close

გამოგონება - ინოვაცია

გამოგონება - ინოვაციაკომუნიკაციასაქართველოტექნოლოგიები

„Georgian Hero” – სტარტაპერების პლატფორმა დროებითი სამუშაოს მაძიებელ ახალგაზრდებსა და კომპანიებს დააკავშირებს

1.73K views on

11დეკემბერს დასრულდა Garage48-ის მიერ ორგანიზებული ჰაკათონი “Gemification&Entertainment-ი”, რომელშიც 100-მდე მონაწილემ და მათმა გუნდებმა, ესტონელი მენტორების დახმარებით, 48 საათის განმავლობაში შეძლეს, რომ წარედგინათ საკუთარი ინოვაციური იდეები. გამარჯვებული კი გახდა 19-21 წლის ახალგაზრდებისგან დაკომპლექტებული გუნდი პროექტით „Georgian Hero”, რომლის შესახებაც მისმა ერთ-ერთმა წევრმა – მიშო თექთუმანიძემ ,,დოქტრინას” უამბო.

„Georgian Hero” არის აპლიკაცია, რომლის მეშვეობითაც ახალგაზრდები შეძლებენ მარტივად მოიძიონ სამუშაო, განსაკუთრებული აქცენტი კი, ობიექტური მიზეზების გამო, დროებით სამუშაოზე კეთდება, „გასულ ზაფხულში მინდოდა რაიმე მარტივი, დროებითი სამუშაოს მოძიება, თუმცა აღმოჩნდა, რომ საქართველოში ახალგაზრდისთვის, ფაქტობრივად, შეუძლებელია ასეთი სამსახურის მოძებნა. მეტიც, საქართველო ევროპაში პირველ ადგილზეა დაუსაქმებელი ახალგაზრდების რაოდენობის მიხედვით. თუმცა ჩვენმა კვლევამ აჩვენა, რომ კომანიებს ნამდვილად სჭირდებათ დროებითი თანამშრომლები, განსაკუთრებით, რაღაც ღონისძიებების დროს, მაგალითად, ახალი წლების პერიოდში ვინმე, ვინც შეფუთავს საჩუქრებს მაღაზიაში და ა.შ შესაბამისად, როგორც ახალგაზრდებში, ისევე კომპანიებში არსებობს დროებითი სამუშაოების საჭიროება, სწორედ ამიტომაც შევქმენით აპლიკაცია “Georgian Hero” -აღნიშნავს მიშო.

ახალგაზრდების დაინტერესების მიზნით აპლიკაციის თემა არის სუპერგმირი: ახალგაზრდები არიან გმირები, ხოლო სამუშაოები კვესტებია. მათ შესრულებისთვის ,,გმირი” არა მხოლოდ ფულად ანაზღაურებას მიიღებს, არამედ xp-ს და ზოგ შემთხვევაში – ბეჯებსაც.

პირველ ადგილზე გასვლისთვის გუნდმა „სტარტაპერისგან“ მიიღო 2000 ლარის ოდენობის დაფინანსება, მოგებული თანხა მოხმარდება პროდუქტის განვითარებასა და რეკლამირებას. აპლიკაცია, როგორც გუნდი ვარაუდობს, დაახლოებით, აპრილის თვეში უკვე ხელმისაწვდომი იქნება მომხმარებელისთვის.

მასალა მოამზადა:  თამარ დევდარიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ასტრონომია - კოსმოსიგამოგონება - ინოვაციასაქართველო

ახალციხელი ახალგაზრდების იდეა, მარსზე ჟანგბადის წარმოქმნის შესახებ, კოსმოსური ჰაკათონის გამარჯვებულია

3.39K views on

1-3 დეკემბერს, არასამთავრობო ორგანიზაცია „დემოკრატიის ლაბორატორიის“ ორგანიზებით  გაიმართა პროექტის „კოსმოსური ჰაკათონის“ ფინალი. კონკურსში მონაწილეობა 18-დან 25 წლამდე ახალგაზრდებს შეეძლოთ მთელი ქვეყნის მასშტაბით, ხოლო რაც შეეხება ჰაკათონის მთავარ თემას, ეს გახლდათ  მარსის კოლონიზაცია და მონაწილე გუნდებს სწორედ ამ საკითხის შესახებ უნდა შეემუშავებიინათ იდეები. ფინალში გასული 14 საუკეთესო გუნდიდან, გამარჯვება ორ ახალციხელ ახალგაზრდის  – დავით ხუციშვილსა და სალომე თათოშვილის გუნდს სახელად – „ყველგან ყოველთვის“ ხვდა წილად, მეგობრებმა თავად გვიამბეს საკუთარი წარმატების შესახებ.

დავით ხუციშვილი და სალომე თათიშვილი 18 წლის ახალგაზრდები არიან,  დავითი სან დიეგოს სახელმწიფო უნივერსიტეტის  ქიმია/ბიოქიმიის ფაკულტეტის სტუდენტია, ხოლო სალომე ივანე ჯავახიშვილის სახელობის სახელმწიფო უნივერსიტეტში ეუფლება სამედიცინო განათლებას, შესაბამისად, აღნიშნავენ, რომ მათთვის სამეცნიერო მიღწევები მეტად მნიშვნელოვანი და კარგი გამოწვევაა, სწორედ ამიტომ გადაწყვიტეს მონაწილეობა მიეღოთ ჰაკათონში, რომელში მონაწილე 30 გუნდიდან გამარჯვება სწორედ მათ პროექტს – „ციანოცირკულაციას“  ხვდა წილად, პროექტმა უდიდესი მოწონება დაიმსახურა ჟიურის ერთ-ერთი წევრის, ყოფილი ასტრონავტი ქალის – ჰაიდი ფაიფერისგანაც.

„ციანოცირკულაციის“ გზით მეგობრებმა გადაწყვიტეს მარსზე ჟანგბადის წარმოქმნა, უპირველეს ყოვლისა, საჭირო მექანიზმის შესაქმნელად, მათ ულტრაიისფერი გამოსხივებისგან დამცავი მინა და მზის პანელები გამოიყენეს, რომელიც აგროვებს ენერგიას ბატარეაში, რომელიც გარდაიქმნება სინათლის ენერგიად, რაც ციანობაქტერიას საშუალებას აძლევს წარმოქმნას ჟანგბადი. „ციანობაქტერიებას სჭირდება ორგანული და არაორგანული ნივთიერებებით მდიდარი ნიადაგი, ამისათვის ჩვენ გამოვიყენებთ მარსის გრუნტოვან ნიადაგსა და დამატებით ფეკალიებს, რადგან ადამიანის ექსკრემენტები შეიცავენ წყალსა და მინერალებს, რაც სრულიად საკმარისია ციანობაქტერიების ცხოველქმედებისთვის“ – აღნიშნავს დავითი.

 გასათვალისწინებელია ის ფაქტიც, რომ ბიოლოგიურად ადამიანის ფეკალიები შეიცავს სხვადასხვა სახის ბაქტერიას, ისინი ციანობაქტერიებისთვის კონკურენტებს წარმოადგენენ, ამიტომ სანამ ექსკრემენტები ჰერმენტულ გარემოში გადმოინაცვლებენ, მეგობრებმა გადაწყვიტეს, წინაღობის სახით მათთვის დაეხვედრებინათ პირდაპირი ულტრაიისფერი სხივები და მარსის დაბალი ტემპერატურა, რის შედეგადაც მოხდება მშრალი მოყინვა,  სწორედ ამ პროცედურის შემდგეგ შეაღწევს გადამუშავებული ფეკალიები აღნიშნულ სისტემაში. „ჟანგბადის მიღების შემდეგ აუცილებელია მისი კონტროლი ჩვენს დახურულ სისტემაში, ამისათვის  შევქმენით საათი, რომლეშიც არის ჩაშენებული მექანიზმი, ის ზომავს სისხლში O2 ის რაოდენობას და მულტიფუნქციურია, მას აგრეთვე აქვს ტემპერატურის, ტენიანობის და პულსის საზომი სენსორები. ყოველივე ზემოთხსნებულიდან გამომდინარე, ჩვენ შეგვიძლია არა მარტო ჟანგბადის, სინათლის ენერგიისა და ნიადაგის წარმოქმნა, არამედ მათი კომპაქტური საათის მეშვეობით კონტროლიც.“

აღსანიშნავია ისიც, რომ მეგობრებისთვის ეს გამარჯვება პირველი არ არის, მათ პროექტის „შენი ხმა ჩვენი მომავალის“ პირველი ადგილიც დაიმსახურეს და ხუთდღიანი ვიზიტი ჰქონდათ რომში,  ამჯერად კი, „თი ბი სი ბანკის“ ხელშეწყობით, ისინი ნიდერლანდებში გაემგზავრებიან ევროპის კოსმოსური სააგენტოს მუზეუმის, „Space Expo-ს“ სანახავად და შეძლებენ რამდენიმე დაუვიწყარი დღის გატარებას.  სამომავლო გეგმებს რაც შეეხება, გუნდი კიდევ უფრო აქტიურად აპირებს არჩეული გზის გაგრძელებას და ახალგაზრდებში სამეცნიერო სფეროს პოპულარიზებას.

 

მასალა მოამზადა: თამარ დევდარიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ბიზნესიგამოგონება - ინოვაციასაქართველოტექნოლოგიები

Metric.ge – ახალი ინტერნეტპლატფორმა მარკეტინგის სპეციალისტებს ეფექტურად დაეხმარება

1.91K views on

Metric.ge პირველი ქართული ინტერნეტპლატფორმაა, რომელიც ციფრული ანალიტიკისა და მარკეტინგული ინსტრუმენტების ეფექტიან გამოყენებას უზრუნველყოფს. კომპანიის დამფუძნებელი ტატო ნორაკიძეა, მან კავკასიის ბიზნესის სკოლა დაამთავრა მარკეტინგის მიმართულებით, მოგვიანებით ციფრული მარკეტინგით გამორჩეულად დაინტერესდა და უკვე 9 წელია ამავე მიმართულებით მუშაობს. აღსანიშნავია, რომ იგი კითხულობს ლექციებს ციფრულ მარკეტინგზე. საკუთარი ბიზნესიდეაც – Metric.ge – ამავე სფეროში განახორციელა. 

„კომპანია ქართულ ბაზარზე 4-5 თვეა გამოჩნდა. თავდაპირველად, პლატფორმა პირადი გამოყენებისთვის შევქმენი, თუმცა, როდესაც მივხვდი, რომ „მეტრიკი“ ციფრული მარკეტინგის სპეციალისტებს ყოველდღიურ რუტინას გაუმარტივებდა, გადავწყვიტე, საზოგადოებისთვისაც შემეთავაზებინა. რეიტინგული სისტემის გარდა, პლატფორმა შესაძლებლობას იძლევა, აღვნუსხოთ სოციალური მედიის სტატისტიკა, დავგეგმოთ ეფექტური მედია აქტივობა, დინამიურად ვმართოთ ბანერული რეკლამა და ა.შ.“ – აღნიშნავს კომპანიის დამფუძნებელი ტატო ნორაკიძე.

metric.ge არის დამხმარე ინსტრუმენტი, რომელიც ციფრული მარკეტინგის სპეციალისტებს ყველაფრის გამარტივებასა და ეფექტურად გაკეთებაში ეხმარება. პლატფორმა მომხმარებელს რამდენიმე მარკეტინგულ ინსტრუმენტს სთავაზობს.

Metric.ge აერთიანებს ბევრ სასარგებლო მარკეტინგულ ინსტრუმენტს, როგორებიცაა:

რეიტინგები: Metric.ge-ს საიტების ანალიტიკა ქმნის საერთაშორისო ანალიტიკური პლატფორმებიდან შეგროვებული ინფორმაციისა და ადგილობრივ ბაზარზე განხორციელებული სარეკლამო კომპანიების შედეგების გაანალიზებით მიღებული ინფორმაციის სინთეზს, რომელიც დაეხმარება ციფრული მარკეტინგის სფეროში მოღვაწე მენეჯერებს, რომ სწორად დაგეგმონ, განახორციელონ და შეაფასონ თავიანთი მარკეტინგული აქტივობები. გარდა ამისა, Metric.ge არის ერთადერთი ქართული პლატფორმა, რომელიც გვაძლევს საშუალებას, მოვიძიოთ ანალიტიკა კორპორატიული ვებგვერდების შესახებ.

სოციალური მედიის სტატისტიკა: ვინაიდან სოციალური მედია წამყვან როლს თამაშობს ბრენდების კომუნიკაციაში, მომხმარებლებს ვთავაზობთ ყველაზე პოპულარული გვერდების სტატისტიკას სფეროების მიხედვით.

მედია დაგეგმარება: ინსტრუმენტი, რომელიც საშუალებას აძლევს მარკეტინგის მენეჯერებს, შექმნან კონტენტ კალენდარი და მიმდინარე მარკეტინგული აქტივობების თაიმლაინი.

ბანერების გენერატორი: ბანერების გენერატორი ცვლის რეკლამის განმთავსებელ საიტებთან ურთიერთობის ფორმას, აღარ მოგვიწევს ბანერებისა და გადასასვლელი ლინკის ცალ-ცალკე გაგზავნა, შესაბამისად, აღარ შეიქმნება ის უხერხული მომენტი, როდესაც ვყიდულობდით გარკვეული რაოდენობის ჩვენებებს და რეალურად არ ვიცოდით, აქედან რამდენი სრულდებოდა. პროცესი შემდეგნაირია: ge-ს მომხმარებელი რამდენიმე ველის შევსების შემდეგ ქმნის ინდივიდუალურ ლინკს, რომელსაც უგზავნის განმთავსებელს და ხელსაწყო რეალურ დროში ზომავს ჩვენებებისა და გადმოსვლების რაოდენობას. ცვლილებების შეტანა მომხმარებელს საკუთარ კაბინეტშივე შეეძლება, განმთავსებელ საიტთან ზემდეტი კომუნიკაციის გარეშე.

ექსკლუზიური შეთავაზებები და ონლაინაუქციონი: პირველად საქართველოში, Metric.ge სთავაზობს მომხმარებლებს, ონლაინ აუქციონის საშუალებით, შეიძინონ სხვადასხვა ციფრული და გარე განთავსებები ექსკლუზიურ ფასებად, იქნება ეს ქართული ტოპგვერდების საბანერო განთავსებები, გარე ბილბორდები თუ მონიტორები.

იდეების ჰაბი: სივრცე, სადაც საკუთარი იდეა შეგიძლია გააცნო კონკრეტული სფეროთი დაინტერესებულ ადამიანებს და რეალური დაინტერესებისა და დაფინანსების შემთხვევაში – განახორციელო პროექტი.

სამომავლოდ, კომპანიის წარმომადგენლები პლატფორმის საზღვრებს გარეთ გატანას გეგმავენ. ამ ეტაპზე კი  – მუშაობენ ელექტრონული აუქციონის მოდულზე, რომელიც დაახლოებით 1-2 თვეში გააქტიურდება. კერძოდ, ელექტრონული აუქციონის საშუალებას მისცემს მომხმარებელს, შედარებით ხელმისაწვდომ ფასად შეიძინოს ონლაინ-თუ გარეგანთავსების ადგილები.

მასალა მოამზადა:  ნინი მშვენიერიძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
გამოგონება - ინოვაციაკვლევებიმსოფლიორობოტექნიკარობოტექნიკატექნოლოგიები

,,MantaDroid-ი“ – ახალი წყალქვეშა რობოტი მეცნიერებისგან

1.88K views on

სინგაპურში მკვლევარებმა ააგეს წყალქვეშა რობოტი, რომელიც მანტა რეის ჰგავს – ერთფაზიანი ძრავისა და მოქნილი ფარფლების  მეშვეობით წყალზე ბიოლოგიური ბიძაშვილის მსგავსად მოქმედებს.

სინგაპურის ეროვნული უნივერსიტეტის მკვლევარი – ჩიუ ჩი მენგი მიიჩნევს, ეს პირველი შემთხვევაა, როცა თითოეული ფარფლი ერთ ძრავას იყენებს და რობოტი სითხისა და ფარფლის ურთიერთქმედებას ეფუძნება.

ბუნების ერთ-ერთი ყველაზე ეფექტური და მოხდენილი მოცურავეები – მანტა რეები დიდი ხნის მანძილზე მეცნიერებს განსაკუთრებული პროპულსიური მეთოდით ანცვიფრებდნენ, რისი საშუალებითაც ისინი ტურბულენტური ზღვების გადაცურვასაც კი ახერხებენ.

,,ე.წ. ბიოლოკომონია ნას 30 წლის განმავლობაში სწავლობდა,” – აცხადებს მექანიკური ინჟინერიისა და მექანიკის ასისტენტ პროფესორი კეიტ მორისი.

ჩიუს MantaDroid-ი არის ბრტყელი შავი PVC (პოლივინილის ქლორიდის) სხეული, სხივების მსგავსი ფარფლებითა და ორი უკანა საჭით. ის წყალზე ბუნებრივი პარტნიორის მსგავსად მოძრაობს.

ჩიუს განმარტებით, ფარფლის პასიური მოქნილობა საშუალებას აძლევს MantaDroid-ს, რომ წყალთან ბუნებრივად იმოქმედოს და წამში შვიდი მეათედი მეტრი სიჩქარე განავითაროს. 

სინგაპურელ მეცნიერთა გუნდმა ორი წლის მანძილზე 40 განსხვავებული დიზაინის ფარფლი შექმნა, სანამ მოქნილი პოლივინილის ქლორიდის (რომელიც ასევე პოლი ვინილის, ან უბრალოდ ვინილის სახელითაა ცნობილი) ფირფიტას გამოიყენებდა.

MantaDroid -ს დაახლოებით 10 საათის განმავლობაში შეუძლია ცურვა.

მეცნიერები აცხადებენ, რომ მომავალში ორიგინალურზე ორჯერ უფრო დიდი ზომის მანტა რეის შექმნას აპირებენ.

ისინი მიიჩნევენ, რომ ასეთი რობოტები სასარგებლო იქნება საზღვაო ბიომრავალფეროვნების შესასწავლად, ჰიდროგრაფიული მონაცემების შეგროვებისა და წყალქვეშა საძიებო სამუშაოებისთვის.

 

წყარო: Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

 

 

 

სრულად ნახვა
გამოგონება - ინოვაციაკულტურასაქართველო

სტარტაპი „Trips-ი“ დამწყები ქართველი დიჯეებისთვის თავისუფალ სივრცეს ქმნის

2.55K views on

„British American Tobaco-ს“ მიერ ორგანიზებული სტარტაპში, რომელშიც ჯამში 300-ზე მეტი მსურველი იღებდა მონაწილეობას, გამარჯვება თავისუფალი უნივერსიტეტის სტუდენტებით დაკომპლექტებულ გუნდს „Trips-ს” ხვდა წილად. გუნდი ქმნის სივრცეს, სადაც დიჯეებს შეუძლიათ ვარჯიში და საკუთარი თავის განვითარება. საკუთარი პროექტის ფარგლებში გუნდმა უკვე ჩაატარა ელექტრონული მუსიკის  რამდენიმე ღონისძიება და სამომავლოდაც უფრო აქტიურად გეგმავს მუშაობას. სტარტაპის შესახებ, მისი ერთ-ერთი დამფუძნებელი  – ზაქრო ტაბატაძე გვიამბობს.

 სტარტაპი „Trips-ი“  თავისუფალი უნივერსიტეტის 6 მეორეკურსელის მიერ შექმნილი პროექტია, რომელიც ქმნის დამწყები დიჯეების განვითარების პროგრამას,  შესაბამისად, ის, რამაც გუნდის თითოეულ წევრი გააერთიანა, სწორედ რომ, ელექტრონული მუსიკის სიყვარულია „როდესაც აღმოვაჩინეთ, რომ კამპუსში სწავლობდა საკმაოდ ბევრი ნიჭიერი ხელოვანი, გადავწყვიტეთ, ჩვენი უნივერსიტეტის ეს მხარე წინა პლანზე წამოგვეწია და უნივერსიტეტის ისეთი წვეულება ჩაგვეტარებინა, სადაც ხარისხიანი მუსიკა და მაქსიმალურად თავისუფალი გარემო იქნებოდა. ამის შემდეგ, თბილისის სხვადასხვა ინდუსტრიულ სივრცეში რამდენიმე ღინისძიების ჩატარებისას მივხვდით, რომ არსებობდა ჩვენი იდეის განხორციელების საჭიროება და რეალური შესაძლებლობა, ხოლო აღნიშნულმა კონკურსმა კი საშუალება მოგვცა გაგვეკეთებინა ის, რაც ჩვენი პირადი სახსრებით თავის დროზე ვერ შევძელით“- აღნიშნავს ზაქრო.

საქართველოში ხშირად დიჯეები ამთავრებენ სასწავლო კურსს, სადაც მათ ასწავლიან მხოლოდ აღნიშნულ პროფესიას, მაგრამ მათ არ აქვთ სისტემატიური ვარჯიშის და პროფესიის მეტად დაუფლების საშუალება, ვინაიდან აპარატურა საკმაოდ დიდ თანხებთანაც ასოცირდება, გამოცდილების არქონის გამო კი, მათ არც სხვადასხვა კლუბში დაკვრის საშუალება ეძლევათ, ამრიგად, აქამდე საქართველოში არ არსებობდა სივრცე, სადაც მომავალი დიჯეი შეძლებდა საკუთარი პროფესიის უკეთესად დაუფლებას და სწორედ ამ პრობლემის წინააღმდეგ გაერთიანდა სტარტაპი ,,Trips-იც“ – ,,ჩვენი ვქმნით დამწყები დიჯეების განვითარების პლატფორმას. გვექნება ჩვენი სივრცე და აპარატურა, სადაც დიჯეები, მცირე საწევროს სანაცვლოდ, შეძლებენ თვეში 24-28 საათი ივარჯიშონ თავიანთი სურვილის შესაბამისად, რაც მათ მისცემთ საშუალებას მიიღონ მეტი პრაქტიკული გამოცდილება“.

სტარტაპი გეგმავს, 2-3 ყოველკვირეული ღონისძიების ჩატარებას, სადაც მცირე შერჩევის შემდეგ  დაუკრავენ დამწყები ქართველი დიჯეები. ასევე, იგემება ყოველთვიური, უფრო მასშტაბური ღონისძიებების, რომლებშიც რეზიდენტ ხელოვანებთან ერთად სხვა ცნობილი დიჯეებიც დაუკრავენ, ამით დამწყებებს ქართველ დიჯეებს საშუალებას მიეცემათ მიიღონ, როგორც აპარატურასთან ვარჯიშის საშუალება, ასევე საზოგადოებასთან ურთიერთობის გამოცდილება უშუალოდ დიჯეის ამპლუაში.

გუნდი დამატებითი სახსრების მოძიების მიზნით აპირებს ,,სტარტაპ საქართველოსთანაც“ ითანამშრომლოს, რათა მაქსიმალურად ხარისხიანი აპარატურის შეძენა გახდეს შესაძლებელი და დაიხვეწოს სივრცეც, რომელიც მიკროძრავების ქარხნის ტერიტორიაზე იქნება განთავსებული, „მიკროძრავების ქარხანა მოიაზრება, როგორც მომავალი ურბანული მულტიფუნქციური სივრცე და ჩვენთან ერთად აქ რამდენიმე სხვა პროექტიც იწყებს მუშაობას. სამომავლოდ, ონლაინჟურნალისა და სავარჯიშო სივრცის ამოქმედებასთან ერთად, ეს ადგილი იფუნქციონირებს როგორც კლუბი. ზაფხულში კი,  ელექტრონული მუსიკის პოპულარიზების მიზნით, ვაპირებთ ღონისძიებების ჩატარებას რეგიონებშიც“ – აღნიშნავს ზაქრო დასასრულს.

მასალა მოამზადა: თამარ დევდარიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიზნესიგამოგონება - ინოვაციასაქართველო

ხის სათამაშოებიდან საყოფაცხოვრებო ავეჯამდე – 19 წლის სტარტაპერი – გოგა ოთინაშვილი „საგოს“ შესახებ

2.97K views on

„საგო“ გასული წლის დეკემბერში, 19 წლის გოგა ოთინაშვილის მიერ დაარსებული სტარტაპია, რომელიც თავდაპირველად მხოლოდ ბავშვებისთვის განკუთვნილ ხის, ეკოლოგიურად სუფთა სათამაშოებს გვთავაზობდა, დღეს კი – ახალგაზრდა მეწარმის დაუღალავი შრომისა და ენთუზიაზმის შედეგად,  კიდევ უფრო განვითარდა. სტარტაპმა მომხმარებელს არჩევანის გაცილებით უფრო ფართე სპექტრი შესთავაზა და სათამაშოებთან ერთად, ასევე ხისგან დამზადებული საბავშვო თუ სხვა საყოფაცხოვრებო ავეჯის წარმოებასაც აქტიურად და საკმაოდ წარმატებით შეუდგა. გოგა ანდრია პირველწოდებულის სახელობის ქართული უნივერსიტეტის პირველკურსელია და, ასაკის მიუხედავად, უკვე საკმაოდ აქტიურად ფიგურირებს სხვადასხვა მედიასივრცეში,

კომპანია ამჟამად ამზადებს ბავშვის თანამედროვე საწოლებს, თაროებსა თუ საკიდებს და უკვე ჰყავს რამდენიმე კმაყოფილი კლიენტი. აღსანიშნავია რომ ნაწარმი 100%-ით ეკოლოგიურად სუფთა ნედლეულით მზადდება, რათა ბავშვებს არ შეექმნათ ჯანმრთელობასთან დაკავშირებული საფრთხეები. ხოლო რაც შეეხება ფასებს, შეიძლება ითქვას, შეიძლება ითქვას, რომ აღნიშნული ავეჯი  საქართველოსთვის ბაზრისთვის ყველაზე მისაღები ფასებით გამოირჩევა, რადგან, როგორც გოგა აღნიშნავს, ეს არ არის მხოლოდ საქმე ბიზნესისთვის, არამედ ეს არის საქმის სიყვარული და მეწარმის პრინციპებშიც არ ჯდება პროდუქტზე ფასების ხელოვნური მატება.

ის რასაც თავად გოგა „ჩხირკედელაობას“ უწოდებს, რეალურად საკმაოდ რთული და საპასუხისმგებლო საქმიანობაა, მაგრამ კრეატიულ ახალგაზრდას არ ეშინია საკუთარი იდეების განხორციელებისთვის ბრძოლის, ასევე, აქტიურად არის ჩართული ,,ტექნოპარკის” მიერ ორგანიზებულ პროექტებშიც და ახალგაზრდებსაც მოუწოდებს, რომ დრო მაქსიმალურად გამოიყენონ საკუთარი იდეების გენერირებისთვის „თუნდაც ერთი წლის წინ, ჩემთვისაც  წარმოუდგენელი იყო, რომ ამხელა საქმეს შევეჭიდებოდი, მაგრამ კომპანიას, ამ ეტაპზე, უკვე აქვს საკუთარი ბრუნვა და იმ ერთმა ცდამაც დადებითი შედეგი გამოიღო, ამიტომ, მივიჩნევ, რომ ადამიანმა ყველაფერი უნდა გაიღოს, იმისთვის, რომ ცხოვრებაში საყვარელი საქმე აკეთოს და არ შეეშინდეს შესაძლო დაბრკოლებების“. 

გოგას სამომავლო გეგმები კვლავ ხის დამუშავებას უკავშირდება, მას დიდი სურვილი აქვს, გახსნას ხის სათამაშოების ადგილობრივი საწარმო, რაც ხელს შეუწყობს ასევე დამატებითი სამუშაო ადგილების რაოდენობის გაზრდას, თუმცა, რა თქმა უნდა, ეს ყველაფერი უმოკლეს ვადაში ვერ მოხდება თუ არ იქნება შესაბამისი დაფინანსება და ხელშეწყობა სხვადასხვა სექტორს მიერ.

მასალა მოამზადა:  თამარ დევდარიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
გამოგონება - ინოვაციაკვლევებიმედიცინამსოფლიო

მეცნიერებმა გენი პირდაპირ პაციენტის ორგანიზმში ,,ჩაასწორეს“

2.18K views on

მეცნიერებმა გენეტიკური დაავადების მატარებელ მამაკაცზე თამამი ექსპერიმენტი ჩაატარეს:  გენები პირდაპირ ცოცხალ ქსოვილში ,,ჩაასწორეს“.

ეს ალტერნატიული პიონერული ტექნიკა ითვალისწინებს ადამიანის სისხლში გენური რედაქტირების ვირუსის ინექციას.

,,ეს გახლავთ პირველი შემთხვევა, როცა პაციენტს ჩაუტარდა თერაპია, რომლის მიზანი ორგანიზმში უჯრედების დნმ-ის რედაქტირება იყო,”- განაცხადა კომპანია Sangamo Therapeutics- ის აღმასრულებელმა დირექტორმა – სანდი მაკრაემ, რომლის კომპანია აღნიშნული ექსპერიმენტული პროცედურის დატესტვას ახორციელებს.  ,,ჩვენ გენომური მედიცინის ახალი საზღვარის დასაწყისთან ვიმყოფებით,”- აცხადებენ მეცნიერები.

პაციენტი, რომელზეც აღნიშნული ტექნოლოგიის გამოსცადეს, 44 წლის ბრაიან მედექსია, რომელსაც  ჰუნტერის სინდრომი (aka mucopolysaccharidosis II) აქვს – ეს გახლავთ სერიოზული, თანდაყოლით დაავადება, რომელიც გამოწვეულია ფერმენტ იდურნატე-2-სულფატაზას (I2S)-ის დეფიციტით.

გენური მუტაციის გამო, ჰუნტერის სინდრომის მქონე ადამიანს არ შეუძლია სათანადოდ დაშალოს შაქრის დიდი მოლეკულები გლიკოზამინოგლიკანკა (გ.გ.გ), რომელიც ორგანიზმში გროვდება და იწვევს ჯანმრთელობის მძიმე პრობლემებს, ინფექციებსა და ფიზიკურ დარღვევებს, რაც, საბოლოო ჯამში, სიცოცხლის ხანგრძლივობას ამცირებს.

გენეტიკური დაავადების შესაჩერებლად ბრაიან მედექსი სამი საათის განმავლობაში IV წვეთოვანზე შეაერთეს. ექსპერიმენტული თერაპია – SB-913, მანამდე არსებული გენური რედაქტირების ტექნიკებისგან სიზუსტით გამოირჩევა.

,,ზუსტად იცი, სად მიდიხარ გენომში”, – განაცხადა მინესოტას უნივერსიტეტის პედიატრმა ჩესტერ უიტლიმ, რომელიც აღნიშნული კლინიკური კვლევის მთავარი მკვლევარი გახლავთ. ,,ეს ნადირობისას საფანტის იარაღის ნაცვლად თოფის გამოყენებას ჰგავს.”

მიუხედავად რეკლამისა, ჯერჯერობით ზუსტად არავინ იცის, როგორი იქნება მედექსზე ჩატარებული ცდის შედეგი. თუმცა, მეცნიერები კვლევის 30 ზრდასრულზე ჩატარებასა და SB-913 პროცედურის უსაფრთხოების შემოწმებას გეგმავენ. ამის შემდეგ კი კომპანია იმედოვნებს, რომ თერაპიას ჰუნტერის სინდრომით დაავადებული ბავშვების მკურნალობაში გამოიყენებენ.

მკვლევართა აზრით, მედექსის ღვიძლის უჯრედების მხოლოდ 1 პროცენტი უნდა გამოსწორდეს, რათა სინდრომს წარმატებით უმკურნალონ. სრულფასოვანი ანალიზის შედეგი სამ თვეში იქნება მზად.

თუმცა, საუკეთესო შედეგის შემთხვევაშიც კი, მხოლოდ დაავადების გაუარესების შეჩერება იქნება შესაძლებელი და არა უკვე არსებული პრობლემების მოგვარება.

 

წყარო: http://www.sciencealert.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

 

 

სრულად ნახვა
გამოგონება - ინოვაციასაქართველოტექნოლოგიებიტრანსპორტი

 „Cargon-ი” – ქართული სტარტაპი, რომელიც გადაზიდვების პროცესს ამარტივებს

4.4K views on

„Cargon-ი” არის ქართული გადამზიდი კომპანია, რომელიც ონლაინპლატფორმის მეშვეობით აკავშირებს გამგზავნს გადამზიდთან და პირიქით. მხოლოდ რამდენიმე მარტივი შესავსები ფორმის საშუალებით, „კარგონი“ მაქსიმალურად ამარტივებს გადაზიდვების რთულ და კომპლექსურ პროცესს. ის ერთ სივრცეში უყრის თავს იმ აუცილებელ საჭიროებებს, რომლის შესრულებაც გადამზიდს ცალ-ცალკე უწევს.

აღნიშნული კომპანიის დამფუძნებლები არიან: ვანო ჩალაძე, რომელმაც მენეჯმენტი ფინანსების განხრით „ლონდონის ეკონომიკის სკოლაში“ (LSE) ისწავლა, შაკო ჯალაბაძე, რომელიც სწავლობს „კავკასიის ბიზნეს სკოლაში“ (CSB) ბიზნეს ადმინისტრირების განხრით და ნიკო ტურაბელიძე, იგი სანკტ-პეტერბურგში ცხოვრობს, პროფესიით ეკონომისტი – „Queen Mary University of London-ის” კურსდამთავრებულია.

გუნდმა გადაწყვიტა, „სტარტაპ საქართველოს“ განაცხადი შეევსო. დღეს კი უკვე ამ პროექტის გამარჯვებულები არიან. ცდილობენ, კონკურსით მიღებული სარგებელი სრულად  გამოიყენონ და შექმნან კომპანია, რომელიც ნამდვილად შეასრულებს საკუთარ მისიას და იქნება წარმატებული არა მარტო საქართველოში, არამედ მის საზღვრებს გარეთაც.

სახმელეთო ტვირთის გადაზიდვა დაკავშირებულია უამრავ პრობლემასთან:

  • არაოპტიმალური მარშრუტი
  • სიცარიელე საბარგულში
  • ფასის დადგენა / დაზუსტების პროცედურა
  • უწყვეტი ზარები ტვირთის კონტროლის მიზნით
  • დოკუმენტების ვრცელი სია

„კარგონის“ შექმნის იდეა ძალიან მარტივად გაჩნდა, ,,Cargon-ის” გუნდის წევრების პირადი გამოცდილების საფუძველზე. ჩვენი საქმიანობიდან გამომდინარე, რამდენჯერმე გადაზიდვების დროს ზემოთ ჩამოთვლილ პრობლემებს წავაწყდით, ამიტომ გადავწყვიტეთ შეგვექმნა კომპანია, რომელიც ამ პრობლემებს აღმოფხვრიდა“, – აღნიშნავს კომპანიის თანადამფუძნებელი ვანო ჩალაძე.

,,Cargon-ის” მეშვეობით, შესაძლებელი გახდება ტვირთების საიმედოდ გაგზავნა და, რაც მთავარია, გადაადგილების რეალურ დროში კონტროლი. გადამზიდები კი აპლიკაციის საშუალებით ავტომატურად მიიღებენ ინფორმაციას ახლომდებარე შეკვეთების შესახებ.

აპლიკაცია ერთდროულად კომფორტულია როგორც გამგზავნისთვის, ასევე გადამზიდისთვის. კომპანია კი, პასუხისმგებელი იქნება გადაზიდვის მთელ პროცესზე.

„ვფიქრობთ, სამივეს გვაქვს შესაბამისი ცოდნა და გამოცდილება, რომ ჩვენი იდეების და მართვის უნარების გამოყენებით ,,Cargon-ი” წარმატებულ და ყველასთვის გამოსადეგ ბიზნესად ვაქციოთ“, – აღნიშნა ვანო ჩალაძემ.

,,Cargon-ი” არის უნიკალური, მარტივი გზა, რათა გადაზიდვების რთული პროცესი წარსულს ჩაბარდეს. სტარტაპს აქვს არაერთი უპირატესობა:

გამგზავნებისთვის:

  • გადამზიდი მანქანის სწრაფად და მარტივად მოძიება
  • გადაზიდვის ოპერაციის რეალურ დროში მონიტორინგი
  • წინასწარ, მარტივად და გამჭვირვალედ დადგენილი ფასი
  • დაახლოებით 10/15 % – ით იაფი მომსახურება, მცირე ოპერაციული ხარჯების გამო

გადამზიდებისთვის:

  • მეტი შეკვეთის მოძიების შესაძლებლობა
  • შემცირებული უქმად (დაუტვირთავი) მგზავრობა
  • სწრაფად მიღებული ანაზღაურება (მაქსიმუმ 7 დღე)
  • სატრანსპორტო პარკის მენეჯმენტი
  • ორივესთვის: სტატისტიკური და ანალიტიკური მონაცემები, რომელიც გამგზავნს და გადამზიდს ეხმარება, უფრო ეფექტურად შეასრულოს ტრანსპორტირება.

კომპანიის დამფუძნებლებმა უკვე მიიღეს დამატებითი ინვესტიცია. სამომავლოდ ისინი პროექტის გაფართოებას გეგმავენ და აპირებენ, რომ „კარგონის“ მარტივი სერვისი საქართველოს ფარგლებს გარეთ, რუსეთსა და თურქეთშიც შესთავაზონ დაინტერესებულ სექტორს.

,,კარგონი” სრულად ფუნქციონირებას ერთ თვეში დაიწყებს, დაინტერესების შემთხვევაში, შეგიძლიათ კომპანიის ვებგვერდს ესტუმროთ.

 

მასალა მოამზადა: ნინი მშვენიერიძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

სრულად ნახვა
გამოგონება - ინოვაციასაქართველოტექნოლოგიები

“Donna“ – ქართული სტარტაპი კვების ობიექტებით სარგებლობის ეკონომიურ და ოპტიმალურ გზას გვთავაზობს

2.09K views on

ცოტა ხნის წინ საქართველოში გამოჩნდა ონლაინპლატფორმა – “Donna”, რომელიც აქტიურ მომხმარებელს სთავაზობს მოხერხებულ მომსახურებას, ეს გულისხმობს  ტრანსპორტით გადაადგილებისას სხვადასხვა კვების ობიექტში შეკვეთის მარტივი აპლიკაციით გაკეთებას და შემდეგ მის მიღებას მანქანიდან გადმოუსვლელად. აპლიკაციის შესახებ, მისმა ავტორმა  – ნიკა აბაშიძემ გვიამბო.

აპლიკაცია „Donna-ს“ იდეის ავტორი ნიკა აბაშიძე გახლავთ, რომელიც    ბოლო 2 წელია, რაც კერძო ბიზნესიდან მაღალტექნოლოგიურ ბიზნესში გადავიდა, რადგან მისთვის ეს გაცილებით უფრო საინტერესო სფეროა და შესაძლებლობებიც უფრო ფართე სპექტრსაც მოიცავს. რაც შეეხება „Donna-ს“ იდეას,  ნიკას ყოველდღიური რუტინიდან გამომდინარე გაუჩნდა, რადგან როგორც ძალიან ბევრ ჩვენს თანამოქალაქეს, მასაც მუდმივად აწუხებდა ის ფაქტი, რომ თუნდაც მხოლოდ ყავის ან ჩაის შესაძენად უწევდა გადატვირთულ ქალაქში მანქანის საპარკინგე ადგილის მოძიება, გადმოსვლა, ფეხით სიარული და შეკვეთის გამზადებისთვის მოცდა. „მთელი ეს პროცესი დროს მოითხოვს და დისკომფორტის შეგრძნება განსაკუთრებით  ზამთარში მატულობს, როცა დილაობით ტემპერატურის მაჩვენებელი 0-ს დაბლა სცდება.  სწორედ ამიტომ, ვიფიქრე, რომ კარგი იქნებოდა ვინმეს რომ მანქანაში მოეწოდებინა ყავა. ასე გაჩნდა ,,Donna-ს” იდეაც“ – აღნიშნავს ის.

„Donna-ს” აპლიკაციაში მარტივი რეგისტრაციის გავლის შემდგომ, მომხმარებელი საკმაოდ მარტივი პროცედურით აკეთებს სასურველ შეკვეთას, უპირველეს ყოვლისა, ირჩევს სასურველ რესტორანს, შემდეგ ირჩევს პროდუქტს და იხდის თანხას საბანკო ბარათიდან, რომლის დამახსოვრებაც შესაძლებელია, რათა ყოველ ჯერზე არ მოუწიოს მონაცემების ხელახლა შეყვანა. ამის შემდეგ, კლიენტი მიდის აღნიშნულ ობიექტთან, სადაც დაწესებულების თანამშრომელი პირდაპირ მანქანაში აწვდის მას შეკვეთას.

აპლიკაცია უკვე ნებისმიერი მსურველისთვისაა ხელმისაწვდომი და მომხმარებლისთვის ეს არანაირ დამატებით ხარჯს არ უკავშირდება, თქვენ  ყიდულობთ პროდუქტს იმ ფასად, რა ფასადაც იყიდდით ჩვეულებრივად შეძენის შემთხვევაში. ამასთანავე, თქვენ დაზოგავთ დროს და თავიდან აირიდებთ ჯარიმებს მანქანის ნაჩქარევი, ცუდი პარკირების გამო.

აპლიკაციით სარგებლობა მომხმარებელს უკვე შეუძლია ისეთ კვების ობიექტებში როგორებიცაა “Cofeesta”,  “Morelli’s Gelato”, ,,Bon Repa’s, Le monde-ი”, ,,Shaurma Club-ი”,  ,,Greek Point-ი” და მრავალი სხვა, კომპანია სამომავლოდ გეგმავს პარტნიორი რესტორნების ქსელის გაფართოებას და ახალი მომსახურებების დამატებას.

დაინტერესებულ პირებს შეუძლიათ ესტუმრონ აპლიკაციის Facebookგვერდს.

მასალა მოამზადა:  თამარ დევდარიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
გამოგონება - ინოვაციაეს საინტერესოატექნოლოგიები

ხელსაწყო, რომელიც კედლის მიღმა ადამიანებს დაინახავს

1.92K views on

 WiFi–ს საშუალებით კედლის მიღმა მიმდინარე მოვლენების დანახვა შესაძლებელი გახდება.

დეკოდერი, რომელიც ანაწილებს უკაბელო ინტერნეტს თქვენს საცხოვრებელ, ან საოფისე სივრცეში, გახდება იმის გარანტი, რომ ადამიანებს შეეძლებათ ოთახის გარედან თქვენი დანახვა. მიკროტალღური რადიაცია ჩვენს ტელეფონებს, ლეპტოპებსა და ტაბლეტებს აძლევს შესაძლებლობას, რომ გვაჩვენონ კედელს მიღმა მიმდინარე მოვლენები.

ტექნოლოგია ნელ-ნელა ინერგება, პირველი აზრი ამ საკითხთან მიმართებით, გერმანიის ერთ–ერთ ტექნიკურ უნივერსიტეტში წარმოიშვა. ბევრი ადამიანისთვის მისაღებია, ბევრი კი უარყოფს ამ გამოგონების ვარგისიანობას, რადგან ბევრი მაგალითი გვაქვს უკაბელო ინტერნეტში უკანონოდ შეჭრისა, შესაბამისად, ჰაკერებმა შეიძლება დაუკითხავად გამოიყენონ მოწყობილობა და შემოაღწიონ თქვენს ყოველდღიურობაში.

ყველაფერი იდეის დონეზეა ჯერჯერობით, მაგრამ სულ ახლო მომავალში გასაკვირი არ უნდა იყოს, მსგავსი ინოვაციების გამოჩენა.

 

წყარო: Business insider

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
1 … 26 27 28 29 30 … 37
Page 28 of 37