close

ეს საინტერესოა

ეს საინტერესოამსოფლიორელიგია და მეცნიერება

რომის პაპი ფრანცისი LGBTთემის წევრს: „ღმერთმა ასეთად შეგქმნა“

ხუან კარლოს კრუზი, რომელიც საეკლესიო პირისგან სექსუალური შევიწროების მსხვერპლი გახდა, აცხადებს, რომ რომის პაპთან შეხვედრისას, პაპმა მისი მხარდაჭერა შემდეგი სიტყვებით გამოხატა: „ღმერთმა ასეთად შეგქმნა, მას ისეთი უყვარხარ, როგორიც ხარ, მეც ისეთი მიყვარხარ, როგორიც ხარ და არ მაინტერესებს შენი ორიენტაცია. შენ ბედნიერი უნდა იყო იმით, ვინც ხარ“.

ვატიკანის  სპიკერი, გრეგ ბურკი არ პასუხობს ჟურნალისტების შეკითხვებს, თუ რამდენად შეესაბამება კრუზის განცხადება სიმართლეს.

მიუხედავად იმისა, რომ კათოლიკური ეკლესია ღიად უპირისპირდება ჰომოსექსუალობას და ჰეტეროსექსუალობის გარდა, სხვა სახის ორიენტაციას ცოდვად მიიჩნევს, რომის პაპი ფრანცისი აღნიშნული საკითხისადმი განსაკუთრებული ლოიალურობით გამოირჩევა.

ჯერ კიდევ 2013 წელს, გახმაურდა ფაქტი, რომის პაპის „ჰომოსექსუალობის ლობირების“  ვატიკანში, რაზედაც პაპ ფრანცისის პასუხი შემდეგი იყო: „ვინ ვარ მე, რომ ადამიანი განვსაჯო?“

ზოგიერთის შეხედულებით, რომის პაპის მსგავს დამოკიდებულებას ჰომოსექსუალიზმის მიმართ, შეუძლია გამოიწვიოს თავად კათოლიციზმის მოძღვრებაში ცვლილებები.   მაგალითდ, ჯეიმ მარტინი ერთ-ერთი მათგანია, რომელიც კათოლიკე LGBTსაზოგადოების ინტეგრაციისთვის და მათი დისკრიმინაციის წინააღმდეგ იბრძვის, ის გასულ წელს ვატიკანის კომუნიკაციების სამდივნოს კონსულტანტად დაინიშნა. თავის წიგნში, „ხიდის მშენებლობა“ ის ხალხს მოუწოდებს – „სექსუალურობაზე დამყარებული მორალისაგან“ თავი შეიკავონ.

წყარო: Theguardian

მასალა მოამზადა: ცირა შვანგირაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
ანალიტიკაასტრონომია - კოსმოსიეს საინტერესოაკვლევებიმსოფლიო

შორეულ გალაქტიკაში აღმოჩენილი ჟანგბადი ადრეული სამყაროს წარმოშობის თარიღს ადგენს

ჟანგბადის აღმოჩენის შემდეგ, ასტრონავტებმა დაადგინეს, რომ შორეულ გალაქტიკაში ვარსკვლავები დიდი აფეთქებიდან 250 მილიონ წელში ჩამოყალიბდნენ.

მეცნიერები MACS1149-JD1-ად წოდებულ გალაქტიკას დააკვირდნენ, რომელიც დიდი აფეთქებიდან, დაახლოებით, 550 მილიონი წლის შემდეგ არსებობდა და რომელმაც, დაახლოებით,  13.8 მილიარდი წლის წინ დასაბამი მისცა სამყაროს.

MACS1149-JD1-სგან გამოყოფილ სინათლეს დედამიწამდე მოსაღწევად 13.28 მილიარდი სინათლის წელი დასჭირდა. სინათლის წელი არის მანძილი (9,5 ტრილიონი კილომეტრი), რომელსაც  სინათლე 1 წელში გაივლის.

MACS1149-JD1-ზე ჟანგბადის აღმოჩენა ძალიან საყურადღებო ფაქტია. მისი არსებობა ადასტურებს, რომ თავდაპირველი სამყარო შედგებოდა ისეთი ელემენტებისგან, როგორიცაა – ჟანგბადი, ნახშირბადი და აზოტი, რომლებიც ვარსკვლავების შემადგენლობაშიც იყვნენ, ვარსკვლავები აფეთქებისა და დაღუპვის შემდეგ კი – ვარსკვლავთშორის სივრცეში გადაინაცვლეს.

ეს კი იმას ნიშნავს, რომ გალაქტიკაში კიდევ უფრო ადრე წარმოშობილი ვარსკვლავები არსებობდნენ, რომლებიც შემდეგ დაიღუპნენ, ხოლო გალაქტიკა დიდი აფეთქებიდან 250 მილიონი წლის შემდეგ ჩამოყალიბდა.

,,ეს აღმოჩენა კიდევ უფრო გვაახლოვებს კოსმოსური ცისკრის გაჩენის თარიღთან,”- აცხადებს ლონდონის საუნივერსიტეტო კოლეჯის ასტრონომი – ნიკოლას ლაპორტე, რომელიც ვარაუდობს, რომ პირველი ვარსკვლავები დიდი აფეთქებიდან 150 მილიონი წლის შემდეგ გაჩნდნენ.

მეცნიერებმა გალაქტიკის მანძილი ჩილეს ტელესკოპის საშუალებით დაადგინეს და  MACS1149-JD1-ის ადრეული ისტორიის რეკონსტრუქცია ინფრაწითელი, ორბიტაზე მოძრავი ტელესკოპების მეშვეობით განახორციელეს.

 

წყარო: Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ეს საინტერესოამსოფლიოსაქართველო

კვლევა – ,,ქსოვილი საქართველოდან“ ევროკავშირის კულტურული მემკვიდრეობის პრიზით დაჯილდოვდა

2018 წლის 15 მაისს, ბრიუსელში, სამეცნიერო კლევითი პროექტი –  ,,ქსოვილი საქართველოდან“ გახდა კულტურული მემკვიდრეობის სფეროში ევროპის უმაღლესი ჯილდოს, Europa Nostra–ს გამარჯვებული. ,,ქსოვილი საქართველოდან“  მასშტაბური და საინტერესო კვლევითი პროექტია, რომლის უმთავრესი მიზანი ქართული ქსოვილის ისტორიის კვლევა, ძველი ტრადიციების აღდგენა და თანამედროვე ყოფით ცხოვრებაში მათი დამკვიდრებაა. პროექტი, რომელმაც თავისი მნიშვნელობიდან გამომდინარე, გამორჩეული მეცნიერული დატვირთვა შეიძინა, განხორციელდა  ხელოვნების სასახლის მიერ, გიორგი ჩუბინაშვილის კვლევით ცენტრთან და სხვა სახელმწიფო ინსტიტუტებთან თანამშრომლობის შედეგად.

Europa Nostra გამარჯვებულები გამოვლინდნენ 4 ნომინაციაში – კონსერვაცია; კვლევა; განსაკუთრებული ღვაწლი; განათლება, სწავლება და ცნობიერების ამაღლება, სულ –  17 ქვეყნის 29 ლაურეატი.  ევროპის კულტურული მემკვიდრეობის წლის აღნიშვნის ფარგლებში, დამოუკიდებელმა ჟიურიმ განსაკუთრებული ყურადღება გაამახვილა ევროპულ ღირებულებებზე დაფუძნებულ პროექტებზე.

ტიბორ ნავრაჩიჩმა, ევროკომისარმა განათლების, კულტურის, ახალგაზრდობის და სპორტის საკითხებში განაცხადა:  ,კულტურული მემკვიდრეობა ევროპის ერთ-ერთი ყველაზე ძვირფასი აქტივია. ის აშენებს ხიდებს ხალხსა და საზოგადოებას შორის, ისევე
როგორც წარსულსა და მომავალს შორის”.

Europa Nostra–ს პრეზიდენტმა და ოპერის სახელგანთქმულმა მომღერალმა  პლასიდო დომინგომ განაცხადა:
 ,,თითოეული გამარჯვებული პროექტი პატივისცემასა დამხარდაჭერას იმსახურებს და ნათელი მაგალითია იმისა, რომ ჩვენიკულტურული მემკვიდრეობა გაცილებით მეტია, ვიდრე ჩვენიწარსულის ხსოვნა; ის აწმყოს შეცნობისა და მომავლისკენ სწრაფვისძირითადი რესურსია. სწორედ ამიტომ, უნდა ვაღიაროთ ჩვენისაერთო  კულტურული მემკვიდრეობა ევროპის მომავლისათვის!“ 

გამარაჯვებულების დაჯილდოვება შედგება სპეციალურ ცერემონიაზე 22 ივნისს, ბერლინის კონგრესის ცენტრში. ცერემონიას წარუძღვებიან მაესტრო პლასიდო დომინგო და ევროკომისარი ტიბორ ნავრაჩიჩი.

2002 წელს დაარსებული ეს პრიზი ხელს უწყობს კულტურული მემკვიდრეობის, როგორც ევროპის ეკონომიკის და საზოგადოების სტრატეგიული რესურსის როლის აღიარებას მემკვიდრეობის კონსერვაციის, კვლევის, მენეჯმენტის, განათლების და კომუნიკაციის სფეროს საუკეთესო მაგალითების აღიარებით და მათი დაჯილდოვებით.  პრიზის მხარდამჭერია ევროკავშირის პროგრამა ,,შემოქმედებითი ევროპა“ (Creative Europe), რომლის წევრი საქართველო 2015 გახდა.

2019 წლის ევროკავშირის კულტურული მემკვიდრეობის პრიზის საკონკურსო პირობებები გამოქვეყნდება 2018 წლის შემოდგომაზე შემდეგ ბმულზე.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოაკვლევებისაქართველოსოციოლოგია

2050 წლისთვის საქართველოს მოსახლეობა 3 394 000 იქნება

გაეროს ეკონომიკური და სოციალური საკითხების დეპარტამენტის პროგნოზით (2018 Revision of World Urbanization Prospects), 2050 წელს საქართველოს მოსახლეობა 3 394 000  ადამიანამდე შემცირდება. 2016 წლის მონაცემებით, საქართველოში 3 719 000 ადამიანი ცხოვრობს. 

გაეროს პროგნოზით, 2050 წლისთვის საქართველოს მოსახლეობის 2 483 000 ადამიანი ქალაქში იცხოვრებს, ხოლო 911 000 კი – სოფლად.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ბიზნესიგამოგონება - ინოვაციაეს საინტერესოასაქართველოტექნოლოგიებიფსიქოლოგია

17 წლის ქართველი მოსწავლე სიზმრების სამართავ მოწყობილობაზე მუშაობს

ალექსანდრე თექთუმანიძე 17 წლის მოსწავლეა თბილისიდან, რომელიც ტექნიკური საგნების სიყვარულითა და „ჩხირკედელაობით“ ბავშვობიდანვე გამოირჩევა. ამჟამად – არც მეტი არც ნაკლები, მუშაობს ხელსაწყოზე, რომლის მეშვეობითაც ადამიანს სიზმრების მართვა შეეძლება. ინოვაციური იდეის შესახებ ალექსანდრე თავად გვესაუბრება:

-ალექსანდრე, აგვიხსენი, რა არის ლუციდური სიზმარი და შენ როდის დაინტერესდი ამ ფენომენით?

-ლუციდური სიზმრების შესახებ მე-8 კლასში ჩემმა მეგობარმა მიამბო, ეს ისეთი მოვლენაა, როდესაც ადამიანი სიზმარშივე აცნობიერებს, რომ სძინავს და სიზმრის კონტროლიც შეუძლია.  თუ შევადარებთ ჩვეულებრივ სიზმარს ლუციდურს, შეგვიძლია ვთქვათ, რომ თუ ჩვეულებრივ სიზმარში ჩვენ მას შორიდან ვნახულობთ – როგორც კინოში, ლუციდურ სიზმარში ჩვენ ამ სიზმრის ნაწილი ვართ, ისევე როგორც ვიდეოთამაშებში.

-დღეს ხელსაწყოზე მუშაობ, რომლითაც შესაძლებელი იქნება სიზმრების კონტროლი, გვიამბე რა პრინციპით იფუნქციონირებს ის?

სიზმარი საკმაოდ დიდი თემაა სამსჯელოდ, მაგრამ შეგვიძლია მოკლედ ვთქვათ, რომ ძილის ერთ-ერთ ფაზაში სახელად – REM-ი, ადამიანი ხედავს სიზმარს. თუ ამ დროს გარეგამღიზიანებლებით მივაწვდით ინფორმაციას, იმის შესახებ რომ მას სძინავს, ადამიანს შეეძლება სიზმრის გაცნობიერება. ახლა ვაწარმოებ გამოკვლევას ოპტიმალური გამღიზიანებელის საპოვნელად და ვმუშაობ REMფაზის აღმოჩენის ხერხებზე.

ჩემი პირველი მოწყობილობის აწყობა მოვახერხე ერთ-ერთ ოლიმპიადაზე სახელად ,,Hackathon-ი”. ეს იყო დაუხვეწელი ბეტავერსია, რომელიც მხოლოდ პრეზენტაციისთვის შეიქმნა და არა გამოყენებისთვის. ამჟამად კი, ვცდილობ ჩემი იდეა ხელშესახებ რეალობად ვაქციო.

-ერთი შეხედვით, საკმაოდ უცნაური წამოწყება გაქვს, როგორია ხოლმე ადამიანების შთაბეჭდილება, როცა შენი პროექტის შესახებ იგებენ?

შთაბეჭდილებები, როგორც წესი, განსხვავებულია. თუ ადამიანს აქამდე არ აქვს ასეთი სიზმარი ნანახი, მისთვის რთულია იმისი დაჯერება, რომ შესაძლებელია სიზმარში აცნობიერებდე, რომ გძინავს. ხოლო ადამიანებს, რომლებსაც აქვთ ლუციდურ სიზმარში გამოცდილება, ეს იდეა აღაფრთოვანებთ, რადგან იციან, რამდენად კარგად გრძნობენ თავს ლუციდური სიზმრის ნახვისას.

-დაბოლოს, შენი უახლოესი სამომავლო გეგმების შესახებ გვიამბე.

-წელს ვაბარებ უნივერსიტეტში. ყველაფერი ისე თუ წავა, როგორც მე ვგეგმავ, სექტემბერში მოსკოვის ტექნიკურ უნივერსიტეტში ,,МФТИ-ში“ ვისწავლი. ბაკალავრიატის დამთავრებას იქ ვაპირებ და შემდეგ სწავლას ევროპაში ან ამერიკაში გავაგრძელებ. მოღვაწეობის სამომავლო სფერო ჯერჯერობით დაზუსტებული არ მაქვს, რადგან არჩევანი უნდა გავაკეთო ინჟინერიას, ფიზიკასა და პროგრამირებას შორის.

 

მასალა მოამზადა:  თამარ დევდარიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ასტრონომია - კოსმოსიეს საინტერესოაკვლევებიმსოფლიო

მეცნიერებმა პლანეტა იუპიტერის მთვარე ,,ევროპაზე” სიცოცხლისთვის საჭირო ნიშნები აღმოაჩინეს 

მეცნიერები აცხადებენ, რომ პლანეტა იუპიტერის მთვარე ,,ევროპა” დედამიწის მიღმა სიცოცხლის ძიებისთვის მთავარი კანდიდატია. ამის თქმის საფუძველს მეცნიერებს წყლის ის ჭავლები აძლევს, რომელიც ,,ევროპიდან” კოსმოსში გამოიტყორცნება.

მეცნიერებმა ,,ნასას” კოსმოსური ხომალდის – ,,გალელეოს” მიერ 1997 წელს მოპოვებული მონაცემები ხელახლა გადასინჯეს და აღმოაჩინეს, რომ ,,ევროპას” მაგნიტური ველი მისი მიწისქვეშა ოკეანის გაყინული სფარიდან მომავალი გეიზერისგანაა გამოწვეული.

,,გალილეო“ დედამიწის ზედაპირის ზემოთ 200 კილომეტრზე მოძრაობდა, როცა მან აღნიშნულ ჭავლზე გაიარა.

,,ვიცით, რომ ,,ევროპას” ცხოვრებისთვის საჭირო ბევრი ინგრედიენტი აქვს, იქ არის ენერგია, წყალი, გარკვეული რაოდენობით ნახშირჟანგი, მაგრამ უდიდესი კითხვა, რომელიც ,,ევროპასთან” მიმართ გვაქვს, არის ის, თუ პოტენციურად რამდენად დასახლებადი ადგილია,” – განაცხადა ჯონს ჰოპკინსის უნივერსიტეტის პლანეტარულმა მეცნიერმა ელიზაბეთ თერთლმა.

კიდევ ერთი მტკიცებულება, რომელიც ,,ევროპაზე” დედამიწის ოკეანეებზე ორჯერ მეტი მოცულობის ოკეანის არსებობას ამტკიცებს, ,,ნასას” ,,Hubble Space Telescope-ის“ 2012 წელს შეგროვებული ულტრაიისფერი მონაცემია.

,,ნასა” 2022 წელს ახალი მისიის ,,ევროპა კლიპერის” დაწყებას აპირებს, რომლის ფარგლებში წყლის ჭავლების ნიმუშების გამოკვლევა იგეგმება, რათა დაადგინონ, შეიცავს თუ არა ის ისეთ ნიშნებს, რაც ოკეანეში სიცოცხლის არსებობაზე იმეტყველებს.

წყაროReuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
ეს საინტერესოაკვლევებიმედიცინაფსიქოლოგია

შიზოფრენიამ შესაძლოა ფიზიკური ცვლილებებიც კი გამოიწვიოს

შიზოფრენია განიხილება, როგორც გონებრივი დარღვევა და მოქმედებს ადამიანის ფიქრებზე, შეგრძნებებსა და ქმედებებზე. მაგრამ ბოლო გამოკვლევებმა აჩვენა, რომ შიზოფრენიის დროს ფიზიკურ ცვლილებებსაც განვიცდით –  დეფორმირდება ორგანოებიც.

მეცნიერებმა დიდი ხნის მანძილზე იცოდნენ, რომ შიზოფრენიით დაავადებული ადამიანების უმრავლესობას ჰქონდა ფიზიკური დაავადებები, მსოფლიოს მოსახლეობაზე დაკვირვებისას დაადგინეს, რომ სწორედ ეს ხდება, უმეტეს შემთხვევაში, ნაადრევი სიკვდილის მიზეზი.

გამოკვლევამ აჩვენა, რომ ფსიქიკური დარღვევების მქონე პირები, 15–20 წლით ადრე ტოვებენ წუთისოფელს, ვიდრე ჩვეულებრივი ადამიანები.

წყაროSciencealert.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
გამოგონება - ინოვაციაეს საინტერესოამსოფლიორობოტექნიკატექნოლოგიები

,,Boston Dynamics–ის” ახალი რობოტი კიდევ უფრო ადამიანურია

კომპანია ,,Boston Dynamics–მა” თავის ,,YouTube-ის” არხზე გამოაქვეყნა ორი ახალი ვიდეო, სადაც ასახულია მათი ახალი პროდუქტის სხვადახვა მოძრაობა, ვიდეო ამტკიცებს, რომ კომპანია წინ მიიწევს, მათ კიდევ უფრო მიამსგავსეს ახალი რობოტი ადამიანს.

ვიდეოში თითქოს არაფერია ისეთი, რაც ჯერ არ გვინახავს, მაგრამ აშკარაა, რომ მოძრაობები დახვეწილია, თითქოს – რობოტი ბუნებრივად მოქმედებს. პირველ ვიდეოში ნაჩვენებია რობოტი “Atlas–ი“, რომელიც დაბრკოლებას წარმატებით გადალახავს, დარბის, დახტის.  ხოლო მეორე ვიდეოში კი – ალბათ, გახსოვთ ძაღლი რობოტი, რომელიც კარებს აღებდა. ახლა მას ახალი ფუნქცია დაემატა და უპრობლემოდ შეუძლია კიბეებზე გადაადგილება.

 

წყაროTheverge.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა

 

სრულად ნახვა
გამოგონება - ინოვაციაეს საინტერესოა

სამგანზომილებიანი კალამი – ჰაერში ხატვის შესაძლებლობა

კიდევ ერთი გასაოცარი გამოგონება, რომელიც სპეციალურად ხელოვანი ადამიანებისთვისაა, კერძოდ კი – მხატვრებისთვის. სამგანზომილებიანი კალამი გაყიდვაში ჯერჯერობით არ არის, მაგრამ მისი მასობრივი წარმოება იგეგმება.

ასეთი კალმით შეგეძლებათ სკულპტურების პირდაპირ ჰაერში დახატვა. ის  პატარა სამგანზომილებიანი პრინტერია. რომელიც ადნობს და აციებს პლასტმასს, ეს კი საშუალებას გაძლევთ, შექმნათ  მყარი, ავტონომიური სტრუქტურები და წარწერები ჰაერში.

ის მხოლოდ 40 გრამს იწონის და ჩვეულებრივი კალმის შესახედაობა აქვს.

 

წყაროTheverge.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა

 

 

 

სრულად ნახვა
ეს საინტერესოასაქართველოტექნოლოგიები

16 მაისს ტექნოპარკში Tbilisi Digital Expo გაიმართება

16 მაისს Tbilisi Digital Expo უმასპინძლებს ხუთი ქვეყნის წამყვანი გეიმინგ კომპანიებიდან მოწვეულ სტუმრებს, რომლებიც დამსწრე საზოგადოებას თავიანთ ცოდნასა და გამოცდილებას გაუზიარებენ, ღონისძიებამდე უკვე ჩატარდა გეიმჯემი, რომლის გამარჯვებულებიც სწორედ Tbilisi Digital Expo-ზე გამოვლინდებიან. პროექტის შესახებ ღონისძიების ერთ-ერთი ორგანიზატორი – ნიკა დევაშვილი გვიამბობს.

ნიკა, ზოგადად რა ღონისძიებაა Tbilisi Digital Expo?

-Tbilisi Digital Expo არის ვიდეოთამაშების ინდუსტრიის ერთ-ერთი ყველაზე მნიშვნელოვანი მოვლენა, რომლის სათავეშიც პირველი ქართული ვიდეოთამაშების მედიაცენტრი ,,Venatus-ი” და ვიდეოთამაშების მწარმოებელთა საერთაშორისო ასოციაცია IGDA (International Game Developers Association) დგას და ისინი წელს პირველად აერთიანებენ საქართველოსა თუ მსოფლიოს გეიმინდუსტრიას- სწორედ თბილისში.

-როგორც ვიცი, ღონისძიებამდე უკვე ჩატარდა გეიმჯემი, სადაც ქართველი ახალგაზრდები იღებდნენ მონაწილეობას.

-დიახ, გეიმჯემი საქართველოს უნივერსიტეტში 11 მაისს დაიწყო და 13 მაისს დამთავრდა, მის ფარგლებში, სულ 16 გუნდი მუშაობდა 48 საათის განმავლობაში. კონკურსში ნებისმიერი ასაკის მსურველს შეეძლო მიეღო მონაწილეობა, რომლებიც სამკაციან ჯგუფებად დაკომპლექტდნენ. მათ წარადგინეს თავიანთი ნამუშევრები ჟიურისა და დამსწრე საზოგადოების წინაშე. მათი მთავარ ამოცანა იყო ისეთი თამაშების შექმნა, რომლებიც ამ სამი თემიდან რომელიმეს მაინც უკავშირდებოდა თემატურად, ესენია: Alternative World, Neon lights და Students.

 შემიძლია თამამად ვთქვა, რომ წინა გეიმჯემებთნ შედარებით, წელს გაცილებით უკეთესი ხარისხი დაიდო და საქართველოში გეიმინდუსტრიის განვითრება აშკარაა.

-რას იხილავს ტექნოპარკში ექსპოზე მოსული დამთვალიერებელი?

-უპირველეს ყოვლისა, აღვნიშნავ, რომ 16 მაისს საქართველოს თამაშების ინდუსტრიის ისტორიაში პირველად ჩამოვლენ ევროპის 5 ქვეყნის – პოლონეთის, სლოვაკეთის, უნგრეთის, ჩეხეთისა და ავსტრიის თამაშების ინდუსტრიის წამყვანი კომპანიების წარმომადგენლები, რომლებიც წაიკითხავენ ლექციებს თამაშების თემატიკაზე. სრული დღის განმავლობაში წარმოდგენილი იქნება ვიდეოთამაშების შექმნის მარათონის (GAMEJAM) პროცესში შექმნილი ქართული თამაშები, უცხოელი სპეციალისტები გაუზიარებენ საკუთარ გამოცდილებას თამაშების სფეროში. პარალელურად, გაიმართება, საქართველოში და უცხოეთში წარმოებული თამაშების პრეზენტრაციებისა თუ ვირტუალური რეალობის თამაშების პრეზენტაციები, workshop-ები თამაშების თემატიკაზე, სამაგიდო თამაშები და სხვა.

დღის ბოლოს კი, მოხდება გეიჯმემის გამარჯვებული გუნდი გამოვლინდება და ჯილდოს სახით Casual Connect Europe -ზე დასასწრებად საჭირო Full Acess Pass-ს მიიღებს, გამარჯვებულებს დაუფინანსდებათ მგზავრობის ხარჯებიც.

 

 

მასალა მოამზადა:  თამარ დევდარიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა

 

 

სრულად ნახვა
1 64 65 66 67 68 95
Page 66 of 95