, რომელიც რაიმე სიახლისა და კეთილდღეობის მომტანია საზოგადოებისთვის, საქართველოს ნამდვილად სჭირდება. SIA-ს პროექტის ფარგლებში ჩვენ დავესწარით 4-დღიან ვორქშოფებს, რომლებიც დაგვეხმარა ჩვენი იდეის უკეთ ჩამოყალიბებასა და სწორი გზით წარმართვაში, ასევე შევხვდით სხვადასხვა პროფესიის ადამიანებს, გავუზიარეთ მათ ჩვენი იდეის არსი და მივიღეთ რჩევები“ – აღნიშნავს თამარ წითელაშვილი.

ორი წევრისგან შემდგარ გუნდს სამომავლოდ ბევრი გეგმა აქვს. როგორც „დოქტრინასთან“ საუბრისას აღნიშნეს, ისინი ცდილობენ, რომ რეალურად განახორციელონ პროექტი და დანერგონ თავიანთი პროდუქტი ქართულ ბაზარზე.

სტარტაპის მხარდასაჭერად  შეგიძლიათ გადახვიდეთ შემდეგ ბმულზე – http://socialimpactaward.ge/

 

მასალა მოამზადა:  ნინი მშვენიერიძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

 

სრულად ნახვა
გამოგონება - ინოვაციაგანათლებასაქართველოტექნოლოგიები

Braille Reader-ი – ინოვაციური მოწყობილობა უსინათლოებისთვის ქართველი ახალგაზრდებისგან

საქართველოში ერთ-ერთ უმწვავეს პრობლემად რჩება შეზღუდული შესაძლებლობის მქონე პირებზე მორგებული ინფრასტრუქტურის არარსებობა. არაადაპტირებულ გარემოში, საზოგადოებისგან იზოლირებულნი, როგორც წესი, ვერ ახერხებენ თავიანთი თავის რეალიზებას.

 სწორედ შშმ პირების დასახმარებლად სტუდენტების ექვსკაციანმა გუნდმა შექმნა Braille Reader-ი, მოწყობილობა, რომელიც უსინათლოებისთვის სწავლის პროცესს მეტად მარტივსა და კომფორტულს გახდის.

 მიხეილ თექთუმანიძე, ვახტანგ კოსტავა, იოანე მარგიანი და საბა ფოჩხუა თავისუფალი უნივერსიტეტის მათემატიკისა და კომპიუტერული მეცნიერებების სკოლის სტუდენტები არიან, გურამ კაციაშვილი – აგრარული უნივერსიტეტის ელექტრო-ინჟინერიის სტუდენტი, ხოლო სანდრო მირიანაშვილი – თბილისის სახელმწიფო უნივერსიტეტის პროგრამირების სტუდენტია. გუნდის წევრებმა გადაწყვიტეს, უსინათლოებისთვის შეექმნათ სასკოლო მერხები, რომელიც ყველა სკოლისთვის იქნება ხელმისაწვდომი.

„რამდენიმე წლის წინ უსინათლოებისთვის შექმნილმა სმარტსაათმა საზოგადოებაში დიდი გამოხმაურება გამოიწვია, თუმცა, როგორც მოგვიანებით გაირკვა, ოთხი ასო არაა საკმარისი ინფორმაციის მისაღებად. ზუსტად ეს საათი იყო ჩვენი შთაგონების წყარო. იგი ინოვაციური თავისი მინიატურულობის გამო იყო, თუმცა ფასმა 600$-ს გადააჭარბა, შესაბამისად, მისი შეძენა ყველას არ შეეძლო. ჩვენ სრულიად საპირისპირო სტრატეგია ავირჩიეთ: სასკოლო მერხი, რომელსაც შეუძლია დიდი და შედარებით მძიმე მოწყობილობის ჩატევა. კიდევ ერთ მნიშვნელოვანი დეტალი ისაა, რომ მერხს ექნება ტექსტის რამდენიმე ხაზი, მანამდე ბრაილის ელექტრონულ ეკრანებს ტექსტის მხოლოდ ერთი ხაზი ჰქონდა, წარმოიდგინეთ, ფიზიკის ან მათემატიკის სწავლა წიგნიდან, რომლის თითო გვერდზე ამოცანის ერთი ხაზი წერია. ჩვენი მერხები სრულიად შეცვლის სწავლის პროცესს უსინათლოთა სკოლებში, თუკი მანამდე  ყველაფერი ვერბალურად ისწავლებოდა, ახლა თითოეულ მოსწავლეს წინ ჩვენი მერხი ექნება, რომელიც დაფის ფუნქციასაც შეითავსებს. მერხებში ჩაშენებულია უსინათლოებისთვის განკუთვნილი კლავიატურა. მოსწავლეების აკრეფილი ტექსტი მასწავლებელს კომპიუტერზე მოუვა,“ – აღნიშნავს პროექტის მენეჯერი – მიშო თექთუმანიძე.

ელექტრონული წიგნების წამკითხველი ნებისმიერ ტექსტს ეკრანზე გამოსახავს, მასწავლებლის აკრეფილი ტექსტი უსინათლოთა მერხებზე გამოჩნდება. აღნიშნულ მოწყობილობაზე საუბრისას აუცილებლად ხაზი უნდა გავუსვათ მის სიიაფეს, სიმარტივესა და კომფორტულობას.

„ბაზარზე არსებული ბრაილის ყველა ეკრანი იყენებს სპეციალურ კრისტალებს, რომლებიც დენის გატარების შედეგად ოდნავ იღუნება, ფორმას იცვლის. ეს კრისტალები საკმაოდ ძვირადღირებულია, ჩვენი მერხი მათი გამოყენებით რომ აგვეწყო, მისი ფასი 55000$-ს მიაღწევდა. ჩვენი გამოსავალი არის ელექტრომაგნიტი, იგი ძალიან იაფია, თუმცა მძიმე და დიდ ადგილს იკავებს, მაგრამ პროდუქტის სპეციფიკის გამო ეს არ წარმოადგენს პრობლემას. როგორც უკვე აღვნიშნე, Braille reader-ის უპირატესობა მდგომარეობს მის ხელმისაწვდომობასა და სწავლისთვის ადაპტირებულობაში,“ – აღნიშნავს მიშო თექთუმანიძე.

გუნდი მერხის ვერსიის დასრულების შემდეგ გეგმავს პორტატული მოწყობილობის შექმნას, რომელიც მობილურს დაუკავშირდება და ხმოვანი ასისტენტის საშუალებით შეძლებს მოწყობილობიდან უსინათლოთათვის საიტერესო წიგნების არჩევასა და წაკითხვას, აგრეთვე, მესიჯების მიღებასა და ა.შ.

გუნდი ამჟამად მონაწილეობას იღებს ერთ-ერთ კონკურსში, მხარდასაჭერის სურვილის შემთხვევაში, გადადით მოცემულ ბმულზე: http://socialimpactaward.ge/?fref=gc&dti=1876587065906876

 

მასალა მოამზადა: ნინი მშვენიერიძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიგამოგონება - ინოვაციასაქართველოტექნოლოგიები

ქართველი ახალგაზრდის წვლილი მომავლის აერონავტიკაში – ინტერვიუ გიორგი მჭედლიშვილთან

გიორგი მჭედლიშვილი 22 წლის ქართველი ახალგაზრდაა, რომლის საერთაშორისო წარმატებამაც ბოლო დროს დიდი ყურადღება დაიმსახურა, მისი გუნდის მიერ შექმნილი მომავლის თვითმფრინავის – ,,გრიფონის” პრეზენტაცია  26 სექტემბერს, NASA-ს სათაო ოფისში გაიმართება, გთავაზობთ ინტერვიუს ახალგაზრდა ფიზიკოსთან:

-გიორგი, უპირველეს ყოვლისა, მოგვიყევი, რა წარმოადგენსგრიფონის“  არსს და როგორ იქმნებოდა პროექტი?

– “გრიფონი” არის მომავალი კომერციული თვითმფრინავის მოდელი, რომელიც ჩემს თანაგუნდელებთან ერთად შევქმენი. გასულ სექტემბერს, ჩემი მეგობრისგან, ილონ გორდონისგან შევიტყვე NASA-ს გამოწვევის შესახებ და თავიდანვე სერიოზულად მოვეკიდეთ საქმეს, რადგან გვჯეროდა რომ შეიძლებოდა ჩვენი წვლილი შეგვეტანა მომავლის აერონავტიკის განვითარებაში. ,,გრიფონზე” თორმეტკაციანი ჯგუფი ვმუშაობდით, რომელიც შედგებოდა სამი გუნდისგან: ძრავის, აეროდინამიკისა და აეროდიზაინისაგან. უშუალოდ მე ვმუშაობდი ძრავაში, წვისა და გაგრილების სისტემების ოპტიმიზაციაზე. სწორედ, წვის გაუმჯობესების შედეგად, მავნე ნივთიერებების გამოშვება 80%-ზე მეტით შევამცირეთ და, შესაბამისად, დავაკმაყოფილეთ NASA-ს უმთავრესი მოთხოვნა. ამავდროულად, წვის სისტემის გაუმჯობესებამ შესაძლებლობა მოგვცა 50-60% შეგვემცირებინა საწვავის მოხმარებაც.

 

NASA სათაო ოფისში პროექტის პრეზენტაცია უპირობოდ უზარმაზარი წარმატებაა, მაგრამ, შენი აზრით, როგორ განვითარდება მოვლენები და რამდენად არის პროექტის რეალურად განხორციელების შანსი?

-ამ გამოწვევის მთავარი მიზანი იყო, რომ შეგვექმნა კომერციული თვითმფრინავი, რომლის იმპლემენტაცია  სავსებით რეალური იქნებოდა 2025-2035 წლებში. რა თქმა უნდა, ეს პროექტი მოიცავს ძალიან სერიოზულ ფინანსურ გათვლას. ჩვენი თვითმფრინავის წარმოების ფასიც კონკურენტუნარიანი უნდა ყოფილიყო ბაზარზე არსებულ ფასებთან მიმართებაში. ჩვენ ამ კუთხითაც ეფექტურად ვიმუშავეთ, ასე რომ, ჩემი აზრით, სავსებით შესაძლებელია მოხდეს ამ დიზაინის სრული ან გარკვეული სისტემის (ძრავის ან აეროდინამიკის) იმპლემენტაცია მომავლის კომერციულ თვითმფრინავებში.

-გიორგი, როგორც ვიცი, სწავლის პარალელურად საკუთარ საქმესაც უძღვები და ,,SAC Group-ის“ დამაარსებელი ხარ, რას წარმოადგენს თქვენი კომპანია და რას უნდა ველოდოთ მისგან უახლოეს მომავალში?

-„SAC Group-ი“ დავაარსეთ ამ წლის ზაფხულში და ის დღეს წარმოადგენს ერთ-ერთ პირველ, ყველაზე მაღალი დონის საკონსულტაციო და საინვესტიციო სერვისების ფირმას აგრობიზნესისა და ბიოტექნოლოგიების მიმართულებით საქართველოში და ჩვენს რეგიონში. ვართ ოფიციალური პარტნიორები ამერიკული საერთაშორისო აგრობიზნესის ფირმის, ,,GIC Group-ის”, რომელსაც ძალიან ბევრი წარმატებული პროექტის განხორციელებაში მიუღია მონაწილეობა მსოფლიოს მასშტაბით, მათ შორის, ამჟამად ჩინეთის მთავრობასთან თანამშრომლობით. ჩვენი მიზანია რეგიონში ახალი სტანდარტების დამყარება და საქართველოსთვის სასიცოცხლოდ აუცილებელი ინდუსტრიის განვითარება. ამავდროულად, რაც ასევე მნიშვნელოვანია, გვაქვს მჭიდრო და მეგობრული ურთიერთობა GIC Group-ის დამაარსებელთან, ბატონ რიჩარდ გილმორთან, რომელიც საქართველოს დიდ მხარდამჭერს წარმოადგენს. რიჩარდ გილმორი, სხვადასხვა ეგიდით, გახლდათ ძალიან წარმატებული მრჩეველი ამერიკის მთავრობაში. ამასთანავე, ასწავლიდა ჰარვარდში, ჯორჯთაუნსა და სხვა წამყვან უნივერსიტეტში. ასე რომ, „SAC Group-ის“ ხელშეწყობით, ბევრ მნიშვნელოვან პროექტს უნდა ელოდოთ.

 

და ბოლოს, უახლოესი სამომავლო გეგმები ალბათ კვლავგრიფონსუკავშირდება, მაგრამ, საინტერესოა, როგორ წარმოგიდგენია შენი თავი წლების შემდეგ, აპირებ თუ არა საქართველოში დაბრუნებას?

-ახლა ძალიან რთულია სამომავლო გეგმებზე დაზუსტებით საუბარი, თუმცა ჩემი მომავალი მჭიდროდ უკავშირდება, როგორც ამერიკის შეერთებულ შტატებს, ისე ჩემს საქართველოს, რომელსაც აუცილებლად დავაყენებთ ფეხზე!

 

მასალა მოამზადა:  თამარ დევდარიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
გამოგონება - ინოვაციაკვლევებიმსოფლიოქიმია

Aeroice-ი –  მეცნიერებმა ყველაზე ნაკლები სიმკვრივის მქონე ყინული შექმნეს

მკვლევარები აცხადებენ, რომ მათ აღმოაჩინეს ახალი კლასის, ულტრადაბალი სიმკვრივის ყინული, რომელიც წყლის მოლეკულებზე უკიდურესად უარყოფითი წნევის პირობებში კრისტალიზდება.

მიუხედავად იმისა, რომ ბევრი ჩვენგანი მხოლოდ იმ სახის გაყინულ წყალს იცნობს, რომელიც ჩვენს სასმელს ცივ და სასიამოვნო დასალევს ხდის, დედამიწის ჩვეულებრივი ყინული 20 ცნობილი ფორმიდან მხოლოდ ერთ-ერთია. ხოლო იაპონელი მეცნიერების მიერ აღმოჩენილ ახალ ფორმებს ყველა ცნობილ ყინულთან შედარებით ნაკლები სიმკვრივე აქვთ.

ახალ ყინულს Aeroice-ი ეწოდება  და ის ოკაიამას უნივერსიტეტის მეცნიერებმა აღმოაჩინეს.

აქამდე ჩატარებული არაერთი კვლევის საფუძველზე მეცნიერებმა დაადგინეს, რომ ზემაღალი სიმკვრივის ყინულის შესაქმნელად წყლის მოლეკულებზე უზარმაზარი წნევაა საჭირო, რაც დედამიწაზე, ჩვეულებრივ ატმოსფერულ პირობებში არ ხდება, მაგრამ მეცნიერთა აღნიშნულმა გუნდი აქცენტი საპირისპირო მიზეზსა და ეფექტზე გააკეთა. არამკვრივი ყინულის შექმნა ზეწოლის გარეშე.

არსებობს წყლის 17 ცნობილი მყარი კრისტალური ფაზა, რომელსაც შეუძლია შექმნას ყველა სახის ყინული. აქედან მხოლოდ ორი ხდება ბუნებრივად დედამიწაზე, ექვსკუთხა ყინული და კუბური ყინული.

Ice Ih-ი გახლავთ  ყინული, რომელიც  პლანეტაზე თითქმის ყველა სახის ყინულს შეადგენს, თუმცა არსებობს სხვა ყინულიც – Ice Ic, რომელიც დედამიწის ზედა ატმოსფეროში ჩნდება.

ყინულის ფაზის ყველა სხვა სახეობა გახლავთ ის, როდესაც წყლის მოლეკულები საგანგებო პირობებში  იყინება.

17 ცნობილი ყინულის ფაზისგან მხოლოდ ორს აქვს ჩვეულებრივ ყინულთან შედარებით დაბალი სიმკვრივე. ესენი გახლავთ ყინულები სახელწოდებით – Ice XVI და Ice XVII.

 Ice XVI 2014 წელს აღმოაჩინეს მკვლევარებმა, რომლებმაც დაადგინეს, რომ ყინულს შეუძლია ერთგვარ 3D კრისტალურ კეიჯში ფორმირება, რომელსაც უწოდებენ ცეოლითურ სტრუქტურას.

ამ პირობებში, ამ გაყინულმა კეიჯმა შესაძლოა, მასპინძელი მოლეკულას ირგვლივ მიიღოს ფორმა- ამ შემთხვევაში ნეონის ატომები, რომლებიც შემდგომში სტრუქტურისგან მიიღება, რის შედეგადაც აქამდე აღმოჩენილ ყინულის ყველაზე დაბალი სიმკვრივის ფაზად გადაიქცევა.

იაპონელი მეცნიერების ახალი აღმოჩენა, aeroice-ი, წარმოიქმნება უარყოფით წნევაზე წარმოშობილი მოლეკულური გადაჯგუფებისგან, თუმცა, ამ შემთხვევაში, სილიკას  (სკაიკონის დიოქსიდი, SiO2) ჩათვლით.

 სიმულაციებში, გუნდმა SiO2 მოლეკულური სტრუქტურისაგან ჟანგბადის ორი ატომი ამოიღეს და შემდეგ თითოეული მოლეკულის  სილიციუმისა და ჟანგბადის ატომებს ადგილები გაუცვალეს მანამ, სანამ წყალბადის ატომებს დაუმატებდნენ.

 ამის შედეგად მიიღეს ახალი სახის ყინული, რომელსაც თხევადი წყლის ნახევარი სიმკვრივე ჰქონდა. თუმცა მიუხედავად ასეთი დაბალი სიმკვრივისა, მეცნიერები აცხადებენ, რომ aeroices-ი გაცილებით მყარია, ვიდრე ნებისმიერი სხვა სახის ცეოლითური ყინული, რომელიც დღემდე დამუშავებულა.

დამატებითი სიმულაციები მიანიშნებს, რომ aeroices-ი შეიძლება კიდევ უფრო ნაკლები სიმკვრივის იყოს- კუბურ სანტიმეტრე 0-დან 5 გრამი.

 მრავალწახნაგოვანი სამშენებლო ბლოკების დამატებით (ნაგებობა ექვსი ან მეტი თვითმფრინავით), მოლეკულებს შეუძლიათ შეინარჩუნონ კრისტალური სტაბილურობა.

მიუხედავად იმისა, რომ დღეს დასკვნები შეიძლება დიდწილად აკადემიური ინტერესის საგანი იყოს, აღმოჩენის პოტენციური აპლიკაციები უზარმაზარია, მაგალითად, იმის დასადგენად, თუ როგორ მოქმედებს წყალი ნანოტებსა და ნანოპორეებში, ან როგორ მოქმედებს ყინული იმ კოლონისტებზე, რომლებიც მზის სისტემაში სხვადასხვა კვლევას აწარმოებენ.

 

წყარო: http://www.sciencealert.com/

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
გამოგონება - ინოვაციამსოფლიოტექნოლოგიებიტრანსპორტი

თვითმართული კატერი ჩინეთში ადამიანებს დახრჩობისგან იცავს

ჩინეთში ინოვაციური კატერი გამოჩნდა – თვითმართული მოწყობილობა ადამიანებს დახრჩობისგან იხსნის.

ინიციატივა მას შემდეგ გაჩნდა, რაც ქალა ჰეფეიში, ტიანის ტბაში 2004 წლიდან დღემდე, ჯამში, 66 ადამიანი დაიხრჩო.

ავტონომიური კამერა აკუსტიკური და ინფრაწითელი სენსორებით, ასევე, კამერითა და GPS–ითაა აღჭურვილი.

სენსორები ტბას სახიფათო და უსაფრთხო ზონებად ჰყოფს და, იმ შემთხვევაში, თუკი ტბაში შესული ადამიანი სახიფათო ზონაში შეცურავს, კატერი სიგნალით გააფრთხილებს, ამავდროულად კი, მაშველებს მისი ლოკაციის კოორდინატებს გადასცემს. თუ ადამიანი მოახერხებს, კატერს ჩაეჭიდოს, თვითმართული მოწყობილობა მას უსაფრთხო ზონამდე მიიყვანს.

მას შემდეგ, რაც კატერი ტბაზე გაჩნდა, არცერთი ადამიანი არ დაღუპულა.

 

წყარო:  https://newsworld.co

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
გამოგონება - ინოვაციატექნოლოგიები

,,ფეისბუკის“ რეკლამები მალე მესენჯერშიც გამოჩნდება

 მართალია, ,,ფეისბუკის“ რეკლამების ფუნქცია მესენჯერში რამდენიმე ქვეყანაში აქამდეც გააქტიურებული იყო, მაგრამ ამჯერად ის გლობალური გახდება.

როგორც ოფიციალური ინფორმაციით ირკვევა, სისტემამ უკვე გაიარა რამდენიმე შემოწმება და ,,ფეისბუკი“ უახლოეს მომავალში დაიწყებს საკუთარი შემოსავლის ამ გზით ზრდას.

ახალი სივრცე კომპანიებისათვის მიმზიდველი უნდა იყოს.

არ შეშინდეთ, რეკლამები სასაუბრო სივრცეში არ გამოჩნდება, იგი მხოლოდ საუბრების ჩამონათვალში განთავსდება. ასევე, შეგეძლებათ მათი დამალვა ისევე, როგორც ამას ,,ნიუსფიდში“ აკეთებთ.

 

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

სრულად ნახვა
1 26 27 28 29 30 35
Page 28 of 35