გაერთიანებულ სამეფოში, EuroMillions-ის მიერ გათამაშებული ჯეკპოტი, კერძოდ 114,969,775.70 გირვანქა სტერლინგი, ცოლ-ქმარმა ფრენსის და პატრიკ კონოლებმა მოიგეს. თავდაპირველად მოგების არც კი სჯეროდათ, თუმცა შემდეგ ეს ფაქტი ჩაის სმით აღნიშნეს და გადაწყვიტეს 50 მეგობრის სია შეედგინათ, რომელთაც თანხას გაუნაწილებდნენ. მეგობრებმა მათი ამ გადაწყვეტილების შესახებ ჯერ არაფერი იციან.
ახალგაზრდა ანალიტიკოსთა და მეცნიერთა დარბაზი ,,დოქტინა”
მეცნიერებისა და ტექნოლოგიების განვითარების ტემპებს თუ გავითვალისწინებთ, მართლები ვიქნებით თუ ვივარაუდებთ, რომ მომდევნო წელს კიდევ უამრავი საინტერესო და შთამბეჭავი სიახლე გველოდება, თუმცა მანამდე თვალი გადავავლოთ იმ მნიშვნელოვან ამბებს, რომელთა შესახებაც ამ წლის განმავლობაში შევიტყვეთ.
1. ჩვენ შევიტყვეთ, რომ 2040 წელს, შესაძლოა, კლიმატური კატასტროფის წინაშე დავდგეთ
გაეროს მიერ ჩატარებულმა კვლევამ, რომელშიც 40 ქვეყნის 91 მეცნიერი მონაწილეობდა, გამოააშკარავა, რომ თუ დედამიწაზე სათბურის გაზების გამოყოფა ამ ტემპებით გაგრძელდება, 2040 წლისთვის დედამიწის ატმოსფეროს ტემპერატურა 1,5 გრადუსით მოიმატებს, რაც მასიურ კატასტროფებს გამოიწვევს, საერთო ზარალი კი 54 ტრილიონ დოლარს მიაღწევს. ამ დრომდე მიიჩნეოდა, რომ კრიტიკული ზღვარი ტემპერატურის 2-გრადუსიან ცვლილებაზე გადიოდა, თუმცა, როგორც აღმოჩნდა, 1,5 გრადუსი კატასტროფული შედეგების მისაღებად სავსებით საკმარისია.
2. ადამიანებს ახლა უკვე ახალი ორგანო, ინტერსტიტიუმი გვაქვს
2018 წელს მეცნიერებმა ადამიანის ორგანიზმში ახალი ორგანო, ინტერსტიტიუმი აღმოაჩინეს. ამ დრომდე მისი გარჩევა შემაერთებელი ქსოვილისგან ვერ ხერხდებოდა. როგორც აღმოჩნდა, ახალი ორგანო სხეულში ერთ-ერთი ყველაზე დიდი ზომისაა და მას ორგანიზმში სითხის განაწილება და გადატანა ევალება. სავარაუდოდ, ინტერსტიტიუმი ორგანიზმში მიმდინარე უამრავ პროცესშია ჩართული.
3. მარსის ზედაპირის ქვეშ თხევადი წყლის დიდი მასა აღმოვაჩინეთ
მეცნიერებმა ისტორიაში პირველად მარსის ზედაპირის ქვეშ თხევადი წყლის დიდი მასა აღმოაჩინეს. ევროპელმა მეცნიერებმა აღმოჩენა Mars Express-ზე მიმაგრებული სპეციალური რადარის საშუალებით გააკეთეს. ცნობილია, რომ დედამიწაზე არსებულ მიწისქვეშა წყლის რეზერვუარებში გარკვეული მიკროორგანიზმების პოვნაა შესაძლებელი, მეცნიერების თქმით, თუ სიცოცხლე დედამიწაზე გაჩნდა, არ არის გამორიცხული, რომ იგივე ოდესღაც მარსზეც მომხდარიყო, ამ სიცოცხლის კვალის პოვნა კი შესაძლებელია მარსის ზედაპირის ქვეშ, თხევად გარემოში შეიძლებოდეს.4. პირველად მოვახდინეთ მაიმუნების კლონირება
ჩინელმა მეცნიერებმა მაკაკის კლონის შესაქმნელად გამოიყენეს მეთოდი, რომლითაც პირველად ცხვარ დოლის კლონირება მოხდა. ეს პირველი შემთხვევაა, როდესაც მეცნიერებმა პრიმატების კლონირება მოახდინეს. აღნიშნულ საკითხს მოჰყვა კრიტიკაც, ადამიანების ნაწილი მიიჩნევდა, რომ მსგავსი ექსპერიმენტი არაეთიკურია.
5. აღმოვაჩინეთ ცხოველი, რომელიც 30 წლის განმავლობაში გადაშენებულად ითვლებოდა
კენგურუ თაგვი პატარა, მიწის ქვეშ მცხოვრები ძუძუმწოვარია, რომელიც მექსიკის ჩრდილოეთში ცხოვრობს. ის უკანასკნელად 1989 წელს იყო შემჩნეული, ხოლო 1994 წელს მექსიკის მთავრობამ კენგურუ თაგვი გადაშენებულად გამოაცხადა. მოულოდნელად, მეცნიერებმა 2017 წელს ოთხი კენგურუ თაგვი აღმოაჩინეს. ექსპერტების თქმით, ეს აღმოჩენა დამაიმედებელია, რადგან ეს ნიშნავს, რომ ამ რეგიონში ბუნებრივი ეკოსისტემების აღდგენა მიმდინარეობს.
6. აღმოვაჩინეთ დინოზავრის ახალი, ამ დრომდე სრულად უცნობი სახეობა
2012 წელს სამხრეთ აფრიკაში უცნობი დინოზავრის ნამარხი აღმოაჩინეს. ახლახან კი მეცნიერებმა დაადგინეს, რომ ნამარხი გიგანტურ დინოზავრს, ბრონტოზავრის მონათესავე სახეობას ეკუთვნის. გამოთვლები მიუთითებს, რომ აღმოჩენილი დინოზავრის წონა თითქმის 12 000 კილოგრამს აღწევდა. ექსპერტების თქმით, ეს მიწაზე მცხოვრები ყველაზე დიდი ცხოველია, რომელსაც ოდესმე უარსებია.
7. NASA-მ ტყუპების შესწავლისას აღმოაჩინა, რომ კოსმოსში ყოფნა გენების ექსპრესიას ცვლის
NASA-მ კოსმოსში ასტრონავტი სკოტ კელი გაუშვა, რომელსაც დედამიწაზე ტყუპი ძმა, მარკ კელი ჰყავს. მეცნიერებმა აღმოაჩინეს, რომ სკოტ კელის გენების ექსპრესია კოსმოსში ყოფნისას მნიშვნელოვნად შეიცვალა. მარკ კელის ორგანიზმში კი მსგავსი ცვლილება არ დაფიქსირებულა. დედამიწაზე დაბრუნების შემდეგ სკოტ კელის გენების დიდი ნაწილის ექსპრესია დარეგულირდა, თუმცა მისი გენების შვიდი პროცენტი საწყის მდგომარეობაში კვლავ არ დაბრუნებულა
8. 129 წლის შემდეგ, კილოგრამის ახალ განმარტებაზე გადავედით
პარიზის მიწისქვეშა საცავში დაცული ეტალონი, რომლითაც კილოგრამის განსაზღვრა ხდებოდა, წონაში იკლებდა. ნოემბერში მეცნიერებმა გადაწყვიტეს, რომ საჭირო იყო კილოგრამის ახალი განსაზღვრების შემოღება. კილოგრამის ახალი განსაზღვრება პლანკის მუდმივაზეა დაფუძნებული, რომელიც სამყაროში არსებული ერთ-ერთი ყველაზე სტაბილური მუდმივაა.
9. აღმოვაჩინეთ სამყაროს ყველაზე კაშკაშა ობიექტი
ეს არის ჩვენგან 13 მილიარდი სინათლის წლით დაშორებული კვაზარი (მისი ოფიციალური სახელია PSO J352.4034-15.3373), რაც ნიშნავს, რომ ჩვენ ამ კვაზარს ახალ ისეთად ვხედავთ, როგორიც ის 13 მილიარდი წლის წინ, სამყაროს შექმნისას იყო. შესაძლებელია, რომ სამყაროში უფრო კაშკაშა ობიექტებიც არსებობდნენ, თუმცა ჯერ ჩვენ ისინი არ გვიპოვნია.10. აღმოვაჩინეთ, რომ ოზონის შრეს იმაზე სწრაფად შეუძლია აღდგენა, ვიდრე გვეგონა
გაეროს მიერ ჩატარებული კვლევით ირკვევა, რომ ოზონის შრის აღდგენა სწრაფად მიმდინარეობს. თუ პროცესი არ შენელდება, 2030 წლისთვის ჩრდილოეთ ნახევარსფეროში ოზონის შრე სრულად აღდგება, სამხრეთ რეგიონებში ეს პროცესი 2050 წელს, დედამიწის პოლუსებზე კი 2060 წლისთვის დასრულდება.
11. აღმოვაჩინეთ სინათლის ახალი ტიპი
თუ თქვენ ბნელ ოთახში ორ ფანარს ისე აანთებთ, რომ მათმა სხივებმა ერთმანეთი გადაკვეთონ, არაფერი მოხდება. ისინი ერთმანეთში ყოველგვარი ურთიერთქმედების გარეშე გაივლიან. მასაჩუსეტსის ტექნოლოგიური ინსტიტუტისა და ჰარვარდის უნივრესიტეტის მეცნიერებმა აღმოაჩინეს მეთოდი, რომლის გამოყენებისასაც ფოტონები ერთმანეთთან ურთიერთქმედებას იწყებენ. აღნიშნული აღმოჩენა, შესაძლოა, უსწრაფესი კვანტური კომპიუტერების შესაქმნელად გამოგვადგეს.
12. იუპიტერის გარშემო 12 ახალი მთვარე დავაფიქსირეთ
მზის სისტემის მეცხრე პლანეტის ძიებისას მეცნიერებმა შემთხვევით იუპიტერის 12 ახალი მთვარე აღმოაჩინეს. ორი ახალი მთვარე ორბიტაზე იუპიტერის ბრუნვის მიმართულებით ბრუნავს. ისინი სავარაუდოდ ერთი დიდი მთვარის გახლეჩვის შედეგად წარმოიქმნენ. დანარჩენი 10 მთვარე პლანეტიდან უფრო მოშორებითაა, მათგან ცხრა კი ორბიტაზე პლანეტის ბრუნვის საპირისპირო მიმართულებით ბრუნავს.
13. აღმოვაჩინეთ 90 000 წლის წინ დაბადებული გოგო, რომელსაც ნეანდერტალელი დედა და დენისოველი მამა ჰყავდა
მეცნიერებმა ციმბირში, დენისის გამოქვაბულში ძვლის ფრაგმენტები აღმოაჩინეს. ნამარხის შესწავლის შემდეგ გაირკვა, რომ ეს ინდივიდი ადამიანის ორი სხვადასხვა ქვესახეობის ნაჯვარი იყო. ეს ნიშნავს, რომ ადამიანთა ქვესახეობები ერთმანეთში იმაზე უფრო ხშირად ჯვარდებოდნენ, ვიდრე ჩვენ ვფიქრობდით.
13. ჰომო საპიენსის შექმნილი ყველაზე ძველი ნახატი
ქვის იარაღზე აღმოჩენილი წითელი ხაზები შესაძლოა ჰომო საპიენსის შექმნილი უძვლესი ნახატი იყოს. მეცნიერთა ვარაუდით, იარაღი დაახლოებით 73 000 წლისაა. ეს 30 000 წლით უფრო ძველია, ვიდრე ამ დრომდე აღმოჩენილი ყველაზე ძველი ნახატი.
14. დავადგინეთ, რომ ხვლიკებს სიზმრები ესიზმრებათ
ლიონის ნეირომეცნიერებათა ცენტრის მიერ ჩატარებული კვლევით ირკვევა, რომ ხვლიკებს გამოკვეთილი ძილის რეჟიმები გააჩნიათ. მეცნიერებმა აღმოაჩინეს, რომ ხვლიკებს სწრაფი ძილი (REM) და ნელი ძილი ისევე ახასიათებთ, როგორც ადამიანებს. კვლევის ავტორების თქმით, შედეგები მიუთითებს, რომ ხვლიკები სიზმრებს ხედავენ.
15. ერთნაირსქესიანი თაგვებისგან შთამომავლობის მიღება შევძელით
გენეტიკური ინჟინერიის გამოყენებით ჩინელმა მეცნიერებმა ერთნაირსქესიანი თაგვებისგან შთამომავლობის მიღება შეძლეს. მეცნიერებმა შთამომავლობის მიღება ორი მამრისა და ორი მდედრისგან სცადეს. ორი მამრისგან მიღებული შთამომავლობა მალევე დაიღუპა, მდედრი თაგვებისგან მიღებული შთამომავლობა კი გადარჩა და გამრავლებაც შეძლო.
16. გავარკვიეთ, რომ მსოფლიოს უძველესი ცხოველი, მართლაც ცხოველი იყო
558 მილიონი წლის წინ ოკეანის ფსკერზე უცნაური არსება მოკვდა. მისი ოვალური ფორმის სხეული სიგრძეში დაახლოებით ხუთი სანტიმეტრია, მისი გვერდები კი სიმეტრიული “ნეკნებითაა” დაფარული. მეცნიერებმა მისი ნამარხი 1940-იან წლებში აღმოაჩინეს და მას შემდეგ მუდმივად მიდის დავა იმაზე, თუ რას წარმოადგენდა ეს არსება. არც ის იყო ადვილი გასარკვევი, საერთოდ მიეკუთვნებოდა თუ არა ის ცოცხალი ორგანიზმების სამეფოს. გასული 558 მილიონი წლის მიუხედავად, ავსტრალიელმა გეოფიზიკოსმა ილია ბობროვსკიმ შეძლო იმ მარტივი მოლეკულების დაფიქსირება, რომლებიც ერთ დროს ამ ორგანიზმში არსებობდნენ, რის შედეგაც დადგინდა, რომ დიკინსონია, (Dickinsonia) მართლაც ცოცხალი ორგანიზმი იყო.
17. აღმოვაჩინეთ, რომ ტირანოზავრები იმაზე უფრო პუტკუნები იყვნენ, ვიდრე წარმოგვედგინა
2018 წელს მეცნიერებმა უახლეს კვლევებზე დაყრდნობით ტირანოზავრის აქამდე ერთ-ერთი ყველაზე დეტალური მოდელი შექმნეს. ახალ პროექტში მონაწილეობა ხელოვანებისა და პალეონტოლოგების გუნდმა მიიღო. მათ დინოზავრის მოდელის თითოეული ფენა მაქსიმალური სიზუსტით შექმნეს. მიღებული შედეგი კი საზოგადოებაში გავრცელებული წარმოსახვისგან საკმაოდ შორსაა.
18. აღმოვაჩინეთ ნივთიერება, რომლითაც შესაძლოა მამაკაცებისთვის კონტრაცეპციის ახალი მეთოდი შევქმნათ
ამ დრომდე მამაკაცებისთვის განკუთვნილ კონტრაცეფციის აბებს სერიოზული გვერდითი ეფექტები ჰქონდა. მეცნიერებმა აღმოაჩინეს ნივთიერება, რომელსაც მამაკაცის ორგანიზმში ტესტოსტერონის დონის შემცირება უსაფრთხოდ შეუძლია.
19. აღმოვაჩინეთ უძველესი, 13 000 წლის ლუდი
ისრაელში არქეოლოგებმა ერთ-ერთ გამოქვბულში ლუდის ნარჩენები აღმოაჩინეს, რომლებიც 13 000 წლით დათარიღდა. ეს არის ადამიანების მიერ ალკოჰოლის დამზადების ყველაზე ძველი დოკუმენტირებული შემთხვევა.
20. ასტრონომებმა ბოლოსდაბოლოს დაადგინეს, საიდან მოდიან ნეიტრინოები
ნეიტრინოებს ხშირად მოჩვენება ნაწილაკებად მოიხსენიებენ ხოლმე, ნეიტრინოები ყველგანაა, თუმცა ამ დრომდე უცნობი იყო, თუ საიდან მოდიან ისინი. თქვენს გარშემო ამ წამს მილიარდობით ნეიტრინოა, თუმცა თქვენ ვერაფერს გრძნობთ. 2018 წელს მეცნიერებმა განსაკუთრებით მაღალი ენერგიის მქონე ნეიტრინო დააფიქსირეს, მომდევნო კვლევებით კი გაირკვა, რომ მისი წყარო ჩვენგან ოთხი მილიარდი სინათლის წლით დაშორებული ბლაზარი, სახელად TXS 0506+056-ია.
წყარო : on.ge
ახალგაზრდა ანალიტიკოსთა და მეცნიერთა დარბაზი ,,დოქტინა”
მაქს პლენკის ინსტიტუტისა (Max Planck Institute for the Science of Human History) და ტიუბინგენის უნივერსიტეტის (University of Tuebingen) გერმანელმა მეცნიერებმა ნაწილობრივ აღადგინეს 90 ეგვიპტური მუმიის გენომი, რომელთა ასაკი 1500-დან 3500 წლამდე მერყეობდა. გულდასმით გამოიკვლიეს და იმ დასკვნამდე მივიდნენ, რომ უძველესი ეგვიპტელები არ იყვნენ აფრიკელები. ისინი წარმოშობით სამხრეთ ევროპიდან იყვნენ და ამასთან, იმ ადგილებიდან, სადაც დღეს მდებარეობს თურქეთი, ისრაელი, იორდანია, სირია, ლიბანი და საქართველო.
iGENEA -ს სპეციალისტებმა ბიჭუნა-ფარაონის და თანამედროვე ევროპელების გენომი შეადარეს ერთმანეთს. როგორც აღმოჩნდა ბევრი მათგანი ტუტანჰამონის ნათესავია – საშუალოდ ევროპელ მამაკაცთა ნახევარი. ზოგიერთ ქვეყანაში კი მათი რიცხვი 60 – 70% აღწევს – მაგალითად, ესპანეთსა და საფრანგეთში.
დნმ-ს ადარებდნენ ე.წ. ჰაპლოჯგუფების მიხედვით – დნმ-ის ფრაგმენტების ნაკრები, რომელიც თაობიდან თაობაზე გადადის და ინახება ჰაპლოჯგუფში R1b1a2 სახელით.
გერმანელმა და შვეიცარიელმა მეცნიერებმა კიდევ ერთხელ დაადასტურეს, რომ თანამედროვე ეგვიპტელები, საერთო ჯამში, არ არიან ფარაონების შთამომავლები – სხვა სიტყვებით რომ ვთქვათ, მათ საერთო არაფერი გააჩნიათ უძველესს მმართველებთან.
– მიმაჩნია, რომ ეგვიპტელი მმართველებისა და ევროპელების საერთო წინაპარი კავკასიაში ცხოვრობდა, დაახლოებით 9500 წლის წინ – ამბობს შოლცი. – დაახლოებით 7 000 წლის წინ მისი პირდაპირი შთამომავლები ევროპაში დასახლდნენ. ზოგიერთებმა კი ეგვიპტეს მიაღწიეს და ფარაონები გახდნენ. გამოდის რომ თავად ტუტანჰამონი და მისი წინაპრები კავკასიელები იყვნენ.
ამ ეტაპისთვის შერჩეულია სამი წერტილი: რიყის პარკი, ვერის ბაღი და ვეტერანთა კულტურისა და დასვენების (კიკვიძის) პარკი.
კვების აპარატები ეკომეგობრულია, გადამუშავების პროცესს უწყობს ხელს და მზის ენერგიას იყენებს. მათი მოხმარება მარტივია.
კვების აპარატებში პლასტმასის 0,5 ლიტრიანი ბოთლის ჩაგდების შემთხვევაში, ძაღლებისთვის საკვები ჩამოიყრება, ხოლო დისპენსერში წყლის ჩასხმის შემდეგ, ცხოველები წყურვილს მოიკლავენ.
ახალგაზრდა ანალიტიკოსთა და მეცნიერთა დარბაზი ,,დოქტინა”
იაპონიის ერთ-ერთ კაფეში რობოტი მიმტანები ჰყავთ, რომლებსაც საწოლს მიჯაჭვული ადამიანები მართავენ და ამ გზით ისინი საკუთარი თავის ფინანსურ უზრუნველყოფასაც ახერხებენ.
ისინი ყველაფერს მათ თვალწინ დამონტაჟებულ ეკრანზე ხედავენ, მიმტანი რობოტი კი მათი თვალის მოძრაობებს ემორჩილება და სხვადასხვა დავალებებს ასრულებს – იღებს შეკვეთებს, მოაქვს ყავა, ან სულაც კლიენტებს ესაუბრება.
ადამიანებს, რომლებიც დამოუკიდებლად გადაადგილებას ან ელემენტარულ მოძრაობასაც კი ვერ ახერხებენ, ასეთი სამსახური მეტი დამოუკიდებლობის მოპოვებაში ეხმარებათ, რადგან საათში $9 გასამრჯელო სულაც არ არის ცუდი თანხა.
“მინდა, რომ ხელი შევუწყო ისეთი მსოფლიოს შექმნას, სადაც ეს ადამიანები საკუთარი თავის რეალიზებას შეძლებენ და სამსახურიც ექნებათ”, – ამბობს კენტარო იოშიფუჯი.
სამწუხაროდ კაფე, რომელშიც რობოტების დახმარებით საწოლს მიჯაჭვული ადამიანები არიან დასაქმებული, ახლა სატესტო რეჟიმშია და მხოლოდ რამდენიმე კვირა იმუშავებს. მისი საბოლოო გახსნა კი 2020 წლისთვის იგეგმება.
ფინეთის პირველი ლედი ოფიციალურ წვეულებაზე არყის ხისგან დამზადებული კაბით გამოჩნდა. ამ ჟესტით ჟენი ჰაუკიომ მხარდაჭერა გამოხატა ახალი ტექნოლოგიის -Ioncel-ის მიმართ, რომლის საშუალებითაც საფეიქრო ქსოვილს მიღება ისეთი მასალისგან ხდება, როგირიცაა ხე, გადამუშავებული გაზეთები, კარდონი და ძველი ბამბის ქსოვილი. მიღებული ქსოვილისგან კი შესალებელია ვაქციოთ კაბად, შარფად, ჯემპრად და ა.შ.
კაბა, რომელიც ფინეთის პირველ ლედის ეცვა, აალტოს უნივერსიტეტის აკადემიკოსებმა შექმნეს.
ისინი აცხადებენ, რომ Ioncel-ის ტექნოლოგია უფრო ეკოლოგიურად სუფთაა, ვიდრე ბამბისა და სინთეზური ბოჭკოები.
აღსანიშნავია, რომ აღმოსავლეთ ფინეთის ტყეებში ხშირად ტარდება გამოხშირვის პროცედურა, როდესაც პატარ-პატარა არყის ხეებს ჭრიან. ეს ხეები კი შესაძლოა, ტანსაცმლის წყაროდ იქცნენ.
ექსპერტები აცხადბენე, რომ გლობალური ნახშიროჟანგის ემისიის 10 პროცენტს მოდის ინდუსტრია იწვევს. ამ ინდუსტრიის ნაწილის, პოლიესტერის ფიბრის შესაქმნელად 70 მილიონი ბარელი ნავთობი იხარჯება. პოლიესტერის დაშლას კი 200 წელზე მეტი ჭირდება.სინტეტიკური ქსოვილის პლასტიკური მიკროფიბრა, რომლის უდიდესი ნაწილი ოკეანეებში ხვდება, გარემოს დაბინძურების კუთხით ერთ-ერთ მნიშვნელოვან პრობლემად ითვლება.
სხვადასხვა კამპანიის მონაწილეები მომხმარებელს მოუწოდებენ, ახალი ტანსაცმელი ნაკლებად ხშირად იყიდონ, თუმცა მომხმარებლის ქცევის შეცვლა რთულია, მითუმეტეს იმ ფონზე, როცა მოდის კომპანიები ყოველ სეზონზე ახალ ხაზებს ქმნიან.
მიუხედავად იმისა, რომ Ioncel-ის ტექნოლოგია აალტისა და ჰელსინკის უნივერსიტეტების ქიმიკოსებმა და ინჟინრებმა განავითარეს, ექსპერტების განმარტებით, იმისათვის, რომ ტექნოლოგიის საშუალებით შექმნილი ტანსაცმელი პოპულარული გახდეს, საჭიროა, რომ მათ შექმნაზე დიზაინერებმა იმუშაონ.
აღსანიშნავია, რომ ფინეთის პირველი ლედი პირველი ცნობილი ადამიანი არ გახლავთ, რომელმაც Ioncell-ი ჩაიცვა, საფრანგეთის პრეზედენტი მაკრონს აგვისტოში, აალტას უნივერსიტეტში სტუმრობისას ლურჯი ჯინსის გადამუშავების შედეგად მიღებული შარფი ეკეთა.
აალტას უნივერსიტეტის გუნდი საპილოტე წარმოების ხაზის შექმნას 2020 წლისთვის აპირებს. ისინი იმედოვნებენ, რომ გადამუშავებული არყის ხისგან შექმნილი ტანსაცმელი საშობაო საყიდლების სიაში 2025 წელს გამოჩნდება.
იმისთვის, რომ მაგარმა სასმელმა არ გვავნოს და პირიქით, მაქსიმალური სარგებელი მოგვიტანოს, აუცილებელია დავუმატოთ ლიმონი დილის ყავას.
ლიმონიან ყავას თავისი სახელწოდება შემთხვევით არ მიუღია. მის სამშობლოდ იტალია ითვლება, უფრო ზუსტად კი, რომი. მის მოსამზადებლად მხოლოდ ყავის ნატურალურ მარცვლებს, ლიმონის ახალგამოწურულ წვენსა და ცედრას იყენებენ.
მოგეხსენებათ ლიმნის წვენს უნიკალური თვისება აქვს -ამცირებს კოფეინის ნეგატიურ ზეგავლენას ორგანიზმზე. მისი მიღება პრაქტიკულად ყველას შეუძლია. რამდენიმე რჩევა ექიმებისგან თუ რატომ არის სასარგებლო ყავა „რომანო“
1. რომანო სასარგებლოა მათთვისაც, ვისაც უმადობა აწუხებს. ეს ყავა კუჭს აიძულებს, არ იზარმაცოს და წვენი გამოიმუშაოს. უმჯობესია, თუ რომანოს ჭამის შემდეგ დალევთ.
2. სასარგებლოა მათთვის, ვინც ბევრს მუშაობს, ცოტა სძინავს და სასიცოცხლო ძალების ნაკლებობას განიცდის. იმისთვის, რომ რომანომ მაქსიმალური სარგებელი მოგიტანოთ, დალიეთ დილით ადრე, საუზმიდან 40-60 წუთის შემდეგ.
3.კოფეინი ცენტრალურ ნერვულ სისტემას ასტიმულირებს, აძლიერებს სისხლის ცირკულაციას, ანორმალიზებს გაცვლით პროცესებს და ორგანიზმიდან ტოქსინებს გამოდევნის. ამ ფაქტორების გათვალისწინებით, ყავა გაცივების საწინააღმდეგო საშუალებად შეგვიძლია გამოვიყენოთ და თუ მას ლიმონსაც დავუმატებთ, მისი გამაჯანსაღებელი ეფექტი გაორმაგდება
მასალა მოამზადა : ლაშა ჟინჭარაძემ
ახალგაზრდა ანალიტიკოსთა და მეცნიერთა დარბაზი – ,,დოქტრინა”
არსებობის ისტორიაში ჰოლივუდი თითქმის ყველა პერიოდში ქმნიდა ჟურნალისტებსა და რეპორტიორების შესახებ საინტერესო ფილმებს. უმრავლესობა მათგანი დადებითი შეფასებებითა და საყოველთაო აღიარებით გამოირჩევა. ის რაც ჩამოთვლილ ხუთივე ფილმს აერთიანებს, ამერიკის კინოაკადემიის ჯილდოებია, მათგან ოთხი კი რეალური მოვლენების მიხედვითაა გადაღებული:
1.„All the President’s Men“ (1976) – რეჟისორ ალან ჯ. პაკულას
2.“Network“ (1976) – სიდნი ლიუმეტის ფილმი
3.„Good Night, and Good Luck“ (2005)
4.„Spotlight“ (2015) – ოსკარების დაჯილდოების გამარჯვებული ფილმი, დაფუძნებულია რეალურ ისტორიაზე
5.„The Post“ (2017) – სტივენ სპილბერგის ფილმი
წყარო : Inc.com
მასალა მოამზადა : ლაშა ჟინჭარაძემ
ახალგაზრდა ანალიტიკოსთა და მეცნიერთა დარბაზი – ,,დოქტრინა”
კომპანია Microsoft-ის დამფუძნებელმა, ამერიკელმა მილიარდერმა ბილ გეითსმა ფუტურისტული ტუალეტი წარმოადგინა, რომელსაც წყალი და საკანალიზაციო მილები არ ჭირდება და ფეკალურ მასებს ქიმიკატების საშუალებით ამუშავებს.
როგორც ბილ გეითსმა როიტერსთან საუბარში განაცხადა, ტუალეტის სხვადასხვა ნაწილი სხვადასხვა ქვეყანაშია დამზადებული. ზოგი -ჩინეთში, ზოგი ტაილანდში, ზოგი კი – შეერთებულ შტატებში.
ტუალეტი, რომელიც გეითსის განცხადებით, ბაზარზე გასატანად მზადაა, იმ სამეცნიერო პროექტების იდეაა, რომელსაც ბილ და მელინდა გეითსების ფონდი აფინანსებს. ეს გახლავთ მსოფლიოს უდიდესი ფილანტროფული ორგანიზაცია.
ბილ გეითსის განმარტებით, ახალ ტუალეტსა და დღევანდელ ტუალეტებს შორის დაახლოებით ისეთი განსხვავებაა, როგორიც თანამედროვე კომპიუტერსა და თავდაპირველად შექმნილ კომპიუტერს შორის.
არასათანადო სანიტარული მდგომარეობის გამო მსოფლიოში ყოველწლიურად ნახევარი მილიონი ხუთწლამდე ასაკის ბავშვი იღუპება, ხოლო ჯანდაცვის ხარჯები 200 მილიარდ აშშ დოლარს აღწევს.
გეითსის ფონდმა პროექტზე დაახლოებით 200 მილიონი აშშ დოლარი დახარჯა და იმისათვის, რომ ტუალეტები ფართომასშტაბიანი დისტრიბუციისთვის იყოს ხელმისაწვდომი სავარაუდოდ დამატებით იმავე რაოდენობის თანხაა საჭირო.
აღსანიშნავია, რომ გეითსის ფონდმა ტუალეტის პრეზენტაცია ჩინეთში გამართა, რომლის პრეზიდენტმა სი ძინპინი ქვეყანაში სამწლიანი „ტუალეტის რევოლუცია“ დააანონსა, რომლის ფარგლებში 2020 წლისთვის 64,000 საზოგადოებრივი ტუალეტის მშენებლობა იგეგმება, რომლის მიზანი ტურიზმის განვითარება და ეკონომიკის ზრდაა.
გეითსი აცხადებს, რომ შემდგომი ნაბიჯი მწარმოებლების წახალისებაა. მისი პროგნოზის მიხედვით, 2030 წლისთვის ტუალეტების ბაზარი 6 მილიარდ დოლარს მიაღწევს.
წყარო : https://www.reuters.com
მასალა მოამზადა : თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”
მეცნიერება მეტ-ნაკლები დამაჯერებლობით ცდილობს ახსნას სამყაროში მომხდარი თუ არსებული პარადოქსები და სასწაულები. მეცნიერების სწრაფმა განვითარებამ XX ს. საშუალება მოგვცა ადამიანური წარმოსახვის დონეზე ჩავწვდომოდით ბიბლიურ მტკიცებულებებს. XX ს. კაცობრიობამ დაიწყო კოლოსალური მნიშვნელობის აღმოჩენათა სერია: მეცნიერებამ დაამტკიცა სამყაროს წარმოშობის ბიბილური ვერსია “დიდი აფეთქების თეორიის” სახით; მოხდა ქრისტეს კვართის ე.წ. ტურინის სუდარის აუტენტიფიკაცია და ა.შ. მიუხედავად ამისა, მეცნიერება ვერ ხსნიდა ქრისტესა და წმინდანების ერთ-ერთი სასწაულის – წყალზე სიარულის ფენომენს. რამოდენიმე ხნის წინ თანამედროვე მეცნიერება დაინტერესდა წყლით და დაიწყო მისი გამოკვლევა უახლესი ტექნოლოგიებით. ამ გამოკვლევებმა, რომლებიც პარალელურად რამოდენიმე ქვეყანაში ტარდება, საოცარი შედეგები გვიჩვენეს…
მიუხედავად იმისა, რომ მკვდარი ზღვის წყალი ძლიერ მარილიანია და სიმჭიდროვე ყველა სხვა წყალზე მაღალი აქვს (1,3-1,4 გ/სმ2 ) მასზე სიარული რა თქმა უნდა მაინც შეუძლებელია. აქედან გამომდინარე სულ ბოლო დრომდე მეცნიერულად არ დასტურდებოდა ამგვარი ფენომენის შესაძლებლობა ფიზიკურად. როგორც გაირკვა, მეცნიერებას XXI ს.-მდე ძლიერ მწირი ინფორმაცია გააჩნდა წყალზე. ეს სუბსტანცია ძალზედ იდუმალი და ცვალებადი აღმოჩნდა. უფრო მეტიც, შეიძლება ითქვას, რომ ის ცოცხალია!
პირველად მეცნიერებაში ტერმინი “ცოცხალი წყალი” 1920 წ. -დან გაჩნდა, როდესაც ავსტრიელმა ინჟინერ-ჰიდროლოგმა ვიქტორ შაუბერგერმა აღმოაჩინა, რომ ბუნებრივ მდგომარეობაში წყალს აქვს გარკვეული ვიტალური ძალა. მილებში გავლისას წყალი კარგავს თავისი ელექტრონების ნაწილს, რის გამოც მისი მოლეკულების გეომეტრიული სტრუქტურა ირღვევა. თუ გამოვიკვლევთ წყაროს წყალს, მაშინ შევნიშნავთ ფიფქის მსგავს ექვსკუთხოვან სტრუქტურებს. დაახლოებით ამგვარი სტრუქტურა შეინიშნება ახალშობილი ბავშვის უჯრედშორის სითხეში, მაგრამ დროთა განმავლობაში რადიაციის და სხვა დამაბინძურებელი ფაქტორების შედეგად ეს სტრუქტურა ირღვევა; იწყება სხვა და სხვა სახის დაავადებები, დაბერება (თავდაპირველად ჯერ უჯრედულ დონეზე) და ა.შ. შაუბერგერმა დაამუშავა ახლებური მიდგომა წყლის შესაფასებლად, და როგორც ეკოლოგმა შეძლო კიდეც გარკვეული პრაქტიკული სარგებლის მიღება.
სამწუხაროდ, ზეწოლისა და კრიტიკის შედეგად შაუბერგერი თანდათან გაუჩინარდა მეცნიერული სპექტრიდან. სულ რამოდენიმე წლის წინ დიდი მეცნიერის შრომებმა დამსახურებული აღიარება მოიპოვეს. წყლის შესწავლა ერთდროულად რამოდენიმე ქვეყანაში დაიწყო. თანამედროვე მეცნიერებაში წყლის მკვლევართა შორის ერთ-ერთი სახელგანთქმული და ავტორიტეტული მკვლევარი, რუსი მეცნიერი სტანისლავ ზენინი (რუსეთის ჯანდაცვის სამინისტროს ლაბორატორიის ხელმძღვანელი) თვლის, რომ წყალს აქვს უნიკალური თვისებები, რომლებიც განპირობებულია ე.წ. “ინფორმაციულ-ფაზურ მდგომარეობაში” სტრუქტურული მეხსიერების გამოვლენის ფენომენით. წყალს შეუძლია მიიღოს, დაიმახსოვროს და გადასცეს ინფორმაცია ელექტრომაგნიტური რხევების შედეგად!
რუსმა მეცნიერმა წყლის გამოკვლევა დაიწყო ჯერ კიდევ 1995 წლიდან. ზენინის გამოკვლევებმა გვიჩვენეს, რომ წყალი შედგება კლასტერული უჯრედებისგან, რომლებიც მინიატურულ ბიოკომპიუტერებს წარმოადგენენ. ადამიანი 70% წყლისგან შედგება, აქედან გამომდინარე მასზე დიდ ზემოქმედებას ახდენენ გარე ფაქტორები, მაგ. ქიმიური, ელექტრომაგნიტური, მექანიკური და ა.შ. წყლის მოლეკულები ზემოქმედების შედეგად “გადაეწყობიან” და იცვლიან თავიანთ გეომეტრიულ წყობას. აღსანიშნავია, რომ ზემოქმედებას ახდენს ადამიანთა ურთიერთობაც. ზემოქმედების შედეგად იცვლება აგრეთვე დნმ-ს მოლეკულა, რომელიც შესაძლოა სრულიად განადგურდეს. სენსაცია მოახდინა ნაკურთხი წყლის გამოკვლევის შედეგებმა.
მრავალრიცხოვანმა გამოკვლევებმა დაადასტურეს, რომ ნაკურთხი წყალი მართლაც, დიდხანს არ “ფუჭდება” და მას შეუძლია მრავალი დაავადების განკურნება; ურთულესი დაავადებები კი იკურნება განსაკუთრებულად ნაკურთხი წყლით (ე.წ. трёхзвонная вода) შემდეგი მეთოდით: წყალს აკურთხებენ სამ მართმადიდებლურ ეკლესიაში, რომელთა ზარის ხმაც არ უნდა სწვდებოდეს ერთმანეთს. მღვდლებს ან ბერებს წყალი მდუმარედ მოაქვთ და შემდეგ აერთებენ. ასეთ წყალს საოცარი აღმდგენი თვისებები გააჩნია! პროფესორ პავლე გოსკოვის ლაბორატორიაში ჩაატარეს საინტერესო ექსპერიმენტი: ნაკურთხი წყალი გაურიეს ჩვეულებრივ წყალში, რომელიც სხვადასხვა ზომის ჭურჭელში იყო მოთავსებული.
მიუხედავადიმისა, რომ თანაფარდობა იყო უმნიშვნელო (დაახლ. 10 გ./60 ლ.) შემდგომმა ანალიზმა ცხადყო, რომ უბრალო წყალი მთლიანად გადაიქცა ნაკურთხ წყლად, როგორც სტრუქტურულად, ისე ბიოლოგიური თვისებებით. გამოკვლევათა შედეგები განსაკუთრებულად თვალსაჩინოდ წარმოაჩინეს იაპონელმა მეცნიერებმა მასარუ ემოტოს (იოკოჰამის უნივერსიტეტის პროფესორი, მეცნიერებათა დოქტორი მედიცინაში) ხელმძღვანელობით. დოქტორმა ემოტომ ჩაატარა ძვირადღირებული ექსპერიმენტები; მან გაყინა წყალის წვეთი -5°С და მიკროსკოპით დააკვირდა წარმოქმნილ კრისტალებს, შემდეგ კი მიკროსკოპში ჩამონტაჟებული ციფრული ფოტოკამერით გადაიღო უნიკალური სურათები. ემოტომ სხვა და სხვა სახის ზემოქმედება მოახდინა წყალზე, ისევ გაყინა, სურათები გადაუღო და ერთმანეთს შეადარა. დადგინდა, რომ წყლის მოლეკულარულ სტრუქტურას ცვლის ადამიანის ენერგია, ფიქრები, ხმები…
–
იოანეს სახარებაში აღწერილია შემთხვევა, როდესაც მაცხოვარმა წყალი სთხოვა სამარიელ ქალს. მან კი გაიკვირვა, რადგან სამარიელები და იუდეველები ერთმანეთთან არ ურთიერთობდნენ. ქრისტემ მიუგო მას: “შენ რომ იცოდე ღვთიური ნიჭი და ის, თუ ვინ გეუბნება, წყალი დამალევინეო, მაშინ შენ თვითონ სთხოვდი მას და ისიც მოგცემდა ცოცხალ წყალს” (იოან. 4:10). შემდეგ ქრისტე განმარტავს: “…ხოლო ვინც დალევს წყლიდან, რომელსაც მე მივცემ მას, საუკუნოდ არ მოსწყურდება; რადგან წყალი, რომელსაც მე მივცემ, მასში გადაიქცევა წყლის წყაროდ, რომელიც საუკუნო სიცოცხლედ იდინებს.” (იოან. 4:14). სახარებისეული ეს სიტყვები ჩვეულებრივ განიმარტება, როგორც საუბარი რწმენაზე. თუმც, ვინ იცის… მაცხოვარი ყოვლისშემძლეა და შეუძლია წყლით განკურნება. არამარტო წყლით, არამედ საერთოდ სითხით. გავიხსენოთ შემთხვევა, როდესაც ქრისტემ განკურნა ბრმა: ქრისტემ “…მიწაზე დააფურთხა, ფურთხით ტალახი მოზილა და თვალებზე წაუსვა ბრმას, უთხრა “წადი და დაიბანე სილოამის აუზში”. წავიდა, მოიბანა და მოვიდა თვალახელილი.” (იოან. 9:6-7).
მეცნიერებისთვის განსაკუთრებით მნიშვნელოვანი იყო აგრეთვე წყალზე სიარულის სასწაულის ახსნა. სახარებაში აღწერილია მომენტი, როდესაც ქრისტე და მოწაფეები ზღვაში ნავით მიცურავდნენ. უცაბედად, გრიგალი ამოვარდა. მოწაფეები პანიკაში ჩავარდნენ და მაცხოვარი გააღვიძეს. ქრისტე “წამოდგა და შერისხა ქარი და უთხრა ზღვას: დადუმდი, ჩადექ!” (მარკ. 4:38-39). სხვა შემთხვევაში ქრისტე ხმელეთზე იყო, ხოლო მოწაფეები ნავით ზღვაში გავიდნენ. ამ დროს ამოვარდა ღელვა. “…მივიდა მათთან იესო პირდაპირ ზღვაზე სვლით. მოწაფეებმა ზღვაზე მავალი რომ დაინახეს, შეძრწუნდნენ და თქვეს: ეს მოჩვენებააო, და შიშისაგან შეჰყვირეს” (მათ. 14:24-26). წყალი ისევ დამშვიდდა. დაახლოებით იგივე მოვლენას ჰქონდა ადგილი, როდესაც მოსემ ზღვა ორად გაჰყო. ებრაელებმა ფსკერზე მშვიდობით გაიარეს, ხოლო ეგვიპტელები წყალმა შთანთქა (გამოს. 14:21, 26). მეცნიერებმა დაადგინეს, რომ სულიერი ძალა რეალურად მართავს წყალს; აწესრიგებს და “ამშვიდებს” მას.
ჩნდება კითხვა, შეიძლება თუ არა სრულიად განწმენდილი წყლის მიღება? როგორც გაირკვა, არა. არც ბუნებაში არ არსებობს იდეალურად წმინდა წყალი. აბსოლუტურად წმინდა წყალს, მეცნიერთა აზრით ისეთი თვისებები ექნებოდა, რომ წარმოსახვაც კი გაგვიჭირდებოდა. პროფესორ პავლე გოსკოვის ლაბორატორიაში უდიდესი შრომის ფასად მიიღეს წმინდა წყალი მომცრო, სულ რაღაც 2,5 სმ. დიამეტრის კოლბაში. შედეგმა ყველა გააოცა. მოლეკულათა შეჭიდების ძალა იმდენად დიდი აღმოჩნდა, რომ მის გასახლეჩად მეცნიერებს დასჭირდათ 900 კგ. ძალის გამოყენება!
ასეთი წყლის ტბაზე ან ზღვაზე არა თუ ადამიანი, ტანკიც კი თავისუფლად გადავიდოდა; ციგურებით სრიალიც კი იქნებოდა შესაძლებელი! მაცხოვარი თავისი სულიერი ძალით განწმენდდა და ამშვიდებდა ყოველგვარ სითხეს. ქრისტეს მიერ განწმენდილ წყალს კი ადამიანთა მიერ განწმენდილი წყალი ვერ შეედრება, უდაოდ. როგორც მეცნიერები გვირჩევენ, ყოველთვის უნდა ვეცადოთ მივიღოთ ცოცხალი წყალი, რომელსაც, როგორც ზემოთ ავღნიშნეთ, განკურნების დიდი ძალა აქვს.
წყარო:Dრონი
ახალგაზრდა ანალიტიკოსთა და მეცნიერთა დარბაზი ,,დოქტინა”
