close

ბიზნესი

ბიზნესიფსიქოლოგია

როგორ დავძლიოთ წარუმატებლობის შიში?

1.88K views on

 კომპანიების მიერ ზრდის შეწინააღმდეგების ერთ-ერთი ყველაზე მნიშვნელოვანი და ყველაზე ღრმად გამჯდარი მიზეზი წარუმატებლობის შიშია. მართლაც, ბოსტონის საკონსულტაციო ჯგუფის 2015 წლის გამოკითხვაში, რესპონდენტების 31% ინოვაციის მთავარ ხელის შემშლელ ფაქტორად რისკი თავიდან არიდების კულტურას მიიჩნევს.

უფროს აღმსრულებლებს ეს პრობლემა კარგად ესმით. ერთი მხრივ, მარცხის სარგებელსაც აღიარებენ. როგორც 3M-ის ლეგენდარულმა თავმდჯომარემ, უილიამ ემნაითმა ერთხელ აღნიშნა, „ყველაზე კარგი საქმე თავგადასავლების და გამოწვევების ფონზე კეთდება… შეცდომები აუცილებლად იქნება“. პიქსარის პრეზიდენტი, ედ კატმულიც იმავე აზრზეა. „შეცდომები აუცილებლად ცუდს არ ნიშნავს“, ამბობს ის. „საერთოდაც არ ნიშნავს ცუდს. ისინი რამე ახლის კეთების გარდაუვალი შედეგია… და აუცილებლად უნდა დავაფასოთ“.

მეორე მხრივ, ბიუჯეტირება, რესურსების ალოკაცია და რისკის კონტროლი ეფექტიანობასა და პროგნოზირებაზეა აგებული და აღმასრულებლებს სწორედ ამ კონტროლისთვის აჯილდოვებენ. ასე რომ, იმ შემთხვევაშიც კი, თუ ადამიანი ფიქრობს, რომ დასაშვები და აუცილებელიც კია წარუმატებლობა, ყველაფერს აკეთებს მისი თავიდან ასარიდებლად.

თუმცა, ამ თავსატეხის გადაჭრის გზა ნამდვილად არსებობს: წარუმატებლობის ფასი დაინახვეთ და შედეგად მისგან ამონაგების გაზომვას და გაუმჯობესებასაც შეძლებთ – სარგებლის გაზრდას ხარჯების გაკონტროლების დროს.

წარუმატებლობის მოგების საზომი თქვენ მიერ აქტივობაში ჩადებული რესურსების მნიშვნელობაა. მოგების ზრდის ერთ-ერთი გზა ამ რიცხვების შემცირებაა დაბალი ინვესტირების გზით. ან შეგიძლიათ რესურსები თანდათანობით გაზარდოთ – დაიწყოთ მცირედით, იმ დრომდე, სანამ ყველა გაურკვეველ საკითხს არ გადაჭრით. მრიცხველი ის „აქტივებია“, რომელსაც გამოცდილების შედეგად იღებთ, მომხმარებელზე და ბაზარზე, თქვენზე და თქვენს გუნდზე და თქვენს ოპერირებაზე ინფორმაციის ჩათვლით. მათი ზრდა კი წარუმატებლობიდან მიღებული მოგების ზრდას ნიშნავს.

ათობით ინდუსტრიის 50-ზე მეტ კომპანიაში გუნდების და ორგანიზაციული დინამიკის ათწლიანი კვლევა მოწმობს, რომ, თუ ადამიანები სწორი მიმართულებით ფიქრობენ, მათ ამ პროპორციის გაზრდა არა მხოლოდ პროექტების უარყოფითი მხარეების შემცირებით, არამედ დადებითი მხარეების გაზრდითაც შეუძლიათ. ზოგიერთი წარუმატებლობა ბაზრის ინსაიტის სახით უშუალო სარგებელს იძლევა, საიდანაც პირდაპირი მოგების მიღება შეგვიძლია. ზოგი გაცილებით ფართო გაკვეთილს დაგვასწავლის, რასაც პირადი ან ორგანიზაციული განვითარებისკენ მივყავართ.

ორგანიზაციული ამონაგების გასაზრდელად სამი ნაბიჯი შეგიძლიათ გადადგათ: პირველ რიგში, ყველა ის პროექტი შეისწავლეთ, რომელმაც არ გაამართლა და მათგან რაც შეიძლება მეტი ინსაიტი მიიღეთ. მეორე – ამ ინსაიტებს გარკვეული ფორმა მიეცით და მთელს ორგანიზაციაში გაავრცელეთ. მესამე – ჩაატარეთ კომპანიის შიდა გამოკითხვა იმაში დასარწმუნებლად, რომ წარუმატებლობისადმი თქვენი დამოკიდებულებას ყველა ის სარგებელი აქვს, რაც უნდა ჰქონდეს.

 ნაბიჯი I: ისწავლეთ ყველა წარუმატებლობისგან

უპირველეს ყოვლისა, ადამიანებს იმ პროექტებზე და ინიციატივებზე ფიქრის საშუალება მიეცით, რამაც მათი იმედგაცრუება გამოიწვია. რა თქმა უნდა, ეს ადვილი არ არის: ძველი პრობლემების განხილვა არა მხოლოდ მოსაბეზრებელი, არამედ მტკივნეულიცაა. ბევრ ჩვენგანს დროის წინსვლაში და არა უკან ყურებაში დახარჯვა ურჩევნია.

როცა რაღაც ისე არ ხდება, როგორც დაგეგმილი იყო, ეს თქვენი არსებული შეხედულებების გადამოწმების და შესწორების შესაძლებლობას იძლევა. აუცილებლად აღნიშნეთ, რა გასწავლათ პროექტმა თითოეულ ამ საკითხზე: მომხმარებლის და ბაზრის დინამიკა, თქვენი ორგანიზაციის სტრატეგია, კულტურა და პროცესები, თქვენი საკუთარი თავი და თქვენი გუნდი და მომავალი მიმართულებები. სწორედ ეს ინსაიტებია თქვენი აქტივები.

ვნახოთ, როგორ იმუშავა ამ მიდგომა ბრიტანულ ყოველდღიურ გაზეთში. რამდენიმე წლის წინ აღმასრულებელმა დირექტორმა ერთ-ერთი წარმატებულ ახალგაზრდა რედაქტორს კოლეგებთან ერთად ახალი საგაზეთო ფორმატის პროტოტიპის მარკეტინგზე, დიზაინზე და ტექნოლოგიაზე მუშაობა და შემდეგ ეტაპზე პროექტის  მომხმარებლებთან ტესტირება სთხოვა. ექსპერიმენტს ორი მნიშვნელოვანი შედეგი ჰქონდა: პირველი – მიუხედავად იმისა, თუ კვლევებისას რას აღნიშნავდა მიმხმარებელი, გაზეთის ტრადიციული განშლა და მისი ციფრული ალტერნატივა ერჩივნა. მეორე – პატარა კროს-ფუნქციონალური გუნდი ახალი სარედაქციო პროდუქტების შექმნის ეფექტური გზა აღმოჩნდა. თუმცა, ყველაზე დიდი გაკვეთილი ალბათ პირადული იყო. იმის გამო, რომ ახალგაზრდა რედაქტორი პასუხისმგებლობას გრძნობდა ამ წარუმატებლობის გამო, სამუშაოდ სხვაგან გადავიდა. აღმასრულებელ დირექტორს ამ გამოცდილებაზე, როგორც საკუთარ პასუხისმგებლობაზე ისე შეეძლო ესაუბრა, თუმცა შეცდომის აღიარების გზით მან ეს აქტივად აქცია. „ახალგაზრდა რედაქტორი ფიქრობდა, რომ წარმატება ამ პროდუქტის პილოტირებას და ამუშავებას გულისხმობდა“, ამბობს აღმასრულებელი დირექტორი. „მაგრამ ჩემთვის ეს ექსპერიმენტი იყო, სადაც წარმატება ჰიპოთეზის დადასტურებას ან უარყოფას ნიშნავდა. მისთვის ეს ყველაფერი უფრო გარკვევით უნდა ჩამომეყალიბებინა“. აღმასრულებელმა დირექტორმა რედაქტორის გადასვლა საკუთარ დანაშაულად საჯაროდ აიღიარა, თანამშრომლებს მეტ კომუნიკაციას დაპირდა და ახალი ექპერიმენტებისკენ მოუწოდა.

მეორე მაგალითად საკონსულტაციო კომპანიის ისტორია შეგვიძლია მოვიყვანოთ, რომელმაც მსხვილი სამთავრობო კონტრაქტი ნაკლებად პრესტიჟულ კონკურენტს დაუთმო. ეს დიდი და მოულოდნელი დარტყმა იყო. მაგრამ აღმასრულებელი კომიტეტის სხდომაზე შემთხვევის განხილვის შედეგად გუნდის წევრებმა ამ წარუმატებლობიდან დიდი სარგებელი მიიღეს. მათ გააცნობიერეს, რომ შერჩევის სამთავრობო კრიტერიუმები ძალიან განსხვავდებოდა იმისგან, რასაც ელოდნენ და მათმა კონკურენტმა სახელმწიფო სტრუქტურის საჭიროებები გაცილებით კარგად აღიქვა და შესაბამისად, კონტრაქტიც მოიგო. დისკუსია უფრო ღრმა ინსაიტებშიც გადავიდა. გუნდის მიერ კრიტერიუმების შეუფასებლობის მიზეზი მათ მიერ საკუთარი შესაძლებლობების გადაფასება და კლიენტის სურვილებში გარკვევის ნაცვლად დაშვებებზე დაყრდნობა იყო. კომპანიამ ამ საქმეს თავისი საუკეთესო თანამშრომლებიც კი არ მიამაგრა, რადგან ფიქრობდა, რომ თავად ბრენდი თავის სათქმელს იტყოდა. „სიმართლე ის არის, რომ მთლიანად პროცესს ისევე სერიოზულად არ მივუდექით, როგორც ჩვენი კონკურენტი და შედეგად წავაგეთ კიდეც“, აღნიშნავს ერთ-ერთი აღმასრულებელი. სხვა სიტყვებით რომ ვთქვათ, ამ წარუმატებლობის აქტივი იმის გაცნობიერება იყო, რომ კომპანიას მთლიანად უნდა შეეცვალა შესაძლებლობების მიმართ თავისი დამოკიდებულება.

პროექტებზე ამ მიმართულებით საუბარი ადამიანებს დასწავლილის გააზრებისკენ, გაკვეთილის წინსვლისთვის გამოყენებისკენ და გამოცდილებიდან ყველა დადებითი ეფექტის შეგროვებისკენ მიმართავს.

ნაბიჯი 2: გაუზიარეთ გაკვეთილი

მიუხედავად იმისა, რომ ინდივიდუალური წარუმატებლობების გააზრება სასარგებლოა, ნამდვილ მოგებას მაშინ იღებთ, როცა გაკვეთილს მთელს ორგანიზაციაში განავრცობთ. ერთ-ერთი აღმასრულებლის თქმით, „შემთხვევა ფართო მსჯელობის საგნად უნდა აქციოთ“. როცა ერთი წარუმატებელი პროექტიდან მიღებული ინფორმაცია, იდეები და შესაძლებლობები ერთი ბიზნეს სფეროდან მეორეში გადადის, სარგებელი ერთი-ორად იზრდება.

გაზიარებული გაკვეთილი მომავალი ინიციატივების გაჩენის შესაძლებლობასაც ზრდის. „ყველაზე დიდი შეცდომა, რომელიც როგორც ლიდერმა შეიძლება დაუშვათ, ამბის მომტანის მიჩუმება და ცუდი ამბების ჩამარხვაა“, აღნიშნავს ერთ-ერთი აღმასრულებელი. პოზიტივზე ფოკუსირებით ნდობას, კეთილმოსურნეობას და სხვების სარისკო იდეებისკენ სწრაფვას აღვივებთ.

გირჩევთ, უფროსი ლიდერები მუდმივად შეკრიბოთ წარუმატებლობებში მათი პასუხისმგებლობების განსახილველად. მსგავსი მსჯელობა ყველაზე კარგად მაშინ მუშაობს, როცა ის სწრაფია, კონკრეტულ თემას ეხება, ხშირად ხდება – იქნება ეს წარმატების თუ წარუმატებლობის შემთხვევაში და მიმართულია წინსვლაზე და სწავლაზე.

2009 წელს, როცა Best Buy-ის ხელმძღვანელად კალ პატელი დაინიშნა, მან სწორედ ეს მიდგომა გამოიყენა. კომპანიამ რამდენიმე წლით ადრე ჩინური სავაჭრო ქსელი – Five Star შეიძინა და საკმაოდ წარმატებულადაც მუშაობდა. მაგრამ პრობლემა ის იყო, რომ Best Buy-ის ბრენდირებულ მაღაზიებს გადარჩენისთვის ბრძოლა უწევდათ. პატელმა მაღაზიების მენეჯერები უამრავი ცვლილებისკენ მიმართა: ახალი განლაგება, მომწოდებლებთან მუშაობის გზები, საფასო პოლიტიკა – და ყოველკვირეულ შეხვედრებსაც ჩაუყარა საფუძველი. „პარასკეობით ერთგარი განხილვა გვქონდა: რისი სწავლა გსურდათ? რა ისწავლეთ? რა დაგიჯდათ? ყველა გუნდს ამ თემებზე სასაუბროდ მხოლოდ 5-10 წუთი ეძლეოდა“. საბოლოო ჯამში, ჩინეთში ყველა Best Buy-ის მაღაზიის დაკეტვა გადაწყვიტა. მაგრამ, რამდენადაც Five Star-ის ქსელსაც მეთვალყურეობდა, მიღებული ინსაიტების გათვალისწინების და თანამშრომლების უმრავლესობის შენარჩუნების საშუალება მიეცა. მიღებული ცოდნა დანარჩენ მმართველ გუნდსაც გაუნაწილა.

მეორე მაგალითი ერთ-ერთი რძის პროდუქტების მწარმოებელი კომპანიიდანაა. წარუმატებელი ტექნოლოგიური პროექტის განხილვამ გამოავლინა, რომ პრობლემების ზედაპირზე ორ თვიანი ტივტივის მიუხედავად, საინვესტივიო კომიტეტს გადაწყვეტილების მისაღებად ამ პერიოდზე ოთხჯერ მეტი დრო დასჭირდა. როდესაც გუნდის ლიდერმა ეს ვითარება კოლეგებს და ხელმძღვანელებს გააცნო, სწრაფი განხილვის მექანიზმიც ამოქმედდა, რაც მომავალში წარუმატებელი პროექტების სწრაფი ლიკვიდაციის გარანტიას იძლეოდა.

ზოგიერთი ორგანიზაცია წარუმატებლობების გაკვეთილების თანამშრომლებთან გასაზიარებლად ფორმალურ სტრუქტურებსაც ქმნის. Engineers Without borders International-ის (არაკომერციული, არა-მომგებიანი ორგანიზაცია, რომელიც მსოფლიოს მასშტაბით ხელმოკლე თემების ცხოვრების ხარისხის გაუმჯობესებაზე ზრუნავს) აღმასრულებლებს იმდენად აწუხებდათ ცოდნის სუსტი გავრცელების პრობლემა, რომ ყოველწლიური „წარუმატებლობის ანგარიშის“ გამოცემა და გავრცელება დაიწყეს.

უნდა აღინიშნოს, რომ არაფორმალური მიდგომებიც კარგად მუშაობს. აქ პროექტთან დაკავშირებული კონკრეტული ნიუანსების კომპანიის „ფოლკლორად“ ქცევა იგულისხმება. ბრიტანულ გაზეთში აღმასრულებელი დირექტორის პილოტისა და ექსპერიმენტის ამბავი ყველას ახსოვს. საკონსულტაციო კომპანიაში წაგებული კონტრატი კოლეგებს მუდმივად ახსენებს ქემაღლობის შედეგებს. კოკა-კოლაში ახალი კოკა-კოლის წარუმატებელი პროექტს 30 წელია ითვალისწინებენ.

ნაბიჯი 3: განიხილეთ თქვენი წარუმატებლობის ნიმუში

მესამე ნაბიჯი თქვენს ორგანიზაციაზე ზევიდან დახედვა და იმის გარკვევაა, ამართლებს თუ არა თქვენი მიდგომა. სწავლობთ თუ არა თქვენი ყოველი წარუმატებელი მცდელობისგან? ავრცელებთ თუ არა გაკვეთილს მთელს ორგანიზაციაში? და გეხმარებათ თუ არა ეს ნაბიჯები თქვენი სტრატეგიის და შესრულების გაუმჯობესებაში?

ვენჩორული კომპანიები მუდმივად ამ მიმართულებით მუშაობენ. მაგალითისთვის, Hoxton Venture-ში პარნიორები კვარტალში ერთხელ ნახევარი დღით იკრიბებიან და ყველა იმ ბიზნესს განიხილავენ, რაშიც კი განუხორციელებიათ ინვესტიცია. მთავარი მიზანი იმის აღმოჩენაა, სადმე ფუნდადმენტურად მცდარი მიდგომა ხომ არ აქვთ. მომავლის მართვის 2008 წლის კონფერენციაზე სილიკონის ველის ინვესტორმა, სტივ იურვესტონმა აღნიშნა: „თქვენ გადაწყვეტილების მიღების იმ მექანიზმზე უნდა იმუშავოთ, რომელიც უამრავი გადაწყვეტილებების მიღების დროს კარგ შედეგებს მოგიტანთ. ეს ‘კარგი გადაწყვეტილება მიიღეთ-ს?” კი არ გულისხმობს, არამედ, ‘გვაქვს თუ არა გადაწყვეტილების მიღების ის პროცესი, რომელის სტატისტიკურად კარგად მუშაობს?’“

ეს დისკუსიები თქვენი წარუმატებლობების დონის შეფასებაში უნდა დაგეხმაროთ. ზოგჯერ იგრძნობთ, რომ სისტემის გამკაცრებაა საჭირო. განვიხილოთ ერთ-ერთი სამთო მოპოვების კომპანიის მაგალითი. 2000-ანების დასაწყისში პოსტ-ინვესტიციის განხილვის პროცესი მიმდინარეობდა. მოხდა იმ პროექტების რამდენიმე ეტაპიანი ანალიზი, რომლებსაც პოზიტიური შედეგი არ ჰქონია. მაგრამ 2000-იანების ინდუსტრიული რესურსები ბუმის დროს, კომპანიამ საკუთარი შესაძლებლობები გადააფასა და ამ განხილვების სიხშირე და ინტენსივობაც შემცირდა. შედეგად კომპანიამ ორი მეტისმეტად ცუდი შენაძენი გააკეთა, რამაც დიდ შემცირებამდე და ხელმძღვანელობის შეცვლამდე მიიყვანა. ახალი აღმასრულებელი დირექტორი კი ძველ პოსტ-ინვესტიციების განხილვებს დაუბრუნდა.

ადამიანები მუდმივად უნდა მიმართოთ წარუმატებლობაზე გახსნილად საუბრისკენ. ზოგი კომპანია წარუმატებლობის სპეციალურ ჯილდოსაც კი აწესებს: ნიუ იორკულ სააგენტო Grey-ის „გმირული წარუმატებლობის“ ჯილდო აქვს; ნასას – „გამჭრიახი მარცხის“ და „წინსვლის“ ჯილდო, Tata ჯგუფს კი, „ცდის გაბედვის“ ჯილდო, რის მისაღებადაც 2013 წელს 240 ადამიანი იღვწვოდა. „ადამიანების გამხნევება გვსურს და გვინდა, რომ წარუმატებლობის არ ეშინოდეთ“, აღნიშნავს Tata-ს ხარისხის მართვის ხელმძღვანელი სუნილ სინჰა.

მარცხი ნაკლებად მტკივნეულია, როცა მისგან მაქსიმალურ სარგებელს იღებთ. თუ ყოველი მცირე თუ დიდი შეცდომიდან ისწავლით, გაავრცელებთ ამ გაკვეთილებს და დრო და დრო ამ პროცესებს გადახედავთ, ეს თქვენს ორგანიზაციას სწორი მიმართულებით ეფექტურად გადაადგილებაში დაეხმარება და წარუმატებლობიდან თქვენი ამონაგები კი გაათმაგდება.

 

წყარო: Harvard Business Review

მასალა მოამზადა:  ციცი კიკვაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ბიზნესი

როგორ მოქმედებს ჩაცმულობა წარმატებაზე?

2.46K views on

,,კაცს ტანსაცმელი ქმნის, შიშველ ადამიანს საზოგადოებაზე ზემოქმედება არ შეუძლია,”  – წერდა მარკ ტვენი. მართლაც, მოგწონთ ეს თუ არა, ცხადია, რომ ჩაცმულობას სერიოზული გავლენის მოხდენა შეუძლია წარმატებაზე. კვლევები აჩვენებს, რომ იგი დიდ როლს თამაშობს იმიჯის შექმნაზე. თანამშომლები ხშირად საუბრობენ იმაზე, თუ რა გვაცვია და როგორ გამოვიყურებით. ,,ტანსაცმელი და კომუნიკაციის უნარები განსაზღვრავს გენდობიან თუ არა, მოგცემენ თუ არა წვდომას მენეჯმენტთან, დაგიქირავებენ, იყიდიან თქვენს პროდუქტს თუ მომსახურებას,” – ამბობს დარლინ ფრაისი – ,,Well Said-ის” პრეზიდენტი. როგორ ჩავიცვათ, რომ მივაღწიოთ წარმატებას?

  • არასოდეს ატაროთ ჭუჭყიანი და დაკუჭული ტანსაცმელი – გაგონიათ უთოს შესახებ? გამოიყენეთ, რათა თქვენი ტანსაცმელი დახვეწილად გამოიყურებოდეს.
  • ატარეთ ტანისამოსი, რომელიც გიხდებათ – სამკერვალო საუკეთესო საშუალებაა, ისეთი ტანსაცმლის შესაკერად, რომელიც ნამდვილად მოგიხდებათ.
  • არ გამოაჩინოთ კანი ზედმეტად – არ ატაროთ ძალიან მოკლე ქვედაბოლო ან ტოპი.
  • ატარეთ შესაბამისი ფეხსაცმელი და აქსესუარები – არ ატაროთ ,,მყვირალა” სამკაული. ატარეთ კომფორტული ფეხსაცმელი, რომელიც შეესაბამება თქვენს სამსახურს. თუ მაკიაჟს ატარებთ, არ გადააჭარბოთ.
  • არ ატაროთ შორტები – ბევრ სამსახურში შორტების ტარება დასაშვებია, მაგრამ ეს პროფესიონალურ იმიჯს არ ქმნის.

ჩაცმულობამ შეიძლება მნიშვნელოვანი როლი ითამაშოს იმაზე, თუ როგორ გიღებენ თანამშრომელები სამსახურში, ხოლო პროფესიონალური ჩაცმა საქმიან იმიჯს შეგიქმნით.

 

წყარო: Harvard Business Review

 

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

სრულად ნახვა
ბიზნესი

5 წიგნი, რომელიც ბილ გეითსის რჩევით უნდა წაიკითხოთ

2.58K views on

,,Microsoft-ის” დამფუძნებელი, მსოფლიოს უმდიდრესი ადამიანი – ბილ გეითსი – იმ წიგნების სიას აქვეყნებს, რომლის წაკითხვასაც მიმდინარე წლის ზაფხულში გირჩევთ.

  1. „Seveneves“ – ნილ სტეფენსონი – 800-გვერდიანი სამეცნიერო-ფანტასტიკური ჟანრის რომანი ადამიანების ცხოვრებაზეა, რომლებიც იძულებულები გახდებიან დატოვონ დედამიწა.
  2. „The Power to Compete“ – ჰიროში მიკიტანის წიგნში ავტორი საკუთარი იაპონური კომპანიის ,,გაცოცხლების” ისტორიას ყვება. ბილ გეითსი წერს, რომ ის ავტორის ყველა მოსაზრებას არ ეთანხმება, თუმცა წიგნში მოცემული ისტორიები ყურადსაღებია.
  3. „Sapiens“ – ისტორიკოსი – იუვალ ნოა ჰარარი – ადამიანის მოგზაურობას მის კოგნიტურ, აგროკულტურულ და სამეცნიერო რევოლუციებში მიჰყვება.

4.“ How not to be wrong“–მათემატიკის პროფესორი – ჯორდან ელენბერგი – არღვევს ყველა კონცეპტს და        გვაჩვენებს, თუ როგორ შეიძლება ,,მათემატიკური აზროვნების” ყველაფერში გამოყენება.

5.“The Vital Question“– ინგლისელი ნიკ ლეინის წიგნი მოგვითხრობს, როგორ წარმოიშვა და ვითარდებოდა ცხოვრება ენერგიის პრინციპების შემდეგ.

,,ბიოქიმიკოსი – ნიკ ლეინი- იმ ორიგინალური მოაზროვნის ნიმუშია, რომელიც გაფიქრებინებს, რომ ამ კაცის შესახებ უფრო მეტმა ადამიანმა უნდა იცოდეს”, – აღნიშნავს ბილ გეითსი.

 

წყარო: www.cnet.com

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ბიზნესი

მარკეტინგი  ,,დისნეის” ფილმებში

2.62K views on

ბენჟამენ ფრანკლინმა ერთხელ თქვა: „მითხარი და დამავიწყდება. მასწავლე და დავიმახსოვრებ. ჩამრთე და ვისწავლი“. რა თქმა უნდა, ეს სიტყვები ცხოვრების ბევრ სფეროს შეიძლება მოვარგოთ და ბიზნესიც ერთ-ერთი მათგანია. მაგრამ, მოდი, მხოლოდ ერთი სფერო განვიხილოთ: ფილმები, კონკრეტულად კი, უოლტ დისნეის კორპორაციის კუთვნილი ფილმები, რომლებიც, სულ მცირე –  საკმაო „ჩართულობით“ გამოირჩევა.

მხოლოდ ცალი თვალი შეავლეთ „ვიპოვოთ დორის“, რომელმაც ბოლო ორი კვირაა ყველანაირი კონკურენცია ჩაკლა კინოგაქირავებაში. საერთო ჯამში, დისნეის გლობალურმა შემოსავალმა 52,47 მილიარდ აშშ დოლარს მიაღწია და შესაბამისად, სწორედ მისგან უნდა ვისწავლოთ, თუ როგორ ვაიძულოთ ჩვენი მომხმარებლები, ჯიბიდან საფულე ამოიღონ, გადაიხადონ და თანაც ამან დიდი ბედნიერებაც მიანიჭოს.

1.გართობა იყიდება

,,დისნეის” ფილმების წარმატებას არანაირი მისტიური მიზეზი არ აქვს – ყველა მათგანი საუკეთესო ისტორიაა. ჩვენ, ადამიანებს კი ისტორიები გვიყვარს. და როცა საქმე ამ ისტორიების მარკეტინგს ეხება, ,,დისნეი” აქაც გამარჯვებულია: ძალიან სასიამოვნოა, როცა რეკლამასაც კი შეუძლია ჩვენი შეყოლიება; შესაბამისად, როგორც მომხმარებელი, ჩვენ საპასუხო ნაბიჯს ვდგამთ.

სარეკლამო სფეროს ტიტანებმა ეს ყოველთვის იცოდნენ და წლებთან ერთად უამრავ დამამახსოვრებელ რეკლამას ვხვდებით, რაც ძირითადად მათი გასართობი ფაქტორის დამსახურებაა (სექსი რეკლამაში -მარკეტინგში „გასართობი შინაარსის“ ეფექტურობის კიდევ ერთი მაგალითია).

,,დისნეი”თავისი არსით გამრთობია. ყიდის ისტორიებს, სუპერგმირებს, მოქმედებას, დრამას და ბევრ სხვა მსგავს (რომ არაფერი ვთქვათ CD-ებზე, DVD-ებზე და დაბრენდილ ვაჭრობაზე).

ამასობაში, ყველა სხვა კომპანიის მიერ წარმოებული მარკეტინგი უბრალოდ ყარს. რეკლამების უმრავლესობის ყურებისას მთქნარებას ვერ ვიკავებთ. ინდივიდუალიზმის მარცვალსაც კი ვერ იპოვით მათში. ტრადიციული რეკლამები ყოველთვის მოსაწყენი იყო. დღესდღეობით კი საქმე გვაქვს ონლაინრეკლამებთან, რომლებიც ყველაფერთან ერთად, უსარგებლოცაა.

მაგალითისთვის, ავიღოთ დიდი ონლაინპლატფორმების მარკეტინგი: Yahoo-ს წარმოდგენაც კი არ ჰქონდა, რაში უნდა გამოეყენებინა თავისი უზარმაზარი აუდიტორია. Twitter-ი ისევ იბრძვის ყოველდღიურად მზარდი მომხმარებელთა ბაზაში სარგებლის დასანახად. Facebook-ი სარეკლამო შემოსავალს ითვლის. Google-ს, ნამდვილ ბეჰემოტს კი, ჯერ კიდევ არ დაუგვირგვინებია თავისი საქმე. ზოგადად, რეკლამების უმრავლესობა უბრალოდ არ მუშაობს. რატომ? სახის კრემებში და პროტეინებში არაფერი საინტერესო არ არის, თუ ასეთად არ გახდი.

თუმცა არსებობს გამონაკლისებიც, სადაც „გართობა“ იჩენს თავს. ამისთვის მხოლოდ The Dollar Shave Club – ის კრეატიული თანამშრომლების ნამუშევრებს უნდა გადახედოთ.

  1. დღეგრძელი მოგონებები

,,დისნეის” წარმატება მისი ფილმების თქვენს პერსონალურ დონეზე მოქმედების შედეგია. ყველაფერს რომ თავი დავანებოთ, ყოველი ამ ფილმის პერსონაჟი სამუდამოდ იმკვიდრებს ბინას თქვენს მეხსიერებაში. მიკი მაუსი ამდენი წლის შემდეგაც კი დისნეის და თავისი მულტიპლიკაციური გმირების დამოკიდებულების ერთგვარი ხატია. სპორტული თილისმების გამოყენების კონცეპტი მთლიანად ,,დისნეის” პერსონაჟების პიროვნულ დონეზე მოქმედების ოსტატობიდან იღებს სათავეს.

თილისმების გამოყენება მარკეტერებსაც წარმატებით შეუძლიათ. მთავარია, მათი შერჩევა სწორად მოხდეს. ალბათ Mailchimp-ის ,,Chimp-ი” იმდენად საყვარელია, რომ ბრენდი ყველას ახსოვს.  თავად ,,Mailchimp-ი” კი არც თუ ძალიან შორს დგას ,,დისნეის” პერსონაჟის წარმატებისგან.

  1. სტრატეგიის და მიზნის სწორხაზოვნება მნიშვნელოვანია

თუ თქვენ მართვის გამოსახატავად სიტყვა „სტრატეგიას“ იყენებთ, ,,დისნეის” ფილმების შემთხვევაში უფრო სწორი იქნებოდა „კულისებს მიღმაზე” გვესაუბრა. აქ უნდა აღინიშნოს შესანიშნავი ლიდერობა, ერთიანი დაგეგმარება და კულტურა, რომელიც რთულია უგულებელჰყო. ,,დისნეის” თემატურ პარკებში მომხმარებელი „სტუმარია“, ხოლო სამუშაო – „როლი“. თანამშრომლები „მსახიობები“ და ყველა მათი მოქმედება ქაოსისადმი მეთდური მიდგომაა.

,,დისნეისა” და ,,პიქსარში” ყველაფერს აკეთებენ ისეთი ფილმების შესაქმნელად, რომლებიც აღგაფრთოვანებთ, გაჯადოებთ, გართობთ და გაჰიპნოზებთ. ერთ შეხედვით, ეს ყველაფერი ჯადოსნობად შეიძლება მოგეჩვენოთ, მაგრამ ყოველი მოძრავი პიქსელის მიღმა თავდაუზოგავი შრომა დგას.

,,დისნეიში” ყველა ერთ ენაზე საუბრობს. ყოველ ინდივიდს თავისი როლი აქვს. კომპანია თავის გუნდს შეუზღუდავ თავისუფლებას ანიჭებს. ისინი ერთად იღებენ თავზე რისკს. ერთად ფიქრობენ იდეებზე, რომლებსაც ზოგჯერ დინების საწინააღმდეგო მიმართულებით მიჰყავს (მარველის ბინძური სია).

მარკეტინგი ბიზნესის ყოველი ფუნქციის ინტეგრირებას მოითხოვს. თუმცა, ბიზნესის უმრავლესობისთვის, მარკეტინგი მხოლოდ ფუნქციაა.

  1. ,,დისნეის” ფილმები თავშესაქცევია

თავშესაქცევი – ღირებული თვისებაა. ,,დისნეის” ფილმებს სხვა სამყაროში გადაჰყავხართ, რეალურ ცხოვრებას არარეალური სამყაროს დოზებით ავსებს და ცდილობს მყარად დაგსვათ ეკრანის წინ. ექშენი, დრამა, ემოციები, ანიმაცია, ციფრული და ხმის ეფექტები მთლიანად კომპანიის შექმნილია.  თქვენი მეტი ჩართულობის უზრუნველსაყოფად, დისნეი თავისი ფილემბის 3Dვერსიებზეც კი თვითონ მუშაობს.

ფილმების ტრეილერები, პოსტმარკეტინგი, პოსტერები, დაბრენდილი ატრიბუტები და ყველა ის სხვა მარკეტინგული ინსტრუმენტი, რომელსაც დისნეი ფილმის გაშვებამდე და პრეზენტაციის შემდეგ იყენებს, ერთგვარად ასრულებს მთლიან პროცესს. შემდეგ მოდის YouTube და გასართობი სატელევიზიო შოუები, სადაც დეტალურად განიხილავენ ყოველი კადრის შექმნის ისტორიას, წარმოგვიდგენენ ინტერვიუებს შემოქმედებით ჯგუფთან და ა.შ.

ბიზნესი კი მარკეტინგს ისევე უდგება, როგორც ბუღალტერიას. სტანდარტულად. პროტოკოლზე დაყრდნობით. უგულოდ. უსულოდ.

რასაკვირველია ყველა ინდუსტრიის წარომადგენელი ვერ მისცემს თავს „თავშესაქცევად“ ყოფნის უფლებას, მაგრამ, ამისდა მიუხედავად, ტრადიციული და ციფრული მარკეტინგული აქტივობების გათვალისწინებით, ყოველთვის შეიძლება შემუშავდეს მარკეტინგული გეგმა, რომელიც მომხმარებლების ჩართულობას უზრუნველყოფს და მარკეტინგს გამოჩენის, გამოყოფის საშუალებას მისცემს. ბიზნესი მოსაწყენი მხოლოდ წარმოსახვის ნაკლებობის გამო ხდება.

  1. ,,დისნეი” პრიორიტეტს წარმოსახვას ანიჭებს

ყველაზე მოსაწყენ სფეროსაც კი შესწევს ძალა თავისი კონტენტმარკეტინგი და სოციალური აქტივობა საინტერესო და გამორჩეული გახადოს. წერეთ ისე, როგორც საუბრობთ! იყავით უნიკალური! არ დაივიწყოთ იუმორი! თქვენი სათქმელი ვიზუალურად გამოხატეთ! როგორც Hubspot-ის ბლოგერი – კორეი უიაინრაითი –  აღნიშნავს, „მარკეტინგი ხშირად მოსაწყენია. მაგრამ, მილიარდობით დოლარის კეთება პირიქით, სახალისოც კია“.

მოსაწყენი ბრენდები იკარგება, რადგან ყველაფრის გადამწყვეტი ხშირად ხელსაყრელი შემთხვევაა. მაგალითისთვის, ,,დისნეი” მომხმარებლებს წლებია სთავაზობს ერთსა და იმავე გმირს, მიკი მაუსს, ამ პატარა, საყვარელ დიდ ყურებიან ბიჭს, რომელიც ამ ხნის განმავლობაში უკვე უნდა გამხდარიყო მოსაწყენი. მაგრამ ასე არ მომხდარა.

უბრალოდ, დისნეი არ ცნობს სიტყვა „მოსაწყენს“. არც ,,ეპლის” iPhone-ი სწყალობს მას. არც ,,ლენდ როვერის”კვადრატულ დიზაინს შექმნია პრობლემები გაყიდვისას. ამ ლოგიკით, BMW-ის მინიც დიდი ხნის ჩაკეტილი უნდა იყოს ავტოსადგომში. მაგრამ ასე არ მომხდარა. ათწლეულების შემდეგაც კი ისევ გვიყვარს ,,დისნეი”, რადგან გვიყვარს წარმოსახვა.

 

წყარო: Entrepreneur

მასალა მოამზადა:  ციცი კიკვაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ბიზნესი

როგორ შეიქმნა ცნობილი ბრენდები?

3.15K views on

ყველა ბრენდს თავისი საინტერესო ისტორიები აქვს. ,,დოქტრინა” გთავაზობთ რამდენიმე მათგანს:

 

Victoria’s Secret

ერთხელ როი რეიმონდმა გადაწყვიტა თავისი მეუღლისთვის საჩუქრის გაკეთება და წავიდა მაღაზიებში ლამაზი ქალის თეთრეულის საყიდლად. ის დიდხანს ათვალიერებდა მაღაზიების სტელაჟებს, და ,,დაიკარგა” ქალების სამყაროში და გამყიდველებმაც ვერ შეძლეს მისთვის დახმარების გაწევა,  როიც ცარიელი ხელებით წავიდა, მაგრამ რევოლუციური აზრით. 1977 წელს მან გახსნა თავისი პირველი მაღაზია — «Victoria’s Secret», პოზიციირებული როგორც ქალის თეთრეულის ახალი ტიპი. მაღაზია შეიცავდა ევროპულ ელეგანტურობას მეგობრული ინტერიერით, სადაც მამაკაცებიც გრძნობდნენ თავს კომფორტულად. ხოლო ახალი პროგრამის გაშვების საქონლის რეალიზაციის კატალოგებიდან, რაიმონდმა ნამდვილი გადატრიალება მოახდინა მთელs მსოფლიოში მაგ სფეროში.

ხოლო ხუთი წლის შემდეგ რაიმონდი იყო იძულებული გაეყიდა Victoria’s Secret ლესლი ვეკსნერისთვის, რომელმაც ეგრევე მოაშორა მამაკაცებისთვის შექმნილი კომფორტული მდგომარეობა.

ხოლო როი რეიმონდსი 47 წლის ასაკში, რამოდენიმე უიღბლო ბიზნესის წამოწყების შემდეგ, 1993 წელს თავი მოიკლა სან-ფრანცისკოში.

 

Nintendo

იაპონური კომპანიის ისტორია, რომელიც სპეციალიზირებული იყო კომპიუტერული თამაშების და სათამაშო კონსოლების შექმნაზე, დაარსდა 1889 წელს. მაშინ კომპანიას ერქვა ,,Marufuku” და აწარმოებდა სათამაშო კარტებს იაპონურ სტილში, რომლებიც ფერადდებოდა ხელით, ხოლო შედგომ იფარებოდა ლაქით. 1902 წელს კომპანია იწყებს კარტების წარმოებას დასავლეთის ნიმუშებზე, რომლებიც იმ დროისთვის იაპონელებისთვის წარმოუდგენელი იყო და მალევე გახდა ერთ-ერთ ლიდერად აზარტული თამაშების ინდუსტრიაში.

1970-იან  წლებში ,,Nintendo” გადადის ჩვეულებრივი კარტებისგან სათამაშოებზე. იმ დროისთვის იყო მოგონილი უამრავი საინტერესო სათამაშო. 1978 წელს ,,ნინტენდომ” დაიწყო საარკადო თამაშების წარმოება.

 

Pampers

კომპანია ,,Procter & Gamble-ის” წამყვანი ქიმიკოს-ტექნიკოსი – ვიქტორ მილზი, ეხმარებოდა თავის გოგოს ბავშვების მოვლაში, რამოდენიმე ჯერ მოუწია თავისი შვილიშვილებისგან სველი საცვლების ამოღება, მათი გარეცხვა და გამშრალება. პროცესი, რაღა თქმა უნდა, არ მოეწონა მას, მას უნდოდა რამენაირად გაადვილება ამ პროცესის. მაშინ მას თავში მოუვიდა ერთჯერადი საცვლების შექმნის აზრი – მილზის პირველი მოდელები დაიტესტა თავის შევილიშვილებზე – იგი საერთოდ ყველაფერს ამოწმებდა თავისი ოჯახის წევრებზე. იმ დროს როდესაც ყველა კბილებს იხეხავდა, კბილის ფხვნილით მისი ცოლი და შვილი კბილის პასტით იხეხავდნენ კბილებს, რომელიც თვითონ მილზმა მოიგონა.

რამოდენიმე ექსპერიმენტის შემდეგ, სხვადასხვა მასალის გამოცლის შემდეგ, მილზმა შექმნა P&G-ვის ახალი პროდუქტი, რომლის გამოშვებაც დაიწყეს როდესაც მილზი იყო 80 წლის. ვიქტორ მალზი გარდაიცვალა 100 წლის ასაკში, 1997 წელს.

 

Nike

ფილ ნაიტი იყო მორბენი საშუალო მანძილზე ორეგონის უნივერსიტეტის გუნდში. იგი არ იყო ნამდვილი სპორტსმენი. მაგრამ სამაგიეროდ იცოდა თუ რა საშინელია ამერიკული ფეხსაცმელი. იმ დროისთვის გერმანული ,,Adidas-ი” 60-იან წლებში იყო ფუფუნების ტოლფასი, რადგან ღირდა ადგილობრივ ბრენდებზე ბევრად ძვირი. ნაიტმა გადაწყვიტა სიტუაციის გამოსწორება და შეექმნა ,,Blue Ribbon Sports” კომპანია, რომელიც გააწარმოებდა ამერიკულ ფეხსაცმელს და ხარისხით არ დაუთმობდა ,,Adidas-სა” და ,,Puma-ს”.

ნაიტი მიხვდა რომ იაფი და ხარისხიანი ნაწარმს შექმნა შესაძლებელი იყო მხოლოდ აზიაში. 1965 წელს მან 500 დოლარი ჩადო საქმეში, ნაიტმა და მისმა მწვრთნელმა – ბაუერმანმა შეუკვეთეს 300 წყვილი ფეხსაცმელი იაპონურ კომპანიას ,,ონიცუკა ტაიგერს (ამჟამად ASICS)”. ფილმა დაიწყო ფეხსაცმლის გაყიდვა პირდაპირ თავისი ფურგონიდან. გაყიდვა გაიზარდამ და ბიზნესი გადაიზარდა უცხო ნაწარმის გაყიდვით საკუთარი ნაწარმის გაყიდვაში და შეიქმნა ბრენდი ,,Nike-ი”.

 

Hilton

ივნისში, 1919 წელს, ამერიკულ შტატში ტეხასში მდებარე ქალაქ სისკოში ჩამოვიდა კონრად ჰილტონი, რომელსაც მაშინ შეუსრულდა 31 წელი. იმ დროისთვის იგი იყო გაკოტრებული. გაკოტრების შემდეგ მას ჰქონდა შერჩენილი 5000 ამერიკული დოლარი და აპირებდა ახალი ბანკის გახსნას ან ყიდვას, მაგრამ ძალიან სწრაფად მისი გეგმები შეიცვალა.

ღამის გასათენებლად კონრადი შევიდა ადგილობრივ სასტუმროში ,,Mobley”. იგი იყო გაოცებული ხალხით გადატენილი ვესტიბიულის ნახვისას, რომლებიც ჩხუბობდნენ თავისუფალი ოთახისთვის. ,,კლიენტების ბრბო – ეს არის ნადვილი ოცნება ნებისმიერი კომერსანტისთვის”,– გაიფიქრა იმ დროს ჰილტონმა. ხოლო სასტუმროს მეპატრონეს სულაც არ ახარებდა ეგ ფაქტი და ის არ იყო უარზე გაეყიდა თავისი 60-ოთახიანი სასტუმრო ,,Mobley”. ეს იყო საკმარისი იმისთვის, რათა ჰილტონს დავიწყებოდა ყველანაირი ბანკი. რამოდენიმე დღესი ის გახდა თავისი პირველი სასტუმროს მფლობელი, ხოლო უკვე ექვსი წლის შემდეგ გახსნა პირველი სასტუმრო თავისი სახელით დალასში – ,,Dallas Hilton-ი”.

 

 მასალა მოამზადა: ციცი კიკვაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიზნესი

10 რამ, რაც მიზნების მიღწევაში გვეხმარება

2.09K views on

რთულია, გაიგო, რა გინდა ცხოვრებაში რეალურად.

როდესაც მიხვდები, რომ ის ნივთები, რომლებიც შეიძინე, არ გაბედნიერებს და არ მოაქვს შენთვის სარგებლობა, გიჩნდება კითხვა: „რა მჭირდება რეალურად?“

ერთხელაც აღმოაჩენთ, თქვენს ნამდვილ მისწრაფებას ცხოვრებაში, თქვენთვის ადვილი იქნება ეს ყველაფერი, თუ მიზანმიმართული გეგმა გექნებათ. თქვენი ცხოვრება გახდება მეტად ორგანიზებული და იგრძნობთ თავს სრულყოფილად. მთავარი კითხვა: როგორ გავიგოთ ჩვენი მთავარი სურვილი?

ახლა შემოგთავაზებთ იმ 10 მეთოდს, რომლებიც მოგეხმარებათ იპოვოთ, გამოიკვლიოთ თქვენი მთავარი სურვილი ცხოვრებაში.

  1.  არ იყიდოთ ყველაფერი, რასაც ფიქრობთ, რომ გჭირდებათ

ადამიანების უმრავლესობა დაუფიქრებლად ყიდულობს ისეთ ნივთებს, რომლებიც მათ რეალურად შეიძლება არ სჭირდებოდეთ, მაგალითად, იფიქრეთ, ნამდვილად გჭირდებათ თუ არა ახალი ჟაკეტი, თუ თქვენ უკვე გაქვთ რამდენიმე, რომლებსაც არ იცმევთ? თუ გადაწყვეტთ, რომ გჭირდებათ  – უნდა იყიდოთ. თუ ნივთებს იმისთვის ყიდულობთ, რომ შეავსოთ ის სიცარიელე, რომელსაც გრძნობთ, თქვენ არასწორად იქცევით. სცადეთ კარგად გაიაზროთ, თუ რა გჭირდებათ რეალურად, ეს მოგეხმარებათ მთავარი სურვილის პოვნაში.

  1. სწავლა!

იმის მაგივრად, რომ დრო დავკარგოთ ,,Facebook–სა” და სხვა სოციალურ ქსელებში, თქვენ შეგიძლიათ გამოიყენოთ ინტერნეტი სხვა მრავალი პროდუქტიული რამისთვის, აიმაღლოთ განათლების დონე და მიიღოთ სხვადასხვა ახალი ინფორმაცია. თუ არ იცით, რა პროფესია გსურთ რეალობაში, შეგიძლიათ გაიაროთ რამდენიმე ონლაინკურსი, რომელიც მოგეხმარებათ გადაწყვეტილების მიღებაში.

  1. დაუბრუნდით თქვენი ბავშვობის ოცნებებს

ალბათ ყველასთვის უკითხავთ ბავშვობაში: „ვინ უნდა გამოხვიდეო?“ ეცადეთ გაიხსენოთ, რას პასუხობდით და თუ შესაძლებელია, რომ შეასრულოთ ის სურვილები, რომლებიც ბავშვობაში გქონდათ, აუცილებლად გააკეთეთ.

  1. ფიქრი

ფიქრი ყველაზე კარგი საშუალებაა მიხვიდე იმ საბოლოო დასკვნამდე, რაც შენ გჭირდება. არსებობს ხალხი, ვინც გეხმარება, გიტარებს სეანსებს და ცდილობს გაპონვინოს შენი თავი და გაგაგებინოს, თუ რა გსურს ამ ცხოვრებაში. არ აქვს მნიშვნელობა წარმატებული იქნება თუ არა თქვენი მცდელობები, თქვენ არ უნდა დანებდეთ იქამდე, სანამ წარმატებას არ მიაღწევთ.

  1. ჰკითხეთ თქვენს თავს: „რატომ არ ვარ ბედნიერი?“

ფიქრობთ, რომ ცხოვრებაში დაჩაგრული ხართ? რატომ? იქნებ არ მოგწონთ სამსახური, სადაც მუშაობთ? იქნებ თქვენი მეგობრები არ არიან თქვენი შესაფერისები? იქნებ მშობლები ვერ გაბედნიერებენ? იმისთვის, რომ გაიგოთ, რა გსურთ, უპირველეს ყოვლისა,  თქვენი ცხოვრებიდან უნდა გააქროთ, ან იგნორი გაუკეთოთ ისეთ ფაქტორებს, რომლებიც თქვენს ბედნიერებას ხელს უშლიან.

  1. გამოიყენეთ დახმარება

არანაირი მნიშვნელობა არ აქვს, რა გეგმები გაქვთ მომავალში, გვერდზე საიმედო ადამიანები გჭირდებათ, ვისაც უყვარხართ და პატივს გცემენ.

  1. იფიქრეთ თქვენს პრობლემებსა და მათი გადაჭრის გზებზე

იმაზე ფიქრის ნაცვლად, თუ სად გინდათ, რომ გაატაროთ მთელი წელი, მობილიზდით და იმაზე იფიქრეთ, თუ როგორ უნდა გადაჭრათ პრობლემები.

  1. იყავით თავგადასავლების მოყვარული

არ გაატაროთ ყოველი დღე ერთნაირად, იყავით მრავალფეროვანი და ეცადეთ ცხოვრებაში ახალი აქტივობებით დაკავდეთ.

  1. განსაზღვრეთ თქვენი ღირებულებები

აიღეთ ფურცელი და ჩამოწერეთ ყველაფერი, რისიც გჯერათ. იყავით ისეთი, როგორიც გინდათ რომ იყოთ.

  1. იყავით სრულყოფილი პიროვნება

იყავით ისეთი, როგორიც ხართ, არ არის საჭირო ნიღბების ტარება, ყველასთან ერთნაირად უნდა იქცეოდეთ და ყველა ერთ ადამიანად უნდა გიცნობდეთ.


ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ბიზნესიეს საინტერესოამსოფლიოტურიზმი

5 საუკეთესო ადგილი, სადაც ახალი წელს უნდა შეხვდეთ

2.15K views on

ახალი წელი ყველა ადამიანისთვის სიახლესთან და სიხარულთან ასოცირდება. ამ დღესასწაულს მთელი მსოფლიო აღნიშნავს, სხვადასხვა ქვეყანაში სხვადასხვა ტრადიციაა დამკვიდრებული, თითქოს დრო იცვლება და წეს-ჩვეულებებიც უნდა შეიცვალოს, მაგრამ საქართველოში დღემდე არის შემორჩენილი ის ტრადიცია, რომ ხალხი სახლში ხვდება ახალ წელს და ელოდება მეკვლეს, რომელიც პირველი შემოაბიჯებს ოჯახში.

სასაათო სარტყლების მიხედვით, ახალი წლის აღნიშვნა პირველად ყოველთვის იწყება წყნარ ოკეანეში, კირიბატის კუნძულებზე. უკანასკნელები კი ძველ წელს აცილებენ კვლავ წყნარ ოკეანეში მდებარე კუნძულ მიდუეის მცხოვრებლები.

მაგრამ საუკეთესო ცერემონიებით გამოირჩევა 5 ქალაქი, რომელიც მოწინავე ადგილს იკავებს იმ ქალაქებს შორის, სადაც ყველაზე გრანდიოზულად აღინიშნება ახალი წელი:

  1. სიდნეი
  2. რიო დე ჟანეირო
  3. პარიზი
  4. ჰავაი
  5. ლონდონი

 

წყარო:  Entrepreneur.com

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიზნესიმსოფლიო

,,ადიდასის” დაარსების ისტორია

3.39K views on

,,ადიდასი” მსოფლიოში ერთ–ერთი საუკეთესო სპორტული ბრენდია, საკმაოდ საინტერესო ისტორიით, როგოც ცნობილია, კომპანია დააფუძნეს ძმებმა დასლერებმა, მათი საქმიანობა წლების განმავლობაში ძალიან კარგად მიდიოდა, თავიდან ბიზნესი ფეხსაცმელების წარმოებით დაიწყეს, ერთი ძმა მათ გასაღებას ხელმძღვანელობდა, მეორე კი – წარმოებას. 1925 წლიდან იწყება კომპანიის სპორტული მოღვაწეობა, როდესაც მათ გამოუშვეს ბუცები. ისინი დღეში 100 წყვილ ფეხსაცმელს კერავდნენ. 1938 წელს კი – კომპანია საკმაოდ დიდ ნაბიჯს დგამს წინ და 1000 წყვილ ფეხსაცმელს ამზადებს დღეში.

ყველაფერი ძალიან კარგად მიდიოდა, რომ არა ძმების უთანხმოება და კომპანიის გაყოფა, ადოლფმა თავის კომპანიას ,,ადიდასი” დაარქვა, მისმა ძმამ კი –  ,,პუმა”, იმდროინდელ ეპოქაში ნათლად იგრძნობოდა მათი დაპირისპირება, რადგან თანამშრომლები სხვადასხვა ბარში დადიოდნენ გასართობად, მათი შვილები კი სხვადასხვა სკოლაში.

 

წყარო: Adidas-group.com

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ბიზნესიეს საინტერესოა

Bread&Wine – ქართული სამზარეულოს ტრადიციების მიმდევარი

508 views on

თუ უგემრიელესი ქართული ტრადიციული კერძების დაგემოვნება გსურთ, შეგიძლიათ რესტორან ,,პური და ღვინოს“ ესტუმროთ.  ეს არის რესტორანი, რომელიც ტრადიციულ ქართულ სამზარეულოსა და თანამედროვე ტენდენციებს აერთიანებს.

„Bread&Wine“-ის სამზარეულო ფოკუსირებულია ქართულ სამზარეულოზე, თუმცა,  ასევე პატივს ვცემთ თანამედროვე ტექნოლოგიებისა და ტენდენციების გამოყენებას.“ – აღნიშნავს რესტორნის ერთ-ერთი დამფუძნებელი.

breadandwine.ge რესტორანი განსაკუთრებული სტუმართმოყვარეობით გამოირჩევა. სწორედ ეს უკანასკნელი უნარჩუნებს რესტორანს გამორჩეულ ადგილს Best Georgian restaurants in Tbilisi -ს შორის.

,,საკუთარ თავს ყოველთვის ვეკითხებოდი, რა არის სტუმრისთვის ყველაზე მნიშვნელოვანი ქართულ რესტორანში?! ჩემი აზრით, ეს არის გემრიელი ტრადიციული კერძები, სასიამოვნო მუსიკა, მაღალი დონის მომსახურება და დაუვიწყარი დროის გატარების შესაძლებლობა მეგობრებთან და ოჯახის წევრებთან ერთად.“–  აღნიშნავს რესტორნის ერთ-ერთი დამფუძნებელი.

მრავალფეროვანი მენიუ
,,პური და ღვინოს“ მენიუში საქართველოს ყველა რეგიონის ტრადიციული კერძია თავმოყრილი. რესტორანში სალათებისა და ყველის სხვადასხვა სახეობის  დაგემოვნებაა შესაძლებელი.  ,,პური და ღვინის“ მენიუში წარმოდგენილია ბოსტნეულის მწნილისა და  ფხალის ასორტები.  რესტორანს სტუმრებისთვის გამასპინძლება, როგორც ხორციანი ასევე ვეგეტარიანული წვნიანებით  შეუძლია.  მენიუში ასევე შეხვდებით ცხელი კერძების მრავალფეროვან არჩევანს, მათ შორის კეცზე მოზადებულ სოკოსა და ქათმის ხორცის ნაირსახეობებს.
• ბარბიქიუ
რესტორანში მომზადებული სხვადასხვა სახეობის მწვადი და ქაბაბი გემოვნური თვისებებით ნამდვილად გაგაოცებთ. მენიუში წარმოდგენილია, როგორც ტრადიციულად, ღორის ხორცით, ასევე ქათმისა და ხბოს ხორცით მომზადებული მწვადი.
• ხინკალი
,,პური და ღვინის“ დამფუძნებლებს არც ხინკლის მოყვარული სტუმრები დავიწყებიათ. რესტორანში, როგორც ხორცის ასევე, კარტოფილის, ყველისა და სოკოს ხინკლის დაგემოვნებაა შესაძლებელი.
• ხაჭაპური
,,პური და ღვინის’’ მენიუზე საუბრისას, რთულია გვერდი აუარო, ყველასთვის საყვარელი ხაჭაპურის მრავალფეროვან არჩევანს. ტურისტებისა და ადგილობრივი მცხოვრებლების შეფასებით, Best Khachapuri in Tbilisi სწორედ ,,პური და ღვინოში“ მზადდება.
• გარნირი და თევზი
რესტორნის მენიუში ასევე შეგხვდებათ გარნირის მრავალფეროვანი არჩევანი და სხვადასხვა მეთოდით მომზადებული თევზის ნაირსახეობა.
• დესერტი
,,პური და ღვინის“ მენიუს განსაკუთრებულს დესერტის მრვალფეროვანი არჩევანი ხდის. აქ წარმოდგენილია ქართული ტრადიციული ტკბილეულის ასორტი, რომელიც ჩურჩხელას, სხვადასხვა ხილის ჩირსა და თხილეულს მოიცავს. რესტორნის სტუმრები განსაკუთრებულად გამოარჩევენ საფერავის სოუსით მომზადებულ მსხალსა და გოზინაყს.
• ღვინო
და რა იქნებოდა ქართული ტრადიციული სუფრა ღვინის გარეშე?!
სწორედ მრავალფეროვანი კერძებისა და ღვინის ერთობლიობა ქმნის ქართულ სამზარეულოს სრულყოფილს.
,,პური და ღვინოს“ მენიუში ქართული ღვინის მრავალი სახეობაა წარმოდგენილი. რესტორანში შეგიძლიათ დააგემოვნოთ სხვადასხვა სახით მომზადებული საფერავი, ქინძმარაული, მუკუზანი და ჯანანურა. არც სახლში მომზადებული თეთრყურძნიანი და წითელყურძნიანი საღვინე ვაზის ჯიშის უგემრიელესი ღვინო დაგტოვებთ გულგრილს.

,,Bread&Wine“ და ციფრული მარკეტინგი
,,პური და ღვინისთვის“ განუყოფელი ნაწილი გახდა ციფრული მარკეტინგი . სწორედ მისი მეშვეობით გახდა რესტორანი ტურისტების ერთ-ერთი საუკეთესო
ადგილი თბილისში. გაიზარდა როგორც კომპანიის ცნობადობა, ასევე გაყიდვების რაოდენობა.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიზნესიეს საინტერესოა

კომპანია „ლევისის“ დაარსების ისტორია

3.5K views on

,,ლევისის” კომპანია დაარსდა 1853 წელს, აშშ-ში, ქალაქ სან ფრანცისკოში,  ებრაელი მიგრანტის – ლივაი სტროსის მიერ.

კომპანიის დაარსება განაპირობა 1849 წელს კალიფორნიაში დაწყებულმა ,,ოქროს ციებ-ცხელებამ”, რომლის დროსაც ოქროს მაძიებელ ათეულ ათასობით ადამიანს, განსაკუთრებულად გამძლე ტანისამოსი დასჭირდა სამძებრო სამუშაოებისათვის.

მან გადაწყვიტა, ჯინსის შარვლებით მოემარაგებინა ისინი, სტროსმა უმოკლეს დროში შარვლები სარფიანად გაყიდა და აზრად მოუვიდა, რომ წამოეწყო ბიზნესი, რომელიც, დღეს, როგორც ვიცით, ერთ–ერთი საუკეთესო კომპანიაა მსოფლიოში.

კომპანიამ პირველი პროდუქცია 1886 წელს გამოუშვა და  ,,501″ უწოდა, აღსანიშნავია, რომ პირველი ჯინსის შარვალი ქამრის გასაყრელის გარეშე გამოვიდა და მისი ტარება, სამხრე ღვედებით, ე.წ. პაჟებით იყო შესაძლებელი.

წყარო: Fashionista.com

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 2 3 4 5 … 59
Page 3 of 59