მედიცინა

67 წლის ბრიტანელ პენსიონერს ოფთალმოლოგთან ვიზიტისას თვალში 27 კონტაქტური ლინზა აღმოაჩნდა, რომელთა მოხსნაც პაციენტს ასაკობრივი სკლეროზის გამო ავიწყდებოდა.

ამის შესახებ ინფორმაცია დიდი ბრიტანეთის ოფთალმოლოგთა ასოციაციამ – Optometry Today-მ გაავრცელა.

ქალბატონი ექიმთან მივიდა, რომ კატარაქტის ოპერაცია გაეკეთებინა. ახლო დათვალიერებისას კი ოფთალმოლოგმა 27 კონტაქტური ლინზა აღმოაჩინა, რომელიც თვალს სქელ ფენად ეფარებოდა.

პირველ ეტაპზე ექიმმა 17 ლინზა მოხსნა, ხოლო მეორე ვიზიტისას – დანარჩეინ 10.

ლინზების მოშორებიდან ორი კვირის შემდეგ პაციენტს მხედველობა აღუდგა. ექიმებმა აღიარეს, რომ მსგავსი შემთხვევა აქამდე არასდროს ჰქონიათ.

„ერთ საერთო ფრაზას გეტყვით, რომელსაც პაციენტები ხშირად მეუბნებიან – არ ვინანეთ ამ ოპერაციის გაკეთება,“- ამბობს ექიმი კარდიოლოგი გიორგი ჩხოლარია, რომელიც ქუთაისში, მოციმციმე არითმიის სამკურნალოდ კრიოაბლაციის ოპერაციას უკვე 5 თვეა ატარებს.

2018 წლის ივლისში, ქუთაისში მოციმციმე არითმიის სამკურნალოდ პირველმა კრიოაბლაციამ წარმატებით ჩაიარა. მას შემდეგ, ქუთაისში კიდევ არაერთი ოპერაცია ჩატარდა. გიორგი ჩხოლარია ამბობს, რომ კრიოაბლაცია, შედეგების თვალსაზრისით, იმაზე უფრო ეფექტიანი აღმოჩნდა, ვიდრე ელოდნენ.

ექიმი კარდიოლოგი აღნიშნავს, რომ აქამდე,მოციმციმე არითმიის სამკურნალოდ, რადიოსიხშირულ აბლაციას მიმართავდნენ, რაშიც საკმაოდ დიდი დრო იხარჯებოდა. კრიოაბლაციის შემთხვევაში კი, პროცედურა თითქმის განახევრებულია და როგორც ექიმი ამბობს,პაციენტი  ეფექტს მომენტალურად იღებს. ამასთან, არ სჭირდებათ ნარკოზის გამოყენებაც. კრიოაბლაციის კიდევ ერთი უპირატესობა მარტივი პროცედურაა, რის გამოც მას ბევრი პაციენტი თანხმდება.

„ოპერაციაზე საუბრისას, პაციენტის პირველი პასუხია ხოლმე, რომ ეშინიათ. თუმცა, კრიოაბლაციის შემთხვევაში, მათი დაყოლიება უფრო ადვილი გახდა. როცა ვუხსნით, რომ ეს არის უნარკოზო ოპერაცია, ადგილობრივი ანესთეზიით მიმდინარეობს, რომ მეორე დღეს უკვე სახლში მიდის, ოპერაცია უსისხლოა და არ არის მტკივნეული, მას უკვე რთულ ოპერაციად არ აღიქვამენ,“- ამბობს გიორგი ჩხოლარია.

მისივე თქმით, მოციმციმე არითმია ძალიან გავრცელებული დაავდებაა განსაკუთრებით, 65 წელს გადაცილებულ მოსახლეობაში. ექიმი ამბობს, რომ დაავადების მაჩვენებლები მზარდია არა მხოლოდ დასავლეთ საქართველოში, არამედ ქვეყნის მასშტაბით, თუმცა, მიმართვიანობა მაინც დაბალია.

„ხალხში არ არის გაცნობიერებული, რომ ამ დაავადების განკურნება შეიძლება. დაავადებას უყურებენ, როგორც ქრონიკულს და მიაჩნიათ, რომ მთელი ცხოვრება წამლების ქვეშ უნდა იყვნენ,“- ამბობს გიორგი ჩხოლარია.

მისივე თქმით, ამ ოპერაციის დანერგვა შეუძლებელი იქნებოდა ჯანდაცვის პროგრამის გარეშე, რომელიც ასაკით პენსიონერებს და მიზნობრივი პოლისის მატარებელ პაციენტებს აფინანსებს.

„პროცენტული მაჩვენებლი, ვინც კრიოაბლაციაზე თანხმდება, კიდევ უფრო მაღალი იქნებოდა იმ შემთხვევაში, თუ დაფინანსებული იქნებოდა არა საპენსიო ასაკის ხალხშიც,“- ამბობს გიორგი ჩხოლარია.

კრიოაბლაციის საშუალებით შესაძლებელია: არითმიის დიაგნოსტიკა და მისი მექანიზმისგარკვევა და შემდეგ არითმიის კერის (უჯრედებისჯგუფის, დამატებითი გამტარი გზის) მოშორება დაამ არითმიისგან პაციენტის საბოლოო განკურნება. პროცედურის შესახებ: კრიოაბლაცია მინიინვაზიური პროცედურაა. ამ პროცედურის დროსადგილობრივი ანესთეზია ბარძაყის ან ლავიწქვეშამიდამოში კეთდება და შესაბამის ვენაში რამდენიმეკათეტერი დგება. აღნიშნული კათეტერებისმეშვეობით გულში სადიაგნოსტიკო და სააბლაციოელექტროდები შეჰყავთ. ელექტროდებისგადაადგილება პაციენტისთვის უმტკივნეულოა დარენტგენოსკოპიის კონტროლით ხორციელდება. ელექტროდები გულში სათანადო ადგილებშითავსდება. კრიოაბლაციის დროს, სპეციალურიკათეტერის საშუალებით ხდება არითმიის კერისდაზიანება (მოყინვა). კრიოაბლაციისხანგრძლივობა დაახლოებით 1-3 საათია.
კრიოაბლაციის მიმართულებით დღესსაქართველოში 3 წარმატებული ექიმ–კარდიოლოგი მუშაობს: ზვიადმათოშვილი,გიორგი პაპიაშვილი, გიორგიჩხოლარია.
დეტალური ინფორმაციისთვის ეწვიეთ: www.janmrteligulit.ge

–ღეროვან უჯრედებზე ინფორმაცია არც თუ ისე მწირია. ღეროვანი უჯრედები ჭიპლარსა და პლაცენტაში რჩება ბავშვის დაბადების შემდეგ. ეს უნიკალური მასალა ათი ათასიდაან ოცდაათი ათასი წელი ინახება თხევად აზოტში- პრაქტიკულად უკვდავი მასალაა.
ღეროვანი უჯრედები წარმატებით გამოიყენება  ლეიკემიის, ლიმფომების  სხვადასხვა სისხლის ონკოლოგიური დაავადების სამკურნალოდ.ძალზე ეფექტურია ჰოჯკინისა და არაჰოჯკინის  ლიმფომებზე. ასევე   წარმატებით გამოიყენება:  ინსულტის, ინფაქტის, დიაბეტის, ღვიძლის უკმარისობის სამკურნალოდ. ცნობილია, რომ მას აუტიზმის დამარცხებაც შეუძლია.
საქართველოში   წარმატებული   აღმოჩნდა  ჭიპლარის სისხლის ბანკის  ჯეოქორდის ხელმძღვანელობით განხორციელებული გადანერგვა,  რომელმაც აუტიზმით დაავადებული ორი ბავშვი განკურნა.
აღსანიშნავია, რომ ერთი შვილის ღეროვანი უჯრედები, შეიძლება გამოიყენოს მეორე შვილმაც და თავად მშობელმაც კი,ოღონდ არა ყოველთვის.
იყო შემთხვევა, როცა ახალშობილის ჭიპლარის ღეროვანმა უჯრედებმა საკუთარი დედა სრულად  განკურნა ლეიკემიისგან.

წყარო : brandnews.ge

ბრაზილიაში ქალმა გარდაცვლილი დონორისგან გადანერგილი საშვილოსნოს საშუალებით გოგონა გააჩინა. ექიმები აცხადებენ, რომ ეს მსოფლიოში უპრეცედენტო შემთხვევაა.

აქამდე მედიკოსებს აშშ-ში, ჩეხეთსა და თურქეთში 10 მსგავსი მცდელობა ჰქონდათ, თუმცა ბავშვის გაჩენა ვერცერთ შემთხვევაში ვერ მოხერხდა.

გოგონა საკეისრო კვეთის შედეგად დედის ორსულობის 35 კვირაზე გაჩნდა და ის დაბადებისას 2,550 კგ-ს იწონიდა.

ცოცხალი დონორიდან გადანერგილი საშვილოსნოს საშუალებით შვედეთში 2013 წელს დაიბადა. მეცნიერებს დღემდე ამ გზით ბავშვის გაჩენის 39 მცდელობა ჰქონდათ, რომლისგანაც დადებითი შედეგით 11 დასრულდა.

ექსპერტთა შეფასებით, უშვილობის პრობლემა მსოფლიოში რეპროდუქციული ასაკის მქონე წყვილების 10-15 პროცენტს აქვს. მათგან 500 ქალიდან ერთს საშვილოსნოს პრობლემები აქვს.

მანამ, სადამ საშვილოსნოს გადანერგვა გახდა შესაძლებელი, შვილის ყოლის ერთადერთი გზა ბავშვის აყვანა ან სუროგაცია იყო. ბრაზილიის შემთხვევაში კი დედა საშვილოსნოს გარეშე, ანუ Rokitansky-Küster-Hauser-ის სინდრომით დაბადებული იყო. რაც შეეხება დონორს, ის 45 წლის ასაკში ინსულტის შედეგად გარდაიცვალა.

ტრანსპლანტაციის პროცედურიდან 5 თვის შემდეგ ულტრაბგერითი სკანირება ნორმალური იყო, რეციპიენტს კი რეგულარული ციკლი ჰქონდა. ქალის წინასწარ განაყოფიერებული და გაყინული კვერცხუჯრედების ტრანსპლანტაცია საშვილოსნოს გადანერგვიდან 7 თვის შემდეგ განახორციელეს. 10 დღის შემდეგ ორსულობა დადასტურდა.

7 თვის ბრაზილიელი გოგონა ამჟამად 7 თვისაა, ძუძუთი კვებას განაგრძობს და 7.2 კგ-ს იწონის.

წყარო : Reuters