close

ტექნოლოგიები

გამოგონება - ინოვაციაკომუნიკაციატექნოლოგიები

თხევადი ბრონი, რომელიც ეკრანის უსაფრთხოებას უზრუნველყოფს

ტექნოლოგიების განვითარება და ინოვაციური იდეების გავრცელება კვლავ გრძელდება. ამჯერად, საქმე გვაქვს ინოვაციურ თხევად ნანოტექნოლოგიასთან, რომელიც სმარტფონის ეკრანის უსაფრთხოების გარანტიას იძლევა, სითხე, რომელიც თქვენს ტელეფონს გატეხვის საშუალებას არ მისცემს.
საქართველოში უკვე ბევრი მომხმარებელი ჰყავს თხევად ბრონს, რადგან, მომხმარებელთა აზრით, ძალიან მოსახერხებელი და გამოსადეგი რამაა, ვიზუალს არ უცვლის ტელეფონს და პროგრამულად არ უქმნის მარ არანაირ პრობლემას, ასე რომ – ინოვაციური იდეა საკმაოდ წარმატებულ ბიზნესად გადაიქცა, სავარაუდოდ, ახლო მომავალში, მყიდველთა რიცხვი გაიზრდება, რადგან ბევრმა არც კი იცის მისი არსებობის შესახებ.

წყარო: Entrepreneur.com
მასალა მოამზადა: ლაშა ჯინჭარაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოაკვლევებიმსოფლიორობოტექნიკატექნოლოგიები

ხელოვნური ინტელექტი ადამიანს კიდევ უფრო ემსგავსება

გასული თვეების განმავლობაში ,,OpenAI-ი” ორიენტირებული იყო ხელოვნური ინტელექტის განვითარებაზე, რომელიც სხვადასხვა აქტივობებს უფრო სწრაფად და ხარისხიანად ითვისებს.
მათ მანქანებს ახლა უკვე შეუძლიათ საკუთარი თავი ავარჯიშონ, ილაპარაკონ – კომპანიის სწავლების მეთოდის დამსახურებით.
ახლა ახალი ალგორითმი ხელოვნური ინტელექტის მქონე მანქანებს შესაძლებლობას აძლევს, დაემსგავსონ ადამიანს და თავიანთი დაშვებული შეცდომები დამოუკიდებლად გამოასწორონ.
გამოკვლევებმა აჩვენა, რომ ხელოვნური ინტელექტის მქონე მანქანები ისევე აღიქვამენ შეცდომებსა და წარმატებას, როგორც ადამიანები და ისინი ცდილობენ, რაც შეიძლება მალე აღმოფხვრან პრობლემა და განვითარდნენ.

წყარო: Sciencealert.com
მასალა მოამზადა: ლაშა ჯინჭარაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
გამოგონება - ინოვაციაგანათლებასაქართველო

შეეხე უჩინარს – ქართველი სტუდენტების საინტერესო გამოგონება

2014 წელს დაამთავრა კომაროვის სკოლა, ამჟამად ფიზიკის მიმართულებით თბილისის სახელმწიფო უნივერსიტეტში ბაკალავრიატის დამამთავრებელ კურსზე სწავლობს. გამომგონებლობით და მეცნიერებით ბავშვობიდან იყო დაინტერესებული, თავიდანვე აინტერესებდა სამყაროს და ბუნებაში მიმდინარე მოვლენების არსი და მათ მიზეზებს ფუნდამენტურად იძიებდა.
სიახლეების ძიება, რისკის სიყვარული, ახალი გამოწვევები და მუდმივი სწრაფვა განვითარებისკენ- ეს გიორგი მეშველიანის დახასიათებაში მისი თვისებების მცირე ჩამონათვალია.
ქართველი სტუდენტი აქტიურადაა ჩართული სამეცნიერო საქმიანობაში და თავის მეგობრებათან და თანაგუნდელებთან ერთად, უკვე წლებია სხვადასხვა საინტერესო თემასა და სტარტაპპროექტზე მუშაობს.
ზოგადად სამეცნიერო საქმიანობისა და გამომგონებლობის სირთულეებსა და მისი წარმატებული პროექტების მიღწევებზე “Doctrina” გიორგის ესაუბრა.
-გამომგონებლობით როდის დაინტერესდი და რამ განაპირობა ეს?
-ზოგადად, მეცნიერებით ბავშობიდან ძალიან დაინტერესებული ვიყავი და ყოველთვის მსურდა ღრმად შემეცნო ბუნება და ბუნებაში არსებული მოვლენები. ასევე ძალიან მიზიდავდა ,,ჩხირკედელაობა’’ და ახლის შექმნისა და აღმოჩენის სურვილი სულ მქონდა. რაც უფრო ვიზრდებოდი, ვხვდებოდი რომ მეცნიერება საშუალებას გვაძლევს, გარდა იმისა რომ უკეთ შევიცნოთ ჩვენი გარემო, ასევე – გვეხმარება ტექნოლოგიებისა და ინოვაციების განვითარებაში, რომელიც ჩვენს კომფორტს უზრუნველყოფს. ამ ყველაფრის წინა პირობა სწორედ გარემოს ფუნდამეტურად გააზრებაა.
კომაროვის სკოლაში გადასვლის შემდეგ საშუალება მომეცა უკეთ მესწავლა ზუსტი და ფუნდამენტური მეცნიერებები და სწორედ ამ დროს დავიწყე გარკვეულ პროექტებზე მუშაობა, ხელმძღვანელისა და ჩემი უფროსი მეგობრების დახმარებით 14 წლის ასაკში შევქმენი პირველი საინტერესო ნამუშევარი ,,სახლის სეისმოგრაფი’’. ამის შემდეგ კი ჩემს სკოლელებთან და მეგობრებთან ერთად შევქმენით სხვადასხვა ინოვაციური ტექნოლოგია, რომელმაც საერთაშორისო დონეზე მოგვიტანა წარმატება. სკოლის პერიოდში განსაკუთრებული იყო ლევან გაბისონიასთან, სიმონ ინვიასთან და დიმიტრი ცხოვრებაძესთან ერთად მუშაობა, რამაც დიდი გამოცდილება მომცა გუნდური მუშაობის თვალსაზრისით.


-სტარტაპებით და გამომგონებლური საქმიანობით რამდენი ხანი იყავი გატაცებული? რა შედეგებს მიაღწიე? რომელიმე შენთვის გამორჩეულ გამოგონებაზე ან პროექტზე გვიამბე.
-ჩვენი პროექტების სტარტაპებად გადაქცევის იდეა და შესაძლებლობა გაჩნდა ჩემი სკოლის დამთავრების შემდეგ, როდესაც არაბული ბიზნესინკუპატორი დაინტერესდა პროექტით ,,ინტერაქტიული ხელთათმანი”, ეს გამოგონება საშუალებას გვაძლევს სპეციალური ხელთათმნის დახმარებით შევეხოთ ვირტუალურ ობიექტებს და ვიგრძნოთ ისინი როგორც რეალურს ვგრძნობთ. მას ვიდეოთამაშების გარდა დიდი გამოყენება შეიძლება ჰქონდეს, ვირტუალურ კომუნიკაციაში, რობოტიკაში, განათლებასა და მედიცინაში. ვფიქრობ რომ ეს გამოგონება, რომლის იდეაც დიმიტრის გაუჩნდა და მის შექმნაში და განვითარებაში დიდი წვლილი მივიღეთ თანაგუნდელებმა, ჩვენი საერთო პროექტებიდან უნიკალურია, იმის და მიუხედავად, რომ ჩვენი სხვა ინოვაციებიც ორიგინალურია და წარმატებული. ჩვენმა სტარტაპმა დუბაიში აქტიურად თითქმის 6 თვე გასტანა, თუმცა მუშაობის პროცესი უფრო დიდხანს გაგრძელდა, შევიძინეთ საკმაოდ დიდი გამოცდილება და გავაკეთეთ რამდენიმე წარმატებული სეილი. უნივერსიტეტში სწავლის პერიოდშიც შევქმენი რამდენიმე პროექტი სხვა მეგობრებთან ერთად და მე და ბაქარ ჩარგეიშვილს(ჩემს კურსელს) გვქონდა სურვილი ერთერთი ინოვაციური იდეის სტარტაპად ქცევის, იყო ინტერესი, თუმცა არა ინვესტიცია, რის გამოც მასზე აქტიური მუშაობა შევწყვიტეთ.
-ამჟამად ასტროფიზიკით ხარ დაინტერესებული. კონრეტულად რამ განაპირობა ეს დაინტერესება და სამომავლოდ ხომ არ გეგმავ რამეს ამ კუთხით?
-ინჟინერია და ტექნოლოგიების განვითარება ძალიან საინტერესოა, როგორც იდეურად, ისე კომერციული თვალსაზრისით. თუმცა ჩემთვის გაცილებით საინტერესოა მეცნიერების ფუნდამენტური გაგება და ამ მიმართულებით მუშაობა, ამ შემთხვევაში, პროცესი უფრო გრძელვადიანია, მაგრამ შედეგი უფრო მასშტაბური და მნიშვნელოვანი, რადგან სწორედ ფუნდამენტურ მეცნიერებებზე დგას ყოველი შემდეგი წარმატება ინჟინერიისა და ტექნოლოგიების კუთხით. თქვენ წარმოიდგინეთ, ეკონომიკაშიც კი დიდი გამოყენება აქვს ფიზიკაში მიღებულ ფუნდამენტურ აღმოჩენებს. ფუნდამენტური მიმართულებით მუშაობა არ გამორიცხავს ინოვაციების შექმნის მიმართულებით ნებისმიერ დროს გადასვლასა და განვიათარებას, ის პირიქით, ხელშემწყობი ფაქტორია ამ ყველაფრის, თუმცა ამჟამად მირჩევნია ის ვაკეთო, რაც ყველაზე მეტად მიყვარს.
ამჟამად საბაკალავრო ნაშრომზე ვმუშაობ პროფესორ ნანა შათაშვილთან, ჯერ ძალიან ადრეა – რომ ვთქვა ატროფიზიკის მიმართულებით ვმუშაობ როგორც მეცნიერი, სინამდვილეში უფრო მეტად ვსწავლობ და იმისთვის რომ ჩემი სურვილები ავიხდინო ამ მიმართულებით ძალიან დიდი მონდომება და ბევრი შრომაა საჭირო მისი სირთულიდან გამომდინარე.
-რა სირთულე ახლავს ზოგადად ინოვაციებისა და გამოგონების შექმნის პროცესს და რა არის ამ დროს ყველაზე მთავარი?
-მნიშვნელოვანია ამოცანის საწყისი პირობების სწორად დასმა და ამ ამოცანის ამოხსნა. პროცესი შექმნის სირთულესთან არის დაკავშირებული, რაც უფრო კომპლექსურია ინოვაცია, მით უფრო რთულია მისი შექმნა. მთავარია ენთუზიაზმი, მონდომება და შრომა.
-ამჟამად რამე პროექტზე ხომ არ მუშაობ და რას გეგმავ სამომავლოდ?
-ამჟამად არ ვმუშაობ პროექტებზე, მაგრამ ვფიქრობ ძველი დროის გახსენებას და ჰაკათონზე გასვლას, თუ დრო გამოვნახეთ, შევქმნით ერთ კარგ პროექტს. ინოვაციების მიმართულებით განსაზღვრული გეგმა არ მაქვს, თუმცა რა იდეებიც მაწუხებს, იმედია მოვიცლი და რამდენიმეს მაინც განვახორციელებ ადრე თუ გვიან, თან ამ დროის განმავლობაში შეიძლება უკეთესი იდეებიც გამიჩნდეს.

მასალა მოამზადა: ანა ურუშაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოამსოფლიოტექნოლოგიები

10 საუკეთესო სმარტფონი 2018 წელს

ყოველ წელს ტექნოლოგიურ სფეროში ახალი ინოვაციები ინერგება და კომპანიები ცდილობენ, რომ რაც შეიძლება მეტად გააუმჯობესონ პროდუქტი, რათა მომხმარებელმა თავი კომფორტულად იგრძნოს.
ბაზარზე ლიდერობენ ის კომპანიები, რომლებმაც სახელი დიდი ხნის წინ გაითქვეს კარგი ხარისხით, ისინი საუკეთესონი გახდნენ, მაგალითად „Apple–სა“ და „Samsung–ს“ უკვე ჰყავს საკუთარი მომხმარებლები, რომლებიც სხვა კომპანიის პროდუქტს, შესაძლოა პრინციპულად არ მოიხმარს. დღესდღეობით არსებობს მონაცემებით უკეთესი სმარტფონები, ვიდრე iPhone X და Samsung Galaxy s9 არის, მაგრამ ხალხს მათ შესახებ არც კი აქვს სათანადო ინფორმაცია, ან მომხმარებლები არ მიიჩნევენ მისაღებად, რადგან უკვე არსებული დიდი კომპანიები მათ ჩრდილავენ და არ აძლევენ საშუალებას მსოფლიო ბაზარზე წარმატებას მიაღწიონ.
Sciencealert.com მა შემოგვთავაზა 10 საუკეთესო სმარტფონი 2018 წლისთვის:
1. Samsung Galaxy S9 Plus
2. Samsung Galaxy S9
3. Apple iPhone 8 Plus
4. Apple iPhone X
5. Apple iPhone 8
6. Google Pixel 2XL
7. Google Pixel 2
8. OnePlus 5T
9. Samsung Galaxy Note 8
10. Huawei Mate 10 Pro

წყარო: Sciencealert.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
რობოტექნიკატექნოლოგიები

რობოტი, რომელსაც რუბიკის კუბიკის აწყობა 1 წამზე ნაკლებ დროში შეუძლია

თუ ოდესმე გიცდიათ რუბიკის კუბიკის აწყობა, გეცოდინებათ, რომ არცთუ ისე ადვილ საქმეს წარმოადგენს და ბევრ ადამიანს ეზიზღება კიდეც.
ბენ კატზმა და ჯარედ დიცარლომ გამოიგონეს რუბიკი, ის წარმოადგენს ტვინისა და ხელის სისწრაფის საკმაოდ კარგ სავარჯიშოს. მისი აწყობა ყველაზე ნაკლებ დროში – 4.69 წამში შეძლო პატრიკ პონსმა. რაც არ უნდა გასაკვირი იყოს, ახალი რობოტი იმავე რუბიკს 1 წამზე ნაკლებ დროში აწყობს, რაც ადამიანის შესაძლებლობებს რობოტებთან  შედარებით აქვეითებს, რობოტმა რუბიკი 0.38 წამში ააწყო, რამაც ალბათ მთელი მსოფლიო გააოცა.

წყარო: Sciencealert.com
მასალა მოამზადა: ლაშა ჯინჭარაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოამანქანათმშენებლობასაქართველო

გიორგი ქვარიანი – წარმატებული ქართველი

საქართველოში შესაძლოა ძალიან ბევრმა არ იცოდეს, თუ ვინ არის გიორგი ქვარიანი და რითი გახდა იგი წლების წინ ცნობილი, მისი გამოგონება უდიდესი სენსაცია იყო არა მარტო ქართულ, არამედ უცხოურ ბაზარზეც.
წლების წინ ,,თეგეტა მოტორსის” სათავო ოფისში თვითნასწავლი  გიორგი ქვარიანის მიერ   შექმნილი, სრულიად განსხვავებული და შთამბეჭდავი დიზაინის მქონე ავტომობილის პრეზენტაცია გაიმართა. ქვარიანმა ავტომობილი საქართველოში შექმნა, რაც მანამდე და შემდგომაც არავის გაუკეთებია.
23 წლის გიორგი ქვარიანმა თავისი პროდუქტი მომხმარებელს სხვა კუთხითაც გააცნო, მან დაუმტკიცა მოსახლეობას, რომ მანქანა სისტემურად გამართული იყო და საქართველოს ფარგლებში ტურნე მოაწყო.

მასალა მოამზადა: ლაშა ჯინჭარაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიზნესიგანათლებასაქართველოტექნოლოგიები

პირველკურსელი ქართველი ახალგაზრდა, რომელიც ხელოვნური ინტელექტის განვითარებაზე მუშაობს

ლევან აბულაძე ბიზნესისა და ტექნოლოგიების უნივერსიტეტის ბიზნესადმინისტრირების პირველი კურსის სტუდენტია და უნივერსიტეტის გუნდთან ერთად ხელოვნური ინტელექტის პროექტზე აქტიურად მუშაობს. პროექტის დეტალებისა და სამომავლო გეგმების შესახებ ის თავად გვიამბობს.

-ლევან, კონკრეტულად რაში მდგომარეობს პროექტი ხელოვნური ინტელექტის შესახებ, რომელზეც მუშაობ?
– 2017 წლის სექტემბრიდან ბიზნესისა და ტექნოლოგიების უნივერსიტეტის რექტორმა, მიხეილ ბატიაშვილმა დაიწყო პროექტი, რომელიც მიზნად ისახავს განათლებაში ინტეგრირებული ხელოვნური ინტელექტის შექმნას. მე და მიხეილ ბატიაშვილმა გავაგრძელეთ პროექტზე ერთობლივი მუშაობა და „HP-ის“ მაღალტექნოლოგიური ლაბორატორიის დახმარებით, შევქმენით ხელოვნური ინტელექტი, რომელსაც ვასწავლეთ სხვადასხვა ბიზნესმიმართულება. ინტელექტის მიზანი იყო ლექტორისთვის ასისტირების გაწევა, შედეგად ჩავრთეთ სწავლების პროცესში, სადაც წარმატებით გაართვა თავი საკუთარ მოვალეობებს.
-რა გამოხმაურება მოჰყვა თქვენ მიერ შექმნილ ხელოვნურ ინტელექტს?
-2018 წლის იანვარში ჩვენი ხელოვნური ინტელექტი წარვადგინეთ ლონდონის განათლებისა და ტექნოლოგიების გამოფენაზე, სადაც ექსპერტების მაღალი შეფასება დაიმსახურა. ეს არის ხანგრძლივი პროექტი, რომელიც მიზნად ისახავს ხელოვნური ინტელექტის მაქსიმალურ ინტეგრირებას ადამიანის საქმიანობაში. იგი ადამიანთან ინტერაქციით გაამარტივებს განათლებასა და ბიზნესსაქმიანობას.
ამ მომენტისთვის დაინტერესება დიდია და ‘,,განათლების ეროვნული ცენტრისთვის’’ ვქმნი ხელოვნურ ინტელექტს, რომელიც აბიტურიენტებს გაუმარტივებს ინფორმაციის მოპოვებას გამოცდების შესახებ. ასევე, აპრილის თვიდან ვიწყებ მუშაობას ერთი ძალიან მნიშვნელოვანი განხრით. შეიქმნება ხელოვნური ინტელექტი, რომლის მიზანიც იქნება ადამიანების გათვიცნობიერება სამედიცინო საკითხებში, ჯანსაღი ცხოვრების წესის დანერგვა და დახმარების გაწევა დიაგნოსტიკისა და მკურნალობის სწორად წარმართვაში. -როდის და რატომ დაინტერესდი აღნიშნული სფეროთი?
-ჯერ კიდევ ადრეული ასაკიდან დიდი ინტერესი მქონდა ტექნოლოგიებისადმი. ყოველდღიურად ვაკვირდებოდი მის განვითარების პროცესს, რის შედეგადაც დავინტერესდი ხელოვნური ინტელექტის სფეროთი და დავიწყე მისი შექმნის შესწავლა.
ხელოვნური ინტელექტი, ეს არის მომავლის ტექნოლოგია. ზოგადად, როდესაც ხელოვნურ ინტელექტზე ვსაუბრობთ, შეგვიძლია განვიხილოთ, როგორც ,,ციფრული უკვდავება’’, რომელიც აზრებსა და ცოდნას აძლევს მუდმივად არსებობის საშუალებას. დღესდღეობით, მას არ შეუძლია კომპლექსური საკითხების გადაჭრა, თუმცა აქვს კონკრეტული პრობლემის მოგვარების უნარი. რეალურად, ხელოვნური ინტელექტი არის ადამიანის მომავლის ტექნოლოგია, რომელსაც დიდი როლი უკავია კაცობრიობის განვითარებაში.
-საინტერესოა, შენი სამომავლო გეგმები.
– სამომავლო გეგმებს რაც შეეხება, იგეგმება ,,თი ბი სი’’ ბანკთან თანამშრომლობა, შეიქმნება ხელოვნური ინტელექტი, რომელსაც უამრავი საფინანსო თუ ბიზნესტერმინი ეცოდინება და რომელსაც შეეძლება შიდათანამშრომლების გადამზადება. ეს ყველაფერი წინ გადადგმული დიდი ნაბიჯი იქნება. ზოგადად, მაქვს სურვილი ხელოვნური ინტელექტი დავნერგო ყველა სფეროში და დაგეგმილი მაქვს ამ ყველაფრის გლობალურად გატანა. მიმაჩნია, რომ ჩემი ამ საქმიანობით საკუთარ წვლილს შევიტან კაცობრიობის განვითარებაში.

მასალა მოამზადა: თამარ დევდარიანმა
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ასტრონომია - კოსმოსიგამოგონება - ინოვაციაეს საინტერესოამანქანათმშენებლობამსოფლიოტექნოლოგიები

ჩინეთი აღდგენის უნარის მქონე თანამგზავრების გამოშვებას 2019 წლისთვის აპირებს 

ჩინეთი აცხადებს, რომ აღდგენადი თანამგზავრების შეთავაზებას კომერციული მომხმარებლისთვის 2019-2020 წლებში შეძლებს.

ჩინეთის კოსმოსური ტექნოლოგიის აკადემიის პრეზიდენტის – ჟანგ ჰონტაის განცხადებით, ქვეყანამ 1975 წლიდან დღემდე კოსმოსიდან 20-მდე თანამგზავრის წარმატებით დაბრუნება შეძლო და ჩინეთის ტექნოლოგია ძალიან საიმედოა თანამგზავრებისა და კოსმოსური ხომალდების ბაზარზე.

,,ჩვენ ვგეგმავთ ამ ტექნოლოგიის განახლებას კომერციული მომხმარებლების საჭიროებების დაკმაყოფილების მიზნით”, – განაცხადა მან.

თანამგზავრები მეცნიერებს საშუალებას აძლევს, უპილოტო მისიების საშუალებით კოსმოსში ექსპერიმემენტები გააგზავნონ და შედეგები აღადგინონ. ადრე ჩინეთმა აღნიშნული თანამგზავრებით კოსმოსში თესლი გააგზავნა და მისგან ახალი ტიპის მცენარეები შექმნა, რომლებიც ნულოვანი გრავიტაციისა კოსმოსური რადიაციის ქვეშ იმყოფებოდნენ.

ჩინეთის პრეზიდენტმა სი ძინპინიმ ეროვნული უსაფრთხოების გასაძლიერებლად  კოსმოსური პროგრამის განვითარება ქვეყნის პრიორიტად გამოაცხადა.

წყარო: Reuters

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა“

სრულად ნახვა
ეს საინტერესოაკვლევებისაქართველოტრანსპორტი

თბილისში მოძრავი 673 ავტობუსიდან 456-მა ტექდათვალიერება ვერ გაიარა

2017 წელს თბილისში მოსიარულე 816 მუნიციპალური ავტობუსიდან 143 არ უწევდა პერიოდული ტექნიკური ინსპექტირება, დანარჩენი 673 ავტობუსიდან, 456 ავტობუსმა (68%) ინსპექტირება ვერ გაიარა. ამის შესახებ აუდიტის სამსახურის დასკვნაში წერია. ინფორმაციას bpn.ge ავრცელებს.

„მუნიციპალური განვითარების ფონდის“ დაკვეთით და „აზიის განვითარების ბანკის“ დაფინანსებით, 2015 წლის დეკემბერში შემუშავდა „თბილისის მდგრადი ურბანული ტრანსპორტის სტრატეგია“, რომელიც ოფიციალური დოკუმენტის სახით დამტკიცებული არ არის. მიუხედავად ამისა, სატრანსპორტო სამსახური ხელმძღვანელობს აღნიშნული სტრატეგიით, რის შედეგად ქალაქის მასშტაბით განხორციელებულია რიგი ღონისძიებები, მაგალითად, ახალი ავტობუსების შემოყვანა, ავტობუსის მოძრაობის ზოლების დამატება და სხვა, თუმცა აღნიშნულ სტრატეგიაში არ არის მკაფიოდ გაწერილი მცირე ზომის ავტობუსების შემოსაყვანად აუცილებელი ღონისძიებები,”- ნათქვამია ანგარიშში.

თბილისის მერიიდან მიღებული განმარტებით, ავტობუსების მიერ პტი-ს გაუვლელობა მხოლოდ გამონაბოლქვი სისტემის გაუმართაობით არის გამოწვეული.

აუდიტის დასკვნით, გარემოს დაბინძურებით გამოწვეული დაავადების მკურნალობა სახელმწიფოს 120 მილიონი ლარი დაუჯდა.

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ბიზნესიმანქანათმშენებლობატექნოლოგიებიტრანსპორტი

,,ბენტლიმ“ პირველი ჰიბრიდი გამოუშვა

მსოფლიოს ავტომობილთა ინდუსტრია არ განიცდის ჰიბრიდებისა და ეკოლოგიურად შედარებით სუფთა მანქანათმწარმოებელი კომპანიების სიმცირეს, მაგრამ არ უნდა იყოს გასაკვირი, რომ თითქმის ყველა კომპანიას სურს, თავისი მოდელი გამოუშვას, ბოლო დროს ხშირია წამყვანი კომპანიების მიერ ჰიბრიდული ავტომობილების წარმოება.

კომპანია ,,ბენტლიმაც“ გამოუშვა თავისი ჰიბრიდული მოდელი, რომელიც საკმაოდ მძლავრი მოცულობის ძრავით გამოირჩევა და შესამჩნევია ასევე წვაც, ავტომობილი 3 ლიტრს წვავს 100 კილომეტრზე, რაც ძალიან ეკონომიურია და საზოგადოების ინტერესებს დააკმაყოფილებს.

მომხმარებლები არა მხოლოდ გარეგნობას აქცევენ ყურადღებას, არამედ გასათვალისწინებელია მონაცემები და ინოვაციური  მიდგომები, რომლებიც დღევანდელ სამყაროში დამკვიდრების საშუალებას მისცემს ახალ პროდუქტს.

წყაროCNN.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა

სრულად ნახვა
1 49 50 51 52 53 90
Page 51 of 90