close

პოლიტიკა

კონომიკავლევებიოლიტიკააქართველოოციოლოგია

სიმბოლურად ბავშვთა დღისთვის: საარსებო შემწეობას 150 186 არასრულწლოვანი იღებს

საარსებო მინიმუმი ბავშვი

საქართველოს სახალხო დამცველმა – ნინო ლომჯარიამ  ბავშვთა უფლებრივი მდგომარეობის შესახებ ანგარიშის პრეზენტაცია გამართა.

როგორც კვლევიდან ირკვევა,  ბავშვთა სიღარიბე და ცხოვრების არასათანადო დონე ქვეყანაში კვლავ ერთ-ერთი უმთავრესი პრობლემაა.

,,საარსებო შემწეობის მიმღებ არასრულწლოვანთა რაოდენობა საგანგაშოა და 150 186- შეადგენს, თუმცა ეს არ ასახავს სრულ სურათს და გაცილებით მეტია იმ ბავშვების რაოდენობა, რომლებიც ოფიციალური სტატისტიკის მიღმა რჩებიან, როგორიცაა ქუჩაში მცხოვრები და მომუშავე ბავშვები, ასევე არიან ბავშვები, რომლებიც, სიღარიბის მიუხედავად, ვერ ხვდებიან სახელმწიფო შემწეობის პროგრამაში.

საგანგაშოა ისიც, რომ 2017 წელს, სახელმწიფო ზრუნვაში ჩართული ბავშვების 11% ბიოლოგიური ოჯახიდან სწორედ სიღარიბის და ცხოვრების არასათანადო სოციალურ-ეკონომიკური პირობების გამო გაიყვანეს”, -წერია ანგარიშში.

ანგარიშის თანახმად, მთავარ პრობლემად რჩება ბავშვების დაცვა ძალადობისგან.  აქვე – საუბარია იმაზე, რომ სახელმწიფოს დღემდე არ აქვს სექსუალური ძალადობის მსხვერპლი ბავშვების რეაბილიტაცისას და დახმარების ეფექტიანი სისტემა.

 

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
სოფლიოოლიტიკაამართალი

1500-მდე დაკარგულ იმიგრანტ ბავშვზე აშშ პასუხიმგებლობას არ იღებს

იმიგრანტი ბავშვები აშშ

აშშ-ის ადამიანური და ჯანმრთელობის სერვისების დეპარტამენტის ხელმძღვანელი, სტივენ უაგნერი, ჯერ კიდევ გასული წლის ბოლოს CNN-თან ინტერვიუში აცხადებდა, რომ, ლტოლვილთა დასახლების ოფისის პროგრამების ფარგლებში, 1500-მდე იმიგრანტი ბავშვი განათავსეს დროებით თავშესაფრებში, რომლებთანაც ახლო კონტაქტი აქვთ ე.წ სპონსორებს. ამ განცხადებამ დიდი აჟიოტაჟი გამოიწვია, მედიაში გავრცელდა მოსაზრება, რომ აშშ-ის საზღვართან ბავშვების უმეტესობას მშობლებს ძალადობრიად აცილებდნენ.

თავშესაფარში დარჩენის დროის ამოწურვის შემდეგ, ბავშვები იმ ადამიანებთან ნაწილდებიან ოჯახში, რომელთაც ახლო ურთიერთობები აქვთ თავშესაფარში მცხოვრებლებთან ამ პერიოდის განმავლობაში (სპონსორი). ის შეიძლება იყოს ბავშვის მშობელიც კი, ან ახლო ნათესავი, თუმცა, უაგნერის განცხადებით, ზოგიერთი ბავშვი არანათესაურ კავშირში მყოფ პიროვნებებთანაც იგზავნება საცხოვრებლად.

2017 წლის ოქტომბერსა და დეკემბერს შორის პერიოდში, თავშესაფრებში სულ 7635 ბავშვი ირიცხებოდა, თუმცა, ლტოლვილთა განსახლების დეპარტამენტმა 1475 ბავშვის შესახებ ვერ მოახერხა კონკრეტული ინფორმაციის მიწოდება მათი ადგილმდებარეობისა და სტატუსსის მომთხოვნი ორგანოსთვის. 28 ახალგაზრდა კი თავშესაფრიდან გაიქცა.

დეპარტამენტის ხელმძღვანელის განცხადებით, ის არ არის დაკარგულ ბავშვებზე სამართლებრივად პასუხისმგებელი, როდესაც ბავშვები თავშესაფარს ტოვებენ და ენიჭებათ ახალი სტატუსი. შესაბამისი მონიტორინგისა და კონტროლისათვის დეპარტამენტს ბევრად მეტი ფინანსური, ადამიანური და მატერიალური რესურსი დასჭირდებოდა.

მიუხედავად იმისა, რომ პოტენციური სპონსორები წინასწარგაწერილი პროტოკოლის მიხედვით ფასდებიან, რათა მინიმუმამდე იყოს დაყვანილი ტრეფიკინგისა და სხვა მძიმე დანაშაულის რისკები, ზოგიერთის შეხედულებით, ეს პრაქტიკა არ არის საკმარისი იმიგრანტი ბავშვების უსაფრთხოების უზრუნველსაყოფად.

წყარო: CNN.COM

მასალა მოამზადა: ცირა შვანგირაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
AMGანათლებაოლიტიკააქართველო

8 უნივერსიტეტის 26 სტუდენტი მთავრობის ახალგაზრდულ მრჩეველთა საბჭოს შექმნას ითხოვს

სტუდენტები მთავრობა

სტუდენტებისგან შემდგარი საინიციატივო ჯგუფი კონკრეტული ინიციატივის საფუძველზე პრემიერ-მინისტრს ღია წერილით მიმართავს.

8 უნივერსიტეტის 26 სტუდენტი მთავრობის ახალგაზრდულ მრჩეველთა საბჭოს შეიქმნას ითხოვს. პრობლემად პოლიტიკურ პროცესებში ახალგაზრდების ნაკლებჩართულობა გამოიკვეთა და მათი მიზანი სწორედ ამ საკითხის მოგვარებაა.

ჯგუფი საქართველოს სახელმწიფო და კერძო უმაღლესი სასწავლებლების ბაკალავრიატის დამამთავრებელი საფეხურის, მაგისტრატურისა და დოქტორანტურის სტუდენტებითაა დაკომპლექტებული.

ისინი მზადყოფნას გამოთქვამენ იმუშაონ ეკონომიკის, განათლების, შრომის, ჯანმრთელობისა და სოციალური დაცვის, საგარეო პოლიტიკის, ენერგეტიკის, გარემოს დაცვისა და სოფლის მეურნეობის, იურისპრუდენციის, კულტურისა და ყველა იმ მიმართულებით, რომელიც ახალგაზრდულ ენერგიასა და იდეებს საჭიროებს.

ახალგაზრდა ანალიტიკოსთა და მეცნიერთა დარბაზი ,,დოქტრინა”
სრულად ნახვა
ვლევებიოლიტიკა

პუტინი საერთაშორისო საზოგადოებას „გლობალური ქაოსის“ შესახებ აფრთხილებს

სირია რუსეთი

რუსეთის პრეზიდენტი, ვლადიმერ პუტინი, საერთაშორისო საზოგადოებას „გლობალური კრიზისის“ შესახებ აფრთხილებს. აღნიშნული, რუსეთისა და ირანის პრეზიდენტებს შორის სატელეფონო საუბრის დროს გაჟღერდა, რომელიც სირიაში აშშ-ის სამხედრო შეტევას შეეხებოდა. აშშ-მა იერიში მიიტანა სირიაში არსებულ სამეცნიერო ლაბორატორიაზე და 2 ქიმიური იარაღის საწყობზე. რუსეთისა და ირანის პირველი პირების განცხადებით, „ამ ქმედებებმა მნიშვნელოვანი ზიანი მიაყენა სირიაში კონფლიქტის მოგვარების შესაძლებლობას“.

აღსანიშნავია, რომ აშშ-ის პრეზიდენტმა – დონალდ ტრამპმა, სირიაში სამხედრო შეტევის განხორციელების ბრძანება შაბათს გასცა ბრიტანეთთან და საფრანგეთთან შეთანხმებით. სამხედრო შეტევის მიზანი ქიმიური იარაღის განადგურება გახლდათ, რომელიც ბაშარ ალ-ასადმა გასულ კვირას გამოიყენა აჯანყებულების წინააღმდეგ. შემთხვევას ათეულობით სამოქალაქო პირი ემსხვერპლა, მათ შორის ბავშვებიც.

მიუხედავად ამისა, პუტინი და ირანი მაინც ასადის მხარდამჭერებად რჩებიან. უფრო მეტიც, გასულ კვრიას, რუსეთმა გაეროს რეზოლუცია წარადგინა, სადაც  გმობს სირიაზე საერთო საჰაერო თავდასხმის განხორციელებას. რეზოლუციას მხარი მხოლოდ რუსეთმა, ჩინეთმა და ბოლივიამ დაუჭირა.

კრემლის განცხადებით, „ვლადიმერ პუტინის აზრით, თუკი სახელმწიფოები განაგრძობენ მსგავს ქმედებებს (სამხედრო და საჰაერო თავდასხმებს) – ეს აუცილებლად გამოიწვევს ქაოსს საერთაშორისო ურთიერთობებში.

მიუხედავად იმისა, რომ აშშ-ის თავდაცვის დეპარტამენტმა განმარტა, რომ სამხედრო თავდსხმას მხოლოდ ერთჯერადი ხასიათი ექნებოდა ქიმიური იარაღის კვლავ გამოყენებამდე, რუსეთის ელჩმა გაეროში, ნიკი ჰეილმა განაცხადა: „როდესაც ჩვენი პრეზიდენტი წითელ ხაზს ავლებს, იღებს კიდევაც პასიხსმგებლობას წითელი ხაზის გადასვლის შემდეგ განსახორციელებელ ქმედებებზე“. მოგვიანებით გავრცელებულ ინფორმაციის მიხედვით, განიხილება რუსეთის, ასადისა და ირანის თანამშრომლობის შესაძლებლობაც.

წყარო: NBC news

მასალა მოამზადა:  ცირა შვანგირაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ომუნიკაციასოფლიოოლიტიკაექნოლოგიები

მარკ ,,სორიბერგს” კონგრესის შემდეგ ევროპარლამენტში იბარებენ

ცუკერბერგი ფეისბუკი

მარკ სორიბერგი – ასე უწოდეს 33 წლის ინტერნეტმაგნატს ორდღიანი სკანდალური დაკითხვის შემდეგ.

სოციალურ ქსელ „ფეისბუქის“ დამფუძნებელი ორი დღის განმავლობაში კონგრესმენების მწვავე შეკითხვებსა და კრიტიკას ისმენდა.

მას მოუხდა განემარტა, როგორ მოხვდა მილიონობით მომხმარებლის პირადი მონაცემები ცნობილი ბრიტანული კომპანიის, „კემბრიჯ ანალიტიკას“ ხელში და იყო თუ არა ეს ყველაფერი აშშ-ის ბოლო საპრეზიდენტო არჩევნებში რუსეთის შესაძლო ჩარევასთან კავშირში. ცუკერბერგმა საბოდიშო განცხადებები არაერთხელ გააკეთა და ხაზი გაუსვა, რომ პასუხისმგებლობას სრულად იღებს საკუთარ თავზე.

ცუკერბერგის გამოსვლის მთავარი თემები იყო რუსული ტროლები, სხვა ქვეყნების არჩევნებზე გავლენა და ,,ფეისბუკის“ უსაფრთხოება.

უხერხულ მდგომარეობაში მყოფი ცუკერბერგის ფოტოებისა და კადრების გავრცელების შემდეგ მასზე ბევრს ხუმრობდნენ. ზოგიერთმა ბატონი ,,სორიბერგი” ანდროიდ ,,Star Trek’s Date-ს“ შეადარა, რომელიც ადამიანურ ქცევებსა და ემოციებს ებრძვის.

დაკითხვამდე ცოტა ხნით ადრე კონგრესმა გამოაქვეყნა „ფეისბუკის“ დამფუძნებლის ჩვენების ტექსტი, რომელშიც ცუკერბერგი ბოდიშს იხდის და აღნიშნავს, რომ მომხმარებელთა მონაცემების გაჟონვის თავიდან ასაცილებლად უფრო მეტი უნდა გაეკეთებინა.

ბრიტანული კომპანიის „კემბრიჯ ანალიტიკას“ გარშემო სკანდალი მას შემდეგ აგორდა, რაც ცნობილი გახდა, რომ მისი მომსახურებით დონალდ ტრამპის საარჩევნო შტაბი სარგებლობდა. ამერიკული მედიის გამოძიებიდან კი ირკვევა, რომ ეს კომპანია მსოფლიოს გარშემო 200-ზე მეტ პლებისციტში ჩაერია. მათ შორის იყო არჩევნები კენიაში, ჩეხეთში, ნიგერიაში, ასევე ბრექსითის შესახებ რეფერენდუმი.

ბრალდების მიხედვით ,,ფეისბუკმა” ამ კომპანიას 87 მილიონი მომხმარებლის პირად მონაცემებთან წვდომის საშუალება მისცა.

ამ დრომდე კომპანიას სკანდალი მილიარდობით დოლარი დაუჯდა. ისევ აქტუალურია კამპანია #წაშალეფეისბუქი (#deletefacebook).

აღსანიშნავია, რომ მარკ ცუკერბერგის კონგრესში გამოსვლის შემდეგ კომპანიის აქციების ფასმა 5%-ით, დაახლოებით 3 მილიარდით მოიმატა.

როგორც ჩანს, 11-12 აპრილის დაკითხვით ყველაფერი არ მთავრდება. ევროპარლამენტი მარკ ცუკერბერგს მოუწოდებს, საპარლამენტო კომიტეტების წინაშე კომპანია „კემბრიჯ ანალიტიკის“ საქმესთან მიმართებით ახსნა-განმარტებები გააკეთოს. ინფორმაციას ამის შესახებ სააგენტო „ბლუმბერგი“ ავრცელებს. საპარლამენტო ჯგუფები სოციალური ქსელის „ფეისბუქის“ დამფუძნებელს სთხოვენ, სამი კომიტეტის წინაშე წარდგეს.

„ვფიქრობ, რომ მარკ ცუკერბერგი უნდა წარდგეს ევროპარლამენტის წინაშე. ეს ევროპელი მოქალაქეების მონაცემებს ეხება და ეს დიდი პოლიტიკური პრობლემაა“, – განაცხადა ჰოლანდიელმა დეპუტატმა სოფი ინტველტმა.

 

წყარო: Reuters

მასალა მოამზადა:  თამარ ტაბტაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
სოფლიოოლიტიკა

ისრაელი გაეროსა და ევროკავშირს ღაზას სექტორში მომხდარი მკვლელობების გამოძიებაზე უარს ეუბნება

4953

ისრაელის თავდაცვის მინისტრმა გაეროსა და ევროკავშირს ღაზას სექტორში განვითარებული მოვლენების გამოძიებაზე უარი უთხრა. ღაზას სექტორის საზღვართან მიმდინარე სამშვიდობო საპროტესტო აქციები ძალადობრივში გადაიზარდა. ისრაელის სამხედრო პირებმა ცეცხლი გაუხსნეს მსვლელობის მონაწილეებს. შედეგად, ათობით ადამიანი დაშავდა და დაიღუპა. „ჯარისკაცებმა გააკეთეს ის, რაც უნდა გაკეთებულიყო“- განაცხადა ისრაელის თავდაცვის მინისტრმა.

გაეროს გენერალურმა მდივანმა და ევროკავშირის წარმომადგენელმა, ფედერიკა მოგერინიმ მოითხოვა დამოუკიდებელი გამოძიების ჩატარება ღაზას სექტორის იმ ნაწილში, სადაც 16 ადამიანი დაიღუპა. თუმცა, ისრაელის თავდაცვის მინისტრმა ოფიციალური გამოსვლისას აღნიშნა, რომ გამოძიება საერთაშორისო აქტორების მონაწილეობით არ შედგება, რადგან ,,გაკეთდა ის, რაც უნდა გაკეთებულიყო და ისრაელის ხელისუფლების ჯარისკაცები იმსახურებენ პატივისცემას“.

აღსანიშნავია, რომ „დაბრუნების დიადი მარში“ 6-კვირიანი მსვლელობაა ღაზას სექტორში, რომლის მონაწილეები მოითხოვენ, რომ საზღვარგარეთ მცხოვრები პალესტინელების დაბრუნებას. ჰამასისა და სხვა სამხედრო-პოლიტიკური ჯგუფების მიერ მხარდაჭერილი ეს მსვლელობა უფრო მასშტაბურ სახეს ყოველ პარასკევს იღებს. ისრაელის ხელისუფლება საზღვართან მსგავს მსვლელობებს გმობს და გამაფრთხილებელ განცხადებას ავრცელებს: „ნებისმიერი ვინც ახლოს მივა საზღვართან და შეეცდება ინფრსტრუქტურის რაიმე სახით დაშავებას ან დარჩება ტერიტორიაზე, სამხედროები მათ ესვრიან.”

 

წყარო: The Guardian

მასალა მოამზადა: ცირა შვანგირაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
სოფლიოოლიტიკაამხედრო

რუსი დიპლომატი ,,ახალი ცივი ომის” დაწყების რისკებზე საუბრობს

რუსეთის ელჩი ავსტრალიაში

რუსეთის ელჩმა ავსტრალიაში, გრიგორი ლოგვინოვმა, ოფიციალურად განაცხადა, რომ მსოფლიო „ცივი ომის მსგავს სიტუაციაში“ აღმოჩნდება, თუკი დასავლეთის ქვეყნები განაგრძნობენ რუსი დიპლომატების გაძევებას ქვეყნიდან დიდ ბრიტანეთში მომხდარი ე.წ ნერვული აგენტის საკითხის გამო. ელჩი ლოგვინოვის განცხადებით: „ დასავლეთმა უნდა გაიგოს, რომ ანტი რუსულ კამპანიას მომავალი არ აქვს. თუკი ეს სიტუაცია გაგრძელდება, მსოფლიო ცივი ომის მსგავს სიტუაციაში აღმოჩნდება“.
რუსეთის ხელისუფლება კვლავ უარყოფს დიდ ბრიტანეთში მოკლული ჯაშუშის, სერგეი სკრიპალის და მისი ქალიშვილის საქმესთან რაიმე სახის კავშირს. დიდი ბრიტანეთისადმი სოლიდარობის გამოსახატად და რუსეთის საპასუხოდ, აშშ-მა და ევროპის უმეტესმა ქვეყანამ რუსი დიპლომატების გაძევება დაიწყეს. ავსტრალიამ განაცხადა, რომ ის 2 ელჩს გააძევებს, რასაც მოჰყვა ლოგვინოვის პასუხი ცივი ომის დაწყების რისკების შესახებ.
აღნიშნულს გამოეხმაურა რუსეთის ელჩი ინდონეზიაშიც. ლუდმილა ვორობიევას განცხადებით, რუსი დიპლომატების გაძევება „სრული აბსურდია“ და რომ რუსეთ-დასავლეთის დაპირისპირებამ შესაძლოა გამოიწვიოს არა ცივი, არამედ „ყინულის ომი“, რომელიც მარტივად შეიძლება გადაიზარდოს „ცხელ ომში“.
დიდი ბრიტანეთის პრემიერ მინისტრის, ტერეზა მეის განცხადებით, ბრიტანეთის მოკავშირეები რუს დიპლომატებს აძევებენ არა მხოლოდ იმიტომ, რომ სოლიდარობის გამოცხადება სურთ, არამედ იმიტომაც, რომ ცნობენ რუსეთისგან მომავალ საფრთხეს თავიანთი ქვეყნების უსაფრთხოებისთვის.
ევროკავშირის წევრი ქვეყნებიდან მხოლოდ ავსტრიამ, პორტუგალიამ, მალტამ და საბერძნეთმა შეიკავა თავი მოქმედებისგან.

 

წყარო: CNN, Reuters

მასალა მოამზადა: ცირა შვანგირაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ომუნიკაციასოფლიოოლიტიკაექნოლოგიები

ევროკომისია ,,Facebook-ის” წინააღმდეგ მკაცრ ზომებს მიიღებს

facebook სკანდალი

ევროკომისია ,,Facebook-ის” წინააღმდეგ მკაცრ ზომებს მიიღებს. ამის შესახებ იუსტიციის საკითხებში ევროკომისარმა – ვეტა იუროვამ ისაუბრა.
მისი განცხადებით,  ამ სოცქსელის 50 მილიონი მომხმარებლის პირადი მონაცემების ბოროტად გამოყენება მიუღებელია.

ვეტა იუროვამ ,,ფეისბუკს” მიმართა და მოსთხოვა ახსნა-განმარტება იმის შესახებ, თუ რამდენად შეეხო სკანდალი ევროკავშირის მოქალაქეებსაც.
რამდენიმე დღის წინ გიგანტი კომპანია და “Cambridge Analitica” სკანდალის ეპიცენტრში აღმოჩნდნენ. საუბარია იმაზე, რომ ამ კომპანიამ  ,,Facebook-ის” მომხმარებელთა პირადი მონაცემები დონალდ ტრამპის საარჩევნო შტაბს გადასცა.

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
სოფლიოოლიტიკა

მალაიზიაში ე.წ ყალბი ახალი ამბების გავრცელებისთვის 10 წლამდე პატიმრობა შეეფარდებათ

მალაიზია ყალბი ამბები

მალაიზიის პრემიერ-მინისტრ ნაჯიბ რაზაკის ინიციატივით, ქვეყნის ხელისუფლებამ პარლამენტში ახალი კანონმდებლობა წარადგინა, რომლის მიხედვით, ე.წ ყალბი ახალი ამბების შემქნელი და გამავრცელებელი კანონით დაისჯება: დაეკისრება საკმაოდ დიდი ჯარიმა (დაახლოებით 130 000 $ ) ან შეეფარდება 10 წლამდე პატიმრობა. კენჭისყრა შემდეგ კვირასაა დაგეგემილი.
„წარმოდგენილი კანონპროექტი მიზნად ისახავს საჯარო სივრცისა და საზოგადოების დაცვას პროპაგანდისა და დეზინფორმაციისაგან, ამავე დროს, ეს უნდა გაკეთდეს ისე, რომ არ შეიზღუდოს სიტყვისა და გამოხატვის თავისუფლება, რომელიც ფედერალური კონსტიტუციით იქნება დაცული“- ნათქვამია ხელისუფლების ოფიციალურ განცხადებაში.
მალაიზიის ხელისუფლებამ „ყალბი ახალი ამბები“ განმარტა, როგორც „ახალი ამბავი, ინფორმაცია, მონაცემი, ანგარიში, რომელიც სანახევროდ ან სრულიად მცდარია, მათ შორის, ვიდეოვიზუალები და აუდიოჩანაწერები.“ კანონი შეეხება არა მხოლოდ მალაიზიის მოქალაქეებს, არამედ უცხოელებსაც, თუკი მათი ქმედება რაიმე სახის ზიანს მოუტანს მალაიზიელებს. პროექტის ინიციატორები იმედს გამოთქვამენ, რომ კანონი ხელს შეუწყობს სამოქალაქო პასუხისმგებლობის გაზრდას და მოქალაქეებს ასწავლის სიფრთხილეს ინფორმაციის გაზიარებისას.
კანონპროექტს ჰყავს მოწინააღმდეგეებიც, რომელთა აზრით, აღნიშნული, ხელსუფლებას კიდევ უფრო მეტ საშუალებას მისცემს მედია და სხვა საინფორმაციო წყაროები აკონტროლოს.
„ყალბი ახალი ამბების“, როგორც ტერმინის პოპულარიზაცია, აშშ-ის პრეზიდენტ დონალდ ტრამპის დამსახურებაა, რომელსაც ის ხშირად იყენებდა კრიტიკის საპასუხოდ და პოლიტიკის გასამართლებლად.
სამხრეთ-აღმოსავლეთ აზიაში, მათ შორის სინგაპურსა და ფილიპინებშიც მალაიზიის მსგავსი ტენდენცია შეინიშნება. ე.წ ყალბი ახალი ამბების საწინააღმდეგო კანონპროექტზე იქაც აქტიურად მუშაობენ.

წყარო: Reuters
მასალა მოამზადა: ცირა შვანგირაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ს საინტერესოაომუნიკაციასოფლიოოლიტიკაექნოლოგიები

ფეისბუკსკანდალი და ინტერნეტკამპანია #deletefacebook გრძელდება

delete facebook

,,ფეისბუკსა” და კომპანია ,,კემბრიჯ ანალიტიკას” (Cambridge Analytica) მილიონობით მომხმარებლის პერსონალური მონაცემების უკანონოდ, პოლიტიკური მიზნებისთვის გამოყენებას ედავებიან.
გავრცელებული ინფორმაციის თანახმად, 2014 წელს კემბრიჯის უნივერსიტეტის ფსიქოლოგიის პროფესორმა ალექსანდრ კოგანმა ,,ფეისბუქის” პლატფორმაზე აპლიკაცია „ეს არის შენი ციფრული ცხოვრება“ („This is you digital life“) შექმნა. აპლიკაცია მომხმარებლებს მათი პიროვნების ტიპის დასადგენად ტესტს სთავაზობდა. ტესტში დასმული იყო უამრავი შეკითხვა, პარალელურად კი აპლიკაცია ისეთ პერსონალურ მონაცემებზეც ითხოვდა წვდომას, როგორიცაა ადგილსამყოფელი, მოწონებული გვერდები, ინტერესები და სხვა. გარდა ამისა, მომხმარებელი აპლიკაციას ინფორმაციას აწვდიდა მისი ფეისბუკმეგობრების შესახებაც. კოგანის აპლიკაციით დაახლოებით, 300 ათასმა მომხმარებელმა ისარგებლა. მათ მიერ მეგობრებზე გაცემული ინფორმაციების ჩათვლით, საერთო ჯამში, 50 მილიონი ადამიანის მონაცემები შეგროვდა. არსებული ვერსიით, მოგვიანებით ეს მონაცემები „კემბრიჯ ანალიტიკამ“ იყიდა და დონალდ ტრამპის საარჩევნო კამპანიისთვის გამოიყენა – კერძოდ, შექმნა მომხმარებელთა ფსიქოლოგიური პორტრეტები, გაანალიზა ინფორმაცია და ამომრჩევლებზე მათზე მორგებული კამპანიით ზეგავლენა მოახდინა და ტრამპის გამარჯვება უზრუნველყო.
თავად Cambridge Analytica მომხდართან კავშირს კატეგორიულად უარყოფს.
მარკ ცუკერბერგმა აღიარა, რომ კომპანიამ შეცდომები დაუშვა. მან განაცხადა, რომ ,,ფეისბუკი” პასუხისმგებელია მომხმარებლის მონაცემების დაცვაზე. ცუკერბერგი ამტკიცებს, რომ მონაცემების „კემბრიჯ ანალიტიკას“ ხელში ჩავარდნის შესახებ არაფერი იცოდა, თუმცა, პასუხისმგებლობას იღებს იმ ზიანზე, რაც შესაძლოა მის მომხმარებლებს მიადგათ.
18 მარტს, მასაჩუსეტსის შტატის გენერალურმა პროკურორმა მარა ჰელეიმ ,,ფეისბუკისა” და კომპანია Cambridge Analytica-ს წინააღმდეგ გამოძიება დაიწყო. მსოფლიოს მედიასაშუალებებში გამოქვეყნდა რამდენიმე გამოძიება Cambridge Analytica-ს საქმიანობაზე.
ევროკომისარმა იუსტიციის საკითხებში ვერა იუროვამ განაცხადა, რომ სოციალურ ქსელ ,,ფეისბუკთან” მიმართებით მკაცრი ზომები გატარდება.
ევროკომისარმა შექმნილ სიტუაციასთან დაკავშირებით ,,ფეისბუქის” ხელმძღვანელობისგან ოფიციალური განცხადება მოითხოვა.
იუსტიციის საკითხებში ევროკომისარმა განაცხადა, რომ აშშ-ის მთავრობამ და შესაბამისმა უწყებებმა ევროკავშირი დაარწმუნეს, რომ ამ სიტუაციას სერიოზულად განიხილავენ და საჭირო ზომების მომზადებაზე მუშაობენ. „ეს სკანდალი სიგნალი უნდა გახდეს ყველა ჩვენგანისთვის. თუ როგორ ვეპყრობით პირად მონაცემებს, ამას მასშტაბური შედეგები შეიძლება ჰქონდეს“, – დასძინა მან.
,,ფეისბუკის” ისტორიაში უდიდესმა კრიზისმა უკვე მნიშვნელოვანი დარტყმა მიაყენა კომპანიას – მისი ღირებულება 7 პროცენტით, 37 მილიარდით, შემცირდა. მომხდარს კი გამოიძიებენ როგორც ევროპაში, ისე – ამერიკის შეერთებულ შტატებში.
პერსონალური მონაცემების ბოროტად გამოყენების სკანდალს ონლაინ კამპანია #deletefacebook (წაშალე ფეისბუქი) მოჰყვა, რომელიც მარტის შუა რიცხვებში ,,ტვიტერზე” დაიწყო, როცა Whatsapp-ის ერთ-ერთმა დამფუძნებელმა ბრაიან ექტონმა აღნიშნული მოწოდების პოსტი გამოაქვეყნდა.
თუმცა, არის კი ,,ფეისბუკის” დატოვება ასეთი იოლი? ანგარიშის გაუქმებიდან 90 დღეა საჭირო, რომ მომხმარებლის მონაცემები სრულიად წაიშალოს საიტიდან. გარდა ამისა, ექსერტების ნაწილი აცხადებს, რომ არცთუ ისე იოლია, ამ 2,2 მილიარ მომხმარებლიანი სოციალური ქსელის ალტერნატივის პოვნა. რით შეიძლება ჩავანაცვლოთ ,,ფეისბუკი”? “ტვიტერით”? – ამ ზედმეტად საჯარო სოციალური ქსელით? “ინსტაგრამით?- რომელიც ,,ფეისბუკის” საკუთრებაა? Snapchat-ით?- შესაძლებელია, თუკი თქვენი ასაკი 25 წელს არ აღემატება.
აღსანიშნავია, ილონ მასკმა SpaceX-ისა და Tesla-ს Facebook გვერდები წაშალა. მასკმა თქვა, რომ მისი კომპანიების  ფეისბუქგვერდების არსებობის შესახებ არც კი იცოდა, სანამ ამის შესახებ Twitter-ზე არ უთხრეს. მასკს Twitter-ზევე მოუწოდეს, წაეშალა ვერიფიცირებული გვერდები. სანამ ამას გააკეთებდა, მან დაწერა: „რა არის ,,ფეისბუკი”?“.
ასე რომ, არსებობს ორი გამოსავალი : წავშალოთ „ფეისბუკი“ ან დავიცვათ თავი ჩვენი პერსონალური მონაცემების გამოყენებისგან. როგორ?
,,ფეისბუკზ”ე გავრცელებული ისეთი ე.წ. ქვიზები როგორიცაა, “გაიგე შენი IQ”, “როგორია შენი პიროვნება” ან ,,რომელ ცნობილ მსახიობს ჰგავხარ” ხშირ შემთხვევაში ჩვენს მონაცემებს იყენებენ. სწორედ ასეთივე ტესტი იყო Cambridge Analytica მიერ შემუშავებული ,,ეს არის შენი ციფრული ცხოვრებაც”.

ასეთ ,,ქვიზებს” მონაცემების შეგროვების უფლება, ,,ფეისბუკის” წესების მიხედვით, აქვთ, თუმცა ზოგიერთი მათგანი მომხმარებელს ამის შესახებ არ აფრთხილებს.
პერსონალური მონაცემების დასაცავად საჭიროა : შეხვიდეთ ფეისბუქზე და გახსნათ “აპლიკაციების პარამეტრები” (App. Settings)
თითოეული აპლიკაციის ქვეშ მოცემულია წაშლის ან რედაქტირების ფუნქცია, რაც საშუალებას მოგცემთ ან საერთოდ წაშალოთ აპლიკაცია, ან შეუზღუდოთ მათ თქვენს მონაცემებამდე წვდომა.

წყაროები: https://www.independent.co.uk ; https://www.theguardian.com ;  https://www.theverge.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 2 3 4 12
Page 2 of 12