ეს საინტერესოა

16 წლის გოგონა, რომელიც დონეცკის ოკუპირებული ტერიტორიის მცხოვრებია, ამბობს, რომ თავისუფალ უკრაინაში სურს ცხოვრება. უკრაინის შინაგან საქმეთა სამინისტროს პრესსამსახური ავრცელებს ინფორმაციას, რომ 16 წლის გოგო სადემარკაციო ხაზთან, ე.წ. დონეცკის ოკუპირებული ტეროტორიიდან, სოფელ  Verkhnotoretske-ს მახლობლად ამ სურვილით გამოცხადდა.

16 წლის გოგონა ბებიასთან ერთად სოფელ გორლოვკში, დონეცკის ოლქში  ცხოვრობს, რომელიც მისი მეურვეა და აქვთ ე.წ. დონეცკის სახალხო რესპუბლიკის პასპორტი. პოლიციის განცხადებით, გოგონამ გადაკვეთა დანაღმული ველი და განზრახ მივიდა სოფელ Verkhnotoretske-ს  სადემარკაციო ხაზთან.

სავარაუდოდ გოგონას ნათესავები ჰყავს დასავლეთ უკრაინაში. მასზე ახლა ზრუნავს დონეცკის არასრულწლოვანთა პოლიცია და სოციალური სამსახური. გოგონასთან მუშაობენ ფსიქოლოგები. სანამ ყველა გარემოება დადგინდება, არასრულწლოვანი თავშესაფარში იქნება პოლიციისა და სპეციალური სამსახურის მეთვალყურეობის ქვეშ.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი – ,,დოქტრინა”

იტალიელმა მხატვარმა, სალვატორე გარაუმ უხილავი ქანდაკება, სახელწოდებით „მე ვარ“ (I am) 15 ათას ევროდ გაყიდა. ამის შესახებ გამოცემა Italy 24 News-ი წერს.

გარაუს განცხადებით, ქანდაკება ნამდვილად არსებობს და ის ენერგიისა, ძალისა და აზრებისგან არის შექმნილი. მისივე თქმით, ქანდაკების დასადგმელად სახლში 1,5 მეტრის ფართობის გამოყოფაა საჭირო.

ქანდაკების ყიდვის დამადასტურებელი საბუთის სახით მყიდველს გადაეცა სერტიფიკატი, რომელიც მისი საკუთრების უფლებას ადასტურებს.

„ქანდაკება აბსოლუტურად უხილავია, ამიტომ მისი გამეორება უბრალოდ შეუძლებელია“, – აღნიშნულია სააუქციონო ლოტის აღწერაში.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

ანკარაში დასუფთავების სამსახურის წევრებმა ქუჩებში ნაპოვნი წიგნებით, რომელთა რიცხვი უკვე 6 000-ზე მეტია, ბიბლიოთეკა გახსნეს. აღნიშნული ბიბლიოთეკა საჯაროა და ის შედგება წიგნებისგან, რომლებიც ადრე ნაგავსაყრელზე იყო განთავსებული.

ანკარაში ბიბლიოთეკა დაარსდა მას შემდეგ, რაც თანამშრომლებმა სანიტარული განყოფილებიდან შეამჩნიეს, რომ საკმაოდ დიდი რაოდენობის წიგნებს პოულობდნენ და გადაგდებული წიგნების შეგროვება გადაწყვიტეს.

თავდაპირველად წიგნები მხოლოდ თანამშრობლებისთვის იყო განკუთვნილი, მათი რაოდენობის გაზრდის შემდეგ, კოლექციაც გაიზარდა და 2017 წლის სექტემბერში ოფიციალურად გაიხსნა ბიბლიოთეკა. დღეს კი ბიბლიოთეკას აქვს 6 000-ზე მეტი წიგნი, სადაც შევხვდებით მხატვრულ და სამეცნიერო ლიტერატურას, კომიქსებს, ასევე წიგნების ნაწილი ხელმისაწვდომია ინგლისურ და ფრანგულ ენებზე.

ბიბლიოთეკა განთავსებულია აგურის ძველ ქარხანაში, ქალაქის სანიტარული განყოფილების შტაბში. წიგნების რაოდენობამ იმდენაც მოიმატა, რომ გადაწყვიტეს საგანმანათლებლო პროგრამებში ჩართვა და სკოლებისა თუ ციხეებისათვის მათი გადაცემა.

ბიბლიოთეკის შენობაში ასევე არის მოწყობილი ოთახი მკითხველებისთვის და ჭადრაკის დაფები ვიზიტორებისთვის.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი – ,,დოქტრინა”

ბელგიელმა ფერმერმა შემთხვევით ბელგია-საფრანგეთის საზღვარი შეცვალა. BBC-ის ინფორმაციით, ფერმერმა საზღვრის აღმნიშვნელი ბოძი საფრანგეთის მიმართულებით 2.29 მეტრით გადაწია. როგორც აღმოჩნდა, ფერმერს ბოძი ტრაქტორით გავლისას ხელს უშლიდა, რის გამოც გადაადგილა ის.

ფაქტს საზღვრის ორივე მხარეს ღიმილით შეხვდნენ. ბელგიური სოფლის, ერქიულინესის მერმა დევიდ ლავუმ განაცხადა, რომ ფერმერმა ბელგიის ტერიტორია გაზარდა, საფრანგეთის კი შეამცირა, რაც კარგი იდეა არ არის.

“მე ძალიან ბედნიერი ვარ, ჩემი ქალაქი კიდევ უფრო გაიზარდა, თუმცა საზღვრის მეორე მხარეს მდებარე ქალაქის, ბუსინი მერს სხვა აზრი აქვს,” – აღნიშნა ლავუმ ხუმრობით.

ადგილობრივი ხელისუფლება აპირებს, თხოვნით მიმართოს ფერმერს, ქვა ძველ ადგილას დააბრუნოს.

ამერიკული კომპანია Eachnight, რომელიც სწორი ძილის შესახებ რჩევებს აქვეყნებს, მოხალისეებს ეძებს. ამის შესახებ CNN-იიტყობინება.

ტელეარხის ცნობით, კომპანია ექსპერიმენტში მონაწილეებს 30 დღის განმავლობაში დღისით დაძინებისთვის 1 500 დოლარს გადაუხდის. ექსპერიმენტის მიზანია „რამდენიმე თეორიის შემოწმება დღისით ძილის სარგებლის შესახებ“.

„30 დღის განმავლობაში ჩვენი მოხალისეები სხვადასხვა თეორიის ტესტირებაში მიიღებენ მონაწილეობას, მათ შორის დაადგენ რამდენსაათიანი ძილია საჭირო დასვენებისთვის, რა გავლენა აქვს დღისით ძილს მეხსიერებაზე, მოტივაციასა და პროდუქტიულობაზე“, – აცხადებენ კომპანიაში.

ექსპერიმენტში მონაწილეობა ნებისმიერი ქვეყნის მოქალაქეებს შეუძლიათ. თუმცა, მათ კარგად უნდა იცოდნენ ინგლისური, რათა კომპანიას თავისი ძილის შესახებ სწორი ინფორმაცია მიაწოდონ.

ექსპერიმენტში მონაწილეობის მსურველებმა განცხადება კომპანიის ვებგვერდზე უნდა შეავსონ. აპლიკანტების ასაკი 18 წელს უნდა აღემატებოდეს. განცხადებების მიღება 31 მაისს დასრულდება.

ახალგაზრდა ანალიტიკოსთა და მეცნიერთა დარბაზი ,,დოქტრინა

მალის რესპუბლიკაში მცხოვრებმა 25 წლის ქალმა 9 ტყუპი გააჩინა, მათგან 5 გოგო და 4 ბიჭია. ულტრაბგერითი გამოკვლევების თანახმად, მას 7 შვილი უნდა ჰყოლოდა. როდესაც მარტის თვეში ექიმებმა გადაწყვიტეს, რომ ის სპეციალურ მოვლას საჭიროებდა და  25 წლის დედა მალის დედაქალაქ ბამაკოს საავადმყოფოდან მაროკოში გაგზავნეს, სადაც 5 კვირის შემდეგ მალის ჯანდაცვის სამინისტროს ცნობით, ტყუპები საკეისრო კვეთის შედეგად დაიბადნენ. ახალშობილთა რაოდენობა შვიდის ნაცვლად ცხრა იყო, 5 გოგონა და 4 ბიჭი.

აღნიშნული შესაძლოა იყოს ახალი მსოფლიო რეკორდი ერთ მშობიარობაზე დაბადებული ბავშვების რაოდენობით. უნდა აღინიშნოს, რომ ექიმები შეშფოთებულები იყვნენ დედის  და ახალშობილების ჯანმრთელობით, რადგანაც მსგავს შემთხვევებს სამედიცინო გართულებები ხშირად თან ახლავს.

პირველად მსგავსი შემთხვევა დაფიქსირდა 1971 წელს ავსტრალიაში, სიდნეიში, როდესაც 29 წლის ქალს  9 ტყუპი შეეძინა, 5 ბიჭი და 4 გოგო. ასევე 1999 წელს მალაიზიაში, სამწუხაროდ ორივე შემთხვევასთან ახლდა გართულებები და ახალშობილებიდან ვერცერთი გადარჩა.

აშშ-ში კი 2009 წელს 29 წლის ქალმა 8 ტყუპი გააჩინა, რომელიც გინესის მსოფლიო რეკორდად იქნა აღიარებული.

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა