close

მედიცინა

ედიცინა

როგორ მოვუაროთ კანს ზამთარში? – დერმატოლოგ მაკა დოღოზაშვილის რჩევები

dermat

კანი სხეულის გარეგანი საფარველია, იგი მექანიკური დაზიანებისგან იცავს შინაგან ორგანოებსა და ქსოვილებს, ასევე ხელს უშლის უცხო ნაწილაკების შეღწევას ორგანიზმში. აქვს თბორეგულატორული ფუნქცია, რაც ნიშნავს იმას, რომ მონაწილეობას იღებს სხეულის ტემპერატურის შენარჩუნებაში, უზრუნველყოფს სითბოს წარმოქმნისა და გაცემის პროცესების წონასწორობას. აგრეთვე, კანში მოთავსებულია რეცეპტორები, რომლებიც აღიქვამენ ტკივილს, სითბოს, სიცივეს, ეს კი საშუალებას იძლევა, რომ ადამიანმა აირიდოს სხვადასხვა დაზიანება. აქვს გამომყოფი ფუნქციაც, კერძოდ, საოფლე ჯირკვლების დახმარებით ორგანიზმიდან გამოიყოფა წყალი, მარილები და შხამიანი ნივთირებები. კანში წარმოიქმნება D ვიტამინი, აგრეთვე, გამომუშავდება მუქი პიგმენტი, რომელიც ულტრაიისფერი სხივებისგან იცავს ორგანიზმს. როგორ შევინარჩუნოთ ჯანსაღი კანი ზამთარში? – ,,დოქტრინას” კითხვებს კლინიკა ,,ჰეალაინისა” და სამედიცინო კორპორაცია ,,ევექსის” დერმატოლოგი, მაკა დოღოზაშვილი, პასუხობს.

 ზამთარში კანი შრება, იქერცლება, კარგავს ტონუსსა და სიმკვრივეს, როგორ მოვუაროთ კანს აღნიშნულ პერიოდში?

ზამთარში სახის კანს განსაკუთრებული მოვლა სჭირდება, რადგან სიცივე და სუსხი აუწყლოებს და კარგავს ტენიანობას, ცივი ჰაერის ზემოქმედების გამო ცხიმის უჯრედები პასიურდება, შესაბამისად, კანი კარგავს სიმკვრივეს. განსაკუთრებით საყურადღებო მშრალი კანის მოვლაა, რადგანაც ამ სეზონზე მას ყველაზე მეტად უჭირს. ტანსაცმლისგან დაუფარავ კანზე –  ხელებსა და სახეზე – სასურველია, ინტენსიური მკვებავი კრემების რეგულარული გამოყენება, რომელთა შემადგენლობაშიც შედის E ვიტამინი, კერამიდები, ცხიმოვანი მჟავები, სელექტიოზა, დემეტიკონი, ქოქოსის ან შის ზეთი და ა.შ.

ტუჩებისა და თვალების გარშემო კანი განსაკუთრებით თხელი და ნაზია, როგორ ავიცილოთ თავიდან აქერცვლა და გამოშრობა?

ტუჩებისა და თვალის ირგვლივი კანის დაცვა აუცილებელია აღნიშნული ზონებისთვის განკუთვნილი კრემ-ბალზამებით. სიმშრალის თავიდან ასაცილებლად საჭიროა დიდი რაოდენობით სითხის მიღება. კანის სიცივისგან დასაცავად გამოიყენება ე.წ. ქოლდ კრემის ხაზი, რომელიც საკმაოდ ბევრ კოსმეტიკურ თუ ფარმაცევტიკულ ქსელს აქვს, მისი გამოყენებისას ხელებისა და სახის კანზე გაორმაგებული დამცავი ლიპიდური გარსი წარმოიქმნება, ეს კი კანს ტენს უნარჩუნებს.

კანის რომელი პათოლოგიები მწვავდება ზამთარში?

ზამთარში ხშირად მწვავდება ისეთი დაავადებები, რომელთაც ახასიათებთ კანის სიმშრალე, მაგალითად: ატოპიური დერმატიტი, სებორეა, ეგზემა, ფსორიაზი და ა.შ. ამის ძირითადი მიზეზი კი კანის გამოშრობაა.

როგორც ხედავთ, აღნიშნულ სეზონზე სწორედ კანი იღებს პირველად დარტყმებს, თუ მას არ მოვუვლით, დაკარგავს ზემოთ ჩამოთვლილ ფუნქციებს და ვიზუალურადაც არასასიამოვნო სანახავი იქნება. გაითვალისწინეთ, სამთო-სათხილამურო კურორტებზე დამატენიანებელ მალამოს აუცილებლად უნდა დაემატოს მზისგან დამცავი კრემი მაღალი SPF (Sun Protected Factor) ფილტრით. ქვიშა მზის სხივების 25%-ს ირეკლავს, თოვლი და წყალი – 80%-ს, სწორედ ამიტომ, ულტრაიისფერი სხივების ნეგატიური შედეგების თავიდან ასაცილებლად აუცილებელია დამცავი კოსმეტიკური საშუალებების გამოყენება.

 

მასალა მოამზადა: ნინი მშვენიერიძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

 

 

სრულად ნახვა
ედიცინა

რევოლუციური თერაპიის რევოლუციური შედეგი: ,,UCART19-ის” საშუალებით ორი ბავშვი ლევკემიისგან განიკურნა

levkemia

განუკურნებელი ლევკემიით დაავადებული ორი ბავშვის ჯანმრთელობის მდგომარეობა გენეტიკურად რედაქტირებული იმუნური უჯრედების ინფუზიის შემდეგ გაუმჯობესდა, ამის შესახებ მეცნიერებმა ხუთშაბათს განაცხადეს.

ლაილა რიჩარდსი პირველი ადამიანია მსოფლიოში, რომელსაც ფრანგული ბიოტექნოლოგიური ფირმა ,,Cellectis-ის”  მიერ შემუშავებული უჯრედული თერაპია – ,,UCART19″  ჩაუტარდა.  იმავე წელს (2015 წელი) და იმავე საავადმყოფოში ( დიდი ბრიტანეთის Ormond Street Hospital) თერაპია ჩაუტარდა მეორე გოგონასაც.

ორივე კურსში ჩართულმა მედიკოსების გუნდმა  თავიანთი ნამუშევრის დეტალები გამოქვეყნა. მათი ინფორმაციით, გოგონების მკურნალობიდან 18 და 12 თვეა გასული და ისინი ჯერჯერობით ლევკემიისგან განკურნებულები არიან.

ლონდონის ჰოსპიტალის იმუნოლოგისტ ვასიმ ქასიმის განცხადებით, ორივე შემთხვევა ცხადყოფს, რომ გენეტიკურად რედაქტირებული უჯრედები ეფექტურად მუშაობს, თუმცა საბოლოო დასკვნის გასაკეთებლად გრძელვადიანი მონიტორინგია საჭირო.

იდეა, რომ გენეტიკურად მოდიფიცირებული უჯრედები კიბოს ანადგურებს, სამედიცინო კვლევის ერთ-ერთი ყველაზე  „ცხელი“ სფეროა.

თუკი მედიკამენტების სხვა მწარმოებლები, როგორიცაა ,,Novartis-ი”, “Juno” და ,,Kite-ი”, იყენებენ დაავადებული პაციენტების უჯრედებს,  “UCART19” ითვალისწინებს ჯანმრთელი დონორის უჯრედების გამოყენებას, რაც აღნიშნულ თერაპიას უფრო იაფს ხდის. ის ასევე ხელსაყრელია იმ პაციენტებისთვის, რომლებსაც მკურნალობის დასაწყებად საკმარისი ჯანმრთელი უჯრედები არ გააჩნიათ.

აღნიშნული თერაპიის რისკი გახლავთ ის, რომ ასეთმა უნივერსალურმა მიდგომამ შესაძლოა ქსოვილით წინააღმდეგ მასპინძელი დაავადება (GVHD) გამოიწვიოს, როდესაც პაციენტის სხეული დონორის უჯრედების წინააღმდეგ რეაგირებს.

მედიკოსთა გუნდის მიერ გავრცელებულ ინფორმაციაში აღნიშნულია, რომ მკურნალობიდან ორი თვის შემდეგ ლაილას კანის GVHD განუვითარდა, თუმცა პრობლემა მას შემდეგ მოგვარდა, რაც პაციენტმა სტეროიდები მიიღო და ძვლის ტვინი გადაუნერგეს.

 

წყარო: Reuters

 მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

სრულად ნახვა
ედიცინაექნოლოგიები

მარკ ცუკერბერგი და მისი ცოლი ხელოვნური ინტელექტით ეპიდემიას ებრძვიან

ap16265572093652

მარკ ცუკერბერგისა და მისი ცოლის, პრისცილა ჩანსის, ორგანიზაციამ შეიძინა ,,Meta” – მკვლევარი მანქანა, რომელიც იყენებს ხელოვნურ ინტელექტს ეპიდემიებთან ბრძოლის საშუალებების მოსაძებნად.

ეს მეთოდი დიდი წარმატების საწინდარია ეპიდემიების დამარცხებისთვის, ,,Meta–ს“ შემქმნელმა – სემ მოინექსმა თავის სოციალურ ქსელში გამოაქვეყნა სტატია, სადაც ლაპარაკია, რომ თუ ეს საშუალება გაამართლებს და იქნება პროდუქტიული, მაშინ ის ხელმისაწვდომი იქნება მეცნიერთა კოლექტივისთვისაც.

მარკ ცუკერბერგმა და მისმა ცოლმა 3 მილიარდი დააბანდეს ამ პროექტში, ნელ–ნელა იხვეწება ეს ახალი მეთოდი და სამომავლოდ მსოფლიოში აღარ იქნება ეპიდემიებთან ბრძოლა ისეთი რთული, როგორიც იყო და არის.

 

წყარო: business insider

 მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ედიცინა

ვირთხის ვირუსის შემთხვევებმა სპეციალისტების შეშფოთება გამოიწვია

ვირთხა

შეერთებულ შტატებში იშვიათი ვირთხის ვირუსით რვა ადამიანი დაინფიცირდა.

„სეულის ვირუსის“ სახელწოდებით ცნობილი დაავადება ჰემორაგიულ ცხელებასა და თირკმლის დაავადებას იწვევს.

ჯანდაცვის ოფიციალური პირების განცხადებით, მიუხედავად იმისა, რომ ინფიცირებულთა რიცხვი დიდი არაა, ვირთხის დაავადების აშშ-ში გამოვლინება შემაშფოთებელი ფაქტია.

ოფიციალური ინფორმაციის თანახმად, რვავე დაავადებულს პირდაპირი კონტაქტი ჰქონდათ ვირთხებთან. სეულის ვირუსი ადამიანიდან ადამიანზე არ გადადის.

დაავადების სიმპტომებია : ცხელება, შემცივნება, გულისრევა, სხვადასხვა სახის ტკივილი და  კანის გაღიზიანება. თუმცა, სიმპტომები ყველა ინფიცირებულს არ აღენიშნება.

ვირუსის გადაცემა ველური ნორვეგიელი ვირთხებით ხდება. ის სხვა სახის ცხოველზე არ გადადის.

როგორც წესი, პაციენტები ინფიცირდებიან, როდესაც მათ კონტაქტი აქვთ დაინფიცირებული ორგანიზმის სითხეებთან, როგორიცაა სისხლი, ნერწყვი, შარდი. ვირუსი გადადის მღრნელების ნაკბენისგანაც.

ვირუსი ყველაზე ხშირად აზიაში იჩენს თავს.

ექსპერტები სეულის ვირუსის მიმართ განსაკუთრებულ სიფრთხილეს იჩენენ, რადგან ის მომაკვდინებელი ჰანტავირუსის მონათესავე დაავადება გახლავთ. ჰანტავირისული ფილტვისმიერი სინდრომი არის ინფექციური დაავადება, რომელიც ხასიათდება გრიპის მსგავსი სიმპტომებით და შეიძლება სწრაფად გამოიწვიოს სიცოცხლისთვის საშიში სუნთქვის პრობლემები.

ჰანტავირუსების მრავალ ტიპს შეუძლია გამოიწვიოს ჰანტავირისული ფილტვისმიერი სინდრომი. ვირუსები გადააქვთ მღრნელებს, განსაკუთრებით ირმის თაგვს. დაინფიცირების ძირითადი გზაა მღრნელების შარდითა და განავლით ჰაერში მოხვედილი ჰანტავირუსების ჩასუნთქვა.

 

წყარო: Dailymail

მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ედიცინა

უკრაინაში „სამი მშობლის“ შვილი გაჩნდა

i

უკრაინაში სამი ადამიანის მონაწილეობით განხორციელებული ინ-ვიტრო განაყოფიერების გზით ჩვილი გაჩნდა.

როგორც გამოცემა, ,,The Times-ი”  იუწყება, ეს სამი მშობლის მონაწილეობით ინ-ვიტრო განაყოფიერების ერთ-ერთი მეთოდის, ე.წ. ემბრიონის მეთოდის, გამოყენების პირველი შემთხვევაა.  აღნიშნული ტექნოლოგია მოიცავს ორი კვერცხუჯრედის – ერთი დედის, მეორე მდედრი დონორის – განაყოფიერებას მამის სპერმით ინ-ვიტრო ფერტილიზაციის მეშვეობით. პრონუკლეუსი, რომელიც შეიცავს მამრისა და მდედრის ბირთვულ დნმ-ს, ორივე ემბრიონს შორდება. დონორის კვერცხუჯრედისგან ამოღებული პრონუკლეუსი ნადგურდება, ხოლო მომავალი დედისა და მამის პრონუკლეუსი თავსდება დონორის ემბრიონში.

5 იანვარს დაბადებული ჩვილი მსოფლიოში მეორე „სამი ადამიანის“ შვილია. პირველი ასეთი ბავშვი მექსიკაში შარშან დაიბადა.

ექიმებმა სამი ადამიანის მონაწილეობით განხორციელებული ინ-ვიტრო განაყოფიერების მეთოდი გენეტიკური მიტოქონდრიული დაავადების დედიდან ჩვილზე გადაცემის რისკის თავიდან ასაცილებლად განავითარეს. განაყოფიერების დროს დედისა და დონორის  კვერცხუჯრედის შერწმყმა ხდება და ჯანმრთელი კვერცხუჯრედი მიიღება.  ამ მეთოდის შედეგად  დაბადებულ ბავშვებს სამი ადამიანის დნმ აქვთ -დედის, მამის და ძალიან უმნიშვნელოდ დონორის კვერცხუჯრედის.

ბრიტანეთმა აღნიშნული მეთოდის გამოყენებისთვის შესაბამისი კანონი უკვე მიიღო. პირველი ბრიტანელი სამი მშობლის ბავშვი 2017 წელს გაჩნდება.

 

წყარო:  BBC

მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ედიცინასიქოლოგია

მეცნიერები დეპრესიის წინააღმდეგ ბრძოლის ახალ გზას გვთავაზობენ

al

ადამიანებს, რომლებიც დეპრესიისგან განიკურნენ, მაგრამ მეხსიერებაზე, კონცენტრაციასა და შემეცნებით ფუნქციაზე მის დეპრესიისგან დატოვებულ კვალს ებრძვიან, სტიმულანტი მოდაფინილი დაეხმარებათ.

ამის შესახებ მეცნიერები იმ კვლევაზე დაყრდნობით იუწყებიან, რომლის შედეგებიც საზოგადოებისთვის სამშაბათს გახდა ცნობილი.

მედიკამენტი მოდაფინილი ჩვეულებრივ ძილის ისეთი დარღვევების დროს ინიშნება, როგორიცაა ნარკოლეფსია.  კემბრიჯის უნივერსიტეტის მკვლევარები ამტკიცებენ, რომ მედიკამენტი მნიშვნელოვნად აუმჯობესებს მეხსიერებას და ეფექტურია დეპრესიის აღმოსაფხვრელად.

ისინი აცხადებენ, რომ დეპრესიის მკურნალობისას პაციენტები და ექიმები განწყობის გაუმჯობესებაზე არიან ფოკუსირებული და არ ითვალისწინებენ ისეთ მნიშველოვან ფაქტორს, როგორიცაა დეპრესიის ზეგავლენას თავის ტვინზე.

„შეცნებითი დისფუნქცია არის დეპრესიის მკურნალობის არასათანადოდ გათვალისწინებული ფაქტორი. ადამიანები ხშირად მიმართავენ ფსიქიატრებს მეხსიერებასთან დაკავშირებული ჩივილებით. ჩვენმა კვლევამ აჩვენა, რომ შესაძლოა, მოდაფინილი გამოსავალი იყოს,“ – აცხადებენ კემბრიჯის უნივერსიტეტის მეცნიერები, რომლებმაც კვლევის ფარგლებში 60 დეპრესიის დიაგნოზით ნამკურნალევი  ადამიანი გამოიკვლიეს და აღმოაჩინეს, რომ მათ, ვინც  გარკვეული პერიოდის განმავლობაში მოდაფინილი მიიღეს, მეხსიერებასთან დაკავშირებული უმნიშვნელო პრობლემები ჰქონდათ განსხვავებით იმათგან, ვინც აღნიშნულ მედიკამენტს არ ღებულობდა.

ჯანდაცვის მსოფლიო ორგანიზაციის შეფასებით, დეპრესია საზოგადოებრივი ჯანდაცვის ნომერ პირველ პრობლემაა, რომლითაც მსოფლიოს მასშტაბით 350 მილიონი ადამიანია დაავადებული. ორგანიზაცია ყველა ქვეყანას მოუწოდებს, დაავადების წინააღმდეგ ბრძოლას მეტი ყურადღება დაუთმონ.

 

წყარო: Reuters

მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

სრულად ნახვა
ედიცინა

ჩინელი „ნიღბიანი ბიჭი“ – უიშვიათესი ეფექტისგან გამოწვეული „ორმაგი სახე“

chinas

 

პატარა ჩინელი ბიჭის ბედით, რომელიც უიშვიათესი დაავადების გამო „ნიღბიანი სახით“ დაიბადა, მილიონობით ადამიანი დაინტერესდა.

 

7 წლის ჰუაკინგს, დეფორმირებული სახის გამო, მედიამ „ნიღბიანი ბიჭი“ შეარქვა.

ის 2009 წლის 4 მარტს სამხრეთ ჩინეთში მდებარე ჰუნანის პროვინციაში დაიბადა. თავდაპირველად ექიმები დედას ახალშობილს არ აჩვენებდნენ, მაგრამ 23 წლის ი ლიანხის დაჟინებული მოთხოვნის შემდეგ, მას შვილის ნახვის შესაძლებლობა მისცეს. „როცა მას შევხედე, გავოგნდი, სხეულს ვეღარ ვგრძნობდი,“ – იხსენებს ი ლიანხი.  მისი ინფორმაციით, ორსულობის პერიოდში სამი ულტრაბგერითი სკანირება და ერთი დოპლერული ულტრაბგერითი სკანირება ჩაიტარა, თუმცა დეფორმაცია ვერ აღმოაჩინეს.

ბიჭმა საზოგადოებისა და პრესის ყურადღება მას შემდეგ მიიპყრო, რაც დედამ ერთი წლის შვილი ღარიბი სოფლიდან, სადაც ოჯახი ცხოვრობს, ჩანგშას სამხედრო ჰოსპიტალში სამკურნალოდ ჩაიყვანა.

ჰუაკინგის ექიმის ინფორმაციით, საავადმყოფოში მიყვანისას ბიჭის მდგომარეობა ძალიან იშვიათი და ძალიან მძიმე იყო. „დაზიანებული იყო არა მხოლოდ რბილი ქსოვილები, არამედ დროებითი ძვალი, ნიკაპის ძვლები და მთლიანი ზედა ყბა.“

ბიჭს ძვირადღირებული ოპერაციები საზოგადოებიდან შემოწირული თანხით გაუკეთდა. ექიმები აცხადებენ, რომ ორივე ოპერაციამ წარმატებით ჩაიარა. თუმცა ბიჭის ბედი ჯერჯერობით გაურკვეველია, მედიკოსების ინფორმაციით, ჰუაკინგს დახლოებით 10-წლიანი ლოდინი დაჭირდება იმისათვის, რომ გაიგონ, დაიწყებს თუ არა მისი სახის ძვლები ნორმალურ ზრდას.

წყარო: Dailymail

 

 მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ედიცინა

გოგოა თუ ბიჭი? – მეცნიერები სქესის გამოცნობის ახალ გზას გვთავაზობენ

patara

ბავშვის სქესის გამოცნობის შესახებ უამრავი მითი არსებობს.

კანადელი მეცნიერები ირწმუნებიან, რომ დაუბადებელი ბავშვის სქესის გამოცნობის გზა ქალის სისხლის წნევაზე დაკვირვებაა.

მათ, ვისაც ორსულობის პერიოდში ჰიპერტენზია აწუხებთ, დიდი ალბათობით, ბიჭი გაუჩნდებათ.

ტორონტოში მდებარე სინას საავადმყოფოს მეცნიერებმა გამოიკვლიეს, არის თუ არა სისხლის წნევა ჩვილის სქესის განმსაზღვრელი. მათ გამოიკვლიეს 1 411 ჩინელი ქალბატონი, რომლებიც უახლოეს მომავალში ბავშვის გაჩენას გეგმავდნენ. ამ ქალბატონებს დაორსულებამდე და ორსულობის პერიოდში უზომავდნენ სისხლის წნევას, ქოლესტერინის, ტრიგლიცერიდებისა და გლუკოზის დონეს. მათ აღმოაჩინეს, რომ იმ ქალბატონებმა, რომლებსაც დაორსულებამდე მაღალი არტერიული წნევა ჰქონდათ, ბიჭები გააჩინეს.

„ადამიანებში, სქესის ნაყოფს განსაზღვრავს გამანაყოფიერებელი სპერმის ქრომოსომას სქესი. დედის სისხლის წნევა დაორსულებამდე აქამდე არაღიარებული ფაქტორია, რომელიც შესაძლოა ნაყოფის სქესის განმსაზღვრელი იყოს,“ – აცხადებს კვლევის ავტორი დოქტორი – რავი რეტნაკარანი. მისი თქმით, კვლევის შედეგები შესაძლოა განსაკუთრებით პრობლემატური და პოტენციურად სახიფათო იყოს იმ საზოგადოებაში, რომელიც უპირატესობას ამა თუ იმ სქესის დაბადებას.

კვლევაში, რომელიც სამეცნიერო ჟურნალ ,,Hypertension-ში” გამოქვეყნდა, რეტნაკარანი აღნიშნავს, რომ არსებობს დედის წნევის ხელოვნურად მანიპულირების საფრთხე.

მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ედიცინა

იწვევს თუ არა ,,ნუტელა” კიბოს?

ნუ

,,ნუტელას” (Nutella) მწარმოებელი ფირმა ,,ფერერო” (Ferrero) აცხადებს, რომ ბრალდებები, თითქოს მათი პროდუქტის ინგრედიენტ –  პალმის ზეთი –  კიბოს იწვევს, უსაფუძვლოა.

მაისში ევროპის სურსათის სტანდარტების ორგანომ გამაფრთხილებელი განცხადება გაავრცელა იმის შესახებ, რომ ზეთის საკვებ ფორმაში აღმოჩენილი დამბინძურებლები კანცეროგენულია. ორგანიზაციის მტკიცებით, პროდუქტის ზომიერად გამოყენებაც კი ბავშვებში კიბოს რისკს ზრდის და საბოლოო მონაცემების არარსებობის გამო, ნუთელას მოხმარება არცერთ დონეზე არ შეიძლება უსაფრთხოდ ჩაითვალოს.

ევროპის სურსათის სტანდარტების ორგანოს ამ განცხადებამ პროდუქტის გაყიდვები 3 პროცენტით შეამცირა, რადგან მომხმარებელთა ნაწილმა მას ბოიკოტი გამოუცხადა.

პალმის ზეთის პროდუქტებს ბოიკოტი გამოუცხადა და გაყიდვიდან ამოიღო რამდენიმე უმსხვილესმა სუპერმარკეტმა.

ამის საპასუხოდ, ,,ფერერომ” სარეკლამო კამპანია დაიწყო, იმის დასამტკიცებლად, რომ მისი პროდუქტები სრულიად უსაფრთხოა მომხმარებლებისთვის. კომპანია ირწმუნება, რომ ,ნუტელას” წარმოებაში პალმის ზეთის შენარჩუნება მაღალი ხარისხის და არა ხარჯების შესანარჩუნებლად ხდება.

„პროდუქტის პალმის ზეთის გარეშე დამზადება [პალმის ზეთის] დაბალი ხარისხის ჩამნაცვლებელს ნიშნავს. ეს კი უკან გადადგმული ნაბიჯი იქნება,“ – განაცხადა ფერეროს შესყიდვების მენეჯერმა ვინჩენტო ტაპელამ საინფორმაციო სააგენტო როიტერსთან საუბრისას.

სააგენტო ,,როიტერის” გამოთვლით, შემცვლელი ზეთები, მაგალითად მზესუმზირის ან რაფსის თესლის/rapeseed/ ზეთი პროდუქციის წარმოებას დაახლოებით 22 მილიონი აშშ დოლარით გააძვირებს.

პალმის ზეთის კიბოსთან დაკავშირება glycidyl fatty acid esters-ის (GE) გამო მოხდა. კიბოს ცენტრის ინფორმაციით, გლიციდილი, არის ცხიმოვანი მჟავა, რთული ეთერზეთი, რომელიც პალმის ზეთისგან იწარმოება, როდესაც ის 200 გრადუსზე ზემოთ თბება.

„არსებობს მტკიცებულებები, რომ გლიციდილი არის გენოტოქსიკური და კანცეროგენული, ამიტომ არ არის ის უსაფრთხო,“-განაცხადა  ,,CONTAM-ის” ხელმძღვანელმა, ჰელე კნუტსენსმა.

როგორც ცნობილია, დამაბინძურებლები გვხვდება სხვა მცენარეულ ზეთებშიც, მარგარინში და დამუშავებულ საკვებში, მაგრამ პალმის ზეთი ამ მხრივ განსაკუთრებით საშიშია.

გლიციდილის ცხიმოვანი მჟავის შესახებ შეშფოთება გამოხატეს მსოფლიო ჯანდაცვის ორგანიზაცამ და გაეროს სურსათისა და სოფლის მეურნეობის ორგანიზაციამ, თუმცა გაფრთხილება მისი მოხმარების შეჩერების შესახებ მალევე შეწყვიტეს.

ნოემბერში, AMNESTY INTERNATIONAL-მა გამოთქვა შეშფოთება იმასთან დაკავშირებით, რომ COLGATE-PALMOLIVE, KELLOGG, NESTLE, PROCTER&GRAMBLE, RECKITT BENCKIESER  და UNILEVEL  წარმოებაში იყენებდნენ პალმის ზეთს, ინდონეზიის პლანტაციებში, სადაც სახიფათო პირობებში 8 წლამდე ბავშვები მუშაობდნენ.

,,AMNESTY INTERNATIONAL-ის” ინფორმაციით, ბავშვებს 25 კილოგრამზე მეტი წონის პალმის ხილით დატვირთული ტომრების ტარება უწევდათ.

პალმის ზეთი უკვე დიდი ხანია გარემოს დეგრადაციას უკავშირდება. ის ასევე დაკავშირებულია ტყის მასობრივ გაჩეხვასთან, რამაც ორანგუტანების დაკარგვა გამოიწვია.

როგორც ,,ფერეროში” აცხადებენ, ისინი პალმის ზეთს მრგვალი მაგიდის მიერ დამოწმებული სტანდარტების მიხედვით მოიპოვებენ.

 

წყარო: http://www.independent.co.uk/

მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ედიცინა

მეცნიერებმა ადამიანის ორგნიზმში ახალი ორგანო აღმოაჩინეს

ჯორჯალი

ადამიანის ორგანიზმში, კონკრეტულად კი მომნელებელ სისტემაში, ირლანდიელმა მეცნიერებმა ახალი ორგანო აღმოაჩინეს. ჯორჯალის სახელწოდების ორგანოს ფუნქციონირება ჯერჯერობით შესწავლილი არ არის.   

 

დღემდე მეცნიერები ვარაუდობდნენ, რომ ეს ორგანო მხოლოდ და მხოლოდ საჭმლის მომნელებელი სისტემის რამდენიმე დანაწევრებული სტრუქტურა იყო, თუმცა ლიმერიკის უნივერსიტეტის მეცნიერებმა დაადგინეს, რომ ჯორჯალი ერთი მთლიანი ორგანოა. ამ ახალი ორგანოს აღმოჩენით ადამიანის სხეულში ორგანოთა რაოდენობა 97-მდე გაიზარდა.

მიუხედავად იმისა, რომ მისი ფუნქცია ჯერ კიდევ გაურკვეველია, ლიმერიკის უნივერსიტეტის მკვლევარი – კელვინ კოფი, აცხადებს, რომ ეს აღმოჩენა არის „მეცნიერების ახალი სფერო.“

„როდესაც ჩვენ მას ისე მივუდგებით, როგორც ყველა სხვა ორგანოს, შეგვიძლია მუცლის დაავადება მის მიხედვით დავაჯგუფოთ. ჩვენ უკვე დავადგინეთ ანატომია და სტრუქტურა. შემდეგი ნაბიჯი არის ფუნქცია. თუ გესმის ფუნქცია, შეგიძლია გამოიცნო პათოლოგიური ფუნქცია, ეს კი იმას ნიშნავს, რომ გაქვთ დაავადება,“ – აღნიშნა მან.

„დაალაგეთ ისინი ყველა ერთად და თქვენ გაქვთ ჯორჯლის მეცნიერების სფერო.“

პროფესორი კოფის კვლევა სამედიცინო ჟურნალ Lancet-ში გამოქვეყნდა.

ორგანო თავდაპირველად 1508 წელს ლეონარდო და ვინჩმა აღწერა, თუმცა ის საუკუნეების მანძილზე იგნორირებული იყო.

 

წყარო:  http://www.independent.ie/irish

მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

სრულად ნახვა
1 65 66 67 68 69 71
Page 67 of 71