close

კვლევები

ბიზნესიეკონომიკაკვლევებისაქართველო

საქართველო, ბიტკოინის მოპოვებით, მსოფლიოს მასშტაბით პირველ ადგილზეა

ბიტკოინის მოპოვების მაჩვენებლებით საერთაშორისო საინვესტიციო კომპანია ,,IqOption-ი“ დაინტერესდა და მსოფლიოში ამ სფეროში ყველაზე აქტიური სამი ქვეყანა დაასახელა, რომელთა შორისაც საქართველო პირველ ადგილზეა. ,,ბიტკოინის გამომუშავება დღეს იმდენად კომპლექსური საკითხი გახდა, რომ ტექნოლოგიის სიძლიერესთან ერთად ითვალისწინებს ისეთ ფაქტორსაც კი, როგორიცაა ელექტროენერგია და, შესაბამისად, ბიტკოინის მოპოვება გაზომვადი გახდა. ამიტომ,  გეოგრაფიული თვალსაზრისით, ბიტკოინის მოპოვების ყველაზე მაღალი მაჩვენებელი ფიქსირდება იმ ქვეყნებში, რომლებშიც მაღალტექნოლოგიური განვითარებასთან ერთად, ენერგორესურსების უფრო შეღავათიან ფასში მიღებაცაა შესაძლებელი”  – აღნიშნულია ორგანიზაციის ოფიციალურ საიტზე.

ბიტკოინი მსოფლიო მასშტაბის კრიპტოვალუტა და ელექტრონული გადახდის საშუალებაა, რომელიც დეცენტრალიზებული ციფრული ვალუტის პირველი მაგალითია. ბიტკოინის შექმნა უკავშირდება ადამიანს ან ადამიანთა ჯგუფს – სატოში ნაკამოტოს, რომელმაც 2008 წელს განაცხადა გამოგონების შესახებ და უკვე 2009 წელს კომპიუტერულ ქსელში ამის დამადასტურებელი დოკუმენტიც ჩაუშვა. დღესდღეობით, ბიტკოინს მრავალი ქვეყანა იყენებს, თუმცა, უკანასკნელი მონაცემებით, დასახელდა ყველაზე აქტიური სამეული ქვეყნებისა, რომელთა შორის საქართველოს პირველი ადგილი უკავია.

ზოგადად, ბიტკოინის სისტემა აგებულია P2P პრინციპზე, რაც გულისხმობს იმას, რომ ორ კომპიუტერულ სისტემას შეუძლია ერთმანეთს შორის ინფორმაცია გაცვალოს ყოველგვარი მესამე მხარის მონაწილეობის გარეშე, მთავარი სერვერის გვერდის ავლით. ტრანზაქციები მოწმდება ციფრული ქსელების შესაბამის სისტემებში და ინახება საჯაროდ დამოუკიდებელ მონაცემთა ბაზაში, რომელსაც ბლოკჩეინი ეწოდება. ასევე, ბიტკოინი შეიძლება გადაიცვალოს სხვადასხვა ვალუტაზე, პროდუქტსა თუ მომსახურებაზე და შესაბამისად, დღევანდელ მსოფლიოში საკმაოდ აქტუალურიც ხდება.

გამოცემაში ნათქვამია, რომ საქართველოში “BitFury” არის  არის უმსხვილესი მოთამაშე ბიტკოინის მოპოვების ბიზნესსეგმენტში, რომელიც ანვითარებს და ზრდის გაყიდვების ეფექტურობას ბიტკოინის მომხმარებლებისა და ბიზნესკომპანიებისთვის. “Bitfury” ერთ-ერთი წამყვანი ბლოკჩეინტექნოლოგიური კომპანია და უმსხვილესი კერძო ინფრასტრუქტურული პროვაიდერია ამ ეკოსისტემაში. 2016 წლის მონაცემებით, მის მიერ ბიტკოინის მოპოვების მაჩვენებელი 15%-ს აღწევდა.

აღსანიშნავია, რომ ამ მონაცემებით საქართველოს შემდეგ, პირველ სამეულს ჩინეთი და ამერიკა ასრულებს, თუმცა ბიტკოინის მოპოვება აქტუალური ტრენდი გახდა მთელი მსოფლიოს მასშტაბითც, მაგალითად, 2015 წლის თებერვლისთვის ბიტკოინი უკვე 100 000-ზე მეტი სავაჭრო დაწესებულებას გადახდის საშუალებას წარმოადგენდა, ხოლო კემბრიჯის უნივერსიტეტის 2017 წლის კვლევის მიხედვით, არსებობს 2.9-დან 5.8 მილიონამდე მომხმარებელი, რომელიც კრიპტოვალუტის საფულეს იყენებს და მათი უმეტესობა ბიტკოინის მომხმარებელია.

წყარო: iqoption.com

მასალა მოამზადა:  თამარ დევდარიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

სრულად ნახვა
ბიზნესიეს საინტერესოაკვლევები

როდესაც თქვენი ტვინი გადაღლილია, მარჯვენა ყურით უკეთ გესმით

ადამიანების უმრავლესობა ამ ფაქტს ყურადღებას საერთოდაც არ აქცევს, მაგრამ უნდა ვაღიაროთ, რომ საკმაოდ საინტერესოა, რომ ახალი გამოკვლევების თანახმად მეცნიერები აღიარებენ –  გადაღლილობის დროს, როდესაც თქვენ გარშემო ბევრი მნიშვნელოვანი რამ ხდება და ბევრ საკითხზე გიწევთ ფიქრი, თქვენ მარჯვენა ყურს უფრო ენდობით.
მოცემულ მოვლენას დიქოტიკური ეწოდება, პირველად 1967 წელს იქნა აღწერილი, მაგრამ იმ დროს სხვა დატვირთვა მიანიჭეს.
1974 წელს კი აღმოაჩინეს, რომ სმენის გაუარესების გაზრდა ყოველთვის მარჯვენა ყურიდან იწყებოდა.

 

წყარო:  Sciencealert.com

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიზნესიგანათლებაკვლევები

როგორ ავითვისოთ ახალი უნარ-ჩვევა ორჯერ უფრო სწრაფად? – ახალი კვლევის შედეგები

მეცნიერები, ჩატარებულ კვლევაზე დაყრდნობით, აცხადებენ, რომ ახალი უნარ-ჩვევის ათვისების გასაღები – როგორიცაა, მაგალითად, ფორტეპიანოზე დაკვრა ან ახალი სპორტის დაუფლება- ის კი არაა, რამდენ საათს ვარჯიშობთ, არამედ ის, თუ როგორ ვარჯიშობთ.

კვლევის შედეგად დაადგინეს, რომ თქვენს ვარჯიშში, სულ მცირე, ცვლილების შეტანით სწავლის პროცესში ტვინის აქტიურობა გაიზრდება და ახალ უნარ-ჩვევას ორჯერ ნაკლებ დროში შეძლებთ.

კვლევა გარკვეულწილად ეწინააღმდეგება ძველ დასკვნას იმის შესახებ, რომ თუ იმ მოტორული უნარ-ჩვევის დაუფლება, რაც შეიძლება მეტი ვარჯიშით მიიღწევა. ამის ნაცვლად, ახალი მეთოდი უფრო სწრაფ და სახალისო გზას გვთავაზობს.

„ჩვენ აღმოვაჩინეთ, რომ დავალების მცირედ მოდიფიცირების გზით მეტის სწავლაა შესაძლებელი, ვიდრე მისი ზედმიწევნით შესრულებით,“–  აცხადებს ჯონ ჰოპკინსის უნივერსიტეტის მკვლევარი პაბლო სელნიკი.

კვლევის ფარგლებში 86 მოხალისეს ახალი უნარ-ჩვევა – კურსორის გადაადგილება კომპიუტერის ეკრანზე, „თაგვის“ გამოყენების გარეშე, პატარა მოწყობილობაზე ხელის დაჭერის გზით ასწავლეს.

მონაწილეები სამ ჯგუფად დაყვეს და თითოეული ჯგუფი 45 წუთს ავარჯიშეს.

6-საათიანი შესვენების შემდეგ, ერთ-ერთ ჯგუფს მოსთხოვეს, იგივე სავარჯიშო კვლავ გაემეორებინა, მეორე მცირედით განსხვავებული მეთოდით ავარჯიშეს, რომელიც კურსორის გადასაადგილებლად ხელის სხვაგვარად, უფრო მარტივი გზით დაჭერას  მოითხოვდა.

მესამე ჯგუფს კი ვარჯიში შეაწყვეტინეს.

დასასრულ, სამივე ჯგუფის წარმომადგენლებს ტესტირება ჩაუტარეს იმის გამოსავლენად, რამდენად კარგად აითვისეს მათ ახალი უნარ-ჩვევა.

მესამე ჯგუფმა ყველაზე ცუდი შედეგი აჩვენა. საკვირველია, მაგრამ იმ ჯგუფმა, რომელმაც ვარჯიშში განსხვავებული მეთოდი შეიტანა, ორჯერ უფრო კარგი შედეგი აჩვენა იმასთან შედარებით, რომელმაც თავდაპირველი წვრთნის მეთოდი გაიმეორა.

მკვლევარები მიიჩნევენ, რომ ეს რეკონსოლიდაციის გამო ხდება – ეს არის პროცესი, რომლის დროსაც ხდება მეხსიერების მოკრება და ახალი ცოდნით ჩანაცვლება. უკვე დიდი ხანია ვარაუდობენ, რომ რეკონსოლიდაცია ხელს უწყობს მოტორული უნარ-ჩვევების გაძლიერებას, მაგრამ ეს არის ერთ-ერთი პირველი ექსპერიმენტი ამ ჰიპოთეზის შესამოწმებლად.

სწორედ ამ მიზეზის გამო მისცეს მკვლევერებმა ცდის მონაწილეებს 6-საათიანი შესვენების დრო. მიიჩნევა, რომ სწორედ ეს დროა საჭირო მეხსიერების რეკონსოლიდაციისთვის.

,,ჩვენი შედეგები მნიშვნელოვანია, რადგან ცოტა რამ იყო ცნობილი, თუ როგორ მუშაობს რეკონსოლიდირება მოტორული უნარ-ჩვევების განვითარებასთან დაკავშირებით. კვლევამ აჩვენა, თუ რამდენად მარტივი მანიპულაციაა საჭირო ტრენინგის დროს იმისათვის, რომ ახალი უნარ-ჩვევა ორჯერ უფრო სწრაფად შევისწავლოთ,“ – განაცხადა სელნიკმა.

მეცნიერების განმარტებით, უკეთესი შედეგის მისაღწევად ვარჯიშის მეთოდი უნდა გავაიოლოთ და არა გავართულოთ. მაგალითად, უნდა შევამციროთ ბეისბოლოს ჯოხის, ჩოგბურთის რაკეტის ან ფეხბურთის ბურთის ზომა და წონა.

,,თუ ამოცანას გავართულებთ, ადამიანები ჩვენს მიერ განხორციელებულ შედეგს ვერ მიიღებენ,“ – აცხადებენ კვლევის ავტორები. მათივე განმარტებით, საბოლოო დასკვნის მიღებამდე დამატებითი კვლევების ჩატარებაა საჭირო.

ექსპერტების შეფასებით, კვლევას დიდი მნიშვნელობა აქვს რეაბილიტაციის პროცესისთვის. ახალი ინფორმაცია დაეხმარება ამპუტირებული კიდურების მქონე ადამიანებს პროთეზების გამოყენების შესწავლაში, ასევე ზურგის ტვინის დაზიანების მქონე, ან ინსულტით დაზარალებულ პაციენტებს.

 

წყარო: https://www.sciencealert.com/

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიზნესიგანათლებაკვლევები

როგორ ავითვისოთ ახალი უნარ-ჩვევა ორჯერ უფრო სწრაფად? – ახალი კვლევის შედეგები

მეცნიერები, ჩატარებულ კვლევაზე დაყრდნობით, აცხადებენ, რომ ახალი უნარ-ჩვევის ათვისების გასაღები – როგორიცაა, მაგალითად, ფორტეპიანოზე დაკვრა ან ახალი სპორტის დაუფლება- ის კი არაა, რამდენ საათს ვარჯიშობთ, არამედ ის, თუ როგორ ვარჯიშობთ.

კვლევის შედეგად დაადგინეს, რომ თქვენს ვარჯიშში, სულ მცირე, ცვლილების შეტანით სწავლის პროცესში ტვინის აქტიურობა გაიზრდება და ახალ უნარ-ჩვევას ორჯერ ნაკლებ დროში შეძლებთ.

კვლევა გარკვეულწილად ეწინააღმდეგება ძველ დასკვნას იმის შესახებ, რომ თუ იმ მოტორული უნარ-ჩვევის დაუფლება, რაც შეიძლება მეტი ვარჯიშით მიიღწევა. ამის ნაცვლად, ახალი მეთოდი უფრო სწრაფ და სახალისო გზას გვთავაზობს.

„ჩვენ აღმოვაჩინეთ, რომ დავალების მცირედ მოდიფიცირების გზით მეტის სწავლაა შესაძლებელი, ვიდრე მისი ზედმიწევნით შესრულებით,“–  აცხადებს ჯონ ჰოპკინსის უნივერსიტეტის მკვლევარი პაბლო სელნიკი.

კვლევის ფარგლებში 86 მოხალისეს ახალი უნარ-ჩვევა – კურსორის გადაადგილება კომპიუტერის ეკრანზე, „თაგვის“ გამოყენების გარეშე, პატარა მოწყობილობაზე ხელის დაჭერის გზით ასწავლეს.

მონაწილეები სამ ჯგუფად დაყვეს და თითოეული ჯგუფი 45 წუთს ავარჯიშეს.

6-საათიანი შესვენების შემდეგ, ერთ-ერთ ჯგუფს მოსთხოვეს, იგივე სავარჯიშო კვლავ გაემეორებინა, მეორე მცირედით განსხვავებული მეთოდით ავარჯიშეს, რომელიც კურსორის გადასაადგილებლად ხელის სხვაგვარად, უფრო მარტივი გზით დაჭერას  მოითხოვდა.

მესამე ჯგუფს კი ვარჯიში შეაწყვეტინეს.

დასასრულ, სამივე ჯგუფის წარმომადგენლებს ტესტირება ჩაუტარეს იმის გამოსავლენად, რამდენად კარგად აითვისეს მათ ახალი უნარ-ჩვევა.

მესამე ჯგუფმა ყველაზე ცუდი შედეგი აჩვენა. საკვირველია, მაგრამ იმ ჯგუფმა, რომელმაც ვარჯიშში განსხვავებული მეთოდი შეიტანა, ორჯერ უფრო კარგი შედეგი აჩვენა იმასთან შედარებით, რომელმაც თავდაპირველი წვრთნის მეთოდი გაიმეორა.

მკვლევარები მიიჩნევენ, რომ ეს რეკონსოლიდაციის გამო ხდება – ეს არის პროცესი, რომლის დროსაც ხდება მეხსიერების მოკრება და ახალი ცოდნით ჩანაცვლება. უკვე დიდი ხანია ვარაუდობენ, რომ რეკონსოლიდაცია ხელს უწყობს მოტორული უნარ-ჩვევების გაძლიერებას, მაგრამ ეს არის ერთ-ერთი პირველი ექსპერიმენტი ამ ჰიპოთეზის შესამოწმებლად.

სწორედ ამ მიზეზის გამო მისცეს მკვლევერებმა ცდის მონაწილეებს 6-საათიანი შესვენების დრო. მიიჩნევა, რომ სწორედ ეს დროა საჭირო მეხსიერების რეკონსოლიდაციისთვის.

,,ჩვენი შედეგები მნიშვნელოვანია, რადგან ცოტა რამ იყო ცნობილი, თუ როგორ მუშაობს რეკონსოლიდირება მოტორული უნარ-ჩვევების განვითარებასთან დაკავშირებით. კვლევამ აჩვენა, თუ რამდენად მარტივი მანიპულაციაა საჭირო ტრენინგის დროს იმისათვის, რომ ახალი უნარ-ჩვევა ორჯერ უფრო სწრაფად შევისწავლოთ,“ – განაცხადა სელნიკმა.

მეცნიერების განმარტებით, უკეთესი შედეგის მისაღწევად ვარჯიშის მეთოდი უნდა გავაიოლოთ და არა გავართულოთ. მაგალითად, უნდა შევამციროთ ბეისბოლოს ჯოხის, ჩოგბურთის რაკეტის ან ფეხბურთის ბურთის ზომა და წონა.

,,თუ ამოცანას გავართულებთ, ადამიანები ჩვენს მიერ განხორციელებულ შედეგს ვერ მიიღებენ,“ – აცხადებენ კვლევის ავტორები. მათივე განმარტებით, საბოლოო დასკვნის მიღებამდე დამატებითი კვლევების ჩატარებაა საჭირო.

ექსპერტების შეფასებით, კვლევას დიდი მნიშვნელობა აქვს რეაბილიტაციის პროცესისთვის. ახალი ინფორმაცია დაეხმარება ამპუტირებული კიდურების მქონე ადამიანებს პროთეზების გამოყენების შესწავლაში, ასევე ზურგის ტვინის დაზიანების მქონე, ან ინსულტით დაზარალებულ პაციენტებს.

წყარო: https://www.sciencealert.com/

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
გამოგონება - ინოვაციაკვლევებიმსოფლიორობოტექნიკარობოტექნიკატექნოლოგიები

,,MantaDroid-ი“ – ახალი წყალქვეშა რობოტი მეცნიერებისგან

სინგაპურში მკვლევარებმა ააგეს წყალქვეშა რობოტი, რომელიც მანტა რეის ჰგავს ერთფაზიანი ძრავისა და მოქნილი ფარფლების  მეშვეობით წყალზე ბიოლოგიური ბიძაშვილის მსგავსად მოქმედებს.

სინგაპურის ეროვნული უნივერსიტეტის მკვლევარი – ჩიუ ჩი მენგი მიიჩნევს, ეს პირველი შემთხვევაა, როცა თითოეული ფარფლი ერთ ძრავას იყენებს და რობოტი სითხისა და ფარფლის ურთიერთქმედებას ეფუძნება.

ბუნების ერთ-ერთი ყველაზე ეფექტური და მოხდენილი მოცურავეები – მანტა რეები დიდი ხნის მანძილზე მეცნიერებს განსაკუთრებული პროპულსიური მეთოდით ანცვიფრებდნენ, რისი საშუალებითაც ისინი ტურბულენტური ზღვების გადაცურვასაც კი ახერხებენ.

,,ე.წ. ბიოლოკომონია ნას 30 წლის განმავლობაში სწავლობდა,” – აცხადებს მექანიკური ინჟინერიისა და მექანიკის ასისტენტ პროფესორი კეიტ მორისი.

ჩიუს MantaDroid-ი არის ბრტყელი შავი PVC (პოლივინილის ქლორიდის) სხეული, სხივების მსგავსი ფარფლებითა და ორი უკანა საჭით. ის წყალზე ბუნებრივი პარტნიორის მსგავსად მოძრაობს.

ჩიუს განმარტებით, ფარფლის პასიური მოქნილობა საშუალებას აძლევს MantaDroid-ს, რომ წყალთან ბუნებრივად იმოქმედოს და წამში შვიდი მეათედი მეტრი სიჩქარე განავითაროს. 

სინგაპურელ მეცნიერთა გუნდმა ორი წლის მანძილზე 40 განსხვავებული დიზაინის ფარფლი შექმნა, სანამ მოქნილი პოლივინილის ქლორიდის (რომელიც ასევე პოლი ვინილის, ან უბრალოდ ვინილის სახელითაა ცნობილი) ფირფიტას გამოიყენებდა.

MantaDroid -ს დაახლოებით 10 საათის განმავლობაში შეუძლია ცურვა.

მეცნიერები აცხადებენ, რომ მომავალში ორიგინალურზე ორჯერ უფრო დიდი ზომის მანტა რეის შექმნას აპირებენ.

ისინი მიიჩნევენ, რომ ასეთი რობოტები სასარგებლო იქნება საზღვაო ბიომრავალფეროვნების შესასწავლად, ჰიდროგრაფიული მონაცემების შეგროვებისა და წყალქვეშა საძიებო სამუშაოებისთვის.

 

წყარო: Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

 

 

 

სრულად ნახვა
ეს საინტერესოაკვლევებირელიგია და მეცნიერება

ესპანეთში იესო ქრისტეს ქანდაკებაში 300 წლის წინანდელი წერილი იპოვეს

ესპანეთში, სანტა-აგუედას ეკლესიის რესტავრაციის დროს, იპოვეს წერილი, რომელიც 1777 წლით არის დათარიღებული. დოკუმენტი იესო ქრისტეს ხის ქანდაკებაში იყო დამალული. მისი ავტორი მღვდელი ხოაკინ მინგუესია. 

წერილში, რომელიც ავტორმა მომავალი თაობებისთვის დატოვა, ლაპარაკია ეკონომიკურ და სოციალურ ცხოვრებაზე, ადგილობრივ ჩვეულებებზე და მაშინდელ თამაშებზე. ეს წერილი არქივში გადაიტანეს, თუმცა მისი ასლი ქანდაკებაში დატოვეს, რომ მომავალმა თაობებმა წაიკითხონ.

მასალა მოამზადა: ციცი კიკვაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ასტრონომია - კოსმოსიკვლევები

მეცნიერები: ,,ნეპტუნსა და ურანზე ალმასების წვიმა მოდის”

ასტრონავტები ვარაუდობენ, რომ ნეპტუნსა და ურანზე ალმასების წვიმები მოდის, ამ პლანეტებზე ნარშირბადის არსებული მარაგის გამო.

ამის შესახებ პორტალი “Science Friday” წერს. მეცნიერები ვარაუდობენ, რომ ამ გიგანტპლანეტებზე მეთანი ჭექა-ქუხილის ზეგავლენით ნარშირბადად გადაიქცევა, რომლის ვარდნის დროსაც გრაფიტი წარმოიქმნება, ეს კი – შემდეგ ალმასად ყალიბდება.

ასეთი მოვლენის გამო, მეცნიერები სატურნზე კასინის 13-წლიანი მისიის შემდეგ, ახალ მისიას, სავარაუდოდ, ამ პლანეტებზე განათავსებენ.

 

მასალა მოამზადა:  ციცი კიკვაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიოლოგიადედამიწაეკოლოგიაკვლევებიმედიცინა

,,ჰაერის დაბინძურება ნაყოფიერებაზე უარყოფითად მოქმედებს – განსაკუთრებით, მამაკაცების”

როგორც ახალი კვლევა გვიჩვენებს, ბავშვების ჩასახვის მაჩვენებელი აღარაა ისეთი, როგორიც უნდა იყოს, ამის ერთ-ერთი მთავარი მიზეზი კი, ჰაერში არსებული გარკვეული ნაწლაკებია, რომლებიც ადამიანის სპერმის განვითარებას აფერხებენ. როგორც კვლევიდან ჩანს, ჰაერის დაბინძურება, უპირველესად, სწორედ მამაკაცებზე ახდენს უარყოფით გავლენას. სტატისტიკის მიხედვით, უშვილობის პრობლემის მქონე 48 მილიონ წყვილს შორის, ამის მიზეზი, უმეტესად, მამაკაცია.

როგორც მკვლევარები ირწმუნებიან, სპერმის ხარისხს აზიანებს, მაგალითად, პესტიციდები, რადგანა ისინი შედგება ისეთი  სუბსტანციებისგან, როგორებიცაა –  მყარი მეტალები და პოლიციკლური არომატული ნახშირწყალბადები. ლაბორატორიული ცდებისას, მათ დააზიანეს ცხოველების სპერმა.

ჩინელ მეცნიერთა ჯგუფმა ამ სახის კვლევა ამჯერად ადამიანებზე გადაწყვიტა. მათი მიზანი იყო გაერკვიათ ატმოსფეროს დამაბინძურებელი PM2.5 ნაწილაკების გავლენა 6 475 ტაივანელი დონორის მიერ გაღებულ სპერმაზე.

იმ ფაქტის გათვალისწინებით,  რომ სპერმის ტიპური ციკლი 40-100 დღეს შორის მერყეობს, მკვლევრები სწავლობდნენ 2 წლის განმავლობაში სამთვიან შუალედებში აღებული სპერმის ნიმუშებს. აღმოჩნდა, რომ მყარი დამაბინძურებელი ნაწილაკების 5 მიკროგრამამდე ზრდა ჰაერის ყოველ კუბურ მეტრზე, დაკავშირებული იყო ნორმალური სპერმის 1%-ით გაუარესებასთან. მკვლევრებმა დაადგინეს, რომ საცხოვრებელთან PM2.5-ის მაღალი დონე სპერმის კონცენტრაციას ნორმასთან შედარებით 10%-ით ამცირებდა.

ისიც უნდა ითქვას, რომ „ცუდი სპერმა“ შეიძლება პირდაპირ არ ასოცირდებოდეს უნაყოფობასთან, შესაბამისად, აღნიშნული კვლევა ყველა შემთხვევაზე ვერ იქნება რეპრეზენტატული.

კვლევა ჟურნალ BMJ-ში გამოქვეყნდა.

წყარო: scienceAlert

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
დედამიწაეკოლოგიაკვლევები

ოკეანეში მჟავიანობის მომატება უარყოფითად მოქმედებს წყალქვეშა სამყაროზე

თანამედროვე საზოგადოების ქმედების შედეგად გამოყოფილი ნახშირორჟანგის ემისიები ოკეანეების წყალს უფრო მჟავეს ხდის, ეს კი წყალქვეშა ცხოვრებას დააზარალებს.

250-ზე მეტი მეცნიერის რვაწლიანმა კვლევამ აჩვენა, რომ ზღვის არსებების ნაშიერები განსაკუთრებით დაზარალდებიან. ეს იმას ნიშნავს, რომ მათი რიცხვი მეოთხედით შემცირდება.

უფრო მეტიც, კვლევამ აჩვენა, რომ მჟავიანობის მომატებით გამოწვეული კლიმატის ცვლილება კიდევ უფრო გაუარესდება დაბინძურების, სანაპირო ზოლის განვითარების, თევზჭერისა და სასოფლო-სამეურნეო სასუქების მიერ.

ოკეანის გამჟავიანება იმის გამო ხდება, რომ  წიაღისეული საწვავისგან გამოყოფილი CO2- ი ოკეანის წყალში იშლება, რაც წარმოქმნის ნახშირწყალბადს და წყლის pH- ის ამცირებს.

ინდუსტრიული რევოლუციის დასაწყისიდან გლობალური ოკეანის წყლის საშუალო pH 8.2-დან 8.1-მდე დაეცა. ეს კი მჟავიანობის 26% -ით გაზრდას ნიშნავს.

კვლევის წამყვანი ავტორი, კიელის უნივერსიტეტის GEOMAR Helmholtz Centre for Ocean Research-ის პროფესორი – უიფ რიბესელი, აცხადებს, რომ მჟავიანობა გავლენას ახდენს ოკეანის ცხოვრების ყველა ჯგუფზე. ჩვენ აღმოვაჩინეთ, რომ ადრეული ცხოვრების ეტაპები ზოგადად უფრო მეტად ზარალდება, ვიდრე ზრდასრული ორგანიზმები. საბოლოოდ, ეს პროცესები ზეგავლენას მოახდენს ყველა იმ სერვისზე, რითაც ოკეანე კაცობრიობას უზრუნველყოფს.“

შეფასება BIOACID- ის პროექტზე დაყრდნობით გაკეთდა, რომელსაც გერმანია ხელმძღვანელობს. დასკვნები კლიმატის მოლაპარაკებების ყოველწლიურ შეხვედრაზე იქნება წარმოდგენილი, რომელიც წელს ნოემბერში, ქალაქ ბონში გაიმართება.

 

წყარო: http://www.bbc.com/

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნერთა დარბაზი ,,დოქტრინა”

სრულად ნახვა
ასტრონომია - კოსმოსიდედამიწაკვლევები

დედამიწა ანტიმატერიის დიდ დარტმას განიცდის, მეცნიერები მიზეზს იკვლევენ 

მაღალი სისწრაფის კოსმოსური სხივების ფონზე, რომელიც კოსმოსის სიღრმიდან გვაწვიმს, არსებობს ანტიმატერიული ნაწილაკები, რომელსაც პოზიტრონებს უწოდებენ.

ასტრონომები მიიჩნევენ, რომ დედამიწაზე ეს  ,,ანტიელექტრონების”  „წვიმა“  პულსარების გამო ხდება, თუმცა არსებობს ერთი გაურკვევლობა: ამ ნაწილაკების რაოდენობა გაცილებით მეტია, ვიდრე უნდა იყოს.  ახალი კვლევის წყალობით, მეცნიერებმა შესაძლოა ამ კითხვაზე საბოლოო პასუხი მიიღონ.

კოსმოსური სხივები წარმოუდგენლად სწრაფ ნაწილაკებს წარმოადგენენ, რადგან ისინი კოსმოსიდან მაღალი ენერგიით ცვივა. პოზიტრონები ამ სუპერ სწრაფი ნაწილაკების ძალიან მცირე პროცენტს შეადგენენ,  მაგრამ დანამდვილებით არავინ იცის, საიდან, ან როგორ ჩნდებიან ისინი.

2008 წელს დედამიწის ორბიტაზე, PAMELA- ზე, ჩატარებულმა გამოკვლევამ აჩვენა, რომ ჩვენი კოსმოსის კუთხეს იმაზე უფრო მაღალი ენერგიის პოზიტრონები აღწევდნენ, ვიდრე მოსალოდნელი იყო.

საერთაშორისო მკვლევარების დიდმა ჯგუფმა გაანალიზა მექსიკაში მდებარე მაღალი სიმაღლის წყლის ჩერენკოვის (HAWC) ობსერვატორიაში ბოლო დროს ჩატარებული გაზომვები, რათა გამოეკვლიათ ჰიპოთეზა, რომ ჭარბი ანტიმატერიის გაფანტვა  შესაძლებელია  მძლავრი ობიექტებით, რომელსაც პულსარებს უწოდებენ.

პულსარი – ეს არის ნეიტრონული ვარსკვლავის ტიპი, აფეთქებული ვარსკვლავის ნარჩენი, რომელიც ძალიან სწრაფად ბრუნავს, ის წამში ასეულობით ბრუნს აკეთებს. ირგვლივ არსებულ მტვერსა და  გაზებთან ერთად პულსარი მოქმედებს ისე, როგორც ნაწილაკის აქსელერატორი, ანადგურებს ნაწილაკებს და ენერგიისგან ახალ მატერიას  წარმოქმნის.  

ამის ფონზე კი, შესაძლოა, ელექტრონები და მათი  „ანტიმატერიული“ ტყუპები წარმოიქმნან, რომლებიც შეჯახების შედეგად წარმოქმნილი შოკის ტალღებისგან ქრებიან.

ეს ის, რაც თეორიის მიხედვით ხდება.

ასე რომ, როდესაც ცოტა ხნის წილ HAWC-ის ობსერვატორიაში პულსარების რამდენიმე სრულყოფილი კანდიდატი აღმოაჩინეს, ეს მეცნიერებისთვის ჰიპოთეზის დატესტვის საუკეთესო შესაძლებლობად იქცა.

 ,,HAWC- ის ობსერვატორიის დეტექტორებმა გამა რადიაცია დააფიქსირა, რომელიც პულსარების მიერ წარმოქნილი და აჩქარებული ელექტრონების გარკვეული ჯგუფის მიერ გამოიყოფა,“ – აცხადებს პოლონეთის მეცნიერებათა აკადემიის ფიზიკოსი ფრანცისკო სენსა გრეუსი.

,,არსებობს კითხვა: არსებობს თუ არა ამ ელექტრონების საკმარისი რაოდენობა იმისათვის, რომ შემდგომში პოზიტრონების სწორი რაოდენობა წარმოიშვას?“ პასუხი არის – არა.

17-თვიანი კვლევის შემდეგ მეცნიერებმა დაადგინეს, რომ პულსარები პასუხისმგებელი იყვნენ ზედმეტად მაღალი ენერგიის პოზიტრონების წარმოქმნის პროცესში, თუმცა გამოსახულება ძალიან პატარა იყო იმისათვის, რომ ყველაფერი ეს აეხსნათ.

„იმის გამო, რომ ჩვენამდე მომავალი მაღალი ენერგიის პოზიტრონების წარმოქმნაში პულსარების მონაწილეობა ძალიან მოკრძალებული ახსნაა, სხვა განმარტებები უფრო მეტად გამოიყენება,“– აცხადებს პოლონეთის აკადემიის ბირთვული ფიზიკის ინსტიტუტის მკვლევარი საბრინა კასანოვა.

ერთ-ერთი ასეთი განმარტება გულისხმობს მასიური ბნელი მატერიის ნაწილაკების განადგურებას.

ეს მეტად მიმზიდველი იდეაა, განსაკუთრებით მაშინ, როდესაც გვაძლევს გზას, ნათელი მოვფინოთ ჩრდილოვან მასალას, რომელიც ჩვენი სამყაროს მასის მეოთხედს შეადგენს და საბოლოოდ, მისი სხვა თვისებების გაგება დავიწყოთ.

მაგრამ მნიშვნელოვანია, გვახსოვდეს, რომ ერთი ჰიპოთეზის გარდაცვალება არ შეიძლება მეორის პირდაპირი მტკიცებულება გახდეს.

მუქი მატერიისა და საკითხზე და ექსტრასწრაფი პოზიტრონების საიდუმლო ჯერ-ჯერობით კვლავ საიდუმლოდ რჩება, რომლის ახსნას დრო და დაკვირვება სჭირდება.

 

წყარო: http://www.sciencealert.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 86 87 88 89 90 99
Page 88 of 99