ეკოლოგია

„დიდი ოცეულის“ ქვეყნების ლიდერები რომში გამართულ ორდღიან სამიტზე
შეთანხმდნენ, რომ მნიშვნელოვანი და ეფექტური ქმედებების განხორციელებით
გააგრძელებენ ძალისხმევას გლობალური დათბობის შეზღუდვის მიზნით.
მსოფლიოს უმსხვილესი ეკონომიკის ლიდერები ნახშირბადის ნეიტრალიტეტის
მიღწევის აუცილებლობაზე შეთანხმდნენ, თუმცა საბოლოო კომუნიკეში
კონკრეტული თარიღი მითითებული არ არის და აღნიშნულია, რომ ნახშირბადის
ნულოვანი ემისიის ანუ ნახშირბადის ნეიტრალიტეტის მიღწევა დაახლოებით
საუკუნის შუა პერიოდისთვის იქნება შესაძლებელი.
ამასთან, სამიტის ყველა მონაწილე შეთანხმდა გლობალური დათბობის 1.5
გრადუს ცელსიუსამდე შეზღუდვის მნიშვნელობაზე, რაც, მეცნიერების თქმით,
სასიცოცხლოდ მნიშვნელოვანია კატასტროფის თავიდან ასაცილებლად.
გაეროს გენერალურმა მდივანმა, ანტონიო გუტერეშმა „ტვიტერზე“ დაწერა, რომ
ის ტოვებს რომს “აუხდენელი, მაგრამ არა დამარხული იმედებით.“
ლიდერები რომიდან გლაზგოში გაემართებიან, სადაც კლიმატის სამიტს, COP26-
ს, დაესწრებიან.

ახალგაზრდა ანალიტიკოსთა და მეცნიერთა დარბაზი “დოქტრინა”

აშშ-ში, კოლორადოს შტატში, ირემი გაათავისუფლეს ტვირთისგან, რომელსაც ის ორი წლის განმავლობაში ატარებდა. საუბარია საბურავზე, რომელშიც მას კისერი ჰქონდა გაჭედილი.

ირემი კისერზე 10 კილოგრამამდე საბურავით არაერთხელ დააფიქსირეს ვიდეოხაფანგებმა. ამასთან, 2019 წლის შემდეგ, მრავალმა დამთვალიერებელმა საკუთარი თვალით იხილა ეს უჩვეულო სურათი. იყო საფრთხე, რომ ირემს, ზრდასთან ერთად, საბურავი გაგუდავდა.

გარემოსდამცველებმა ცხოველი დროებით დააძინეს. სამწუხაროდ, საბურავის მოსახსნელად, ირმის რქების მოჭრაც გახდა საჭირო.

„ის კარგად იქნება. გაზაფხულზე ახალი რქები ამოუვა“, – ამბობს კოლორადოს პარკის თანამშრომელი.

ახალგაზრდა ანალიტიკოსთა და მეცნიერთა დარბაზი “დოქტრინა”

გლობალური დათბობის შედეგად გამოწვეული პრობლემები ყოველდღიურად გვახსენებს თავს და
მეცნიერებიც გავლენის შესამცირებლად თავდაუზოგავად შრომობენ. ერთ-ერთი ასეთი იშვიათი
ტექნოლოგია ნახშირორჟანგის ატმოსფეროდან ამოტუმბვაა, რაც მათი აზრით, გლობალური
დათბობის შესაჩერებლად სასიცოცხლოდ მნიშვნელოვანია.
ისლანდიაშიც სწორედ ატმოსფეროდან ნახშირორჟანგის ამომტუმბავი უდიდესი ქარხანა გაიხსნა,
სახელად Orca. ქარხანას ერთი წლის განმავლობაში შეუძლია 4 000 ტონა CO2 ამოიღოს, რაც
დაახლოებით არის 790 ავტომობილის წლიური გამონაბოლქვის ექვივალენტი.
საერთაშორისო ენერგეტიკული სააგენტოს მონაცემებით, გასულ წელს 31.5 მილიარდი ტონა
შეადგინა CO2-ის გამონაბოლქვმა. Orca-ს ქარხანა, რომელიც ისლანდიურ ენაზე ნიშნავს
ენერგიას, შედგება რვა უზარმაზარი კონტეინერისგან, რომლებშიც ჩამონტაჟებულია ფილტრები და
ვენტილატორები იმისათვის, რომ მოხდეს ნახშირორჟანგის ამოტუმბვა. იზოლირებულს კი უკვე
წყალს ურევენ და მიწის სიღრმეში ათავსებენ, სადაც დროთა განმავლობაში ქანად ყალიბდება.
ამჟამად მსოფლიოში მოქმედებს 15 მსგავსი ქარხანა, რომლებიც 9 000 ტონაზე მეტ CO2-ს ტუმბავენ
წელიწადში.

წყარო: reuters.com

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი “დოქტრინა”

არგენტინის სამხრეთ ტერიტორიაზე მდებარე ლაგუნამ კაშკაშა ვარდისფერი შეფერილობა მიიღო, რაც დაკავშირებულია ახლოს მდებარება ქარხნიდან ქიმიური ნივთიერებების გადმოტვირთვასთან.

ექსპერტები ფენომენს უკავშირებენ ნატრიუმის სულფიტს, ანტიბაქტერიულ საშუალებას, რასაც იყენებენ საექსპორტო კრევეტების შესანახად. ქარხნიდან გამოჟონილი ნატრიუმის სულფიტი ახლა აბინძურებს ჩუბუტის მდინარეს, რომელიც ჩაედინება კორფოს ლაგუნაში.

მოსახლეობა საკმაოდ დიდი ხანია უჩივის მავნე სუნს, მდინარისა და ლაგუნის გარშემო გარემოსდაცვით სხვა საკითხებს. სატვირთოებს, რომლებიც ეზიდებოდნენ თევზის ნარჩენებს და მიემართებოდნენ ქალაქის გარეთ მდებარე გადამამუშავებელი ქარხნებისკენ, ქალაქის გავლა უწევდათ, რაც მოსახლეობის უკმაყოფილებას იწვევდა და გადაწყვიტეს ავტომობილებისთვის გზა ჩაეკეტათ. თანამდებობის პირებმა ნაცვლად გადამამუშავებელი ქარხნისა, ნარჩენების ლაგუნაში ჩაყრის ნება დართეს.

ნატრიუმის სულფიტი ლპობის საწინააღმდეგო საშუალებაა, რასაც ხშირად იყენებენ კვების ინდუსტრიაშიც. გარემოსდაცვითი კონტროლის ხელმძღვანელი აცხადებს, რომ ვარდისფერი შეფერილობა არი არის საზიანო და ეფექტი რამდენიმე დღეში გაქრება.

წყარო: www.ndtv.com

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”