close

დედამიწა

გეოგრაფიადედამიწასაქართველო

საქართველოს დაცულ ტერიტორიებს 1 100 000 ევროს ოდენობის გრანტი მოხმარდება

1.38K views on

საქართველოს რვა დაცული ტერიტორია კავკასიის ბუნების ფონდიდან (CNF) 1 100 000 ევროს ოდენობის გრანტს მიიღებს.

შესაბამისი სამმხრივი საგრანტო ხელშეკრულება გარემოს დაცვისა და სოფლის მეურნეობის სამინისტროში გაფორმდა.

გარემოს დაცვისა და სოფლის მეურნეობის სამინისტროს ინფორმაციით, ხელშეკრულებას გარემოს დაცვისა და სოფლის მეურნეობის მინისტრის მოადგილემ გელა ხანიშვილმა, დაცული ტერიტორიების სააგენტოს თავმჯდომარის მოვალეობის შემსრულებელმა ვალერიან მჭედლიძემ და კავკასიის ბუნების ფონდის აღმასრულებელმა დირექტორმა ჯორჯ ჯაკომინიმ მოაწერეს ხელი.

საგრანტო ხელშეკრულების ფარგლებში, დაცული ტერიტორიების ადმინისტრაციების თანამშრომლების კვალიფიკაციის ამაღლების მიზნით დაგეგმილია ტრენინგების ჩატარება; იგეგმება ავტოპარკის განახლება.

კავკასიის ბუნების ფონდის აღმასრულებელმა დირექტორმა ჯორჯ ჯაკომინიმ კავკასიის ბუნების ფონდის მიერ ეროვნული პარკებისა და დაცული ტერიტორიებისთვის გამოყოფილი გრანტის ფარგლებში ბუნების კონსერვაციაზე მზრუნველი ადამიანების ფინანსური მხარდაჭერის მნიშვნელობას გაუსვა ხაზი.

დღეისათვის საქართველოში დაცული ტერიტორიების ხუთი კატეგორიაა წარმოდგენილი. სახელმწიფო ნაკრძალი, ეროვნული პარკი, ბუნების ძეგლი, აღკვეთილი, დაცული ლანდშაფტი და მრავალმხრივი გამოყენების ტერიტორია. საქართველოს ტერიტორიაზე პირველი ოფიციალური ნაკრძალი კახეთში 1912 წელს შეიქმნა და მას ლაგოდეხის ნაკრძალი ეწოდა. 1996 წელს საქართველოს პარლამენტმა, მიიღო კანონი „დაცული ტერიტორიების სისტემის შესახებ”. რომელმაც შექმნა იურიდიულ საფუძველს დაცული ტერიტორიების დასაარსებლად.

საქართველოს დაცული ტერიტორიების საერთო ფართობი 512.123 ჰექტარს უდრის. აქედან ხმელეთს უჭირავს 49 837 971 ჰექტარი, ხოლო ზღვას – 15 743 ჰექტარი.

 

წყარო: http://www.moa.gov.ge

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ასტრონომია - კოსმოსიდედამიწაეს საინტერესოაკვლევებიტექნოლოგიები

,,ნასა” სიცოცხლისთვის საჭირო პირობების მქონე პლანეტებს ეძებს

1.21K views on

ნასამ ახალი მისია დაიწყო – მისი მიზანი ჩვენი მზის სისტემის მიღმა ისეთი პლანეტების აღმოჩენაა, რომელზეც სიცოცხლისთვის საჭირო პირობები არსებობს.

მისიის ფარგლებში ფლორიდადან ,,SpaceX–ის” რაკეტა Falcon 9 გაეშვა, რომელმაც კოსმოსში  ტრანზიტული  ეგზოპლანეტის საკვლევი თანამგზავრი ,,TESS-ი” გადაიტანა.

,,ნასას| უახლესი ასტროფიზიკის თანამგზავრი, რომელიც 337 მილიონი აშშ დოლარი დაჯდა, ასტრონომების ე.წ. ეგზოპლანეტების კატალოგს გააფართოვებს.

TESS-ს შექმნილია იმისათვის, რომ გააგრძელოს მისი წინამორბედის, Kepler-ის კოსმოსური ტელესკოპის სამუშაო, რომელმაც ბოლო 20 წლის განმავლობაში 3,700 ეგზოპლანეტა აღმოაჩინა.

TESS-ი დაახლოებით მაცივრის ზომისაა, იგი აღჭურვილია მზის პანელი ფრთებით და ოთხი სპეციალური კამერით. ახალ თანამგზავრს დედამიწასა და მთვარეს შორის მდებარე ორბიტამდე მისაღწევად დაახლოებით 60 დღე დასჭირდება.  

,,კეპლერის” მსგავსად, TESS-ი ტრანზიტფოტომეტრიის აღმოჩენის მეთოდს გამოიყენებს. ფოტომეტრიული მონაცემები მიიღება ეგზოპლანეტის თავის ვარსკვლავსა და დამკვირვებელს შორის გავლისას. ეს მონაცემები, როგორც წესი, გამოიყენება პლანეტის ზომის, ატმოსფეროს არსებობისა და მისი შემადგენლობის დასადგენად, მაგრამ მეცნიერებმა იპოვეს ამ მონაცემების მიხედვით პლანეტის მასის დადგენის გზაც.

 

წყარო:Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ასტრონომია - კოსმოსიდედამიწა

ჩინური კოსმოსური სადგურის ნაწილები წყნარ ოკეანეში ჩაცვივდა

1.36K views on

ბოლო დღეებია აქტიურად გვესმის ჩინური კოსმოსური სადგურის – ,,ტიანგონგ-1-ის” შესახებ, რომელიც 8,5 ტონას იწონიდა და ატმოსფეროში შემოსვლისთანავე დაიწვა. მისი ნაწილების ჩამოცვენის ერთ-ერთი არეალი საქართველო უნდა ყოფილიყო, თუმცა – საბოლოოდ,
წყნარ ოკეანეში ჩამოვარდა.
ის ატმოსფეროში ღამის 3 საათის შემდეგ შემოვიდა. როგორც სპეციალისტები ამბობენ, მისი უდიდესი ნაწილი დაიწვა და დედამიწამდე ვერც მიაღწია.
სადგურმა სამ მისიას უმასპინძლა, 2016 წელს კი – ჩინეთის კომოსური სააგენტოს წარმომადგენლებმა სადგურზე კონტროლი დაკარგეს, რის შემდეგაც იმაზე მიდიოდა მსჯელობა, თუ როდის და სად შეიძლებოდა ჩამოცვენილიყო მისი ნაწილები.
,,ტიანგონგ-1”კოსმოსში 2011 წლის 29 სექტემბერს გაუშვეს.

წყარო: BBC
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
დედამიწაეკოლოგიაეს საინტერესოასაქართველო

ბათუმში, ნურიგელის ტბაში, ასი წლის შემდეგ პირველად, წავი გამოჩნდა 

8.73K views on

ბათუმის ცენტრალურ პარკში, ნურიგელის ტბაში, გადაშენების პირას მყოფი, წითელ წიგნში შეტანილი ცხოველის თითქმის ასი წლის წინ გამქრალი სახეობა – წავი დაბრუნდა.

ამის შესახებ ინფორმაცია ტურისტული ობიექტების მართვის სააგენტოს უფროსმა -ალექსანდრე თევზაძემ გაავრცელა.

ეს იშვიათი ჯიშის ევრაზიული წავია და მას გადარჩენა სჭირდება. ევრაზიული წავი – Lutra lutra meridionalis (Ognev, 1931) – Lutra lutra Linnaeus, 1758 ქვესახეობა ნურის ტბაში ბინადრობდა გასული საუკუნის 30-იან წლებამდე, შემდგომ წლებში მისი ნურის ტბაში პოვნის შესახებ სამეცნიერო ცნობები არ მოგვეპოვება.

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიზნესიდედამიწაეს საინტერესოამსოფლიო

დინოზავრის  ჩონჩხი პარიზში აუქციონზე გაიყიდება

1.37K views on

დაუდგენელი ტიპის დინოზავრის ფოლიზირებული ჩონჩხი პარიზში აუქციონზე გაიყიდება. ჩონჩხის საწყისი ფასი 1.8 მილიონ ევროა (2.22 მილიონი დოლარი) და მას აუქციონზე მიმდინარე წლის ივნისში გაიტანენ.

თითქმის 9 მეტრი სიგრძის, ჩონჩხი უჩვეულოდ სრულყოფილია, ის თითქმის 70 პროცენტით მთელია.

„ერთადერთი, რასაც მეცნიერები ჩონჩხის შესახებ ვარაუდობენ, ისაა, რომ იგი ეკუთვნის ხორცისმჭამელ, theropod (მხეცისფეხათა) ჯგუფს, რომლებსაც ჩაღრმავებული ძვლები და სამთითიანი ფეხები ჰქონდათ,“- აცხადებს Aguttes-ის აუქციონის პალეონტოლოგიური ექსპერტი ერიკ მიკელერი.

4 ივნისის აუქციონამდე ჩონჩხი საფრანგეთის ქალაქ ლიონში გამოფენაზეა გატანილი, რათა პოტენციურ მყიდველებს აუქციონამდე მისი ნახვის საშუალება ჰქონდეთ.

დინოზავრის ჩონჩხი  ვაიომინგში, შეერთებულ შტატებში, 2013 წელს აღმოაჩინეს. ის ეკუთვნის ბრიტანელი ბიზნესმენს, რომლის ვინაობა ცნობილი არაა.

პოტენციურ მყიდველებს ფასის შეთავაზება ევროსა და ციფრულ ვალუტა – ბიტკოინში შეეძლებათ.

 

წყარო: Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
დედამიწაეკოლოგიაკვლევებიმსოფლიო

ჩრდილოეთ პოლუსზე ტემპერატურა ნორმაზე  30°C-ით მეტი იყო

1.57K views on

იმის გათვალისწინებით, რომ ჩრდილოეთ პოლუსზე მზე 20 მარტამდე არ ამოვა, ახლა  იქ წლის ყველაზე ცივი პერიოდია უნდა იყოს,  მაგრამ, რამდენიმე დღის წინ, პლანეტის ამ ნაწილზე რეკორდული ტემპერატურა გამოვლინდა, რამაც დნობის წერტილამდეც კი აიწია. 

ჩრდ. პოლუსზე, სადაც ამ დროს, როგორც წესი, უკიდურესი გამყინვარებაა – ტემპერატურა 2 გრადუსამდე დათბა, მკვლევარების თქმით, ეს ნორმალურ ტემპერატურაზე 30°C-ით მეტიც კი არის.

მეცნიერები გაოცებას ვერ მალავენ და ამბობენ, რომ არქტიკაში ცხელი მასების შეჭრას ადრე იშვიათობა იყო, დღეს კი, თითქმის შეუქცევადი პროცესია და განსაკუთრებული ყურადღების გამახვილებას საჭიროებს.

მსგავსი პროცესები 1980-იანი წლებიდან განსაკუთრებით გაძლიერდა. ამ მხრივ კი, ყველაზე გამორჩეული ბოლო ხუთი ზამთარია. ამ წლის იანვარში ყინულის ფართობმა ისტორიაში ყველაზე დაბალ ნიშნულს მიაღწია – შეინიშნებოდა აისბერგების მასიური დნობა.

ამ მონაცემებით, ტემპერატურა ნორმასთან შედარებით მიახლოვებულია და დაახლოებით -10-ია.

წყარო: The Washington Post

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
დედამიწაეკოლოგიაკვლევებისაქართველო

მესხეთის ქედზე 20-მდე ირემი ბინადრობს – უკანონო ნადირობის სტატისტიკა საგანგაშოდ გაიზარდა

1.37K views on

2017 წელს სამეცნიერო–კვლევითმა ცენტრმა, მესხეთის ქედზე, ადიგენის მუნიციპალიტეტში, ირმისა და არჩვის პოპულაციების სწრაფი შეფასების სამუშაოები ჩაატარა. ინფორმაციას ,,სამხრეთის კარიბჭე” ავრცელებს.

კვლევამ აჩვენა, რომ ბორჯომ-ხარაგაულის დაცულ ტერიტორიებთან შედარებით, მესხეთის ქედზე ირმის სიმჭიდროვე 15-ჯერ უფრო დაბალია. სპეციალისტებმა მესხეთის ქედზე დაახლოებით 20 ირემი იპოვეს.  არჩვი კი იმდენად მცირერიცხოვანია, რომ მხოლოდ ორი ინდივიდის დანახვა იყო შესაძლებელი. 

კვლევა WWF Caucasus Office-ისა და Eco-Corridor Fund for the Caucasus-ს ფინანსური მხარდაჭერით განხორციელდა. საველე სამუშაოებში, კვლევითი ცენტრის საველე ოფიცრებთან ერთად, მოხალისეებიც ჩაერთვნენ.

გარემოს დაცვის სამინისტროს ცნობით, 2017 წელს უკანონო ნადირობის 143 შემთხვევა გამოვლინდა, მაშინ, როცა ამ რიცხვმა 2016 წელს 850 შეადგინა.

გარემოს დაცვის სამინისტროში ამბობენ, რომ სტატისტიკა საგანგაშოა და ბრაკონიერებთან შეურიგებელ ბრძოლას აპირებენ. ხშირად ბრაკონიერები თავს ესხმიან რეინჯერებს, სასამართლო კი მხოლოდ სიტყვიერი გაფრთხილებით შემოიფარგლება. ცალკეულ შემთხვევებში იგეგმება სანქციების გამკაცრებაც.

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიდედამიწაეს საინტერესოა

გამოჩნდებიან თუ არა უცხოპლანეტელები დედამიწაზე?

1.7K views on

მსოფლიოს ერთ–ერთი პატივსაცემი, აღიარებული თეორიტიკოსის– მიჩიო კაკუს ვარაუდით, ადამიანებს ამ საუკუნის ბოლოს კონტაქტი ექნებათ უცხოპლანეტელებთან, მათ ცივილიზაციასთან.

კაკუს ვარაუდით, 2100 წელს ისინი გამოჩნდებიან და რადიოს სახით დაამყარებენ ადამიანებთან კონტაქტს.

სამყარო ყოველდღიურად ვითარდება, ბევრია საუბარი იმაზე, რომ პარალელური სამყაროც შეიძლება არსებობდეს, რომ გალაქტიკაში ჩვენ მარტონი არ ვართ.

წყარო: Sciencealert.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
გეოგრაფიადედამიწაეკოლოგიაეს საინტერესოაკვლევებიმსოფლიო

ანტარქტიდაზე  გადაშენების პირას მყოფი პინგვინების მილიონნახევრიან ჯგუფს მიაგნეს

2.11K views on

პინგვინი  „ადელი“ ანტარქტიდის სანაპიროზე ბინადრობს. ,,ადელი“  ყველაზე ერთგული არსებაა დედამიწაზე, მას მთელი ცხოვრების მანძილზე ერთადერთი პარტნიორი ჰყავს. 

პინგვინი ოქტომბრიდან თებერვლამდე მრავლდება და როგორც წესი,  ბუდეში 2 კვერცხს დებს. პატარა ბარტყების გამოსაკვებად, მშობლებს  50-120 კილომეტრის გავლა უწევთ, იმისთვის, რომ  საჭმელი მოიპოვონ. ამიტომ, მათ დაბრუნებამდე ბარტყები შიმშილით იხოცებიან. 2015 წელს ვერცერთი ბარტყი გადარჩა. 

ბუნების დამცველები წლების განმავლობაში შფოთავდნენ, რომ პინგვინი ადელი გადაშენების პირას იყო. სინამდვლეში კი  – მილიონნახევარი პინგვინი „ადელი“ ადამიანებს ანტარქტიდის ჩრდილოეთით მდებარე რთულად მისადგომ კუნძულზე ემალებოდა. ისინი მაინც იპოვეს. მათ კვალს თანამგზავრიდან მიაგნეს. ამ კუნძულებზე მოხვედრა არ არის ადვილი, ამიტომ –  ადამიანები იქ არ ჩნდებიან. მეცნიერები ფიქრობენ, რომ სწორედ ამან შეუწყო ხელი პინგვინების ამ რაოდენობით არსებობას.

მასალა მოამზადა:  ციცი კიკვაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ასტრონომია - კოსმოსიდედამიწაეს საინტერესოაკვლევებიმსოფლიო

მეცნიერები: ,,დედამიწაზე მარსის მსგავსი გარემო არსებობს და იქ სიცოცხლეა“

1.58K views on

პირველად მეცნიერების ისტორიაში, მკვლევარებმა მსოფლიოს ყველაზე მშრალი უდაბნო გამოიკვლიეს და დაადგინეს, რომ მის ნიადაგში შესაძლებელია სიცოცხლის არსებობა და, რაც მთავარია, იგივე შეიძლება ითქვას მარსის ნიადაგზეც.

მკვლევართა გუნდმა ვაშინგტონის სახელმწიფო უნივერსიტეტის პლანეტარული მეცნიერის დირკ შულც-მაქუჩის ხელმძღვანელობით, სამხრეთ ამერიკაში მდებარე ატაკამას უდაბნო შეისწავლეს, სადაც  ათწლეულობის განმავლობაში ერთხელ წვიმს.

მეცნიერები დიდი ხანია იკვლევენ, ამ ჰიპერარდიულ გარემოში, რომელიც ძალიან ჰგავს მარსის ზედაპირს,  მიკრობები მუდმივად ცხოვრობენ, თუ მარტივად იხოცებიან.

კვლებაში, რომელიც Proceedings of the National Academy of Sciences-ში გამოქვეყნდა, შულც-მაკუჩი და მისი გუნდი აცხადებს, რომ ისეთ ჰიპერარიდულ გარემოშიც კი, როგორიც ატაკამაშია, მიკროორგანიზმების სიცოცხლისთვის საჭირო პირობები არსებობს.

მეცნიერებმა დაადგინეს, რომ სპეციალიზებულ ბაქტერიებს ნიადაგში ცხოვრება შეუძლიათ, ისინი ათწლეულების მანძილზე ,,თვლემენ” და წვიმის დროს აქტიურდებიან და რეპროდუქცირდებიან.

,,ჩვენი კვლევა ამტკიცებს, რომ თუკი სიცოცხლის არსებობა დედამიწის ყველაზე მშრალ გარემო პირობებშიც შესაძლებელია, დიდი შანსია იმისა, რომ იგივე ხდებოდეს წითელ პლანეტაზეც.“

როდესაც შულც-მაკუჩი და მისი გუნდი 2015 წელს პირველად ჩავიდნენ ატაკამას უდაბნოში, წვიმდა. მეცნიერებმა კოკისპირული წვიმის შემდეგ ატაკამას ნიადაგში ბიოლოგიური აქტიურობა გამოავლინეს.

მათ გამოიყენეს სტერილური კოვზი და სხვა დელიკატური ხელსასწყოები, რათა ნიადაგის სხვადასხვა სიღრმიდან სინჯები აეღოთ და შემდეგ ჩაატარეს გენომური ანალიზი, რათა დაედგინათ მიკრობების სახეობები, რომლებიც ნიადაგში ხელახლა წარმოიშვნენ. მეცნიერებმა მიკრობული სიცოცხლის რამდენიმე ადგილობრივი სახეობა აღმოაჩინეს, რომლებიც მკაცრ პირობებში ცხოვრებას შეგუებული იყვნენ.

მეცნიერები უდაბნოში 2016 და 2017 წლებშიც ჩავიდნენ და ნახეს, რომ ის მიკროორგანიზმები, რომლებიც წვიმის დროს ცოცხალები იყვნენ, მშრალ გარემო პირობებში თანდათან იცვლებოდნენ და “მთვლემარე” მდგომარეობაში გადადიოდნენ.

,,დარწმუნებულები ვართ, რომ ეს მიკრობები მარსის მსგავს გარემო პირობებშიც ასეულობით და ათასეულობით წლის განმავლობაში ,,თვლემენ’, ხოლო წვიმის დროს სიცოცხლეს უბრუნდებიან,” – აცხადებენ კვლევის ავტორები.

წყარო: https://www.sciencedaily.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
1 … 22 23 24 25 26 … 32
Page 24 of 32