close

ტექნოლოგიები

გამოგონება - ინოვაციამანქანათმშენებლობამსოფლიორობოტექნიკატექნოლოგიები

ტექნოლოგიები, რომლებიც მსოფლიოს ცვლიან

1950–1960–იან წლებში იწინასწარმეტყველეს, რომ 2000 წლისთვის მფრინავი მანქანები და რობოტები ყოველდღიური ცხოვრების ნაწილები გახდებოდნენ. ეს პროცესი უკვე დაწყებულია, თუმცა, ჯერჯერობით სმარტფონებისა და სოციალური ქსელების ხანაა.

ნაწილობრივ შესრულდა წინასწარმეტყველება, მაგალითად – ნახევრად თვითმმართავი მანქანები, რობოტები, რომლებიც ჯერ ბევრ ფუნქციას არ ასრულებენ, თუმცა – ყველაფერი განვითარების პერსპექტივის ქვეშაა. სულ მალე კიდევ ბევრი სხვა ტექნოლოგია შეცვლის ჩვენს ყოვედღიურ ცხოვრებას, Enterpreneur.com–მა შემოგვთავაზა რამდენიმე სავარაუდო ტექნოლოგია, რომლებიც მსოფლიოს შეცვლიან:

  1. ხმოვანი ასისტენტი, რომელიც სხვადასხვა მოქმედების შესრულებაში მიეხმარება ადამიანებს
  2. დამხმარე რობოტები
  3. თვითმავალი მანქანები
  4. კრიპტოვალუტა
  5. ხელოვნური ინტელექტი

წყარო: Entrepreneur.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
გამოგონება - ინოვაციაეს საინტერესოამსოფლიოტექნოლოგიები

ახალი გამოგონებით ფრენაა შესაძლებელი

გამოგონებებით სავსე საუკუნეში მრავალი მცდელობა იყო გამომგონებლებისგან, რაც გულისხმობდა ადამიანების უსაზღვრო შესაძლებლობების გამოხატვას, ძველად ვერავინ წარმოიდგენდა, თუ ადამიანი ფრენას შეძლებდა, არ აქვს მნიშვნელობა – ტექნოლოგიის დახმარებით იქნებოდა ეს თუ არა.
ტოკიოს უნივერსიტეტის სტუდენტებმა გამოიგონეს ჩანთა, რომელიც ახტომის დროს ადამიანს აძლევს შესაძლებლობას ჰაერში გაჩერდეს განსაზღვრული დროით, ჩანთაზე დამაგრებულია დრონი, რომელიც უზრუნველყოფს მომხმარებლის ჰაერში ყოფნას.
იმედოვნებენ, რომ პროდუქტი კიდევ განვითარდება და მომავალში უკვე ადამიანები დრონის დახმრებით შეძლებენ ფრენას, ამ მომენტისთვის მხოლოდ და მხოლოდ მცირე დროით ეხმარებათ მათ ახალი პროდუქტი, რომ გაჩერდნენ ჰაერში.

წყარო: Theverge.com
მასალა მოამზადა: ლაშა ჯინჭარაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიმსოფლიოპოლიტიკასამხედრო

დონალდ ტრამპი „კოსმიური სამხედრო ძალის“ შექმნას აანონსებს

აშშ-ის პრეზიდენტმა, დონალდ ტრამპმა, სან დიეგოში, აშშ-ს საზღვაო ქვეითებთან შეხვედრის დროს, სიტყვით გამოსვლილსას განაცხადა, რომ მას სურს „კოსმიური სამხედრო ძალის“ შექმნა, რადგან კოსმოსიც, თავის მხრიც, საბრძოლო არეალია, ისევე, როგორც ხმელეთი, წყალი და საჰაერო სივრცე. ექსტრატერიტორიული სამხედრო ნაწილის შექმნის იდეის შესახებ ტრამპი ამბობს: „ იმის გათვალისწინებით, რომ ჩვენ ძალიან ბევრ რესურსს ვხარჯავთ კოსმოსში, შეიძლება მართლაც იყოს საჭირო ახალი ძალა, რომელსაც ჩვენ „კოსმიურ სამხედრო ძალას“ დავარქმევთ, თავიდან არ ვიყავი ამ იდეისადმი სერიოზულად განწყობილი, მაგრამ ახლა ვფიქრობ, რომ მისი განხორციელება საკმაოდ რეალურია.“   

კოსმოსის ეროვნულ უსაფრთხოებასთან დაკავშირება, შესაძლოა, გარკვეულ კავშირში იყოს გასულ წელს ხელმოწერილ დირექტივასთან, რომლის მიხედვითაც, უნდა მომხდარიყო, ფაქტობრივად, მომაკვდავი აშშ-ის კოსმოსში მოქმედებისა და მასთან დაკავშირებული პოლიტიკის გადახედვა.

ამ აქტივობების ერთ-ერთი მიზეზი სამხედროცაა. ვიცე პრეზიდენტმა – მაიკ პენსმა, ინიციატივის გავრცელებისას ახსენა აშშ-ის „უსაფრთხოება, იდენტობა და კეთილდღეობა“ და თან დაურთო, რომ რუსეთი და ჩინეთი ისეთ ტექნოლოგიებს ავითარებენ, რომლებმაც შესაძლოა ზიანი მიაყენოს ამერიკულ სატელიტებს კოსმოსში.

პლანეტა მარსის ათვისება პრეზიდენტ ტრამპის კიდევ ერთი მიზანია. ზემოთ აღნიშნული დირექტივის ხელმოწერისას, მან ისაუბრა ფონდის მსგავსი სტრუქტურის შექმნაზე, რომელმაც უნდა უზრუნველყოს „მარსზე მისიის განხორციელება და შემდეგ, შესაძლოა სხვა სამყაროების აღმოჩენაც.“

სან დიეგოში საჯარო გამოსვლისას, დონალდ ტრამპს არ დაავიწყდა ოპონენტი, ჰილარი კლინტონი და განაცხადა: „ძალიან მალე ჩვენ მარსზე ვიქნებით, თქვენ რომ ჰილარი კლინტონი აგერჩიათ პრეზიდენტად, ეს არ მოხდებოდა“.

წყარო: The Independent

მასალა მოამზადა: ცირა შვანგირაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ენერგეტიკამსოფლიოტექნოლოგიები

ხელოვნური ინტელექტის გამოყენებით ელექტროენერგიის ეფექტიანობის გაზრდაა შესაძლებელი

ხელოვნური ინტელექტის გამოყენებით ელექტროენერგიის ეფექტიანობის გაზრდაა შესაძლებელი.

გერმანული საკონსულტაციო კომპანია Roland Berger-ი დასკვნაში წერს, რომ ხელოვნური ინტელექტის მეშვეობით შესაძლებელია ელექტროენერგიის მოთხოვნა მიწოდების ბალანსის წინასწარ განსაზღვრა და ამასთანავე – ისეთი მექანიზმის შექმნა, რაც ადამიანებს სახლის პირობებში ენერგოეფექტურობისკენ უბიძგებს. მოკლედ რომ ვთქვათ – ევროპაში ელექტროენერგიის მწარმოებელებს ეფექტურობის გაზრდა ხელოვნური ინტელექტის გამოყენებით შეუძლიათ.

გერმანული კომპანია სხვა კომპანიებსაც მოუწოდებს ამ ახალი ბიზნესმოდელის დანერვისა და ენეროეფექტურობისკენ.

 

 

წყარო: Reuters

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
გამოგონება - ინოვაციატექნოლოგიები

,,Google–ის” ახალი მოსახერხებელი კამერები

,,Google–მა“გამოუშვა ახალი ინოვაციური ფოტოაპარატი, რომელიც თავისი ზომითა და დიზაინით გამოირჩევა, კომპანია ახალ პროდუქტს „ჭკვიან კამერის“ სახელით მოიხსენიებს, მისი ღირებულება 249 ამერიკული დოლარი იქნება, იგი აღჭურვილი იქნება ხელოვნური ინტელექტით, რაც მის განსაკუთრებულობას ხაზს უსვამს.

ახალი პროდუქტის ძირითადი მიზანი არის, რომ მომხმარებლებს აღარ დასჭირდეთ მათი სმარტფონების ყოველთვის თან ტარება, ახალი კამერა უფრო მოსახერხებელია და უკეთეს სურათებს იღებს, რაც გამოგადგებათ, თქვენს საყვარელ ადამიანებთან დროს ტარების აღბეჭდვისთვის.

პროდუქტს ხელოვნური ინტელექტი დაეხმარება, რომ უკეთ ამოიცნოს ადამიანის სახეები და შეარჩიოს საუკეთესო მომენტი სურათის გადასაღებად, რაც ხარისხს ერთი–ორად გააუმჯობესებს.

წყარო: Techcrunch.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
გამოგონება - ინოვაციაეს საინტერესოამსოფლიორობოტექნიკატექნოლოგიები

რობოტი, რომელიც ნამდვილ მწერს ჰგავს

სულ რამდენიმე დღის წინ ტოკიოში გამოიგონეს რობოტი ხოჭო, რომელიც ძალიან ჰგავს რეალურს – მოძრაობებით და გარეგნულადაც.  მეცნიერები აქტიურად ცდილობენ, რაც შეიძლება მეტი არსების ანალოგი შექმნან ტექნოლოგიურ სფეროში, სწორედ ამას გულისხმობს ,,Tokyo Tech–ის“ პროგრამა, რომლის მიხედვითაც, ხოჭოს ფრენაც შეუძლია, ეს  აქამდე არასდროს არ დაუპროგრამებიათ მეცნიერებს.

მწარმოებლებმა განაცხადეს, რომ მათ წინასწარ არ ჰქონდათ დაგეგმილი, თუ რა ფორმა ექნებოდა რობოტს, არც მის დანიშნულებაზე ჰქონდათ რაიმე ვარაუდი, როგორც ჩანს, სრულიად შემთხვევით მიიღეს საკმაოდ საინტერესო შედეგი.

წყარო: Techcrunch.com

მასალა მოამზადა: ლაშა ჯინჭარაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
ბიზნესიეკონომიკამსოფლიოტექნოლოგიები

,,Google-ი” კრიპტოვალუტის რეკლამებს დაბლოკავს

კომპანია ,,Google-ი” გეგმავს, რომ დაბლოკოს კრიპტოვალუტის რეკლამები, სკოტ სპენსერმა, კომპანიის დირექტორმა, განაცხადა, რომ ივნისისთვის ვებგვერდზე აიკრძალება ონლაინვალუტასთან დაკავშირებული ყველანაირი რეკლამა.
მიზეზი ამ ყველაფრისა არის ის, რომ კომპანიას სურს მომხმარებელს მოარიდოს ონლაინვალუტასთან დაკავშირებული ინფორმაცია, რადგან, ბოლო დროს, საზოგადოება თითქმის ყოველდღიურად ახალ ინფორმაციას იგებს მათ შესახებ, შესაძლოა სწორედ ეს გახდა ბიტკოინის ღირებულების კვლავ გაზრდის მიზეზი, რაც მსოფლიოს ეკონომიკას დიდ ზიანს აყენებს.
ბიტკოინი საზოგადოებისთვის ძალიან აქტუალური გახდა, ბევრი სწორედ მის ფასსა და მნიშვნელობაზე დავობს, მეცნიერები ვარაუდობენ, რომ მისი ფასის დარეგულირება შესაძლებელია და რაც შეიძლება მალე უნდა მოხდეს.

 

წყარო: Businessinsider.com
მასალა მოამზადა: ლაშა ჯინჭარაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
გამოგონება - ინოვაციაგანათლებასაქართველოტექნოლოგიები

რისკების საზომი – ქართველი სტუდენტის ინოვაციური გამოგონება

ალბათ, უმეტეს ჩვენგანს დაუსვამს საკუთარი თავისთვის კითხვა, არის კი ის პროფესია სწორი, რაც ავირჩიეთ? ან ვიღებთ კი სწორ და საჭირო განათლებას უნივერსიტეტში, რომელშიც ვეუფლებით მომავალ საქმიანობას?

არც ის იყო გამონაკლისი. თბილისის სახელმწიფო უნივერსიტეტში, ეკონომიკის ფაკულტეტზე ჩაბარების დღიდან ფიქრობდა, როგორ გაეხადა მისი სტუდენტობა საინტერესო, ხოლო მაღლივში ჩაბარება – გამართლებული.

21 წლის ირაკლი გაზდელიანი დღეს საინტერესო გამოგონების ავტორია, მომავალში უფრო მეტი და საინტერესო მიღწევების პერსპექტივით. ყველაფერი კი ეკონომიკის პოლიტიკის კათედრაზე ერთ-ერთი საგნის არჩევითa და მიღებული ცოდნის რეალიზებით დაიწყო.

მან კრიპტოვალუტებზე მორგებული კომპიუტერული პროგრამა დაწერა, რომელმაც დაინტერესება არა მხოლოდ საქართველოში, არამედ ამერიკაშიც გამოიწვია.

ირაკლიმ მესამე კურსზე სავალდებულო საგანი ეკონომიკის პოლიტიკა აირჩია, რასაც ასევე მოჰყვა კურსი ობიექტებზე ორიენტირებული დაპროგრამების ენა VB.NET-ში და შუალედური გამოცდა, რომელმაც საბოლოოდ გააღვიძა ქართველ სტუდენტში გამომგონებლის ნიჭი და უნარები.

ირაკლის მიერ შექმნილი პროგრამა – ,,dicelator-ი“ რისკების პროცენტულად დამთვლელი კალკულატორია, რომელიც ავტორმა ერთერთი საიტისთვის შექმნა. აქ კამათლის გაგორების პრინციპით ხდება მოგების მიღება და არსებული რისკების დათვლა. პროგრამა ალგორითმის პრინციპზეა დამყარებული. თუმცა არის შემთხვევები, როდესაც ალგორითმის პრინციპი არ მუშაობს, სწორედ ამიტომაც უფრო საიმედო მექანიზმის არსებობაა აუცილებელი. სწორედ ამაზე მუშაობს ახლა ავტორი და აქვს იმედი, რომ სამომავლოდ საკუთარი გამოგონების გაუმჯობესებული ვერსიის გამოშვებას შეძლებს, რომელსაც გაყიდვაშიც ჩაუშვებს.

ორიოდ სიტყვა თავად კრიპტოვალუტაზე, რომელიც თანამედროვეობაში საკმაოდ აქტუალური თემაა.  კრიპტოვალუტა არის ელექტორნული ფული, რომელიც მომხმარებელს საშუალებას აძლევს გაგზავნოს ფული ინტერნეტით მსოფლიოს გარშემო, უმოკლეს დროში, შუამავლის გარეშე დ, რაც მთავრია, ეს ხდება ანონიმურად, იდენტიფიცირების გარეშე.

კრიპტოვალუტა ფიზიკურად არ არსებობს, ის არც იბეჭდება, არ აქვს ფიზიკური ფორმა, მას ვერ შევეხებით, ის მათემატიკურ გამოთვლებზეა დამყარებული და დაშიფრულია კრიპტოგრაფიულად. მაგრამ, რაც არ უნდა უჩვეულო იყოს, მას აქვს საკმაოდ დიდი ღირებულება და თანდათან იჭრება ჩვენს ცხოვრებაში. მისი ასეთი პროგრესირება იმ დადებითი მხარეებიითა განპირობებული, რასაც ის გვთავაზობს, უპირველეს ყოვლისა, მოხმარება არის ძალიან მარტივი, არ კონტროლდება ვინმეს ან რაიმესგან, საკმაოდ დაბალია საკომისიო გადარიცხვებზე.

სწორედ ამ სფეროში ჩართული ადამიანებისთვის და საქმიანი ბიზნესმენებისთვის დიდი დაინტერესების საგანი გახდა ქართველი სტუდენტის გამოგონება, რომლის შექმნის სამუშაო პროცესებზე და სამომავლო გეგმებზე თავად ავტორი გვესაუბრება:

-როდის დაინტერესდი გამომგონებლობით და რა უძღვოდა ამ დაინტერესებას წინ?

-გამომგონებლობით ბავშვობიდანვე ვიყავი დაინტერესებული, შემეძლო რაიმე დამეშალა და ახალი რამ ამეწყო. ეს ალბათ უფრო იმან განაპირობა, რომ ხელოვნება მიყვარს ზედმეტად და ყველაფერში მას ვხედავ. ასევე იმანაც, რომ თავდაუზოგავად შრომა მიყვარს ჩემი მიზნების მისაღწევად და თავს იქამდე არ ვანებებ,  სანამ შედეგს არ ვიღებ. ეკონომიკის ფაკულტეტზეც იგივე მოხდა, არ შევეშვი მიუხედავად იმისა, რომ თავი ვერ ვიპოვე მასში.

-როგორ გაჩნდა გამოგონების იდეა?

-ჩემი პროგრამის იდეა სულ უცაბედად გაჩნდა. კრიპტოვალუტების ყიდვა-გაყიდვით ვარ დაკავებული, შესაბამისად, „დამხმარე ინსტრუმენტის“ ქონა არ იქნებოდა ცუდი და ასე შეიქმნა ,,Dicelator-ი“.

-რა სირთულეებს წააწყდი სამუშაო პროცესში?

-სირთულე მხოლოდ ის იყო, რომ პირველად ვმუშაობდი,  როგორც პროგრამისტი და სრულყოფილად არ ვფლობდი ენას, ასევე – visual studio-სთანაც პირველად მქონდა შეხება. მუშაობის პროცესში მიწევდა საჭირო ლიტერატურის პოვნა და ათვისება ამის გამო.

-რაში მდგომარეობს შენი გამოგონების უნიკალურობა და სარგებლიანობა ?

-უნიკალურობა უფრო მის მეორე ვერსიას ექნება, ვიდრე პირველს ჰქონდა. რამდენიმე თვის წინ  ერთ-ერთ საიტს წავაწყდი,  სადაც „კამათლის გაგორების“ პრინციპით აორმაგებდი ვალუტებს. თუმცა იმის გამო, რომ აქ ყველაფერი ალგორითმზეა დამოკიდებული, ხშირად ალბათობის პრინციპი არ მუშაობს და რაიმე უფრო სანდო გამოთვლის პრინციპი სჭირდებოდა. შესაბამისად, მეც ვცადე რამე რისკის დამთვლელი კალკულატორი ამეწყო. პირველი ვერსია,  ფაქტობრივად, გამოგონება არც ყოფილა, ძირითადად არსებული მათემატიკა გამოვიყენე და უბრალოდ მაინტერესებდა შედეგს თუ გამოიღებდა. დაინტერესებების გაჩენის შემდეგ კი, ახალ ვერსიაზე დავიწყე მუშაობა სადაც „ახალი მათემატიკისა“ და „კანონზომიერების“ შექმნა მიწევს.

გვიამბე შენს სამომავლო გეგმებზე.

 -,,Dicelator V2”-ზე ვმუშაობ, უნივერსიტეტის გამო ხშირად ვერ ვიცლი, ამიტომ ნელ-ნელა მიიწევს მისი დამუშავების საქმე. ამავდროულად,  კიდევ ერთ პროექტზე ვმუშაობ,  რომელზეც უფრო მეტ იმედებს ვამყარებ და, შესაბამისად, არც ვისაუბრებ მასზე, მოკლედ რომ ვთქვათ – საიდუმლოდ დავიტოვებ.

მასალა მოამზადა:  ანა ურუშაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

 

 

 

 

სრულად ნახვა
ეს საინტერესოაკვლევებიკომუნიკაციამედიცინამსოფლიოსოციოლოგიატექნოლოგიები

კვლევა: სმარტფონს ფსიქიკური აშლილობის გამოწვევა შეუძლია

უკვე დიდი ხანია საუბრობენ იმაზე, რომ გახშირებული ნევროზისა და დეპრესიის ერთ-ერთი მთავარი მიზეზი, შესაძლოა, ტექნოლოგიური განვითარებაც კი იყოს. როგორც მეცნიერების ახალი კვლევით იკვეთება, სმარტფონს შეუძლია საკუთარ მფლობელში ფსიქიკური პრობლემები გამოიწვიოს.

როგორც სპეციალისტები ამტკიცებენ, გაუთავებელი სატელეფონო ზარები და შეტყობინებები სტრესის ჰორმონს მოქმედებისკენ უბიძგებს, რომელიც მუდმივ თავდაცვით რეაქციას იწვევს.

ხშირად გექნებათ შეგრძნება, როდესაც ცრუ ვიბროზარებს გრძნობთ – ტვინი რეაგირებს ტელეფონზე მაშინაც კი, როცა ის გამორთულია. ამას  მსოფლიო მოსახლეობის ნახევარზე მეტი განიცდის.

გამოკითხულთა 86 % აცხადებს, რომ მუდმივად ამოწმებს სოციალურ ქსელებსა და ელექტრონულ ფოსტას.

წყარო: Business Insider

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
გამოგონება - ინოვაციაეკოლოგიაენერგეტიკაეს საინტერესოაკვლევებიმსოფლიო

იტალიური და ამერიკული კომპანიები ბირთვული სინთეზისგან ელექტროენერგიის მისაღებად ითანამშრომლებენ

იტალიური ენერგეტიკული კომპანია “Eni” ბირთვული სინთეზისგან ენერგიის მიღების მიზნით ინვესტიციის განხორციელებას გეგმავს.

ამ მიზნით, კომპანია “Eni” მასაჩუსეტსის ტექნოლოგიურ ინსტიტუტთან (MIT) ერთად სპეციალურ კვლევას ჩაატარებს, ინვესტიციის ჩადებას კი ის ,,MIT-ის” ყოფილი მეცნიერების მიერ დაფუძნებულ კომპანიაში გეგმავს.

ნახშირბადის გამოყენების შემცირების გეგმის ფარგლებში, “Eni” თავდაპირველად  50 მილიონი დოლარის ინვესტიციას განახორციელებს და ,,MIT-ის” ყოფილი მკვლევარების მიერ შექმნილი კომპანიის – Commonwealth Fusion Systems (CFS) მნიშვნელოვან წილს შეისყიდის.

,,“Eni” დაეხმარება CFS- ს, რათა შეიქმნას პირველი კომერციულ ელექტროსადგური, სადაც ელექტროენერგიას ბირთვული სინთეზისგან მიიღებენ. ეს გახლავთ უსაფრთხო, მდგრადი, პრაქტიკულად ამოუწურავი წყარო, რომელიც ენერგიას დამაბინძურებლების ემისიებისა და სათბურის გაზების გარეშე გამოიმუშავებს,” – ნათქვამია კომპანია ,,Eni-ს” მიერ გავრცელებულ განცხადებაში.

წყარო: Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
1 50 51 52 53 54 90
Page 52 of 90