close

ეს საინტერესოა

ეს საინტერესოაკომუნიკაციატექნოლოგიები

,,Facebook-მა” 14 მილიონი მომხმარებლის პერსონალური პოსტი გაასაჯაროვა

1.35K views on

,,Facebook-მა” 14 მილიონი მომხმარებლის მიერ გამოქვეყნებული პერსონალური პოსტი გაასაჯაროვა. საუბარია სოციალურ ქსელში გამოქვეყნებულ ინფორმაციაზე, რომლებიც მხოლოდ მეგობრებისთვის ან რამდენიმე ადამიანისთვის იყო ხელმისაწვდომი. ამის შესახებ ,,CNBC” წერს. 

საუბარია პოსტებზე, რომლებიც 18-დან 27 მაისამდე გამოქვეყნდა. სოციალური ქსელის ადმინისტრაციამ ამის მიზეზად ტექნიკური ხარვეზი დაასახელა.

როგორც წესი, თითოეული პოსტის აუდიენციას თავად მომხმარებელი პერსონალურად ირჩევს. ,,Facebook-ის” განმარტებით, პრობლემის შესახებ 22 მაისს შეიტყვეს, მაგრამ ხარვეზის აღმოფხვრას 5 დღე დასჭირდა.

შეგახსენებთ, რომ მანამდე ,,Cambridge Analytica” ,,Facebook-ის” მილიონობით მომხმარებლის პერსონალური ინფორმაციის გამოყენებაში დაადანაშაულეს. კომპანიამ პერსონალური მონაცემები 2016 წლის აშშ-ის საპრეზიდენტო კამპანიისთვის გამოიყენა, რათა ეფექტიანი პოლიტიკური რეკლამა შეექმნა.

რამდენიმე დღის წინ გახდა ცნობილი, რომ მომხმარებელთა ინფორმირების გარეშე, ბოლო 10 წლის განმავლობაში ,,Facebook-ი” 60-მდე კომპანიას საკუთარი პლატფორმის მომხმარებელთა პერსონალურ მონაცემებს უზიარებდა. ამის შესახებ ,,The New York Times-ის” მიერ გამოქვეყნებული დოკუმენტებიდან ირკვევა.

,,Facebook-ის” მიერ გავრცელებულ საპასუხო განცხადებაში განმარტებულია, რომ გადაცემული ინფორმაცია კომპანიებმა მხოლოდ საკუთარ ტექნოლოგიურ მოწყობილობებზე ,,Facebook-ის” აპლიკაციის მორგების მიზნით გამოიყენეს. გავრცელებული ინფორმაციის დასადასტურებლად, ამ დროისთვის თავად ტექნოლოგიური გიგანტები მედიასთან კომენტარს არ აკეთებენ.

,Facebook-მა” გუშინ ჩინური კომპანიებისთვის მონაცემების გაზიარება აღიარა.

წყარო: imedinews

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ასტრონომია - კოსმოსიეს საინტერესოაკვლევები

დედამიწაზე დღეების ხანგრძლივობა მატულობს 

1.79K views on

ზოგჯერ გვეჩვენება, რომ დრო ძალიან სწრაფად გადის. თუმცა, ზოგიერთი მეცნიერი აცხადებს, რომ ყველაფერი პირიქითაა – დღეები დედამიწაზე დროთა განმავლობაში უფრო  ხანგრძლივი ხდება, ეს კი ჩვენი პლანეტის ბრუნვაზე მთვარის ზეგავლენის გამო ხდება.

ახლახან ჩატარებულ კვლევაზე დაყრდნობით, მეცნიერები აცხადებენ, რომ მათ 1,4 მილიარდი წლის წინ დედამიწასა და მთვარეს შორის ურთიერთობა გამოიკვლიეს და დაადგინეს, რომ მაშინ დღე არა 24-საათიანი, არამედ 18-საათიანი იყო.

ეს კი იმას ნიშნავს, რომ იმ დროიდან დღემდე დღე 6 საათით გახანგრძლივდა ანუ წელიწადში საშუალოდ 0.00001542857 წამით.

ამის მიზეზი კი ის გახლავთ, რომ მთვარე ნელ-ნელა შორდება დედამიწას. 1,4 მილიარდი წლის წინ ის ცოტა უფრო ახლოს იყო დედამიწასთან, ჩვენი პლანეტა კი უფრო სწრაფად ბრუნავდა.

კოლომბიის უნივერსიტეტის მეცნიერების მიერ გამოყენებული ტექნოლოგია – TimeOptMCMC აერთიანებს ასტრონომიულ თეორიას, გეოლოგიურ მონაცემებს და სტატისტიკას. მისი საშუალებით შესაძლებელია იმის განსაზღვრა, თუ როგორ იცვლება მზის სისტემა დროთა განმავლობაში.

TimeOptMCMC-ის საშუალებით განხორციელებული რეკონსტრუქციის გზით, მეცნიერებმა დაადგინეს, რომ დღის ხანგრძლივობა ყოველწლიურად 0.000018 წამით მატულობს, მთვარე კი დედამიწას წელიწადში დაახლოებით 3.82 სანტიმეტრით შორდება.

 

წყარო: https://www.sciencealert.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ბიზნესიეს საინტერესოა

5 რამ, რაც 25 წლამდე უნდა გაიაზროთ

1.4K views on

მეცნიერების აზრით ადამიანი უნდა ჩამოყალიბდეს 25 წლამდე, გადაწყვიტოს, რა ინტერესები აქვს ცხოვრებაში, სად ხედავს საკუთარ თავს მომავალში.

იპოვეთ ნამდვილი მეგობარი, ხელი ჩასჭიდეთ მაგრად და ერთად გაემგზავრეთ ცხოვრების აღმოსაჩენად. იარეთ ერთად წინ და უკან მოიტოვეთ ყველა, ვინც მეგობრობის სიწმინდე ვერ დააფასა.

აღმოაჩინეთ თავიდან – ვინ ხართ,  თუ ჯერ კიდევ არ იცით, რომ ხართ უნიკალური, თქვენ ხართ ერთადერთი ამ სამყაროში, რომლის ზუსტი ანალოგი არ არსებობს,  თქვენ უკვე ხართ ბედნიერი, ყველაფერი შეგიძლიათ, რასაც წარმოიდგენთ,  თქვენ უკვე გაქვთ ყველა რესურსი აისრულოთ  ოცნებები.

აღმოაჩინეთ აქამდე დაფარული ტალანტები და შეიყვაროთ საკუთარი თავი მთელი თავისი დიდებულებით.

წყარო: Hbr.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ბიზნესიეს საინტერესოატექნოლოგიებიქიმია

მსოფლიოს უმსხვილესი ალმასის კომპანია – ,,De Beers-ი“ ხელოვნურ ბრილიანტს შექმნის

1.99K views on

მსოფლიოს უმსხვილესი ალმასის კომპანია  – ,,De Beers-ი“ ხელოვნური ალმასის წარმოებას იწყებს. არსებობის 130-წლიანი ისტორიის მანძილზე, კომპანიამ ასეთი გადაწყვეტილება პირველად მიიღო.

ხელოვნურ ალმასს  1950 წლიდან აწარმოებენ, კომპანია ,,De Beers-ი“ კი – სინთეტიკურ ბაზარზე გადასვლას გამუდმებით ეწინააღმდეგებოდა, თუმცა ბოლო დროს დამოკიდებულება შეცვალა და აცხადებს, რომ ხელოვნური ალმასის წარმოების ტექნოლოგია საკმაოდ ეფექტურია იმისათვის, რომ საუკეთესო ხარისხის ძვირფასი ქვის მსგავსი ალმასი დიდი რაოდენობით აწარმოონ.

ალმასი გახლავთ ძვირფასი ქვა, რომელიც ყველაზე მეტად ბრწყინავს, გახლავთ ერთ-ერთი მტკიცე მასალა და შეხებისას სიცივე იგრძნობა. 

ყველა ეს თვისება განპირობებულია ალმასის კრისტალში ატომების სრულყოფილი განლაგებით – ეს ატომები ნახშირბადია. ამ განლაგებაში მცირე დეფექტიც კი ალმასის ფერის მკვეთრ ცვლილებას იწვევს. მაგალითად, ყოველ 10,000 ატომში ერთის გადანაცვლება გამჭირვალე ძვირფას ქვას ყავისფერს ხდის. ნახშირბადის ატომების განლაგების სიზუსტის დაცვა იოლი არაა.

ბუნებრივი ბრილიანტი მზადდება დედამიწის სიღრმეში, სწორი ტემპერატურისა და, წნევის წყალობით, ინგრედიენტები იკრიბება და მილიონობით წლის შემდეგ – ზედაპირზე ამოდიან.

პირველი ხელოვნური ბრილიანტი დაამზადეს ლაბორატორიაში, სადაც ეს პირობების უზარმაზარ დანადგარებში შექმნეს. ეს გახლავთ პატარა ბრილიანტების წარმოების გზა.

ასევე – შესაძლებელია, მაღალხარისხიანი ხელოვნური ალმასის კრისტალების წარმოქმნა ნახშირბადის ატომების ფენების მეთანის გამოყენებით გაზრდის გზით. ეს კეთდება წყალბადის მოშორებით მეთანიდან მოლეკულებისგან სუპერსუფთა რეზერვუარებში ცხელი პლაზმის გამოყენებით.

ამის შემდეგ, ნახშირბადს ალმასის კრისტალებად გარდაქმნიან. ამ პროცესის – ქიმიური ორთქლის დეპონირების (CVD) მთავარი გამოწვევა გახლავთ ხარჯეფექტიანობა. კომპანია ,,De Beers-ი“ მიიჩნევს, რომ ამ გამოწვევას თავს გაართმევს და მაღალი ხარისხის ხელოვნურ ბრილიანტს შექმნის.

წყარო: https://www.sciencealert.com

 მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
გამოგონება - ინოვაციაეს საინტერესოატექნოლოგიებიტურიზმი

ყურსასმენი გიდი – იაფი და კომფორტული მომსახურება

1.46K views on

ტურისტებს ხშირ შემთხვევაში აინტერესებთ,  თუ როგორ შეიძლება მიიღონ ინფორმაცია ამა თუ იმ ადგილზე დაბალ ფასებში და, სამწუხაროდ, ასეთი გიდის რჩევა ძალიან რთულია, რადგან ინდივიდუალური გიდის მომსახურება ერთ ადამიანზე საკმაოდ სოლიდური თანხა ჯდება.

ახალი პროდუქტი არის ძალიან კომფორტული ყურსასმენი, რომლის მეშვეობითაც ტურისტებს შეეძლებათ, რომ თავისი სურვილისამებრ გადაადგილდნენ ნებისმიერ ადგილზე, დაათვალიერონ სხვადასხვა ღირსშესანიშნაობა და ყურსასმენი გიდის მეშვეობით მოისმინონ მაქსიმალურად ზუსტი და ვრცელი ინფორმაცია.

ყურსასმენი გიდი ეს არის ძალიან მარტივი გამოსაყენებლად,  მისი მოხმარება დამხმარე რუკის მეშვეობითაა შესაძლებელი, რომელზეც აღნიშნული იქნება ღირსესანიშნაობების სურათები და თითოეულ მათგანს ექნება თავისი ნომერი. რომლის მიხედვითაც, ტურისტს გაუმარტივდება ინფორმაციის მოძებნა მოწყობილობაში. მსგავსი ტექნოლოგია უკვე დაინერგა რამდენიმე ქვეყანაში.

 

წყარო: Engadget.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ეს საინტერესოამსოფლიორობოტექნიკატექნოლოგიები

იაპონიის დამსახურება რობოსამყაროში და მოაზროვნე რობოტები

1.59K views on

იაპონია ტექნოლოგიური განვითარებით მსოფლიოში  პირველ ადგილზე რომ არის – ეს ყველასთვის  ცნობილია.  სწორედ იაპონიაში  80–იანი წლებიდან კორპორაცია  „Honda Research Institute Japan-ი“ ცდილობს, შექმნას რობოტი ადამიანი, მსგავსად ადამიანისა – მასაც რომ შეეძლოს სიარული, სირბილი  და უფრო მეტიც – დამოუკიდებლად აზროვნება.

 ეს უკანასკნელი იაპონელი მეცნიერებებისთვის ყველაზე მნიშვნელოვანი და უპირველესია,  რათა ტექნოლოგიური გარღვევა მოახდინონ მთელ მსოფლიოში.

 აი, უკვე რამდენიმე წელია  „Honda Research Institute Japan-ის“ ლაბორატორიებში მიმდინარეობს თავდაუზოგავი მუშაობა და სატესტო გამოცდა რობოტ „Asimo–ზე“.  რობოტი  „Asimo“ 2000 წელს შეიქმნა და პირველად სწორედ იაპონელმა  საზოგადოებამ  გაიცნო იაპონელი რობოტი. სახელი  „Asimo“ ინგლისურად ასე იშიფრება– „Advanced Step in Innovative Mobility“ , რაც ქართულად ნიშნავს – „ახალი ნაბიჯი ტექნოლოგიურ  სამყაროში“.  პირველი სერიის რობოტები მოძრაობდნენ შედარებით ნელა   – 1,6 კმ /საათი სიჩქარით.  შეეძლოთ ერთეული ფრაზების თქმა და ესმოდათ დაპროგრამებული სიტყვები. ახლა კი – თქვენ უამრავი გასაოცარი უნარის მქონე რობოტს ნახავთ – მზარეულის, პოლიციელის, მაშველისა და სხვა საჭირო ფუნქციების მქონეს.

წყარო:Theverge.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ბიოლოგიაეს საინტერესოაკვლევები

გამოვლინდა გენები, რომლებმაც ადამიანის ტვინის ჩამოყალიბებას შეუწყვეს ხელი

2.09K views on

მეცნიერებმა სამი გენი გამოავლინეს, რომლებმაც გადამწყვეტი როლი შეასრულეს ადამიანის ევოლუციაში – ტვინის ზომის ზრდაში, რამაც შემეცნებით პროგრესს შეუწყო ხელი და განსაზღვრა ჩვენი, როგორც ადამიანების, ჩამოყალიბება.

მეცნიერები აცხადებენ, რომ ეს გენები, რომლებიც მხოლოდ ადამიანებშია ნაპოვნი,   3-4 მილიონი წლის წინ გამოჩნდა ანუ იმ პერიოდის წინ, როდესაც არქეოლოგიურ ნამარხებში ვლინდება ადამიანის წინაპრის სახეობებში ტვინის ზომის მკვეთრი ზრდა.

სამ ახლახან აღმოჩენილ გენს, მეოთხე – უფუნქციო გენთან ერთად, NOTCH2NLგენებს უწოდებენ. ისინი განსაკუთრებით აქტიურია ცერებრალური ქერქის ნერვული ღეროვანი უჯრედების რეზერვუარში, ეს გახლავთ ტვინის გარეფენა, რომელიც პასუხისმგებელია ისეთი მნიშვნელოვანი ფსიქიკური ფუნქციებისათვის, როგორიცაა – შემეცნება, ენა, მეხსიერება, აზროვნება და ცნობიერება.

,,ცერებრალული ქერქი არის ის, რაც უმეტესწილად განსაზღვრავს – თუ რა სახეობას მივეკუთვნებით და ვინ ვართ ჩვენ, როგორც ინდივიდები. მისი ევოლუცია კი ის მნიშვნელოვანი საკითხია, რომელიც კაცობრიობის წარმოშობას ეხება,” – აცხადებენ მეცნიერები.

აღნიშნული გენები ადამიანის უახლოეს ნათესავებშიც კი არ არსებობს. არცერთი მათგანი არაა აღმოჩენილი მაიიმუნებსა და ორანგუტანებში. მეცნიერებმა ამ გენების უფუნქციო ,,ბიძაშვილი” გორილებსა და შიმპანზეებში აღმოაჩინეს. აღსანიშნავია, რომ NOTCH2NL-ი აღმოჩნდა ადამიანის ხაზის ორ გადაშენებულ სახეობაში –  ნეანდერტალელებსა და დენისოვანსებში.

მეცნიერები აცხადებენ, რომ NOTCH2NL-ი  დაკავშირებულია ისეთ ნევროლოგიურ მდგომარეობებთან, როგორიცაა აუტიზმი,  შიზოფრენია და თავის უჩვეულოდ დიდ ან პატარა ზომასთნ.

NOTCH2NLგენების შესახებ ჩატარებული 2 კვლევის შედეგები სამეცნიერო ჟურნალ ,,Cell-ში“ გამოქვეყნდა.

წყარო: https://www.reuters.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეკოლოგიაეს საინტერესოასაქართველო

5 ივნისი გარემოს დაცვის მსოფლიო დღეა – როგორ აღნიშნავენ საქართველოში?

1.58K views on

5 ივნისი გარემოს დაცვის მსოფლიო დღეა. ამ დღესთან მიმართებით, გარემოს დაცვისა და სოფლის მეურნეობის სამინისტროს გარემოს ეროვნული სააგენტოს სპეციალიტებმა მდინარე არაგვზე  წყლის სინჯები აიღეს.

გარემოს ეროვნული სააგენტოს მიერ ზედაპირული წყლების მონიტორინგი მთელი ქვეყნის მასშტაბით ხორციელდება. ამ ეტაპზე, სპეციალისტები მონიტორინგს 170-მდე წერტილში ახორციელებენ.

აგრეთვე – ეროვნული სატყეო სააგენტოს ინციატივით, ყვარლის მუნიციპალიტეტში დასუფთავების აქცია გაიმართა.

გაეროს გენერალურმა ასამბლეამ 5 ივნისი გარემოს დაცვის მსოფლიო დღედ 1972 წლის 15 დეკემბერს გამოაცხადა. ამ დღეს სტოკჰოლმში გაიხსნა გაეროს კონფერენცია, რომელიც ადამიანის საარსებო გარემოს პრობლემების განხილვას მიეძღვნა.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
არქიტექტურა/დიზაინიეს საინტერესოა

წყალში აშენებული „სასახლეები“ – ოცნების პროექტი

1.73K views on

გსმენიათ თუ არა ახალ პროექტზე, რომელიც მართლაც შესანიშნავ საცხოვრებელ ადგილს გულისხმობს, შეგიძლიათ, ისიამოვნოთ მცურავი სახლით, რომელიც მრავალი დადებითი თვისებით გამოირჩევა, მთავარი პრიორიტეტი არის ის, რომ ინოვაციური და გამართულია.

ზედა სართული წარმოადგენს დასვენების ზონას, სადაც მოწყობილია ღია შხაპი, ბარი, სამზარეული და ჯაკუზი, რომელიც დამზადებულია გამჭვირვალე მინისგან.

ცენტრალური სართული, რომელიც მდებარეობს ზღვის დონეზე – წარმოადგენს საცხოვრებელ ფართს, სადაც განთავსებულია სამზარეულოს მოწყობილობები და სასადილო ზონა. წყალქვეშა ნაწილს ექნება გამჭვირვალე პანორამული ფანჯრები, რითაც სახლის მფლობელებს ექნებათ ერთგვარი პერსონალური ოკეანერიუმი.

რა თქმა უნდა, ამ ტიპის ,,სასახლეები“ ,,ჩვეულებრივი“ ადამიანებისთვის განკუთვნილი არ იქნება და საკმაოდ ძვირიც ეღირება.

წყარო: THEVERGE.COM

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიოლოგიაეს საინტერესოაკვლევებიმედიცინამსოფლიო

უძილობის დროს ტვინი გამოფიტვას იწყებს

2.31K views on

მეცნიერებმა დაადგინეს, რომ არასაკმარისი ძილი ნეირონებისა და სინაფსური კავშირების დაზიანებას იწვევს, რომლის აღდგენა შეუძლებელია.

იტალიის ერთ-ერთი პოლიტექნიკური უნივერსიტეტის მეცნიერებმა ძუძუმწოვრების ტვინის ის ნაწილი შეისწავლეს, რომელიც ძილის დარღვევებზეა პასუხისმგებელი და კარგად დასვენებულ და გამოუძინებელ ვირთაგვებს შორის უცნაური სხვაობა აღმოაჩინეს.

ისევე, როგორც ადამიანის სხეულის უჯრედებში, ადამიანის ტვინშიც ნეირონები მუდმივად ახლდება ორი სხვადასხვა ტიპის გლიალური უჯრედით, რომელსაც ხშირად ნერვული სისტემის წებოსაც უწოდებენ.

მიკროგლიალური უჯრედები პასუხისმგებელნი არიან ძველი და გაცვეთილი უჯრედების გაწმენდის პროცესზე, რომელსაც ეწოდება ფაგოციტოზი, რაც ბერძნულად „შთანთქმას“ ნიშნავს.

ასტროციტები  კი – ტვინში არასაჭირო სინაფსების რაოდენობას ამცირებენ, რაც ტვინის ხვეულების განახლებას უწყობს ხელს.

ეს პროცესი კი მაშინ ხდება, როცა გვძინავს, თუმცა აღმოჩნდა, რომ იგივე პროცესი მაშინაც მიმდინარეობს, როცა უძილობა გვჭირს. თუმცა ამას სიკეთის ნაცვლად ზიანი მოაქვს, ვინაიდან ზედმეტი გასუფთავებისგან ტვინი თვითდაზიანებას იწყებს. ეს შეიძლება შევადაროთ შემდეგ სიტუაციას: ვიღაცას თქვენი სახლიდან თქვენი ძილის დროს ნაგავი გააქვს, რამდენიმე  დღის შემდეგ კი ნაგავს აყოლებს ტელევიზორს, მაცივარსა და სხვა საჭირო ნივთს.

,,ჩვენ მიერ ჩატარებულმა კვლევამ აჩვენა, რომ სინაპსებს ასტროციტები უძილობის დროსაც ,,ჭამენ””- აცხადებენ კვლევის ავტორები.

მეცნიერებმა თაგვების ოთხი ჯგუფი შეისწავლეს:

1.თაგვები, რომლებსაც 6-8 საათი ეძინათ (კარგად დასვენებულები);

  1. თაგვები, რომლებიც პერიოდულად იღვიძებდნენ;
  2. თაგვები, რომლებიც უძილობა აწუხებდათ;
  3. თაგვები, რომლებსაც უძილობა ქრონიკულად აწუხებდათ.

როდესაც მეცნიერებმა ამ ჯგუფების ასტეროციტების აქტიურობა შეისწავლეს, პირველი ჯგუფის თაგვებში 5.7 პროცენტი სინაფსები აღმოაჩინეს, მეორეში –  7.3; მესამეში – 8.4, ხოლო მეოთხეში – 13.5.

მაგრამ, როდესაც მკვლევარებმა ამ ოთხი ჯგუფის მიკროგლიალური უჯრედები შეისწავლეს, აღმოჩნდა, რომ მესამე და მეოთხე ჯგუფებში – უძილო და ქრონიკულად უძილო თაგვებში მათი აქტივობა მომატებული იყო, რაც შემაშფოთებელია, ვინაიდან მიკროგლიალური აქტივობა ალცჰეიმერის დაავადებასა და სხვა ნეიროდეგენერაციასთანაა დაკავშირებული.

ჩატარებული კვლევის შედეგები მნიშვნელოვანია, თუმცა ჯერ კიდევ არსებობს პასუხგაუცემელი კითხვები, მაგალითად: მიმდინარეობს თუ არა იგივე პროცესი ადამიანების ტვინში და აღმოიფხვრება თუ არა დაზიანება ძილის შედეგად.

წყარო:   https://www.sciencealert.com/

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
1 … 64 65 66 67 68 … 98
Page 66 of 98