კატეგორიის გარეშე

საქართველოს პარლამენტს წარუდგინეს კანონპროექტი, რომლის მიხედვით, საბავშვო სავარძლების გამოყენება მანქანებში სავალებულო უნდა გახდეს. შესაბამისი პროექტი დამოუკიდებელმა დეპუტატებმა ეკა ბესელიამ და ზვიად კვაჭანტირაძემ წარადგინეს.

კანონპროექტის მიხედვით, 12 წლამდე და 135 სანტიმეტრამდე ბავშვის მსუბუქი ავტომობილის უკანა სავარძლით გადაყვანისას უნდა გამოიყენონ სპეციალური საბავშვო ეტლი, სავარძელი ან დამჭერი მოწყობილობა, რომელიც შეესაბამება ბავშვის სიმაღლესა და წონას.

რეგულაციები არ გავრცელდება საზოგადოებრივ ტრანსპორტზე. როგორც ინიციატორები აღნიშნავენ, საქართველოში საგზაო უსაფრთხოების პრობლემა საკმაოდ თვალშისაცემია, რასაც მათივე თქმით, ადასტურებს ბოლო წლებში გახშირებული ავტოსაგზაო შემთხვევების შედეგად დაზარალებულთა რაოდენობის მკვეთრი ზრდის მაჩვენებელი

ახალგაზრდა ანალიტიკოსთა და მეცნიერთა დარბაზი – ,,დოქტრინა”

3 ოქტომბერს, ხუთშაბათს, 20:00 საათზე, ღვინის ქარხანა #1-ის ტერიტორიაზე
(პეტრიაშვილის ქ. #1) საინიციატივო ჯგუფი წარმოადგენს „თავისუფლების ქარხნის „
იდეის პრეზენტაციას.
ორგანიზატორები (საინიციატივო ჯგუფი ამა წლის 7 სექტემბერს ჩამოყალიბდა) იწვევენ
ყველა თავისუფალ და თავისუფლების მოყვარე ადამიანს, რომლისთვისაც
უმნიშვნელოვანესია სამოქალაქო თავისუფლებისთვის ბრძოლა და რომელიც ეთანხმება
ამ პრინციპების შინაარსს და იზიარებს მათ.
პლათფორმის 5 ძირითადი პრინციპი
1. სიტყვისა და გამოხატვის თავისუფლება
2. კერძო საკუთრების ხელშეუხებლობა
3. განხვავებული აზრის პატივისცემა
4. პიროვნების თავისუფლად განვითარების უფლება
5. თავისუფალი აზროვნება & შემოქმედება
„თავისუფლების ქარხნის“ ერთ-ერთი ინიციატორის, სანდრო კაკულიას განცხადებით,
თბილისში, კერძოდ კი პეტრიაშვილის ქუჩის პირველ ნომერში, ღვინის ქარხანა #1-ის
ტერიტორიაზე იქმნება სრულიად ახალი და განსხვავებული ინოვაციური, კულტურული
პლატფორმა ახალი აღმოჩენებისთვის, შემოქმედი და საინტერესო ადამიანებისთვის,
თავგადასავლების მოყვარული პიროვნებებისთვის, სწავლის, დასვენებისა და გართობის,
თუ უბრალოდ – სოციალიიზაციის მსურველთათვის.
„ღვინის ქარხნის ტერიტორიაზე უკვე წარმატებულად ფუნქციობს კვებისა და გართობის
ობიექტები რომლებიც თბილისელებისა და დედაქალაქის სტუმრებისთვის ბოლო
წლების საყვარელ ადგილად იქცა. თუმცა, ჩვენი იდეა ამ სივრცის აბსოლუტურად ახალი
მახასიათელებითა და შინარსით შევსებას გულისხმობს. ეს არ იქნება მხოლოდ ე.წ Food
Court-ი და კვების ობიექტების გაერთიანება. ჩვენ ვფიქრობთ, ჩამოვაყალიბოთ ისეთი
FREEDOM FACTORY
ეკოსისტემა, რომელიც ინოვაციური ვირტუალური თუ ფიზიკური პლატფორმების
მეშვეობით ახალი მიზიდულობის ცენტრი გახდება თბილისში.
შეიქმნება საგამოფენო და საინსტალაციო სივრცეები, მოეწყობა საგანმანათლებლო
აუდიტორიები, ჩატარდება ვორქშოპები და მრავალფეროვანი , ინტერ-დისციპლინური
ლექციები. თავისუფლების ქარხნის ბაზაზე დაფუძნდება ლაბორატორიები,
სახელოსნოები და თანამედროვე ინოვაციების ჰაბი .
თანამშრომლობისთვის ვიწვევთ ყველა ადამიანს, ვისაც აქვს საინტერესო და კრეატიული
იდეები, ნამუშევრები თუ გამოგონებები, სურს მიიღოს ცოდნა ან გაუზიაროს საკუთარი
გამოცდილება სხვებს. ვიწვევთ ყველას, ვისაც თავისუფალ გარემოში საკუთარი თავის
რეალიზაცია სურს, ყველას, ვისაც თავისუფლების შენებაში ერთი აგურის დადება მაინც
შეუძლია.
იქმნება ფონდი, რომელიც წაახალისებს ყველა ინოვატორულ წამოწყებას და ხელს
შეუწყობს შემოქმედებითობის განვითარებას, არაფორმალური განათლების მიღებას და
კულტურული მიღწევების გაცნობას. იდეის პრეზენტაციაზე გახმოვანდება მრავალი
ინიციატივა, რომელიც თბილისელებს და სტუმრებს ახალ შესაძლებლობებს გაუჩენს,“ –
აცხადებს სანდრო კაკულია.

ახალგაზრდა ანალიტიკოსთა და მეცნიერთა დარბაზი ,,დოქტრინა”

ცხენის აღმოსავლური ენცეფალომიელიტის დაავდებისგან შეერთებულ შტატებში წელს მერვე ადამიანი გარდაიცვალა.

ვირუსით, რომელიც კოღოების საშუალებით ვრცელდება, გარდაცვალების ბოლო შემთხვევა  მასაჩუსეტის შტატში, დაფიქსირდა.

ცხენის აღმოსავლური ენცეფალიტის ვირუსი (EEEV) იშვიათი დაავადებაა რომელიც კოღოების ნაკბენებით ჩნდება. EEEV ვირუსით ინფიცირებულ ადამიანებში ინკუბაციური პერიოდი მერყეობს 4-დან 10 დღემდე და დაავადების მწვავე მიმდინარეობა გრძელდება რამდენიმე დღიდან რამდენიმე კვირამდე, სიმძიმისდა მიხედვით.

EEEV -ით დაინფიცირებული ადამიანებს შესაძლოა განუვითარდეთ გრიპის ან დენგეს ცხელების მსგავსი სიმპტომები (ცხელება, შეუძლოდ ყოფნა, თავის ტკივილი, გულისრევა), ნეიროინვაზიური სიმპტომებით (მენტალური სტატუსის ცვლილება, გულყრა),  ზოგიერთ შემთხვევაში კი – კომა და ამის შედეგად თავის ტვინი დაუზიანდეთ.

დაავადებულებში ლეტალობის მაჩვენებელი 30 პროცენტია.

ჯანდაცვის ხელისუფლება მოსახლეობას შებინდების შემდეგ გარეთ გასვლიდან თავის შეკავებისკენ მოუწოდებს.

წყარო : CNN

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა”

თევზი ტკივილს ადამიანის მსგავსად გრძნობს, – ამის შესახებ მეცნიერები ახალ კვლევაზე დაყრდნობით აცხადებენ.

კვლევამ, რომელიც ცხოველთა ბიოლოგიის ექსპერტის, დოქტორ ლინ სედონის,  ხელმძღვანელობით ჩატარდა, აჩვენა, რომ ტკივილის განცდის დროს თევზს შეუძლია გამოავლინოს ისეთი სიმპტომები, როგორიცაა ჰიპერვენტილაცია( ხშირი და ზედაპირული სუნთქვა)  და ქცევითი ხასიათის ხანგრძლივი ცვლილებები.

სედონი, რომელიც ლივერპულის უნივერსიტეტის ბიო-ვეტერინარული მეცნიერების დირექტორია, ამბობს, რომ კვლევას “მნიშვნელოვანი შედეგები” აქვს იმაზე, თუ როგორ ექცევიან ადამიანები ცხოველებს.

თევზებში ტკივილი საკამათო საკითხია, ზოგიერთის აზრით, ცხოველების ნერვული სისტემები არ არის ისეთი კომპლექსური, რომ ტკივილს გააზრებულად აღიქვამდეს.

ტკივილის განცდისას თევზები აჩვენებენ ქცევის უარყოფით ცვლილებებს, როგორიცაა კვების შეწყვეტა და შემცირებული აქტივობა, ტკივილგამაყუჩებელი აბის მიღების შემდეგ კი მათი ქცევა უმჯობესდება, ”-  აცხადებენ კვლევის ავტორი მეცნიერები. მათივე თქმით, თუ დადასტურდება, რომ თევზი ტკივილს განიცდის, ეს მის მიმართ ადამიანის მოპყრობის ფორმის შეცვლის აუცილებლობას გამოიწვევს.

„უნდა გადაიდგას ნაბიჯები, რაც თევზჭერის უფრო ჰუმანური მეთოდების დამკვიდრებას შეუწყობს ხელს,“ – აცხადებენ მეცნიერები.

წყარო : www.independent.co.uk

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა”

ავსტრალიის დედაქალაქის ტერიტორიაზე ახალი კანონი მიიღეს, რომლის თანახმადაც, ძაღლების ის მფლობელები, რომლებიც თავიანთ ორფეხა მეგობრებს დღეში ერთხელ მაინც არ გაასეირნებენ, 2,700 აშშ დოლარამდე თანხით დაჯარიმდებიან.

ცხოველთა კეთილდღეობის ცვლილებათ კანონპროექტში, რომელიც ხუთშაბათს კანონად იქცა, ნათქვამია, რომ ძაღლები გონიერი და მგრძნობიარე არსებები არიან და მათი ცხოვრების პირობების გაუმჯობესების მიზნით ის კანონდამრღვევი ცხოველების მეპატრონეებისთვის მკაცრი ჯარიმების დაწესებას ითვალისწინებს.

„თანამედროვე ცხოველის კეთილდღეობა ითვალისწინებს იმის შეფასებას, როგორ ეგუება ის მენტალურად და ფიზიკურად იმ პირობებს, რომელში ცხოვრებაც უწევს,“ – ნათქვამია ავსტრალიის დედაქალაქის ტერიტორიის ქალაქის მომსახურების მინისტრის, ქრის სთილის, განცხადებაში.

წყარო : CNN

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა”

“Know Where You Stand“ – „იცოდე, სად დგახარ“ The History Channel-ის კამპანიაა, რომლისთვისაც კომპანიამ სპეციალურად დაიქირავა სეთ ტარასი, ამერიკელი არტისტი და თვითნასწავლი ფოტოგრაფი. მისი ფოტოები აჩვენებს თანამედროვე სცენებს, რომელშიც ჩაქსოვილია ისტორიული მომენტები:

„დამელოდე, მამიკო“, კოლუმბიისა და ახალი ვესტმინსტერის ქუჩების გადაკვეთა, კანადა. 

პარიზის ოკუპაცია, გერმანელი და ფრანგი ჯარისკაცების მსვლელობა, „ტრიუმფალური თაღი“, 1940-იანი წლები. 

კაპიტანი ერლ ტოპლი უყურებს გერმანელ ჯარისკაცს, რომელმაც თვითმკვლელობამდე, მოკლა სამი ფრანგი, შერბურგი, საფრანგეთი, 27 ივნისი. 

ადოლფ ჰიტლერი პოზირებს ეიფელის კოშკის ფონზე, გამარჯვებულის სახით, უკან – ფრანგი წყვილით. 1940 და 2004 წლები, პარიზი. 

აუსშვიცი II ბირკენაუ

ბარსელონა, სამოქალაქო ომი, 1936 წ.

ბერლინი, რაიხსტაგი

ნორმანდიის სანაპირო. უკან, სახლი რომ მოჩანს, ცნობილია, როგორც „კანადის სახლი“. უნგრეთი, სადაც ქალაქის სავიზიტო ბარათი – მატარებლის ხიდი დაიბომბა Szilveszter Matuska-ს მიერ, 82 წლის წინ, 13 სექტემბერს. აფეთქებამ შეიწირა 22 ადამიანის სიცოცხლე, რომლებიც მიემგზავრებოდნენ ბუდაპეშტიდან ვენისკენ.

კანი, საფანგეთი.

დრეზდენი, გერმანია. 
უოლ სტრიტი, ნაციონალური პარკის ფედერალური შესასვლელი.
სუფრაჟისტი ფემინისტი აქტივისტი ქალის დაპატიმრება – ქალთა პოლიტიკური და სოციალური გაერთიანება. 

1918 წლის 18 ნოემბერი, გერმანული თვითმფრინავი კონკორდის მოედანზე, რომელიც გაანადგურა ხალხმა, რომლებიც აღნიშნავდნენ Alsace-Lorraine-ის აღდგენას. ჯაზ ფილარმონიის სახლი, ლენინგრადი, ამჟამად, სანკტ პეტერბურგი, რუსეთი. ნორმანდია, სვორდის სანაპირო. 

ნორმანდიის სანაპირო, საფრანგეთი.

ომაჰას სანაპირო, საფრანგეთი. 

ფხვნილის კოშკი, პრაღა, 1945 წლის 10 მაისი. 

ჯარისკაცები შტორმში, ნორმანიის სანაპიროზე და ტურისტები, 1944 წლისა და 2004 წლის 6 ივნისი. 

Subway-Grateბერლინის კედელი, ბრანდენბურგის კარიბჭე და ფედერალური პოლიცია ადამიანის უკაც, რომელიც საუბრობს ტელეფონზე. 1989 და 2004 წლები. ჰინდერბურგის საჰაერო ხომალდი ეჯახება ადამიანს, რომელიც ძაღლს ასეირნებს, ნიუ ჯერსი, 1937 და 2004 წლების 6 მაისი. 

History Channel Credits:

Agency: Ground Zero
Creative Director: Court Crandall
Writer: Tom O’Connor
Art Director: Jeff Aron Lable
Print Producer: Linda Erhke
Photographer: Seth Taras
Retoucher: Leo Chapman
Producer: Brian Creech
Client: Dawn Berkowitz-Ader

ახალგაზრდა ანალიტიკოსთა და მეცნიერთა დარბაზი ,,დოქტრინა”

არქტიკაში რუსეთის სამხედრო გემი ლომვეშაპმა ჩაძირა, – წერს CNN. შემთხვევა გასულ კვირას მოხდა.

რუსეთის თავდაცვის სამინისტროს წარმომადგენლების ცნობით, ლომვეშაპი გემს სავარაუდოდ საკუთარი ნაშიერების დასაცავად დაესხა თავს.

ბორტზე რუსეთის გეოგრაფიული საზოგადოების მკვლევრები და ექსპედიციის სხვა წევრები იმყოფებოდნენ.

თავდაცვის სამინისტროს წარმომადგენლის თქმით, შემთხვევის შედეგად არავინ დაშავებულა.

წყარო : CNN

ახალგაზრდა ანალიტიკოსთა და მეცნიერთა დარბაზი ,,დოქტრინა”

გიორგი ვენკო თოთხმეტი წლისაა, ლევან ვენკო კი – თორმეტის. გარდა იმისა, რომ ძმები არიან, მათ ერთი დიდი საერთო აქვთ – ორივე ქველმოქმედია. გიორგისა და ლევანს დედა ქართველი ჰყავთ, მამა – ჰოლანდიელი და ჰოლანდიაში ცხოვრობენ.

მას შემდეგ, რაც დედისგან გიორგიმ კახეთში „ბროწლიანის სათნოების სახლის“ მძიმე საცხოვრებელი პირობების შესახებ შეიტყო, 12 წლის ბიჭმა სკოლაში საქველმოქმედო აქცია მოაწყო, კონცერტი გამართა და ჰოლანდიაში 40 ათასი ევრო შეაგროვა. ამ თანხით მან სათნოების სახლს წყალი გაუყვანა და სახურავი გამოუცვალა. ამის შემდეგ სათნოების სახლში კიდევ 25 ადამიანის განთავსების საშუალება გაჩნდა.

„ბროწლიანის სათნოების სახლის“ არასახარბიელო მდგომარეობის გამო 2017 წლის 21 მარტს სახალხო დამცველმა რეკომენდაციითაც მიმართა საქართველოს ჯანდაცვის სამინისტროს, რომ საჭირო ღონისძიებები გაეტარებინა იქ არსებული პრობლემების მოსაგვარებლად.

14 წლის გიორგი ვენკოს საქველმოქმედო ფონდიც აქვს შექმნილი – ,,დავეხმაროთ საქართველოს“. ფონდი სამომავლოდ სხვადასხვა ტიპის საქველმოქმედო აქციას გეგმავს. გიორგის ძმა, ლევან ვენკო კი, წნორის მოხუცთა თავშესაფარს ეხმარება.

ახალგაზრდა ანალიტიკოსთა და მეცნიერთა დარბაზი ,,დოქტრინა”

კომპანია „ფეისბუქმა“ განაცხადა, რომ მან სტარტაპი CTRL-labs-ი შეისყიდა, რომელიც მუშაობს ტექნოლოგიაზე, რაც ადამიანს კომპიუტერული მოწყობილობების ტვინის სიგნალების საშუალებით კონტროლის შესაძლებლობას აძლევს.

CNBC– ის ინფორმაციით, გარიგების ფასი 1 მილიარდ დოლარს შეადგენს.

CTRL-labs-ი „ფეისბუქის“ Reality Labs-ის გუნდს შეუერთდება. „ფეისბუქის“ ხელმძღვანელობა აცხადებს, რომ ისინი CTRL-labs-ის ნევრული ინტერფეისის ტექნოლოგიის გამოყენებას სპეციალური სამაჯურის შესაქმნელად აპირებენ, რომელიც სხვა მოწყობილობებს ინტუიციურად დაუკავშირდება.

”ამ სამუშაოს მიზანი არის ისეთი სამაჯურის შექმნა, რომელიც ადამიანებს საშუალებას აძლევს, თავიანთი კომპიუტერული მოწყობილობები დისტანციურად გააკონტროლონ,” – აცხადებენ კომპანია „ფეისბუქში.“

გავრცელებული ინფორმაციით, CTRL-labs  ტვინის მეცნიერებასა და machine learning-თან ერთად  ადამიანისთვის ისეთი ინტერფეისების შექმნაზე მუშაობს, რომელიც მათ კომპიუტერების ფიქრის საშუალებით კონტროლის შესაძლებლობას მისცემს.

წყარო : www.cnbc.com

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა”

გლობალური მზადყოფნის მონიტორინგის საბჭო (GPMB) აცხადებს, რომ არსებობს სწრაფად გავრცელებადი, ლეტალური დაავადების  რეალური საფრთხე, რომელიც 50-დან 80 მილიონამდე ადამიანის სიცოცხლეს შეიწირავს და მსოფლიო ეკონომიკის 5 პროცენტს გაანადგურებს.

დამოუკიდებელ ექსპერტთა ორგანიზაციამ მოხსენება წარადგინა, რომელშიც აღნიშნულია, რომ ასეთი დაავადების გავრცელების საფრთხე რეალურია და  მსოფლიო მასთან გასამკლავებლად მზად არაა.

„ამ მასშტაბის გლობალური პანდემია კატასტროფულია, რომელიც საყოველთაო არასტაბილურობასა და დაუცველობას გამოიწვევს და ამისთვის მსოფლიო მზად არაა,“ – აღნიშნულია ორგანიზაციის მოხსენებაში.

თუმცა, ორგანიზაციის წევრი ექსპერტები მიიჩნევენ, რომ მოსამზადებლად და სწორად სამოქმედოდ დრო ჯერ კიდევ არის.

წყარო : sciencealert.com/

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა”