ეს საინტერესოა

მეცნიერებმა დააფიქსირეს ჭიანჭველას სახეობა, რომელიც ანტიბიოტიკებს იყენებდა. ამჯერად კი, სხვა სახეობაში შენიშნეს, როგორ ატარებენ ამპუტაციებს.

მკვლევრებმა ექსპერიმენტებით დაადასტურეს, რომ ასეთი ქირურგიული ჩარევა და მკურნალობის სხვა მეთოდები, რომლებსაც ჭიანჭველები ერთმანეთს უტარებენ, მართლაც განაპირობებს ჭიანჭველათა სიცოცხლის გადარჩენას.

მიუხედავად იმისა, რომ უკვე რამდენიმე წელიწადია ვიცით იმის შესახებ, რომ ჭიანჭველები ერთმანეთს ჭრილობებს მკურნალობენ, ჯერ მხოლოდ ახლა ვსწავლობთ, როგორ საოცრად კომპლექსური და ზუსტია ჭიანჭველათა სამედიცინო მზრუნველობა.

„ჭიანჭველებს შეუძლიათ ჭრილობის დიაგნოზის დასმა, იმის გარკვევა, ის ინფიცირებულია თუ სტერილური და სხვა ინდივიდთა მხრიდან ამ ჭრილობების გრძელვადიანი მკურნალობა. ერთადერთი სამედიცინო სისტემა, რომელიც მათსას კონკურენციას გაუწევს, ადამიანების არის“, — ამბობს გერმანიის ქალაქ ვიურცბურგის უნივერსიტეტის ქცევითი ეკოლოგი ერიკ ფრანკი.

ანალიტიკოსთა და მეცნიერთა დარბაზი “დოქტრინა”

სოციოლოგებმა ვერ აღმოაჩინეს განსხვავება იმაში, თუ როგორ აღიქვამენ კაცები და ქალები ოთახის დალაგების აუცილებლობას. შესაბამისი კვლევის შედეგები ჟურნალ Sociological Methods and Research-ში გამოქვეყნდა.

„როგორც წესი, კაცები ოთახის დალაგებაზე ქალებზე სამჯერ უფრო ნაკლებ დროს ხარჯავენ. მიუთითებს თუ არა ეს იმაზე, რომ ქალები სისუფთავის ეტალონს წარმოადგენენ, კაცები კი ჭუჭყს ან მტვერს უბრალოდ ვერ ამჩნევენ? როგორც აღმოჩნდა, ეს უბრალოდ გენდერული სტერეოტიპია, რომლის საშუალებითაც კაცები თავს იმართლებენ“, – აცხადებს ქალაქ სანტა-ბარბარას კალიფორნიის უნივერსიტეტის წარმომადგენელი სარა ტებო.

ამ საკითხის შესასწავლად ამერიკელი და ავსტრალიელი სოციოლოგების ჯგუფმა სხვადასხვა ასაკისა და სოციალური კატეგორიის წარმომადგენელ 300 კაცს და ქალს რამდენიმე ოთახის ფოტოების შეფასება სთხოვეს. ექსპერიმენტის მონაწილეებს უნდა ემსჯელათ, როგორ მდგომარეობაშია ოთახი, რას შეცვლიდნენ მასში და როგორ წარმოუდგენიათ ამ ოთახის მეპატრონე და მისი პირადი თვისებები. პასუხებში მეცნიერებს მხოლოდ ოთახებში სისუფთავის შეფასება აინტერესებდა.

როგორც აღმოჩნდა, ქალებმა და კაცებმა დაულაგებელი ოთახები ერთნაირად აღიქვეს და მათი აზრი ოთახის დალაგების აუცილებლობასთან დაკავშირებით ერთმანეთს ემთხვეოდა. შესაბამისად, სოციოლოგებმა დაასკვნეს, კაცებს შორის ოთახის დალაგებისკენ სწრაფვის ნაკლებობა არა ბიოლოგიური ან ფიზიოლოგიური ფაქტორებით, არამედ სოციალური სტერეოტიპებითა და აღზრდით არის განპირობებული.

 ანალიტიკოსთა და მეცნიერთა დარბაზი ,,დოქტრინა”

ახალი კვლევის თანახმად, მეცნიერებმა განახლებადი ენერგიის სფეროში მნიშვნელოვან წარმატებას მიაღწიეს. მათ ხელოვნური პატარა “ელექტროსადაგურები” შექმნეს.

ამ ინოვაციურ გენერატორებს ფოთლის ფორმა აქვთ. ისინი ქარისა და წვიმის ენერგიას ელექტროენერგიად გარდაქმნიან. მკვლევრებმა რავინდერ დაჰიას ხელმძღვანელობით ეს მინიატურული გენერატორები ხელოვნურ ფოთოლთან დააკავშირეს, რაც მნიშვნელოვანი წინგადადგმული ნაბიჯია.

ორი ტიპის გენერატორები

ტრადიციული მეთოდები, როგორიცაა მზის პანელები და ქარის ტურბინები, ენერგიის წარმოების ერთეულ წყაროებს ეყრდნობა. ახალი “ელექტროსადგურები” ქარსა და წვიმას ერთდროულად გამოიყენებს.

მზის პანელები მზის ჩასვლის შემთხვევაში არაეფექტური ხდება. თავის მხრივ, ქარის ტურბინები ქარზეა დამოკიდებული. ამის ფონზე, ახლად შემუშავებულ ტექნოლოგიას ერთდროულად რამდენიმე ენერგიის წყაროს გამოყენება შეუძლია.

მკვლევრებმა ენერგიის შეგროვების ორი განსხვავებული ტიპი გამოიყენეს. პირველი ეს ტრიბოელექტრული ნანოგენერატორია (TENG), რომელიც ქარის კინეტიკური ენერგიის მისაღებადაა შექმნილი.

მეორე კოლექტორი წყლის წვეთებზე დაფუძნებული ენერგიის გენერატორია (DEG). ის წვიმის წვეთებს ენერგიის შესაქმნელად იყენებს. ტექნოლოგია გამტარი ქსოვილებისგან შედგება, რომელიც როგორც ელექტროდები ისე მუშაობს.

ოპტიმალურ პირობებში, TENG-მა 252 ვოლტი, ხოლო DEG-მა 113 ვოლტი გამოიმუშავა.

ეკოლოგიურად სუფთა და ეფექტურ ენერგეტიკულ გადაწყვეტებზე მოთხოვნა იზრდება, შესაბამისად ასეთი ტექნოლოგია მნიშვნელოვანი წინ გადადგმული ნაბიჯია უფრო მწვანე და მდგრადი მომავლისკენ.

მკვლევრებმა თავიანთ გამოგონებას უკვე უწოდეს “ფოთლის ელექტროსადგურები”.

კვლევა Sustainable Chemistry & Engineering-ში გამოქვეყნდა.

ანალიტიკოსთა და მეცნიერთა დარბაზი “დოქტრინა”

მკვლევრებმა დაადგინეს, რომ  ტვინი ქმნის მოგონებების მრავალ ასლს, რაც საშუალებას აძლევს მას დაარეგულიროს, თუ როგორ იცვლება ისინი დროთა განმავლობაში.

ადრე მეცნიერები თვლიდნენ, რომ ეს პლასტიურობა გამოწვეულია ტვინის უჯრედებში ცვლილებებით, რომლებიც თავდაპირველად ახდენენ მეხსიერების კოდირებას, და მათ სჯეროდათ, რომ ეს უჯრედები ინახავდნენ ტვინში თითოეული მეხსიერების მხოლოდ ერთ ასლს. თუმცა, ახალი კვლევა ვარაუდობს, რომ ეს შეიძლება ასე არ იყოს.

მეცნიერებმა დაადგინეს, რომ მღრღნელებში, მაგალითად, ტვინი ინახავს მოცემული მეხსიერების სულ მცირე სამ ასლს, დაშიფრავს მას ორგანოს რამდენიმე ადგილას.

ეს ასლები დაშიფრულია ნეირონების სხვადასხვა ჯგუფის მიერ ჰიპოკამპში. ეს არის ტვინის არეალი, რომელიც კრიტიკულია სწავლისა და მეხსიერებისთვის. ასლები განსხვავდება მათი შექმნის დროით, ხანგრძლივობით და რამდენად იცვლება დროთა განმავლობაში.

აღმოჩენამ შეიძლება გამოიწვიოს გარკვეული დარღვევების მკურნალობის ახალი მეთოდების შემუშავება, თქვა მკვლევარმა. მაგალითად, პოსტტრავმული სტრესული აშლილობის შემთხვევაში, ადამიანები განიცდიან ინტრუზიულ გამობრუნებებს, რაც არასასურველი, შემაშფოთებელი მოგონებებია ტრავმული მოვლენის შესახებ. შესაძლოა შესაძლებელი იყოს ისეთი წამლის შემუშავება, რომელიც უპირატესად ააქტიურებს გვიან დაბადებულ ნეირონებს, რომლებიც უფრო პლასტიკურია და, შესაბამისად, უფრო რეაგირებენ ფსიქოთერაპიაზე, თქვა მან.

იმავდროულად, იმ ადამიანების შემთხვევაში, რომლებსაც აქვთ მეხსიერების დაქვეითება დემენციის გამო, სხვა ტიპის წამალმა შეიძლება გამოიწვიოს ადრეული ნეირონების აქტივობის სტიმულირება, რომელთა მონაცემები უფრო ძლიერად ინახება. ზოგადად, ასეთი მკურნალობა მეხსიერების თვისებებზე მანიპულირებას მოახდენს იმის არჩევით, თუ რომელი ტიპის ნეირონი იქნება გამოყენებული მის ტვინში კოდირებისთვის, განმარტა დონატომ.

ანალიტიკოსთა და მეცნიერთა დარბაზი – ,,დოქტრინა”

ჩვენამდე მოღწეული ცნობების თანახმად, ახალი წელი პირველად მესოპოტამიაში ჩვენს წელთაღრიცხვამდე 2000 წელს იზეიმეს.

ძველი რომაელები ახალ წელს 1 მარტს აღნიშნავდნენ. სხვა კულტურები კი წლის დასაწყისად შემოდგომის ბუნიობას ან ზამთრის ნაბუნიობას მიიჩნევდნენ. ბუნიობა და ნაბუნიობა არის დედამიწის მდგომარეობა ორბიტაზე. ბუნიობა – ეს არის მოვლენა, რომელსაც ადგილი აქვს წელიწადში ორჯერ. 21 მარტი და 23 სექტემბერი გაზაფხულისა და შემოდგომის ბუნიობის, ანუ დღე-ღამური ტოლობის დღეებია. წელიწადის დროს, როდესაც ყველაზე გრძელი დღე და მოკლე ღამე არის და პირიქით, როდესაც ყველაზე გრძელი ღამე და მოკლე დღე არის, ნაბუნიობა ეწოდება. ზამთრის ნაბუნიობა 22 დეკემბერს ხდება.

რომაულმა კათოლიკურმა ეკლესიამ 1582 წელს გრეგორიანული კალენდარი მიიღო, რომლის მიხედვითაც ახალი წელი 1 იანვარს აღინიშნება. იანვრის თვეს ორსახიანი ღვთაების „იანუსის“ სახელი უწოდეს, რომლის ერთი სახე წინ იყურება, მეორე კი – უკან.

ახალ წელს ადამიანები ცდილობენ მავნე ჩვევებს უარი უთხრან და ახალ წელს სიახლით და სიკეთით შეხვდნენ. სხვადასხვა ქვეყანაში სხვადასხვა საახალწლო ტრადიცია არსებობს.

ძველი სპარსელები ახალ წელს ერთმანეთს კვერცხებს ჩუქნიდნენ, რაც ნაყოფიერების სიმბოლო იყო.

დანიაში 31 დეკემბერს უსარგებლო ჭურჭელს მეგობრებისა და ახლობლებისსახლების კარებებს ესვრიან და ამსხვრევენ.

ეკვადორში 31 დეკემბრის ღამეს ქაღალდისგან დამზადებულ საფრთხობელას წვავენ, მასთან ერთად წვავენ გასული წლის ფოტოებსაც, რადგან სწამთ, რომ ამას ბედნიერება მოაქვს.

ესპანეთში კი სჯერათ, რომ ახალი წელი წარმატებული იქნება მისთვის, ვინც 31 დეკემბრის ღამეს პირში ერთდროულად ყურძნის 12 მარცვალს ჩაიდებს.

ზოგიერთ ლათინო ამერიკულ ქვეყანაში სჯერათ, რომ თუკი ახალ წელს ფერადი საცვლებით შეხვდებიან, წარმატებული წელი ექნებათ.

იაპონიაში ყველა ზარს 108-ჯერ რეკავენ, რასაც ბუდისტური რწმენა-წარმოდგენის თანახმად, სიწმინდე მოაქვს. იაპონელები ახალ წელს გაღიმებული ხვდებიან და სჯერათ, რომ ღიმილი იღბლიანი წლის საწინდარია.

შვეიცარიაში ახალ წელს ნაყინის იატაკზე დაგდებით ხვდებიან.

რუმინელები ხურდას მდინარეში ყრიან, რადგან სჯერათ, რომ ეს წარმატებას და იღბალს მოუტანს მათ.

პუერტო რიკოში წყლით სავსე ვედროებს ფანჯრებიდან ყრიან და ბოროტ სულებს განდევნიან სახლებიდან.

ბოლივიაში ნამცხვარში გამოცხობისას  მონეტას დებენ და მიიჩნევენ, რომ მას, ვინც მონეტას იპოვნის, წარმატებული წელი ექნება.

კოლუმბიაში მთელი დღის განმავლობაში ჩემოდნით დადიან, რადგან სჯერათ, რომ მოგზაურობა დაებედებათ.

დანიაში სკამებზე დგებიან და რაც შეიძლება მაღლა ხტებიან, რადგან მიიჩნევენ, რომ ეს წარმატებას მოუტანთ.

ჩილეში ოჯახები ღამეს გარდაცვლილი საყვარელი ადამიანების სასაფლაოზე ათენებენ.

ესტონეთში ახალი წლის დღეს დღეში შვიდჯერ ჭამენ და ამ გზით სიუხვის დაბედებას ცდილობენ.

ირლანდიაში სახლის კედლებს პურს ურტყამენ და ამ გზით ბოროტი სულების განდევნას ცდილობენ.

წყარო : edition.cnn.com , list25.com

ანალიტიკოსთა და მეცნიერთა დარბაზი ,,დოქტრინა”