close

მედიცინა

მედიცინასაქართველო

AstraZeneca-ს ვაქცინა საქართველოშია

1.29K views on

კორონავირუსის საწინააღმდეგო ვაქცინა საქართველოშია. AstraZeneca-ს ვაქცინის 43 200 დოზა ქვეყანაში დღეს დილით შემოვიდა.

„ამ ეტაპისთვის UNICEF-ის მხრიდან მიღწეულია შეთანხმება AstraZeneca-სვაქცინის დაჩქარებულ მოწოდებაზე. მოწოდებული იქნება დათქმული რაოდენობა – 43 200 დოზა, რომელიც გადანაწილდება იმ პროტოკოლის შესაბამისად, რომელიც შემუშავებულია COVID-ის ვაქცინაციის საბჭოს მიერ“, – განაცხადა რამდენიმე დღის წინ გამართულ ბრიფინგზე ჯანდაცვის მინისტრმა ეკატერინე ტიკარაძემ.

მისივე თქმით, ვაქცინაციის პირველ ეტაპზე აიცრებიან ექიმები, შემდეგ კი დანარჩენი რისკ-ჯგუფები.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
მედიცინასამართალი

ავსტრალიაში COVID19-ის ვაქცინაციის საწინააღმდეგო აქციები იმართება

1.01K views on

ავსტრალიაში COVID19-ის საწინააღმდეგო  ვაქცინაციის საწინააღმდეგოდ მომიტინგეები ქუჩებში  გამოვიდნენ. საპროტესტო აქციებმა მოიცვა ავსტრალიის დიდი ქალაქები, მათ შორის, მელბურნი, სიდნეი და ბრიზბენი. მომიტინგეები ქუჩებში შემდეგი ლოზუნგებით მოძრაობენ: ,,ჩემი სხეული, ჩემი არჩევანი”.

ავსტრალიის ადგილობრივი მედია იუწყება, რომ აქციები მშვიდობიან რეჟიმში მიმდინარეობდა, მაგრამ მელბურნში პოლიციამ რამდენიმე მომიტინგე დააკავა.

მელბურნში მომიტინგეებსა და პოლიციას შორის შეტაკება მოხდა და პოლიციის მხრიდან გამოყენებულ იქნა წიწაკის სპრეი, რამდენიმე მათგანი კი დააკავეს. სიდნეის მიტინგზე სიტყვით გამოვიდა ყოფილი ავსტრალიელი შეფი პიტ ევანსი, რომელსაც სოციალურ ქსელებში აუკრძალეს COVID19-ის შესახებ დეზინფორმაციის გავრცელება.

ორშაბათს სახელმწიფო იწყებს მოსახლეობის ნაწილის ვაქცინაციას Pfizer-ის ვაქცინით. პირველ რიგში დაგეგმილია პრიორიტეტული ჯგუფების, მათ შორის, ჯანდაცვის სექტორში დასაქმებული ადამიანების(700 000 კაცი) და სხვათა ვაქცინაცია. საერთო ჯამში, მარტის თვის დასაწყისამდე იგეგმება 4 მილიონი ადამიანის ვაქცინაცია. ავსტრალიაში პანდემიის დაწყებიდან საერთო ჯამში დაინფიცირებულია 29 000, ხოლო გარდაცვლილია 909 ადამიანი.

წყარო: BBC

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
კვლევებიმედიცინა

კვლევა – „კოვიდ 19“-ის საწინააღმდეგო ვაქცინაციის შედეგად წარმოქმნილი ანტისხეულები დედის რძეში გადადის

1.64K views on

ამერიკელი მეცნიერების მიერ ჩატარებული ახალი კვლევის თანახმად, Pfizer –BioNTech-ისა და  Moderna-ს ვაქცინებით წარმოქმნილი „კოვიდ 19“-ის ანტისხეულები დედის რძეში გადადის, თუმცა, ჯერჯერობით უცნობია, რამდენხანს რჩება ანტისხეულები იქ.

ექვსმა ქალმა, რომლებსაც ახალშობილები ძუძუთ კვებაზე ჰყავდათ და რომლებიც Pfizer/BioNTech-ის ან Moderna-ს ვაქცინის ორივე დოზის გაკეთებას აპირებდნენ, მეცნიერებს ვაქცინაციამდე და ვაქცინაციის შემდეგ თავიანთი რძის ნიმუშები გადასცეს. ბოლო ნიმუში ვაქცინის მეორე დოზის გაკეთებიდან ორ კვირაში აიღეს. არცერთი აღნიშნული ქალი კორონავირუსით არ დაინფიცირებულა, ვაქცინის პირველი დოზის გაკეთებიდან ერთ კვირაში ყველა მათგანის რძეში ანტისხეულები აღმოჩნდა. მოგვიანებით ანტისხეულების დონე შემცირდა, მეორე დოზის გაკეთების შემდეგ კი მკვეთრად გაიზარდა.

აღმოჩნდა, რომ ორივე ვაქცინა თანაბრად ეფექტური იყო ანტისხეულების წარმოქმნის კუთხით.

კვლევის ავტორების განმარტებით, დედის რძეში ანტისხეულების საპასუხო რეაქციის ხანგრძლივობის, ისევე როგორც ახალშობილთა იმუნიტეტის სიძლიერისა და ხანგრძლივობის დასადგენად დამატებითი კვლევის ჩატარებაა საჭირო.

აღსანიშნავია, რომ კვლევა ონლაინ საიტ medRxiv-ზე გამოქვეყნდა და მისი განხილვა ან სამედიცინო ჟურნალში დაბეჭდვა ჯერჯერობით არ განხორციელებულა.

წყარო : reuters.com

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
მედიცინა

სიმღერა ან კივილი ცხვირის ტამპონის ნაცვლად – ჰოლანდიელი მეცნიერი კორონავირუსის დიაგნოზირების ახალ მეთოდს გვთავაზობს

994 views on

ჰოლანდიელმა გამომგონებელმა კორონავირუსის ინფექციის გამოსავლენად უფრო სწრაფი და მარტივი მეთოდი მოიფიქრა.

ცხვირის ტამპონის გამოყენებით უსიამოვნო პროცედურის ნაცვლად, პიტერ ვან უისი მონაწილეებს სპეციალურ კაბინაში შესვლას და იქ ყვირილს ან სიმღერას სთხოვს. ინდუსტრიული ჰაერის გამწმენდი  გამოყოფილ ნაწილაკებს აგროვებს, რის შემდეგაც ხდება მათი ანალიზი.

”თუ კორონავირუსი გაქვთ, ინფიცირებული ხართ და ყვირით, თქვენ ავრცელებთ ათიათასობით ნაწილაკს, რომელიც კორონავირუსს შეიცავს ”, – განაცხადა უისმა.

ვირუსის იდენტიფიცირება ნანომეტრის მასშტაბის ზომის მოწყობილობის გამოყენებით ხდება. პროცესს დაახლოებით 3 წუთი სჭირდება.

პიტერ ვან უისი აცხადებს, რომ მისი გამოგონება სასარგებლო იქნება კონცერტებზე, აეროპორტებში, სკოლებში ან ოფისებში.

ნიდერლანდების ჯანმრთელობის ეროვნული ინსტიტუტის განცხადებით, ისინი მიესალმებიან სწრაფ, მოქმედ ტესტს, რომელიც უტყუარია.

”მაგრამ როგორ მუშაობს ეს აპარატი – ამას ვერ შევაფასებთ, რადგან მის შესახებ ჯერჯერობით ძალიან ცოტა რამ ვიცით”, – აცხადებენ ორგანიზაციაში.

წყარო : reuters.com

მასალა მოამზადა : თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
გამოგონება - ინოვაციამედიცინა

შვეიცარიელმა მეცნიერებმა თვალის ბადურის იმპლანტი შექმნეს, რომელიც უსინათლოებს საგნების დანახვის საშუალებას მისცემს

1.3K views on

ლოზანის ფედერალური პოლიტექნიკური სკოლის მეცნიერებმა თვალის იმპლანტი შექმნეს, რომელიც უსინათლო ადამიანებს საგნების სილუეტის დანახვის საშუალებას მიცემს. ამის შესახებ გამოცემა EurekAlert-ი წერს.

მეცნიერები ამ პროექტზე 2015 წლიდან მუშაობდნენ. თვალის ბადურის იმპლანტი 10,5 ათასი ელექტროდისგან შედგება და ადამიანს გამოსახულებას ჭკვიანი სათვალის მეშვეობით გადასცემს. სათვალეში არსებული კამერა საგნის მოხაზულობას აფიქსირებს და მონაცემებს სათვალეშივე მოთავსებულ მიკროკომპიუტერს გადასცემს. სისტემა ინფორმაციას სინათლის სიგნალებად გარდაქმნის, რომლებიც იმპლატნში არსებულ ელექტროდებზე გადაიცემა. ისინი კი თავის მხრივ ბადურაზე აგზავნიან სიგნალს და ადამიანი გამოსახულების შავ-თეთრ, გამარტივებულ ვერსიას ხედავს, რომელიც სინათლის წერტილებისგან შედგება.

„თითქოს ღამე, ცაში ვარსკვლავებს უყურებთ და თანავარსკვლავედების ამოცნობა უნდა ისწავლოთ“, – ამბობენ იმპლანტის შემქმნელები.

იმპლანტი მოქნილი მასალისგან – გამჭვირვალე პოლიმერისგან მზადდება, რაც ოპერაციის დროს მასთან მუშაობას ამარტივებს. ტექნოლოგია ადამიანებზე ჯერ არ გამოუცდიათ, თუმცა ავტორები დარწმუნებულები არიან, რომ მათი იმპლანტი კლინიკური ტესტირებისთვის მზად არის.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
მედიცინასაქართველო

ძალიან მალე ქვეყანა იძულებული გახდება ხელახლა შემოიღოს შეზღუდვები

5.59K views on

თუ თქვენ არ ატარებთ პირბადეს, ძალიან მალე ქვეყანა იძულებული გახდება ხელახლა შემოიღოს შეზღუდვები,-ამის შესახებ თბილისის ინფექციური საავადმყოფოს დირექტორმა, თენგიზ ცერცვაძემ განაცხადა.

„მთავრობა ცდილობს, ოქროს ბალანსი იპოვოს. გაიაროს დანის პირზე, რომ შეზღუდვები მოხსნას იმდენად რომ არ მივიღოთ მესამე ტალღა, არ გავიმეოროთ ის შეცდომა, რაც მოხდა ზაფხულში და თან იმდენად მოხსნას, რომ ადამიანებს ცხოვრების საშუალება მიეცეს. ვიმედოვნებ, თვითშეზღუდვები მაინც დარჩება თუნდაც შარშანდელი გამოცდილებით, თავად მოსახლეობაც აღარ იქნება ისეთი თამამი. ძირითადი აქცენტი უნდა გადავიტანოთ ისეთი შეზღუდვების მოხსნაზე, რაც დაკავშირებულია ეკონომიკის გახსნასთან და ცხოვრების პირობების გაუმჯობესებასთან. მატება იქნება თუ მოსახლეობა ამ შეზღუდვების მოხსნის პარალელურად უარს იტყვის რეგულაციების შესრულებაზე, პირბადეების ტარებაზე. შეზღუდვები შეიძლება მოვხსნათ, მაგრამ პირბადე უნდა ვატაროთ. გამოიკვეთა საგანგაშო სიგნალები. როცა შემთხვევები ბევრი იყო და გვიჭირდა, პირბადის ტარების პროცენტი იყო 72, ერთ კვირაში ჩამოვიდა – 62 პროცენტი. ეს არის ყველაზე დიდი საფრთხე ქვეყნისთვის -პირბადის ტარებაზე და რეკომენდაციებზე უარის თქმა. მივმართავ მოსახლეობას, არ შეიძლება ერთი მხრივ, გინდოდეს და მთავრობას სთხოვდე შეზღუდვების მოხსნას და მეორე მხრივ, არ გინდოდეს პირბადის კეთება. გააცნობიერეთ, რომ ეს ორი რამე შეუთავსებელია. თუ გინდათ შეინარჩუნოთ მოხსნილი შეზღუდვები და ნორმალური ცხოვრება, უნდა ატაროთ პირბადე უფრო მეტად, ვიდრე ატარებდით. 90 პროცენტზე უნდა ავიდეთ. თუ თქვენ არ ატარებთ პირბადეს, ძალიან მალე ქვეყანა იძულებული გახდება ხელახლა შემოიღოს შეზღუდვები. კატეგორიულად გთხოვთ გამოიყენოთ პირბადე, როგორც დახურულ, ისე ღია სივრცეში და მაშინ შემთხვევების მატება არ იქნება, შესაბამისად, შევინარჩუნებთ გახსნილ ეკონომიკას და ცხოვრების უკეთეს პირობებს“, – განაცხადა ცერცვაძემ.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეს საინტერესოამედიცინა

კორონავირუსის კიდევ ერთი სიმპტომი – თმის ცვენა

973 views on

რა გავლენას ახდენს კორონავირუსი თმაზე – ამასთან დაკავშირებით ექიმი-დერმატოლოგი ნინო ლორთქიფანიძე, „იმედის დილის“ ეთერში საუბრობს.

„გამოჩნდა კავშირი თმის ცვენასა და კორონავირუსს შორის. მიუხედავად იმისა, რომ მიმდინარე ეპიდემიოლოგიური სიტუაციის გამო ხალხს ეშინია კლინიკაში მისვლის, ამის ფონზე მომართვიანობა საკმაოდ გაზრდილია“- ამბობს ექიმი ნინო ლორთქიფანიძე.

“თმის ცვენის ბევრი ფორმა არსებობს.კოვიდ ინფექციასთან დაკავშირებით გამოვლენილია დაავადება, რომელსაც დიფუზური ალოპეცია ეწოდება, რომლის დროსაც ზრდის ფაზიდან ცვენის ფაზაში გადადის თმა. ან დროს იმატებს თმის ცვენა და ნელნელა თხელდება თმის საფარი.

ამ შემთხვევაში მაპროვოცირებელი ფაქტორი არის: მძიმე ინფექციის გადატანა და სტრესი. კოვიდ გადატანილ პაციენტებს  2-4 თვეში უვითარდებათ აღნიშნული პრობლემა.

ექიმის განცხადებით მიმდინარე სიტუაციიდან გამომდინარე, დღეს ეს ყველაფერი ნორმააა. გადატანილი ინფექციიდან და მასთან დაკავშირებული სტრესიდან, 6-ს თვეში პროცესი უნდა ალაგდეს, წინააღმდეგ შემთხვევაში მკურნალობის სხვა მეთოდების ჩატარება გახდება საჭირო.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
კვლევებიმედიცინატექნოლოგიები

Apple აფრთხილებს მომხმარებლებს, რომ ტელეფონმა შეიძლება ხელი შეუშალოს სამედიცინო მოწყობილობების მუშაობას, მათ შორის, კარდიოსტიმულატორებს

1.09K views on

iPhone-ის მფლობელებისთვის მნიშვნელოვანი გაფრთხილება გამოქვეყნდა Apple-ის გვერდზე. კომპანია აფრთხილებს მომხმარებლებს, რომ iPhone შეიცავს ისეთ ნივთიერებებს, რომლებიც გამოსცემენ ელექტრომაგნიტურ ველებს, რაც ხელს უშლის სამედიცინო მოწყობილობების ნორმალურ ფუნქციონირებას, მაგალითად, კარდიოსტიმულატორებისა და დეფიბრილატორების.

შაბათს გამოქვეყნებულ განცხადებაში ნათქვამია, რომ iPhone 12-ის ოთხივე მოდელი უფრო მეტ მაგნიტს შეიცავს, ვიდრე ადრეული მოდელები, თუმცა ისიც ნათქვამია, რომ უფრო დიდ საფრთხეს არ წარმოადგენს სამედიცინო მოწყობილობებისთვის, ვიდრე iPhone-ის დანარჩენი ვერსიები.

Apple აცხადებს, რომ სამედიცინო მოწყობილობები შეიძლება შეიცავდეს სენსორებს, რომლებიც რეაგირებს რადიოტალღებზე. კომპანია ასევე რეკომენდაციას იძლევა iPhone-სა და MagSafe-ის ტელეფონის აქსესუარები განსაზღვრული მანძილით შორს დავიჭიროთ, ტელეფონი 6 დიუმი(15 სმ.), MagSafe–ის უსადენო დამტენის გამოყენებისას 15 დიუმი(37.5 სმ.).

,,Heart Rhythm Journal”– მა ამ თვის დასაწყისში გამოაქვეყნა მოხსენება, რომელშიც ხალხს აფრთხილებს, რომ ტელეფონი არ მოათავსონ პერანგის ჯიბეში. ”მიმართეთ თქვენს ექიმს და სამედიცინო მოწყობილობის მწარმოებელს ზუსტი ინფორმაციის მისაღებად, გჭირდებათ თუ არა თქვენ სამედიცინო აპარატსა და iPhone– ს თუ MagSafe– ის სხვა აქსესუარებს შორის უსაფრთხო მანძილის დაცვა”,- აცხადებს Apple.

წყარო: CNN

მასალა მოამზადა: ნინი ხეცურიანმა

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
მედიცინა

ჯანმო-მ AstraZeneca-ს ვაქცინა გადაუდებელი გამოყენებისთვის დაამტკიცა

700 views on

ჯანდაცვის მსოფლიო ორგანიზაციამ Oxford/AstraZeneca-ს მიერ შექმნილი კორონავირუსის საწინააღმდეგო ვაქცინა გადაუდებელ შემთხვევებში გამოყენებისთვის დაამტკიცა.

ეს იმას ნიშნავს, რომ მისი საშუალებით ვაქცინაციის დაწყება მთელი მსოფლიოს მასშტაბითაა შესაძლებელი და ასევე შესაძლებელია მისი ჩართვა Covax-ის პროგრამაში, რომლის მიზანი  ღარიბი ქვეყნებისთვის ვაქცინების მიწოდებაა.

„ახლა ყველა პირობა გვაქვს ვაქცინის სწრაფად გავრცელებისთვის, თუმცა ამისთვის ჯერ წარმოების გაზრდაა საჭირო,“- განაცხადა ჯანდაცვის მსოფლიო ორგანიზაციის ხელმძღვანელმა ტედროს ადჰანომ გებრეისუსმა.

რამდენიმე დღის წინ ჯანდაცვის მსოფლიო ორგანიზაციამ განაცხადა, რომ Oxford/AstraZeneca-ს ვაქცინა შეიძლება გამოყენებული იყოს 65 წელს ზემოთ ასაკის ადამიანებში, მიუხედავად იმისა, რომ ზოგიერთი ქვეყანა მისი მხოლოდ 65, ზოგი კი 55 წლის ქვემოთ ასაკის პირებში გამოყენების რეკომენდაციას იძლევა. უწყების ინფორმაციით, ვაქცინის ორ დოზას შორის გარკვეული პერიოდის დაცვა, რაც გაერთიანებული სამეფოს შემთხვევაში ხდება, მეტად ეფექტურს ხდის მას.

წინააღმდეგობა გამოიწვია ახალი შტამების მიმართ ნაკლები ეფექტურობის საკითხმა და განსჯის საგნად იქცა ის, თუ რამდენად მიზანშეწონილია მისი გამოყენება ასაკოვან მოსახლეობაში და რა ინტერვალით უნდა მოხდეს მეორე დოზის გაკეთება. დავის საფუძველი ის გახლავთ, რომ ამ ეტაპზე საკმარისი მონაცემები არ არსებობს. ჯანმრთელობის მსოფლიო ორგანიზაციის მიერ მოწვეულ ექსპერტთა სტრატეგიული საკონსულტაციო ჯგუფი, რომელიც იმუნიზაციასთან დაკავშირებულ საკითხებზე მსჯელობს, უკვე აანალიზებს დროის ჭრილში ვაქცინის შედეგების და ეფექტურობის მტკიცებულებებს. მისი შუალედური რეკომენდაციები ცხადყოფს, რომ ამ ვაქცინის ეფექტურობის მაჩვენებელი საერთო ჯამში 63 პროცენტია.

ოქსფორდის ვაქცინა შეფასებულია, როგორც „ვაქცინა მსოფლიოსთვის“ მისი დაბალი ფასის გამო, ასევე იმის გამო, რომ მისი განაწილება შედარებით ადვილია, ვინაიდან, ზოგიერთი კონკურენტისგან განსხვავებით, Oxford/AstraZeneca-ს შენახვა სტანდარტულ მაცივრებშია შესაძლებელი.

აღსანიშნავია, რომ დეკემბერში, გადაუდებელ შემთხვევებში გამოყენებისთვის ჯანმო-მ Pfizer/BioNTech-ის მიერ შექმნილი ვაქცინა დაამტკიცა.

წყარო : theguardian.com   , BBC

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
კვლევებიმედიცინა

ჯანმო AstraZeneca-ს ვაქცინის ყველა ასაკობრივ ჯგუფში გამოყენების რეკომენდაციას იძლევა

698 views on

Oxford/AstraZeneca-ს კორონავირუსის საწინააღმდეგო ვაქცინის სარგებელი აჭარბებს ყოველგვარ რისკს და აცრა რეკომენდებულია გამოყენებისთვის, მათ შორის 65 წელს ზემოთ ასაკის ადამიანებში, – ამის შესახებ ჯანდაცვის მსოფლიო ორგანიზაციის კომისიამ განაცხადა.

“იმუნიზაციის ექსპერტთა სტრატეგიულ მრჩეველთა ჯგუფი“ შუალედურ რეკომენდაციებში აცხადებს, რომ ვაქცინა უნდა გაკეთდეს ორ დოზად, პირველ და მეორე დოზებს შორის ინტერვალი კი დაახლოებით 8-12 კვირა უნდა იყოს.

მათივე მტკიცებით, მიუხედავად იმისა, რომ გაჩნდა კითხვები ვირუსის სამხრეთ აფრიკული ვარიანტის წინააღმდეგ ვაქცინის ეფექტურობასთან დაკავშირებით, არ არსებობს მიზეზი იმისთვის, რომ მისი გამოყენების რეკომენდაცია არ გაიცეს და შესაბამისად, კომისია ვაქცინით იმ ქვეყნების მოსახლეობის აცრის რეკომენდაციასაც იძლევა, რომლებიც კორონავირუსის ახალ ვარიანტებს ებრძვიან.

რამდენიმე ევროპულმა ქვეყანამ Oxford/AstraZeneca-ს ვაქცინის გამოყენებისთვის ასაკობრივი ზღვარი დააწესა და ამის მიზეზად ის დაასახელა, რომ ვაქცინის მოქმედების შესახებ სრულყოფილი მონაცემები ჯერჯერობით ყველა ასაკობრივ ჯგუფთან დაკავშირებით არ არსებობს. გერმანიამ, საფრანგეთმა, ავსტრიამ, ნორვეგიამ და პორტუგალიამ განაცხადეს, რომ ისინი AstraZeneca-ს კორონავირუსის საწინააღმდეგო ვაქცინით მხოლოდ 65 წლამდე ასაკის პირებს აცრიან. პოლონეთი ამ ვაქცინის 60 წლამდე, ესპანეთი და იტალია კი – 55 წლამდე მოქალაქეებში გამოყენების რეკომენდაციას იძლევიან.

წყარო : BBC

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 … 53 54 55 56 57 … 100
Page 55 of 100