close

მედიცინა

ედიცინა

მეცნიერები: დღეში სამი ჭიქა რძე ნაადრევ სიკვდილს იწვევს!

milk

რძე ექიმების მიერ რეკომენდირებულია, როგორც კალციუმის წყარო, რომელიც ძვლების სიძლიერეს უწყობს ხელს.

თუმცა ახალი კვლევა ამტკიცებს, რომ რძე ძვლების სიმაგრეს ნაკლებად უწყობს ხელს და აორმაგებს ნაადრევად გარდაცვალების რისკს.

კვლევის ფარგლებში 20 წლის განმავლობაში 61,000 ქალსა და 45, 000 მამაკაცს დააკვირდნენ და აღმოაჩინეს, რომ იმ ადამიანებს რომლებიც რძეს მოიხმარდნენ, ძვლებს დაშლის რისკი არ უმცირდებოდათ.

მეტიც, ისინი, ვინც დღეში სამ ან მეტ ჭიქა რძეს (680 მლ) სვამდნენ, ნაადრევად სიკვდილის ორჯერ მეტი რისკის ქვეშ იმყოფებოდნენ, მათთან შედარებით, ვინც ერთ ჭიქაზე ნაკლებს სვამდნენ.

„კვლევის შედეგები ეჭვქვეშ აყენებს აქამდე არსებული რეკომენდაციების ვალიდურობას. როგორც აღმოჩნდა, დიდი რაოდენობის რძის მიღება არაა დაკავშირებული მოტეხილობის რისკის შემცირებასთან, პირიქით, ის ჯანმრთელობვისთვის მავნეა და სიკვდილიანობის მაღალ მაჩვენებელთან არის ასოცირებული,“ – აცხადებს კვლევის წამყვანი ავტორი, შვედეთის უპსალას უნივერსიტეტის პროფესორი კარლ მიჩელსონი.

კალციუმი ძვლების მშენებლობისთვის მართლაც საჭიროა და აქდან გამომდინარე, კალციუმით მდიდარი პროდუქტი – რძე სასარგებლო საკვებია. თუმცა მკვლევარები მიიჩნევენ, რომ რძეში შემავალი ცხიმი კალციუმს დადებით ეფექტს აბათილებს, იწვევს რა ანთებასა და გულის პრობლემებს.

თუმცა დაბალი ცხიმის შემცველ პროდუქტებს, როგორიცაა ყველი და იოგურტი, სასარგებლო შედეგი აქვს. ეს პროდუქტები ნაადრევი სიკვდილის რისკს ამცირებენ და ძვლების ჯანმრთელობას უწყობენ ხელს.

ზოგიერთი მეცნიერი კვლევის შედეგებს აკრიტიკებს და აცხადებს, რომ მანამდე ჩატარებულმა არაერთმა კვლევამ აჩვენა, რომ რძე ამცირებს გულის დაავადების, ინსულტისა და დიაბეტის რისკს.

ასეა თუ ისე, კვლევის ავტორები რძისა და რძის პროდუქტების მიღებას არ კრძალავენ, ისინი გვირჩევენ, ნუ დავლევთ დღეში 1 ჭიქა რძეზე მეტს.

 

წყარო: http://www.telegraph.co.uk/

მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ედიცინა

ჯანმო: მსოფლიოში წითელათი ყოველდღიურად 400 ბავშვი იღუპება

%e1%83%af%e1%83%90

წითელათი მსოფლიოში ყოველდღიურად  400 ბავშვი იღუპება, ამის შესახებ გლობალური ჯანდაცვის ექსპერტებმა  ხუთშაბათს განაცხადეს.

გაეროს ბავშვთა ფონდის, მსოფლიო ჯანდაცვის ორგანიზაციისა და სხვა ჯანდაცვის ორგანოების მიერ გავრცელებულ მოხსენებაში აღნიშნულია, რომ მასობრივი ვაცქინაციის შედეგად წითელათი გარდაცვლილთა რაოდენობა 2000 წლიდან დღემდე 79 პროცენტით შემცირდა, თუმცა სიკვდილიანობის დონე მაინც მაღალია.

ჯანდაცვის ექსპერტები ამ ფაქტს იმას უკავშირებენ, რომ რიგ სახელმწიფოებში არ არსებობს სათანადო საშუალება, ცოდნა ან პოლიტიკური ნება იმისთვის, რომ მაღალი ინფექციური დაავადების წინააღმდეგ იმუნიზაცია ყველა ბავშვს ჩაუტარდეს.

,,ამ მარტივად პრევენცირებადი დაავადების გამო დღესაც იღუპებიან ბავშვები,“ – აცხადებს UNICEF-ის იმუნიზაციის ხელმძღვანელი რობინ ნენდი.

მოხსენებაში აღნიშნულია, რომ რუტინული ვაქცინაციის შედეგად 2000-2015 წლებში დაახლოებით 20.3 მილიონი ახალგაზრდის სიცოცხლის გადარჩენა მოხერხდა.

თუმცა ბევრ ქვეყანაში ბავშვების უმრავლესობა ვაქცინირებული არ არის, რის გამოც 2015 წელს 20 მილიონი ბავშვი წითელაზე აუცრელი დარჩა და დაახლოებით 134 ათასი ბავში აღნიშნული ინფექციით დაიღუპა.

კონგოს დემოკრატიულ რესპუბლიკაში, ეთიოპიში, ინდოეთში, ინდონეზიაში, ნიგერიასა და პაკისტანში ბავშვების ნახევარი აუცრელი რჩება, რის გამოც ამ ქვეყნებზე წითელათი დაღუპულების 75 პროცენტი მოდის.

წითელა მწვავე ინფექციური ვირუსული დაავადებაა, რომელსაც ახასიათებს ტემპერატურის აწევა, ინტოქსიკაცია, ზემო სასუნთქი გზებისა და თვალის ლორწოვანი გარსების ანთება, ლაქოვან-კვანძოვანი გამონაყარი. წითელას ვირუსი ორგანიზმის გარეთ მალე იღუპება, ამიტომ ჯანმრთელს ეს ინფექცია გადაეცემა მხოლოდ ავადმყოფისგან ჰაერწვეთოვანი გზით. ძირითადად ავადდებიან 1-დან 4 წლამდე ბავშვები. მისი მოხდის შემდეგ რჩება მყარი იმუნიტეტი. წითელას ფარული პერიოდი 8-10 დღე გრძელდება. მცირეწლოვან ასაკში წითელას შეიძლება დაერთოს ფილტვების, ყურისა და სხვა ანთებები. ხოლო მოზარდებში შეიძლება ტვინის ანთებაც კი დაერთოს.

წყარო: Reuters

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი  ,,დოქტრინა”

 

სრულად ნახვა
ედიცინა

ლაბორატორიის თანამშრომელი ღორებისგან ებოლათი დაინფიცირდა

ebolaaa

კანადელი ლაბორატორიის თანამშრომელი ექსპერიმენტზე მუშაობის დროს ღორებთან კონტაქტის შედეგად ებოლას ვირუსით დაინფიცირდა.

ოფიციალური ინფორმაციის თანახმად, შემთხვევა იმან გამოიწვია, რომ მამაკაცის დამცავი კოსტუმი გარღვეული იყო.

ინციდენტი Winnipeg, Manitoba-ის ლაბორატორიაში მოხდა, რომელიც იმავე მხარეს მდებარეობს, სადაც მიკრობიოლოგიური ლაბორატორია, რომელშიც მეცნიერებმა ებოლას საწინააღმდეგო ვაქცინა შექმნეს.

კანადის საზოგადოებრივი ჯანდაცვის სააგენტოს ინფორმაციით, აქამდე კანადაში ებოლას არცერთი შემთხვევა არ დადასტურებულა.

ლაბორატორიის დაინფიცირებული თანამშრომელი იზოლაციაში ყოფნას დასთანხმდა. მას მედიკოსები 21 დღის განმავლობაში დააკვირდებიან.

ექვსი ღორი ექსპერიმენტის ფარგლებში ებოლას ვირუსით დააინფიცირეს. ლაბორატორიის აღნიშნული თანამშრომელი ანესთეზირებულ ღორებთან სპეციალური კოსტიუმით შევიდა. „გაუგებარია, რამ გამოიწვია კოსტუმის დაზიანება,“ – აცხადებენ ქვეყნის ჯანდაცვის ოფიციალური პირები.

ებოლა წარმოადგენს ჰემორაგიულ ცხელებას. ის იშვიათი დაავადებაა, თუმცა ხასიათდება მაღალი სიკვდილიანობით (დაავადებულთა 90%-ზე მეტი დაიღუპა).

პირველად ვირუსი დაფიქსირდა 1976 წელს ეკვატორულ სუდანსა და ზაირში. სუდანში დაინფიცირებული 284 ადამიანიდან დაიღუპა 151, ზაირში კი 318 დაავადებულიდან 280 გარდაიცვალა. ვირუსის პირველი იდენტიფიცირება მოხდა ზაირში მდინარე ებოლას ხეობაში, საიდანაც გაჩნდა ვირუსის სახელწოდება.

ვირუსი ვრცელდება ლორწოვანი გარსით და კანის მიკრბოდაზიანებებით. კანადელმა მეცნიერებმა ექსპერიმენტებით დაადასტურეს, რომ ვირუსი შესაძლებელია კონტაქტის გარეშეც გადაეცეს.

დაკრძალვის რიტუალები, რომლის დროსაც ჭირისუფლებს აქვთ კონტაქტი დაღუპულის სხეულთან, ვირუსის გავრცელების ერთ-ერთი წყაროა. დაღუპულის ორგანიზმიდან ვირუსი 3 კვირის განმავლობაში გამოიყოფა.

დაავადების სიმპტომებია თავის, კუნთებისა და მუცლის ძლიერი ტკივილები, დიარეა და ანგინა. მოგვიანებით ჩნდება მშრალი ხველება, მჩხვლეტავი ტკივილები მკერდში და დეჰიდრატაცია. ვირუსი იწვევს სისხლის შემადგენლობის შეცვლას – იწყება ანემია, ლეიკოციტებისა და ტრომბოციტების მკვეთრი შემცირება. შედეგად იშლება სისხლის შედედების ფუნქცია, ზიანდება სასხლძარღვები და იწყება სისხლდენები. სიკვდილი დგება დაავადების მეორე კვირას სისხლდენებისა და შოკის შედეგად.

მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი  ,,დოქტრინა”

წყარო: http://www.dailymail.co.uk/

 

სრულად ნახვა
ატეგორიის გარეშეედიცინა

თბილისმა ფოტოდერმატოლოგიისა და კანის კიბოს საერთაშორისო ტრანსკავკასიურ კონგრესს უმასპინძლა

foto

თბილისში, სასტუმრო „რადისონ ბლუ ივერიაში“ „ფოტოდერმატოლოგიისა და კანის კიბოს მეორე საერთაშორისო ტრანსკავკასიური კონგრესი – ITC-2016“ ჩატარდა.

სამ დღიან ღონისძიებაზე ლექტორებად და ტრენერებად მიწვეული იყვნენ დარგის საერთაშორისო ექსპერტები, საუნივერსიტეტო კლინიკების ხელმძღვანელები და პროფესორები საქართველოდან, უკრაინიდან, რუსეთიდან, იტალიიდან, გერმანიიდან, ბელგიიდან, აშშ-დან, ლიტვიდან, ლატვიიდან, სამხრეთ აფრიკიდან და სხვა. მოხსენებებით გამოსვლის საშუალება მიეცათ ახალგაზრდა მეცნიერებსაც, რომელთაგან სამი საუკეთესო დაჯილდოვდა სპეციალური გრანტით.

კონგრესის ფარგლებში ჩატარდა პრაქტიკული კურსები, თემატური სემინარები, პლენარული სხდომები და ცოცხალი დემონსტრაციები.

კონგრესს მხარი დაუჭირეს პრესტიჟულმა საერთაშორისო ოგანიზაციებმა – „დერმატოლოგთა საერთაშორისო საზოგადოებამ“ (ISD), დერმოსკოპიის საერთაშორისო საზოგადოებამ“ (IDS), პანევროპულმა კომპანიამ “ევრომელანომამ”. ამასთან ITC-2016-ს, როგორც წლის მნიშვნელოვან სამეცნიერო ღონისძიებას, მიენიჭა შოთა რუსთაველის ეროვნული სამეცნიერო ფონდის გრანტი, მან წარმატებით გაიარა როგორც ევროპის პოსტდიპლომური განათლების საბჭოს, ასევე საქართველოს ჯანდაცვის სამინისტროს რეგულირების სააგენტოს აკრედიტაცია.

„ფოტოდერმატოლოგიისა და კანის კიბოს მეორე საერთაშორისო ტრანსკავკასიური კონგრესი – ITC-2016“-ის დასრულების შემდეგ, ქართველ და უცხოელ მსმენელებს საერთაშორისო სერტიფიკატები გადაეცათ.

 

წყარო:  http://www.ciu.edu.ge/

მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

სრულად ნახვა
ედიცინა

2030 წლისთვის კიბოთი წელიწადში 5,5 მილიონი ქალი გარდაიცვლება

woman

 

2030 წლისთვის კიბოთი წელიწადში 5,5 მილიონი ქალი გარდაიცვლება, ამის შესახებ ამერიკის კიბოს საზოგადოების (ACS) მიერ სამშაბათს, პარიზში გამართულ კიბოს მსოფლიო კონგრესზე წარდგენილ მოხსენებაშია ნათქვამი.

ეს კი იმას ნიშნავს, რომ დაახლოებით ოც წელში კიბოთი გარდაცვალების შემთხვევები 60 პროცენტით მოიმატებს.

ამერიკის კიბოს საზოგადოების კვლევის თანახმად, ყველაზე მაღალი მაჩვენებელი ღარიბ და საშუალო შემოსავლის მქონე ქვეყნებში მცხოვრებ ქალბატონებში დაფიქსირდება.

ღარიბ ქვეყნებში კიბოს გაცილებით ნაკლები შემთხვევების დიაგნოზირება და მკურნალობა ხდება, ვიდრე მდიდარში და გაცილებით მეტი ადამიანი იღუპება.

კიბოს კვლევის საერთაშორისო სააგენტოს ინფორმაციით, 2012 წელს ქალებში კიბოს 6,7 მილიონი ახალი შემთხვევა და კიბოსგან გარდაცვალების 3,5 მილიონი  ფაქტი დაფიქსირდა.

კიბოს შემთხვევების 56 პროცენტი და გარდაცვალების შემთხვევების 64 პროცენტი ნაკლებად განვითარებულ ქვეყნებზე მოდის.

„2030 წლისთვის მოსალოდნელია კიბოს შემთხვევების 9,9 მილიონამდე, ხოლო გარდაცვალების შემთხვევების 5,5 მილიონამდე გაზრდა,“ – აღნიშნულია ამერიკის კიბოს საზოგადოების ანგარიშში.

ამერიკის კიბოს საზოგადოების ინფორმაციით, კიბოს შემთხვევების ყველაზე მაღალი პროცენტული მაჩვენებელი ევროპის, ამერიკისა და აზიის მაღალშემოსავლიან ქვეყნებში ფიქსირდება, ეს ნაწილობრივ სკრინინგსა და დიაგნოსტიკაზე უკეთესი ხელმისაწვდომობით არის განპირობებული.

თუმცა გარდაცვალების გაცილებით მაღალი მაჩვენებელია საშუალო და დაბალი შემოსავლების მქონე ქვეყნებში, რაც დიაგნოსტიკასა და მკურნალობაზე შემცირებული ხელმისაწვდომობით აიხსნება.

სიკვდილიანობის ყველაზე მაღალი მაჩვენებელი დაფიქსირდა ზიმბაბვეში, მალავიში, კენიაში, მონღოლეთსა და პაპუა ახალ გვინეაში.

სარძევე ჯირკვლისა და ფილტვის კიბო ყველაზე გავრცელებული სახეობებია როგორც მდიდარ, ისე ღარიბ ქვეყნებში. განვითარებულ ქვეყნებში მესამე ადგილზეა ნაწლავების კიბო, ხოლო ნაკლებად განვითარებულში – საშვილოსნოს ყელის კიბო.

საშვილოსნოს ყელის კიბოს თავიდან აცილება შესაძლებელია კიბოს გამომწვევი პაპილომავირუსის (HPV) საწინააღმდეგო ვაქცინაციის შედეგად, ან რეგულარული პაპანიკოლაუს (PAP) ტესტის მეშვეობით მისი ადრეული დიაგნოსტიკით.

ძუძუს კიბო ყველაზე ხშირად დიაგნოზირებადი კიბოა მსოფლიოს 140 ქვეყანაში, ხოლო საშვილოსნოს კიბო – 39 ქვეყანაში, რომლებიც ე.წ. LMICs (დაბალი და საშუალო შემოსავლის) ქვეყნები არიან.

წყარო: http://www.dailymail.co.uk/

მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ედიცინა

კვერცხი ინსულტისგან დაგიცავთ!

%e1%83%99%e1%83%95%e1%83%94%e1%83%a0%e1%83%aa%e1%83%ae%e1%83%98

მეცნიერები აცხადებენ, რომ დღეში მხოლოდ ერთი კვერცხის მოხმარება ინსულტის რისკს 12 პროცენტით ამცირებს.

აშშ-ის  მეცნიერების მიერ ჩატარებული კვლევა ადასტურებს, რომ კვერცხის ყოველდღიურად ჭამა გულის კორონარული დაავადებისგან გვიცავს, რომელიც მთელს მსოფლიოში გარდაცვალების წამყვან მიზეზად მიიჩნევა.

მეცნიერები ამ დასკვნამდე იმ კვლევების საფუძველზე მივიდნენ, რომელიც 33 წლის მანძილზე – 1982-დან 2015 წლამდე ჩატარდა და რომლებშიც 275.000 მონაწილე იყო ჩართული.

მათ შეაფასეს, რა კავშირია კვერცხის ჭამასა და გულის კორონარულ დაავადებებს (პლუს ინსულტს) შორის.

„როგორც უკვე ცნობილი და დამტკიცებულია, კვერცხი აქვს კვების ბევრი დადებითი ატრიბუტიკა, მათ შორის ანტიოქსიდანტები, რომელიც უკვე ამცირებს ოქსიდაციურ სტრესსა და ანთებას. ის ასევე ცილის შესანიშნავი წყაროა, რომელიც არტერიულ წნევას ამცირებს,” – აცხადებს კვლევის წამყვანი ავტორი EpidStat-ის ინსტიტუტის მეცნიერი დომინიკ ალექსანდერი.

ერთი მოზრდილი კვერცხი შეიცავს 6 გრამ მაღალი ხარისხის ცილასა და ანტიოქსიდანტ ლუტეინსა და ზეაქსანტინს, რომელიც აღმოჩენილია კვერცხის გულში, ასევე E, D,და A ვიტამინებს.

ვიტამინი E კი, როგორც ცნობილია, ამცირებს მომავალში გულის შეტევის რისკს, ხოლო ლუტეინი არტერიებს დაბინძურებისგან იცავს.

კვლევის შედეგები სამეცნიერო ჟურნალ American College of Nutrition-ში გამოქვეყნდა.

 

წყარო: Dailymail

თამარ ტაბატაძე

სრულად ნახვა
ედიცინა

ექიმები დიფთერიის ეპიდემიის გავრცელების საშიშროებაზე საუბრობენ

22

ვენესუელელი ექიმები დიფთერიის ეპიდემიის გავრცელების საშიშროებაზე საუბრობენ. ისინი მოუწოდებენ ხელისუფლებას, რომ ვაქცინებსა და ანტიბიოტიკებზე ხელმისაწვდომობა გაზარდონ.

ადგილობრივი მედია და ოპოზიცია ირწმუნება, რომ დაავადებამ ბოლო პერიოდში ოცამდე ადამიანის სიცოცხლე შეიწირა.

დიფტერია ინფექციური დაავადებაა, რომელიც მიმდინარეობს ორგანიზმის ძლიერი ინტოქსიკაციით, ყელისა და სასუნთქი გზების ანთებით. იგი შესაძლოა გართულდეს ხორხის შეშუპებითა და სუნთქვის გაძნელებით, გულისა და თირკმელების დაზიანებით. ჯანდაცვის მსოფლიო ორგანიზაციის ინფორმაციით, დიფთერიის ლეტალური დასასრულის ალბათობა 5-10%-ს შეადგენს.

ქვეყნის ადგილობრივი მედია ოპოზიციონერ კანონმდებელ მანუელ ოლივარესზე დაყრდნობით იუწყება, რომ დიფტერიის შედეგად გარდაცვლილთა რიცხვი ოცდაორს აღწევს. ნიკოლას მადუროს მემარცხენე მთავრობამ ყოველკვირეული ჯანდაცვის სტატისტიკის გამოქვეყნება შეწყვიტა.

მმართველი პარტიის წარმომადგენელი, ბოლივარის გუბერნატორი აცხადებს, რომ ჯერ-ჯერობით დიფტერიის არცერთი დადასტურებული შემთხვევა დაფიქსირებულა, თუმცა სახელმწიფომ მოსახლეობის ვაქცინაცია დაიწყო.

“ვაქცინის 400,000 დოზა ბოლივარში უკვე ჩამოტანილია, რითაც ყველა მოქალაქის ვაქცინაცია იქნება შესაძლებელი,”  წერს გუბერნატორი ფრანცისკო რენგელი Twitter-ზე და იმ ძალებს აკრიტიკებს, რომლებიც „პანიკის“ დათესვას ცდილობენ.

დიფტერია ბავშვთა სიკვდილიანობის ერთ-ერთ უმთავრეს მიზეზს წარმოადგენდა. თუმცა დღეს განვითარებულ ქვეყნებში ძალზედ იშვიათ დაავადებას წარმოადგენს.

წყარო: Reuters
მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
ვლევებიედიცინაიმია

შაქარი ისეთივე ზიანს აყენებს ტვინს, როგორსაც ძალადობა

არა შაქარს

ის, რომ ნებისმიერი დიეტის დროს შაქრის რაოდენობდა უნდა შევამციროთ, უკვე კარგა ხანია ყველამ კარგად ვიცით. ისიც აღარაა სადავო, რომ კოლა და ლიმონათი ჩვენი წელის ხაზისა და სტომატოლოგიური ჯანმრთელობისთვის სახარბიელო არაა.

შაქრის მავნებლობის კვლევას მეცნიერები კვლავ განაგრძობენ. მკვლევართა ერთმა ჯგუფმა ახალი გამოკვლევა ჩაატარა, რომელიც ამტკიცებს, რომ შაქრიანი სასმელი ადამიანის ტვინს ისეთივე ზიანს აყენებს, როგორსაც უკიდურესი სტრესი ან ძალადობა.

ცხოვრების ადრეულ ეტაპზე გადატანილი მთელი რიგი საზიანო შემთხვევები, როგორიცაა :  უბედური შემთხვევები, ბუნებრივი კატასტროფები, ფიზიკური, სექსუალური და ემოციური ძალადობა; ოჯახური ძალადობა და დანაშაულის მსხვერპლად ყოფნა – იწვევს სტრესის ძირითადი ჰორმონის, კორტიზოლის მომატებას.

არსებობს მტკიცებულება, რომ ბავშვობაში ცუდი მოპყრობა ტვინის მოცულობის შემცირებასთანაა დაკავშირებული და ეს ცვლილებები შეიაძლოა უკავშირდებოდეს მღელვარებასა და შიშს.

მეცნიერებმა ვირთხებზე დაკვირვება ჩაატარეს და აღმოჩნდა, რომ შაქრიანი სასმელის მიღება ადრეულ ასაკში გადატანილი სტრესის შედეგად ტვინზე დატოვებულ კვალს კიდევ უფრო აღრმავებს.

 ექსპერიმენტში მონაწილე ვირთხების ნახევარი შეზღუდულ ბუდეში მოათავსეს დაბადებიდან 2-9 დღის განმავლობაში. შემდეგ ისინი ნორმალურ საწოლს დაუბრუნეს ძუძუდან მოცილების პერიოდამდე.

ამის შემდეგ ვირთხების ნახევარს შეუზღუდავად აწვდიდნენ უცხიმო საჭმელს და სასმელ წყალს, ხოლო დანარჩენებს საჭმელი, წყალი და 25 პროცენტიანი შაქრიანი წყალი, რომელიც შეეძლო დასალევად აერჩიათ.

ორივე ჯგუფის ვირთხები მოიხმარდნენ შაქარს და ექსპერიმენტის დროს მეტი კალორია მიიღეს. როდესაც ვირთხები 15 კვირის გახდნენ, მკვლევარებმა მათი ტვინები შეამოწმეს.

როგორც ვიცით,  ცხოვრების ადრეულ ასაკზე გადატანილი სტრესი გავლენას ახდენს ფსიქიკურ ჯანმრთელობასა და ფუნქციაზე, ამიტომ მეცნიერებმა შეისწავლეს ტვინის ნაწილი, რომელსაც ჰიპოკამპუსს უწოდებენ და რომელიც მეხსიერებისა და სტრესისთვისაა მნიშვნელოვანი.

ექსპერიმენტის დროს ვირთხების ოთხი ჯგუფი შეისწავლეს- კონტროლირებული (არა სტრეს გადატანილი), კონტროლირებადი ვირთხები, რომლებმაც სასმელი შაქრიანი წყალი დალიეს, ვირთხები, რომლებიც სტრესისგან დაუცველები იყვნენ, და ვირთხები, რომლებიც სტრესისგან დაუცველები იყვნენ და შაქრიანი წყალი დალიეს.

კვლევამ აჩვენა, რომ შაქრის ქრონიკული მოხმარება იმ ვირთხებში, რომლებსაც სტრესი გადატანილი არ ჰქონდათ, წარმოშობდა ისეთივე ცვლილებებს ჰიპოკამპუსში, რაც წარმოიქმნებოდა იმ ვირთხების ჰიპოკამპუსში, რომლებსაც სტრესი გადატანილი ჰქონდათ, მაგრამ შაქრიან წყალს არ სვამდნენ.

შაქარი და სტრესი ერთნაირად ამცირებენ კიდევ ერთ რეცეპტორს, რომელიც ნერვების ზრდისთვისაა საჭირო, Neurod1.

ტვინში შაქრიანი სასმელით გამოწვეული ცვლილებები შემაშფოთებელია, როგორც ჩანს, ის ტვინის განვითარებზე უარყოფითად მოქმედებს. ტკბილ და გაზიან გამაგრილებელ სასმელს კი განსაკუთრებთ დიდი ოდენობით მოიხმარენ ცხრიდან თექვსმეტ წლამდე ასაკის ბავშვები.

მეცნიერები მოუწოდებენ ყველას, რაც შეიძლება შეზღუდონ ყოველდღიურად მოხმარებული შაქრის დოზა.

 

წყარო: Dailymail
მასალა მოამზადა: თამარ ტაბატაძე
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ედიცინა

რატომ ეზრდებათ ქალებს ტვინის მოცულობა?

%e1%83%b0%e1%83%b0%e1%83%b0%e1%83%b0%e1%83%b0%e1%83%b0%e1%83%b0%e1%83%b0%e1%83%b0%e1%83%b0%e1%83%a2%e1%83%a2%e1%83%a2%e1%83%a2%e1%83%a2%e1%83%a2%e1%83%a2

ახლახანს ჩატარებულმა კვლევამ აჩვენა, რომ მენსტრუაციის პერიოდში ქალის ტვინის ნაწილი განსხვავებული ზომის ხდება .
როგორც ლაპიციგის მაქს პლანკის ადამიანის შემეცნებისა და ტვინის მეცნიერებათა ინსტიტუტის მეცნიერები ირწმუნებიან, ესტროგენის დონის მატებასთან ერთად ჰიპოკამი ყოველთვიურად ოდნავ იზრდება და ჰორმონების კლებასთან ერთად მცირდება.
მანამდე ჩატარებული კვლევების შედეგადა დადგენილია, რომ ჰიპოკამი, რომელიც მახსოვრობასა და განწყობაზეა პასუხისმგებელი, გარემო პირობების მიხედვით იცვლის ზომას. მაგალითად, რამდენიმე კვლევამ აჩვენა, რომ ლონდონის ტაქსის მძღოლებს არანორმალურად დიდი ჰიპოკამი აქვთ, ეს კი იმით აიხსნება, რომ მათ ქალაქის უამრავი ქუჩის და ადგილის დამახსოვრება უწევთ. თუმცა ახლახანს ჩატარებული კვლევა პირველია, რომელიც მეცნიერებს აძლევთ საფუძველს ივარაუდონ, რომ ჰიპოკამის ზომა ქალებში რეგულარულად, თვეში ერთხელ, მენსტრუაციის პერიოდში ჰორმონების დონის ცვლილებების ზეგავლენით იცვლება.
აღმოჩენა მეცნიერებმა შემთხვევით, პრემენსტრუალური დისფორიული აშლილობის კვლევის საწყის ეტაპზე გააკეთეს. პრემენსტრუალური სინდრომი არის ფიზიკური და ემოციური სიმპტომების კრებული, რომელიც დაკავშირებულია ქალის მენსტრუალურ ციკლთან და რომელიც ყოველი თორმეტი ქალიდან ერთს აწუხებს. პრემენსტრუალური სიმპტომები ძირითადად ასოცირებულია ლუთეალურ ფაზასთან შესაბამისად იწყება მენსტრუაციამდე და წყდება მენსტრუაციის დაწყებისას ან დამთავრების შემდეგ.
მეცნიერები ვარაუდობენ, რომ მენსტრუაციის პერიოდში ჰიპოკამის ზომის ზრდა ქალების უკეთეს მეხსიერებასა, შემეცნებით ფუნქციას და გარკვევას კი არ უზრუნველყოფს, არამედ შესაძლოა ის ჰორმონალური ცვლილების კომპენსირებასა და ქცევის შენარჩუნებას ემსახურებოდეს.
მეცნიერები აცხადებენ, რომ კვლევის შემდეგი ეტაპი, მის ფარგლებში მეტი ქალის გამოკვლევა უნდა იყოს.

წყარო: http://www.independent.co.uk/

მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
ედიცინა

IARC – ყავა და ბეკონი კიბოს იწვევს! პანიკა თუ რეალობა?

%e1%83%b0%e1%83%b0%e1%83%b0%e1%83%b0%e1%83%b0%e1%83%b0%e1%83%b0%e1%83%91%e1%83%94%e1%83%99%e1%83%9d%e1%83%9c%e1%83%98%e1%83%a7%e1%83%90%e1%83%95%e1%83%90

ჯანდაცვის მსოფლიო ორგანიზაციის კიბოს კვლევის საერთაშორისო სააგენტოს (IARC)  საზოგადოებაში პანიკის გამოწვევაში ადანაშაულებენ.
შეგახსენებთ, რომ კიბოს კვლევის საერთაშორისო სააგენტომ (IARC)   მობილური ტელეფონი, ყავა, დამუშავებული ხორცი და სარეველა ბალახის საწინააღმდეგო გლიფოსატი კიბოს გამომწვევ პროდუქტებად დაასახელა.
თუმცა საკითხზე ჯანმრთელობის ეროვნულ ინსტიტუტი მიიჩნევს (NHI), რომ კიბოს კვლევის საერთაშორისო სააგენტოს დასკვნები ხშირად საფუძველს მოკლებული და დაანდრევია.
აშშ მთავრობის წარმომადგენლები კიბოს კვლევის სააგენტოს მოუწოდებენ, წარმოადგინოს ოფიციალური მტკიცებულება იმის შესახებ, რომ ეს პროდუქტები კანცეროგენებია.
მთავრობის რეფორმების განხილვისა და კონტროლის კომიტეტის თავმჯდომარის თანაშემწემ სააგენტო როიტერსს განუცხადა, რომ აღნიშნულ საკითხზე ჯანმრთელობის ეროვნულ ინსტიტუტი კომიტეტში ბრიფინგს გამართავს.
კიბოს კვლევის საერთაშორისო სააგენტო თავის მხრივ აცხადებს, რომ მათი კვლევა მეცნიერულ კვლევასა და დასკვნებს ეფუძნება.
„ყავის შესახებ 2016 წლის რეპორტი იყო არა უარყოფა, არამედ გადაფასება, რომელიც 25 წლიან სამეცნიერო მტკიცებულებას ეფუძნება,“ – აცხადებს კიბოს კვლევის საერთაშორისო სააგენტოს ხელმძღვანელი ქრის უაილდი.
კიბოს კვლევის საერთაშორისო სააგენტო წინააღმდეგობაშია ევროპის სურსათის უვნებლობის ორგანოსთან, გაეროსა და აშშ რეგულაციებთან Monsanto-ს  მიერ წარმოებულ გლიფოსატთან დაკავშირებით.
IARC ამტკიცებს, რომ გლიფოსატთი „შესაძლო კანცეროგენია“, თუმცა ევროპის სურსათის უვნებლობის ორგანო და სხვა მარეგულირებლები აცხადებენ, რომ ეს ასე არაა.

წყარო:dailymail
მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი “დოქტრინა”

სრულად ნახვა
1 65 66 67 68
Page 67 of 68