close

მედიცინა

ვლევებიედიცინა

მეცნიერებმა გენური ინჟინერიის საშუალებით აივ-ინფექციის სრული ლიკვიდირება შეძლეს

აივი

გენების რედაქტირების ინოვაციური ტექნოლოგიის – CRISPR-ის გამოყენებით მეცნიერებმა აივ-ინფიცირებული ცხოველების განკურნება შეძლეს.

ფარულ საცავებში დამალვის უნარის გამო ვირუსი უჩინარი ხდება, თუმცა ახლახან გამოქვეყნებული კვლევით ამერიკელმა მეცნიერებმა აჩვენეს, რომ მათ თაგვებში გადანერგილ ადამიანის უჯრედებში აივ-ვირუსის სრული ლიკვიდირება  და შემდგომი ინფექციების თავიდან აცილება მოახერხეს.

„ეს პირველი შემთხვევაა, როცა მეცნიერებმა ცხოველებში დაავადების სრული ლიკვიდირება მოახერხეს – რაც ადამიანებზე კლინიკური ცდების ჩატარების შესაძლებლობას იძლევა,“ – აცხადებენ ექსპერტები.

უფრო მეტიც, თემფლის უნივერსიტეტის ლუის კაცის სახელობის მედიცინის სკოლისა და პიტსბურგის უნივერსიტეტის მიერ ჩატარებული კვლევის ფარგლებში თაგვებს ადამიანის იმუნური უჯრედები გადაუნერგეს და ვირუსით დააინფიცირეს.

მეცნიერებმა თაგვების სამი ჯგუფი დააინფიცირეს: პირველი ჯგუფის თაგვები – აივ-1-ით, მეორე -EcoHIV-ის მძიმე შემთხვევით (ადამიანის აივ -1- ის ექვივალენტი), მესამე ჯგუფის თაგვებს ადამიანის იმუნური უჯრედები გადაუნერეგეს და აივ-1-ით დააინფიცირეს.

პირველი ჯგუფის მკურნალობისას, მათ ვირუსული გენების რიბონუკლეინის მჟავის 95 პროცენტით შეამცირებით აივ-1-ის ინაქტივაცია მოახერხეს, რაც მათ მიერ მანამდე ჩატარებულ ცდებს ადასტურებს.

მეორე ჯგუფი დამატებითი გამოწვევის წინაშე დგას: ვირუსი გავრცელებისა და გამრავლების თვალსაზრისით უფრო მგრძნობიარეა.

,,EcoHIV-ით დაავადებული თაგვების შემთხვევაში საშუალება გვქონდა, გამოგვეკვლია CRISPR / Cas9- ის სტრატეგიის უნარი დაბლოკოს ვირუსული რეპლიკაცია და ხელი შუეწყოს სისტემური ინფექციის თავიდან აცილებას,“ – აცხადებენ მეცნიერები.

მათი ინფორმაციით, ამ სტრატეგიის საშუალებით თაგვებში EcoHIV-ის 96 პროცენტის აღმოფხვრა გახდა შესაძლებელი, რაც აივ-1-ის შემთხვევაში CRISPR / Cas9 სისტემის გამოყენების ეფექტურების პირველად მტკიცებულებას წარმოადგენს.

ბოლოს კი მკვლევარები ცხოველების მესამე ჯგუფს მიადგნენ : თაგვები ადამიანის იმუნური უჯრედებით, მათ შორის T- ს უჯრედებით, სადაც აივ ინფექცია იმალება.

CRISPR / Cas9- ით მკურნალობის ერთი კურსის შემდეგ მეცნიერებმა ლეტალურად დაინფიცირებული ადამიანის უჯრდებიდან, რომლებიც თაგვების ქსოვილებსა და ორგანობში იყო გადანერგილი, ვირუსული ფრაგმენტების სრული ელიმინაცია მოახერხეს.

ექსპერტები აცხადებენ, რომ ახალი კვლევა აივ ინფექციის მდგრადი გამოჯანმრთელებისკენ გადადგმული კიდევ ერთი მნიშვნელოვანი ნაბიჯია.

 

წყარო: BBC

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

სრულად ნახვა
ვლევებიედიცინასოფლიო

დნეპროპეტროვსკის სასკოლო ექსპერიმენტმა ბავშვები ფასთფუდს გადაააჩვია

ჩიფსი

იმისთვის, რომ  ბავშვებს, ერთხელ და სამუდამოდ, უარი ეთქვათ არაჯანსაღი კვებისთვის,  უკრაინელმა მასწავლებლებმა  ექსპერიმენტი ჩაატარეს – ცხოველებს აჭამეს ჩიფსები,  ,,სუხარი“ (გახუხული პური) და ფრი.

ამ  ექსპერიმენტის გადაწყვეტილება ქიმიის მასწავლებელმა – ტატიანა დეინეგამ  –  მიიღო, როდესაც გამოკვლევების შემდეგ ყოველ მესამე ბავშვში  კუჭ-ნაწლავის დაავადებები გამოვლინდა. ბავშვები ვერაფრით დაარწმუნა, რომ ფასთფუდის საკვები არ ეჭამათ, ამის შემდეგ, მიიღო გადაწყვეტილება, შეესყიდა ლაბოარატორიული ცხოველები და ექსპერიმენტები ჩაეტარებინა.  მე-10 ა კლასში გაჩნდა უჩვეულო ცხოველთა კუთხე.

ტატიანა დეინეგა: ,,როდესაც თვითონ ჩაატარეს ცდები, მე ვნახე  შედეგი და დავრწმუნდი, რომ ახლა არა მარტო თვითონ, არამედ მათი შვილებიც კი არასდროს არ მოიხმარენ ფასთფუდის საკვებს.“

მათ თეთრი ლაბორატორიის  მღრღნელები აგრარულ უნიევრსიტეტში იყიდეს და 4 ჯგუფად დაყვეს. პირველ ნაწილს აჭმევდნენ ჩიფსებს, მეორეს – ,,სუხარს“, მესამეს – ბოსტნეულს საკვები დანამატებით.  ამ ექსპერიმენტში უფროსკლასელი სერგეი თვითონ მონაწილეობდა და კვებით რაციონს ადგენდა.  მის რაციონში, ექსპერიმენტის მეტი სიცხადისთვის, იყო საკუთარ ბოსტანში მოყვანილი სტაფილო და ხორბალი.

სერგეის ვირთხები ახლაც თამაშობენ და ჯანმრთელად არიან, ხოლო დანარჩენ მღრღნელებს რაც დაემართათ, სკოლის მოსწავლეები დღესაც საშინლად იგონებენ. ექსპერიმენტულმა ცხოველებმა მხოლოდ 20-დღიან მიმართულ არასწორ კვებას გაუძლეს.

ტატიანა გაგადაიკი,  მე-10 ა კლასის მოსწავლე: ,,ჩვენ ვხედავდით, რომ ვირთხებს, რომლებიც იკვებებოდნენ ჩიფსებით, ფაქტობრივად, გასცვივდათ ბეწვი  და  თვალდახუჭულები იყვნენ. ისინი ძალიან გვეცოდებოდნენ და ექსპერიმენტის შეჩერება გადავწყვიტეთ. ამის შემდეგ, სუპერმარკეტებში ამ განყოფილებას უკვე  გვერდს ვუვლი.“

ექსპერიმენტს ყურადღებით აკვირდებობდნენ აგრარული უნივერსიტეტის თანამშრომლები, ყველა გადახრა ქცევაშიც და ცხოველის ჯანმრთელობის მდგომარეობაში, ფიქსირდებოდა ჟურნალში. ცხოველებს ფოტოებს უღებდნენ. მოგვიანებით,  ლაბორატორიაში დადასტურდა, რომ მღრღნელებს, რომლებიც ჩიფსებით, ,,სუხარებითა“ და არომატიზირებული საკვებით იკვებებოდნენ, დარღვევები ჰქონდათ საჭმლის მომნელებელ სისტემაში, მხედველობა გაუუარესდათ და დაეწყოთ ღვიძლის დაშლა.

მედიამ ქიმიის მასწავლებელი ცხოველებისადმი სასტიკ მოპყრობაში დაადანაშაულა.

იანა პონომარევა: მე-10  ა კლასის მოსწავლე:  ,,რა თქმა უნდა, მე მეცოდებიან ეს მღრღნელები, მაგრამ ამავე პროდუქტებით  ადამიანები იკვებებიან. ცხოველებს თუ არ მიცემთ ამ მავნე საკვებს, ისინი ბედნიერები, აქტიურები არიან,  ე.ი.  – მათ ეს დანამატები არ სჭირდებათ.“

ახლა უვკე მოსწავლეები გეგმავენ, რომ ფასთფუდის მავლებლობაზე ფილმი გადაიღონ.

ამ ჯანმრთელი კვების გაკვეთილებით უკვე დაინტერესდნენ უკრაინელი მეცნიერები.  საკვები ტექნოლოგიების ინსტიტუტში დარწმუნებულები არიან, რომ ბავშვები შეიძლება აიძულო უარი თქვან მავნე კვებაზე, თუ ისინი ნახავენ ვიდეოს, სადაც ასახულია დნეპროპეტროვსკის სკოლის ექსპერიმენტი. აქამდე სხვა მეთოდები ასეთი ეფექტური არ ყოფილა.

 

წყარო:  http://www.1tv.ru/news/social/169705

მასალა მოამზადა: ნატალია ჯალაღონიამ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ედიცინა

მუსიკა, როგორც მკურნალობის მეთოდი

music

,,მუსიკა ფლობს მაგიურ ძალას, წამიერად ახდენს გაფანტული გონების კონცენტრაციას და ამშვიდებს აფორიაქებულ სულს“ – უილიამ კონგრივი.

 

მუსიკით თერაპიას ბევრი ძველი ხალხი აღიარებდა. ამ მეთოდით მკურნალობა დღესაცაა შენარჩუნებული ბევრ პირველველყოფილ ხალხთან.

ავსტრალიის აბორიგენებში მკურნალის სამედიცინო ინსტრუმენტთა შორის მუსიკალურ საკრავებსაც შეხვდებოდით. ექიმს სალამურის მთელი ნაკრები ჰქონდა. თითოეულ მათგანს, მისი აზრით, ამა თუ იმ ავადმყოფობის დამარცხება შეეძლო.

ბევრი მუსიკით მკურნალობის ფუძემდებლად პითაგორას მიიჩნევს, რომელიც ავადმყოფებს ქნარზე (ლირაზე) შესრულებული მუსიკით მკურნალობდა.

არაერთი კვლევა ადასტურებს, რომ მელოდიით გამოწვეული სასიამოვნო ემოციები აძლიერებს თავის ტვინის ქერქის აქტიურობას, აუმჯობებესებს ნივთიერებათა ცვლას, ასტიმულირებს სუნთქვას და სისხლის მიმოქცევას.

 

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ედიცინა

მედიკოსები: ანტიბიოტიკები არაეფექტური ხდება. რით ჩაანაცვლებენ მათ?

ანტიბიოტიკი

ქვეყანა “პოსტანტიბიოტიკის” ეპოქის ზღვარზეა, რომელშიც ინფექციებს მხოლოდ სუფთა ჰაერით და მზით განკურნავენ, ამის შესახებ ინგლისის მთავარმა სამედიცინო ოფიცერმა განაცხადა.

დეიმ სალი დევისის განცხადებით, ის განსაკუთრებით შეშფოთებულია გონორეის არასტაბილური შტამების გავრცელების გამო, რომლებიც  ქვეყნის ზოგიერთ ტერიტორიაზე თანდათან იზრდება.

იგი ასევე შეშფოთებულია ტუბერკულოზის რეზისტენტული ფორმების წარმოქმნის გამო, რომლებსაც ანტიბიოტიკებზე რეაგირება არ აქვთ.

მისი თქმით, თუ მედიკამენტების მიმართ რეზისტენტული ბაქტერიების გავრცელება გრძელდება, ეს 2050 წლისთვის 10 მილიონზე მეტი ადამიანის სიცოცხლეს შეიწირავს. რეზისტენტული დაავადებები ანტიბიოტიკების გამოყენების დაწყებიდან რამდენიმე ათწლეულში გაჩნდა.

შარშან ყოფილმა კანცლერმა ჯორჯ ოზბორნმა განაცხადა, რომ რეზისტენტული დაავადებები კაცობრიობას უფრო დიდ საფრთხეს უქმნის, ვიდრე კიბო.

„თუკი ვერ მოვიგებთ ბრძოლას მედიკამენტების მიმართ რეზისტენტული ინფექციების წინააღმდეგ, მოგვიწევს სუფთა ჰაერზე, მზის სხივებსა და ჰიგიენისკენ დაბრუნება. თუ ი საბოლოო ჯამში შტამები ყველა ანტიბიოტიკას მიმართ რეზისტენტულად იქცევიან, მოგვიწევს მკურნალობის მოძველებული მეთოდებისკენ დაბრუნება – ეს კი ძალიან ცუდად ჟღერს. მაგალითად, შესაძლოა მედიკოებს ბაქტერიების ჩამოსარეცხად ვერცხლისწყლისა და იოდის გამოყენება მოუხდეთ, ან დაავადების მოკვლის იმედით ავადმყოფი 43 გრადუსამდე გაცხელებულ ყუთში ჩასვან,“ –  განაცხადა დეიმ სალი დევისმა ლონდონში გამართულ ჯანდაცვის კონფერენციაზე. “1932 წელს ტუბერკულოზით დაავადებულ ბავშვებს სუფთა ჰაერითა და მზით მკურნალობდნენ – ეს იყო საუკეთესო საშუალება მაშინ. თუმცა, ჩვენი შვილიშვილებისთვის ეს მეთოდი ეფექტური არ იქნება, ამიტომ რაღაც უნდა მოვიმოქმედოთ,“ –  დასძინა მან.

რეზისტენტული ბაქტერიების ზრდა ნაწილობრივ ანტიბიოტიკების ძალიან ხშირად გამოყენებამ განაპირობა. ექიმებს მოუწოდეს, რომ ანტიბიოტიკების გამოყენება შეამცირონ. ამის შედეგად, შარშან ანტიბიოტიკების გამოწერა 7 პროცენტით შემცირდა.

2015/16 წლებში ანტიბიოტიკების 34.3 მილიონი რეცეპტი გაიცა, 2014/15 წლებში კი – 37 მილიონი.

 

წყარო: Dailymail

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

 

სრულად ნახვა
ვლევებიედიცინა

მეცნიერებმა ხელოვნურ საშვილოსნოზე წარმატებული ექსპერიმენტი  ჩაატარეს

ხელოვნური საშვილოსნო

მეცნიერებმა ხელოვნური საშვილოსნოს გამოყენებით ნაადრევად დაბადებული ბატკნის გადარჩენა შეძლეს.

პლასტმასის ტომრის მსგავს „საშვილოსნოს“ ყველაფერი აქვს იმისთვის, რაც ნაყოფის ზრდისთვისაა საჭირო, მათ შორის, საკვები ნივთიერებებით მდიდარი სისხლის მარაგი და ამნიოტული სითხის დამცავი ტომარა.

ექსპერტები იმედოვნებენ, რომ ეს მიდგომა ნაადრევად დაბადებულ ბავშვებს გადარჩენის უკეთეს შანსს მისცემს. მეცნიერები აცხადებენ, რომ ცდების ადამიანებზე ჩატარება რამდენიმე წელში გახდება შესაძლებელი. მანამდე კი იმის დასადგენად, თუ რამდენად უსაფრთხოა ეს გამოგონება, დამატებითი ტესტების ჩატარებაა საჭირო.

ამჟამად, ნაადრევად დაბადებულ ჩვილებს, რომლებიც გესტაციის დაახლოებით 23-ე კვირას ჩნდებიან, ინკუბატორებში ათავსებენ და ვენტილატორის საშუალებით სუნთქვაში ეხმარებიან, თუმცა ამან შესაძლოა მათი ფილტვის განვითარება შეაფერხოს.

პლასტიკური ,,ბიოპარკის” საშვილოსნო შეიცავს ამნისტიური სითხის მსგავს თბილი წყლისა და დანამატი მარილების ნარევს, რაც ნაყოფს იცავს.

ამ სითხეს ნაყოფი შეისუნთქავს და ყლაპავს. სითხეს ტომრიდან ყოველდღიურად ასხამენ, რათა ახალი სითხით უწყვეტად მომარაგება უზრუნველყონ.

პარკში მოთავსებული ბატკანი დედიდან პლაცენტის საშუალებით ჟანგბადსა და ნუტრიენტებს ვერ ღებულობდა. ამის ნაცვლად, ის ჭიპლარით სპეციალურ მოწყობილობაზეა მიერთებული.

ბატკნის გული ყველა სატუმბ სამუშაოს ასრულებს, ,,ძველ, გამოყენებულ” სისხლს აგზავნის მოწყობილობისკენ, რათა მანამ, სანამ სხეულს დაუბრუნდება, ხელახლა შეივსოს.

მთელი ეს სისტემა მიმსგავსებულია ბუნებრივს და ეხმარება ნადრევად დაბადებული ჩვილების ფილტვებისა და სხვა ორგანოების ჩამოყალიბებას.

მკვლევარი დოქტორ ემილი პატრიჯი აღნიშნავს, რომ ნაადრევად დაბადებული, 23 კვირაზე ნაკლები ნაყოფის გადარჩენის შანსი ნულია, 23 კვირის – 15 პროცენტი, 24 კვირის – 55 პროცენტი, ხოლო 25 კვირაზე მეტის – 80 პროცენტი.

ხელოვნური საშვილოსნოს საშუალებით  23 კვირის ადამიანის ახალშობილის ექვივალენტი ბატკნები პარკში ნორმალურად განვითარდნენ. გაახილეს თვალები, გაეზარდათ ბეწვი და პოლიეთილენის „სახლებში“ კომფორტულად ცხოვრობდნენ.

28 დღის შემდეგ, როდესაც მათი ფილტვები საკმარისად გაჯანსაღდა, ბატკნები გაათავისუფლეს და ჰაერის სუნთქვის საშუალება მისცეს. ამის შემდეგ ბატკნები დახოცეს, რათა მეცნიერებს მათი ტვინებისა და სხვა ორგანოები შეესწავლათ.

მოგვიანებით, ჩატარებული ექსპერიმენტებისას, რამდენიმე ბატკანს სიცოცხლის საშუალება მისცეს და ბოთლით კვებაზე გადაიყვანეს.

მიუხედავად იმისა, რომ ბატკნებზე ჩატარებული ექსპერიმენტები წარმატებულად შეიძლება ჩაითვალოს, არსებობს რამდენიმე გამოწვევა, რისი გადალახვაც მეცნიერებს მოუწევთ.

არსებობს ინფექციის დიდი რისკი, მიუხედავად იმისა, რომ ბიოპარკი სტერილური და დალუქულია. გამოწვევად შეიძლება ჩაითვალოს ადამიანის ჩვილების მხარდასაჭერად საკვებისა და ჰორმონების სწორი ნაზავის შერჩევაც.

მეცნიერები აცხადებენ, რომ აღნიშნული კვლევა დიდი წინ გადადგმული ნაბიჯია, თუმცა ამ მეთოდის დასანერგად ჯერ კიდევ ბევრი პრეკლინიკური კვლევის ჩატარებაა საჭირო.

 

წყარო: BBC

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,დოქტრინა”

 

 

 

 

 

სრულად ნახვა
ედიცინა

მეცნიერებმა შარდის მარტივი ტესტი შექმნეს, რომელიც ათასობით ადამიანის სიცოცხლეს გადაარჩენს

HEADSTART

მეცნიერები აცხადებენ, რომ შარდის მარტივი ტესტი – Headstart-ი – ათასობით ადამიანის სიცოცხლეს გადაარჩენს.  

ინოვაციური ტექნოლოგია ორსულობის ტესტის მსგავსად მუშაობს, თუმცა ის ფილტვების ქრონიკული ობსტრუქციული დაავადების მქონე ადამიანებისთვისაა (ფქოდ) განკუთვნილი.

ტესტი დაავადებულებს ატყობინებს იმის შესახებ, მათი ქშინვა სასიკვდილო ,,ფილტვის შეტევისგანაა” გამოწვეული, თუ უბრალოდ მათი მდგომარეობის ნორმალური ნაწილია.

ასეთი შემთხვევების ზუსტად გამოვლენის საშუალებით, Headstart-ი პაციენტებს საშუალებას მისცემს ყველაზე ეფექტური მკურნალობა მოიძიონ. იგი ასევე ხელს უშლის მკურნალობისთვის მედიკამენტების ზედმეტად გამოწერას  და არასაჭირო ჰოსპიტალიზაციას – რაც საკმაოდ დიდი თანხის დაზოგვას ნიშნავს.

მეცნიერები აცხადებენ, რომ Headstart-ის საშუალებით პაციენტებს ტესტის ჩატარება თავიანთ სახლებში შეუძლიათ. მარტივი ტესტის წყალობით ისინი განსაზღვრავენ, მათი სიმპტომი, თუ სიმპტომები, მძიმე ფილტვის შეტევის დასაწყისია, თუ უბრალოდ სიმპტომების ვარიაციაა, რომელიც თანდათან უმჯობესდება.

ექსპერტები აცხადებენ, რომ Headstart-ს მომავალი 5 წლის განმავლობაში ფართოდ გამოიყენებენ.

მკვლევარები ბედფორდში დაფუძნებულ კომპანია Mologic-სა და მის თანადამფუძნებელ პაულ დევისთან ერთად მუშაობდნენ. პაულ დევისი ორსულობის Clear Blue ტესტის ერთ-ერთი შემქმნელია.

ფილტვების ქრონიკულ ობსტრუქციული დაავადებებს – შემოკლებით ფქოდ, ერთ-ერთი მნიშვნელოვანი ადგილი უჭირავს მსოფლიოს მოსახლეობის ავადობის გამომწვევ მიზეზთა შორის. ის განსაკუთრებით გავრცელებულია განვითარებულ ქვეყნებში და მისი ძირითადი გამომწვევი მიზეზი მოწევაა.

ფილტვების ქრონიკული ობსტრუქციული დაავადებები აერთიანებს რამდენიმე დაავადებას: ქრონიკული ბრონქიტი, ბრონქული ასთმა, ფილტვების ემფიზემა.

ამ დაავადებების პროგრესირებასთან ერთად ჰაერგამტარი გზები შეუქცევადად ზიანდება, მათში ჰაერის ნაკადი ფერხდება, მცირდება ფილტვების მიერ ჟანგბადის შეთვისების უნარი. ეს, თავის მხრივ, იწვევს სასიცოცხლო ორგანოების ქსოვილებში ჟანგბადის ნაკლებობას – ჰიპოქსიას, ანუ “ჟანგბადურ შიმშილს”.

სუნთქვის და ჟანგბადის ქრონიკული უკმარისობა ყველაზე მეტად გულს აზიანებს და დროთა განმავლობაში ყალიბდება ფქოდ-ის მძიმე გართულება – ფილტვ-გულის უკმარისობა, რომლის მკურნალობა მთელ მსოფლიოში დღესაც დიდი პრობლემაა.

ფილტვების ქრონიკული დაავადებების განკურნება თითქმის შეუძლებელია, მაგრამ დროული და სწორი მკურნალობით შეიძლება ფქოდ-ს პროგრესირების შენელება და გამწვავებების თავიდან აცილება. საჭიროა ადრეულ ეტაპზე მიმართოთ ექიმს და ზუსტად შეასრულოთ მისი რჩევები, წინააღმდეგ შემთხვევაში დაავადება მალე დამძიმდება.

 

წყარო:  http://www.dailymail.co.uk

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

 

სრულად ნახვა
ედიცინა

ენერგეტიკული სასმელები ჯანმრთელობისათვის საშიშია

ენერგეტიკულები

უკვე დიდი ხანია მიდის საუბარი იმაზე, რომ ენერგეტიკული სასმელები ჯანმრთელობისათვის საშიშია, თუმცა, მეცნიერები მისი მავნებლობის ზუსტ მიზეზებს ვერ ასახელებდნენ, ამერიკაში კი საბოლოოდ გადაწყვიტეს ეს საკითხი და დაადგინეს, რომ ენერგეტიკული სასმელები სხვა სასმელებზე ბევრად საშიშია, ამის მიზეზად კი კოფეინის ჭარბი დოზა სახელდება.

,,მათი სმის შედეგად,  შესაძლოა გულმა არანორმალური სიჩქარით დაიწყოს ძგერა, რაც სიცოცხლისთვის საშიშია”, – აცხადებს კვლევის ერთ-ერთი ავტორი  – ემილი ფლეტჩერი.

ექსპერიმენტი 18 ადამიანს ჩაუტარდა, ისინი 2 ჯგუფად დაყვეს, პირველი ჯგუფის ადამიანები 6 დღის განმავლობაში დღეში დაახლოებით 0,95 ლიტრ ენერგეტიკულ სასმელს სვამდნენ, რომელშიც 108 გრამი შაქარი და 320 მილიგრამი კოფეინი იყო, ხოლო მეორე ჯგუფი იმავე მოცულობის ენერგეტიკულ სასმელს სვამდა, ოღონდ 320 მილიგრამ კოფეინთან ერთად, 40 გრამ წვენს და 140 გრამ ალუბლის სიროფს – ამ ყველაფერს არეულს გაზიან წყალთან.

გულის ელექტრული აქტივობა იზომებოდა ელექტროკარდიოგრაფიით. პერიფერიული და ცენტრალური სისხლის წნევა ვლინდება მიღებიდან 1, 2, 4, 6 და 24 საათის შემდეგ.

ასე რომ, მეცნიერები გულთან მიმართებით არსებული პრობლემების შემთხვევაში, ენერგეტიკული სასმელების აკრძალვაზე მიგვითითებენ.

 

წყარო: nature

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ედამიწას საინტერესოაედიცინა

რა საფრთხეს ქმნის ბუზები?

პური და ბუზი

 გაზაფხულსა და ზაფხულს სითბოს, მზის სხივებთან ერთად, ბუზებიც მოჰყვება, რომლებიც გამუდმებით ცდილობენ საკვებ პროდუქტებზე დასხდომას.

თუმცა ბევრმა შესაძლოა არც კი იცოდეს, რეალურად რა საფრთხეს წარმოადგენს მიკრობებით სავსე ბუზები.

ბუზები საშუალოდ 200-ზე მეტი სახის მავნე ბაქტერიის მატარებლები არიან, რომლებსაც იმ საგნებიდან იღებენ, რომლებსაც ასხდებიან, მათ შორის მიწა, დამპალი საკვები და ფეკალური მასები.  შემდეგ კი კიდურებზე განლაგებული ათასობით წვრილი თმით იმ საკვებზე გადააქვთ, რომელსაც ასხდებიან.

„მათ მხოლოდ წამი სჭირდებათ იმისთვის, რომ მიკრობები თავიანთი სხეულიდან ადამიანების საკვებზე გადაიტანონ,“ – განაცხადა ბრიტანეთის მავნებლებთან ბრძოლის სამსახურის ენტომოლოგმა და ტექნიკური მომსახურების დირექტორმა რონ ჰარისონმა. „იმის გამო, რომ ბუზებს ისეთი სერიოზული, გადამდები დაავადებების გადატანა შეუძლიათ, როგორიცაა : ქოლერა, დიზენტერია, და ტიფი, საუკეთესო გამოსავალია, უარი ვთქვათ იმ საკვების მიღებაზე, რომელზეც ბუზი იჯდა,“ – დასძინა მან.

რამდენად ამაზრზენადაც უნდა ჟღერდეს, ბუზი საკვებზე დაჯდომისთანავე ნაწლავებს ითავისუფლებს და აღებინებს, ამიტომ ექსპერტები გვირჩევენ, რომ საკვების ის ნაწილი, რომელსაც ბუზი დააჯდა, მოვაცალოთ და გადავაგდოთ.

 

წყარო: Dailymail

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

სრულად ნახვა
ედიცინა

ბაბუაწვერას ფესვები სიმსივნის წინააღმდეგ გამოიყენება

ბაბუაწვერას ფესვები

სიმსივნე 21-ე საუკუნის ერთ-ერთი მთავარი გამოწვევაა, მეცნიერები კი თავდაუზოგავად მუშაობენ მისი განკურნების გზების ძიებისთვის. 

როგორც ერთ-ერთი ბოლო კვლევიდან ირკვევა, ბაბუაწვერას ფესვებს კიბოს უჯრედების განადგურება ქიმიოთერაპიაზე ბევრად უფრო ეფექტურად შეუძლია, თანაც, გვერდითი მოვლენების გარეშე.

ექსპერიმენტი კანადის უინძორის უნივერსიტეტის ქიმიისა და ბიოლოგიის კათედრამ ჩაატარა. საქმე ისაა, რომ ბაბუაწვერა შეიცავს ვიტამინ B6, C-ს, რკინას, ფოლიუმის მჟავას, კალიუმს, მანგანუმსა და მაგნიუმს.

გარდა ამისა, ბაბუაწვერას ფესვების ნაყენიშარდმდენია, ხელს უწყობს ნაღვლის სეკრეციის სტიმულირებას, წმენდს ღვიძლს, ამცირებს ქოლესტერინსა და ალერგიის ხარისხს.

შესაძლოა ამის შესახებ იცოდით კიდეც, მაგრამ კიდევ ერთ დადებით თვისებაზე უკვე აქტიურად მსჯელობენ მეცნიერები, იმაზე, რომ ბაბუაწვერა მთლიანად ანადგურებს კიბოს უჯრედებს.

ექპერიმენტში მონაწილეობა, კიბოთი დაავადებულმა 72 წლის ჯონ კარლომ მიიღო, რომელიც 3 წლის განმავლობაში ინტენსიურ ქიმიოთერაპიის კურსს გადიოდა. ბაბუაწვერას ფესვების ნაყენის ყოველდღიური მიღების შედეგად კი, მისმა დაავადებამ 4 თვეში რემისია განიცადა.

მკვლევარების ამბობენ, ექსპერიმენტით შეიძლება დავასკვათ, რომ რომ ბაბუაწვერას ფესვების ნაყენმა კიბოს უჯრედები 48 საათში გაანადგურა და ახლის წარმოქმნასაც ხელი შეუშალა.

 

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ედიცინა

გარემოს ძირითადი დამაბინძურებლები საქართველოში და მათი ზემოქმედება

17902919_1348045881942979_717007323_o

გარემო გახლავთ უმნიშვნელოვანესი ფაქტორი, რომელიც უდიდეს გავლენას ახდენს ადამიანის ჯანმრთელობაზე. წყლისა და ჰაერის დაბინძურება, ქიმიური ნივთიერები, მაიონიზებელი გამოსხივება, ხმაური, ვიბრაცია და ა.შ. უარყოფითად ზემოქმედებს ადამიანის ორგანიზმზე და იწვევს არაერთ პათოლოგიას. ,,დოქტრინა” გაესაუბრა დაავადებათა კონტროლისა და საზოგადოებრივი ჯანმრთელობის ეროვნულ ცენტრის წარმომადგენელ ნია გიუაშვილს.

,,აღსანიშნავია, რომ ჰაერის ხარისხი საქართველოში არის მსგავსი ევროპის ქვეყნებისა. ერთადერთი სხვაობა ისაა, რომ ჩვენს ქვეყანაში განსაკუთრებულად დიდი რაოდენობით იყენებენ მყარ საწვავს, შეშას, როგორც საკვების მოსამზადებლად, აგრეთვე, გასათბობად, რომელიც გახლავთ ერთ-ერთი მიზეზი ჰაერის დაბინძურებისა. საქართველოში ატმოსფერული ჰაერის დაბინძურების ძირითადი წყარო სატრანსპორტო საშუალებების გამონაბოლქვია. მოგეხსენებათ, ავტომობილის სიძველესთან პირდაპირაა დაკავშირებული მავნე გამონაფრქვევის რაოდენობა, გარდა ამისა, ტრანსპორტი ტექნიკურად არ მოწმდება, შესაბამისად, რისკების ზუსტი შეფასებაც ძალიან რთულია, თუმცა ასაკისა და კონტროლის არარსებობის პირობებში შეგვიძლია ვივარაუდოთ, რომ ავტოპარკის უმრავლესობა ტექნიკურად გაუმართავია,” – აღნიშნა ნია გიუაშვილმა.

ჯანმრთელობის მსოფლიო ორგანიზაციის მონაცემების მიხედვით, ჰაერის დაბინძურება ორი მილიონი ადამიანის ნაადრევი სიკვდილის მიზეზია. სატრანსპორტო საშუალებების გამონაბოლქვით ატმოსფერული ჰაერი ძირითადად ბინძურდება ნახშირჟანგით, ნახშირწყალბადებით, აზოტის ჟანგეულებით, გოგირდის  ორჟანგით, ჭვარტლით და ა.შ.

საქართველოში სიკვდილიანობის 90%-ზე მეტი გამოწვეულია არაგადამდები დაავადებებით, რომელთა შორის გარემოს მიმართ ძალიან მგრძნობიარეა გულ-სისხლძარღვთა პათოლოგიები, შესაბამისად, სიკვდილის მიზეზად ხშირად გვევლინება. აგრეთვე, მტვრის ნაწილაკების მუდმივი ზემოქმედება განსაკუთრებულად უწყობს ხელს სასუნთქი გზების დაავადებების განვითარებას. ჰაერის დაბინძურებასთან ერთად, დიდი ქალაქებისათვის მნიშვნელოვან პრობლემას წარმოადგენს საქალაქო ავტოტრანსპორტის ინტენსიური მოძრაობით განპირობებული ხმაურის დონის განუხრელი ზრდა. ხმაური მავნე ზემოქმედებას ახდენს ადამიანის ორგანიზმზე, იწვევს ცენტრალური ნერვული სისტემის მოშლილობასა და მთელ რიგ დაავადებებს.

,,მნიშვნელოვანია, რომ დაიგეგმოს მთელი რიგი ღონისძიებები, აუცილებელია საზოგადოებრივი ტრანსპორტის გაუმჯობესება (იმისათვის, რომ კერძო ავტომობილების გამოყენება თანდათანობით შემცირდეს), ურბანული დაგეგმარება, გამწვანების გაუმჯობესება, სამშენებლო ინდუსტრიის უკეთესად დაგეგმვა, საწვავის ხარისხის მონიტორინგი და, ზოგადად, ცხოვრების ჯანსაღი წესის ხელშეწყობა, მოსახლეობას უნდა მიეწოდოს ინფორმაცია უსაფრთხო და ჯანმრთელობისთვის სასარგებლო ისეთი აქტივობების შესახებ, როგორიცაა -ველოსიპედით მგზავრობა და ფეხით სიარული, რომელიც მნიშვნელოვნად გააუმჯობესებს ჰაერის ხარისხს,” – აღნიშნა ნია გიუაშვილმა.

ალბათ, აღნიშვნად ღირს, რომ ატმოსფერული დაბინძურების მთავარი ,,შემოქმედნი” სწორედ ადამიანები არიან, დროის სვლასთან ერთად ირღვევა ჰარმონია გარემოსა და ადამიანს შორის. მაგალითად, ტყეების გაკაფვა გარდაქმნის ნიადაგს, ირღვევა ეკოსისტემები, ბინძურდება ატმოსფერული ჰაერი, ნადგურდება ქარსაცავი ზონები, ეს კი, როგორ წესი, წინაპირობაა არა მარტო სტიქიური უბედურებებისა, არამედ სხვა მრავალი უარყოფითი ფაქტორის გამოწვევისა, რომელიც ხშირად ადამიანის სიკვდილს იწვევს.

 

მასალა მოამზადა: ნინი მშვენიერიძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

 

 

სრულად ნახვა
1 61 62 63 64 65 71
Page 63 of 71