NASA-ს სპეციალისტებმა ორი თვითმფრინავის ზებგერითი დარტყმის ტალღების ფოტო პირველად გადაიღეს. მასზე გამოსახულია აშშ-ის საჰაერო ძალების Т-38-ები, რომელიც კალიფორნიის ავიაბაზის ცაზე დაფრინავენ. მათ შორის დაშორება სულ 9 მეტრი იყო.
წამში 1400 კადრის გადაღების საშუალება NASA-ს აეროფოტოგადაღების ტექნოლოგიამ მისცა, რომელზეც კოსმოსური სააგენტო 10 წელი მუშაობდა. სპეციალისტები მუშაობენ იმაზე, რომ ზებგერითი დარტყმები რაც შეიძლება ჩუმი გახადონ.
ამერიკულმა კომპანია ExxonMobil-მა კვიპროსზე ბუნებრივი აირის დიდი საბადო აღმოაჩინა – წერს Euronews-ი.
მარაგების მოცულობა 30-40 მილიარდ დოლარად არის შეფასებული. საბადო განლაგებულია კვიპროსის შელფის მე-10 ბლოკზე. ახალი საბადო Glaucus-1 დამუშავების დროს იპოვეს.
ეს არის მსოფლიოში სიდიდით მესამე საბადო, რომელიც ბოლო ორი წლის განმავლობაში იპოვეს.
„ჩვენ მიგვაჩნია, რომ ეს არის მნიშვნელოვანი აღმოჩენად ევროკავშირის ბუნებრივი აირის რესურსებითვის. ეს იქნება ახალი გზა და კორიდორის აღმოსავლეთი ზღვისპირეთიდან ჩრდილოეთის ბაზრებისკენ“ – განაცხადა კვიპროსის ენერგეტიკის მინისტრმა იორგოს ლაკკოტრიპისმა.
კვიპროსზე წლის ბოლომდე ორი ევროპული კომპანია, იტალიური (ENI) და ფრანგული (Total) აპირებენ 5 საბადოს გაბურღვას.
ExxonMobil-ის ვიცეპრეზიდენტმა ასევე გამოხატა ინტერესი ახალი საბადოების გაბურღვის შესახებ, რაც იმას ნიშნავს, რომ კვიპროსმა მსოფლიო ენერგეტიკულ რუკაზე თავისი ადგილი იპოვა.
მსახიობმა გიორგი ბოჭორიშვილმა ქალთა კინოს ასუანის საერთაშორისო ფესტივალზე ეგვიპტელი მსახიობის, ნადი ლუტფის სახელობის ჯილდო მიიღო. ინფორმაცია Facebook-ზე ფესტივალის გვერდზე გავრცელდა. ამის შესახებ artnews-ი წერს.
ფესტივალზე, რომელიც თებერვალში ჩატარდა, თინათინ ყაჯრიშვილის ფილმის „ჰორიზონტი“ ჩვენებაც გაიმართა.
გარდა ამისა, აღსანიშნავია ისიც, რომ ფესტივალზე საუკეთესო ფილმის წოდება მარიამ გულბანის ფილმს “სანამ მამა დაბრუნდება” მიენიჭა.
გუდამაყრის ადმინისტრაციული ერთეულის სოფელ ჩოხში გოდერძი ჩოხელის სახლ-მუზეუმი აშენდება. ამის შესახებ ინფორმაციას მცხეთა-მთიანეთის სამხარეო ადმინისტრაცია ავრცელებს.
კერძოდ, იგეგმება ორსართულიანი შენობის მშენებლობა, რომელშიც განთავსდება მწერლის პირადი კაბინეტი, ორი საგამოფენო დარბაზი, ბიბლიოთეკა და ადმინისტრაციული სივრცე.
ასევე იგეგმება, მუზეუმის ეზოს კეთილმოეწყობა. კერძოდ, გაკეთდება მწერლის სახელობის წყარო, ღია სცენა და სველი წერტილები.
როგორც imedinews-ს მცხეთა-მთიანეთის გუბერნატორის ოფისში განუცხადეს, ჩოხელის მუზეუმის მშენებლობა რეგიონებში განსახორციელებელი პროექტების ფონდიდან ფინანსდება და პროექტის ღირებულება 397 000 ლარია. სამშენებლო სამუშაოები მიმდინარე წლის შემოდგომაზე დასრულდება.
ოქსფორდელი ქალი მსოფლიოში პირველი ადამიანი გახდა, რომელმაც სიბრმავის ყველაზე გავრცელებული ფორმის სამკურნალოდ გენური თერაპია გაიარა. ამის შესახებ BBC წერს.
ქირურგებმა ჯანეტ ოსბორნის თვალში სინთეტიკური გენი შეიყვანეს. ეს არის პირველი მკურნალობა, რომელიც ასაკობრივი მაკულოდისტროფიის წინააღმდეგ გამოიყენეს.
როგორც BBC წერს, დიდ ბრიტანეთში ეს დიაგნოზი 600 000-მდე ადამიანს აქვს. მათ უმრავლესობას მხედველობის სერიოზული დარღვევები აქვთ.
80 წლის ჯანეტ ოსბორნი 10 პაციენტიდან პირველია, რომელზეც გენური თერაპია გამოსცადეს.
მეცნიერების განმარტებით, სიბერის პარალელურად, გენები, რომლებიც პასუხს აგებს თვალების დაცვაზე, შეფერხებით მუშაობს, რაც, თავის მხრივ, მხედველობის დაქვეითებას იწვევს.
გენური თერაპიისას თვალის უკანა ნაწილში კეთდება ინექცია, რომელიც სინთეტიკურ გენს შეიცავს და მეცნიერების მტკიცებით, სრულიად უვნებელია.
ამერიკის კოსმოსური სააგენტო Nasa მუდმივად აწარმოებს დედამიწის სხვადასხვა წერტილების ფოტო გადაღებას. გადავწყვიტეთ თქვენთვის წარმოგვედგინა რამდენიმე საინტერესო შედარება, დედამიწის კონკრეტული ადგილების წარმოუდგენლად დიდი სახეცვლილი ბუნების ამსახველი ფოტოების საშუალებით. ფოტოებს შორის დროითი ხანგრძლივობა 5-დან 100 წლამდე მერყეობს.
ალიასკა.1917 წლის ზაფხული – 2005 წლის ზაფხული.
არალის ზღვა, ცენტრალური აზია. აგვისტო 2000 წ. – აგვისტო 2014 წ.
ალიასკა. აგვისტო 1906 წ. – სექტემბერი 2003 წ.
პაეუელის ტბა, არიზონას შტატი. მარტი 1999 წ. – მაისი 2014 წ.
ბრაზილია, რონდონიის ტყეები. ივლისი 1975 წ. – აგვისტო 2009 წ.
მაკარტი, ალიასკა. ივლისი 1909 წ – აგვისტო 2004 წ.
ალპები. აგვისტო 1960 წ. – აგვისტო 2005 წ.
არგენტინის ტბა. ივლისი 1998 წ. – სექტემბერი 2011 წ.
ალიასკა, ყინულის საფარი. აგვისტო 1941 წ. – აგვისტო 2004 წ.
ურუგვაის ტყე. მარტი 1975 წ. – თებერვალი 2009 წ.
წყარო:
ADME
ახალგაზრდა ანალიტიკოსთა და მეცნიერთა დარბაზი “დოქტრინა”
ჩინეთი შემდეგ წელს მარსზე როვერის გაგზავნას აპირებს. მთვარის შესწავლის შესახებ ჩინური პროგრამის ხელმძღვანელის ვუ ვაირენის განცხადებით, წითელი პლანეტა მათი შემდეგი “გაჩერება იქნება”. ინფორმაციას CNN-ი ავრცელებს.
“ჩვენ ბოლო 60 წლის განმავლობაში ბევრ წარმატებას მივაღწიეთ, თუმცა ჯერ კიდევ ბევრი გვაკლია იმისთვის, რომ კოსმოსში ანგარიშგასაწევ ძალად ვიქცეთ. ჩვენი ტემპი უნდა დავაჩქაროთ”, – განაცხადა ვუ ვაირენიმ და დასძინა, რომ ჩინეთი შემდეგ წელს მარსის ორბიტაზე როვერს გააგზავნის, რომელიც წითელი პლანეტიდან ნიმუშებს აიღებს.
ამასთან, ჩინეთი მთვარეზე დამატებითი მისიის გაგზავნასაც აპირებს, რომელიც მთვარის ზედაპირიდან სინჯებს აიღებს და დედამიწაზე დაბრუნდება.
Chang’e-4 – ასე ჰქვია კოსმოსურ მისიას, რომელიც ჩინეთმა ერთ-ერთი სატელიტური ცენტრიდან უკვე გაუშვა. მისიის მიზანი მთვარის იმ მხარეს მოხვედრაა, რომელიც დედამიწას არასოდეს უთანაბრდება. მსგავსი პროექტი აქამდე არავის განუხორციელებია.
მთვარისა და მარსის შესასწავლად მზადება დონალდ ტრამპის ბრძანების საფუძველზე, აშშ-შიც მიმდინარეობს.
ეკონომიკური თანამშრომლობისა და განვითარების საერთაშორისო ორგანიზაციამ (Organisation for Economic Co-operation and Development – OECD) მსოფლიოს ყველაზე განათლებული ქვეყნების ათეული გამოაქვეყნა – წერს Edu.aris.ge
OECD-მა განსაზღვრა ქვეყნის ზრდასრულ მოქალაქეთა (25-დან 60 წლამდე) განათლების დონე, იმის მიხედვით, დაასრულეს თუ არა მათ რაიმე სახის უმაღლესი განათლების საფეხური, ორწლიანი, ოთხწლიანი ან პროფესიული საგანმანათლებლო პროგრამით.
როგორც ორგანიზაციის ანგარიშში ვკითხულობთ, იმის მიუხედავად რომ ყოველ წელს მსოფლიოს საუკეთესო კოლეჯების რეიტინგებში აშშ-ის უნივერსიტეტები ლიდერობენ და მსოფლიოს 10 საუკეთესო უნივერსიტეტიდან რვა შტატებშია, ზრდასრულთა განათლების დონის მიხედვით აშშ მე-6 ადგილზეა.
OECD-ს ათეული კი ზრდასრული მოსახლეობის წილის მიხედვით ასე გამოიყურება:
10. ლუქსემბურგი – 42.86 პროცენტი;
9. ნორვეგია – 43.02 პროცენტი;
8. ფინეთი – 43.60 პროცენტი;
7. ავსტრალია – 43.74 პროცენტი;
6. ამერიკის შეერთებული შტატები – 45.67 პროცენტი;
5. დიდი ბრიტანეთი – 45.96 პროცენტი;
4. კორეა – 46, 86 პროცენტი;
3. ისრაელი – 49. 90 პროცენტი;
2. იაპონია – 50.50 პროცენტი;
1. კანადა – 56. 27 პროცენტი.
როგორც ხედავთ, რეიტინგში კანადა ლიდერობს, როგორც ყველაზე განათლებული ქვეყანა მსოფლიოში.
ფოკუსირება – ყურადღების მოკრებას გულისხმობს, უმრავლესობას აწუხებს ეს პრობლემა, ნებისმიერი ასაკის ადამიანი შეიძლება უჩიოდეს გაფანტულ ყურადღებას. რადგან საზოგადოება უამრავ სხვადასხვა საკითხზე ფიქრობს, ხშირ შემთხვევაში მათ ავიწყდებათ ძალიან მნიშვნელოვანი საქმეებიც კი, ასევე, უჭირთ მუშაობა ან მეცადინეობა.
მოცემული პრობლემის გამომწვევი უამრავი მიზეზი არსებობს, Enterpreneur.com–მა შემოგვთავაზა რამდენიმე ძირითადი რამ, რაც იწვევს ყურადღების გაფანტვას:
წყარო: Entrepreneur.com
მასალა მოამზადა: ლაშა ჯინჭარაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”
ევროპის კოსმოსურმა სააგენტოს თანამგზავრ Mars Express-ით გადაღებულ წითელი პლანეტის ფოტოებზე მდინარეების ქსელის კვალი ჩანს.
კითხვა, რომელიც მეცნიერებს აქვთ არის ის, თუ საიდან გაჩნდა ეს მდინარეები : მიწისქვეშა წყლისგან, ატმოსფერული ნალექისგან, დამდნარი მყინვარისგან თუ სხვა რამისგან.
დღეს მარსის ზედაპირზე თხევადი წყალი არ გვხვდება, თუმცა დიდი რაოდენობის წყლის კვალი იმაზე მიგვანიშნებს, რომ ერთ დროს მარსზე გაცილებით ნოტიო და თბილი კლიმატი იყო.
ყოველი აღმოჩენა ახალ კითხვებს ბადებს იმის შესახებ, თუ როგორი იყო პლანეტის ატმოსფერო წარსულში,მეცნიერები ცდილობენ გაიგონ, იყო თუ არა მარსი ოდესმე სიცოცხლისთვის შესაფერისი.
მომავალ წელს ევროპული კოსმოსური სააგენტო რუსეთის კოსმოსურ სააგენტო Roscomos-თან ერთად მისია ExoMars-ის დაწყებას გეგმავს.მისიის მიზანია პასუხი გაეცეს კითხვას : არსებობდა თუ არა ოდესმე მარსზე სიცოცხლე.
მარსის ახალ ფოტოებს, რომლებზეც წყლის კვალი ჩანს, გამოცემა Independent-ი აქვეყნებს.
https://www.independent.co.uk/
