close

ასტრონომია - კოსმოსი

სტრონომია - კოსმოსი

დედამიწისკენ მზიდან ამოტყორცნილი პლაზმა მოემართება, რაც გეომაგნიტურ ქარიშხალს გამოიწვევს

45678

დედამიწისკენ მზიდან ამოტყორცნილი პლაზმა მოემართება, რაც გეომაგნიტურ ქარიშხალს გამოიწვევს. ამის შესახებ The Independent-ი წერს.

გამოცემის ინფორმაციით, 11 აპრილს მზის ლაქიდან AR2987 ამოიტყორცნა პლაზმა და მაგნიტური ენერგია, რომელიც დედამიწას უკვე 15 აპრილს მოაღწევს. შედეგად, ჩვენს პლანეტაზე მოსალოდნელია კაშკაშა ჩრდილოეთის ნათება და G1​-ის კლასის გეომაგნიტური ქარიშხლები. ასეთი კლასის ქარიშხლებს შეუძლიათ თანამგზავრებისა და ენერგოსისტემების მუშაობის მცირე შეფერხება.

მეცნიერების თქმით, მზის ასეთი აქტივობა ნორმალურად ითვლება პერიოდში, როდესაც ვარსკვლავ 11-წლიანი ციკლის პიკს უახლოვდება.

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
სტრონომია - კოსმოსი

დედამიწის გული მოსალოდნელზე სწრაფად ცივდება

ADBF29F4-298A-469E-AFC7-19F44A7DE310

დედამიწის ზედაპირისა და ატმოსფეროს ტემპერატურები გამუდმებით იცვლება, ხოლო დედამიწის თხევადი გული კი მუდმივად გრილდება. უწყვეტი გაციება გამოიწვევს თხევადი გულის გამყარებას და გეოლოგიური აქტივობის შეწყვეტას. ახალი კვლევის მიხედვით კი დადგინდა, რომ დედამიწის გული მოსალოდნელზე სწრაფად ცივდება.
მეცნიერებმა კვლევაში გამოიყენეს მინერალი ბრიდგმანიტი, რომელიც დედამიწის გარე ბირთვისა და მანტიის მიჯნაზე გვხვდება და თუ რამდენად სწრაფად ატარებს იგი სითბოს, ბირთვიდან მანტიისაკენ სითბოს გადინების სიჩქარეზეც აისახება. აღნიშნული მინერალის თბოგამტარობის კოეფიციენტი მოსალოდნელზე დაახლოებით 1.5-ჯერ მეტი აღმოჩნდა, რაც ნიშნავს, რომ გულიდან მანტიისაკენ მოსალოდნელზე მეტი სითბო მიედინება და უფრო სწრაფად ცივდება. აღნიშნული პროცესი კარგად შესწავლილი არ არის და რთულია იმის თქმა, თუ რამდენად სწრაფად შეიძლება მოხდეს.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
სტრონომია - კოსმოსი

შორეული კოსმოსიდან უცნაურ სიგნალებს ვიღებთ

GLEAM_transient_marked-1024x615_61f28e697f308

ასტრონომები შორეული კოსმოსიდან მომავალი უცნაური სიგნალების შესახებ საუბრობენ.

მეცნიერებმა ცის ერთი და იმავე წერტილიდან წამოსული 71 სიგნალი/პულსი აღმოაჩინეს,
თითოეული გრძელდებოდა 30-დან 60 წამამდე და ყოველ 18.18 წუთში მეორდებოდა. იდუმალი
რადიოტალღები ჩვენგან 4 000 სინათლის წლის მანძილიდან მოდის და მას სახელად GLEAM-X
J162759.5-523504.3 უწოდეს.
მეცნიერებმა უცნაურ ობიექტს დასავლეთ ავსტრალიაში განლაგებული რადიოტელესკოპის
საშუალებით მიაკვლიეს. ზომით მზეზე პატარა უნდა იყოს, მაღალპოლარიზებული გამოსხივება და
ძლიერი მაგნიტური ველი უნდა ჰქონდეს. მეცნიერების აზრით, საქმე სავარაუდოდ მაგნეტართან
აქვთ, რომელსაც ხანგრძლივი პულსაციის პერიოდი ახასიათებს. მისგან რადიოტალღებს მხოლოდ 2
თვის განმავლობაში იღებდნენ, რისი მიზეზიც ამოფრქვევა ან ისეთი აქტიურობაა, რომელსაც ვეღარ
აფიქსირებენ. მეცნიერები კვლევის გაგრძელებას გეგმავენ მეტის გაგების იმედით.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
სტრონომია - კოსმოსიაქართველო

„ნასამ“ მთვარეზე გასაგზავნად გორის ქალთა გუნდის ნამუშევრები შეარჩია

4235325345435

გორის ქალთა გუნდის ოფიციალურ გვერდზე საინტერესო სიახლე ვრცელდება. როგორც გავრცელებულ განცხადებაშია აღნიშნული, „ნასამ“ მთვარეზე გასაგზავნად, მსოფლიოს ხელოვანებთან ერთად, ქართული გუნდის რამდენიმე ნამუშევარი შეარჩია. გუნდის გვერდზე გამოქვეყნებულია ერთ-ერთი ჩანაწერიც.

„ყველაზე სასწაული პროექტი, რაც კი აქამდე გვქონია!

გორის ქალთა გუნდის ხმები უკვე მ თ ვ ა რ ე ზ ე ! ! !

არ მოგესმათ! დიახ, მ თ ვ ა რ ე ზ ე!..

აშშ-ის აერონავტიკის და კოსმოსური სივრცის კვლევის ეროვნული სამმართველოს – NASA – National Aeronautics and Space Administration-ის, კომპანია SpaceX-ის და Astrobotic Technology-ს მხარდაჭერით კორპორაცია Incandence Corp-მა შექმნა ციფრული არქივი, სახელწოდებით Lunar Codex (იდეის ავტორი Dr. Samuel Peralta), რომელიც გაიგზავნება მთვარეზე, სადაც შესული იქნება ხელოვანების სხვადასხვა ნამუშევარი მსოფლიოს 90 ქვეყნიდან. საქართველოდან კი შეირჩა გორის  ქალთა გუნდი.

სამხატვრო ხელმძღვანელის, თეონა ცირამუას გადაწყვეტილებით, ამ პროექტისთვის გაგზავნილია სამი ნამუშევარი. ორი ნაწარმოები: „ეგზერსისი“ და „ლაშარის გზაზე“ ეკუთვნის ჩვენს გენიოსს, მსოფლიო კომპოზიტორს, ბატონ იოსებ კეჭაყმაძეს, ხოლო მესამე არის ქართული (აფხაზური) ხალხური სიმღერა „ვარადო“ (სოლისტები თ. ცირამუა, თ. პავლიაშვილი).

ყველა ეს ნამუშევარი მოთავსდება მე -2 კაფსულაში და მთვარეზე დაჯდება 2024 წელს!

ნაწარმოებებთან ერთად გაიგზავნა ასევე გუნდის ბრწყინვალე ისტორიაც, რომლის დაარსება ეკუთვნის გენიალურ ბატონ შალვა მოსიძეს და გორის სასწავლებლის გენიალურ ხელმძღვანელს, ბატონ სანდრო კაჭარავას!

ასევე ეს სამი ნამუშევარი EP-ს სახით გამოიცა Lenø Records-ზე და მისი მოსმენა შეგიძლიათ ყველა ციფრულ სტრიმინგ პლატფორმაზე (Apple Music, Spotify, etc) https://distrokid.com/hyperfo…/goriwomenschoir/lunar-codex

ჩაწერილი და გადაღებულია გიორგი გვარჯალაძის მიერ Leno Records-ში.

ყდის დიზაინი ეკუთვნის ქეთი გვარჯალაძეს.

ძალიან დიდი მადლობა ორგანიზაცია „ნაკვალევი“-ს დამფუძნებელს, ქალბატონ თამარ გოგატიშვილს მხარდაჭერისთვის. მისი ჩართულობა რომ არა, ეს ამბავი არ მოხდებოდა.

უღრმესი და უდიდესი მადლობა გიორგი გვარჯალაძეს (Lenø Records -ს), გვერდში დგომისთვის და უმაღლესი პროფესიონალიზმისთვის!

დიდი მადლობა ჩვენ ფილიპინელ მეგობარს, Romana Go-ს, აქტიური მხარდაჭერისთვის და დახმარებისთვის!

უღრმესი მადლობა გუნდის თითოეულ წევრს თავდადებისთვის და მუსიკის ასეთი სიყვარულისთვის! მიუხედავად კოვიდის შემოტევისა, მაინც მოვახერხეთ ამ გენიალური საქმის ბოლომდე მიყვანა!

…თუ როგორ მოვახერხეთ, ამის განსჯა თქვენთვის მოგვინდვია, ჩვენო უსაყვარლესო გულშემატკივრებო!“

 

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
სტრონომია - კოსმოსი

მეცნიერებმა აღმოაჩინეს თეთრი ჯუჯის გარშემო მოძრავი პლანეტა, რომელზეც შესაძლოა სიცოცხლე არსებობდეს🔭

96D14C0E-3C62-4869-A1FF-5ECDA94E1540

ბრიტანელი მეცნიერები ვარაუდობენ, რომ აღმოაჩინეს ახალი პლანეტა, რომელზეც შესაძლოა სიცოცხლე არსებობდეს. ამის შესახებ BBC წერს.

გამოცემის ინფორმაციით, სპეციალისტების კვლევის შედეგები ბრიტანეთის სამეფო ასტრონომიული საზოგადოების ბიულეტენში გამოქვეყნდა. პლანეტა დედამიწიდან 117 სინათლის წელიწადის მანძილზე მდებარეობს და თეთრი ჯუჯის გარშემო, სასიცოცხლო ზონაში ბრუნავს. თეთრი ჯუჯა მცირე ზომის ვარსკვლავია, რომელმაც საკუთარი ბირთვული საწვავი ბოლომდე გამოიყენა და გარე ფენები დაკარგა.

თუ მეცნიერების ვარაუდი სწორია, ეს პირველი შემთხვევა იქნება, როდესაც ასეთი ტიპის ვარსკვლავის სისტემაში სიცოცხლისთვის ვარგისი პლანეტა აღმოაჩინეს. თუმცა, ბრიტანელ ასტრონომებს ამ პლანეტის არსებობის პირდაპირი მტკიცებულებები ჯერ არ აქვთ. მათი აღმოჩენა 65 ციური სხეულის გადაადგილების ტრაექტორიას ეყრდნობა. ეს ობიექტები ერთმანეთისგან ერთნაირ მანძილზე რჩებიან, რაც იმაზე მიუთითებს, რომ მათ ახლომდებარე პლანეტის გრავიტაცია აკავებს.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
სტრონომია - კოსმოსი

საერთაშორისო კოსმოსურ სადგურს 2031 წელს, წყნარ ოკეანეში ჩაძირავენ

4CA3C246-A359-42AC-A046-58E8D96D0F4C

NASA საერთაშორისო კოსმოსური სადგურის მწყობრიდან გამოყვანას 2031 წლის იანვარში გეგმავს. ამის შესახებ Deutshce Welle წერს.

გამოცემის ინფორმაციით, სადგურს დედამიწის ორბიტიდან გამოიყვანენ და ის წყნარი ოკეანეს სამხრეთ ნაწილში ჩამოვარდება, რომელსაც ნემოს წერტილი ეწოდება. ეს ყველაზე შორეული წერტილია პლანეტაზე ნებისმიერი დასახლებული პუნქტიდან.

NASA-ში განმარტავენ, რომ ათწლეულის ბოლომდე სადგურს რამდენიმე კომერციულ მოდულს მიუერთებენ, რომლებიც მოგვიანებით შეერთდებიან და საკუთარ კომერციულ სადგურს შექმნიან. სააგენტო კი კერძო ოპერატორების კლიენტი გახდება, ისევე როგორც ამ მომენტისთვის ის SpaceX-ისგან ყიდულობს ადგილებს ბორტებზე ასტრონავტების ორბიტაზე გასაყვანად.

საერთაშორისო კოსმოსური სადგური ორბიტაზე 1998 წელს გავიდა. ის ექსპლუატაციის 15 წელზე იყო გათვლილი, მაგრამ მისი მუშაობის ვადა არაერთხელ გაახანგრძლივეს.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
სტრონომია - კოსმოსი

შავი ხვრელი, რომელიც შთანთქმის ნაცვლად ვარსკვლავებს წარმოქმნის

D3AF0CCC-7AF8-42F5-9EDD-F75F237E722B

მეცნიერებმა ჰაბლის კოსმოსური ტელესკოპის გამოყენებით ჯუჯა გალაქტიკა Henize 2-10-ის ცენტრში ვარსკვლავის ფორმირება შენიშნეს. მათი ვარაუდით, ვარსკვლავის ფორმირება გალაქტიკის ცენტრში არსებულ შავ ხვრელთანაა დაკავშირებული. სხვა სიტყვებით რომ ვთქვათ, შავმა ხვრელმა შთანთქმის ნაცვლად ვარსკვლავი წარმოქმნა.
მეცნიერები დაინტერესებულები იყვნენ აქვს თუ არა პატარა გალაქტიკებს ზომაში დიდების პროპორციული შავი ხვრელები. ვირჯინიის უნივერსიტეტის მკვლევარმა და კვლევის ერთ-ერთმა ავტორმა, ემი რაინესმა განაცხადა, რომ დამატებითმა კვლევამ ჯუჯა გალაქტიკის შავ ხვრელებზე შესაძლოა მოგვცეს ინფორმაცია სუპერმასიური შავი ხვრელების წარმოქმნის შესახებ.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
სტრონომია - კოსმოსი

მეცნიერებმა მარსის კანიონთა უდიდეს სისტემაში წყალი აღმოაჩინეს

683_6453_mars-globe-valles-marineris-enhanced-full2_61bafd8fd00d0

ევროპისა და რუსეთის კოსმოსური სააგენტოების მიერ მარსის ორბიტაზე გაშვებულმა ზონდმა
“Trace Gas Orbiter” მარსზე მდებარე კანიონთა უდიდეს სისტემაში, მარინერის უზარმაზარ ხეობაში
წყალი აღმოაჩინა. ასტრონომებს წითელ პლანეტაზე წყლის კვალი აქამდეც აღმოუჩენიათ, მაგრამ
უმეტესწილად პოლარულ რეგიონებში.
როცა მძლავრი კოსმოსური რადიაცია ციური სხეულის ზედაპირზე ეცემა, ნეიტრონების გამოიყოფა
ხდება, თუმცა, შედარებით “სველ” არეალში ამ ნაწილაკების რაოდენობა ნაკლებია, რაც იქ H2O-ის
არსებობაზე მიანიშნებს. სპეციალისტების თქმით, აღნიშნულ რეგიონში მარსის ზედაპირის
შემადგენელი მატერიის 40 პროცენტი წყალია. მეცნიერები ფიქრობენ, რომ წყალი იქ ყინულის
სახითაა წარმოდგენილი, თუმცა არ გამორიცხავენ, რომ მასში სითხეც ერიოს.

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
სტრონომია - კოსმოსი

დედამიწას უსაფრთხო მანძილზე ასტეროიდი მოუახლოვდება

DA2430F6-EA11-4E9B-98FA-7D355B5BDD4C

NASA-ს მიერ გავრცელებული ინფორმაციის მიხედვით, 18 იანვარს დედამიწას მოუახლოვდება 1 კილომეტრი სიგანის ასტეროიდი, რომლის სიჩქარე 76,192 კმ/სთ იქნება. უნდა ითქვას, რომ ობიექტი დედამიწას სრულიად უსაფრთხო მანძილზე ჩაუვლის. ასტეროიდსა და დედამიწას შორის მანძილი 1.93 მილიონი კილომეტრი იქნება.
ასტეროიდი 1994 PC1, რომელიც ავსტრალიელმა ასტრონომმა, რობერტ მაკნოტმა 1994 წელს აღმოაჩინა, ყოველ 30 წელში ერთხელ გვსტუმრობს. იგი 18 იანვარს დედამიწასთან უფრო ახლოს მოვა, ვიდრე მომდევნო 200 წლის განმავლობაში.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
სტრონომია - კოსმოსი

პროფესორის თქმით, შესაძლოა, დედამიწას კოსმოსური ნაგვისგან სატურნის მსგავსი რგოლები გაუჩნდეს

orbital-debris-661-700×350 (1)

სად მიდის კოსმოსური ნაგავი, რომელიც სატელიტების, კოსმოსური ხომალდების, ზონდებისა და
კოსმონავტების მიერ კოსმოსში იგზავნება? ყოველწლიურად უფრო მეტი კომპანია და მთავრობა
აგზავნის კოსმონავტებსა და ხომალდებს სხვადასხვა მისიით კოსმოსში, ობიექტთა დიდი ნაწილი
დასაწვავად დედამიწის ატმოსფეროში იგზავნება, დიდი ნაწილი კი კვლავაც იქ რჩება, რაც
დედამიწისთვის პრობლემას წარმოადგენს.
უტაის უნივერსიტეტის პროფესორის, ჯეიკ ებოტის პროგნოზით, შესაძლოა საქმე იქამდეც კი
მივიდეს, რომ დედამიწის ირგვლივ მოძრავი კოსმოსური ნაგვისგან დედამიწას სატურნის მსგავსი
რგოლები გაუჩნდეს. ევროპულ კოსმოსურ სააგენტოზე დაყრდნობით, ორბიტაზე კოსმოსური
ნამსხვრევების უდიდესი ნაწილი ერთ მილიმეტრზე დიდი ზომისაა.

მასალა მოამზადა: ნინი ხეცურიანმა

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 2 3 4 44
Page 2 of 44