მედიცინა

მეცნიერები აცხადებენ, რომ დღეში მხოლოდ ერთი კვერცხის მოხმარება ინსულტის რისკს 12 პროცენტით ამცირებს.

აშშ-ის  მეცნიერების მიერ ჩატარებული კვლევა ადასტურებს, რომ კვერცხის ყოველდღიურად ჭამა გულის კორონარული დაავადებისგან გვიცავს, რომელიც მთელს მსოფლიოში გარდაცვალების წამყვან მიზეზად მიიჩნევა.

მეცნიერები ამ დასკვნამდე იმ კვლევების საფუძველზე მივიდნენ, რომელიც 33 წლის მანძილზე – 1982-დან 2015 წლამდე ჩატარდა და რომლებშიც 275.000 მონაწილე იყო ჩართული.

მათ შეაფასეს, რა კავშირია კვერცხის ჭამასა და გულის კორონარულ დაავადებებს (პლუს ინსულტს) შორის.

„როგორც უკვე ცნობილი და დამტკიცებულია, კვერცხი აქვს კვების ბევრი დადებითი ატრიბუტიკა, მათ შორის ანტიოქსიდანტები, რომელიც უკვე ამცირებს ოქსიდაციურ სტრესსა და ანთებას. ის ასევე ცილის შესანიშნავი წყაროა, რომელიც არტერიულ წნევას ამცირებს,” – აცხადებს კვლევის წამყვანი ავტორი EpidStat-ის ინსტიტუტის მეცნიერი დომინიკ ალექსანდერი.

ერთი მოზრდილი კვერცხი შეიცავს 6 გრამ მაღალი ხარისხის ცილასა და ანტიოქსიდანტ ლუტეინსა და ზეაქსანტინს, რომელიც აღმოჩენილია კვერცხის გულში, ასევე E, D,და A ვიტამინებს.

ვიტამინი E კი, როგორც ცნობილია, ამცირებს მომავალში გულის შეტევის რისკს, ხოლო ლუტეინი არტერიებს დაბინძურებისგან იცავს.

კვლევის შედეგები სამეცნიერო ჟურნალ American College of Nutrition-ში გამოქვეყნდა.

წყარო: Dailymail

თამარ ტაბატაძე

ვენესუელელი ექიმები დიფთერიის ეპიდემიის გავრცელების საშიშროებაზე საუბრობენ. ისინი მოუწოდებენ ხელისუფლებას, რომ ვაქცინებსა და ანტიბიოტიკებზე ხელმისაწვდომობა გაზარდონ.

ადგილობრივი მედია და ოპოზიცია ირწმუნება, რომ დაავადებამ ბოლო პერიოდში ოცამდე ადამიანის სიცოცხლე შეიწირა.

დიფტერია ინფექციური დაავადებაა, რომელიც მიმდინარეობს ორგანიზმის ძლიერი ინტოქსიკაციით, ყელისა და სასუნთქი გზების ანთებით. იგი შესაძლოა გართულდეს ხორხის შეშუპებითა და სუნთქვის გაძნელებით, გულისა და თირკმელების დაზიანებით. ჯანდაცვის მსოფლიო ორგანიზაციის ინფორმაციით, დიფთერიის ლეტალური დასასრულის ალბათობა 5-10%-ს შეადგენს.

ქვეყნის ადგილობრივი მედია ოპოზიციონერ კანონმდებელ მანუელ ოლივარესზე დაყრდნობით იუწყება, რომ დიფტერიის შედეგად გარდაცვლილთა რიცხვი ოცდაორს აღწევს. ნიკოლას მადუროს მემარცხენე მთავრობამ ყოველკვირეული ჯანდაცვის სტატისტიკის გამოქვეყნება შეწყვიტა.

მმართველი პარტიის წარმომადგენელი, ბოლივარის გუბერნატორი აცხადებს, რომ ჯერ-ჯერობით დიფტერიის არცერთი დადასტურებული შემთხვევა დაფიქსირებულა, თუმცა სახელმწიფომ მოსახლეობის ვაქცინაცია დაიწყო.

“ვაქცინის 400,000 დოზა ბოლივარში უკვე ჩამოტანილია, რითაც ყველა მოქალაქის ვაქცინაცია იქნება შესაძლებელი,”  წერს გუბერნატორი ფრანცისკო რენგელი Twitter-ზე და იმ ძალებს აკრიტიკებს, რომლებიც „პანიკის“ დათესვას ცდილობენ.

დიფტერია ბავშვთა სიკვდილიანობის ერთ-ერთ უმთავრეს მიზეზს წარმოადგენდა. თუმცა დღეს განვითარებულ ქვეყნებში ძალზედ იშვიათ დაავადებას წარმოადგენს.

წყარო: Reuters
მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი “დოქტრინა”

ახლახანს ჩატარებულმა კვლევამ აჩვენა, რომ მენსტრუაციის პერიოდში ქალის ტვინის ნაწილი განსხვავებული ზომის ხდება .
როგორც ლაპიციგის მაქს პლანკის ადამიანის შემეცნებისა და ტვინის მეცნიერებათა ინსტიტუტის მეცნიერები ირწმუნებიან, ესტროგენის დონის მატებასთან ერთად ჰიპოკამი ყოველთვიურად ოდნავ იზრდება და ჰორმონების კლებასთან ერთად მცირდება.
მანამდე ჩატარებული კვლევების შედეგადა დადგენილია, რომ ჰიპოკამი, რომელიც მახსოვრობასა და განწყობაზეა პასუხისმგებელი, გარემო პირობების მიხედვით იცვლის ზომას. მაგალითად, რამდენიმე კვლევამ აჩვენა, რომ ლონდონის ტაქსის მძღოლებს არანორმალურად დიდი ჰიპოკამი აქვთ, ეს კი იმით აიხსნება, რომ მათ ქალაქის უამრავი ქუჩის და ადგილის დამახსოვრება უწევთ. თუმცა ახლახანს ჩატარებული კვლევა პირველია, რომელიც მეცნიერებს აძლევთ საფუძველს ივარაუდონ, რომ ჰიპოკამის ზომა ქალებში რეგულარულად, თვეში ერთხელ, მენსტრუაციის პერიოდში ჰორმონების დონის ცვლილებების ზეგავლენით იცვლება.
აღმოჩენა მეცნიერებმა შემთხვევით, პრემენსტრუალური დისფორიული აშლილობის კვლევის საწყის ეტაპზე გააკეთეს. პრემენსტრუალური სინდრომი არის ფიზიკური და ემოციური სიმპტომების კრებული, რომელიც დაკავშირებულია ქალის მენსტრუალურ ციკლთან და რომელიც ყოველი თორმეტი ქალიდან ერთს აწუხებს. პრემენსტრუალური სიმპტომები ძირითადად ასოცირებულია ლუთეალურ ფაზასთან შესაბამისად იწყება მენსტრუაციამდე და წყდება მენსტრუაციის დაწყებისას ან დამთავრების შემდეგ.
მეცნიერები ვარაუდობენ, რომ მენსტრუაციის პერიოდში ჰიპოკამის ზომის ზრდა ქალების უკეთეს მეხსიერებასა, შემეცნებით ფუნქციას და გარკვევას კი არ უზრუნველყოფს, არამედ შესაძლოა ის ჰორმონალური ცვლილების კომპენსირებასა და ქცევის შენარჩუნებას ემსახურებოდეს.
მეცნიერები აცხადებენ, რომ კვლევის შემდეგი ეტაპი, მის ფარგლებში მეტი ქალის გამოკვლევა უნდა იყოს.

წყარო: http://www.independent.co.uk/

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი “დოქტრინა”

ჯანდაცვის მსოფლიო ორგანიზაციის კიბოს კვლევის საერთაშორისო სააგენტოს (IARC)  საზოგადოებაში პანიკის გამოწვევაში ადანაშაულებენ.
შეგახსენებთ, რომ კიბოს კვლევის საერთაშორისო სააგენტომ (IARC)   მობილური ტელეფონი, ყავა, დამუშავებული ხორცი და სარეველა ბალახის საწინააღმდეგო გლიფოსატი კიბოს გამომწვევ პროდუქტებად დაასახელა.
თუმცა საკითხზე ჯანმრთელობის ეროვნულ ინსტიტუტი მიიჩნევს (NHI), რომ კიბოს კვლევის საერთაშორისო სააგენტოს დასკვნები ხშირად საფუძველს მოკლებული და დაანდრევია.
აშშ მთავრობის წარმომადგენლები კიბოს კვლევის სააგენტოს მოუწოდებენ, წარმოადგინოს ოფიციალური მტკიცებულება იმის შესახებ, რომ ეს პროდუქტები კანცეროგენებია.
მთავრობის რეფორმების განხილვისა და კონტროლის კომიტეტის თავმჯდომარის თანაშემწემ სააგენტო როიტერსს განუცხადა, რომ აღნიშნულ საკითხზე ჯანმრთელობის ეროვნულ ინსტიტუტი კომიტეტში ბრიფინგს გამართავს.
კიბოს კვლევის საერთაშორისო სააგენტო თავის მხრივ აცხადებს, რომ მათი კვლევა მეცნიერულ კვლევასა და დასკვნებს ეფუძნება.
„ყავის შესახებ 2016 წლის რეპორტი იყო არა უარყოფა, არამედ გადაფასება, რომელიც 25 წლიან სამეცნიერო მტკიცებულებას ეფუძნება,“ – აცხადებს კიბოს კვლევის საერთაშორისო სააგენტოს ხელმძღვანელი ქრის უაილდი.
კიბოს კვლევის საერთაშორისო სააგენტო წინააღმდეგობაშია ევროპის სურსათის უვნებლობის ორგანოსთან, გაეროსა და აშშ რეგულაციებთან Monsanto-ს  მიერ წარმოებულ გლიფოსატთან დაკავშირებით.
IARC ამტკიცებს, რომ გლიფოსატთი „შესაძლო კანცეროგენია“, თუმცა ევროპის სურსათის უვნებლობის ორგანო და სხვა მარეგულირებლები აცხადებენ, რომ ეს ასე არაა.

წყარო:dailymail
მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი “დოქტრინა”

კომპანია Pepsi-მ  გამაგრილებელ სასმელში შაქრის დონის შემცირების გადაწყვეტილება მიიღო. ამ გზით კომპანია ცდილობს, სიმსუქნისა და კლიმატის ცვლილების პრობლემას შეებრძოლოს.
ნიუ იურკში დაფუძნებული კომპანიამ ორშაბათს განაცხადა, რომ 2025 წლისთვის მის მიერ წარმოებული სასმელის ორი მესამედი ყოველ 12 უნციაზე (1 უნცია= 28,34952 გ) მხოლოდ 100 კალორიის შემცველობა ექნება.
Pepsi-ს ეს ნაბიჯი იმ ზეწოლის შედეგია, რასაც ჯანდაცვის ექსპერტები და სხვადასხვა ქვეყნის მთავრობები კომპანიასა და მის კონკურეmნტ „კოკა-კოლაზე“ ახორციელებენ, რაც სიმსუქნისა და დიაბეტის ეპიდემიის გავრცელებაში მათ დადანაშაულებაში გამოიხატება.
„პეპსი“ აცხადებს, რომ მისი ახალი გლობალური მიზანი წინა მიზანთან შედარებით, რაც 2020 წლისთვის გარკვეულ სასმელში შაქრის 25 პროცენტით შემცირებას ითვალისწინებდა, გაცილებით უფრო ამბიციურია.
ჯანდაცვის მსოფლიო ორგანიზაციამ რამდენიმე კვირის წინ შაქრიან სასმელზე გადასახადის დაწესების რეკომენდაცია გასცა. საფრნგეთმა და მექსიკამ ჯანდაცვის გაუმჯობესების მიზნით, ასეთი გადასახადი უკვე დააწესეს. თუმცა გამაგრილებელი სასმელების მწარმოებელი კომპანიები ჯანმოს ამ რეკომენდაციას არ ეთანხმებიან.
მიუხედავად სახელწოდებისა, „პეპსის“ 63 მილიარდიანი წლიური შემოსავავლიდან კოლაზე მხოლოდ 12 პროცენტი მოდის. შემოსავლეის 25 პროცენტი გაზიან სასმელ Mountain Dew-ზე,  ხოლო დანარჩენი – წყლებზე, წვენებსა და საკვებზე.

წყარო: BBC
მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი “დოქტრინა”

მკვლევარმა ჰარვარდის უნივერისტეტიდან  განაცხადა,რომ განზრახული აქვს შეიმუშაოს ტვინის პორტატული მოწყობილობა . ასეთი მოწყობილობა მიმაგრებული იქნება  პაციენტის შუბლზე რომელიც გამოიყენება ინფრაწითელი  განათების სკანირებისთვის. ეს გამოგონება საშუალებას იძლევა ყოველდღე დააკვირდეს ტვინის მოქმედებას. ასეთი მოწყობილობა სასარგებლო იქნება ნეიროინტერფეისის შესაქმნელად რომელიც გამოიყენება ელექტრონული მოწყობილობების მართვაში.  ინფრაწითელი LED განათება შეისწავლის ტალღებს რომლის სიგრძეც 650-950 ნანომეტრია. ასეთი გრძელი ტალღების შეღწევით შეიძლება წარმოქმნან ტვინის ძვლებთან შეხებით რამოდენიმე სანტიმეტრის სიღრმეში.ინფრაწითელი შუქის წყალობით მოწყობილობას შეუძლია დაადგინოს ჟანგბადის სატურაცია ტვინის სხვადასხვა ნაწილში.სატურაცია – ეს არის სისხლის ჟანგბადით გაჯერება და ჰომოდინამიკური რეაქცია – სისხლის ნაკადის სისწრაფის ცვლა და მისი მოცულობის ცვლა ტვინის სხვადასხვა ნაწილებში რომელიც ამ აქტიურობაზეა დამოკიდებული. ყველაზე აქტიური ტვინის ნაწილი ამუშავებს დიდი რაოდენობით ტვინს მოკლე დროში, შესაბამისად ჟანგბადის სატურაცია (more…)