close
ს საინტერესოააქართველო

19 ივნისი მამების დღეა – „კაცები ზრუნავენ“

მამის დღე საქართველოში

19 ივნისი მამის საერთაშორისო დღეა. დღესასწაული, მსოფლიოს მრავალ ქვეყანაში  აღინიშნება. მათ შორის, საქართველოშიც.

გაეროს მოსახლეობის ფონდის (UNFPA) საქართველოს ოფისისა და არასამთავრობო ორგანიზაციის We Care ინიციატივით, კამპანიის „კაცები ზრუნავენ“ ფარგლებში, მამის დღე საქართველოში წელს მესამედ აღინიშნება.

მამის დღის ცენტრალური ღონისძიება ხვალ, 19 საათზე, თბილისში, „მზიურის“ სცენაზე გაიმართება. ღონისძიების ფარგლებში მოზარდ მაყურებელთა თეატრის მსახიობები წარმოადგენენ სპეკტაკლს ,,შოუ ზღაპართა ქვეყანაში”. „მზიურის“ სტუმარ ბავშვებსა და მშობლებს შემეცნებითი და გასართობები თამაშებიც ელით.

ასევე, მამის დღის აღსანიშნავად დაგეგმილია ღონისძიებები თელავსა და ზუგდიდში. მწერალი ტორესა მოსი თელავში, წიგნის მაღაზია ,,ბიბლუსში” გამართავს  მკითხველთან შეხვედრას, სადაც წაიკითხავს ალექსანდრე ლორთქიფანიძის წიგნს ,,იავნანა ლილისთვის”, ხოლო ზუგდიდში, ბიბლიოთეკის მთავარ დარბაზში, მწერალი ზვიად კვარაცხელია იმავე წიგნით შეხვდება მკითხველს. „იავნანა ლილისთვის“გასულ წელს, კამპანიის ,,კაცები ზრუნავენ” ფარგლებში გამოიცა.

მამის დღის აღნიშვნას უერთდებიან სახელმწიფო უწყებების, საერთაშორისო და არასამთავრობო ორგანიზაციების წარმომადგენლები. საქართველოს ფეხბურთის ფედერაციისა და საფეხბურთო კლუბ თბილისის „ლოკომოტივის“ ინიციატივით, 17 ივნისს „დინამოს“ სტადიონზე დაგეგმილი თამაშის მონაწილე ფეხბურთელები, მამის დღისა და გენდერული თანასწორობის მხარდასაჭერად, სპეციალური მაისურებითა და ბანერით გამოვლენ.

გაეროს მოსახლეობის ფონდში (UNFPA) ამბობენ, რომ კამპანიის „კაცები ზრუნავენ“ მიზანია წაახალისოს მამაკაცების, როგორც არამოძალადე და მზრუნველი მამების და მეუღლეების ჩართულობა ოჯახების ჯანმრთელობისა და კეთილდღეობისათვის, რათა მამაკაცებმა მეტად დაუჭირონ მხარი გენდერულ თანასწორობას, და ამ გზით – ქალების სოციალურ და ეკონომიურ მონაწილეობას და საზოგადოების გაძლიერებას. კამპანიაში მონაწილეობა შეუძლია ყველა მამაკაცს, რომელიც კამპანიის იდეას იზიარებს.

კამპანია „კაცები ზრუნავენ“ მიმდინარეობს გაეროს ერთობლივი პროგრამის „გენდერული თანასწორობისთვის“ ფარგლებში, რომელიც შვედეთის მთავრობის ფინანსური მხარდაჭერით ხორციელდება.

ახალგაზრდა ანალიტიკოსთა და მეცნიერთა დარბაზი ,,დოქტრინა

მასალის გამოყენების პირობები

კომენტარი

Tags : slid