close

მედიცინა

მედიცინა

ადამიანები, რომლებსაც საშუალო ასაკის შემდეგ მუცლის არეში ცხიმი აქვთ დაგროვებული, დემენციის განვითარების მაღალი რისკის ქვეშ არიან

1.32K views on

ის ადამიანები, რომლებსაც საშუალო ასაკის შემდეგ მუცლის არეში ცხიმი აქვთ დაგროვილი, დემენციის განვთარების უფრო მაღალი რისკის ქვეშ არიან და ეს რისკი კიდევ უფრო მაღალია ქალებში,- ამის შესახებ ნათქვამია კვლევაში, რომლის შედეგები ჟურნალ International Journal of Epidemiology-ში გამოქვეყნდა.

კვლევის თანახმად, 50 წელს გადაცილებულ ქალებსა და მამაკაცებს,  რომლებსაც  მუცლის არეში ცხიმი აქვთ დაგროვილი, დემენციის განვითარების 28 პროცენტით უფრო მაღალი რისკის ქვეშ არიან იმათთან შედარებით, ვისაც წელის ნორმალური გარშემოწერილობა აქვთ. ქალების შემთხვევაში კი ეს მაჩვენებელი 39 პროცენტია.

„მუცლის ცხიმის გაზრდასთან ერთად ტვინში, მეხსიერების ცენტრი მცირდება,“- აცხადებს ნიუ-იორკის ალცჰეიმერის კლინიკის დოქტორი რიჩარდ ისააკსონი.

მისივე თქმით, ადამიანებმა, ვისაც თავიანთი ტვინის სიჯანსაღე სურთ, წელის ზომა უნდა აკონტროლონ.

დემენცია არის სიმპტომების ერთობლიობაა, რომელსაც ტვინის მუშაობის მოშლა იწვევს. ხასიათდება უმაღლესი ქერქული ფუნქციების (მათ შორისაა: მეხსიერება, აზროვნება, ორიენტაცია, შემეცნება, არითმეტიკული უნარი, დასწავლის უნარი, მეტყველება და კრიტიკული ფუნქციები) უმრავლესობის დარღვევებით. ცნობიერება ნათელია. კოგნიტიურ დარღვევებს ხშირად თან სდევს და ზოგჯერ წინაც უსწრებს ემოციათა კონტროლის უნარის დაქვეითება, სოციალური ქცევის ან მოტივაციის დარღვევები.

წყარო : CNN

მასალა მოამზადა: თამარ ტაბატაძემ

ანალიტიკოსთა და მეცნიერთა დარბაზი – ,,დოქტრინა”

სრულად ნახვა
მედიცინა

მეცნიერებმა აუტიზმსა და შემეცნებით შესაძლებლობებს შორის გენეტიკური კავშირი იპოვეს

1.38K views on

დიდ ბრიტანეთში 10 000 ინდივიდის გამოკვლევის შედეგად, მეცნიერებმა აღმოაჩინეს კავშირი აუტიზმისა და ინტელექტის გენეტიკურ რისკ-ფაქტორებს შორის. შედეგების მიხედვით, გენი, რომელიც დაკავშირებული იყო აუტიზმის სპექტრის აშლილობების განვითარებასთან, ასევე დაკავშირებულია ძირითადი პოპულაციის განვითარებულ კოგნიტურ შესაძლებლობასთან, ვისაც არ ახასიათებს მსგავსი სახის აშლილობა. ეს დასკვნები გამოქვეყნდა ჟურნალ „მოლეკულურ ფსიქიატრიაში“.

აუტიზმის სპექტრის აშლილობა (ASD) მოიცავს ისეთ ნევროლოგიურ დარღვევებს, როგორიცაა აუტიზმი და ასპენგერის სინდრომი, რომელიც ხასიათდება კომუნიკაციის სირთულეებით, სოციალური პრობლემებით, განმეორებადი ქცევებით და ობსესიური ინტერესებით.

 

ასევე მნიშვნელოვანი გადაფარვაა ASD-სა და ინტელექტუალურ უუნარობას შორის, რომელიც ახასიათებს 75%-ზე მეტ აუტისტ ინდივიდს, რომელთა არავერბალური IQ 70-ზე დაბალია. თუმცა, ASD შესაძლოა დაფისირდეს ნორმალური ან თუნდაც უმაღლესი არავერბალური ინტელექტის მქონე ინდივიდებთან, რაც საშუალებას აძლევს მათ გადაჭრან პრობლემები მსჯელობის უნარით, თუმცა მცირე ენობრივი ფონდის გამოყენებით. ამ დაკვირვებების მიუხედავად, ძალიან მცირე რაოდენობის კვლევა ცდილობდა ინტელექტისა და ASD-ის შორის არსებული გენეტიკური გადაფარვის გამოკვლევას.

ამ შეუსაბამობის ცოდნაში გადასატანად ედინბურგის, შოტლანდიის და ქუინსლენდის უნივერსიტეტის მეცნიერებმა გამოიკვლიეს 10000 ინდივიდი, რომელიც შერჩეული იყო შოტლანდიის ძირითადი პოპულაციიდან. კვლევის  მონაწილეებს გაუკეთეს დნმ-ის ანალიზი  და ასევე შეავსებინეს სხვადასხვა ტესტი კოგნიტური შესაძლებლობების გამოსავლენად.

მკვლევრებმა აღმოაჩინეს, რომ ASD-ს გენეტიკური რისკ-ფაქტორი იყო დადებით კორელაციაში ძირითად კოგნიტურ შესაძლებლობასთან, ლოგიკურ მეხსიერებასა და ვერბალურ ინტელექტთან. შემდეგ მკვლევრებმა განახორციელეს იგვე ექსპერიმენტი 921 ინდივიდთან. კიდევ ერთხელ აღმოჩნდა, რომ ASD-ის და ინტელექტის გენებს შორის არსებობს კავშირი.

„ეს კვლევა გვიჩვენებს, რომ აუტიზმის გენები, რეალურად, ანიჭებს გარკვეულ ინტელექტუალურ უპირატესობას მათ, ვისაც ეს გენი გააჩნია, უზრუნველყოფს რომ არ იყვნენ დაზარალებულნი აუტიზმით“. განაცხადა პროფესორმა ნიკ მარტინმა პრესასთან საუბრისას.

„როდესაც ჩვენ დავიწყეთ იმის გაგება, თუ როგორ უკავშირდება გენეტიკური ვარიანტები აუტიზმის მქონე ინდივიდის ტვინის ფუნქციონირებას, ჩვენ ფაქტიურად დავიწყეთ აუტისტური ინტელექტის ბუნების შესწავლა“, აცხადებს წამყვანი მკვლევარი, დოქტორი ტონი-კიმ კლარკი.

წყარო: Science

ანალიტიკოსთა და მეცნიერთა დარბაზი “დოქტრინა”

სრულად ნახვა
ბიოლოგიაკვლევებიმედიცინა

ეპილეფსია – პროფილაქტიკა და პირველადი დახმარება

4.33K views on

ეპილეფსია არის ცენტრალური ნერვული სისტემის დაავადება, როდესაც დარღვეულია თავის ტვინში ნერვული უჯრედების აქტივობა, რაც იწვევს გულყრას. გულყრის დროს ადამიანს შეცვლილი აქვს ქცევა, განიცდის უჩვეულო სიმპტომებს და შეგრძნებებს გონების დაკარგვის ჩათვლით. ეს ეპიზოდური შეტევა შესაძლოა იყოს ხანმოკლე ან ხანგრძლივი.

მსოფლიოში მოსახლეობის 1%-ს (65მლნ) აქვს ეპილეფსია. ასაკის მატებასთან ერთად გამოვლინების სიხშირე მატულობს.

ეპილეფსიის რისკფაქტორია ნებისმიერი მოვლენა, რომელიც ნეირონების (ნერვული უჯრედის) გაღიზიანებას იწვევს, მაგრამ კრუნჩხვა ვუთარდება თუ ადამიანს კრუნჩხვისადმი მზაობა გენეტიკურად მომატებული აქვს.

ეპირეფსიური კრუნჩხვის განვითარებას ხელს უწყობს:

  • ინფექციური და ენდოკრინული დაავადებები
  • მაღალი ტემპერატურა
  • ნარკომანია
  • კვებითი ინტოქსიკაცია
  • ზოგიერთი მედიკამენტი
  • ალკოჰოლი

დისკოტეკა, სადაც რამდენიმე უძლიერესი რისკფაქტორის თანხვედრა ხდება, საუკეთესო გარემოა ეპილეფსიური კრუნჩხვების აღმოცენებისათვის.

პროფილაქტიკა:

ეპილეფსიით დაავადებულთათვის შეტევის თავიდან აცილების მიზნით რეკომენდებულია ცხოვრების რეჟიმის შეცვლა ანუ აუცილებელია მაქსიმალური ინტელექტუალური დატვირთვა, ძილის რეჟიმის დაცვა. ეპილეფსიით დაავადებულნი დიდხანს უნდა იმყოფებოდნენ ჰაერზე, ეკრძალებათ ხანგრძლივად ტელევიზორის ყურება, მზეზე ყოფნა. რეკომენდებული არ არის წყლის სპორტი, ალპინიზიმი და სხვა. სასარგებლოა მსუბუქი, გამაჯანსაღებელი ვარჯიში. ავადმყოფი უნდა ერიდოს უძილობასა და ძლიერ ემოციებს, რეკომენდებული არ არის მუშაობა ღამის ცვლაში, ხმაურიან და დახუთულ შენობაში.

პირველადი დახმარება ეპილეფსიის დროს:

  1. თუკი შესამჩნევია, რომ ადამიანს უნდა დაემართოს შეტევა, აუცილებელია მას შეექმნას უსაფრთხო გარემო, რომ დაცემისგან არ მიიღოს ტრავმა.
  2. აუცილებელია ყველა საგანი, რომელიც არის დაზარალებულის ახლოს, უნდა მოშორდეს. თავქვეშ ამოედოს ბალიში
  3. აუცილებელია შემბოჭავი ტანისამოსი გაიხსნას, რომ სუნთქვაში ხელი არ შეუშალოს ადამიანს.
  4. არ შეიძლება ეპილეფსიის შეტევის დროს ადამიანის დამაგრება (დაჭერა), მიიღებს მოტეხილობას
  5. არ შეიძლება კბილების ძალით გახსნის მცდელობა, ეს მხოლოდ გამოიწვევს კბილების და ყბების ტრავმირებას.
  6. არ არის საჭირო ენის ხელით დაჭერა, დაზარალებული ,,ენას არ ჩაყლაპავს’’.
  7. საჭიროა მიღებული ყველა ტრავმის თვალსაზრისით პირველადი დახმარების გაწევა.
  8. ავადმყოფის ჰოსპიტალიზაცია შეტევის შემდეგ აუცილებელია, თუ ეს იყო პირველი შემთხვევა; შეტევა იყო ზედიზედ რამდენჯერმე; დაზარალებულს აქვს ტრავმები; დაზარალებული გონს ვერ მოდის 10 წთ და მეტი.

 

ანალიტიკოსთა და მეცნიერთა დარბაზი ,,დოქტრინა“

სრულად ნახვა
გამოგონება - ინოვაციამედიცინა

მეცნიერებმა კანის კიბოსგან დამცავი ულტრა მცირე სენსორი შექმნეს

2.37K views on

მეცნიერებმა მზის რადიაციის ამომცნობი პატარა სენსორი შექმნეს, რომელიც სადენისა და ბატარეის გარეშე მუშაობს. ხელსაწყო, რომელიც მხოლოდ ფრჩხილის ზომაა, ადამიანებს საშუალებას აძლევს, გარეთ ყოფნის დროს ულტრაიისფერი გამოსხივება გაზომონ.
ჭარბი ულტრაიისფერი გამოსხივება კანის კიბოს რისკს ზრდის. ექსპერტები ვარაუდობენ, რომ UV-ზე მონიტორინგის განხორციელება დაავადების შემთხვევებს მნიშვნელოვნად შეამცირებს.
არსებულ UV მონიტორინგის ხელსაწყოები ძირითადად ბატარეებზე მუშაობს, რის გამოც მისი გამოყენება ტექნოლოგიურ ინდუსტრიასა და ფართო მასებში გამოყენება შეუძლებელია.
Northwestern Medicine-სა და Northwestern’s McCormick School of Engineering-ის მეცნიერების მიერ ჩატარებული კვლევა ამ საკითხთან დაკავშირებით ახლებურ გამოსავალს გვთავაზობს.
მზის რადიაციის ამომცნობი სენსორი სინათლის სამ სხვადასხვა ტალღას აკონტროლებს, რაც მკვლევარებს საშუალებას აძლევს, სხვადასხვა სახის გამოსხივება გამოყონ.
„ხელსაწყო გამოსაყენებლად მოსახერხებელია, მას დამუხტვა არ ჭირდება, წვიმის წვეთზე ნაკლებს იწონის, M&M-ზე პატარაა და საკრედიტო ბარათზე თხელია. მისი დამაგრება შესაძლებელია ქუდზე, სათვალეზე ან საათზე,“ აცხადებენ მეცნიერები.


წყარო : www.independent.co.uk
მასალა მოამზადა : თამარ ტაბატაძემ 
ანალიტიკოსთა და მეცნიერთა დარბაზი – ,,დოქტრინა”

სრულად ნახვა
კვლევებიმედიცინამსოფლიო

FDA-მა ალცჰაიმერის სამკურნალო პრეპარატს სრული ავტორიზაცია მიანიჭა

276 views on

ამერიკის საკვებისა და მედიკამენტების ადმინისტრაციამ (FDA) ალცჰაიმერის სამკურნალო პრეპარატს სრული ავტორიზაცია მიანიჭა, რაც გულისხმობს, რომ სადაზღვევო კომპანიები ამ პრეპარატით დაავადების მკურნალობის ხარჯების დაფარვას დაიწყებენ.

როგორც გამოცემა ABC წერს, წამალ Leqembi-ის გამოყენება შეეძლებათ დემენციისა და ალცჰაიმერით გამოწვეული სხვა სიმპტომების მქონე ადამიანებს. ესაა პირველი პრეპარატი, რომელმაც აჩვენა, რომ მას დანამდვილებით შეუძლია შეანელოს დაავადებით გამოწვეული კოგნიტური დაქვეითება.

წამლების დამამზადებელმა იაპონურმა კომპანია Eisai-მა თანხმობა იანვარში მიიღო, რაც Leqembi-ის მიერ ნაჩვენებმა შედეგებმა განაპირობა. FDA-მა ეს შედეგები დაადასტურა 1,800 პაციენტზე ჩატარებული კვლევის გადახედვის შემდეგ, რომლის თანახმადაც, მედიკამენტმა 5-თვიანი მკურნალობის ფარგლებში, შეანელა მეხსიერებისა და აზროვნების დაქვეითება.

„ამ კვლევამ დაადასტურა, რომ ეს არის უსაფრთხო და ეფექტური მკურნალობა ალცჰეიმერის დაავადების მქონე პაციენტებისთვის”, – თქვა FDA-ის ნევროლოგიის პრეპარატების დირექტორმა, ტერეზა ბურაჩიომ.

წამლის რეცეპტში შეტანილი იქნება ინფორმაცია და სერიოზული გაფრთხილება, რომ მისმა გამოყენებამ, იშვიათ შემთხვევებში, შესაძლოა, გამოიწვიოს თავის ტვინის შეშუპება და სისხლდენა.

აღსანიშნია, რომ პაციენტები დიდი ხანია ითხოვენ FDA-სგან მიანიჭოს მედიკამენტს სრული ავტორიზაცია, რადგან სადაზღვევო კომპანია Medicare უარს ამბობდა ხარჯების დაფარვაზე, თუ Leqembi-ის ავტორიზაცია არ ექნებოდა.

ახლა კი სადაზღვევო პაკეტში ეს მედიკამენტიც შევა, თუმცა გაგრძელდება მასზე დაკვირვება და ინფორმაციის მოგროვება იმასთან დაკავშირებით, თუ როგორ მუშაობს ის.

ანალიტიკოსთა და მეცნიერთა დარბაზი ,,დოქტრინა”

სრულად ნახვა
გამოგონება - ინოვაციაკვლევებიმედიცინა

ადამიანებზე კბილების ხელახლა გასაზრდელ პრეპარატს გამოცდიან

332 views on

იაპონელი მეცნიერები გეგმავენ, რომ კბილების ხელახლა გასაზრდელად მათ მიერ შემუშავებული თერაპია ადამიანებზე გამოცადონ. როგორც სპეციალისტები ამბობენ, თუ ყველაფერი კარგად წარიმართება, რეგენერაციისთვის საჭირო პრეპარატი 2030 წლისთვის უკვე ხელმისაწვდომი იქნება. ინფორმაციას უცხოური მედია ავრცელებს. 

ჯერ კიდევ 2021 წელს კიოტოს უნივერსიტეტში მომუშავე მკვლევრებმა გამოაქვეყნეს ნაშრომი, რომლითაც ვიგებთ, რომ თაგვებში USAG-1-ის სახელით ცნობილი ცილა კბილების ამოსვლას აფერხებს. ასევე, დადგინდა, რომ ამ ცილის წარმოქმნაზე პასუხისმგებელი გენის გაუვნებლებით მღრღნელებში კბილების რეგენერაცია შედგა.

იმავე გუნდმა სათანადო პრეპარატი შექმნა, რომელიც USAG-1-ის ფუნქციას ბლოკავს და თაგვებში ახალი კბილების გაზრდას უწყობს ხელს. იგივე შედეგი დაფიქსირდა ქრცვინებშიც, რომელთაც ადამიანთა მსგავსი დენტალური მახასიათებლები აქვთ.

ავტორები ფიქრობენ, რომ ცხოველებზე ჩატარებული წარმატებული კლინიკური ცდების შემდეგ, ახლა უკვე ადამიანთა ჯერია. კვლევის ახალი ეტაპის დაწყება 2024 წლის ივლისში იგეგმება.

„ახალი კბილების გაზრდის იდეა ყველა დანტისტის ოცნებაა. ამაზე დამამთავრებელი კურსიდან მოყოლებულია, ვმუშაობ და დარწმუნებული ვიყავი, რომ შედეგს მივაღწევდი. იმედი გვაქვს, მედიკამენტის კლინიკურ გამოყენებამდე გზას გავკვალავთ”, – აცხადებს მეცნიერი კაცუ ტაკაჰაში.

ასაკის მატებასთან ერთად, კბილების დაკარგვის რისკი იზრდება და, სარძევე კბილებისგან განსხვავებით, მათ ახალი წყება აღარ ანაცვლებს. ზემოხსენებული თერაპიით კი შესაძლოა, ე.წ. მესამე თაობის რეგენერაციას მივაღწიოთ. შედეგები იმედის მომცემია და არაა გამორიცხული, პრეპარატი რამდენიმე წელში ფართო გამოყენებისთვის მზად იყოს.

ანალიტიკოსთა და მეცნიერთა დარბაზი ,,დოქტრინა”

სრულად ნახვა
მედიცინასაქართველო

„ყველაზე მებრძოლი და ძლიერი გოგო” – ახალშობილთა რეანიმაციაში გატარებული 5 თვის შემდეგ ათინა დღეს სახლში გააცილეს

322 views on

Bau International Hospital-ი სოციალურ ქსელში საოცარ ისტორიას გვიზიარებს.

ახალშობილი, უსაყვარლესი ათინა, რომელიც სამყაროს ორსულობის 27-ე კვირაზე მოევლინა და მხოლოდ 700 გრამს იწონიდა რეანიმაციაში გატარებული 5 თვის შემდეგ სახლში გააცილეს.

„ჩვენი ნეონატოლოგების გამარჯვების კიდევ ერთი საოცარი ისტორია.

გაიცანით ათინა, ყველაზე მებრძოლი და ძლიერი გოგო.

სამყაროს ორსულობის 27-ე კვირაზე მოევლინა და მხოლოდ 700 გრამს იწონიდა.

ახალშობილთა რეანიმაციაში გატარებული 5 თვის შემდეგ ათინა დღეს სახლში გააცილეს.

ბედნიერ მშობლებთან ერთად დღევანდელი დღე ძალიან ემოციური იყო ჩვენი მედიკოსებისთვისაც, რომლებმაც პატარის გადასარჩენად ურთულესი გზა გაიარეს და ძალიან ბევრი პრობლემის დალევა მოუხდათ.

ბედნიერ და ლაღ მომავალს ვუსურვებთ ჩვენს საყვარელ გოგონას”, – ნათქვამია ტექსტში.

 

ანალიტიკოსთა და მეცნიერთა დარბაზი ,,დოქტრინა”

სრულად ნახვა
კვლევებიმედიცინამსოფლიო

FDA-იმ პირველი ტიპის დიაბეტისთვის უჯრედული თერაპია დაამტკიცა

257 views on

აშშ-ის სურსათისა და წამლების ადმინისტრაციამ (FDA) პირველი ტიპის დიაბეტის სამკურნალოდ უჯრედული თერაპიის გამოყენება დაუშვა. ინფორმაციას უცხოური მედია ავრცელებს. 

საუბარია Lantidra-ზე, უჯრედულ თერაპიაზე, რომელიც პანკრეასის უჯრედების გამოყენებით მზადდება.

ჰიპოგლიკემიის მქონე პაციენტებისთვის შესაფერისი თერაპია სისხლში შაქრის მნიშვნელოვნად დაბალმა დონემ შეიძლება ჰიპოგლიკემია გამოიწვიოს. ეს პირველი მედიკამენტია, რომელიც მათთვის იქნება, ვისაც სისხლში შაქრის დონის რეგულირება ინსულინის სტანდარტული დოზებით არ შეუძლია.

შესაბამისად, პაციენტებისთვის ლანტიდრა გლუკოზის დონის შესანარჩუნებლად მნიშვნელოვანი იქნება.

„ჰიპოგლიკემიას მძიმე ფორმა ძალიან საშიშია. დაავადებამ შეიძლება გამოიწვიოს სერიოზული დაზიანებები გონების დაკარგვისა და კრუნჩხვების შედეგად”, – თქვა პიტერ მარკსმა, FDA-ის კვლევითი ცენტრის დირექტორმა.

მედიკამენტი დონორის ბეტა უჯრედების (ინსულინის სეკრეტორული უჯრედების) შეყვანით მოქმედებს.

FDA-ს თანახმად, პრეპარატის მეორე ინფუზია პირველ დოზაზე რეაგირების მიხედვით მოხდება.

ანალიტიკოსთა და მეცნიერთა დარბაზი ,,დოქტრინა”

სრულად ნახვა
კვლევებიმედიცინა

აღმოაჩინეს მოლეკულა, რომელიც ყველაზე საშიშ კიბოსაც კლავს

550 views on

ცოტა ხნის წინ, სწორი ნაწლავის კიბოს მქონე ადამიანების მცირე ჯგუფს დაავადებაზე უმკურნალეს. მათი დაავადება გაქრა და ამას ისინი ექსპერიმენტული მკურნალობის მეთოდს უნდა უმადლოდნენ. ინფორმაციას უცხოური მედია ავრცელებს. 

ეს იყო ძალიან მცირემასშტაბიანი კვლევა, რომელიც ჩატარდა ნიუ-იორკის კეტერინგის კიბოს ცენტრის ექიმების მიერ, სადაც პაციენტები ექვსი თვის განმავლობაში იღებდნენ წამალს, სახელად დოსტარლიმაბს. ცდის ბოლოს 16-მა პაციენტმა კიბო დაამარცხა.

ახლა, კიდევ ერთი გარღვევის მომსწრენი გავხდით. აღმოჩნდა, რომ ახალი ნაერთი, რომელიც სინთეზირებულია დოქტორ იუნგ-მო აჰნის, ტეხასის უნივერსიტეტის მკვლევრის მიერ, კლავს რთულად სამკურნალო კიბოს ფართო სპექტრს, მათ შორის სამმაგ ნეგატიურ ძუძუს კიბოს. ეს ყველაფერი ჯანსაღი უჯრედების დაუზიანებლად.

კვლევა, რომელიც ჩატარდა იზოლირებულ უჯრედებში და მოიცვა ადამიანების უჯრედებიც ჟურნალში Nature Cancer გამოქვეყნდა.

დოქტორი აჰნი უკვე წლებია მუშაობს მცირე მოლეკულებზე, რომლებიც უჯრედებზე ზემოქმედებას ახდენენ. აქამდე მან შეძლო და ასეთი მეთოდით შეიმუშავა პოტენციური თერაპიული ნაერთები მკერდის კიბოს და პროსტატის კიბოს სამკურნალოდ.

თავის ამჟამინდელ კვლევაში, აჰნმა და მისმა კოლეგებმა გამოცადეს მათ მიერ სინთეზირებული ახალი ნაერთი, სახელწოდებით ERX-41. ნაერთს სარძევე ჯირკვლის კიბოს უჯრედებზე უნდა ემოქმედა.

“ERX-41 ნაერთი არ კლავს ჯანსაღ უჯრედებს, მაგრამ ანადგურებს სიმსივნურ უჯრედებს, მიუხედავად იმისა, აქვთ თუ არა კიბოს უჯრედებს ესტროგენის რეცეპტორები. მეტიც, მან გაანადგურა სამმაგად უარყოფითი, ძუძუს კიბოს უჯრედები”, — ამბობს დოქტორი აჰნი.

კვლევამ აჩვენა, რომ ნაერთის ორგანიზმში მოხვედრის შემდეგ სიმსივნე დაპატარავებას იწყებს. საბოლოოდ მოლეკულამ შეძლო და კიბოს უჯრედები სრულად გაანადგურა.

მხოლოდ ეს არ არის: მკვლევრებმა დაადგინეს, რომ ERX-41 ეფექტურია სხვა ტიპის კიბოს წინააღმდეგ, მათ შორის პანკრეასის და საკვერცხის რთულად სამკურნალო კიბოსთან მიმართებაშიც. მეტიც, ის მუშაობს ტვინის კიბოს შემთხვევაშიც.

ამ ახალი მეთოდის შემქმნელების თქმით, ERX-41-ის კლინიკური კვლევები 2023 წლიდან დაიწყება. ეს კი ნიშნავს, რომ სულ მალე შეიძლება კიბოს მკურნალობის სრულიად ახალი და ეფექტიანი მეთოდი გვქონდეს.

ანალიტიკოსთა და მეცნიერთა დარბაზი ,,დოქტრინა”

სრულად ნახვა
კვლევებიმედიცინა

ცხვირის წვეთებმა, შეიძლება, ინსულტის შემდეგ პაციენტების ტვინის აღდგენას შეუწყოს ხელი

325 views on

მეცნიერებმა აჩვენეს, თუ როგორ შეძლო სპეციალურმა ცხვირის წვეთებმა, რომელიც  კონკრეტულ მოლეკულას შეიცავს, დახმარებოდა თაგვებს ინსულტის მავნე ბიოლოგიური შედეგებიდან გათავისუფლებასა და გამოჯანმრთელებაში.
წვეთებში მთავარი მოლეკულა არის კომპლემენტის პეპტიდი (ამინომჟავების ჯაჭვი) C3a, რომელიც უკვე ვიცით, რომ მნიშვნელოვან როლს ასრულებს ორგანიზმის იმუნურ სისტემაში, ასევე ტვინის განვითარებასა და პლასტიურობაში.
რაც ძალიან მნიშვნელოვანია, მედიკამენტი არ გამოიყენება მაშინვე, არამედ ინსულტიდან შვიდი დღის შემდეგ. ეს ნიშნავს, რომ ისინი, ვისაც დახმარებას ინსულტის შემდეგ დაუყოვნებლივ ვერ  უწევენ, მაინც იქნებიან დაცული ამ მდგომარეობის ყველაზე უარესი შედეგებისგან.
კვლევის ფარგლებში მეცნიერებმა თაგვებში ხელოვნურად გამოიწვიეს იშემიური ინსულტი, ყველაზე გავრცელებული ტიპის ინსულტი. თუმცა, ერთი კვირის შემდეგ, ცხვირის წვეთები დაეხმარა თაგვებს მოტორული ფუნქციის უფრო სწრაფად და სრულად აღდგენაში, პლაცებო ჯგუფთან შედარებით.
ახალი კვლევა ასევე გვაძლევს უკეთეს წარმოდგენას ტვინზე C3a-ს ეფექტის შესახებ. MRI სკანირებამ აჩვენა, რომ პეპტიდმა ხელი შეუწყო თაგვების ტვინში ნერვულ უჯრედებს შორის კავშირების რაოდენობის გაზრდას.
“ჩვენი შედეგები აჩვენებს, რომ C3a პეპტიდი გავლენას ახდენს ასტროციტების ფუნქციაზე – ეს არის უჯრედები, რომლებიც აკონტროლებენ ნერვული უჯრედების ბევრ ფუნქციას როგორც ჯანმრთელ, ასევე დაავადებულ ტვინში”, – განაცხადა გოტენბურგის უნივერსიტეტის ნეირომეცნიერმა მილოშ პეკნამ.
იშემიურ ინსულტს წელიწადში დაახლოებით 7,6 მილიონი ადამიანი განიცდის, აქედან ნახევარზე მეტს უვითარდება ფიზიკური ან ფსიქიკური აშლილობა, რის შედეგადაც ვითარდება: ხელის ან ფეხის თვითნებური მოძრაობის დაკარგვა, მეტყველების დარღვევა ან დეპრესიის პრობლემები და შფოთვა.
მკვლევარები განმარტავენ, რომ C3a პეპტიდიანმა ცხვირის წვეთებმა შეიძლება დიდი განსხვავება შეიტანოს ამ ციფრებში – თუმცა, მანამდე, აუცილებელია იმაში დარწმუნება, რომ მედიკამენტი ისეთივე ეფექტურია ადამიანებში, როგორც თაგვებში.
კვლევა სამეცნიერო ჟურნალ Journal of Clinical Investigation-ში გამოქვეყნდა.

წყარო : sciencealert.com

ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 … 4 5 6 7 8 … 82
Page 6 of 82