close

ეს საინტერესოა

ბიზნესიდედამიწაეს საინტერესოამსოფლიო

დინოზავრის  ჩონჩხი პარიზში აუქციონზე გაიყიდება

1.37K views on

დაუდგენელი ტიპის დინოზავრის ფოლიზირებული ჩონჩხი პარიზში აუქციონზე გაიყიდება. ჩონჩხის საწყისი ფასი 1.8 მილიონ ევროა (2.22 მილიონი დოლარი) და მას აუქციონზე მიმდინარე წლის ივნისში გაიტანენ.

თითქმის 9 მეტრი სიგრძის, ჩონჩხი უჩვეულოდ სრულყოფილია, ის თითქმის 70 პროცენტით მთელია.

„ერთადერთი, რასაც მეცნიერები ჩონჩხის შესახებ ვარაუდობენ, ისაა, რომ იგი ეკუთვნის ხორცისმჭამელ, theropod (მხეცისფეხათა) ჯგუფს, რომლებსაც ჩაღრმავებული ძვლები და სამთითიანი ფეხები ჰქონდათ,“- აცხადებს Aguttes-ის აუქციონის პალეონტოლოგიური ექსპერტი ერიკ მიკელერი.

4 ივნისის აუქციონამდე ჩონჩხი საფრანგეთის ქალაქ ლიონში გამოფენაზეა გატანილი, რათა პოტენციურ მყიდველებს აუქციონამდე მისი ნახვის საშუალება ჰქონდეთ.

დინოზავრის ჩონჩხი  ვაიომინგში, შეერთებულ შტატებში, 2013 წელს აღმოაჩინეს. ის ეკუთვნის ბრიტანელი ბიზნესმენს, რომლის ვინაობა ცნობილი არაა.

პოტენციურ მყიდველებს ფასის შეთავაზება ევროსა და ციფრულ ვალუტა – ბიტკოინში შეეძლებათ.

 

წყარო: Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ეს საინტერესოამსოფლიოსამხედრო

რუსეთი ბალისტიკურ რაკეტას – ,,Satan 2 -ს“ მეორედ გამოცდის

1.74K views on

რუსმა გენერალმა ვალერი გერასიმოვმა განაცხადა, რომ ნატოსთან დაძაბულობის ზრდის ფონზე, რუსეთი ახალი, ყველაზე ძლიერი ბირთვული საკონტინენტთაშორისო ბალისტიკური რაკეტას – ,,Satan 2-ს“ მეორედ გამოცდის.

ეს რაკეტა პირველად  გასული წლის დეკემბრის ბოლოს გაუშვეს. ამ ეტაპზე, პლეტსეკის კოსმოდრომზე კიდევ ერთი გამოცდისთვის მზადება მიმდინარეობს.

აღსანიშნავია, რომ გენერალი გერასიმოვი, ვლადიმერ პუტინის მსგავსად, აცხადებს, რომ მსოფლიოში არ არსებობს ისეთი სარაკეტო თავდაცვითი სისტემა, რომელიც რუსულ ICBM-ს მოიგერიებს. მან ,,Satan 2-ზე“  (ნატოს აბრევიატურით, ხოლო რუსული დასახელება РС-28 «Сармат») 1-ელ მარტის გამოსვლისას ისაუბრა.

ბალისტიკურ რაკეტას 16 ატომური ქობინის ტარება შეუძლია.  „სატანა-2-მა“ 3600 კილომეტრი იფრინა და გაანადგურა არხანგესლკთან ახლოს მდებარე კურას საწვრთნელი ტერიტორია, რომელიც მისი სამიზნე იყო. ექსპერტების შეფასებებზე დაყრდნობით, ბალისიტიკურ რაკეტა „სატანა-2-ს“ ნებისმიერი სახმელეთო სამიზნის განადგურება თავისუფლად შეუძლია. ბალისტიკური რაკეტა შეიარაღებაში 2009 წელს მიიღეს.

წყარო: https://www.sciencealert.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
გამოგონება - ინოვაციაეს საინტერესოამსოფლიოტექნოლოგიები

ახალი გამოგონებით ფრენაა შესაძლებელი

1.3K views on

გამოგონებებით სავსე საუკუნეში მრავალი მცდელობა იყო გამომგონებლებისგან, რაც გულისხმობდა ადამიანების უსაზღვრო შესაძლებლობების გამოხატვას, ძველად ვერავინ წარმოიდგენდა, თუ ადამიანი ფრენას შეძლებდა, არ აქვს მნიშვნელობა – ტექნოლოგიის დახმარებით იქნებოდა ეს თუ არა.
ტოკიოს უნივერსიტეტის სტუდენტებმა გამოიგონეს ჩანთა, რომელიც ახტომის დროს ადამიანს აძლევს შესაძლებლობას ჰაერში გაჩერდეს განსაზღვრული დროით, ჩანთაზე დამაგრებულია დრონი, რომელიც უზრუნველყოფს მომხმარებლის ჰაერში ყოფნას.
იმედოვნებენ, რომ პროდუქტი კიდევ განვითარდება და მომავალში უკვე ადამიანები დრონის დახმრებით შეძლებენ ფრენას, ამ მომენტისთვის მხოლოდ და მხოლოდ მცირე დროით ეხმარებათ მათ ახალი პროდუქტი, რომ გაჩერდნენ ჰაერში.

წყარო: Theverge.com
მასალა მოამზადა: ლაშა ჯინჭარაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოასაქართველოტურიზმი

,,National Geographic-მა” ბათუმი ევროპის საუკეთესო ტურისტული ქალაქების ათეულში შეიყვანა

1.41K views on

„National Geographic Traveler“-მა ბათუმი ევროპაში საუკეთესო ტურისტული ქალაქების ათეულში შეიყვანა. პოლონურ გამოცემაში ბათუმი, როგორც უქმეების გასატარებლად საუკეთესო ადგილი ისეთი ქალაქების გვერდით სახელდება, როგორებიცა არიან: ნიცა, პალერმო, ამსტერდამი და ოქსფორდი. „მზესთან ახლოს“ ასე ჰქვია სტატიას, რომელიც გამოცემის მარტის ნომერში ბათუმსა და ზოგადად აჭარას მიეძღვნა.

,,ჩვენ ვიცით ბედნიერების რეცეპტი” ამბობენ ქართველები. ეს შეიძლება გადამეტებულად მოგეჩვენოთ, თუმცა ბათუმში გატარებულმა მხოლოდ ერთმა უქმეებმაც კი დამარწმუნა ამ სიტყვების სიმართლეში,“- ასე იწყებს სტატიას ჟურნალისტი ბუაჟეი გრიგილი, რომელიც მკითხველს შავიზღვისპირეთში მოგზაურობის შთაბეჭდილებებს აცნობს.

სტატიაში ჟურნალისტი ბათუმში ვიზიტისას საუკეთესო ადგილებს ასახელებს, რომელთა შორისაა – ბოტანიკური ბაღი, ბულვარი, ევროპის მოედანი და სხვა ტურისტული ღირსშესანიშნაობები. ის ასევე, ხაზს უსვამს მთიან აჭარასა და ადგილობრივ სამზარეულოს, სადაც ულამაზეს ბუნებაში ტურისტებს უგემრიელესი კერძების დაგემოვნება შეუძლიათ. „National Geographic Traveler”-ის ჟურნალისტი რეგიონში აჭარის ტურიზმის დეპარტამენტის მოწვევით იმყოფებოდა.

„ჩვენ აქტიურად ვმუშაობთ, რომ საქართველოსა და ჩვენი რეგიონის შესახებ სტატიები, რეპორტაჟები და გადაცემები სამიზნე ქვეყნების პოპულარულ მედია საშუალებებში გამოქვეყნდეს. ჩვენი მოწვევით გასულ წელს რეგიონს 500-მდე ჟურნალისტი, ბლოგერი და ტურისტული სააგენტოს წარმომადგენელი სტუმრობდა. შედეგად, კი მივიღეთ 150-ზე მეტი მედიაპროდუქტი რეიტინგულ ტელევიზიებში, ჟურნალებსა და ონლაინ გამოცემებში. მნიშვნელოვანია, რომ ჩვენი პოტენციური ტურისტები თავიანთ ქვეყნებშივე გაეცნონ აჭარას მსგავსი სტატიებით, საინტერესო რეპორტაჟებითა თუ გადაცემებით. ამ ყველაფერს კი ემატება ჩვენს სამიზნე ქვეყნებში აქტიური სარეკლამო კამპანიები შედეგად, კი ვღებულობთ აჭარის პოზიტიურ იმიჯსა და ტურისტების გაზრდილ ნაკადებს ჩვენს ქვეყანაში. აჭარის შესახებ არაერთი საინტერესო სტატია გამოქვეყნებულა, თუმცა ისეთი ქალაქების გვერდით ბათუმის დასახელება, როგორიცაა ნიცა, ამსტერდამი და პალერმოა ნამდვილად ორმაგად სასიხარულოა,“ – განაცხადა აჭარის ტურიზმის დეპარტამენტის თავმჯდომარე სულხან ღლონტმა.

 

წყარო: inedinews

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიოლოგიაეს საინტერესოაკვლევებიმედიცინამსოფლიო

მეცნიერების ახალი დასკვნა: თამბაქო სმენას აქვეითებს

1.53K views on

იაპონიაში მწეველებზე ჩატარებულმა აჩვენა, რომ თამბაქო სმენას აქვეითებს. იქიდან გამომდინარე, რომ დაკვირვება 8 წლის განმავლობაში მიმდინარეობა, მეცნიერები ამბობენ, რომ ვარაუდი საკმაო საფუძვლინია – მწეველებისთვის სმენის დაქვეითების რისკი მაღალია.  

როგორც ჟურნალ ,,Nicotine and Tobacco-ში“ გამოქვეყნებულ ნაშრომში ვკითხულობთ, 50 000 ადგილობრივზე დაკვირვებამ აჩვენა, რომ საშუალო სიხშირის მწეველებმა, არამწეველებთან შედარებით,  დაახლოებით 1.6-ჯერ მეტად ან ნაწილობრივ დაკარგეს სმენა. აქვე აღნიშნულია, რომ სმენის დაკარგვის ალბათობა იმ ობიექტებს შეუმცირდათ, რომელთაც თამბაქოს მოწევას დაანებეს თავი.

წყარო: Nicotine and Tobacco

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
გამოგონება - ინოვაციაეს საინტერესოამსოფლიორობოტექნიკატექნოლოგიები

რობოტი, რომელიც ნამდვილ მწერს ჰგავს

1.76K views on

სულ რამდენიმე დღის წინ ტოკიოში გამოიგონეს რობოტი ხოჭო, რომელიც ძალიან ჰგავს რეალურს – მოძრაობებით და გარეგნულადაც.  მეცნიერები აქტიურად ცდილობენ, რაც შეიძლება მეტი არსების ანალოგი შექმნან ტექნოლოგიურ სფეროში, სწორედ ამას გულისხმობს ,,Tokyo Tech–ის“ პროგრამა, რომლის მიხედვითაც, ხოჭოს ფრენაც შეუძლია, ეს  აქამდე არასდროს არ დაუპროგრამებიათ მეცნიერებს.

მწარმოებლებმა განაცხადეს, რომ მათ წინასწარ არ ჰქონდათ დაგეგმილი, თუ რა ფორმა ექნებოდა რობოტს, არც მის დანიშნულებაზე ჰქონდათ რაიმე ვარაუდი, როგორც ჩანს, სრულიად შემთხვევით მიიღეს საკმაოდ საინტერესო შედეგი.

წყარო: Techcrunch.com

მასალა მოამზადა: ლაშა ჯინჭარაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიზნესიგანათლებაეს საინტერესოაკვლევებიმსოფლიოსოციოლოგია

მეცნიერებმა გამდიდრების საიდუმლო გამოიკვლიეს – აღმოჩნდა, რომ ნიჭი აქ არაფერ შუაშია

2.18K views on

მეცნიერებმა კომპიუტერული ანალიზის საფუძველზე აღმოაჩინეს, რომ  გამორჩეულად მდიდრები სულაც არ არიან გამორჩეულად ნიჭიერები და მთელი საიდუმლო მათ იღბლიანობაშია.

იტალიის კატანიის უნივერსიტეტის მეცნიერების განცხადებით, მათი მიზანი ადამიანების სასოწარკვეთილებაში ჩაგდება ნამდვილად არ ყოფილა. ,,ჩვენ შევეცადეთ, საზოგადოებისთვის გვეჩვენებინა, რა როლს ასრულებს შანსი ცხოვრებაში.”

ამოცანა, რომლის გადაჭრაც მათ დაისახეს, შემდეგია : თუკი ნიჭი, ინტელექტი, სამუშაოს სურვილი და სხვა ფაქტორები, რომელიც ცხოვრებაში გვეხმარება, საკმაოდ სწორადაა მოსახლეობას შორის განაწილებული, რატომ არაა სიმდირე?

კიდევ უფრო დეტალურად რომ ვთქვათ, კაცობრიობის 10 პროცენტის ხელში სიმდიდრის 85 პროცენტია, თუმცა ეს ,,რჩეულები” ნიჭითა და ჭკუით გამორჩეულები სულაც არ არიან. მაშ რა არის დაფარული ინგრედიენტი?

,,ჩვენი კვლევა აჩვენებს, რომ ასეთი ფაქტორი არის იღბალი,” – წერენ კვლევის ავტორები.

კვლევის ფარგლებში მეცნიერებმა 1,000 კომპიუტერული მოდელი – აგენტი შექმნეს. თითოეულს გარკვეული ნიჭი ჰქონდა, მაგრამ არა გამორჩეულად დიდი ან მცირე. მათი სიმდიდრის დონე თავდაპირველად თანაბარი იყო.

აგენტებმა იღბლიანი (მწვანე წრე) და უიღბლო (წითელი წრე) მოვლენები განიცადეს.

ეს შემთხვევითი მოვლენები სიმულაციაში გადაიტანეს. აგენტების სიმდიდრე იღბლიანი მომენტების პროპორციულად იზრდებოდა და მცირდებოდა.

როდესაც მკვლევარებმა საბოლოო შედეგები გააანალიზეს, აღმოჩნდა, რომ სიმდიდრის გადანაწილება რეალურ ცხოვრებაში არსებულ სინამდვილესთან ძალიან ახლოს იყო. ადამიანების დაახლოებით 20 პროცენტის ხელში სიმდიდრის 80 პროცენტი აღმოჩნდა.

თუმცა ყველაზე მდიდარი 20 პროცენტი და ყველაზე ნიჭიერი (ან უნიჭო) 20 პროცენტი ერთმანეთს ნამდვილად არ ემთხვეოდა.

ისინი, რომლებიც ყველაზე მეტ ფულს შოულობდნენ, საშუალო ნიჭის მქონე ადამიანები იყვნენ. თუმცა სიმდიდრის პირამიდის თავში მოქცეული ადამიანები ყველაზე იღბლიანები იყვნენ.

,,ცხოვრებაში წარმატების მისაღწევად გარკვეული მოცულობის ნიჭი ნამდვილად საჭიროა, თუმცა, ფაქტია, რომ როგორც წესი, ძალიან ნიჭიერი ადამიანები ძალიან წარმატებულები ვერ ხდებიან. საშუალო ნიჭისა და კარგი იღბლის მქონეები კი ცხოვრებაში წარმატებას აღწევენ და მდიდრდებიან”, –  აცხადებენ მეცნიერები.

 

 

წყარო: https://www.sciencealert.com/

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ბიოლოგიაეს საინტერესოაკვლევები

კვლევა: ადამიანის ტვინი 13 წლამდე იზრდება

1.26K views on

ახალი კვლევის თანახმად, რომელიც სამეცნიერო ჟურნალ Nature-ში გამოქვეყნდა, ადამიანის ტვინი 13 წლამდე იზრდება ანუ იქამდე, სანამ ადამიანი ზრდასრულობას მიაღწევს.  ტვინის ზრდა კი ჰიპოკამპუსის ნაწილში ახალი უჯრედების წარმოქმნას ითვალისწინებს.

აქამდე არსებული ვერსიით,  ადამიანის ჰიპოკამპუსში ახალი უჯრედები და ნეირონები ზრდასრულობის პერიოდშიც წარმოიქმნებოდა. თუმცა დადგინდა, რომ არანაირი მაჩვენებელი არ ადასტურებს იმ ვარაუდს, რომ ნეირონები ზრდასრულობაშიც წარმოიქმნება.

კვლევის ფარგლებში, 59 მომაკვდავისა და პოსტოპერაციული ადამიანის ტვინის ქსოვილები შეისწავლეს.

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეკოლოგიაეს საინტერესოაკვლევებიმსოფლიო

შვეიცარიაში ცნობილ მყინვარს, პირდაპირი გაგებით, ფუთავენ, რათა მისი დნობა შეანელონ

2.33K views on

უკანასკნელი 8 წლის განმავლობაში, ყოველი ზაფხულის დასაწყისში, შვეიცარიელები ალპების ცნობილი მყინვარის, რონის, შეფუთვას იწყებენ.

თეთრი ნაჭრისგან შეკერილი უზარმაზარი შესაფუთი მასალა გამოიყენება იმისთვის, რომ მზის სხივები მყინვარის ზედაპირიდან აირეკლოს და ამით ტემპერატურის მატებით გამოწვეული ყინულის საფარის დნობა შეამციროს.

რონის მყინვარი შვეიცარიის ალპებში ერთ-ერთი ყველაზე პოპულარული ტურისტული ადგილია, რომელიც უკანასკნელი ათწლეულის მანძილზე მნიშვნელოვნად მცირდება ზომაში. მეცნიერების მტკიცებით, 1856 წლიდან ყინულის საფარი 350 მეტრით შემცირდა, უკანასკნელი 10 წლის მანძილზე კი – 39 მ-ით, რაც თითქმის საგანგაშო მაჩვენებელია.

მყინვარწვერის შეფუთვა უცნაური მეთოდია, თუმცა არა უპრეცედენტო. ისეთ ქვეყნებში, როგორიცაა გერმანია და იტალია ხალხი დიდი ხანია იყენებს ამრეკლავ მასალას მყინვარწვერების ან ყინულის საფარის შესანარჩუნებლად.

ამას გარდა, ევროპელი გეომეცნიერების გაერთიანების ყოველწლიურ შეხვედრაზე, მეცნიეთა ჯგუფმა უტრეხტის უნივერსიტეტიდან წარმოადგინა მოსაზრება ხელოვნური თოვლის შესახებ, რათა შვეიცარიის მყინვარებს უფრო ეფექტიანად დახმარებოდა.

შვეიცარიელი მყინვარწვერების ექსპერტის, დავიდ ვოლკენის განცხადებით, მყინვარების შეფუთვამ შესაძლოა 70 %-ით შეამციროს მათი დნობა.

 

 

წყარო: wired.com

მასალა მოამზადა: ცირა შვანგირაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ეს საინტერესოაკვლევებიმედიცინამსოფლიო

ჯანდაცვის მსოფლიო ორგანიზაცია ახალ სასიკვდილო ვირუსზე ალაპარაკდა

2.75K views on

დაავადება ,,Disease X-ი” შესაძლოა მომავალი გლობალური ეპიდემია გახდეს – ამის შესახებ ჯანდაცვის მსოფლიო ორგანიზაციამ განაცხადა.

ეს საიდუმლო პათოგენი, კოდური სახელწოდებით ,,Disease X-ი’, ჯერჯერობით აღმოჩენილიც არაა, თუმცა შესულია ჯანდაცვის მსოფლიო ორგანიზაციის ყველაზე სახიფათო პოტენციური დაავადებების სიაში, რომლებსაც ადამიანის სიცოცხლის განადგურება შეუძლიათ და რომელთა წინააღმდეგ საბრძოლველი საშუალებები არასაკმარისია, ან საერთიდ არ არსებობს.

მაგრამ შესაძლოა კი, რომ დაავადება, რომელიც ჯერჯერობით იდენტიფიცირებულიც კი არაა, საზოგადოების ჯანრთელობისთვის სერიოზულ საფრთხედ აღვიქვათ?

ჯანმოს კვლევისა და განვითარების პროექტმა – ,,R&D Blueprint-მა“  ,,Disease X-ი“ პრიორიტეტულ დაავადებად აღიარა, რომელსაც სამყარო მომზადებული უნდა შეხვდეს.

მსოფლიო ჯანდაცვის ორგანიზაციამ R&D Blueprint-ი თავდაპირველად 2015 წელს გაავრცელა და ის მიმოიხილავს იმ პათოგენებს, რომლებიც კაცობრიობისთვის პოტენციურად საშიშ დაავადებებს წარმოადგენს.

ბოლო კვლევა თებერვალში გამოქვეყნდა, სადაც დასახელებულია ის დაავადებები, რომლებიც მეცნიერების განსაკუთრებულ ყურადღებას საჭიროებენ, მათ შორის, ყირიმი-კონგოს ჰემორაგიული ცხელება (CCHF); ებოლა ვირუსის დაავადება და მარბურგის ვირუსი; ლასას ცხელება; შუა აღმოსავლეთის რესპირატორული სინდრომი კორონაირუსი (MERS-CoV) და მწვავე რესპირატორული სინდრომი (SARS); რიფტის ველის ცხელება (RVF); და ზიკა ვირუსი.

წელს პირველად ჯანმომ სიაში ,,Disease X-იც“შეიტანა.

,,X-ის“ დამატება ამ სიაში შესაძლოა უცნაურად აღიქმებოდეს, თუმცა, მნიშვნელოვანია, მისთვის წინასწარი მზადება – ვაქცინაზე ზრუნვისა და სადიაგნოსტიკო ტესტების თვალსაზრისით.

რაც შეეხება იმას, თუ საიდან გაჩნდება დაავადება, ეს დაზუსტებით არავინ იცის, არსებობს უამრავი შესაძლო წყარო, მათ შორის, არსებული ვირუსები, რომლებიც ავლენენ ახალ ვირულენტობასა  სიმპტომებს, ლაბორატორიებიდან ,,გაქცეული” ან ბიოიარაღად გამოყენებული ვირუსები და  ზოონოზური ვირუსები, რომლებიც ცხოველებისგან ადამიანებს გადაეცემათ.

,,ეს ბუნებრივი პროცესია, რომელსაც ინფორმირებულები და შეიარაღებულები უნდა შევხვდეთ,” – აცხადებს ჯანდაცვის მსოფლიო ორგანიზაციის მრჩეველი ჯონ-არნ როტინგენი.

 

წყარო: https://www.sciencealert.com/

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
1 … 73 74 75 76 77 … 95
Page 75 of 95