close

ეს საინტერესოა

ეს საინტერესოამსოფლიო

3 რამ, რაც 21-ე საუკუნემ შეცვალა

1.07K views on

ბოლო წლებია, რაც მსოფლიოში ბევრი რამ შეიცვალა, მათ შორის, ტექნოლოგიურ სფეროში.

წარმოიდგინეთ 1998 წელი, როდესაც მობილური ტელეფონები იშვიათობა იყო, ინტერნეტი კი ბევრისთვის ხელმიუწვდომელი. დღეს ყველაფერი სხვაგვარადაა, მსოფლიო შეიცვალა.

1.მსოფლიო მოსახლეობა მნიშვნელოვნად გაიზარდა– 1998 წელს მსოფლიოში 5,9 მილიარდი ადამიანი ცხოვრობდა. ბოლო 20 წლის განმავლობაში კი,  ეს მაჩვენებელი 7,6 მილიარდამდე გაიზარდა.

2.20 წლის წინ უპილოტო ავტომანქანები წარმოუდგენელი იყო, დღეს კი ბევრი კომპანია, მათ შორის ”Tesla“, ”GM“, ,,Ford-ი“, „Uber-ი“, „Google-ი“ და „Apple-ი“ მუშაობენ უპილოტო ავტომანქანების შექმნაზე.

3. სოციალური ქსელები იპყრობს მსოფლიოს– ინტერნეტის გამოყენების ერთ-ერთი ყველაზე ძლიერი გზა არის სოციალური ქსელები. ყოველდღიურად სულ უფრო და უფრო მეტი ადამიანი რეგისტრირდება.

 

 

 

წყარო: Forbes.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიოლოგიაეს საინტერესოაკვლევებიმედიცინამსოფლიო

მეცნიერებმა ტვინის სიმსივნით დაავადებულების სიცოცხლის გახანგრძლივება შეძლეს

1.55K views on

მედიკოსებმა გენმოდიფიცირებული პოლიოვირუსის საშუალებით, ტვინის სიმსივნის განუკურნებელი ფორმით დაავადებული პაციენტების სიცოცხლის გახანგრძლივება შეძლეს.

როგორც მკვლევარებმა სამშაბათს განაცხადეს, კლინიკური ცდის პირველმა საფეხურმა აჩვენა, რომ პაციენტების 21 პროცენტი (ყველა მათგანს დაავადების რეციდივი აღენიშნებოდათ) ვირუსის მკურნალობის შედეგად 3 წლის შემდეგაც ცოცხალი იყო, მაშინ, როცა ეს მაჩვენებელი ტრადიციული ქიმიოთერაპიის გამოყენებისას მხოლოდ 4 პროცენტია.

ცდაში, რომელიც Duke Cancer Institute-ში ჩატარდა, გლიობლასტომით დაავადებული პაციენტები მონაწილეობდნენ.

გლიობლასტომა ცენტრალური ნერვული სისტემის ავთვისებიანი სიმსივნეა, რომელიც ვითარდება ნეიროგლიის უჯრედებისაგან. დაავადება იწვევს შეტევებს, თავის ტკივილს, მხედველობის დაბინდვას და გონების არევას. აქტიური მკურნალობის პირობებშიც კი, გლიობლასტომით დაავადებული ადამიანები 20 თვეზე ნაკლებს ცოცხლობენ, რეციდივის შემთხვევაში კი – პაციენტები ერთი წლის განმავლობაში იღუპებიან.

მეცნიერებმა მოდიფიცირებული ვირუსის მკურნალობის უსაფრთხოებისა და სწორი დოზის დასადგენად ,,ფაზა 1 ცდა” 2012 წელს დაიწყეს.

პაციენტებს ტვინში კათეტერი ჩადგეს და გენეტიკურად მოდიფიცირებული პოლიოვირუსის ინფუზია უშუალოდ სიმსივნეში განახორციელეს. ვირუსი განკუთვნილია იმისათვის, რომ სიმსივნის უჯრედებზე იმოქმედოს და იმუნური სისტემის რეაგირება გამოიწვიოს.  

პოლიომკურნალობა ერთ-ერთი „ონკოლიტური ვირუსია“, რომელიც განიხილება, როგორც ანტისიმსივნური აგენტი. ,,ფაზა 1 ცდის” შედეგი შემდეგია: 61 პაციენტში გადარჩენის საშუალო მაჩვენებელი – 12.5 თვე, ხოლო „ისტორიულად კონტროლირებადი ჯგუფის“ (შედარებისთვის გამოყენებული პაციენტები, რომლებსაც მანამდე სტანდარტული ქიმიოთერაპიით მკურნალობდნენ და პოლიო ვირუსის ცდის კრიტერიუმები დააკმაყოფილეს), შემთხვევაში, ეს მაჩვენებელი 11,3 თვეა.  

მეცნიერებმა ,,Duke-სა” და სამ სხვა სამედიცინო ცენტრში ,,ფაზა 2 ცდა” დაიწყეს, რათა  მოეხდინათ შედარება პოლიოვირუსით მკურნალობა + ქიმიოთერაპიული მედიკამენტი vs. მხოლოდ ვირუსი. აღსანიშნავია, რომ მედიკოსები ცდების ჩატარებას მკერდის კიბოსა და მელანომაზეც აპირებენ.

ის მეცნიერებიც კი, რომლებიც პოლიოვირუსით მკურნალობის მეთოდს ეჭვის თვალით უყურებდნენ და აცხადებდნენ, რომ უსაფრთხოების დასადგენად ჩატარებული ცდებისა და მასში მონაწილე პაციენტების რაოდენობა საკმარისი არ იყო, სამშაბათს გამოქვეყნებულ შედეგებს მიესალმნენ და განაცხადეს, რომ „შედეგები ძალიან საინტერესოა და საკმარის საფუძველს იძლევა კვლევის გასაგრძელებლად”.

წყარო: https://www.sciencealert.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოამსოფლიო

„კოსმოსური სამეფო“ მოსახლეობას დედამიწის მიღმა ცხოვრებას სთავაზობს

1.32K views on

თუ მიიჩნევთ, რომ სამყარო უსამართლობით არის სავსე და აქედან გაქცევის სურვილი გაქვთ, გირჩევთ, ასგარდიას მოქალაქე გახდეთ.

ასგარდია სულ რაღაც 20 თვის წინ დაარსდა და მას უკვე 200 000 მოქალაქე, კონსტიტუცია და არჩეული პარლამენტი ჰყავს. მისი ლიდერია იგორ აშურბეილი, რომლის ინაუგურაციც ორშაბათს გაიმართა.

ასგარდიას გრანდიოზული ამბიციები აქვს:  10 წლის განმავლობაში მოსახლეობის 150 მილიონამდე გაზრდა იგეგმება. გარდა ამისა, სურს შექმნას ხელოვნური გრავიტაციის მქონე „კოსმოსური კიდობნები“, სადაც ადამიანები მუდმივად იცხოვრებენ.

,,ეს დღე აუცილებლად ჩაიწერება კაცობრიობის ისტორიაში, როგორც ერთ-ერთი უდიდესი მოვლენა. ჩვენ დავაარსეთ ყველა სამთავრობო შტო. შემიძლია, თამამად განვაცხადო, რომ იშვა ასგარდია- პირველი კოსმოსური სახელმწიფო,” – განაცხადა აშურბეილმა საკუთარ ინაუგურაციაზე სიტყვით გამოსვლისას, რომელიც ვენაში გაიმართა.

სახელწოდება ასგარდია ასგარდისგან (ერთ-ერთი ცხრა სამყაროდან სკანდინავიურ რელიგიაში და ასების ტომის ღმერთების სახლი) მომდინარეობს. რუსი ინჟინერი, კომპიუტერული მეცნიერი და ბიზნესმენი  აშურბეილი აცხადებს, რომ ასგარდიას მოქალაქეები მსოფლიოს 200-ზე მეტ ქვეყანაში ცხოვრობენ, მათ შორის, 193 – გაეროს წევრი სახელმწიფოა. მოქალაქეობის მიღება  ონლაინრეგისტრაციის საშუალებით უფასოდაა შესაძლებელი.

აშურბეილის განცხადებით, მისი მიზანი 5-7 წელიწადში ისეთი თანამგზავრების შექმნაა, რომელთა საშუალებითაც გლობალური მასშტაბით ინტერნეტის მიწოდება გახდება შესაძლებელი. „კოსმოსური კიდობნების“ ამოქმედება კი 10-15 წელიწადში იგეგმება. „კოსმოსური სამეფოს“ ლიდერის საბოლოო მიზანი კი უახლოესი 25 წლის განმავლობაში მთვარეზე მუდმივი საცხოვრებლის შექმნაა.

ასგარდიის მოქალაქეობის საწევრო გადასახადი წელიწადში 100 ევროა.

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
დედამიწაეს საინტერესოამსოფლიო

კოკო – გორილა, რომელიც ადამიანებს ჟესტების ენით ესაუბრებოდა, 46 წლის ასაკში გარდაიცვალა

1.86K views on

გორილა, სახელად კოკო, რომელსაც ადამიანებთან ჟესტების ენით საუბარი შეეძლო, კალიფორნიაში, 46 წლის ასაკში გარდაიცვალა.

ინსტრუქტორებმა კოკოს, რომლის IQ 75-95 იყო,  ამერიკული ჟესტების ენის 1,000-ზე მეტი ნიშანი ასწავლეს. მას სასაუბრო ინგლისურის 2000-მდე სიტყვის მნიშვნელობაც ესმოდა.

პლანეტის ყველაზე ცნობილი გორილა კოკო 1971 წლის 4 ივლისს  სან–ფრანცისკოს ზოოპარკში დაიბადა.

დაბადებიდან მოკლე ხანში პატარა კოკოსთან ფრენსის პეტერსონმა დაიწყო მუშაობა სტენფორდის უნივერსიტეტის სწავლულების მიერ შემუშავებული პროგრამით და „ქალბატონ“ კოკოს ჟესტების ენაზე „ლაპარაკი“ ასწავლა.

კოკოს შესაძლებლობებში ბევრ მეცნიერს ეპარებოდა ეჭვი, თუმცა გორილას შესახებ არაერთი დოკუმენტური ფილმი გადაიღეს, ის ასევე არაერთი ჟურნალის გარეკანზე მოხვდა, მათ შორის – ,,National Geographic-ის.“

წყარო: https://www.bbc.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ანალიტიკადედამიწაეკოლოგიაეს საინტერესოაკვლევებიმსოფლიო

ანტარქტიდამ 1992 წლიდან 3 ტრილიონი ტონა ყინული დაკარგა

1.26K views on

მეცნიერები აცხადებენ, რომ ანტარქტიდამ 1992 წლიდან 2017 წლამდე პერიოდში 3 ტრილიონი ტონა ყინული დაკარგა.

მსოფლიოს სხვადასხვა ქვეყნის 80-ზე მეტმა მეცნიერმა ყინულის საფარის გასაზომად სატელიტური მონაცემები გამოიყენა. მათი გაანგარიშებით, გლობალური ზღვის დონე აღნიშნულ პერიოდში 7.6 მილიმეტრით გაიზარდა.

ყველაზე მეტად შემაშფოთებელი კი ის ფაქტია, რომ ყინულის დნობის პროცესი ბოლო წლებში საგრძნობლადაა დაჩქარებული.

2012 წლამდე ყინულის დნობის მაჩვენებელი ძირითადად სტაბილური იყო და წელიწადში 76 მილიარდ ტონას აღწევდა, შესაბამისად, ზღვის დონე 0.2 მილიმეტრით მატულობდა. 2012 წლიდან კი ეს მაჩვენებელი გასამმაგდა და წელიწადში 219 მილიარდი ტონა შეადგინა, ოკეანის დონე კი  0.6 მილიმეტრით იზრდება.

,,მონაცემები გვიჩვენებს, რომ პრობლემა არა მხოლოდ არსებობს, არამედ ყოველწლიურად კატასტროფულად იზრდება,” – განაცხადა ნასას მკვლევარმა – იზაბელა ველიკოგნამ.

მეცნიერები აცხადებენ, რომ თუ არსებული ტენდენცია შენარჩუნდება, 2070 წლისთვის გლობალური ტემპერატურა 3.5°C -ით, ზღვის დონე კი – ყოველწლიურად 10-15 მილიმეტრით მოიმატებს.

უფრო შორს თუ წავალთ, მომავალ 10,000  წელიწადში ზღვის დონე 50 მეტრით აიწევს, ამ ზრდის 80 პროცენტი ანტარქტიდის ყინულის საფარის დნობით იქნება გამოწვეული.

თუმცა, ასე პესიმისტურადაც ნუ განვეწყობით, ეს პროგნოზი იმ შემთხვევაში გამართლდება, თუ მსოფლიოში დაბინძურებისა და სათბური აირების ემისიის შემცირება არ მოხდება. მეცნიერები კი აცხადებენ, რომ ბოლო წლებში განახლებადი ენერგიის გამოყენების ზრდა და ემისიების შემცირება ფიქსირდება, ეს კი თავის მხრივ, გლობალური ტემპერატურის ზრდასაც შეამცირებს.

 

წყარო: https://www.sciencealert.com/

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
გეოგრაფიადედამიწაეს საინტერესოასამართალისაქართველო

წითელი ნუსხით დაცული სახეობების ყიდვა-გაყიდვა და დატყვევება 2000 ლარით დაჯარიმდება

1.7K views on

საქართველოს გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტი, გარეული ცხოველების/ფრინველების უკანონო ყიდვა-გაყიდვისა და მათი დატყვევების ფაქტების გამოვლენის მიზნით კონტროლს ახორციელებს – წითელი ნუსხით დაცული სახეობების ყიდვა-გაყიდვა და დატყვევება 2000 ლარით დაჯარიმდება.

ადმინისტრაციულ სამართალდარღვევათა კოდექსში ცვლილებების შეტანის შემდგომ, საქართველოს „წითელ ნუსხაში“ შეტანილ, გადაშენების საფრთხის წინაშე მყოფ გარეულ ცხოველთა (ფრინველთა) მოსპობა ან მათი კვერცხის ნადების, კვერცხის, ბუნაგის და სხვა ნაგებობების განადგურება, რასაც შეიძლება მოჰყვეს მათი დაღუპვა, რაოდენობის შემცირება ან საბინადრო გარემოს დარღვევა, ან/და კანონით გათვალისწინებულ განსაკუთრებულ შემთხვევებში ცხოველთა მოპოვება მათი მოპოვებისათვის დადგენილი შეზღუდვების ან/და პირობების დარღვევით, მათი სათანადო ნებართვის გარეშე ყიდვა-გაყიდვა ან დატყვევება გამოიწვევს დაჯარიმებას 2 000 ლარის ოდენობით, სამართალდარღვევის იარაღის კონფისკაციით ან უამისოდ და სამართალდარღვევის ობიექტის კონფისკაციით.

რაც შეეხება, იმ სახეობებს, რომლებიც არ არის შეტანილი საქართველოს „წითელ ნუსხაში“ – მათი  უკანონოდ დატყვევება, უკანონოდ მოპოვებული ცხოველთა სამყაროს ობიექტით, მისი დერივატით ან მისგან გამომუშავებული პროდუქციით ვაჭრობა გამოიწვევს დაჯარიმებას 1000 ლარის ოდენობით, უკანონოდ მოპოვებული ცხოველთა სამყაროს ობიექტის, მისი დერივატის ან მისგან გამომუშავებული პროდუქციის კონფისკაციით.

საქართველოს გარემოს დაცვისა და სოფლის მეურნეობის სამინისტროში მოქმედებს ცხელი ხაზი – 153, მოქალაქეებს შესაძლებლობა აქვთ გააკეთონ შეტყობინება ამ და სხვა ტიპის  გარემოსდაცვითი დანაშაულის შესახებ და მიიღონ ინფორმაცია, მათთვის მნიშვნელოვან გარემოსდაცვით საკითხებზე.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოაისტორიაკულტურასაქართველო

დღეს აკაკი წერეთლის დაბადების დღეა – საინტერესო ფაქტები მისი ცხოვრებიდან

3.83K views on

აკაკი წერეთელი 1840 წლის 21 ივნისს სოფელ სხვიტორში დაიბადა.  აკაკის მამა – როსტომ წერეთელი კარგი მოჭადრაკე,  გონებამახვილი და ენამოსწრებული მოსაუბრე ყოფილა, რასაც პოეტი თავის მოგონებებში ასე აღწერს:

„მამაჩემი… ძლიერი გონების კაცი იყო, მოსწრებული და ენა მჭევრი, თუმცა კი ხშირად ენამწარეც. დედაჩემი იტყოდა ხოლმე: „ამ ჩემ შვილებს მამამისის ენა გამოჰყვათ დახურდავებულიო“. ჩვენ ხუთნი და-ძმანი ვიყავით, ღვთის მადლით, არც ერთს არ გვქონია სუსტი ენა და აქედან შეგვიძლია ვიგულისხმოთ, თუ რა უნდა ყოფილიყო მამაჩემის დაუხურდავებელი ენა? სწორედ სასიამოვნო და საყვარელი სანახავი იყო მამაჩემი, როდესაც გუნებაზე იყო. იმას რომ სწავლა მიეღო და ცხოვრებაში განვითარება ჰქონოდა, შესანიშნავი რამე იქმნებოდა“.

აკაკის დედა – ეკატერინე, იმერეთის მეფის სოლომონ პირველისა  და  გურიის უკანასკნელი მთავრის, მამია გურიელის შთამომავალი იყო.

ოჯახში ხუთი შვილი იყო: ანა, დავითი, იასონი, აკაკი და მავრა.

ტრადიციის მიხედვით, პატარა აკაკი აღსაზრდელად ძიძას იქვე მდებარე სოფელ სავანეში მიაბარეს, სადაც ის უღარიბეს გლეხის ბავშვებთან ერთად გაიზარდა. როგორც თავად წერს მოგონებებში, ამან მასზე დიდი გავლენა მოახდინა: „არ შემიძლია არ გამოვტყდე, რომ, თუ კი რამ დარჩა ჩემში კარგი და კეთილი, უფრო იმის წყალობით, რომ მე სოფელში ვიყავი გაბარებული და გლეხის შვილებთან ერთად ვიზრდებოდი“ –  წერს აკაკი.

როგორც ცნობილია, პოეტს 8-10 წლის ბავშვს უკვე რამდენჯერმე ჰქონდა გადაკითხული „ვეფხისტყაოსანი“.

რაც შეეხება მის სიყვარულის ისტორას, როგორც ცნობილია, მისი მეუღლე ნატალია ბაზილევსკაია იყო. საინტერესოა, რას წერს ამაზე აკაკი:

„ნურავინ ნუ დაიჩემებს: მომავალში ამას ვიზამ, თუ იმასო! მე გადაწყვეტილი მქონდა გუნებაში, რომ ცოლი არ შემერთო და მერე ისიც უცხოელი, მაგრამ შემთხვევას ყველაფერი შესძლებია!“ 

პოეტმა ქალი რუსეთში ყოფნისას გაიცნო, მასზე დაქორწინდა. მათზე საკმაოდ ბევრი ჭორი დადიოდა, რაც აკაკის საკმაოდ სწყინდა.

აუცილებლად უნდა აღინიშნოს წერეთლის როლი ქართული სატირული ჟურნალისტიკის განვითარებაში – მისი რედაქტორობით გამოვიდა პირველი ქართული სატირული ჟურნალი ,,ხუმარა”, რომელიც საკმაოდ სარკასტული იყო და ამის გამო პოეტს რამდენიმე დღე ციხეში ყოფნაც კი მოუწია.

აკაკი ქართულ ენას ძალიან აფასებდა. აი, რას წერს ის თავის ერთ-ერთ წერილში:

„ძვირად, რომელიმე ხალხი გვეგულება, რომ ქართველებსავით მდიდარი ლექსიკონი ჰქონდეს… არა, ჩვენი ენა მდიდარი არის. ძვირად დარჩენილა ენა, რომელსაც არ შემოეწიროს ჩვენთვის რამდენიმე სიტყვა.”

პოეტი 1915 წლის 8 თებერვალს 75 წლის ასაკში ავადმყოფობის შედეგად გარდაიცვალა.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიეს საინტერესოაფიზიკა

სტივენ ჰოკინგის სიტყვები კოსმოსში გაგზავნეს

1.31K views on

ევროპის კოსმოსურმა სააგენტომ ცნობილი მეცნიერის, სტივენ ჰოკინგის სიტყვების ჩანაწერი კოსმოსში გაგზავნა,  როგორც ,,მშვიდობისა და იმედის გზავნილი“.

ცერემონია 15 ივნისს გაიმართა, როდესაც მეცნიერის ფერფლი ისააკ ნიუტონისა და ჩარლზ დარვინის საფლავების მახლობლად, ვესტმინსტერის საგრაფოში დაკრძალეს.

გზავნილი ევროპის კოსმოსური სააგენტოს ესპანეთში მდებარე სატელიტიდან გააგზავნეს და მას ფონად ბერძენი კომპოზიტორის ვანგელისის მუსიკა ახლდა.

პროფესორის ქალიშვილის ლუსის განცხადებით, ,,ეს მშვიდობისა და იმედის, ერთიანობისა და ამ პლანეტაზე ჰარმონიაში ცხოვრების” სიგნალია.

სტივენ ჰოკინგი 14 მარტს 76 წლის ასაკში გარდაიცვალა. პროფესორი, რომელსაც ამიოტროფული სკლეროზი ჰქონდა, სრულად პარალიზებული იყო და ხმის სინთეზატორის მეშვეობით საუბრობდა. იგი სწავლობდა რთულ საკითხებს სამყაროს შექმნის შესახებ, კერძოდ კი – სამყაროს შექმნისა და შავი ხვრელების თეორიებს.

წყარო: BBC

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოაკვლევებიმედიცინა

როგორ ცლიან ყავის მარცვლებს კოფეინისგან და რამდენად უსაფრთხოა ასეთი ყავა 

1.18K views on

ცნობილია, რომ ყავის მარცვლები კოფეინს შეიცავს. კოფეინი ბუნებრივი მატონიზირებელი საშუალებაა. იგი რამდენადმე ასტიმულირებს ტვინის ნერვულ  უჯრედებს, აუმჯობესებს ადამიანის ფიზიკურ ძალებს, ამცირებს დაღლილობას. თუმცა, ზოგჯერ, ყავის მარცვლებს ამუშავებენ და მას კოფეინს აცლიან, რის შედეგადაც, მომხმარებელს შეუძლია ეს სასიამოვნი სასმელი ისე მიიღოს, რომ ღამის ძილზე უარის თქმა არ მოუწიოს.  საინტერესოა, რამდენად უსაფრთხოა ჯანმრთელობისთვის და რამდენად ინარჩუნებს ყავა პირვანდელ არომატს.

არსებობობს ყავისგან კოფეინის გამოცლის რამდენიმე მეთოდი. ყველაზე გავრცელებული ხერხია ქიმიური გამხსნელი – ეთილის აცეტატი ან მეთილის ქლორიდი. პირდაპირი მეთოდის გამოყენებისას, ყავას ორთქლით ამუშავებენ და ქიმიური გამხსნელით ურევენ, არაპირდაპირი მეთოდის დროს კი – ქიმიური აგენტი მარცვლებს არ ეხება, არამედ ზემოქმედებს წყალზე, რომელშიც ყავას რამდენიმე საათის განმავლობაში ალბობენ. ამის შემდეგ, გამხსნელის საშუალებით წყლიდან კოფეინს აცლიან. ორივე პროცესის დროს ქიმიური გამხსნელის ნაწილი ყავის მწვანე მარცვლებიდან, ნაწილი კი – მოხალვის დროს ორთქლდება კოფეინგამოცლილ ყავაში უმცირესი რაოდენობით რჩება, რაც ჯანმრთელობისთვის უსაფრთხოა.

მეორე მეთოდი გახლავთ შვეიცარიის წყლის პროცესი, რომელიც მხოლოდ წყლისა და ნახშირბადის ფილტრაციაზეა დაფუძნებული. თავდაპირველად ყავის მარცვლებს ცხელ წყალში ალბობენ, ამის შედეგად, მიღებულ არომატით გამდიდრებულ წყალი (ე.წ. მწვანე ყავის ექსტრაქტი) ნახშირბადის ფილტრაციას გაივლის, რომელიც მხოლოდ კოფეინის დიდ მოლეკულებს იჭერს. უკოფეინო მწვანე ყავის ექსტრაქტს ყავის მარცვლების მომდევნო პარტიის გასაფილტრად იყენებენ. მარცვლებისგან კოფეინის ფილტრაცია ქიმიური აგენტების გარეშე, არომატული კომპონენტების შენარჩუნებით ხდება.

დაბოლოს, სუპერკრიტიკული ნახშირბადის დიოქსიდის მეთოდი, რომლის დროსაც, მაღალი ტემპერატურისა და წნევის პირობებში, ნახშირბადის დიოქსიდს (CO2) იყენებენ.  სუპერკრიტიკული CO2 ყავის მარცვლების ნაპრალებში გაზის მსგავსად აღწევს, მაგრამ კოფეინს წყლის მსგავსად შლის. ყავის მარცვლებს წყალში ალბობენ და, ამის შემდეგ, რამდენიმე საათის განმავლობაში, სუპერკრიტიკული CO2-ის ზემოქმედების ქვეშ აჩერებენ. კოფეინიანი CO2 თხევადდება და ორთქლდება და შემდეგ მარცვლები მუშავდება. იმის გამო, რომ ეს მეთოდი  ნახშირწყლებსა და ცილებს არ აზიანებს, გემოს ცვლილება, ამ მეთოდის შემთხვევაში, მინიმალურია.

წყარო: https://www.britannica.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოარობოტექნიკა

მსოფლიოში პირველი სახლის რობოტი – ჯიბო [ვიდეო]

2.5K views on

მსოფლიოს თითქმის ყველა კომპანია უკვე აქტიურადაა ჩართული რობოტებისა და ახალი ტექნოლოგიების გამოგონებაში, მათ შორის არის „Amazon-ი“ და „Google-ი“,  ბოლო რამდენიმე წელია, ისინი თავდაუზოგავად  მუშაობენ პერსონალურ რობოტთა დამუშავებაზე, თუმცა, აქამდე, ძირითადად, მათი პროდუქცია მანათობელი დინამიკით შემოიფარგლებოდა.

 ახალი რობოტი „Jibo“ ასეთი არ არის,  ის ,,Pixar-ის” ცნობილ პერსონაჟ ,,Ivo–ს“ ჰგავს, დიდი მრგვალი თავითა და სახით, რომელიც ემოციებს ანიმაციური აიკონკების საშუალებით გამოხატავს. ჯიბოს შეუძლია სიცილი, ცეკვა და თქვენი მითითებების შესრულება. ის მსოფლიოში პირველი სახლის რობოტია. ჯიბოს ფოტოებისა და ვიდეოების გადაღებაც შეუძლია. მას დასწავლის უნარიც აქვს. რობოტი აზროვნებს და აანალიზებს სიტუაციას.

ამ ყველაფრის წყალობით, რობოტი ძალიან ემსგავსება ადამიანს, რაც ბევრისთვის გამოწვევაა, მათში ცნობისმოყვარეობა იღვიძებს და ცდილობენ გამოიყენონ ხელოვნური ინტელექტით აღჭურვილი რობოტები.

წყარო: Engadget.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 … 59 60 61 62 63 … 95
Page 61 of 95