close

ტექნოლოგიები

ბიზნესიტექნოლოგიები

,,Apple-ის“ კაპიტალი დღითიდღე იზრდება

2.18K views on

 

„ეფლ ინკორპორეიტედი“ გახდა პირველი ამერიკული კომპანია, რომლის საბაზრო კაპიტალიზაცია 800 მილიარდ დოლარიან ნიშნულს ასცდა. სულ ორი წელი გავიდა მას შემდეგ, რაც კომპანიის საბაზრო ღირებულებამ 700 მილიარდ დოლარიანი ბარიერი გადალახა.

„Iphone-ის“ მწარმოებლის აქციების ფასი მიმდინარე წელს 33 პროცენტით არის გაზრდილი. დონალდ ტრამპის პრეზიდენტად არჩევის შემდეგ კი, კომპანიის აქციების ზრდამ თითქმის 50 პროცენტს მიაღწია. ამ კომპანიაზე „სტანდარდ ენდ პურზის“ ინდექს S&P 500-ის 21.7 ტრილიონი დოლარიდან, დაახლოებით 4 პროცენტი მოდის.

,,Apple-ზე”  2012 წლის სექტემბერში ამავე ინდექსის 4.9 პროცენტი მოდიოდა, თუმცა მას შემდეგ, თავად ინდექსში შემავალი კომპანიების ჯამური კაპიტალზაცია 7 პროცენტით არის მომატებული და მასში ,,ეფლის“ წილი სწორედ ამის ფონზე შემცირდა.

ანალიტიკოსების შეფასებით, თუ ,,Apple-ის” აქციების ზრდა ამავე ტემპით გაგრძელდა, მაშინ მისი კაპიტალიზაცია ამ წლის ბოლოს ტრილიონ დოლარს მიაღწევს.

„Apple-ის“ აქციების ფასის უახლოესი სამიზნე 160 დოლარია. სამი თვის წინ ფასის სამიზნე 140 დოლარი იყო. ამჟამად თითო აქცია 153.99 დოლარად ფასობს.

კომპანიის სრული კაპიტალიზაცია 802.8 მილიარდ დოლარს შეადგენს, რაც აშშ-ის 50 შტატიდან, 45-ის ეკონომიკაზე მეტია. ამაზე მეტი ბიუჯეტი მხოლოდ ილინოისს, ფლორიდას, ნიუ იორკს, ტექსასს და კალიფორნიას აქვთ.

მილიარდერი უორენ ბაფეტი ამბობს, რომ „Apple-ის“ აქციების შეძენისკენ, ის მარტივი მიზეზი უბიძგებს, რომ ბევრი ძლიერი კონკურენტის ყოლის მიუხედავად, „Iphone-ის“ მწარმოებელს ბაზარზე ძალიან მყარი პოზიცია უკავია. ცნობისათვის, ბაფეტის საინვესტიციო კომპანია „ბერკშირ ჰეტუეი“, „Apple-ის“ 20 მილიარდი დოლარის ღირებულების აქციებს ფლობს.

 

წყარო: Inc.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ბიზნესიტექნოლოგიები

ინტერნეტრეკლამზე დახარჯული თანხა პირველად ასწრებს სატელევიზიო რეკლამაზე დანახარჯებს

1.59K views on

კომპანია IAB-ი ახალ ანგარიშს აქვეყნებს, რომლის მიხედვით ევროპაში ინტერნეტრეკლამზე დახარჯული თანხა პირველად ასწრებს სატელევიზიო რეკლამაზე დანახარჯებს.

2016 წელს ევროპის ქვეყნებში  36,4 მილიარდი ევრო დაიხარჯა ონლაინრეკლამაზე, რაც 13%-ით მეტია 2015 წლის მაჩვენებელზე. აღნიშნული მონაცემით,  ევროპაში რეკორდი დამყარა და ინტერნეტრეკლამამ პირველად გადაუსწრო სატელევიზიო რეკლამას, რომლის ბიუჯეტმაც 33,3 მილიარდი ევრო შეადგინა.

IAB-ის ანგარიშის მიხედვით, 60,5%-ით გაიზარდა დანახარჯები მობილურ რეკლამაზე, რომელმაც 3,5 მილიარდი ევრო შეადგინა. ასევე რეკორდული მაჩვენებელი გამოვლინდა ონლაინვიდეორეკლამის მხრივ.  2015 წელთან შედარებით, 2016 წელს მასზე დანახარჯები 35,8%-ით გაიზარდა.

ინტერნეტ რეკლამაზე ყველაზე მეტი თანხა დიდ ბრიტანეთში დაიხარჯა, სადაც ბიუჯეტმა 11,8 მილიარდი დოლარი შეადგინა.

 

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
საქართველოტექნოლოგიები

iOS პროგრამირების მიმართულებით უფასო ტრენინგებზე კონკურსი დაიწყო

1.62K views on

საქართველოს ინოვაციების და ტექნოლოგიების სააგენტო, UG Lemondo-ს ბაზაზე იწყებს ტრენინგებს iOS პროგრამირების მიმართულებით.

iOS არის ოპერაციული სისტემა, რომელიც მუშაობს კომპანია ,,Apple-სთვის”.
iOS პროგრამირება კი აღნიშნული კომპანიის პროდუქციის შექმნისთვის გამოიყენება.
დღესდღეობით მობილური მოწყობილობები ძალიან მნიშვნელოვან როლს თამაშობს ჩვენს ცხოვრებაში. შესაბამისად, ძალიან დიდია მოთხოვნა აპლიკაციების ფართო არჩევანზე.
Apple ის მობილური მოწყობილობები ბაზარზე დიდ ადგილს იკავებს შესაბამისად ამ მოწყობილობებისთვის პროგრამირება ძალიან მოთხოვნადია.
ტრენინგში მონაწილეობისათვის საჭიროა Java, Php ან რომელიმე პრგრამირებადი ენის ცოდნა.
ტრენინგის მსვლელობისას მოსწავლეები შეისწავლიან შემდეგ საკითხებს:

1) Introduction to Swift, Xcode and iOS Frameworks
2) Swift basics: variables, operations, loops, if statements, functions, optionals
3) Object oriented programming, polymorphism, inheritance
4) Auto Layout, Stack view, Scroll view, Interface development
5) ViewControllers and Segues
6) Tableview, Collectionview
7) Model, View, Controller (MVC)
8) Touches and Gestures
9) Data Persistence
10) Animations and SpriteKit
11) MapKit, Core Location, CoreMotion
12) Web services, networking, multipeer connectivity
13) Submission to Apple Store

კურსს გაუძღვება საქართველოს ინოვაციების და ტექნოლოგიების სააგენტოსა და უკრაინული ტრენინგ ცენტრის Skill Up-ის მიერ გადამზადებული ტრენერი, ლევან მამულაშვილი.

ტრენინგში მონაწილეობის მიღება შეუძლია 16 წელს ზემოთ ახალგაზრდებს.
ტრენინგის ხანგრძლივობა არის 40 საათი.
ტრენინგი დაიწყება 18 მაისიდან ყოველ სამშაბათს და ხუთშაბათს 20:00 საათზე, ხოლო შაბათს 10:00 საათზე.
აპლიკაციების მიღების ბოლო ვადაა 13 მაისი.

ტრენინის ორგანიზების ხარჯებს სრულად აფინანასებს საქართველოს ინოვაციების და ტექნოლოგიების სააგენტო.

ტრენინგში მონაწილეთა შერჩევა მოხდება აპლიკაციისა და გასაუბრებების საფუძველზე.

აპლიკაცია: https://docs.google.com/forms/d/e/1FAIpQLSdP5DYWu4cGqZl-s2aSv0dgcu5q4ji7L1h8ZgWMOsIFpi52Ag/viewform

 

ახალგაზრდა ანალიტიკოსთა და მეცნიერთა დარბაზი – ,დოქტრინა”

სრულად ნახვა
ეკოლოგიამანქანათმშენებლობა

წლის ბოლომდე საქართველოში ელექტროტაქსები გამოჩნდება

519 views on

 დღეს ტაქსების კომპანიებს შორის მძლავრი კონკურენციაა. ქართულ ბაზარზე ბევრი ახალი კომპანიაა. მათ შორის არის კომპანია „იბერი”, რომელიც აპრილის დასაწყისიდან შემოვიდა საქართველოში. კომპანიის წარმომადგენელი, საბა ბერიკაშვილი, „თბილისი თაიმსთან ” საუბრისას განმარტავს, რომ მათი კომპანია მომხმარებელს თანამედროვე სისტემას  სრულიად ახალ ავტომობილებს სთავაზობს.

„იბერი“ კლიენტებს სთავაზობს როგორც ეკონომ და პრემიუმ კლასის ავტომობილებით მომსახურებას, ასევე ოფციის სახით მომხმარებელს სთავაზობს პიკაპისა და ბიზნეს კლასის ავტომობილებით მომსახურებას

რამდენი ხანია რაც კომპანია „იბერი“ არის ქართულ ბაზარზე და რა მომსახურებებს სთავაზობს მომხმარებლებს?

ჩვენი კომპანია ქართულ ბაზარზე შემოვიდა პირველი აპრილიდან. კომპანია მომხმარებელს თანამედროვე  ტექნიკით აღჭურვილ ავტომობილებს სთვაზობს. გვაქვს ოთხი ტიპის მანქანა: ესენი არის ეკონომ კლასის; პიკაპის მანქანა, რომელიც გამოიყენება სხვადასხვა ტვირთის გადასატანად. ამის შემდეგ მოდის პრემიუმ კლასის მანქანა, რომელიც დახვეწილ ტიპს გულისხმობს და ბოლოს  ბიზნეს კლასის მანქანა. თითოეულს სხვადასხვა დანიშნულება აქვს, სხვადასხვა ხარისხი, მომსახურება და შესაბამისად ფასიც განსხვავებულია. მანქანები არის უახლეს მდგომარეობაში. ყველა მოდელში არის  ბარათით გადახდის აპარატები და მგზავრებს შესაძლებლობა აქვთ უკვე გადაიხადონ ბარათით.

რა რაოდენობის მანქანები არის დღეს შემოსული?

– დაახლოებით 200 ერთეულით დავიწყეთ  და მომავალში ვგეგმავთ რაოდენობის გაზრდას. ამ ეტაპზე მხოლოდ თბილისს ვემსახურებით, თუმცა შეკვეთის არსებობის შემთხვევაში რაიონებსაც მოვემსახურებით.

რამდენად კონკურენტულები ხართ ბაზარზე და როგორია „იბერის“ ფასები?

– ფასებს რაც შეეხება, ჩვენ გვაქვს ჩვენი კონკრეტული ფასები. თუმცა  ვცდილობთ ეს შესაბამისობაში იყოს ხარისხთან. თუ გვინდა, რომ კლიენტები კმაყოფილები იყვნენ და მოვემსახუროთ მაღალი კლასის, გამართული ავტომობილებით, ეს ყველაფერი ფასზეც აისახება. ძალიან ბევრი კომპანიაა, ამიტომ ძალიან ჭირს ახალი კომპანიის ნდობის მოპოვება და თავის დამკვიდრება.თუმცა ჩვენ განვსხვავდებით იმ კომპანიებისგან, რომლებიც მხოლოდ მოგებაზე  და თანხაზე ფიქრობენ და არ ზრუნავენ კლიენტის კმაყოფილებაზე. ჩვენი კომპანიის მთავარი მიზანი კლიენტის კმაყოფილება და მაღალი დონის მომსახურებაა.

ელექტროტაქსების შესახებ რომ მოგვიყვეთ, როდის გეგმავთ მათ შემოყვანას?

– ამ ეტაპზე რა მანქანებიც გვყავს , ძალიან ეკონომიური და გარემოზე“მზრუნველი“ მანქანებია. უახლოეს მომავალში, დაახლოებით ერთ თვეში დავამატებთ ახალ, იგივე ტიპის მანქანებს. ხოლო წლის ბოლომდე ჩვენ ვაპირებთ, რომ  ჩვენი ტაქსოპარკი სრულად ჩავანაცვლოთ ელექტრომანქანებით.

საქართველოს მალე ახალი ელექტრომობილები ეყოლება. ზუსტი რაოდენობა ჯერჯერობით უცნობია, თუმცა როგორც ტაქსის კომპანიის მენეჯერი განმარტავს, ეს რაოდენობა საკმარისი იქნება, რომ მოიცვას ტაქსების ბაზარი და დააკმაყოფილოს მომხმარებლის მოთხოვნები.

მარიამ ლეკიაშვილი

წყარო:  www.ttimes.ge

სრულად ნახვა
ეკოლოგიამანქანათმშენებლობა

წლის ბოლომდე საქართველოში ელექტროტაქსები გამოჩნდება

1.18K views on

დღეს ტაქსების კომპანიებს შორის მძლავრი კონკურენციაა. ქართულ ბაზარზე ბევრი ახალი კომპანიაა. მათ შორის არის კომპანია „იბერი”, რომელიც აპრილის დასაწყისიდან შემოვიდა საქართველოში. კომპანიის წარმომადგენელი საბა ბერიკაშვილი „თბილისი თაიმსთან ” საუბრისას განმარტავს, რომ მათი კომპანია მომხმარებელს თანამედროვე სისტემას  სრულიად ახალ ავტომობილებს სთავაზობს.

„იბერი“ კლიენტებს სთავაზობს როგორც ეკონომ და პრემიუმ კლასის ავტომობილებით მომსახურებას, ასევე ოფციის სახით მომხმარებელს სთავაზობს პიკაპისა და ბიზნეს კლასის ავტომობილებით მომსახურებას

რამდენი ხანია რაც კომპანია „იბერი“ არის ქართულ ბაზარზე და რა მომსახურებებს სთავაზობს მომხმარებლებს?

ჩვენი კომპანია ქართულ ბაზარზე შემოვიდა პირველი აპრილიდან. კომპანია მომხმარებელს თანამედროვე  ტექნიკით აღჭურვილ ავტომობილებს სთვაზობს. გვაქვს ოთხი ტიპის მანქანა: ესენი არის ეკონომ კლასის; პიკაპის მანქანა, რომელიც გამოიყენება სხვადასხვა ტვირთის გადასატანად. ამის შემდეგ მოდის პრემიუმ კლასის მანქანა, რომელიც დახვეწილ ტიპს გულისხმობს და ბოლოს  ბიზნეს კლასის მანქანა. თითოეულს სხვადასხვა დანიშნულება აქვს, სხვადასხვა ხარისხი, მომსახურება და შესაბამისად ფასიც განსხვავებულია. მანქანები არის უახლეს მდგომარეობაში. ყველა მოდელში არის  ბარათით გადახდის აპარატები და მგზავრებს შესაძლებლობა აქვთ უკვე გადაიხადონ ბარათით.

რა რაოდენობის მანქანები არის დღეს შემოსული?

– დაახლოებით 200 ერთეულით დავიწყეთ  და მომავალში ვგეგმავთ რაოდენობის გაზრდას. ამ ეტაპზე მხოლოდ თბილისს ვემსახურებით, თუმცა შეკვეთის არსებობის შემთხვევაში რაიონებსაც მოვემსახურებით.

რამდენად კონკურენტულები ხართ ბაზარზე და როგორია „იბერის“ ფასები?

– ფასებს რაც შეეხება, ჩვენ გვაქვს ჩვენი კონკრეტული ფასები. თუმცა  ვცდილობთ ეს შესაბამისობაში იყოს ხარისხთან. თუ გვინდა, რომ კლიენტები კმაყოფილები იყვნენ და მოვემსახუროთ მაღალი კლასის, გამართული ავტომობილებით, ეს ყველაფერი ფასზეც აისახება. ძალიან ბევრი კომპანიაა, ამიტომ ძალიან ჭირს ახალი კომპანიის ნდობის მოპოვება და თავის დამკვიდრება.თუმცა ჩვენ განვსხვავდებით იმ კომპანიებისგან, რომლებიც მხოლოდ მოგებაზე  და თანხაზე ფიქრობენ და არ ზრუნავენ კლიენტის კმაყოფილებაზე. ჩვენი კომპანიის მთავარი მიზანი კლიენტის კმაყოფილება და მაღალი დონის მომსახურებაა.

ელექტროტაქსების შესახებ რომ მოგვიყვეთ, როდის გეგმავთ მათ შემოყვანას?

– ამ ეტაპზე რა მანქანებიც გვყავს , ძალიან ეკონომიური და გარემოზე,,მზრუნველი“ მანქანებია. უახლოეს მომავალში, დაახლოებით ერთ თვეში დავამატებთ ახალ, იგივე ტიპის მანქანებს. ხოლო წლის ბოლომდე ჩვენ ვაპირებთ, რომ  ჩვენი ტაქსოპარკი სრულად ჩავანაცვლოთ ელექტრომანქანებით.

საქართველოს მალე ახალი ელექტრომობილები ეყოლება. ზუსტი რაოდენობა ჯერჯერობით უცნობია, თუმცა როგორც ტაქსის კომპანიის მენეჯერი განმარტავს, ეს რაოდენობა საკმარისი იქნება, რომ მოიცვას ტაქსების ბაზარი და დააკმაყოფილოს მომხმარებლის მოთხოვნები.

მარიამ ლეკიაშვილი

წყარო:  www.ttimes.ge

სრულად ნახვა
გამოგონება - ინოვაცია

,,Google-ი”,,ჭკვიან” სარკეს ქმნის

2.02K views on

 

,,ყველაზე პოპულარული ახალი ამბები, 24-საათიანი ამინდის პროგნოზი და დრო” – ამ ყველაფერს ,,Google-ის” ,,ჭკვიანი” სარკე გაგვაცნობს.

„Google-ის“ პროგრამული უზრუნველყოფის ინჟინერმა, მაქს ბრაუნმა ,,ჭკვიანი“ სარკე შექმნა, რომელიც ანდროიდმოწყობილობაზე მუშაობს. ეს პროტოტიპი ჯერ კიდევ გაუმჯობესების პროცესშია. ბრაუნი სარკეზე საცობების ჩვენების დამატებას გეგმავს. იდეა მდგომარეობს იმაში, რომ საჭიროებას არ წარმოადგენს ინტერფეისთან რაიმე სახით ურთიერთქმედება, რადგან ის ავტომატურად განახლდება, ასევე ყველაფერი დანარჩენისთვის სარკეს აქვს ხმით ძიების ფუნქცია.

ინტერფეისის ფერი იცვლება მხოლოდ მაშინ, თუ გარეთ მოღრუბლულია, ყველა სხვა შემთხვევაში ტექსტი მონოქრომული რჩება, რათა ყურადღების გადამტანი არ იყოს. ინტერფეისი აწყობილია „Android API-ს“ მსგავსი კოდის ბაზაზე. დამატებით, პროგრამა „Forecast-ი“ ამინდისთვის და „Associated Press-ი“ ახალი ამბებისთვის. დისპლეის სისქე რამდენიმე მილიმეტრია. ის მოთავსებულია სარკისა და კედლის კარადის კარებს შორის. ბრაუნის თქმით, ეს ყველაფერი მხოლოდ დასაწყისია და მომავალში სარკის ფუნქციებს კიდევ უფრო გააუმჯობესებს.

 

წყარო: Businessinsider.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ბიზნესიტექნოლოგიები

8 უფასო ხელსაწყო უკეთესი კამპანიისთვის

2.37K views on

 

„SEO“ ოპტიმიზაცია ხანგრძლივი პროცესია, რომელშიც უდიდესი როლი აქვს ვებგვერდისა და კონკურენტების ანალიზს. იმისათვის, რომ ზუსტად შევაფასოთ და დავინახვოთ მიმდინარე შედეგი, გვჭირდება ხელსაწყოები, რომელებიც  დაგვეხმარება იმის ანალიზში თუ რამდენად ეფექტურად ვმუშაობთ „SEO“ ოპტიმიზაციაზე.

გთავაზობთ 8 უფასო ხელსაწყოს, რომელიც  წარმატებული „SEO“ კამპანიის განუყოფელი ნაწილია.

  1. „Google Analytics-ი“ „Google-ის“ უფასო ხელსაწყოა, რომელიც დეტალურ ინფორმაციას გვაწვდის ვებგვერდის ვიზიტორების შესახებ. რა არხებიდან შემოდიან ვებგვერდზე მომხმარებლები, რას ნახულობენ, რამდენ დროს ატარებენ საიტზე.
  2. „Google Webmaster Tools-ი“ ტექნიკურ ინფორმაციას გვაწვდის ვებგვერდის მიმდინარე პოზიციის შესახებ. როგორ აინდექსირებს ვებგვერდს ,,Google-ი“ და რეკომენდაციებს მიმდინარე პრობლემების გამოსასწორებლად.
  3. „Open Site Explorer“ – „MOZ-ის“ ამ ხელსაწყოს უფრო სპეციფიკური ფუნქცია აქვს ,,ანალიტიქსთან“ შედარებით. აანალიზებს ბმულებს ვებგვერდზე. საშუალებას გვაძლევს განვსაზღვროთ კონკურენტების ტაქტიკა და ჩამოვაყალიბოთ ეფექტური სტრატეგია.
  4. „Google keyword Planner-ით“ ზუსტად გავიგებთ თუ რამდენი ადამიანი ეძებს Google-ში კონკრეტულ სიტყვებს. მივიღებთ იდეებს კონკრეტულ სიტყვებსა და ფრაზებთან მიმართებაში.
  5. „MOZ’s Keyword Explorer – ი“ კონკრეტული რეკომენდაციებს შემოგვთავაზებს თუ რომელი ქივორდები გამოვიყენოთ.
  6. „SEMRush -ს“ აქვს როგორც ფასიანი, ასევე უფასო ვერსიაც. პროგრამა გვეხმარება ჩვენი და კონკურენტების პოზიციების განსაზღვრაში.
  7. „QuickSprout“ – „SEO“ აუდიტისთვის საუკეთესო ხელსაწყოა.
  8. „SERPs Rank Checker-ის“ საშუალებით შეგვიძლია ვაკონტროლოთ ქივორდები, ფრაზები. შევადაროთ კონკურენტებს.

 

წყარო:  Entrepreneur.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა“

სრულად ნახვა
კომუნიკაციატექნოლოგიები

,,Facebook–ი” ბილეთების გაყიდვის სერვისს ამატებს

1.75K views on

 

„Facebook-ი“ ახალ მომსახურებას ნერგავს, რომლის საშუალებით მომხმარებელი სხვადასხვა ღონისძიების ბილეთის შეძენას სოციალურ ქსელში შეძლებს. სიახლე ამჟამად ტესტირებას გადის. „Facebook-ი“ აღნიშნულ პროექტზე „Eventbrite-სა“ და „Ticketmaster-თან“ ერთად მუშაობს.

მომხმარებელს სოციალურ ქსელში ბილეთების შეძენა აქამდეც შეეძლო, მაგრამ პირდაპირ გარიგებას დამატებით სხვა სერვისის მომსახურება ახორციელებდა. ახალი სერვისით კი მომხმარებელისთვის ბილეთის შეძენის მთელი პროცესის განხორციელება „Facebook-ით“ იქნება შესაძლებელი.

კომპანიაში აღნიშნავენ, რომ მილიონობით ადამიანი  ღონისძიების შესახებ სწორედ მათი ქსელის საშუალებით იგებს. ,,ჩვენ მიერ ჩატარებული კვლევის მიხედვით, მომხმარებელთა დიდი ნაწილი ბევრ მნიშვნელოვან ღონისძიებებზე მხოლოდ იმის გამო ვერ ხვდება, რომ ამის შესახებ უბრალოდ გვიან იგებს. ახალი სერვისით კი მომხმარებელი არა მხოლოდ გაიგებს მიმდინარე ღონისძიებების შესახებ, არამედ ბილეთების შეძენასაც ოპერატიულად შეძლებს“-აცხადებენ  „Facebook-ში“.

 

წყარო: Inc.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
საქართველოტექნოლოგიები

რეგიონებისთვის ვებპროგრამირების უფასო კურსებზე რეგისტრაცია დაიწყო

1.78K views on
„საქართველოს ინოვაციებისა და ტექნოლოგიების სააგენტო“ და ახალი ტექნოლოგიების ლაბორატორია – „ჯეოლაბი“ – ჭოპორტში, ბაღდათში, ხარაგაულსა და ზუგდიდში ახალი პროექტის განხორციელებას იწყებს. პროექტის ფარგლებში, რეგიონებში მცხოვრებ ახალგაზრდებს საშუალება ექნებათ დაეუფლონ თანამედროვე ტექნოლოგიებს, გაიარონ პროგრამირების დისტანციური კურსები, მიიღონ დისტანციური დასაქმების შესაძლებლობა და გაიარონ სამუშაო პრაქტიკა ,,ჯეოლაბში”.
 პროექტი სამი ძირითადი კომპონენტისაგან შედგება:
  • საქართველოს რეგიონებში დისტანციური განათლების ცენტრების შექმნა;
  • საქართველოს რეგიონებში საზიარო სამუშაო სივრცეების ამუშავება;
  • დისტანციური დასაქმების პლატფორმის შექმნა;
  • სამუშაო პრაქტიკა წარჩინებული სტუდენტებისათვის.

  პროექტის განხორციელებისათვის შეირჩა ჰიბრიდული, დისტანციური სწავლის მოდელი (Hybrid Distance Learning), რომლის ფარგლებში სტუდენტები ფიქსირებულ დროს იკრიბებიან არაფორმალური განათლების ცენტრებში და ლექციები ვიდეო სტრიმინგის ფორმატში ტარდება. ლექციის განმავლობაში სტუდენტებს შეეძლებათ ლექტორისათვის შეკითხვების დასმა. სწავლების პროცესში გათვალისწინებულია ლექტორებთან ინდივიდუალური, დისტანციური შეხვედრები. ჰიბრიდული სასწავლო მოდელის ფარგლებში, საშინაო დავალებებს ლექტორები შეამოწმებენ და კონკრეტულ რჩევებს გაუზიარებენ სტუდენტებს. პერიოდულად ლექტორები თავად ჩავლენ რეგიონებში და შეხვდებიან სტუდენტებს რათა სტუდენტებს შესაძლებლობა ქონდეთ ფიზიკურად გაიცნონ ლექტორები, დაამყარონ მათთან პირდაპირი კავშირები.

 ამგვარი სასწავლო გარემოს შექმნა ანუ დისტანციური სწავლების დანერგვა მსმენელებს მომავალში გაუადვილებს დისტანციურ დასაქმებას. მათვის ვირტუალურ სივრცეში სხვადასხვა აქტივობების განხორციელება ბუნებრივი იქნება.  

სასწავლო პროგრამაში ამ ეტაპზე ორი მიმართულებაა განსაზღვრული:  

  • ფრონტ ენდ პროგრამირება: HTML, CSS, JavaScript

არსებობს წარმოდგენა, რომ ვებგვერდის აწყობა მხოლოდ ტექნიკური განათლების მქონე ადამიანს შეუძლია ისწავლოს. თუმცა, რაც დრო გადის, საპირისპირო სურათს ვხედავთ. სულ უფრო მეტი, სხვადასხვა პროფესიის ადამიანი სწავლობს პროგრამირებას, სხვადასხვა სირთულის აპლიკაციებს ქმნის და თავად აწყობს ვებგვერდებს. ტექნოლოგიების განვითარებამ შესაძლებელი გახადა, რომ სხვადასხვა პროფესიის ადამიანებმა თავად შეძლონ საკუთარი იდეების რეალიზება. თუკი ადრე ინოვაციური იდეის რეალიზებისათვის საჭირო იყო ფინანსები, დღეს ადამიანს შეუძლია, თავად დაეუფლოს იდეის რეალიზებისათვის საჭირო ტექნიკურ ცოდნას, მაგალითად, შეისწავლოს ვებგვერდის აწყობა და შექმნას საკუთარი კომპანიის ვებგვერდი, ააწყოს ონლაინ მაღაზია ან რაიმე სხვა ვირტუალური ონლაინ სერვისი.

ამ კურსის ფარგლებში მსმენელები იმ ცოდნას ეუფლებიან, რომელიც მათ საშუალებას აძლევს, გაერკვნენ ვებგვერდის ფუნქციონირების პრინციპებში, ააწყონ სტატიკური ვებგვერდი ან, საჭიროების შემთხვევაში, ცვლილებები შეიტანონ არსებული ვებგვერდის პროგრამულ კოდში, დაგეგმონ და მენეჯმენტი გაუწიონ ვებგვერდის შექმნასთან დაკავშირებულ სამუშაოებს. კურსი პრაქტიკული ხასიათისაა, რომლის ფარგლებში მსმენელები თავად ქმნიან ვებგვერდებს HTML პროგრამულ ენაზე CSS-ის გამოყენებით.

  • პროგრამირება .NET

.NET კომპანია Microsoft-ის ოფიციალური პროდუქტია, ამიტომ მას აქვს სრულყოფილი, ოფიციალური დოკუმენტაცია, რომელიც მუდმივად განახლების პროცესშია. ინტერნეტში არის ბევრი ღია რესურსი ამ ინსტრუმენტის შესახებ. .NET-ზე მუშაობისას, სტუდენტებს შეხება ექნებათ ერთ-ერთ ყველაზე კარგ სამუშაო გარემოსთან Visual Studio-სთან. ეს არის ძვირადღირებული პროგრამა, რომელიც სტუდენტებისათვის უფასოა. მსმენელები სწავლის დროს უფასოდ ისარგებლებენ Microsoft-ის სერვერული პაკეტით DreamSpark for Students.
კურსის განმავლობაში, სტუდენტები ლექტორების მიერ მოწოდებული სასწავლო მასალის მიხედვით, თავად შექმნიან ვებგვერდებს. ისწავლიან, როგორც უშუალოდ C# პროგრამულ ენაზე წერას, ასევე არსებული სნიპეტების, ფუნქციების, ბიბლიოთეკების, ფრეიმვორკების გამოყენებას და საკუთარ საჭიროებებზე მორგებას, გადაკეთებას.

სრული კურსი 4-თვიანი იქნება და სამი საფეხურისაგან იქნება შემდგარი:

პირველი საფეხური: 6 შეხვედრა

მსმენელები მიიღებენ საბაზისო ცოდნას თითოეული მიმართულებით;

პირველი საფეხურის ბოლოს მსმენელებს ჩაუტარდებათ გამოცდა. გამოცდის წარმატებით ჩაბარების შემთხვევაში მსმენელები გადავლენ შემდეგ საფეხურზე.

მეორე საფეხური: 12 შეხვედრა

კურსის ძირითადი ნაწილი პრაქტიკული სავარჯიშოების შესრულებას დაეთმობა. დავალებების შესრულებაში მსმენელებს ლექტორები დაეხმარებიან. კურსის განმავლობაში გათვალისწინებული იქნება ინდივიდუალური კონსულტაციები, რომლის დროსაც ინდივიდუალურ რეჟიმში, Google Hengout-ის საშუალებით იმუშავებენ სტუდენტებთან. მეორე საფეხურის ბოლოს მსმენელებს ჩაუტარდებათ გამოცდა. გამოცდის წარმატებით ჩაბარების შემთხვევაში მსმენელები გადავლენ შემდეგ საფეხურზე.

მესამე საფეხური: 18 შეხვედრა

მესამე საფეხურის ძირითადი ნაწილი პრაქტიკული ხასიათის იქნება. ამ საფეხურზე მსმენელები ონლაინ დასაქმების პლატფორმის გამოყენებით სხვადასხვა პროექტებზე მუშაობას დაიწყებენ. მესამე საფეხურის ბოლოს მსმენელებს ჩაუტარდებათ გამოცდა. გამოცდის წარმატებით ჩაბარების შემთხვევაში მსმენელები ჩაერთვებიან ონლაინდასაქმების პროგრამაში.

საფეხურებად დაყოფილი სასწავლო პროგრამა შესაძლებელს გახდის სწავლის პირველ საფეხურებზე, შეირჩეს მოტივირებული მსმენელები, რათა შემდგომ წავახალისოთ, ისეთი ბავშვები, რომლებსაც რეალურად აინტერესებთ ტექნოლოგიები და მზად არიან მომავალში დრო და ენერგია დაუთმონ ტექნოლოგიების შესწავლას. ამგვარად პირველ საფეხურებზე, ზოგად ცოდნას ტექნოლოგიებთან დაკავშირებით ყველა მიიღებს, ხოლო მოტივირებული მსმენელები შემდეგ საფეხურებზე გააგრძელებენ სწავლას.

2. საზიარო სამუშაო სივრცე

ICT სექტორი დისტანციური დასაქმების შესაძლებლობას იძლევა. ამ შესაძლებლობას პოსტსაბჭოთა ქვეყნები აქტიურად იყენებენ, მათ შორის: ესტონეთი, ბელორუსია და უკრაინა. ამ ქვეყნებიდან ბევრი კომპანია და დამოუკიდებელი (Freelancer)  სპეციალისტი დისტანციურად მუშაობს. უცხოური კომპანიების შეკვეთებს ასრულებს. სააგენტოს Trendic Economics კვლევის მიხედვით რომელიც 169 ქვეყნის ეკონომიკურ სიტუაციას 300 000 მეტი ინდიკატორზე დაყრდნობით სწავლობს ბელორუსის ექსპორტი ICT პროდუქტების სახით 2013 წელს $1 370 100 000 შეადგენდა, უკრაინის $5 021 000 000 ხოლო ესტონეთის $1 614 468 323. მაშინ როდესაც საქართველოში მხოლოდ $122 079 092.  (წყარო: http://www.tradingeconomics.com/).

ICT შრომის ბაზარზე მოთხოვნა საქართველოშიც ყოველწლიურად იზრდება. ამას მოწმობს თუნდაც იმ ქართული ვებგვერდების ანალიზიც, რომლებზეც ვაკანსიების შესახებ განცხადებები ქვეყნდება (jobs.ge, hr.ge და სხვა).

მიუხედავად იმისა რომ ეკონომიკის ამ სექტორში, სხვა სექტორებისაგან განსხვავებით, მთელ მსოფლიოში დისტანციური დასაქმება საკმაოდ განვითარებულია, საქართველოში ეს პრაქტიკა ჯერ კიდევ ფართოდ არ არის გავრცელებული. თავად საქართველოს მასშტაბითაც რეგიონის წარმომადგენლები, დასაქმების მიზნით, თბილისში ჩამოსვლას და ადგილზე დასაქმებას ამჯობინებენ.

პროექტის ფარგლებში, რეგიონებში განლაგებული ინოვაციური ცენტრების ბაზაზე (ჭოპორტში, ხარაგაულში, ბაღდათში, ზუგდიდში)  საზიარო სამუშაო სივრცეების (coworking spaces) შექმნა იგეგმება. პროექტში ჩართულ ახალგაზრდებს საშუალება ექნებათ, რეგიონალურ ინოვაციურ ცენტრებში არა მარტო ლექციებს დაესწრონ და საშინაო დავალებებზე იმუშაონ, არამედ ონლაინ დასაქმების პლატფორმის საშუალებით დისტანციურად დასაქმდნენ. შესაბამისად ინოვაციური ცენტრები სამუშაო სივრცედ გამოიყენონ.

3. დისტანციური დასაქმების პლატფორმა

იქმნება და ახლო მომავალში ამუშავდება ონლაინპლატფორმა, რომელიც რეგიონში მომზადებულ ახალგაზრდებს დისტანციური დასაქმების საშუალებას მისცემს. პლათფორმა ღია იქნება პოტენციური დამსაქმებლებისათვის. მათ შეეძლებათ დარეგისტრირება და საკუთარი შეკვეთის განთავსება, შემსრულებელების მოძიება. პლათფორმა ერთგვარი სარეიტინგო სისტემის ფუნქციასაც შეასრულებს და რეგიონებში მცხოვრები ნიჭიერი, შრომისმოყვარე, მოტივირებული ახალგაზრდების გამოვლენაში დაგვეხმარება.

პლატფორმა შეიქმნება უცხოური ანალოგების გაანალიზების და მათი მუშაობის შედეგად დაგროვებული გამოცდილების გათვალისწინებით. ამავდროულად გათვალისწინებული იქნება ქართული სპეციფიკაც. თუკი ეს პლათფორმა სასწავლო პროცესში იქნება ინტეგრირებული, ანუ ამ სისტემის დახმარებით მსმენელები მიიღებენ და ჩააბარებენ საშინაო დავალებას, მათ კურსის დასრულების შემდეგ გაუადვილდებათ ამავე პლატფორმის საშუალებით სხვადასხვა კომპანიისათვის გარკვეული შეკვეთების შესრულება.

ამის გარდა თავად პროექტში ჩართული ახალგაზრდები, დაგროვებული გამოცდილების საფუძველზე, მომავალში, სურვილის შემთხვევაში უცხოური დისტანციური დასაქმების პლატფორმაზეც ადვილად შეძლებენ დასაქმებას.

4. სამუშაო პრაქტიკა

ორ წარჩინებულ სტუდენტს საშუალება ექნება თბილისში ერთკვირიანი სამუშაო პრაქტიკა გაიაროს GeoLab-ში. მათ დაუფინანსდებათ მგზავრობის და თბილისში ცხოვრებასთან დაკავშირებული ხარჯები. პრაქტიკანტები ჩაერთვებიან GeoLab-ის პროექტებში. გაიცნობენ ICT სფეროს პროფესიონალებს. იმუშავებენ მათ მიერ გავლილი სასწავლო მიმართულების შესაბამის პროექტებზე.

 
 იხილეთ სარეგისტრაციო ფორმა: https://docs.google.com/a/geolab.edu.ge/forms/d/e/1FAIpQLSd3Y6TALM1inxmqqyA2aQ6d34qpKaiz13ulnBwpFT2Y6c_4bQ/viewform
ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ბიზნესიტექნოლოგიები

უმსხვილესი ბანკები ციფრული ვალუტის შექმნას გეგმავენ

1.95K views on

 

მსოფლიოს  4 უმსხვილესი ბანკი  „UBS“,“ Deutsche Bank“,“ Santander“, და“ BNY Mellon–ი“ ახალი ციფრული ვალუტის შექმნას გეგმავს. ახალი ვალუტის პირველი კომერციული გამოყენება 2018 წლიდანაა დაგეგმილი.

ახალი ციფრული ვალუტა – ბლოკჩეინის (blockchain – ქსელში განხორციელებული ტრანზაქციების შესახებ მონაცემთა დეცენტრალიზებული ბაზა) ტექნოლოგიაზე იქნება დაფუძნებული. ბლოკჩეინ ტექნოლოგია არის ალგორითმების კომპლექსური ერთიანობა, რომელიც კრიპტოვალუტებს ვაჭრობის საშუალებას აძლევს. მიუხედავად იმისა, რომ ბანკები აღნიშნულთან დაკავშირებით ერთ დროს სკეპტიკურად იყვნენ განწყობილები და ბლოკჩეინ ტექნოლოგიაში თაღლითობის საფრთხეს ხედავდნენ, დღეს ისინი ინტერესდებიან, თუ როგორ შეუძლია ახალ ტექნოლოგიას არსებული სიტუაციის შეცვლა.

ინგლისის ბანკი, აშშ-ის ფედერალური სარეზერვო ბანკი და კანადის ბანკი იმ ცენტრალურ ბანკებს შორის არიან, რომლებიც ციფრული ვალუტის დადებით მხარეებს სწავლობენ. ამ სიახლის დანერგვის შემაფერხებელ ფაქტორებად  საბანკო სტაბილურობა და უსაფრთხოება სახელდება. ის ადამიანები, რომლებიც ბლოკჩეინ ტექნოლოგიებს მხარს უჭერენ, მიიჩნევენ რომ ტექნოლოგიის ფართოდ გავრცელებისათვის კიდევ რამდენიმე წელია დარჩენილი.

 

წყარო: Inc.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
1 … 70 71 72 73 74 … 85
Page 72 of 85